ببيت العلي تحديداً بجناح رائد وفرح كان قاعد يطالعها واهو يشوف توترها وارتباكها فرح بارتباك واضح عليها: ااا رائد انا للحين م اعرفك، وابي فتره علما اتعود عليك، رائد فهمها، وارتاح بنفس الوقت، وقال بهدوء: لا تخافين م راح اغصبج على شي، راح نتعرف على بعض اكثر وبعدها خير فرح براحة وبحيا: مشكور شالت فراشها، وحطته ع الكنبه وتمددت واهي تتنفس بقوه من الجرأة اللي خلتها تقول هالكلام اما رائد حط راسه بالسرير ويحس براحة، يات منها ولا اضطر يسوي اي شي، غصب عنه راحت أفكاره لرزان، تنهد بتعب، ونام بعدها بدون لا يحس
ببيت الفارس دشت دانة راجعة من العرس، وقبل لا تدش غرفتهم، سمعت صوت ضحك، قربت من غرفه لمى وضغطت ع ايدها بقوه، كانت حاسة وشاكه ان معاها فون، بس الحين تأكدت، وتأكدت أكثر ان م راح تسكت عنها فجت الباب عليها بقووه، واهي تطالعها بغضب لمى ارتبكت وقطت الفون: خير شحقه داشه جذي دانة: من وين لج هالفون لمى: وانتي شكوو، ولية امري وانا مادري دانة: اظن ولي امر داخل، تبيني اروح اعلمه عشان يربيج لمى خافت بس سوت نفسها قويه: مالج شغل فيني دانة صرخت: انتي شفيج تبين تضيعين نفسج، وتقهرين اخوج، م تحسين لمى: خليه اهو بالأول يحس دانة: يحس بشنو هاا، هذا يزاه انه رباكم احسن تربيه وما قصر عليكم بشي، هذا يزاه انه صار لكم الاخو والأب والام لمى: اووه لا تقعدين تسوين لي محاضره الحين دانة مسكت ذراعها بعصبية: من وين لج هالفون ومنو قاعده تكلمين تحجي لمى واهي تنفض ذراعها: مالج شغل م تفهمين، طلعي برا دانة: اخوج داخل تعبان، بدل لا تروحين تطلين عليه وتشوفيه، مقضيتها مكالمات مادري مع منوو لمى بتأفف: ان شاء الله يموت وافتك دانة فجت عيونها، وطقتها طراخ وصرخت عليها: جججب وتدعين عليه بعد لمى امتلت عيونها دموع: مالج حق تمدين ايدج عليي، طلعي براا طلععععي طلعت دانة واهي تتنفس بعصبيه منها، مسحت ع ويهها تحاول تهدي نفسها، واهي منقهره حيل من هالبنت، اللي راح تضيع نفسها وتضيعهم معاها خذت نفس عميق، واهي مو عارفه شتسوي راحت لغرفتها اهي وفارس، فجت الباب بهدوء، ابتسمت بحنان واهي تشوفه نايم راحت، مسحت الميكب، وبدلت ملابسها ولبست
Oops! This image does not follow our content guidelines. To continue publishing, please remove it or upload a different image.
طلعت، صعدت ع السرير، قعدت تتأمله بحب، واهي م تبي اي شي يزعله او يعصبه، كافي اللي مر فيه قربت منه وباست راسه، بس شهقت بقوه واهي تحس بحرارته العاليه، حطت ايدها وتأكدت صج أن الحراره رجعت له ارتبكت وقامت بسرعه، قعدت يمه مسكت ايده: فارس حبيبي فارس مو قادر يبطل عينه قامت بسرعه واهي تسوي له كمادات، ودموعها تنزل فارس: امممم دانة؛ حبيبي قوم اخذك المستشفى فارس بهمس: انا بخير قعدت تسوي له كمادات، ليما حست ان الحراره بدت تنخفض قعدت طول الليل، وما نامت واهي تغير له الكمادات
