منقولة
#دنيتي_تغيرت💔✨
حلقه التامنه🌸
طلعنا كلنا برا لقينا شباب ماسكين هيثم وع يوسف ماسك عمر وبابا وع ابراهيم مصبين
هيثم..انا قتله موووضوع هذا يصكره لياااااا نوووور مش لعبببه عنده مش لعبه يااباااتي
بابا..هييييثم انا قرار وخذيته نور لو كان ماخذاها عمر ماهي مجوزه
عمر داهش..ي عمي انا فهمته وقتله مستحيل نسيبها بس هو مصكر راسه
هيثم بصوت عالي..تي اطلقوني عليه بس اطللقوني
فارس..يارا اهدى وفكنا من اهبال امتاعك
مهاب..خلاص ياهيثم ليش معارض وحتى البنت تبيه ليش مصبي في طريقهم
هيثم بحت في نور ووهيا خشت تجري لحوش لحقتها انا
"انا..تي كنك هربتي ي مطيوحه السعد
نور..معش نقدر نكمل معاه انا خليه يدور وحده أخرى انتي تشوفي في مشاكل بسببي
انا..لا لا اسكتي بس توا بابا يدوي مع هيثم
نور..اوووف مش عارفه ي انتي
انا..فكيني من ضعف امتاعك ازح كنك هبله تبي تضيعيه اخرى
نور..حتى عمر بروحه منرفزني مزال مابردت ناري
انا..باه ماتسيبيش انتي والله شاريك هو بس خليك شاده شويا وراك تضعفي
نور..حتى انا هكي قاعده
خش هيثم وكريم ومهاب وبابا..
بابا..انت امتى عمرك كسرت كلمتي وعليت صوتك
هيثم..باتي مش قصدي نكسر كلمتك انا
بابا..هااااا املا وكلامكم الي برا انا كلمه وعطيتها وعمر مش من توا حاكيلي بعد فسخه الخطبه بشهور جاء وقالي بنرد بس رفضت انا
نور منصدمه
هيثم..استغفرالله
مهاب..باه ي باتي يعني شنو الحل
بابا..عرسهم بعد العيد ومانش دايرن عرس في صاله يوم فاتحه يأخذها
نور..كيف هكي انا نبي عرس من حقي تهيالي
بابا..احكي مع عمر توا يقولك ليش
انا..اسسسس ي هبله ع مهم تاخذيه
نور..اووووف
مروه..جيعانه خربتو علينا الوكله
ماما..بس انقنه زر ياحاج تلاته في جرت بعضهم
مهاب..فرحي مزال عليه اسبوع انا خلاص هانت
مروه..وانا تلات اسابيع في وقت
نور..بعدين انا دبشي مزال قاعد ومش حنشري شي
بابا صبى..ديرو رايكم
هيثم..صبي هيا انتي
نسرين..مزال شويا حوسه
هيثم فنص فيها..كلمه هيا
ماما..عدي فكينا من حسه ي بنيتي
صبت نسرين ركبت وراه لشقتهم..
انا..هالعصبي السامط
ماما..عيب خيك أكبر منك
انا..ي ماما سامط هو شن دخله بنور حياته ولا حياتها
ماما..هو خايف عليها من حقه
انا كشخت..هيا تعرف مصلحتها
ماما..اسكتي ي جالطه توا خيتك مادوت حرف وانتي مااسكتي
انا..ماهو بقيتها فسخه وهبله
نور..اسكتي ياحيوانه انا م نحبش المشاكل
مهاب صبى..انقني تعبت اليوم بنخش ندوش ونعزق روحي ع سرير
انا..حتى انا تعبانه بكل
ماما..صبي وانتي ساكته مزال طشه مواعين يبن مسح
انا..هوووف قصه باهي
مروه..كنك ياكيمو ساكت
كريم..اه لا عادي بس نعسان شويا
نور..عدي ارقد باه
كريم..ناخذ سبسي ونخش نرقد
انا..اسمع بكرا نبو محلات مزال ماخذيت قفطان ع عرس
كريم..انتي ومن طالعه بكرا
انا..انا ونور وايه ولميس مروه عندها
كريم..باهي يصير خير
انا..تي لا قولي ياباهي ي لا كان هذا نكلم واحد من شباب
كريم..تي باهي قلنا عليك صداع كله انتي اززف
انا كشخت..بارد
خشينا لكوجينه وقعدنا نضمو..
