منقولة
#دنيتي_تغيرت💔✨
حلقه خمسين🌸
ف الصبح
فارس..ريااان انتي هيا نوضي وقت ع طيارتنا
فتحت عيوني
فارس..هيا وقت ازززف
انا..باهي صبح راهو
بحت فيا وطلع لقيت جيه متاعه مرتبه كيف م هيا عرفته راقد برا
صبيت نضمت السرير وطلعت لبستي وخشيت لحمام وتوضيت وطلعت صليت ولبست ومصبيه ع مرايا ندير ف مسكرا
خش عليا
فارس رافع حاجبه..امسحي البز الي ع وجك
انا..مش باين
فارس. قتللللك امسحححي الخرا
بحتت فيه وملاحي ارتخن قعد يبحت ف شكلي بعدها طلع قعدت نمسح ف مسكرا وخنقتني العبره
طلعت
انا بصوت واطي..هيا
مسك شنطه مني وبحت فيا شويا ونزل قدامي
عمر..صباح الخير
انا ابتسمت..صباح النور
عمر..هيا اركبو
فارس..انتعبوك ي طير
عمر..تي تعبك راحه يا راجل مابينش كلام هذا
ركبت فوق وحطو شناطي وطلعنا شور مطار قعدت شويا ورقدت لانه طريق طويله
فارس..يارا قصه المطار لعند لابرق
عمر..الله غالب يا الله اعتبرها دهوره
فارس..درس ترا ع محل
عمر..تبي حاجه
فارس..اها ناخذو حاجه حلوه طريق معش انتهت
برم عليا
فارس..رقدت
عمر..ريان سقمها
فارس..مع انه رقدت بدري هالعاده الي مستحيل تبطلها
عمر..طريق طويله يارا وهدرزه رجاله شن تبي تسمع
درس سياره عمر ونزل فارس فتح الباب الي تلايا وسقمني فطنتله وفتحت عيوني
انا..وصلنا
فارس قرن حواجبه..لالا ردي ارقدي
رقدت ع كرسي وغمضت عيوني شوي وجاء فارس
عمر..خلاص
فارس..اها
برم عليا
فارس..امسكي في زبادي شيشه وشكلاطه
مسكتها منه وكليت من حاجات وشويا وصلنا لمطار
عمر..توصلو بسلامه
فارس..انشاءالله؛؛خلاص اربح شويا وينادو ع راحلتنا
عمر..نتلاقوا ع خير
فارس..انشاء الله
قعدنا نراجو شويا وبعدها ركبنا ف طياره
انا..خليني تلا قزاز
فارس..باهي خشي
خشيت قمعزت وقمعز تلايا درت حزام وقعدت نبحت ف روشن
فارس بصوت هادي..نعسانه
هزيت راسي ب لالا
شويا وطارت بينا طياره قعدت نبحت ف سماء وساكته لين فارس حاط راسه ع كتفي
بحتت فيه لقيته واعي مسك ايدي زين وانا ضغطت عليها
الرجل لا يستطيع أن يكون قاسياً مع امراه يحبها❤
فارس بهمس..ريان
انا..قلبها
رفع رأسه وبحت فيا وانا ابتسمت
ف نفس الوقت
انا..اسفه
فارس..اسف
انا ضحكت..القلوب عند بعضها
فارس ابتسم..مانحكيلكش
قعدت نبحت في عيونه ومبتسم
فارس بصوت هادي..تزعليش مني باهي
انا..مش زعلانه وحتى انت تزعلش باهي
فارس..مش زعلان خلاص
رد حط راسه ع كتفي وماسك ف ايدي وانا حاطه دقني ع راسه قعدنا ساكتين لعند وصلنا وخذينا تاكسي وصلنا لعماره
انا..شقتنا هنا
فارس..اها ف دور تالت
مسك شنطه وركبنا لشقه
انا..مفرشه
فارس..اها املا بنقعدو ع زليز
انا..اها بس وجه الفراش ومخدات مانرقددش عليهن انا
فارس..نمشي نجيب
انا..باهي عدي علي م غيرت دبشي ورتبت شنطتنا
فارس ابتسم..باه
طلع فارس وانا برمت ع شقه ورتبت دبشنا ودوشت طلعت لبست بيجامه نفتح لباب
انا..جيت
فارس..تعالي امسكي جبت حاجات لشقه
انا..اها هات
خذيت منه اكياس وخشيت للمطبخ
فارس..انا بنخش ندوش ونرقد
انا..راجي نغير وجه الفراش بس
فارس..باه علي م دوشت
خش فارس يدوش وانا غيرت وجه الفراش ورتبت حاجات ف مطبخ وطلعت لميت شعري و رقدت"
