دنيتي تغيرت

الحلقة السادسة والثلاثون

منقولة
#دنيتي_تغيرت💔✨
حلقه سادسه وثلاثون🌸

"دكتوره..المدام امروها بخير بس انت عندك عقم
مراد رفع رأسه وقلبه دق بقوه..يعني مافيش علاج
دكتوره..للاسف ممكن ف بلاد برا تلاقى علاجك بس هنا لا
مراد بصوت واطي..شكراً
طلع من غرفه ومشيته مهزوزه ركب ف سياره وفونه قعد يرن قفله وقعد يسوق لين وصل لحوش خش لشقه
مروه..شن صار ي مراد احكي شنو في
مراد بصوت واطي..لمي دبشك ورقتك توصلك
مروه قلبها يدق بقوه..كيييف مش قلتلي انه مهما يكون فيا مش حتخلى عليا ليش رديت ف كلامك
مراد بصوت يرعش..لمي دبشك قتلك مانبيش نعاود
قمعز ع صالون وحط ايديه ع راسه ومنزله ويهز قمعزت قدامه مروه وترعش ودموعها ع خدودها
مروه..قوولي انا مانجيبش مراد احكي ليش تبي طلقني مش قلتلي مش حنسيبك مرراد مش مني والله ما مني انا
رفع رأسه
مراد بصوت عالي..انا الي عقيييم اناااا مااانقددرش نضلمك معايا بيييش تفهمي انتي بيش تفهمي
مروه بصوت واطي..العيال الي مش منك انا مانبيهمش انا راضيه بيك كيف م انت مش قلتلي مهما يكون فيك انا راضي حتى انا راضيه بيك
مراد..انا خذيت قراري مانبيش نضلمك معايا انتي مزالتي صغيره وتبي اعيال
قمعزت قدامه وخذت راسه وحطته ع صدرها
مروه دموعها ينزلن..الحياء الي مش معاك انا مانبيهش والعيال الي مش منك انا مانبيهمش مراد انا نحبك ماتحرمنيش منك ي مراد
مراد غمض عيونه زين..حتعذبي وقت تشوفي اي حد عنده عيل واي وحده حامل الحب مش كل حاجه
مروه..الحب تضحيه وانا نبي نضحي لاني نحبك
زاد مسك ف ضهرها ودموعه نزلن وهيا انهارت
مراد..ماتسيبنيش وراس مروه والله مانقدر نعيش بدونك انا والله نحبك والله
مروه تبكي..من قال نبي نسيبك مش حنسيبك وانا راضيه والله راضيه لا اعتراض ع حكمه
رفعتله راسه وخلت عينها ف عينه
مروه..تشوف ف عيوني هذينا مستحيل يشوفن الغيرك
مراد..ولا عيوني يشوفن غيرك
مسكت وجه بين ايديها وباست خده
مروه ابتسمت بشويا..نحبك وحنقعد نحبك طول عمري
حضنها بقوه وتنهد"

"انا..درت طاجين ونراجي فيك مطول انت
فارس..مش واجد حبيبي عندي كم شغل نديره ونروح
انا..باه تمام
صكرت منه وحطيت طاجين يتحمر أخرى وعديت لدار طلعت شورت ابيض فوق ركبه وتيشرت احمر ب اسود نص كم..عديت طلعت طاجين من كوشه وخشيت دوشت ع سريع ولبست ولفيت شعري فوق وبخيت عطري
فارس..ريونه حببيتي وينك
انا طلعت..جيت هيا خش غير علي ماحطيت
باسني ع خدي
فارس..مش حنطول عليك
انا..خوذ راحتك بيبي
حطيت غداء وصبيت قازوزه
فارس..اووووو طاجين صح بكل شكله
انا ابتسمت..اكيده لانه دايرته انا
فارس غمزلي..تعجبني ثقتك
انا..املا شنو كول كول
فارس..مزالتي مريضه انتي
انا..فارس عاد ماليش اسبوع كيف رميت يعني لازم اذكرني
مسك ايدي وباسها
فارس بصوت هادي..توا ربي يعوضنا ماتزعليش روحك
انا نزلت راسي وناكل..لا مش مزعلتها عادي
رفعلي راسي بيده وابتسم
فارس..لا مزعلتيها عارفك انا
انا..تبيني نضحك وخلاص اكيده بتوجعني هذا اول فرحه لنا
فارس..عسى أن تكرهو شيناً وهو خيراً لكم
انا ابتسمت..ونعم بالله
فارس..ايواه اضحكي لانه منضرك شين وانتي زعلانه
انا كشخت..قصدك هكي
فارس ابتسم..ايواه هكي
انا..عدي ي حانط انا سمحه كيف ما انا..وطلعتله لساني
فارس..راه نأكله هالسان الي ديما طالع
انا..تقدرش تقربني صقع عليك
مسك الكرسي امتاعي وكرني
انا..هييي تكسر الكرسي ي عبيط
قرب مني وجي وغمزلي وحرك راسه
فارس..نقدرش نبوسك يعني
انا..هئه تقربش ي فارس دنيتك طبيخه ومتلبز
فارس غمزلي..وكان قربت شن ديري
صبيت نجري وهو ورايا
فارس يضحك..تي وقفيييي
انا..اغسللل فمك قبللل
رن فوني
انا..خليك بعيد لين نرد اااه
فارس..بعدها حنرد ثاري راه
انا..عدي ي هبل
رديت ع فون
انا..ايوا كيمو
كريم..من نبدري نرن وينك ازف
انا..كنت نغسل ف مواعين
فارس رافع حاجبه..كنا نجربو ف بوسه الي بطبيخه
انا فنصت وماسكه ضحكتي
كريم..اها قتلك نبي رقم مها
انا..باه نشوفها ونرد عليك
كريم..اوكي نراجي فيك وماطوليش
انا..فهمنا ازح😑
كريم..وجك
صكرت من كريم وقرب مني فارس ومسك فمي
فارس..انا شن قلت ع كلام هذا ااه
انا..امممممم
دفيت ايده
انا..عليك توحش حول هكي
فارس..انا مش نبهتك ع كلام هذا
انا..باه نسيت حسيتني سبيت توا
فارس..بالك تبي تسبي ي فرخه
انا..حول نبي الحمام معش نقدر
طلعت من تحت ايديه وخشيت لحمام نجري
فارس يضحك..سيورك طالعه ي طشه
سمعته وقعدت نضحك قعدت شويا وطلعت لقيته راقد ع صالون بحت فيا ورد يبحت في Tv..صبيت قدامه وحطيت ايديا ف نصي
فارس..رياان حولي نبي نتفرج
طلقت شعري وقعدت نحرك فيه ايمين ويسار
انا..حبيبي
فارس..نبي نتفرج
انا..عيوني بحت فيا نبي نقول حاجه
فارس..مش فاضي بعدين الحاجه
انا..ي فاااااارس
فارس..ريان بلا ازعاج شنو هذا تقول عيل صغير
مديت فمي قدامي وجيت بنعدي مسك ايدي وكرني طحت عليه وشعري جاء ع وجي وجه ابتسم وحوله ليا بشويا ولف ايديه عليا وغمزلي
فارس..تنابشي انتي
انا..وانت داير روحك تشوفش فيا عاد
باس شفايفي بهدوء
انا..خلاص نبي نلم الحوسه اطلقني
فارس..ااااح امتى ينتهى هالعذاب
انا نضحك..حول ي هبل
طلقني وعديت نلم في مواعين ورنيت ع مها
انا..ايوا مهو
مها..هلا شنجو
انا..تمام وانتي ي عروستنا
مها..تمام قاعده
انا..قتلك كريم يبي يرقمك نعطيه له و لالا لا
مها..امممممم مشعارفه
انا..تعرفو خير
مها..باهي تمام عطيه له وخلاص
انا..اوكي هيا وجك يراجي فيا
صكرت منها ودزيت لرقم"