منقولة
#دنيتي_تغيرت💔✨
حلقه سابعه وسبعون🌸
"بعد مرور سنتين
انا..روووووااااد
رواد..نعم ياماما
انا..تعالى هنا يا حيوان وخلي اختك راقده فكني من هرجتها والا
رواد..والا تنحبس ف دارك يوم كامل حافظ كلامك راهو انا
انا فنصت..ياقليل ادب امشي من قدام وجي
خش فارس وجاه رواد يجري
رواد..بابا بابا بابا
فارس..هووووبا يابطل
انا..حبيبي جيت
فارس..اها ياعمري شنو غدانا
انا..رز بخلطه وكباب
خش عليا وباس خدي وباسني رواد وراه
فارس ضحك..الي نديرها انا ديرها انت ولا كيف
رواد..انا اسف
انا رفعت حواجبي..تغلط وتاسف ديما
مسك ف رقبتي
انا..تؤ رواااد رقبتي
رد باسني ع خدي
رواد..مامي حبيتي خلاص انا اسف عاد مش نجعزك
انا..خلاص امشي توا بعدين نحكوا انا وياك
رواد..باه
نزله فارس وقرب مني مسك خصري
فارس..كنه شن دار
انا..ينوض ف لين وانا كيف رقدتها وداير هرجه وقت جيت نهزب قالي حافظ كلامك انا
فارس..ههههه جالط الفرخ هذا
انا..بكللل
فارس..نخش ندوش وحطي باهي جيعان لاني
انا..حاضر ياعمري"
"حمادي..بس انا نحبك انتي ونبيك انتي
ارين..عيب كلام هذا ياحمادي عيب معش تقول هكي توا نحرش خالو هيثم فيك باهي وبعدين سيله تحبك وتبيك
حمادي..اعععع بارده انتي سمحه
ارين قعدت تبكي..توا نقولها لخالو باهي
عدت تجري وخبطت ف هيثم
هيثم..بشويش ياخالو كنك تجري هيييي كنك تبكي ياسمحه
نزل وشمرها
ارين..خالو قول لحمادي
هيثم..شن دايرلها ياحمادي
ارين..يقولي انا نحبك عيب كلام هذا قالت ماما عيييب
هيثم فنص ف حمادي..خش جوا انت توا نجيك
مشاء بيها عند درجاحه
هيثم..توا انا نضربه ومعش يقولك هكي باهي
ارين قعدت تبكي اكثر..لا حرام تضربش ياخالو انا نكذب عليك حرام
هيثم ابتسم..خلاص مش حنضربه بس كلام هذا بينا نحن باهي ومحد يعرف بيه
ارين..باه وعد هذا سر يعني
هيثم..اها سر وتوا عدي لماما يا حلوه
نزلت تجري وهيثم خش جوا لقى حمادي مقمعز ع دروج ويبكي
هيثم فنص..شنو كلام الي تقول فيه ومن وين متعلمه
حمادي..بابا تقولش لماما وعد انا معش نقوله ولا نحكي معاها بكل بكل
قمعز تلاه
هيثم..عليش تبكي توا انت راجل مايبكيش
حمادي..لا يبكي ع بنت الي يحبها نفس جود
هيثم..جود من يافرخ وشنو بنت الي يحبها هذي
حمادي مسح دموعه..هذا واحد ف مسلسل كان يبكي ع حبيبته جيهان
هيثم..صبي من تلا وجي يافرخ حب ماحب قال
صبى حمادي يجري من تلاه
هيثم..من توا حيهبلني هالفرخ"
"ع مغرب
ريتا..قيصووووو
قيص..تحكيش معايا معصب راه
ريتا حطت ايديها ف خصرها..تؤ ومن شنو
قيص..منك انتي
ريتا قربت وتمشي وتمايل ف مشيتها
قيص يبحت فيها من تحت لتحت قربت منه ومسكت ف رقبته
ريتا..حبيبي العصوبه ياعمري انت امس نعسانه انا واجد وحنعوضك ليله با احلى ليله ف حياتك ومش حتنساها
قيص..مانبيهش خلاص طارت نيه
ريتا..تؤ متاكد انت
قيص..اها
ريتا..امس جايبه معايا دسكات حلوات بكل ودايره سنابون الي تحبه وامممم ودايره دونات وعليها شكلاطه نوتيلا كنت عابيه ع جو حلو وليله حلوه بس خلاص انت ماتبيش وبحتت فيه شويا ونزلت عيونها ومدت فمها
قيص قعد يبحت فيها زين وقرب منها باس خدها
ريتا ابتسم..شنو رضيت
قيص..طيري ديري جوك يابت مش ماسك روحي راه
ريتا ضحكت..ههههههه عارفتك حبيبي الصقع
قيص ابتسم..طيييييري بسرعه
ريتا عدت تجري..اممممممواه نحبك بكل
قيص ضحك..غبيه"
