منقولة
#دنيتي_تغيرت💔✨
حلقه ثالثه واربعون🌸
"نضت الصبح نحس ف راسي دايخ مسكت الفون لقيتها ساعه 8 طلعت لقيته راقد ف دار لأخرى ع سرير فردي بحتت فيه وجبتله غطاء وغطيته
فارس فتح عيونه بصوت واطي..تعالي ارقدي معايا
مسك ايدي قعدت نبحت فيه
فارس..بعدين نتفاهمو
كرني ورقدني معاه وغطاني وحضني بقوه وانا رقدت طول من كثر م نعسانه وتعبانه حاسه روحي معش فطنت الا ساعه واحد نضت خشيت لحمام صليت ونزلت لوطه لقيته مش قاعد فتحت الباب لقيته مقمعز ويدخن فطلي وصبى بسرعه ودفني
فارس..خشيييي ازززف شن طلع دين امك
صكر لباب بقوه وطفى الدخان
فارس..تعرررضي ف رووحك انتي ولا كيف معش فهمتك انا معش فهمت انتي كنك شن في شن صاير معاك والله م مستاهل موضوع امس كبرتي القصه درتي شي من لا شي انتي كنك
بحتت فيه وقمعزت ع صالون وحطيت ايدي ع وجي وكاني نبي نوعي روحي
انا بصوت واطي..خلاص اسكت ساد مشاكل
فارس..انتتتتتي اديري ف دين ام المشاكل تنكدي ع هلي ازززف نعن بوك معيشه معاك بكل عليك يوم متن&$& من اولى
انا بديت نبكي..تييييي خلااااااص خلاااااص ساد وانت تذل وانت تعيط ساااااد راهو والله تعبانه انا ومريضه
تنهد وجاء قمعز تلايا ومسك وجي بيديه
فارس بصوت هادي..معش تبكي باهي انتي الي كبرتي الموضوع والله خلاص رينو والله م نتحمل دموعك انا انتي عارفه بطلي بكاء ازف
خذا راسي وحطه ع صدره وانا لفيت ايديا ع خصره
انا بصوت بيبي..خلينا نطلعو برا نبيش نقعد هنا انا
فارس..حاضر باهي صبى البسي وتعالي
انا..باهي
صبيت لبست وطلعت
فارس برم..تعالي هيا
مسك ايدي وطلعنا برا لفينا من جيها الي لاوره فاضيه كيف غابه قمعز ع وطى
فارس..قمعزي
قمعزت وسكتت
فارس..مفروض انا الي نعصب وتحاسبي علي درتيه
انا..درتش شي انا
فارس..ريان خلينا نحكوا بالهدوء انتي غلطانه لابسه وتبي تطلعي وين وين كنك فيش تحسي انتي عارفه الي كنتي تبي اديريه تبي تطلعي بدون اذني وف ليل اخرى
انا..عارفه انه غلط وعارفه انه حرام وعارفه من حقك تعصب عارفه والله بس انت كريتني بقوه
بحت فيا بقسوه وطيت عيوني
فارس..بيش تفهمي اني انا م مديتش ايدي انا كريتك نبيك ترقدي وعزقت التيشرت مش ضربه وبعدين انتي غلطانه وانا بعد تغلطي م نمدش ف ايدي وكم مره اديري ف حاجات غلط صاح ولا لا ونمشي فيهن
انا..اها صاح انا اسفه بس والله نحس ف جوي خارب وعارفه روحي غلطانه بكل وحتى اسلوبي كان مش حلو ومن حقك تعصب عليا وتزعل ولو كان تبي تعاقبني عادي اصلاً انا نستاهل
فارس ابتسم..مش معاقبك خلاص مسامحك انا بس معش تصرفي تصرفات بدون م تفكري فيهن لانه مره هذي مشيتها لكي مره آخرى مش حنمشيها بساهل راه
مسكت ايدها زين وتنهدت
انا..والله نحبك انا
فارس..نموت فيك ي نكديه نكدتي الجو مع انك كنتي لابسه لابس حلو ومغري
قربت منه وحطيت راسي ع كتفه
انا..فارس اسفه والله معش نعاودها
لف ايده ع ضهري
فارس..ريان انتبهي لكلامك وتصرفاتك والله م نبي نغلط ونندم بعدها
انا..كيف شنو تغلط مثلاً
فارس..نقولك كلام مش حلو ونوجعك وانا م نبيش نوصلو هكي تمام
انا هزيت راسي ب باه
فارس..وانتي عارفه بعد ننفصل انا م نكلمكش و لا نجي شورك صاح بس نحرمك مني
انا..خزززي عليك ي بارد عارفتك حتى من قبل درت هكي عاملتني معامله شينه بكل وانا نتحملهش منك
حضني اكثر وانا مسكت فيه زي البيبي
فارس..دلوعتي كنها جوها شين بكل حبيبي قوليلي كنك
انا ابتسمت..امك مش راضيه ع مشيه تنكدنا فيها
فارس رفع حاجبه..مش شورها امي عاد انتي نكدتي ع روحك عموماً بعدين البسي الروب الي امس..وغمزلي
انا ابتسمت..قصدك المشبك
فارس..م تخطريش عليا شكلك وانتي لابستيه جاي فيك حلو بكل وجسمك كله باين
انا نضحك..ي صايع معش تبحت ف جسمي عيب
قرب مني وباس فمي
فارس غمزلي..حلالي انتي
انا دخت..عش تقرب مني هنا
رد باسني اخرى بهدوء وماسك حنكي بيده
انا بصوت دايخ..خلاااص ي فارس نحن برا
مسك ضهري بقوه وجاء عند وذني
فارس بهمس..شدي روحك شويا ي بيبي
انا..خلينا نردو جوا
فارس غمزلي..وتلبسي الابيض
انا..توا نلبسه غير خلينا نخشو بس
فارس صبى ومدلي ايده..هيا خلينا نبرمو قبل
انا..لالا دبشي خفيف وصقع
فارس..اها صاح تعالي هيا
خشيت لحوش ولفه ايديا ع روحي
انا..ووووو صقع بكل برا
حضني من لاوره بقوه
فارس..وهكي مزال صقع
انا ابتسمت..مزال بكل متلجه
برمني له وكان لابس جاكه سوده جلد كبير خششت راسي من لوطه ولفيت ايديا ع خصره
فارس يضحك..ي مجرمه انتي
انا نضحك..صقع صقع بكل
لف ايديه عليا اكثر وشمرني من خصري
انا..وانت معايا م نبيش شي من دنيا كلها
جاء عند وذني
فارس بصوت هادي..انتي الهواء الي تنفس فيه
خش لدار وفتح لسوسته وطلعت
فارس يضحك وعض ع فمه..زي البيبي منضرك
انا..ماهو انا البيبي متاعك
قعد يلعب بشعري
فارس..البيبي امتاعي وحبيبي وعيوني وروحي وحياتي وكلهن انتي ملكي انا كلك ليا
انا ابتسمت..نموت عليك
حطيت لشنطه نفتح فيها وفارس حاضني
انا..خليني نطلع جاكه صقع
فارس..باهي طلعي جو مسقع
انا..اها بكل توا نمرض
فارس..نعدي نسكر رواشن ونجي
انا..باه"
