منقولة
#دنيتي_تغيرت💔✨
حلقه ثامنين والـآااخـــــيـــــــــــرهــه🌸"الجزء الأول من حلقه"
"قيص..تعال توا تعرف شن في
فارس..صكر صكر توا نجي هيي
صكرت من قيص وانا حاير وصلت لحوش خشيت كان مافيش حد ف جنان غير شباب وقابلتني ريان طالعه من الحوش وباين ع وجها الخوف
انا شفته غمضت عيوني زين وقربت منه بصوت واطي..فارس
فارس..شن في كنك وين قيص
انا..تعال نبيك
فارس..شنو في
كريت ايده ومشيت بيه من جيها لاخرى
فارس..شن في خوفتيني
انا قعدت نبكي ومش قادره نحكي
فارس..كنك شن في ليش تبكي من مزعلك
انا..اسسفه يا فارس اسفه
طلعت من جيبي تست ومديته له بحت فيا وفنص زين وانا حطيت ايدي ع عيوني
فارس..كيف قصدك حامل انتي ريان ردي عليا نحكي حولي ايديك نحكي انا
انا حولت ايديا..والله ناخذ ف مانع والله بدون ماوقفت عليه مش عارفه كيف صار هكي
فارس حط ايده ع جبهته..خلاص نحكوا ف الشقه انهى
انا..فارس
فارس بنته..خلااااص انهههى قلت صاح نتفاهمو ف الشقه
بحت فيا زين وخر عدا وانا مسحت دموعي وعديت خشيت جوا
نور..شن صار قتيله
انا..قتله ومنفصل عليا
نور..انتي مش ف شهر مرضتي خذيتي دواء ومضاد صاح
انا..اها
نور..بيكون منه يفشل المانع راه
انا..اووووف
نور..خلاص اهدي حاولي تفهميه بهدوء غريبه هو معارض يعني كنه
انا..عرفته ليش معارض ع سبه السفره
نور..معليش خلاص توا اهدى وحتى هو توا يهدا هيا نطلعو
طلعنا برا
ماما..وينكن
انا..كنا جوا
ماما..كنك شن في وجك اصفر
انا..ماما انا حامل
ماما ابتسمت..مشاءالله مبروك باه ليش زعلانه
انا..ماما فارس مايبيش وتوا قتله انفصل عليا
ماما..هيييي ليش كنه
انا..مش عارفه ياماما هو الي يبي مانع
ماما..وانتي سيبتي المانع بروحك
انا..لا ولله ماسيبتش يا ماما نور قالتلي ممكن بعد مرضتي وخذيتي دواء ومضاد فشل المانع
ماما..معليش حبيبتي ماتزعليش روحك توا هو يهدا وتحكي معاه
انا تنهدت..انشاء الله خير
ماما حطت ايدها ع بطني..ازعمك وليد ولا بنيه
انا ابتسمت..وليد انشاء الله
ماما..انشاء الله الي فيها خيره يجيبها لك ربي
انا..انشاء الله يا ماما
تعشينا كلنا وبدينا نلمو ف حوسه
فارس..نوررر
نور برمت..نعم
فارس..كلمي اختك
نور..باه حاضر هي
خشتلي نور وانا نلبس ف وشاحي
نور..فارس قالك هيا
انا..باه هي طالعه رواد اطلع البابا هيا
طلعت وانا ماسكه لين ف ايدي ورواد قدامي
انا..قيص وين فارس
قيص..برا ف سياره
انا..اها باه
طلعت ركبت ف سياره وهو ساكت لين وصلنا لحوش
انا..فارس حط لحم ف الفريز
بحت فيا وخش لمطبخ بدون ما يحكي
انا..اووف؛؛رواد خليك مكانك باهي علي ماغيرت لين ونجيك حبيبي
رواد..حاضر يا ماما
خشيت لدار سلحت وشاحي وغيرت لين شمرتها وقعدت نبوس فيها
انا..ياخيه حبيبتي انتي شنو نعسانه يا ماما
حطيتها ع سرير وقعدت نهز بيها لين رقدت وطلعت لرواد
انا..هيا رودي تعال ندوشو
رواد..الله دوش
خشيت بيه لحمام ودوشتله وطالعه شامرته ف غمري
انا نضحك..هههههه شنو عجبك الدوش
رواد..يهبل دافي هيا لدار نلبس
خشيت بيه وقعدت نغيرله
رواد..ماما ترقديني
انا..هيا باه
خشيت معاه ف سرير راقد ع ايدي هو يحكيلي وانا سارحه لين فطنت بيده تمسح في دموعي
رواد..ماما زعلانه كنك انتي ديما دموع هكي
انا..شي حبيبي انا نعسانه بس وعيوني دمعو
رواد..لالا انتي دموع من بابا صاح
انا ابتسمت..لالا مش دموع منه هو بابا مايزعلش فيا بس انا ناعسه حبيبي
رواد..باه ارقدي هيا بيش نرقد
خذيت ايده وحطيتها ع بطني
انا..رواد تفرح كان جاء بيبي
رواد ناض وبحت فيا..قصدك ف بيبي هنا
انا ابتسمت..اها
رواد..ماما نبي وليد نلعب معاه
انا..انشاء الله حبيبي هيا خلاص ارقد قعدت نلعب بشعره لين غفاء ورقد
وانا خشيت دوشت وطلعت خشيت لدار لقيت فارس فاتح الTv ويتفرج غيرت دبشي وخشيت تحت الورغان عطيته بضهر و دموعي ينزلن
شوي وحول الورغان وقرب مني حط ايده ع خدي
فارس بصوت هادي..ماتبكيش توا حتى البيبي يزعل يحس بيك اصلاً
فكيت الورغان وغطيت وجي
فارس..حبيبي حولي الورغان نحكوا
انا..فارس بنرقد
فارس..باه نحكوا قبل اسمعيني بس عارفك زعلتي مني بس خلي نوضحلك انا ليش رقتلي
حولت ورغان بقوه
انا..ها ليش رقتلك ليش خلاص مافيش داعي تبرر بكرا نمشو مستشفى ونطيحه شنو ساهله ولا حبوب من صيدليه
حط ايده ع فمي
فارس بصوت هادي..اششششش شنو كلام هذا كنك انتي من جدك تقولي هكي انا بس رقتلي نحسابك مسيبتيه بروحك المانع وبعدين ع سبه طياره وانتي عارفه شحوره حتتعبي معقوله انا مانبيش بيبي منك يا هبله وحتى لين حرام صغيره مزالت
قعدت نبكي
انا..باه شن ندير انا توا ماه كله منك انت
فارس قعد يضحك..يعني ع ساس ماتبيش انتي وقتها
انا..حول مزالت زعلانه منك
فارس..اسسسف حبيبتي خلاص ازعمك بنوته ولا وليد
انا..نعرفش
فارس..انتي الي قلتي لقيص ادير جو هذا كله
انا..اها لانه عارفتك حتعصب عليا وتزعلني طبعاً نخليك تعيش جو رعب قبل
فارس..ههههه هبله باه عمري والله انا اسف مش قصدي خلاص
انا تنهدت وسكتت
حط ايده وراء رقبتي وحطني ع صدره
فارس..خلاص الا زعلك حبيبي"
