منقولة
#دنيتي_تغيرت💔✨
حلقه واحد وثلاثون 🌸
"مها..ااااه
انا..كنك ماتبيش توافقي
مها..انصدمت بس يعني ليش اختارني انا
انا..وكنك انتي شن ناقصك مشاءالله عليك وخوذي وقتك وفكري ع مهلك
مها..انشاء الله
فارس حط ايده ع رقبتي وقعد يمشي ف صبعه..مسكت ايده وعضيتها
فارس..نعن شكلك ي فرخه
انا..باه مها حبيبتي نحكوا مره أخرى
مها..سلام
صكرت منها وبحتت ف فارس وفنصت..كر ايدي وخلاني تحته
فارس..مرررايف علييييك
انا ابتسمت..وانا مرايفه عليك
لفيت ايديا وراء رقبته وهو طبس عليا وباسني و فتحت بطم سوريا وووووو"
"ثاني يوم
هيثم..متاكده ي نينا
نسرين..حبيبي بنكذب عليك مثلاً
هيثم..مش هكي قصدي بس انا خايف عليك وخايف علي في بطنك نسرين انا نخاف عليك من هواء
نسرين..حبيبي انزل معايا وتأكد بروحك انه مش قاعد
هيثم..باه تمام بتعدي توا
نسرين..لا نكمل الي ف ايدي بس
هيثم..باه اوك مش مزال واجد اصلاً
نسرين..باه تلبس حمادي
هيثم..باه شن نطلعله
نسرين..عادي اي لبسه مش مهم
هيثم..تمام باه
خش لبس حمادي وجاء قمعز ع كرسي
هيثم..بعدين تبي تطلعي بدري
نسرين..مش عارفه نبي نهدرز مع خواتي و ماما
هيثم..باه براحتك قبل قلت نطلعو لجنينه ونشرو دبش لبيبي
نسرين..معليش حبيبي بكرا
هيثم..لا عادي عيوني اكيده مرايفه ع هلك
نسرين..اها بكرا؛خلاص كملت وبنعدي نلبس
هيثم..باه عدي وانا ننزل انا وحمادي ونسخن سياره
نسرين..مش حنطول
هيثم..تمام باه
نزل هو وحمادي
هيثم..خير ي امي كيف حالك
ماما..تمام الحمدالله كيف حال صحتك انت
هيثم..بخير خلاص بيفكولي الخياطه قريب
ماما..باه الحمد الله رد بالك من روحك مره اخرى
هيثم..انشاء الله؛هيا مع سلامه
ماما..متغدين عند هل نسرين
هيثم..اها
مهاب..هلا هيثم شنجو
هيثم..تمام وينك مختفي ي راجل
ماما..طول الوقت ف شقه ما ينزل بكل ولا يقول عندي امي
مهاب يضحك..والله ي امي مش ديما ف شقه نطلع نكسد مع اصحابي وشباب
ماما..انشاءالله يطلع هك
مهاب غمزلها..شن قصدك ي فطومه؛توا اليوم ننزل ونكسد معاك
ماما..لا ي باتي بالشحته مانبيها انا
مهاب..عيب عليك ي امي امس فطورنا كان هنا
ماما..نبصر عليك ي هبل غير نريدك تنزل تسهري معانا بس خيك اكرومه ديما مع قيص
مهاب..انشاء الله ي امي"
"مها تنهدت وماسكه وردتها بين ايديها..ماما حبيبتي انا متوتره وخايفه ناخذ قرار نندم عليه كريم شاب كويس بكل واي بنت تمنهى بس حاسه اني مش حنملك قلبه ياريتك معايا ي ماما ياريتك عايشه كان هذا حياتي مش هكي كان هذا حياتي احلى من هكي ماما انا تعبت والله تعبت كبرت قبل عمري والله تعبت انا ياريتني كيف اي بنت وقت تضايق تجي تشكي الي امها خاطري تكوني جنبي وقت نغلط توعيني ودافعي عليا حياتي عذاب وضلم وضرب ماما انا انحبك ليش خليتني بروحي لييش نتمنى كيف اي بنت امها تكون جنبها يوم عرسها ماما انا نتعذب والله تتعذب
صبت اميه لوردات ومسحت دموعها بصوبعها
زينب فتحت الباب..مهو حبيبتي
برمت مها وشافت زينب..تعالي خشي
قمعزت تلاها ومسكت ايديها
زينب..معش تبكي والله عيونك ضبلن من كثر البكاء ادعيلها برحمه انتي تعذبي فيها بدموعك؛تعالي اطلعي بابا يسأل عليك
مها..زينب انتي مش حاسه بشعوري توا وانشاءالله ماتحسيه زينب الأم مهمه في حياء الإنسان بذات البنت حتى لو كانت امك شنو اسمها امك حملت بيك تسع شهور وجابتك ع دنيا وسهرت عليك وتعبت معاك لين كبرتي..تنهدت بقوه وابتسمت
زينب..مها وافقي ع كريم مافيش حد يقدر يريحك كيفه والله باين انه شاريك والله وافقي بيش تريحي من العذاب الي عايشتيه
مها تنهدت وعيونها دموع..ولو كان اسوء انا شن اندير وقتها نطلق ع ساس سالم حيرحمني لو كان اطلقت
زينب..اسسس عليش تشائم توا انتي والله باين انه ولد حلال وكويس
مها..خو صاحبتي ونعرفه بس زمان كان يبي بنت عمه
زينب..مافيش شجره وماهبتها الريح انتي امس صليتي استخاره
مها..صليت وتريحت بس متردده مشعارفه اليوم حنصلي أخرى ونشوف وانشاء الله خير
زينب..عاجبك انتي الشاب باهي
مها ابتسمت..اها كان تشوفيه ي زيزي يهبل بكل وتحسيه شخصيه هكي وقفته وكلامه ونضره عيونه
زينب..ي رب الي فيها خيره يجيبها لكي؛وتوا صبي معايا خير م ماما تبدأ فينا
مها ضحكت..ينعليا امتى عمرها مابدت هيا صبي"
