منقولة
#دنيتي_تغيرت💔✨
حلقه ثالثه وستون🌸
"قيص..انتي كويسه
بحتت فيه وقعدت حاطه ايدي ع قلبي وتنفس بسرعه
قيص..تسمعي فيا
هزيت راسي ب اها وقعدت نمسح في دموعي
قيص نزل راسه..باهي خشي جوا
اذكرت روحي وخشيت جوا حطيت سفره لبنات وعديت لحمام قعدت نشم ف ايدي كان عالق فيها عطره غسلت وجي وقعدت نشم ف دبشي الي مختلط بريحه دخان والعطر تنهدت وطلعت لقيت نور تراجي فيا قدام لباب ومبتسمه
نور..صالحتو
بحتت فيها وسكتت
نور..كنت طالعه بنكملك لقيته معاك
انا..م صالحنش
نور..نحسابكم صالحتو
انا..م نبيش نتنكد اليوم خليني نفرح شويا
نور..باهي خلاص تعالي معايا هيا
مشيت انا وياها لمطبخ شويا وجو جت ايه كانت لابسه قفطان زرق ملكي ضبط ع جسم وكت ومن لاوره كله عريان كانت دايره ميك حلو بكل مبين ملامحها وشعرها ديرتله تسريحه بسيطه بكل
شويا وجو هل منصف قعدو طشه قعدنا نضيفو فيهم بعدها قالو بيخش منصف
خش منصف كان لابس سروال ابيض وسوريا بيضه وعليها جاكه كحليه رافع شعره فوق وراسم لحيته خش وبحت ف ايه وابتسم ع جنب
قرب منها وباس راسها
منصف بصوت هادي..احم مبروك علينا ي عيوني
ايه ابتسمت..الله يبارك فيك
قعد مصبي
ايه..قمعز
قمعزت هيا وياه وقعد ماسك ايدها زين شويا ورفعها وباسها
منصف..نحبك نحبك نحبك قد الدنيا كلها
ايه بصوت واطي..وانا نموت نموت نموت نموت فيك
منصف ضحك..تي نجك وخلاص قريب نروح بيك انا راه
ايه..اصبر شويا عاد الصبر كويس
قرب منها وحولها شعرها حط ع ضهرها وقرب من وذنها
منصف..ماهو طالعه سمحه شن ندير م نتحملش هكي
ايه بصوت واطي..تؤ ي منصف حول عيب عاد
منصف..معش تلعبي بمشاعري ي فرخه
ايه..نحبك راهو انا بكل بكل
منصف ابتسم..تيي ااحححح
جت اخت منصف ومدتلهم خواتم مسك ايدها ولابسها خاتم وباس ايدي
منصف..ربي يخليك ليا
ايه ابتسمت ومسكت ايده ولابساته الخاتم
هو طلع من جيبه سلسله فراشه ولابسها لها
منصف..خلاص بنطلع
ايه..لا لا راجي بنصورو كم صوره هكي
منصف..باه هيا بسرعه
جت لميس صورتهم كم لقطه وطلع منصف
نسرين..ينعليا جفاف كنك منكلب هكي
ايه تضحك..ديما منكلب هو
انا..خلوه عايش لحظته كنكن
نور..والله صدقت هو يوم تلبيسه وحده ف حياته خليه يهيج
مروه..انشاء الله بهناك
ايه..انشاء الله
ماريا..العرس قريب ولا مزال
ايه..بعد العيد
انا..نقعد انا واصله حدي
ايه..اها انتي حامل
نور..انا نجيب ف رمضان
ماريا..قصه ف رمضان تفطري
نور..نفكر فيها من توا بس نص رمضان مش رمضان كله
ماريا..قريب مش بعيد واجد
نور..اها قريب وكل م يقرب الموعد نخاف عمر يطمن فيا يقولي غير ف لحظتها وانا معاك بس نخاف لانهم توأم
نسرين..صاح غير ف لحظتها بس
مروه..انتي بنت وعيل وريان عيل
انا ابتسمت بشويا..اها عيل
ايه..شن تبو تسموه
انا بصوت واطي..م حكينش ف موضوع هذا مشعارفه
ايه..اها مزال بدري توا تحكوا فيه موضوع البيبي
بحتت فيها وسكتت"
