منقولة
#دنيتي_تغيرت💔✨
حلقه تاسعه واربعون🌸
كريم..مشاءالله ربي يحفظك
مها..احم شكراً
مسك ايدها زين ومبتسم بحت فيها
كريم..اطلقي روحك شويا كنك ترعشي هكي
مها ضحكت بشويا..لا عادي
كريم..قطوستي حافظك والله عارفك متوتره اهدي
مها ابتسمت..لازم من سماطه يعني
كريم..لازم اها بيش نشوف ضحكتك العسل
مها..تي كررريم خلاص ي بارد
كريم..خلاص سكتت خليك مكشخه
ضغطت ع ايده وبحتت فيه وابتسمت
كريم حرك حواجبه..شنو
مها..شي كنك
جتهم مصوراتيه وقعدت تصور فيهم وطفو الضي ولعو نار امتاع تورته وضويا صغيرات ع مسرح
مسك ايدها وصباها ولعت اغنيه
لقيتك زي م تمنيك وصلي داء انا لما بيك حسيت
عرفت ان حياء بدت كده لمسني من نضره قلبي هواك
وقلت انا لازم بقى معاه سنين عمري ملك الحب داء
عشاااانك مستعد اعمل حبيبي كتير
عشانك اي حاجه تهون مكاااااانك هو قلبي مليني فرحه بخير حنااانك عندي يسوى الكون
ف حبك مرت الاوقات بكد مش كلام حكايات
داء انا عنيا ليك متشوقه مدام احساسي ليه هدري
وانا جنبك حخاف منين من دنيا ماليش غيرك بقى
وصلو لتورته وقصورها مع بعضهم ومسكو شوكه مع بعضهم
مها ضحكت..انا ولا انت
كريم غمزلها مع بعضنا
مسك ايدها الي ماسكه الشوكه ورفعها وقربها من فمها وهيا فتحت فمها وقرب منها وكلى معاها
وبنات قلبنها عياط
مها وجها حمر..احمم احمم
خذا عصير وكانن فيه قصبتين قرب طاسه منها
كريم..اشربي
مها..كريم فكنا من حركات كنك ي انت
كريم..والله ماني داير حاجه غير هيا
مسك قصبه بيده وهيا قعدت تشرب وهو قرب منها وقعدت يشرب معاها بحت فيها وغمزلها وابتسم
ومصوراتيه تصور ف كل حركه
"نحن ع طاوله
ماريا..ينعليا كريم سبيلي جفاف
نور..هابا ي خيتي ورانا حوسه ف الحوش
انا..تذكري فينا ليش ماهو عارفينها
نور..ذكرهم ونكد عليهم
بحتت في ايه لقيتها حاطه ايدها ع خدها وتبحت فيهم
انا..ويه انتي ي حيوانه
ايه بحتت فيا..كنك شن تبي
انا..صبي صوريني نبي نصور
ايه..اها باه هاتي فونك
مديتلها الفون وقعدت تصور فيا"
"كريم..هيا نطلعو
مها..اممم باه هيا
ضغط ع ايدها وقعد يساعد فيها ف فيلو وبعد وصل عند دروج بحت فيها
كريم..ثقيل الفيلو
مها تكر فيه..اها شويا
قعد ينزل فيه معاها وماسك ايدها زين طلع بيها برا وأختها جابتله الكاب وهيا تبحت ف زينب
زينب..رد بالك من روحك
مها بصوت واطي..حاضر حتى انتي
قعدت تلبس فيها وطلع بيها كريم لسياره
ونحن قعدنا شويا وبدت صاله تفضى شويا بشويا لين قعدنا نحن بس
انا..من شاف ايه
نور..ف دار الي ف مسرح
ركبت فوق لمسرح وخشيت لدار لقيتها مقمعزه ع كرسي وحاطه ايدها ع وجها وتبكي قمعزت قدامها وحاطه ايديا ع افخادها
انا..ويه خلاص ماتبكيش
ايه..ياما حلمنا باليله هذي مع بعضنا
انا..نصيب خلاص ماتزعليش فيها خيره لكي اكيده
ايه تهز في راسها ب لالا..لا لا انا ودرته بيدي زي الهبله
انا تنهدت..عشاني خاطري تسكتي خلاص نصيب ي ايه عارفه انه كلامي مش حيهون عليك بس شوفي انا حتى انا كنت نحب علي وتوا تقوليلي فارس نقولك عيوني ووكل حياتي م نقدرش ننعيش بلاه مش شرط حب سنين بيش توفقي ف حياتك خلاص اسكتي معش تبكي باهي
مسحت دموعها ومديتلها عبايتها
انا..هيا صبي خلاص بنطلعو
مسكت عبايتها وصبت سقمت شكلها وانا مسكت عبايتي وطلعنا عند صاله انتضار
لميس..اهي جت
طبعا كان مغطي ع باب م شفتش من
انا..من الي بيروح بينا
كنا انا ولميس وايه واعميمه وباقي روحو
كرتني لميس من ايدي لقيت فارس مصبي لابس سروال كحلي وتيشرت ابيض ضابط ع عضلاته ورافع شعره فوق ولا بس ساعه وعطره قالب الدنيا
بحت فيا ورفع حواجبه وابتسم
انا..انت بتروح بينا
جت اعميمه
اعميمه..جيت ي فروسه
كر ايدي وخلاني تلاه ولف ايده ع ضهري
فارس..جيت اها توا نروح بيكم انا؛؛ايه صوره
انا بصوت واطي..فااارس فكنا عاد
زاد كرني اكثر وراسي ع صدره
فارس بصوت هادي..طالعه تحفه
ايه ابتسمت..ركز معايا عاد ع كاميرا
لميس..مش قادر يركز من الي قدامه
اعميمه..مشاءالله مشاءالله ربي يحفظكم غزلان يوم كلهن دون عليك وع رقصك
بحت فيا ورفع حاجبه وضغط ع خصري بقوه
فارس..انا شن قايل ع رقص
انا ابتسمت..حبيبي عاد
برمت بحتت فيه وغمزتله بحت فيا وابتسم وعض ع فمه وطبس عليا باس خدي وطلع انا حطيت ايدي ع خدي
لميس تضحك..لا هككي واجد عاد دق القوي
اعميمه..حتى هما عرسان عاد مزال
ايه مبتسمه..تعالي صورتكم صور يهبلن
لميس..ي خيه ي خيه عسل تهبلو
انا..ترا نشوفهن
شفت صورنا يهبلن بكل لبست عبايتي وشاحي وخمار
وطلعنا ركبت اعميمه من قدام ونحن من لاوره"
