منقولة
#دنيتي_تغيرت💔✨
حلقه ثامنه وعشرون🌸
"قربت أكثر لقيت البنت اسيل وكانت تضحك معاه
برمت لاوره وانا قلبي يبي يوقف معش حسيت بشي غير اني تميت نستفرغ ودموعي ينزلن..عديت نجري لعند شاليه وخشيت لحمام وانهرت..كيف هو واقف معاها كيف مش قادره نصدق عيوني مش قادره اصلاً مش متخيله فارس يخوني بكل كيف نبي نواجه كيف نبي نقوله انت تخون فيا..وكان طلع صاح شن يبي ندير وقتها بعد حبيييته بعد تعلقت فيه..وكان طلعت حامل شن بندير..كيف نصرف ياربي ي ياارب..صبيت قدام المرايه وقعدت نغسل ف وجي بقوه..فتحت الباب لقيت نور مصبيه قدام الباب"
"نور..كنك شن في ي ريان
هزيت راسي ب شي
برمتلي وجي لعندها وتبحت في عيوني
نور..ماتكذبيش عليا احكي شن صار
دموعي بدن ينزلن وساكته..غمضت عيوني بحرقه
نور..ماتخوفنيش عليك احكي شن في ي ريان
انا بصوت يدوب طالع..ولا شي مضايقه بس ي نور
نور..ماتكذبيش عليا نعرفك انا
قعدت نمسح ف دموعي..وخرت
انا..والله حنحكيلك بس توا مش حنقدر ي نور
نور تنهدت..براحتك مش حنضغط عليك
طلعت انا وياها برا لقيتهم كلهم قاعدين..جت عيني ف عين فارس وطيت عيوني وقمعزت مع بنات"
"مروه..وين كنتن
نور..جوا عليش كنك
مروه..نسال بس عادي..وشيرتلها عليا..نور درتلها حركه بفمها معناها مش عارفه..مروه هزت راسها ب اها
لميس..الله عليك جو وعليك هواء نضيف ودك غير تعيش هنا ي بنات
ايه..بكل ساد غير البحر بعد يقعد هادي
ملاك..نعدو ف ليل غادي ي بنات
نور..باه عادي تمام
ماما..تعالن ي بنات خوذن انصاصكن
مروه..توا نجيبهن انا شن تبن قازوه
لميس..توا انا نجي نصبها
صبن البنات وانا قاعده ساكته ونبحت في أرض
ايه..كنك ساكته ي رينو
رفعت راسي وبحتت فيها
انا بصوت واطي..لا شي بس تعبانه شويا
ملاك..خشي تريحي جوا باه
نور..لا خليك جو سمح هنا بعدين بنعدو للبحر
هزيت راسي وسكتت
مروه..هذا نصك انتي امسكي
ملاك..شكراً ي ميمي
مروه..وهذا نصك ي رينو
انا..لا مانبيش ماعنديش نيه
مروه..كنك ي بتي خوذي نصك
ع احلام..كنك ي رينو شن في كولي
انا..مانبيش ي اعميمه مش جعانه كان نبي توا ناخذ بعدين
ع احلام..هاتي توا ندسه لكي بعدين تاكليه
لميس..اووووو ع جو مرات ولدها عاد
ايه..هيا من زمان مكبده عليك يابال توا مرات فارس
صبيت من تلاهن وخشيت جوا نحس في نفسي يضايق فيا اكثر مش قادره نتنفس قمعزت فتحت Tv وانا عبره خنقتني ومانبيش ندوي"
"قيص..كول ي ص&$& وانت ساكت
كريم..غويت ف نصك انا مش شوري ازف
فارس..عطيه قرمه منه وفكنا من وجه
قيص..روح والله مانك ضايق منه حاجه
عمر..والله الا مفرخ هي هيثم صحلهم هذيما اثنين يبو تربايه
هيثم..غير عطوني شويا نصح ونرد نوريهم هيثم شن شكله
قيص.. ههههههه شكله اسمر وعيونه حمر من كثر الحشيش ولحيته منتفه
مهاب..تي اسكت ي عيل وانت حياتك كلها تشفيط امتى بتاخذ موضوع بجديا بس
قيص..والله متزعل روحك ي هوبه توا ناخذه بحنيا
عمر..ص&$& وف&$& من يوم يومك ي حيوان
كريم..ما هو تبيله تربايه كيف ماقلت ي عموره
عمر..عموره وانت معاه ي باتي تبيلكم طريحه بصوت سوادني
قيص..صوت سوداني يقول ي زول ي زول..وقعد يقلد ف صوت
مهاب..صبي خير مانصبي نشيلك بكف
عمر كان جنب فارس هزه بيده
عمر..كنك سارح شن في
فارس..لا مافي شي عادي
عمر..شكلك تاكلها انت وريان حتى هيا ماتعشتش وصبت خشت جوا
فارس..والله جديات توا نصبي شوفها لها كم مريضه اصلاً غير تعاند"
