منقولة
#دنيتي_تغيرت💔✨
حلقه رابعه وستون🌸
م فطنتش الروحي الا وانا ف مستشفى لقيت دكتور فوق راسي وممرضه تشوف ف تغذيه
دكتور..الحمدالله سلامه لابأس انشاء الله
انا بصوت واطي..م تشوف باس
دق الباب وخش عمر لابس البالطو الابيض
عمر..انشاءالله خير ي دكتور شن في
دكتور..خير انشاء الله بس نبضات القلب مش منتضمات ومش محافظه ع غذائها كويس وناقصات عندها فيتامينات
عمر بحت فيا وبحت ف دكتور..باه شكراً ي دكتور
دكتور..ولو واجبي ي دكتور عمر
عمر..امتى نقدرو نطلعوها
دكتور..تكمل تغذيه بس
عمر..اوكي
طلع دكتور وعمر سحب الكرسي وقمعز تلايا وانا حاطه ايدي ع عيوني
عمر..بحتي فيا هنا بنحكي انا
انا..عمر لو سمحت لو كان بتحكي ع موضوع الي كلكم بتحكوا فيه فاسكت خير انا مش متحمله
عمر..فارس ف طريق
حولت ايدي من عيوني وبحتت فيه
انا..من كلمه
عمر..من حقه يجي يشوف مراته
انا نبي نعلي صوتي وندوي مش قادره..من كلمه من
عمر..ردي مكانك بس واعره عليك
انا..عليش تكلم فيه عليش كلكم مصبين مع فارس عليش اه وهو الي غلطان مش انا
عمر..تريحي م تحكيش بس انتي خليني نحكي؛؛اولاً انا مش مصبي مع فارس بالعكس مصبي معاك انتي ريان انتي كيف اختي ايه وتعزي عليا واجد يعني قبل لا تكوني مرات فارس انتي بنت عمي والي داره فارس غلط بس ردي عليا عاجبك وضعكم هكي
انا..اها عجبني بعد كسرني وهان كرامتي بتقولي يحبك شن شكله الحب الي يخليك تذل حبيبك اه وريه ليا ي عمر افهمني حاسه ف حاجه نكسرت مش حترد تي هو اصلاً حتى اعتذار م كلفش روحه فيه
عمر..عليش تقولي هكي توا مش لهدرجه حاجه نكسرت بينكم بيش معش تردو شوفيني انا ونور شوفي الي صار بينا أكبر بواجد بالي صارلكم الي يحب يسامح ي ريان نور بعد كله الي درته فيها سامحتني صاح خذت وقت بس كنت عارف انه من جوا مسامحتني
انا بصوت مخنوق..حتى انا نبي وقت لاني عارفه كان نرد توا حنقعدو ف مشاكل الي صارن
عمر مسح ع لحيته..ع راحتك بس انا خويا ونعرفه نادم ع الي داره بس مش معترف مايبيش يحكي لانه رقتله منك واجد بعد طلعتي من دون علمه
انا..بس..
سمعنا صوت هرجه برا
عمر صبى..شكله جاء
قلبي قعد يدق بقوه وصوت القلب يدير ف صوت حاطه ايدي ع قلبي وتنفس بسرعه
برم عليا عمر
عمر..ريان تسمعي فيا رياان
قعدت بنعرف ايدي وبندوي ونحس ف نفسي ينقطع
انا بصوت واطي وداهش..بنموت خلاص
طلع عمر يجري
عمر بصوت عالي..العنااايه بسرعه العنايه
خش دكتور وقعد يشوف ف جهاز وعمر تلاه طلعوني من غرفه واخرى حاجه شفتها فارس وهو ماسك ايدي
فارس بصوت واطي وفيه نبره الحزن..ريان معاك انا ي عمري ريان رد بالك اه نراجي فيك انا
معش نندري ع شي بعدها
هيثم مسك فارس من دبشه..اطلع برا انت برررا الي اختي فيه بسببك
فارس..هيثم حول ايديك
هيثم..اطلللع اطلللع برا عليش جاي عليش
كريم..هيثم وسع بالك بس شويا أطلقه
ماما مقمعزه ع كرسي وتبكي ومهاب قاعد معاها
ماما..حي عليا بنتي بتريح من بين ايديا حي عليا انا
مهاب..ي امي اسكتي بس توا يطلع عمر ويطمنا
ماما..راحت من بين ايديا البنت
فارس..اطلوع من هنا مش طالع انا
ودف هيثم بقوه وتباعد من عليهم قمعز ع كرسي وحاط ايديه ع راسه ويهز ف كراعه بقوه
هيثم..معش تحلم ي فارس نجوم سماء اقربلك سمعت
فارس غمض عيونه زين وقعد يذكر ف شكلي وهما طالعين بيا
قعدو يراجو نص ساعه وطلع عمر"
