منقولة
#دنيتي_تغيرت💔✨
حلقه ستون🌸
انا..بسهوله هذي
فارس..كيف يعني
انا..كلامي واضح مش قلت الي عندك خلاص حتى انا قلت الي عندي مش مروحه معاك
فارس..كيف هكي
انا..هنت عليك وجبتني خلاص يبقى حطيتني عند هلي وقلت بيش نتربا خلاص نقعد كيف ماتبي
فارس صبى وبحت فيا..وانا قتلك روحي معايا
انا صبيت..وانا مانبيش
فارس..انتي مزالتي زعلانه مني عارفك بس انا معصب كنت
انا..معصب اوكي بس انت كبرت الموضوع لدرجه مديت ايدي عليا يا فارس
فارس..خلينا نحكوا ف الحوش ونتفاهمو
انا..تفاهم مع هلي مش معايا
وطلعت وسيبته خشيت جوا وقمعزت ع صالون وحطيت ايديا ع وجي وقعدت نبكي وماما تبحت فيا وساكته صبيت خشيت لدار وسكرتها"
"اعميمه..ينعليا ي بختي الاسود انت
فارس..امي ازف راسي والله ماني متحمل
ايه..تبي بندول
فارس..ديري فيا خير مدي
اعميمه..توا شن يصير باهي
فارس..مايصير شي خلاص مش بتقعد خليها عند هلها توا تجي بروحها
اعميمه..كيف تجي بروحها هذي كنك بتخرب بيتك انت
فارس..امي انا عديتلها واعتذرت هيا مصكر راسها خليها انا مشى معش نمشيلها
شرب ميه وصبى طلع برا يدخن
قيص..شن صار
فارس..ماصار شي
مع طلعت مهاب
مهاب..خير
قيص..خيرات
مهاب..شن في
قيص..شنو
مهاب..نحكيلك انت اوووي
فارس..شوري
مهاب..اها شورك شن في
وهزله برأسه
فارس..مافي شي جو تمام
مهاب..كنت عندنا قالو
فارس..اها
مهاب..انشاء الله خير بس مانبيش نضلمك
قيص..نبيك يا مهاب شويا
بحتت فيه فارس وهز راسه وطلع"
"نور..كح كح ااه ككككح
طلع عمر من دار وماسك بخاخ
عمر..امسكي
مسكتها وقعدت ادير فيها
نور..اوووف من نبدري وانا نكح مش قادره نخش نجيبها
عمر..ساهله ي روحي
نور..تبي فطور
عمر..لالا فطور شن دوته ساعه 1
نور..مرات تقعد جيعان
رفع مغطه ع طنجره
عمر..شن الغداء هو
نور..رز باشورما
عمر..اها باه؛؛قتلك تعدي اليوم لحوش هلك
نور..عليش
عمر..ريان قاعده غادي عدي شوفيها
نور..عليش قاعده غادي
عمر..شوفيها متعاركه مع فارس وحاطها غادي
نور..انشاءالله هييي مدلي فوني ترا نشوفها
عمر..معش قادره تحركي بكل انتي
نور..فروخك متعببن ماهو
عمر ضحك..توا قعدو فروخ مش كانو اعيالك
حطت ايديها وراء ضهرها وتحركت يمين ويسار
نور..بطني كبيره واجد م تقولش ف الخامس
عمر ابتسم..نجك نجك تهبلي انتي وبطنك
نور..تي جيييب تلفون
عمر..باه وطى صوتك هرجتك واجد رايحه
قمعزت ع كرسي وحاطه ايدها ع بطنها وتراجي ف عمر
عمر..تفضلي
نور..شكراً يا بيبي
مسكت الفون وقعدت ترن عليا يعطي فيها مقفل
نور..يييي مقفل وكان رنيت ع ماما اكيده مش عارفه مش حكايتلها خليني نعدي نتأكد بروحي
قمعز عمر مقابلها وحط راسه ع بطنها
نور ضحكت..كنك
عمر..اسسس قاعدين يهدرزو نسمع فيهم
نور حطت ايدها ع شعره وتلعب بيه
نور..شن يقولو باهي
عمر..مش عارفه هدرزه وخلاص
باس بطنها وخر
نور..حبيبي طلعلي دبش من غساله
عمر..يييي ي نور وانتي متعبه روحك واجد
نور..بعد خطرها بعد بكرا عندي موعد بنعرفو جنسهم
عمر..مش ناسي يا عيوني
نور..نجك ليا
عمر..بوسه بس
قربت منه وباست فمه بشويا
نور..عمر ساعدني نصبي بس وعدي بعدها
مسك ايدها وصباها
عمر..نمشي نطلعلك الدبش
نور..باه"
