منقولة
#دنيتي_تغيرت💔✨"الجزء الثاني من حلقه"
عمر..لا شنو تجي وتشوفي مكان مستحيل اصلاً نخليك
نور..اااه الحمدالله ربي ردك ليا طيب
عمر حضنها وباس راسها..يا عمري يخليك ليا
نور..رايفت عليك بكلل
عمر وخر وباس فمها..وانا رايفت عليك
نور ابتسمت..انحبك
عمر..نموت فيك
نور مبتسمه ومنزله راسها عمر حط ايده تحت راسها ورفعه
عمر..شنو حبيبي
نور بصوت هادي..مرااايفه
عمر كرها عنده..ربي مايبعدنا ع بعضنا
نور مسكت في رقبته ونزلاته معاها ع سرير
عمر ضحك..ينعليا من المرايف
باس فمها ونزل سوستتها وهيا منسجمه وتضحك
ووووووو"
"روحت لشقه وحاسه روحي تاعبه
فارس..شنو تعبانه واجد
انا..بكل حبيبي
فارس..خلاص خشي تريحي نرقد رواد ونجيك انا باهي
انا..باه تريحني والله بندير دوش دافي
خشيت لدار طلعت روب حوش لونه بيج هاادي
وخشيت ندوش طلعت لدار قمعزت ع كرسي وندهن ف جسمي بالوشن ودرت بودره وعطر ولبست ولافه شعري بالمنشف
طلعت لصاله لقيت فارس راقد ع صالون
فارس..صحه حبيبي شنو تريحتي بدوش توا
جيت قمعزت تلاه
انا..اها تريحت توا شويا تعبت غادي شوي
فارس..تعالي قمعزي تلايا
قمعزت تلاه وهو راقد
فارس..ريحي روحك معش تعبي روحك وأجد وماتعدليش ع حد نحن شهر وماشين لتركيا خلاص
انا عيوني دمعو..خلاص يعني
فارس ناض ومسك ايدي..خلاص اها بس مستحيل ننقطعو كل سنه نجو هنا والله ماديما نقعدو غادي
انا..مزال ماقلتش حتى الماما انا
فارس..خوتك عندهم علم
انا تنهدت..عسى أن تكرهوا شيئا وهو خير لكم
فارس..ونعم بالله مش حتحسي بالغربه معايا انا امك وباتك واختك وخوك وراجلك وحبيبك
انا ابتسمت وحضنته..ونسيت اهم حاجه صديقي
فارس باس كتفي..وصديقك ماعمرك ماتخافي وانتي معايا مش انا امان لكي
انا..طبعاً انت الامان بالنسبه ليا
فارس تنهد..نحبك بكل
زدت حضنته وقعدت ساكته
فارس يمشي ف ايده ع ضهري وساكت لين رخيت روحي شويا وخرت وحطيت ايديا ع وجه ونمشي ف صوابعي ع لحيته
انا..يعني البيبي بيجي تركي
فارس ابتسم..اها حياخذ جنسيه
انا..ربي يحميكم ليا ويخليكم فارس بطن هذي واستوب كم سنه
فارس..كم يعني هك
انا..تلات سنين هكي نقعد تريحت من جو العيال شويا ورواد كبر خش مدرسه ولين كبيره وبيبي جديد شد روحه شويا
فارس..كان بنت رنيم شن رايك
انا ابتسمت..حلو وكان عيل محمد عادي حبيبي
فارس..اكيده يا عمري وتسالي فيا أخرى كنت بنقولك بس قلت خليك دابين فرحانه توا
انا..نجك ليا حبيبي شكراً
فارس باس خدي..معش تشكريني يا هبله
انا..لانك تفرح فيا واجد وماتحملش فيا شي وتخاف عليا
فارس مبتسم ويبحت فيا بنضره حلوه..ديما نحب نسمع كلامك هكي يعني وقت تحكي ع اني كيف نحبك يعني انا من كثر حبي لكي مش مركز ع تصرفاتي يعني نحس كانه حد غريب هو انا هكي ولا تجاملي
انا..نجامل شنو امتى عمري جاملتك انا حتى بعد صارت بينا مشكله مع اني مانحبش نذكرها بس بعد صالحنا حكيتلك ع تصرفات الي درتهن وحركاتك يعني انا ماعمريش جاملتك
فارس بصوت هادي..اسف ع الي صار واسف كان زعلتك ف يوم
انا..الي صار صار توا واهم حاجه توا شنو نحن
وقربت بست فمه وخرت
فارس..نحبك ياعاقله انتي
ورد باسني ع فمي
انا..حبيبي تمشطلي شعري جبت مشطه وقعدت نهدرز
فارس..ابرمي هي
برمت وحولت منشف وقعد يمشطلي ويحكي
فارس..رد بالك تقصيه رد بالك يهبل طوله قعد
انا..بس حبيبي بحت طوله قعد واجد بكل يتعب فيا بكل
فارس..ممنوع القص عندي تمشي الكوافيرة تلعبلك فيه وتجيني تبكي وانا ماعنديش روح مع دموعك نزمطها ونسكت
انا..ههههه باه انت تقصه ليا توا طشونه هكي
فارس..لا فكيني
انا..غير هيا حبيبي انت كريم توا مسرع مايطول
فارس..هههه باه هيا
صبيت جبتله المقص وقصلي منه طشه
انا..هكي ارحم شوي
فارس..شوفيه مساوي
انا صبيت ع مرايه البوفي وشفته..اهم حبيبي مساوي بكل
قعد نهز ف شعري ونضحك
فارس يضحك..تعالي يا هبله
قربت منه وقعدت نبحت فيه وجايبه شعري كله ع جنب
فارس ابتسم..شنو
انا..شي نحبك بس
كرني لصدره ويبوس ف رقبتي بشويا وانا ايدي ع صدره وايد لاخرى ع رقبته
انا بصوت واطي..فارس
فارس..همم
انا..بشويش حبيبي حندوخ راه
فارس بصوت هادي..حبيبي رخى روحك منك ديما هكي ارخى شويا
انا..حبيبي نعدو لدارنا خير
فارس وخر..هيا
صبى ومدلي ايده مسكت فيه قعدت نمشي وهو حاط ايده ع كتوفي"
