منقولة
#دنيتي_تغيرت💔✨
حلقه سبعون🌸
"نسرين بصوت واطي..خلاص ولا كاني دويت عليش عصبت هكي تمام بس اهدى
حمادي ناض يبكي مفجوع من اعياطهم
هيثم تعصب..صبي لمي الدنيا ازززف حتى غداء م تهنو الواحد عليه
نسرين صبت وتمت تلم ف حاجات ودموعها ينزلن وحمادي يعيط
نسرين..خلااااص اسككت اسكككت
لمت صفره وخشت لمطبخ وتبكي وحمادي وراها يبكي
نسرين..ناقصتك انا اصلاً اطلع امشي لدارك
حمادي يبكي ويشهق..نبي اءءامي اءءنا
نسرين تنرفزت وضاربته كف بقوه
وحمادي زاد يبكي بصوت عالي خش عليها هيثم يفنص
هيثم..شن درتي للعيل انتي
نسرين خافت من عصبيته وحمادي مسك ف كراع هيثم
هيثم بصوت عالي..شنننن درتيله ضربتيه صاااح ضربتيه
نسرين تبكي وساكته قرب منها هيثم ومسك ايدها من مرفقها
هيثم..من قالك مدي ايدك ازف طفل صغير انتي كنك ع سبه قلت لا تفشي غلك فيه اااه
زاد ضغط ع ايدها
نسرين...ايييي ي هيثم كنك انت باه خلاص حول نحس فيها ايدي هذي
هيثم اذكر انه ايديها كانت مكسوره من قبل رخى عليها وفنص
هيثم يبحت ف نسرين..تعالي ي حمادي
رفع حمادي وطلع وسيها
هيثم من برا صاله بصوت عالي..لمممممي دنيا ازف انا شن قلت"
"انا..بنخش ندوش
اعميمه..وين دوشي انتي نافس
انا..حاسه روحي محمظه مع اني خشيت درت جسمي شويا
ماما..باه ديري شعرك بروحه وجسمك بروحه
انا..اها والله حاسه روحي بكل
ماما..كان بتخشي خشي بس مطوليش غداء شوي ويطيب
انا..باه ردو بالكم من رواد قاعد واعي
اعميمه..توا نقعد عليه انا
انا..باه تمام
خشيت لحمام درت اموري وطلعت لقيت فارس راقد ع سرير وحاط رواد تلاه ويلعب عليه
فارس..صحه ي عيوني
انا..سلمك ي عمري
نشفت شعري وقمعزت نمشط فيه وجيت ع سرير مسك ايدي فارس بحتت فيه وهو ابتسم
فارس..نحبك راهو
انا بصوت واطي..حتى انا عرم بكل
باس ايدي وانا حطيت راسي ع صدره وشميت تيشرته وتنهدت
فارس..شنو
انا..نحبك نحبببك نحبببك والله ورايفت ع رقده هذي
فارس قعد يمشي في ايده ع شعري وساكت نسمع ف نفسه و قلبه يزد يدق
رفعت روحي وخليت راسي ع رقبته وبستها بشويا
فارس بصوت هادي.. اووووو تلعبي انتي
انا ابتسمت وخششت راسي ف صدره..انا ف حضنك راحتي
فارس..يعني انا راحتك
انا..اها انت راحتي فارس نبيش نبعد عليك بكل نبي ديما نقعد معاك فارس تستغلش حبي لكي فارس انا والله نحبك ارجوك ي حبيبي ارجوك معش ادير فيا هك مادرتش شويا والله فارس انا نحبك نحبك
رفعني ومسك وجي بيده
فارس باس عيوني اثنين..عين وجتنا ي عيوني
انا..ربي م يفرقني عليك ولا لحظه
فارس ابتسم وعضني ف فمي
انا فنصت..فارس حي عليك ركز نحن مش بروحنا
فارس ابتسم..نسيت خلي نطلع ونشوفهم
انا..باه
مسكت رواد وهو صبى طلع حطيته ف سريره ومسكت ريموت وقعدت نتفرج خش عليا فارس جيابلي سفره
فارس..غداك ي عمري
حطيت امخاد وراء ضهري وحطلي سفره ف كتري
انا..يييي برودو م نحبش واجد
فارس..لالا لازم تاكلي كويس ي عيوني انتي نافس وتبي راحه وتغذيه
انا..باه خليك معايا مانحبش ناكل بروحي انا
فارس..حاضر من عيوني معناها هاتيها
خذا سفره وحطها ف كتره وقعد يوكل فيا
انا..خليني نعرف
فارس..عارفك تعرفي ي روحي بس انا حاب نعوضك ع ايام حملتك
انا..ماهو اصليتك غبي
فارس..وحمار صاح
انا..ههههه بكل
فارس..تصرفت بغباء واجد صاح
انا..ممكن نصكرو ع موضوع يضايق فيا بعد تفتحه نذكر ف ايام الي مش حلوه
فارس..اسف مش قصدي بس انا هك طبعي ي ريان يعني لازم نصرف بغباء وحس..
انا..اشششش خلاص مش انا هنا تلاك وجنبك عليش النكد
فارس..ماهو انا نكدي
انا..هههههه هذا وين عرفتها
فارس ضحك وحط ايده ع لحيته..اسسس ي عناد انتي
انا..تي انت خليت فيها عناد نسيت ايام العناد وسوقه
فارس ابتسم..ايواه شطورتي فوتيه بيش تمشي حياتنا بلا مشاكل انا عصبي وانتي معانديا مايصير شي
انا بدلع..بس انا نعرف كيف نمص غضبك صاح
فارس ابتسم..وكيف ترا
خذيت منه سفره وقربت منه وبست صدره وحطيت ايديا ع البطم وهو يبحت فيا ومبتسم فتحت البطم وقعدت نمشي ف ايديا ع بطنه وصدره ومبتسمه
فارس..هههههه تي ادغدغ نعن شكلك
بست رقبته وهمستله ف وذنه
انا..نعشق هالصدر لحنون الي ديما يحمي فيا
لف ايديه ع ضهري وووووو"
