دنيتي تغيرت

الحلقة الرابعه عشر

منقولة
#دنيتي_تغيرت💔✨
حلقه رابعه عشر🌸

علي..عارفه انه هناء عندها سرطان الثدي
انا..لا والله امتى
علي..كان عندها له فتره وانتي عارفه انه حالتهم الماديه ضعيفه
انا..اها عارفه باهي
علي..كانت تبيني نديرلها العمليه فهمتي كيف
انا..كانت حكتلي انا بس هيا ادير في طروح
علي..سامحيني ماكنتش نحسابها بتضحك عليا
انا ضحكت ضحكه صفره..ماتهمونيش اصلاً
وبرمت عطيته ضهري والعبره خنقتني وقلبي يدق بقوه.
ماحسيتش غير بيد فارس ماسكه ايدي بكل قوه
فارس متعصب..شن اديري مع دييييين امممه
انا..تي حووول ايدك انت مدخلكش بيا
زاد ضغط ع ايدي
قرب من علي وضربه بوني بقوه وعلي وخر
انا قربت منه ودفيته
انا..لا ي فارس لا وخرر
مسكت ايديه
علي هرب وهو كر ايديه من بين ايديا ومسك ايدي
فارس من بين سنونه..ماتنفزييش دين هلللي ي فرخه شنووووو اديري مع الف&&$ ولد الحرام
ملامحي ارتخن وعيوني دموع
انا..ايدي ايدددي أطلقها حووول كنك هكي انت
قعد يكرر فيا لسياره وناس تبحت فينا
انا..فاارس ايددي حرام عليك
ركبني في سياره وطبق الباب بقوه وصكرها وقعد يسوق بكل سرعه وعروق رقبته باينات وايديه من كثر ماهو رقيله
انا..نزلني خير مانفتح الباب ونعزق روحي
قعد يخبط ع دومان بكل قوه
فارس..تيييي صكري فمممك صكريييييه
حرق العجل ونزلني لفيلتنا الي في حدائق فتح الباب وخششني بقوه لين قريب طحت وعزق المفاتيح ع ساس بقوه
فارس..شن دييييررري معاااه
انا..متدخلش مالكش دعوه بيا
فارس..لا لياااااا دعوووه انا خطيييبك😡
انا..من امتى خطيييبي من امتى
فارس..دويت لعمي وقالي البنت لكي تعرفي تحكي ولا نصررف بطريقتي
قعد قلبي يدق بقوه وتنفس بصوت عالي
انا بصوت مخنوق..هووو جااء بروحه هوو وقالي هناء طلع عندها سرطان هذا ليش قعدت معاه تبيه اديرلها العمليه
قرب مني ودفني ع ساس
فارس..معش تحكي معااه نعرف ي ريان لو كان نسمعك حاكيه معاه نهارك اسود
انا..حووول حووول تعصب وتعيط وتهدد اخرى
فارس بصوت عالي..نغار ازززف نغار ع دين امك بيش تفهمي انتي
دموعي نزلن ودفيته من عند صدره
انا..كنك قعدددت قاااسي ااه كنك هكككي
فارس بصوت هادي..باه اسكتي معش تبكي
وحط ايديه ع خدي وقعد يمسحلي في دموعي وانا غمضت عيوني ومسكت ايديه قرب مني بعدها فتح عيونه وخر
فارس..مش ناسيها لكي وقفتك معاه
وخر وقعد قارن حواجبه
انا بصوت واطي..اسفه باه
برم وعطاني ضهره
فارس..جيبي معاك مفاتيح وصكري لباب وراك
طبست جبت مفاتيح وطلعت لقيته حاط ايده ع حنقه
ركبت في سياره
انا..هاك
خذا المفاتيح ومابحتش فيا بكل
انا..فارس
فارس..كنك شن تبي
انا..تقعدش تعامل فيا هكي
فارس..اسكتي مانبيش نسمع حسك خيرلك
انا..فااارس😢
قعد يسوق وراقيله لين وصلنا لحوش خش لي حوشهم
وانا نبحت فيه كيف يمشي ومش معبرني.

خشيت جوا وانا مضايقه
انا..خير
هيثم يضحك..طير ينقبك
انا كشخت..ترا اسكت
خشيت لداري وعزقت روحي ع سرير وحضنت مخدتي ونبكي..
مسكت فوني لقيته فاتح ع نت
انا..فارس
درلي seen وماردش
انا..رد تقعدش تعامل فيا هكي
شافها ومردش
انا..باه صاح انا غلطت اوكِ واسفه
فارس..ريان انا كنت نعامل فيك بطيبه وانتي تعاندي ومسكره راسك ع اتفه الاسباب نقولك نحبك تقوليلي ف وقته حلوو شخصيتي مش هكي انا بس انتي خليتيها هكي انا لاني نحبك بس نعامل فيكي بطيبه لكن انتي شكلك مينفعش معاكي هكي تبي اللي يقسى عليكي وهذا اللي حنديره ...سلام
شفتها وقعدت نذكر في معاملتي معاه وكيف اندير وهو متحملني فارس من زمان مش هكي كان عصبي بكل وغيور بدرجه كبيره وخلوقه ضيقه.
حطيت راسي في مخده وغمضت عيوني وانا مضايقه..