منقولة
#دنيتي_تغيرت💔✨
حلقه ثانيه وثلاثون🌸
"ع منال..فوتها عندي بنيه كويس توا تعجبك هذي مش لكي
قيص..بس كيف ي امي انا نبيها البنت ومانبيش غيرها
ع منال..واضحه هذي خاشه ع طمعه طامعه فيك ي هبل
قيص..امي صكريلي الموضوع ازف غير البنت هذي مش واخذ
ع منال..معناها انت لا ولدي لا نعرفك كان تاخذها
قيص تعصب..اممممي ازززف البنت نبيها ي هذي ي بلاش"
"انا..حبيبي تعال شيل هذي ثقيله بكل
خذا سفره وطبس باسني ع خدي
انا ابتسمت..هيا جعانه حطها بناكل
حط سفره ع طاوله
فارس..توا نشوفو براك ريان شن شكله
انا رافعه حاجبي..حتاكل صوابعك وراه راهو
فارس يضحك..توا ناكلو ونحكمو
صبيت العصير وقمعزت نشرب ف عصيري
فارس..كولي مش تشربي عصير
انا..عطشانه نبي حاجه نروق بيها
فارس غمزلي..توا نروقك بعدين انا
انا فنصت..فااارس خلينا ناكلو جعانين
فارس..وحياتك ماجي شورك جيعان بكل
انا كشخت..احسسسن😑
فارس..بلاش عصبيه تكبري قبل وقتك ي بنتي
انا..اسكت بنممي
فارس رفع حواجبه..توا نمميكي انا
خذا كشيكي وقعد يوكل فيا
انا..كول انت حبيبي توا ناكل انا بروحي عندي ايدين
فارس..عادي انا شبعان
انا..حبيبي تبي تطلع بعدين
فارس..كنك تبي حاجه
انا.. نبي بودره بيبي كملت من عندي
فارس..ينعليا من بودره البيبي الي دوخ فيا
انا..تحنط ي بارد
فارس..لالا والله سمحه بنتها فيك نحبها
انا..امممم باه عندك شغل انت
فارس..لالا مش ماشي كنك عليش تسالي
انا..شي نسال عادي
صبيت نلم ف تباسي وهو صبى ورايا وكتف ايديا ويبوس ف خدي
انا..تؤ فارس نبي نلم المواعين حول بلاش براده ازف
برمني له وعض فمي
فارس..نسمعك قايلا ازف نكسرك ي فرخه
انا رافعه حاجبي..تكسرني والله جد وعش تعض خير مانعضك حتى انا
فارس..عضي عادي والله ماعندك مشكله راجلك انا
قعدت نفك ف ايديا وهو مكتفني وعض خدي
انا..تي فاااارس بطل بلاش عض واطلقني نبي نلم حوستي بلاش حناطه زايده
فارس..لا زايده لا ناقصه اهمدي خيرلك
نحرك في روحي ونضحك..وهو نزل عليا وشمرني وندف فيه من صدره ونضحك
فارس يضحك..تي اسسسس شنو ضحكت مصريات هذي
انا.. عينك عنجد مصريات
فارس غمزلي..عيني ولا فمي الي تبحتي فيه من نبدري
انا..لااااااا نبحتش من قال شن نبي فيه فمك مثلاً
باسني بقوه ع فمي
فارس..وهكي تبيش
انا بصوت هادي..هئه نبيش حوول
رد باسني بهدوء
فارس مبتسم..وهكي
انا دايخه..اممممم
فارس ابتسم..ينعليا وخلاااص..ووووووو"
"ماريا..حول ي مهاب زعلانه منك انا تقررربش بكللل
مهاب يضحك..خلاص نبصرو انتي مش دبه رقيقه وسنبتيكه
ماريا برمت عليه ورفعت صبعها ف وجه..مهااب حوول هكي مانبصرش راهو انا
قرب منها ومسك ايديها وباس صبعها وابتسم
مهاب..والله نبصر تهبلي انتي
ماريا كشخت..حوووول زعلاانه ومش حنرضي بسهوله انا راهو خليها ف راسك ايواه ي هوبا
مهاب يضحك..زعلانه وهوبا أخرى ينعليا من رومانسي
برمت ع حوض وتمت تغسل
مهاب..حبيبي السمح ولله منضرك شين وانتي زعلانه ي سوده
ماريا..لا وسوده اخرى انت ترقدش تلايا اليوم ارقد بروحك
مهاب يضحك..خلاص ي سامطه عنجد نرقد بروحي
ماريا..اها بروحك عقاب لك بيش عش تسمط عليا
حضنها من لاوره بقوه
مهاب..ينعليا من الواعره نجك ليا وخلاص"وباس خدها بشويا...بصوت هادي..تزعليش خلاص والله نبصر معاك ي دبدوبتي السمحه الكيوت ع قولتك
ماريا..اها كيوت غصباً عنك ي بارد
برمها له وهيا كشخت عليه
مهاب ابتسم..حتى وانتي مكشخه تهبلي مافيش احلى منك
ماريا ابتسمت..صقع عليك
حط ايده ع بطنها
مهاب..ميمو
ماريا..نعم
مهاب..امتى تطلع بطنك
ماريا تضحك..مزال في بدايه حبيبي مش توا تطلع
مهاب ابتسم..خاطري نشوفك كيف بطنك كبيره
ماريا..توا تشوفها وتقعد تسمط اكثر
مهاب..والله نبصر ي هبله"
