منقولة
#دنيتي_تغيرت💔✨
حلقه التاسعه🌸
فارس نفجع..كنك شنو صايرلك
انا نبكي..كراعي نكسرت ي فارس اااااي مش قادره مش قادره
قرب مني وحول الصفر وانا نبكي
انا..توجع ي فارس تووجع اااي
فارس مرتبك..ماتقدريش تصبي باهي
انا نبكي..نكسرت شكلها نكسرت
حط ايده ع كراعي
انا..ااااااااا
فارس..اسف مش بقصد والله
حط ايده تحت كرعيا وايده لأخرى ع ضهري وشمرني
انا متحشمه ومنزله راسي..لا نزلني ي فارس
بحت فيا وجت عيني في عينه وابتسم
نزلت راسي ودفنته بصدره..
انا بصوت واطي..وين شيلني انت
فارس..لداري
انا رفعت راسي..شن تقول انت حوول نزلني كنك حيوان هكي
وقعدت ندف فيه من عند صدره
فارس بصوت هادي..ماتخافيش خلاص بس بنلفلك كراعك؛مستحيل اندير حاجه تضرك انا
فتح باب داره وحطني ع سرير وانا متحشمه منه ونمسح في دموعي
فارس يفتش في درج..تي وين عدن توا
جاء تلايا وفتح درج الي تلا سرير
فارس..القيتها اهو
طلع فكس ورباط..قمعز قدامي وانا قعدت نزل في قفطان ومنزله راسي
مسك كراعي بشويا وحط الفكس عليها وانا نبكي بلا صوت..
فارس رفع رأسه..اشششش اهدي خلاص توا يحول الالم
انا بصوت مخنوق..توجع ي فارس بكلل
لف رباط ع كراعي بشويا
فارس بصوت حنون..توا تصح غير م تقعديش تجري بس
انا هزيت راسي ب باه
فارس وعيونه في وطى..شن صاير معاك انتي وايه
انا انفجعت..شن صاير
فارس..نحس فيكن صاير بينكم حاجه
انا هزيت راسي ب لالا
انا..تهيالك بس
صبيت وهو يبحت فيا
انا..غمض عيونك
فارس غمض عيونه وضحك..باه تقدري تطلعي ولا نشمرك
وفتح عين وحده وبحت فيا
انا بعيطه..غممضضض
فارس يضحك..حاضر غير اطلعي
انا كشخت..بلا لز طالعه
قعدت نعكز وطلعت لصاله
انا...فاااااارس
فارس..كنك شن في
انا..بيش تشيل الصفر للمخزن
فارس..باه تمام
"طلعت بسرعه وخشيت لحوشنا.
ماما نفجعت..هييي كنك شن في
انا..شي ي ماما شي
خشيت لداري وقمعزت ع سرير وحاطه ايدي ع كراعي
ماما..تي غير كنك
انا..طاحن عليا الصفر خلاص؛وين الشله
ماما..في جنان من لاوره يغسلن في مواعين
انا..جعانه ماكليتش في صاله
ماما..باه عدي حطي لانه حرام بنات يحوسن
انا..باه نغير بس بيش نتريح
طلعت ماما وطلعت توته سلحت القفطان وشميت بنة الي كانت معبيه عطر فارس قعدت مبتسمه ونذكر في نضراته ليا وكلامه وكيف كنت مقربه منه قعدت نشم فيه ونضحك..
انا..يهبلل يهبلل اااي
علقت قفطان في دولاب ولفيت شعري فوق وطلعت لكوجينه حطيت كسكسو وموالح وقزوزه.
وطلعت برا لجنان
انا..ي بناويت
لميس ضحكت..بناويت حلوه
قيص يضحك..عجبتني الكلمه
عمر..جعان اززف
انا..ماهو انا كلمتكم ع سبه حطيت هيا شباب وبناويت وصبايا عمامي
احلام مرات عمي..هابا ي خيتي لسانك هذا تبيله قصه
انا..بعد خطرها امي وين
فارس..عدت رقدت مسكينه تعبت قالو رقصت واجد
نور..تحنط مبردك ي حيوان
لميس..حيوانات بسلامتهم
كريم ساكت ويبحت في ايه وتفكيره في مها وحركاتها
