منقولة
#دنيتي_تغيرت💔✨
حلقه واحد واربعون🌸
فتحت شنطه لقيت فيها فساتين وعطور
انا..الله يهبلن م ورنيش
صكرت الشنطه ورديتها مكانها وطلعت من شقه لقيت عمر طالع من شقته
انا..هلا
عمر..اهلين شن جو
انا..تمام وانت
عمر..تمام
انا..نور قاعده
عمر..اها خشي قاعده مريضه وتبي حد معاها
انا..لالا كنها
عمر..توا ماشي بنديرلها تحليل
انا..اها باه
فتحلي الشقه وخشيت جوا
انا..نونا ي عيوني كنك في شنو تحس
مسكت ايدي
نور..تعبانه نحس ف جسمي متكسر
انا..كليتي حاجه
نور..لالا م نبي شي
انا..لازم تاكلي م تجيش هكي
نور بدت تبكي..م نبيش شي نبي نتريح بس
انا..ينعليا انا عليش تبكي توا
نور..م نحبش نمرض انتي عارفه كيف نتعب انا
انا..ي روحي انتي بس اهدي شويا وخليني نعدي نسخلك تاكلي لازم تقوي روحك
نور هزت راسها ب باه
انا..مش حنطول عليك
طلعت من شقتها ومشيت لشقتنا سخنت غداء ورديتلها
انا..هيا قمعزي بيش تاكلي
نور..ريان والله م نبي فوتيها وراسك
انا..لالا لازم تاكلي شويا ع اقل بيش تاخذي دواء
نور..طشه بكل تضغطيش عليا
انا..باهي
مديتلها السفره وتمت تاكل بشويا
نور..خلاص والله م نقدر
انا..باه ع مهم كليتي شويا
مديتلها منديل مسحت فمها وردت تغطت
انا..نطفيلك الضي ترقدي
نور..ياريت والله تاعبه بكل
انا..باه تمام
طفيت الضي وطلعت لصاله لقيت عمر خاش
انا..شن صار ف تحليل
عمر..مافي شي بس توا نشيلها لانه تدهش واجد
انا..انشاء الله خير وخلاص كلت شويا ورقدت
عمر..باهي رضت تاكل نبدري م تبيش
انا..طشه بكل خير من بلاش توا انا ماشيه كان ف حاجه قولي نجيها
عمر..انشاء الله
طلعت وخشيت لشقتنا دوشت ولبست استرتش كحلي وتيشرت بودري هاادي بكل ولفيت شعري فوق
خشيت لمطبخ ودرت بسبوسه"
"هيثم..اثبت ي حمادي شويا خليني نسويها لكي
نسرين..حمادي بطل خلي بابا يلبسك
حمادي..نبي نلعب هيا نبي ننزل
هيثم..ها كملت امشي انزل هيا
فتح لباب حمادي ونزل يجري وهيثم خش مطبخ وراه نسرين
نسرين..شن تبي ادير
هيثم..كنك صبيتي نبي ندير قهوء
نسرين..هات توا نديرها انا كويسه توا
هيثم..متاكده انك كويسه
نسرين..لا تمام بكل توا نديرها انا غير انت امشي شوف نسمه قاعده واعيه
هيثم..باهي توا نجيبها ونطلعو ف فرندا تغيري شوي جو
نسرين..باه تمام
عدا هيثم جاب نسمه وقمعز ع كرسي
هيثم..تي افتحي عيوناتك هيا وهنا ديما مسكرات
نسرين ابتسمت..خليها حرام عليك ي هيثم
هيثم ابتسم..تهبل م نقدرش نقاومها
نسرين..نجك ليا وخلاص عسل
هيثم..انا ولا هيا
نسرين مدتله فنجان القهوة..انتم اثنين عسل
هيثم ابتسم وغمزلها..كم مزال وتربعني
نسرين..مزال شويا مش واجد واجد بس كيف م قتلك مانع توا
هيثم..انشاء الله باه"
"مروه..مراد
مراد ع فون..كنك ي مروه
مروه..بحت فيا خلينا نحكوا
مراد بحت فيها..نعم ي عيوني كنك
مروه..خلينا نفوتو الموضوع امتاع البنت خلينا نشوفو دكتور ي مراد مش متريحه انا
مراد..اووووف انشاء الله خير وخلاص معش فهمتك شن تبي بزبط
مروه تنهد..نبيك انت انا
حطت رأسها ع كرعيه
مراد..باهي توا نشوفو دكتور كيف م تبي انتي
مروه..مرات في حاجه غلط خلينا نشوفو نحن م نياسوش
مراد..باه
مروه برمت وبحتت فيه ومسكت ايده..كنك نحس فيك مش راضي انت وكأنك ياس من قصه
مراد..مش هكي بس مرات تاملي ع فاضي
مروه..عادي ع مهم نشوفو نحن شن خاسرين
مراد..باهي بس توعديني لو كان طلع الكلام صاح م تقعديش تنزني عليا وتقوليلي نشوفو دكتور أخرى
مروه..باهي وعد ع مهم انت تقعد متفائل
طبس عليها وباس راسها
مراد ابتسم..نجك ليا وخلاص انتي
مروه..نحبببك
مراد..ينعليا نموت فيك
حطت ايدها ع لحيته وتلعب بيها"
