منقولة
#دنيتي_تغيرت💔✨
حلقه ثالثه وخمسون🌸
"خشت ماريا حاطه ايدها وراء ضهرها صبى مهاب وجاها ومسك ايدها لأخرى
مهاب..كيف حالك
ماريا..تمام
قمعزها ع صالون وقمعز تلاها
مهاب..كويسه انتي
ماريا هزت راسها ب اها
مهاب..تاخذي ف دواك
ماريا..اها
حطه ايده ع بطنها
مهاب..كيف حال وليدي
مسكت ايده وحولتها
ماريا..تمام
مهاب..جاي بناخذك هيا
ماريا..خليني مزال بنقعد
مهاب..كيف مزال
ماريا..مزالت تعبانه بنقعد هنا
مهاب..يعني ف شقه ف تعب ماهو نساعد فيك
ماريا..مهاب ارجوك احترم رائ
مهاب صبى..تمام تمام
طلع طبس يلبس ف كويشه وماريا صبت تبحت فيه وحاطه ايدها وراء ضهرها
صبى وبحت فيها وقارن حواجبه
ماريا بصوت واطي..مهاب
برم وطلع من حوش ركب ف سيارته وحرق العجل بقوه
نيروز..شن صار
ماريا تنهدت..شي جاي يسأل ع ولده وحتى كلمه كويسه م قالها عارفته انا والله عارفته مهاب مش هكي حاسه انا ف حاجه
نيروز..شن يبي يكون في م تشغليش بالك بس
ماريا..انشاء الله يطلع هك
نيروز..هاتي ايدك خلي نخشو"
"وعيت الصبح رفعت راسي لقيت فارس راقد ابتسمت ورفعت روحي وحطيت ايدي ع رقبته ونمشي ف صبعي ع رقبته بعدها قعدت نلعب بفمه ونمشي ف صبعي عليه
حطيت راسي ف صدره اكتر وبسته شويا ومسك ايدي وثبتلها ع فمه وباسها رفعت راسي وابتسمت
فارس بصوت هادي..صباحك ورد ي ورده الياسمين💛
انا ابتسمت..صباحك عسل ي عيوني انت
فارس..دابين نصبح فيك كل اليوم معناها نصبح ف العسل
انا ابتسمت
فارس..امتى نضتي
انا..ماليش واجد كيف وعيت
فارس..اها ساعه كم
انا..مشعارفه شوفها ترا
برم ع كومدينا ومسك فونه
فارس..اووو ساعه11 نص الوقت عدا
انا..يييي تاخرت ع شغلك
فارس..مش مشكله
انا..نباه ندوش ع سريع ونديرلك فطورك ي بيبي
فارس ابتسم..خوذي راحتك مش مستعجل واجد انا
بحتت فيه ورمشت عيوني وابتسمت
فارس..صبي صبي فيها ترميش عيون معش يصير من مشيتي بعدها
انا ضحكت وطبست عليه مسكت وجه وبسته
انا بدلع..نحبببك راهو هكي عرررم بكل
وخرت وغمزتله صبيت لفيت ع جسمي الفوطه
فارس..باهي وانا نقعد ف صقع
عزقت عليه السوريه
انا..البس سوريتك علي م دوشت
فارس..هاتي باه
انا..مش حنطول
خشيت لحمام دوشت وطلعت لقيته راقد ع سرير ويدخن
انا..يييي ي فارس افتح روشن
فارس..تي كنك
انا..افتحه افتحه بنته و..
معش قدرت نكمل كلامي ومشيت نجري لحمام نستفرغ وهو ورايا
انا..كح كح اااه كبدي
فارس ماسك ايدي ويبحت فيا
فارس..كويسه انتي
هزيت راسي ب اها وصبيت ع حوض فتح الميه وقعدت نغسل ف وجي
فارس..خلاص تريحي توا ندير بروحي
انا..خش دوش انت بس
فارس..متاكده انتي كويسه
انا..كويسه والله
طلعت من حمام وقمعزت ع سرير وحاطه ايدي ع كبدي
فارس..وين كويسه وانتي تالمي
انا..توا نشرب حليب تحول الي نحس فيها
قمعز قدامي ومسك ايديا
فارس..شن تحسي باهي
انا..حاجه تصهد هكي هنا وشيرت ع رقبتي
فارس..اها ساهله غير لانك استفرغتي بس
انا..اها عارفه؛؛خلاص خش دوش وخليني نلبس
صبى فارس خش وانا طلعت استرتش اسود وبلوزه شتويه خفيف لونها موف داكن💜
مشطت شعري ومشيت لمطبخ ندير ف فطور"
