منقولة
#دنيتي_تغيرت💔✨
حلقه تاسعه وستون🌸
مهاب..هذي ضربه الي ضربتها لها مزال قهرتني
وضربه بوني بقوه
كريم..خلاص ي مهاب سيبه هما اتفقو
مهاب..تي اااه
فارس..ضربتي لها حطيت فيها حق واعتذرت منها واتفقنا
هيثم..تجي تشكي منك بس ي فارس معش تحلم بيها طول عمرك لولا العيل الي بينكم بس ماخليتها ترد
عمر..خلاص ي شباب اهدو رعشتو البنت ازف
انا كنت مصبيه عند لباب وحاطه ايدي ع فمي و دموعي ينزلن ونور ماسكتني
نور..خلاص خشي ي ريان توا يتفقو اهدي بس
هزيت راسي ب لالا
جاني هيثم ومسكني من ايدي وخششني
هيثم..تعالي خلاص اسكتي عليش تبكي توا اه
نور..خششها من نبدري نقوللها خشي مصكره راسها
هيثم..خليها خلاص انا فاهمها
صكر باب لحوش وبرم عليا وابتسم
هيثم..وجعاتك فيه الضربه ماهو ناخذو ف حقك بيش مايقولش هلها عازقينها وخلاص حتى لو كان ولد عمنا ي ريان
انا..انا مش هكي كان قصدي بس انا م نبيش مشاكل ونقعد انا سبب فهمت عليا ي هيثم
هيثم..فاهم عليك انا بس بنسالك انتي بتردي بقناعه ردي عليا متخافيش
انا نزلت راسي وسكتت
هيثم..م تسكتيش احكي نسأل فيك انا
انا..امس اتفقنا نحن
هيثم..ع انك تردي
هزيت راسي ب اها وقعدت ساكته
هيثم..باه ع مهم راحتك انتي وتوا انتي كبيره وتعرفي تحكمي عقلك انا مانبيش نحكي واجد لاني عارف وانشاءالله ربي يسعدك معاه
انا ابتسمت بشويا
هيثم..خلاص خشي وتي روحك
مسكتني نور وخششتني جوا لقيت رواد يبكي
انا..حي ي روحي يبكي
نور..قمعزي رضعيه علي م جبتلك عبايتك وشنطك وبكرا توا نلحقوك
انا..باه
قمعزت رضعت رواد ورقدته ولفيته ب بطانيا كويس وجتني نور
نور..هيا صبي البسي وبعدين قمعزي تريحي انتي نافس وبكري تبي راحه
انا..باه انشاء الله
لبست عبايتي وخش مهاب بحت فيا وابتسم وجاء قمعز تلايا ومسك رواد
مهاب..طالع شين لباته عيونه سود مش كيفك
انا ابتسمت بشويا..حرام عليك ي خالو انا شين
مهاب..تي قولي فارس سمح مش شين عليش ترقعي
انا ابتسمت بشويا وبحتت فيه
مهاب..ها راضيه
انا..الحمدالله
مهاب..باهي الحمدالله ع مهم انتي راضيه؛؛خلاص صبي قاعد يراجي فيك برا
صبيت ونور قعدت ماسكتني وطلعتني ومهاب ماسك رواد ف ايده وايده لأخرى ماسك بيها ايدي طلعني لجنان وقرب مني فارس
مهاب..مانبيش نحكي أخرى انا ي فارس رد بالك تجيني تبكي اخرى
فارس شير ع عيونه..ف عيوني من جوا ي مهاب متخافش عليها
قرب مني بابا
بابا..انشاء الله ربي يسعدك
فارس سلم ع بابا وباس راسه..متخافش ي عمي ريان ف عيوني مستحيل نزعلها
بابا..ربي يهنيكم
عطاء مهاب رواد ف ايد فارس
مهاب..نسختك لفرخ
فارس ابتسم..صقع عليك
مهاب ابتسم..انقنه صقع عليا حاسدك
فارس..خلاص نتلاقوا
مسكني من ايدي وطلعنا فتح الباب وركبت وحطلي رواد ف كتري قعدت حاضنته ومبتسم
ركب فارس وبحت فيا وابتسم
انا..شنو
فارس..ف شقه ف شقه
انا ابتسمت وهو مسك ايدي وتنهد وابتسم
قعدت مسنده راسي ع كرسي ومبتسمه لين وصلنا لحوش فتحت باب ونزل فارس بسرعه وحط ايده ع وسطي وقعدت نمشي بشويا
انا..ضهري يوجع فيا بكل تعبانه
فارس بصوت هادي..اتالمي ي عيوني
انا بحتت فيه وملامحي ارتخن..اها توجع
فارس..امسكي رواد كويس
انا..ماسكته
حط ايده ع كرعيا وشمرني
انا...هييييي ي مجنون العيل
فارس ابتسم..الا تعبك عندي
قعدت نبحت ف ملامحه وصل عند باب
فارس..طلعي المفتاح ف جيب جاكه
طلعت المفتاح وفتحت الباب اول م خش غمضت عيوني زين
فارس بصوت هادي بكل..نورتي حوشك
انا..منور بوجودك
خش لدار حطني ع سرير وانا حطيت رواد تلايا
فارس..توا نجيك شويا ديري امورك
انا..باه طولش عليا
فارس ابتسم..حاضر مش حنطول
نزل وانا صبيت لبستت روب حوش كته عريض لونه سكري وعليه رسمه ميكي مواز يوصل لتحت ركبه بشويا لفيت شعري فوق بطريقه عشوائيه وبخيت عطري ودرت روج ترابي وجيت رقدت ف سرير
ومسكت رواد وقعدت نغيرله خش عليا فارس سلح جاكته وعلقها ف علاق وجاء تلايا
فارس..م خذيتلش دبش صاح
انا..اها م خذيتلش
فارس..باه ساهله توا بكرا نطلع انا وامي ناخذو الي ناقصك توا جبت حاجات لشقه م اعتقدش ف حاجه ناقصه بس
انا..توا نشوفهن بعدين
تمدد تلايا وحط صبعه لرواد مسكه له قعد مبتسم فارس وانا حاطه ايدي ع خدي وراقده ع مخده ونبحت فيه
فارس..جعانه نجيبلك فواكه
انا..باه جيب خلاص
طلع وانا حطيت ايدي ع رواد وقعدت نهز بيه و رقدت ع ضهري وقعدت نراجي فيه شويا وخش عليا ماسك تبسي ف ايده قمعز تلايا وحطه ع كومدينا وحط ايده ع خصري ورفعني
فارس..نحطلك امخاد وراء ضهرك
انا..ياريت والله حاسه روحي تالفه بكل ونعسانه
فارس..تاكلي هذينا وترقدي
انا..قبل قلت نحكوا
فارس ابتسم وطبس باسني ع فمي..نحكوا بكرا خير تقعدي مصحصحه
انا بصوت واطي...امممم باه
حطلي امخاد وراء ضهري ومسك تفاحه
فارس..اسمعي م تشفطيش ع تقصيصي مانعرفش راه
انا ابتسمت بشويا..عادي نضحكش عليك انا
قربها من فمي وقعدت ناكل قعد يوكل فيا لين كملت
فارس ابتسم..صحه
سلمك
حطه ع كومدينا
فارس..باه هذا كيف يصير فيه بيقعد معانا هكي
انا..حرام عليك ي فيسو وين بيقعد عندش سرير توا بعد نجيبو سرير يرقد فيه
فارس..باهي باهي
بحتت فيه
انا بدلع..تؤ فروسي
فارس ابتسم ومسك رواد وحطه ع جيها لأخرى وحط مخده بيش م يطيحش
فارس..توا بس خليه هكي لانه نبيك شويا..وغمزلي
انا فنصت..لاااااا فارس حي عليك انا نافس
فارس ضحك..ي مسوسه مش هكي كان قصدي انا ولا انتي تبيها..وابتسم وغمزلي
انا نحرجت..لا انت فهمتني غلط انا انا ي فارس كان قصدي تؤ مش..
فارس تنهد..باه انحبك
انا ابتسمت وقعدت نبحت فيه
مسكني من خصري ورقدني ع صدره
فارس..عليش نحرجتي مني راجلك انا صاح
انا..م نحرجتش
فارس..لا انا عارفك ي رينو ونحس فيك توا مرتبكه ومتوتره مش عارفه كيف
انا رفعت روحي وقعدت نبحت ف عيونه
انا..حاسه روحي غريبه عليك وهذي اول ليل مع بعضنا مش مجوزين سنه ونص
فارس رد كرني ع صدره..عليش ارخى روحك عارفك مزال هكي زاعله مني
انا..لا مش هكي
فارس..لا هكي ي ريان عارفك انا بعد تقعدي هكي زعلانه ومضايقه نحس ف روحك الحلوه تختفي طفلتي فجاء تقعد كبيره هكي مش كيف قبل
زدت دفنت راسي في صدره ونسمع ف نبض قلبه وضغطت ع خصره
فارس..هممم شنو انا نبيك ديما هكي بروحك الحلوه حنعوضك ع لي صار والله
رفعني وخلاني نبحت فيه قعد يبحت ف عيوني انا نزلت عيوني وحاطه ايدي ع بطنه
رفعلي وجي وهو رفع روحه
فارس..بحتي ف عيوني بس نبي الثقه الي بينا ترد م نبيش شي يقعد مدسوس احكي الي ف قلبك عليا عادي مش حنزعل احكي انا عارف انه قلبك مليان عليا
قمعز وانا قعدت حاطه راسي ع صدره ولافه ايديا ع خصره
انا بصوت واطي..انت هنتني قدامهم كلهم حسيت روحي هاينه عليك هكي مش مهم عندك قدري ولا كرامتي ي فارس خاطي انك ضربتني هذي بروحها بس معاملتك ليا وبعد لزيتني هكي كسرت فيا حاجات واجده مش عارفه كيف تحملت وقتها وكل م تنازل انت تكبر عليا وتفوتني انا كنت نبيك ف وقتها نبي جو حمل نعيشه معاك حرمتني وحرمت روحك من حاجات حلوه واجد انا مسامحتك ي فارس بس مش عارفه نعبر مش عارفه شن نقولك اصلاً انا بروحي ملخبطه هكي ننكرش اني نحبك ونموت فيك
رفعت راسي وبحتت فيه وكانن عيوني معبيات دموع
فارس بصوت واطي..وجعتك واجد بعد ضربتك
خششت راسي ف صدره اكثر ودموعي نزلن وسكتت
فارس..اكيده وجعتك صاح وتعبتلك نفسيتك وانتي حامل
انا..فارس انا عندي خاطر واحد مش كيف ف جسمي في كم عضمه يتكسرن ويردن يبرن بروحهن بس خاطري انت داويه
حسيت ف حاجه نزلت عليا رفعت راسي وبحتت فيه قعدت يمسح ف عيونه وبرم ع جيها لأخرى
انا مسكت وجه..فارس بحت فيا هكي تهربش مني احكي
بحت فيا وحسيت ف نضرته حاجه غريبه مليانات كلام يبي يقول انه نادم م فهمتش
قعدت نمسح في دموعه الي نزلن
انا..عليش بس عليش انا متعوده انك تكون قوي قدامي
فارس..قصدك اني نكون قاسي
انا هزيت راسي ب لالا و دموعي ينزلن..ي فارس انت مش هكي عليش تقول هكي انت مفيش احن منك بذات عليا بس فتره وعدت خلاص انا مش زعلانه وتوا خلينا نفتحو صفحه جديده بس مش جديده جديده اه نحن نمحو حاجات شينه الي صارت بس نبي نكمل زواحي معاك كيف قبل
رفعت روحي وبست خده
فارس تنهد..خلاص ارقدي وتريحي باهي
انا هزيت راسي ب باه
حطيت راسي ع مخده وغطاني ب الورغان
انا..جيب رواد تلايا
حطه ليا تلايا وهو رقد تلايا وحاطه ايده ع خده ويبحت فيا زين
انا ابتسمت..انحبك
مسك ايدي وباسها
فارس..ربي يخليك ليا"
