منقولة
#دنيتي_تغيرت✨💔
حلقه سابعه وخمسين🌸
ماريا..من معايا
...مهاب
بعد سمعت الاسم ماريا صكرت طول وحطت ايديها ع قلبها وخشت ع رسال تمت تقرا ف محادثات الي بينه وبينها وايديها يرعشن وقلبها يدق بقوه صبت تما نفسها يضيق ودنيا تلف بيها لعند اغمى عليها.....
"فارس..بلا عناد وصبي ي ريان
انا..مش مصبيه قتلك
فارس بعصبيه..صبببي اززززف مانحكيش لروحي اناااا
نضت قمعزت وحولت الورغان وبحتت فيه برود
انا..معش تعيط عليا
فارس من بين سنونه..م نحكيش لساس انا وماشي لمطبخ م تحلقنيش ليلتك سمحه
صبى خبط الباب بقوه وانا صبيت وراه ع مرايه مشطت شعري وخشيت غسلت وجي وطلعت
انا نكشخ..هاه طلعت شن تبي
فارس..قمعزي كولي
انا..قتلك مانبيش مش قادره كنك هكي انت م تحسش بيا ياريتك تحس بلي نحس بيه انا بس انت عديم حساس من يومك واناني الي تبيها بس انت
بحت فيا وسكت
انا..عليش سكتت توا اه عليش
قمعزت ع كرسي مسكت كشيك وقعدت نبكي
فارس مسح ع لحيته..تؤ عليش البكاء توا ازف
صبيت بسرعه لحمام نجري سكرته وقعدت نستفرغ
فارس..رينو افتحي الباب بلا عناد زايد افتحي ماتشغلنيش عليك
فتحت الباب وعيوني معبيات دموع بحتت فيه ورشفت خشمي ورمشت عيوني نزلت دمعه ع خدي
فارس ابتسم وحط ايده ع خدي ومسح دمعه
فارس..باه بطلي بكاء ع راحتك ع مهم عيونك م يذبلنش
انا بصوت واطي..بنرقد
فارس تنهد..باهي خلاص ارقدي تريحي
قعدت نمشي قدامه وهو حاط ايديه ع كتوفي وصلت عند سرير حول الورغان وانا رقدت رد غاطني
وقمعز ركبه ونص
فارس بصوت هادي..تعبانه ي عمري
انا ملامحي ارتخن وهزيت راسي ب اها
فارس..باه ماديريش وجه البيبي هذا نحس فيك حتبكي
انا..تعبانه انا
رفع ايدي وباسها
فارس..فيا ولا فيك التعب معليش ي روحي فتره وتعدي
انا..بتطلع
فارس..كنك تبي حاجه
انا..خليك
فارس..باه حاضر قاعد مش متحرك
انا..باه امشي تغدا اكيده جيعان انت تعبان من العمل
فارس ابتسم..حتى وانتي تعبانه تفكري فيا
انا..عدي هيا
فارس..مش جيعان وبعد انتي تقعدي كويسه نتغدو مع بعضنا
انا..لالا عدي عارفتك انا
فارس..خلاص هيا كلمه قلتها
انا بصوت واطي..ع راحتك
سلح جاكته وعلقها وطلع تزدانه ومفتاحه وخش معايا ف سرير وحضني من لاوره
فارس بصوت هادي..صقعانه
انا..هئه
باس خدي بقوه
فارس..نوم العوافي ي قلبي
انا ابتسمت وغمضت عيوني بتعب"
"كريم خش لشقه..خير
مها..خيرات وينك اليوم طولت وفونك مقفل
كريم..معليش شغلتك عليا بس كان عندي شغل وفون صامت
مها بصوت واطي..لا عادي
كريم..انا خاش ندوش كان تبي تغدي لاني تعبان وراسي يوجع فيا بنرقد
مها..اها
مشاء من تلاها وهيا وجعتها انه فاتها مشت وراه وخشت لدار وتكيت ع باب وهو يطلع ف دبشه من دولاب
مها..تعبان واجد
كريم..بكل أخرى وكان في بندول عاطيني
مها بصوت واطي..حاضر
مشت لمطبخ جابت بندول وميه مدتهن له وهو شرب الميه ومدلها الطاسه
مها..صحه
كريم..سلمك
طلع من تلاها مسك خدها بشويا وابتسم وخش لحمام وهيا عدت لمطبخ"
