الرجوع (مستوحاه من قصه حقيقيه)

الفصل الثاني

هاي وحشتوني بجد بعتذر تاني علي التاخير
نبدا البارت..... بجد بحبكم جدااا ❣️❣️
                     ..................................
وقفنا البارت اللي فات علي صدمه عهد وتواب
عندما همت عهد بالرحيل من امامهم وجدت الشباب التفوا حولها مثل دائره تفاجات جدا بهذا وشعرت بالخوف وفي نفس الوقت كان تواب يسير للذهاب الي دروسه ولكن تفاجاه مما راي فقد ما يحدث مع بنت عمه عهد وصدم للغايه ولكن ما جعله يغضب هو ان احدي الفتيان قام بامساك عهد من يدها وهنا حدث ما يلي يا ساده 😈:
عهد: ايه ده ابعد عني اوعي هصرخ والله
الشاب الذي يمسكها: بس يا كتكوته قال تصرخي قال عادي هقول اختي الصغيره وبربيها عشان شوفتها ماشيه مع ولد
وعندما هم بجذبها نحوه وجد يد تشتد علي يده
تواب بغضب: ابعد ايدك يا زباله
الشاب: بس يا عسل ابعد لنشوهك
تواب بعد ان ابعد يد الشاب عن عهد: هتشوهني.. حاضر طب خد ... ضربه تواب في وجهه جعل الدم ينزف من فمه
الشاب: اه يا ابن **** تعالالي بقي يا رووح امك
ثم بداوا بالتشااجر حتي التف الناس ليفضوا هذا النزاع وبعد ان نجحوا في ذلك قال تواب لعهد
تواب وهو ينظر الي الارض: يلا يا عهد عشان اروحك
عهد: خلاص يا تواب روح انت دروسك عشان كمان لسه هروح اجيب غفران
تواب: خلاص تمام هاجي معاكي تعالي يلا وبعد كده متجيش لوحدك
تهدت عهد براحه فهي كانت تخشي السير وحدها بالفعل وبعد ان وصلا للمدرسه رات عهد غفران امام باب المدرسه
عهد: معلشي يا غفران مكنش قصدي اتاخر
غفران: والله انا بقالي كتير مستنيه
تواب: ازيك يا غفراان معلشي هي كان غصب عنها
غفران باستغراب: ايه ده تواب ازيك انت بتعمل ايه مع عهد
عهد بارتباك: غفران يلا عشان نروح مش لازم تعرفي
غفران: اوك
بعد ان وصل ثلاثتهم الي المنزل وصعد تواب الي شقته وجد والدته وزوجات اعمامه بشقتهم حينما راته والدته تفاجات وهرولت عليه
شروق بخضه:ينصبتي مالك يا تواب ايه اللي حصل..فكان تواب يظهر عليه اثار الشجار من ملابسه الرثه ووجهه المضروب 
تواب:اهدي يا ماما مفيش حاجه
ورده:مفيش ازاي بس يابني ده انت متبهدل خالص
تواب:طنط ورده متخفيش والله المهم انزلي بس لعهد وغفران عشان تحت وتبقي عهد تحكيلك ايه اللي حصل
ورده وهي تهرول الي اسفل:انا برضو قولت انهم اتاخروا اما اشوف فيه ايه واجيلك تاني يا جماعه
سميحه وشروق:ماشي يا حبيبتي
شروق وهي تنظر لتواب :تواب انت مروحتش دروسك ليه وكمان جيت متبهدل
تواب:ماما عشان خاطري انا جسمي متكسر هخش انام وابقي احكي عشان كمان احكي قدام بابا لانه هيسأل هو كمام
وعندما همت شروق الاعتراض قاطعتها سميحه قائله: شروق استني دلوقتي الواد متبهدل ومش قادر يتكلم سبيه
شروق بموافقه:تمام يا سميحه تمام
                     ................................
بينما في الاسفل عند شقه بطلتنا دخلت عهد الي غرفتها وهمت للنوم ولكن تفاجات من دلوف والدتها المفاجا الي غرفتها
ورده: بت يا عهد ايه اللي حصل اخركوا كده وخلي تواب يرجع متبهدل كده
عهد:ماما عشان خاطري سيبيني انا اعصابي تعبانه ومش قادره اتكلم
ورده:قومي يا عهد كلميني زي ما بكلمك هنا ايه اللي حصل
ابتسمت عهد بسخريه مصحوب بالحزن فمتي كانت والدتها تتفهمها
ورده:انتي بتضحكي علي ايه يا بت قومي هنا كلميني
عهد بهدوء شديد استغربته ورده:بصي يا ماما حصل......
وعندما انتهت من سرد ما حدث كانت والدتها تنظر لها بذهول تام فظنت ان والدتها تلقي اللوم عليها
ورده: اه يا ولاد الجزمه ربنا ينتقم منهم البعدا معندهمش اخوات بس ما شاء الله تواب ربنا يحميه لحقك في اخر لحظه
نظرت لها عهد بصدمه انها لم تلقي اللوم عليها مثل اغلب الاوقات..القت عهد نفسها في احضان والدتها ثم بدات بالبكاء حتي تفاجات والدتها من ذلك
ورده:خلاص يا قلب امك متزعليش ولا تخافي انا هخلي ابوكي يروحلهم بكره
عهد:لا يا ماما خلاص انا مش بعيط عشان خايفه انا بس بعيط عشان زعلانه
ورده:طب زعلانه ليه ده انتي صغيره لسه والمفروض تعيشي سنك
عهد:ان شاء الله يا ماما معلشي يا ماما انا هنام شويه عشان تعبانه
ورده:نامي يا قلب امك تصبحي علي خير
                .......................................
في بيت سامر صديق وليد  نجده جالس علي الكمبيوتر الخاص به يلعب العاب الفيديو فدخلت عليه والدته وها نحن يا ساده نستمع لتلك الاسطوانه الخاصه بالام فدعونا نتذكرها قليلا
والدته:قوم يا زفت ذاكر بدل ما انت صايع كده مش فالح في حاجه قوم يا ابني ذاكر اللي قدك بقي بيشتغل ويصرف علي بيت
سامر بصوت منخفض:يا حول الله يارب هنبدأ تاني الاسطوانه اللي مش بتشطب دي ثم نظر لوالدته قائلا: حاضر يا ماما قايم اهو حاااضر
والدته:طبعا ما ده اللي باخده منك يا ضنايا انما لو حد من صحابك قالك نلعب هتقوم زي الصاروخ قوم يا زفت ذاكر ولا اعمل اي حاجه يا اما هقطع عليك النت واقول لابوك
سامر وهو يفصل الجهاز:اهو يا ماما اهو فصلته خاالص عشان تهدي وهقوم اتزفت اذاكر خلاااص
والدته:جاتها نيله اللي عايزه الخلف..ثم دلفت خارج غرفته ومن ثم قال سامر:الواحد لو انتحر مش هيبقي حرام مش كده 
                        ..................................
عندما وصل عبد الله الي منزله وجد والدته جالسه حزينه فهرول اليها قائلا:مالك يا ماما في ايه قاعده كده ليه
سميحه:ابدا يا حبيبي بس في مشكله كده حصلت عند عهد وتواب وانا زعلت عشانهم
عبد الله:خير ايه اللي حصل...حكت له والدته ما حدث غضب للغايه وهم ان يخرج اليهم
عبد الله:يا ولاد...... والله لهولع فيهم
سميحه:اهدي بس يا عبد الله متعملش مشكله
عبد الله:مشكله ايه ماما والله لوريهم يستنوا عليا بس
سميحه:هتروح تتخانق مع عيال قد ركبتك يا عبد الله اقعد خلاص وعمك هيروح لاهليهم بكره اكيد
عبد الله:استغفرالله العظيم يارب
سميحه بحب:تحب احضرلك الاكل يا حبيبي
عبد الله:عامله الاكل اللي بحبه
سميحه:طبعا
عبد الله بابتسامه حاول مداراتها:خلاص ماشي عشان عاملاه وتعبانه فيه بس
سميحه:يا واد يا بكاش..هروح اجيبلك الاكل اهو
نظر لها عبد الله وهي تدلف للمطبخ ودعا ربه باطاله عمرها
                     .....................................
عندما وصل محمود الي المنزل وجد زوجته تضع الطعام علي السفره فاقترب منها وقام بتقبيل راسها قائلا:مساء الخير يا حبيبتي
شروق:مساء النور يا حبيبي اقعد يلا عشان تاكل زمانك هلكان......نظر محمود الي الطعام ثم اردف قائلا:شكل الاكل يفتح النفس تسلم ايدك
شروق:الف هنا..روح بس نادي تواب علي اما احط بقيت الاكل
محمود:تمام...خرج محمود من المطبخ ثم اقترب لغرفه تواب وقام بالدق علي الباب قائلا:تواب انت صاحي قوم يلا عشان ناكل يا حبيبي
تواب:حاضر يا بابا هصلي العشاء بس واجي
محمود:ماشي يا حبيبي
تواب بالداخل:يلهوي انا هيتعمل مني بطاطس محمره اعمل ايه يارتني كان عندي اخت اخد كريم من بتوعها واحطه علي خلقتي دي
صلي تواب فرضه وخرج بتوتر الي الخارج فاردف:السلام عليكم
محمود:وعليكم الس......ينهار ابيض ايه اللي عامل في وشك كده
تواب: احم لا ابدا ده انا حسيت ان وشي بقي قديم فقولت احط حبه ديكور من صنايع ايدي يا حاج
محموده:انت بتهزر يا تواب ايه اللي حصل
قاطعتهم شروق قائله:طب بس ممكن ناكل الاول وبعدين نتناقش
محمود :ناكل ايه انتي مش شايفه وشه
شروق:شايفه بس مش هيحصل حاجه لو اجلنا الكلام شويه بس
محمود:حاضر اما نشوف اخرتها
                    .....................................
بينما في منزل بطلتنا نجد والد عهد يصرخ علي والدتها قائلا:انتي ازاي متتصليش بيا من اول ما جات وتقوليلي يا هانم
ورده:اهدي بس يا سليمان البت جات تعبانه ونامت وقولت لو جيت برضو مش هيبقي منها فايده
سليمان:يا سلاام طب اتصلي حتي اجي اطمن عليها مش سيباني كده مش داري باي حاجه
قاطعت ورده عهد وهي توجه النظر لوالدها
عهد:بابا انا اللي خليت ماما متتصلش بيك عشان متقلقش وكمان لاني مكنش عندي استعداد اتكلم كتير انا حكيت لماما بالعافيه عشان كانت مصره بس
سليمان:طب كنت اعرف حتي لكن مش تحطوني علي الهامش ولا كان مليش لازمه كده
ورده:خلاص بقي يا حاج اهدي محصلش حاجه
وهنا اردف وليد بسخط:طب بعد الحوار ده هناكل ولا لا
سليمان:بس يا حيوان انت كمان مش شايف اختك وحالتها
وليد:خلاص محصلش حاجه يعني هي اصلا تعتبر عيله صغيره
سليمان:ماشي اختك وصغيره طب وابن عمك اللي اتبهدل ده
وليد:ايوه اعمله ايه اديله جائزه الاوسكر خلاص اي حد ممكن يعمل اللي هو عمله
شاهندا:عيل بارد جتك القرف..تعالي يا عهد اما ناكل
سليمان:ابقي تعالي معايا بعد الاكل يا ورده نشكر الواد تواب وابوه
ورده:ماشي يا حاج الواد جدع ويستاهل اصلا
                      ................................
بينما في شقه تواب كان ينظر له والده بهدوء مريب
تواب:ايه يا حاج هو ده الهدوء ما قبل العاصفه ولا ايه
نهض محمود فجاه فابتعد تواب خطوتين للخلف
تواب:لا بص بابا انت مربيني علي كده احافظ علي عرضي ما كانش ينفع اقف ساكت وكمان هما تطاولوا علي عهد فكان لازم يتضربوا وعندما وجده يتقدم اكثر وقف ثابتا وقال
تواب:انا مش ههرب ولا هعمل اي حاجه بس مع احترامي ليك يا بابا ده الصح اللي عملته حتي مع الضرب ده
قام محمود باحتضانه وقال:انا بجد فخور انك ابني انا مش مغلطك ابدا ربنا يحميك يا ابني ولو رجع الزمن مليون مره اعمل نفس اللي عملته  مليون مره
قام تواب بالتشديد علي احتضانه وكانت شروق تبتسم مع  دموعها التي تنازلت عن مكانها الاصلي فهي كانت تعلم ان زوجها من المستحيل ان يضرب ابنها ولو كان هو المخطا ولكن قطع شرودها خبط علي الباب فذهب تواب ليفتح فوجد عمه ومرات عمه وعهد معهم فقال
تواب:اهلا اهلا اتفضل يا عمي اتفضلي يا مرات عمي اتفضلي يا عهد
دخل ثلاثتهم وقال سليمان:انا بجد بشكرك يا تواب يا ابني علي انك لحقت عهد
محمود:انت بتقول ايه يا سليمان عهد اخته وكان واجب عليه مش فضل
ورده:بس برضو لا زم نشكروا هو محترم ومتربي صح ويستحق الشكر
شروق:اخص عليكي يا ورده مش قولتي انك بتعتبري تواب ابنك
ورده: يشهد عليا ربنا اني بعزه زي ولادي بالظبط
تواب:يبقي خلاص مفيش ام بتشكر ابنها
عهد:انا بشكرك يا تواب انك لحقتني
تواب وهو ينظر للارض:لا شكر علي واجب يا بنت عمي انتي اختي وده واجب عليا احافظ علي عرض بيتي
سليما:ربنا يحفظك يا بني ويحميك لشبابك..يلا نستاذن احنا بقي
محمود ما خليكم يا جماعه قاعديم مع بعض اهو
ورده:لا معلشي عشان هاخدهم بكره ونروح لستهم بما ان بكره الجمعه
محموده:علي راحتكوا تمام
سليمان:يلا السلام عليكم ورحمه الله وبركاته
رد الجميع السلام وبعد جلوسهم لبعض الوقت خلد الجميع للنوم علي انتظار اللقاء بيوم مشرق
                ................................
بينما حينما نزل الثلاثه لمنزلهم قالت ورده لابنائها
ورده:يلا خشوا ناموا عشان نروح لستكوا بكره
فرح الجميع للغايه خصوصا عهد انها ستقابل بنت خالتها ولكن هي لم تعرف انها بدايه اللعنه وان تلك الفتاه هي من سبب اللعنه فهل ستاخذ بطلتنا حذرها ام ماذا سنري  كل ذلك في الفصول القادمه  🤷‍♀️🤷‍♀️
اتمني البارت يعجبكوا واتمني كتير الاقي الدعم
ان شاء الله من بكره هبدا انزل كل خميس وجمعه عشان الدراسه..
Love you💋💋💋