الرجوع (مستوحاه من قصه حقيقيه)

السادس والعشرون

السلام عليكم يا قمامير يلا نشوف بدايه فصلنا هيكون في ايه 🤗😎
...................................
ها قد بدأ اليوم بسعاده علي الجميع وتشويق علي الاخر فاليوم هو يوم تقدم باسل لشهد ......
في منزل حبيبه كانت تجلس بجوار والديها في الصاله ينظرون لباسل الذي ينتقل من غرفه الي غرفه بضحك علي شكله
حبيبه:هو باسل ماله
قالت والدتها:والله يا بنتي ما اعرف ده شكله اتهبل
فقال والدها:يا تري انا كنت كاتب رقم مستشفي العباسي في النوته ولا ايه
وهنا جاء باسل فجأه ثم قال وهو يمسك بدلتين قائلا:ها انهي احلي الكحلي ولا الرصاصي
حبيبه:باسل مالك يا حبيبي احنا يدوب رايحين نخطب ثم اكملت بمزاح:ويمكن ما يوفقوش
باسل بسرعه وغضب لها:حبيبه اقسم بالله لو اتكلمتي معايا نص كلمه النهارده هوديكي علي عربيه نقل ثم ابتسم بشر قائلا:طبعا فهماني
حبيبه بخوف وهي تمسك بيد والدها:بابا الحقني منه ده بيتحول
والدتها بضحك: عيله جبانه اهدي يا حبيبي الاتنين حلوين البس اللي انت شايفه مناسب
باسل وقد عاد لهدوئه:مش عارف مش مرتاح كده يعني البس الكحلي ولا الرصاصي ثم جلس بجوار حبيبه فجأه وقال:حبيبه حبيبتي يا عسل
حبيبه:عايز ايه من زفته
باسل:لا يا قلبي متقوليش علي نفسك كده انتي سكر واحلي سكر كمان
حبيبه وهي تنظر له بسخريه:والله
باسل:طبعا يا روحي المهم قوليلي هي شهد بتحب ايه
حبيبه:بتحب ايه يعني ايه
باسل:يعني بتحب البدل ولا الكاجوال ولا ايه بالظبط كمان لو البدل بتحب لون ايه
حبيبه:وانا اعرف
باسل:قولي بقي متبقيش رخمه انتي معاها بقالك سنين اكيد تعرفي
حبيبه:طيب اترجاني شويه
فقال والدها:قولي قبل ما يقتلك
نظرت حبيبه لباسل وجدته ينظر لها بشر فقالت:احم لا هي بتحب البدل وروح بالكحلي بتحب اللون ده
باسل:اكيد؟
حبيبه:اه والله
قام باسل باحتضانها:حبيبي يا بيبو يلا هقوم البس
ثم توجه لغرفته سريعا بينما ضحكوا عليه كثيرا و وسط ضحكهم وجدوه يخرج جريا وهو يقول:يلهوي محلقتش دقني ولكنه تعركل باحدي الكراسي فسقط علي الارض بقوه
حبيبه بضحك هيستيري: مش قااادره هموووت شكلك يموت من الضحك
فقال والده: قوم يا ابن الموكوسه قوم انت البت هبلتك
بينما قالت والدته: يا ضنايا يابني انت حالتك حاله قوم يا باسل واهدي لسه فيه وقت
نظر لهم باسل بغيظ وقال:ازاي بس يا ماما في وقت المغرب بيدن الساعه سبعه واحنا دلوقتي الساعه تلاته ونص العصر ازاي وقت بقي
حبيبه:يا باسل يا حبيبي اهدي كده في وقت تعمل كل حاجه قوم بس
نهض باسل من علي الارض ثم نظر لهم بغيظ وتوجه للحمام حتي يحلق ذقنه وبعد قليل توجه لهم مره اخري وقال:ها حلو كده
والده:ايوه يابني ما شاء الله عليك
حبيبه بمزاح:انت حلقت دقنك ليه دي بتحب الرجاله اللي بدقن جدا
نظر لها باسل بصدمه ثم توجه لها بغضب وقام بامساكها مثل المجرمين:ومقولتيش ليه قبل ما اتنيل علي عيني ها قولي الله يحرقك ويحرقك سنينك وبعدين بتحب رجاله ايه هي من النوع اللي بتبص للرجاله
حبيبه:اييييييه انت بتخرف لا طبعا حبيبه دي محترمه جدا ومعليهاش غبار انا بهزر بس اوزن كلامك بقي وروح البس
باسل:ابو تقل دمك يا شيخه انا داخل اغير وبعدين انتوا لسه ملبستوش يلا يا بابا يلا يا ماما هنتأخر عليهم كده قوموا بقي
والدته:هنلبس قبلها بتلت ساعات انت اهبل يابني
باسل:ما علي ما تخلصوا لبس فيها ساعتين قوموا بقي
والده:حاضر حاضر هنقوم اهو ادخل بس انت البس يلا
باسل:طيب ومتتأخروش
حبيبه:حاضر ادخل انت بس........
.............................
عند شاهندا كانت تجلس مع سميحه فقالت الاخري:يعني اتصالحتوا خلاص
شاهندا:اه يا عمتو
سميحه:طب احكيلي بقي خدك فين
ابتسمت شاهندا بحب وهي تتذكر ما حدث بعد ان ابدلت ملابسها
Flash Back..
خرجت شاهندا بعد ان ابدلت ملابسها ثم قالت:عبده جهزت ها خلصت
عبد الله:ايوه يا حبيبتي يلا
شاهندا:انت متاكد انك مش هتروح الشغل
عبد الله:لو عايزاني اموت عادي اروح
شاهندا:لا بعد الشر عليك يارب متروحش خلاص
عبد الله:تسلميلي يا قلبي يلا بقي عشان نلحق اليوم من اوله
شاهندا:طب مش هناخد الولاد او عمتو
عبد الله:لا ده يومك انتي لوحدك انا هتصل بامي اقولها تاخد بالها منهم لحد ما نيجي
وبالفعل قام بالاتصال بسميحه قائلا:الو السلام عليكم ايوه يا ماما انتي عند عمي تحت
سميحه:ايوه يا عبد الله خير المهم صالحت شاهندا ولا هببت الدنيا
عبد الله:لا متخفيش يا حبيبتي انا بس كنت بتصل بيكي اقولك تاخدي بالك من العيال عشان هنخرج انا و شوشو عشان اعتذر ليها عن غبائي
سميحه:ماشي يا حبيبي اطمن ربنا يصلح بينكم يارب دلعها يا عبد الله اوعا تستخسر فيها حاجه
عبد الله وهو ينظر لشاهندا بحب:ابدا يا ماما دي تاخد حياتي كلها المهم سلام بقي عشان منتأخرش
سميحه:سلام يا حبيبي
ورده:ها اتصالحوا
سميحه:اه متخفيش حتي عبد الله هيخرجها كمان
ورده:ربنا يصلح حالهم يارب
سليمان:ربيتي راجل يا سميحه
سميحه:تسلم يا سليمان يا خويا......
بينما عند عبد الله قال لشاهندا:يلا يا قمر
شاهندا:يلا يا قلب القمر
ثم توجها للتنزه فقال لها:ها القمر بتاعي يحب يروح فين
شاهندا:بص يا سيدي اولا نتمشي شويه علي الكورنيش وتجبلي عصير وبعدين نروح مطعم ناكل اكله حلوه كده وبعدين نروح السينما نتفرج علي فلم الفيل الازرق اللي من ساعه ما نزل وانا هموت واتفرج عليه ايه رائيك
عبد الله:اعمل نفسك ميت اعمل نفسك ميت
شاهندا:ايه كتير او ما عملتش حسابك خلاص نتمشي وخلاص دي كفايه عليا كمان انها منك
عبد الله:لا طبعا انتي تؤمري كل اللي انتي عاوزاه هيتنفز يلا بينا انا زعلتك يبقي لازم اصالحك ايا يكن الطريقه يلا بينا
شاهندا:قولتلك قبل كده اني بعشقك
عبد الله:ده انا اللي حظي سعيد اني اتجوزت زوجه جميله زيك يلا بينا بقي
وبالفعل فعلا كل ما قالت عليه تحت سعاده شاهندا
في السينما كانا يجلسان يشاهدان الفلم فقام عبد الله فجاه بتقبيلها
شاهندا بخجل:ايه اللي عملته ده انت مجنون حد يشوفنا
عبد الله:متخفيش انا خدت بالي وبعدين احنا قاعدين ورا خالص يا قلبي انا هحميكي من موقف تكوني فيه محروجه
شاهندا بحب:والله بحبك يا سيدي
عبد الله:والله بحبك يا قلب سيدك
وبعد ان انتهيا من الفلم قالت شاهندا:لا كان يوم جميل يسلام لو نكرره
عبد الله:وعد مني كل فتره نعملها
شاهندا:اشطات يلا بقي نروح
عبد الله:لا لسه في حاجه
شاهندا:ايه
قام عبد الله بامساكها وسحبها ورائه قائلا:تعالي وانا هوريكي....وبعد قليل وقفا امام احدي المولات الشهيره بالملابس الفخمه فسالت شاهندا باستغراب:ايه ده جينا هنا ليه
عبد الله:تفتكري نيجي محلات ملابس وكمان حريمي يبقي ليه
شاهندا وقد فهمت:لا لا يا عبد الله مش مستدعي كل ده كده كتير عليك اوي يا حبيبي انا اصلا عندي كتير
عبد الله:لا تعالي ان حابب اشتريلك تاني يلا بس
شاهندا:يا عبده بس كده هيبقي كتير
عبد الاه ولم يبالي لحديثها:يلااااا
شاهندا وهي تمشي خلفه:يلا عرفاك مش هتسمعلي...وبالفعل قام بشراء لها الملابس وكانت سعيده بهم للغايه وبعدها توجها الي المنزل فقد نال منهم التعب والارهاق........
Back..
شاهندا:وبس يا عمتو هو ده اللي حصل
سميحه:ربنا يهنيكوا يارب يستاهل برضو عشان يبقي يزعلك
شاهندا بضحك: ايه يا عمتو هو مش ابنك ولا ايه
سميحه:انا ولا اعرفه ده انا لقيته في كيس شيبسي حتي
هنا جاء عبد الله ثم قال:كيس شيبسي يا امي بقي ده العشم
سميحه:الله يرحمه بقي كان طيب
عبد الله:مين ده
سميحه بسخريه:عمك عشم
ضحكت عليها شاهندا بشده فقال عبد الله:الله يستر اصلك يا امي
جائت ترتيل لهم بسرعه وخلفها تيام فقالت ترتيل بغضب:علي فكره بقي زعلانه منك يا بابا انت وماما
عبد الله وقد حملها علي رجله:ليه يا روتي هانم
ترتيل:عثان روحتوا تتفثحوا وثبتونا هنا
تيام:ايوه احنا كنا عايزين نيجي معاكوا
شاهندا وقامت ايضا بحمله علي رجلها:خلاص يا سيدي المره الجايه هنخدكم
تيام:وعد يا ماما
شاهندا:وعد يا قلب ماما
ترتيل:وناخد تيته ثميحه وخالتو و رورو وتيته ورده وكله كله
عبد الله:لا يبقي مع نفسك انتي وكله
ضحكوا عليه قليلا ثم جلسوا ليكملوا كلامهم......
...............................
بينما عند عهد كانت جالسه امام الهاتف بحماسه ولهفه دلف عليها وليد فرآها علي حالتها تلك فقال باستغراب:مالك قاعده كده ليه وبتبصلي للتليفون وكأنه هيهرب منك
عهد:عشان حبيبه هتتصل بيا وتصور اللي بيحصل فيديو واستاذ باسل بيتقدم
وليد:ده ايه الحشريه دي افرضي عيزين يقولوا حاجه مش حابين حد يعرفها
عهد:لا متخفش مهو مش القعده كلها برضو هو عشر دقايق ربع ساعه ولا حاجه
وليد:طب هي هترن امتي
عهد:علي سبعه وربع كده
وليد:وقاعده من دلوقتي يا هبله انتي
عهد:اششششش ملكش دعوه بقي روح اشخط في الطلاب اللي معقدهم في عيشتهم وسبني بس
وليد:ظريفه يابت طب فين غفران اقعد معاها هي
عهد:هتلاقيها في اوضتها نفس حالتي كده
وليد:كمان طب ما انا عايز اقعد لوحدي وزهقان وعايز اتكلم برضو بدل ما عمال ابص في الاوضه علي الحيطان
عهد:اتصل علي صاحبك سامر ده
وليد:اتصلت بيه لقيته رايح لخطيبته فمرضتش ارزل عليه يعني خلاص مش مهم هشوف اي حاجه اعملها وخلاص وعندما هم بالخروج نظرت له قليلا ثم قالت:هتعملي زي ما كانوا بيعملوا زمان افرضي مخنوق فعلا قومي يا عهد واقعدي متحسسيش اخوكي باللي كنتي بتحسي بيه ثم قالت بسرعه:وليييد استني جايه معاك
وليد:لا خليكي عشان معطلكيش عن المكالمه اللي جايالك
عهد:لا تعالي ميهونش عليا تحس باللي كنت بحس بيه زمان ثم لسه بدري اصلا
نظر لها وليد قليلا ثم قال :انتي لسه منستيش يا عهد
عهد:لا والله ابدا مش قصدي و وبعدين نسيت الشعور او الزعل بس بفتكر كذكري بس يعني لكن والله عادي دلوقتي
وليد:يعني لسه مش بتحسي بالزعل مننا
عهد:والله ابدا انتوا حبايبي يا وليد مستحيل ازعل منكوا
وليد:ربنا يديمك لينا يا عهد
عهد:ويديمك يا حبيبي يلا بقي نطلع علي السطح ونجيب من الشوكولاته اللي بتجبهالي نتسلي بيها
وليد:اشطا يلا
وبالفعل صعدا لاعلي علي السطوح ثم جلسا فقالت عهد:ها يا سيدي احكي بقي عايز تتكلم في ايه سامعاك
وليد:انتي محسساني اني هحكي قصه حياتي
عهد:احكي بس يلا
وليد:هو بس كنت قلقان من حاجه وعايز افضفض
عهد:طيب هسمعك ولو عايز نصيحه هنصحك انا يمكن اصغر منك بس برضو افي بالغرض
وليد:طب اسمعي هو انا لسه اناني يا عهد او لسه مهمل او بحب اهتم بنفسي بس
عهد باستغراب:ليه بتقول كده يا وليد
وليد:عشان خايف خايف اكون كده فعلا وبعد ما اتقدم لحبيبه وبأذن الله لما يوافقوا باهمالي اخسرها او لما اخلف ولادي يكرهوني اني مش متفهم معاهم انا غلطت كده مره معاكي وكنت هخسرك بعد الشر عنك فمش عايز اغلط نفس الغلطه
عهد بحب:صدقني يا وليد انت مش اناني ولا حاجه ولا عمرك كنت كده انت ممكن كنت مطنش شويه
وليد:قولي شويتين
عهد:برضو بس عمرك ما كنت اناني ابدا بل بالعكس انت بتخاف علي غيرك
وليد:ده دلوقتي زمان لا يا عهد
عهد:لا دلوقتي وزمان بدليل انك لما عرفت ان عمو محمود كان تعبان جيت من السفر مخصوص ولا ايه
وليد:خايف اغلط ومخدش بالي
عهد:متخفش لا يلدغ مؤمن من جحر مرتين وبعدين يا سيدي لو حصل حاجه هبقي انبهك او انت من نفسك فكر هل انت اللي بتعمله صح ولا غلط هتلاقي نفسك بترجع بسرعه ده لو بتحبها يعني
وليد:بحبها قولي بعشقها بهواها حاجه من دول
عهد:يا زيدي يا زيدي ايوه يا عم هنيالو بس احكيلي ازاي حبتيها كده هي صحبتي وتتحب الصراحه
وليد:هتصدقيني لو قلتلك معرفش الكام مره كنت بشوفها علي مر السنين ولما كانت في الثانوي وتيجي تفوت عليكي كانت بتلفت نظري بس كنت فاكر عادي بس بعدها اكتشفت انه لا في حاجه خصوصا لما بعدتم فجاه اتألمت ومكنتش عارف ليه بس بعدها فهمت اني وقعت في حبها اخوكي بقي واقع علي شوشته
عهد:ربنا يهنيك يا حبيبي وتكون من نصيبك بأذن الله
وليد:يارب يا عهد يارب تسلمي انك سبتي الفون وقعدتي معايا سمعتيني
عهد:ايه يا دوده عايزني اقلب ولا ايه بس يا بابا كخ يا حبيبي
نظر لها وليد بقرف فضحكت عليه بشده
غفران:بخخخ انتوا بتعملوا ايه هنا من غيري
عهد بخضه:لا اله الا الله اييييه يابنتي قطعتيلي الخلف حد يخض حد كده
وليد:بقره ضاحكه مغلطتش لما قلت بقره ضاحكه
غفران:ظريف اوي المهم مقولتوش جيتوا هنا ليه لما سالت ماما قالت انكم هنا فجيت اقعد معاكم
عهد:تعالي احنا قاعدين نحكي وبناكل في الشوكولاته اللي وليد جايبهالي
غفران:طب وحبيبه والمكالمه
عهد:متخفيش لما ترن هنبقي نكلمها ونكمل القاعده
غفران:اشطات.....
..............................
بالاسفل عند تواب كان ينوي الصعود الي السطح ولكن تفاجأ امام شقه سميحه بترتيل وتيام امام الشقه فقال:خير يا ولاد رايحين فين
تيام:كنا هننزل عندكم يا عمو
ترتيل:انت هتروح فين يا عمو
تواب:انا طالع فوق علي السطح تعالوا معايا اقعدوا وبعدين شويه وانزلوا عند تيته شروق وجدو محمود
تيام:استني هنقول لبابا وماما
تواب:ماشي يلا بسرعه تعالي يلا يا روتي نسبق
رفعت له ترتيل يدها بمعني ان يحملها فقال:ما تطلعي لوحدك يختي
ترتيل:ثيلني بقيييي
قام تواب بحملها ثم قال:امري لله تعالي يختي علي ما اخوكي يجي
ثم صعدا للسطح فوجدا كل من وليد وغفران وعهد يجلسان
تواب:السلام عليكم
ردوا السلام وجلس تواب بجوار وليد وجرت ترتيل الي عهد وغفران وقامت بأحتضانهم
تواب:اه يا ندله مش كنتي لسه معايا حالا
وليد:نعمل ايه اول ما بتشوف عهد وغفران بتنسانا ولا كأنها تعرفنا
غفران بضحك: روتي دي حبيبتنا صح يا روتي
ترتيل:ثح يا رورو
عهد:فين تيام يا روتي
هنا حضر تواب جريا علي وليد وقال:خالوووو
وليد وهو يحمله:حبيب خالو ازيك يا بطل
تواب:طب الظاهر ان مليش لازمه هنا سامو عليكوا انا
ضحكوا عليه فقال وليد:اقعد يا عم متبقاش شبه الاطفال كده
تواب:ان مكنتش تحلف بس ضحكوا عليه قليلا ثم قالت غفران:طب ايه
وليد:ايه
عهد:عايزين نعمل اي حاجه
غفران:تعالو نلعب لعبه بنت ولد جماد
وليد:بس يا تافهه
عهد:طب والله فكره حلوه يلا نلعبها واللي يجيب اقل رقم نحكم عليه يجيب حاجه لينا كلنا
وليد:لا يختي انتي طلباتك تقيله كفايه الموبايل اللي جبته وابوكي لما عرف كان هيشلوحني معاكي
عهد:ايه مايبقاش معايا فون يعني
وليد:لا ازاي
غفران:طب ايه رائيكوا
عهد:انا موافقه
غفران:وانا كمان
تواب:معنديش اعتراض
وليد:يعني هي جت عليا موافق
عهد:اشطات استنوا انزل اجيب كشاكيل واقلام
وبالفعل نزلت لأسفل واحضرت لهم ما يحتاجوه للعب ثم صعدت لهم مره اخري قائله:يلا بينا استنوا صح اتفضلي يا غفران شوكولاته تسليكي اتفضل يا وليد اتفضل يا تواب
غفران:مرسي بقو
وليد:انا اللي جايبها وعلي العموم شكرا
تواب:شكرا ليكي
عهد:خد يا تيمو خدي يا روتي
ترتيل:ثكرا يا عمتو
تيام:شكرا ليكي يا عمتو
عهد:العفو يا حبايب عمتو
ترتيل:انا هشجع عمو تواب
تيام:وانا هشجع عمو وليد
غفران:اه يا كلاب واحنا
عهد:احنا نشجع نفسنا هنعمل ايه
تواب:طب يلا نبدا
وبالفعل بداوا في اللعب فقالت عهد:ها تختاروا حرف ايه
تواب:انا رائي حرف ال ك
غفران:اشطا سهل يلا
بدأوا في اللعب
وبعد قليل قالت غفران خلصت
عهد:يووه لسه حاجه عندي
وليد:خلصت
عهد بصدمه:ايه الغش ده لسه حاجه واقفه معايا
تواب:خلصت
عهد:لا لا لا استنوا بالله عليكوا
غفران:مش لازم تقفلي كله
عهد:لا مليش دعوه
وليد:ايه اللي واقف معاكي
عهد:جماد
غفران:يا غبيه
وليد:لاحظت ده
عهد:ايه
غفران:اصلها سهله اوي
نظرت لهم عهد قليلا ثم نظرت لتواب وجدته يتحدث بدون صوت
نظرت له بتركيز قائله بخفوت:ايه
تواب بخفوت:كشاف
اشارت عهد له بأنها لم تسمعه
نظر لها تواب بنظره انه كاد يشل ثم قال:ك ش ا ف
فهمت عهد ثم نظرت له بسعاده وقالت: صح
غفران:ايه ده ايه ده انت بتغششها يا ابيه
تواب:انا لا
وليد:يا تواب
تواب:هو انا غششتك يا عهد
عهد:احم لا عرفتها من طريقه كده
غفران:ايه
عهد:ملكيش دعوه يلا خلصت
وليد:طيب بنت انا عاملها كريمه
غفران:ايه ده وانا
عهد:يبقوا تخدوا خمسه
وليد:وانت يا تواب
تواب:عاملها كامله
عهد:عاملاها كوثر
وظلوا هكذا حتي وجدوا ان من خسر هو وليد
فقال تيام:يا عموو بقي بتخسر ليه مش هشجعك تاني
وليد:ياعم انت بتقطمني
عهد: تعيش وتاخد غيرها
غفران:يا تري هنطلب ايه
تواب:انا عايزه بيتزا
غفران:وانا
عهد:اه بالله عليك وانا كمان ده طلبي
ترتيل:وانا يا خالو
تيام:وانا كمان عايز بيتزا
وليد:خلفتكوا ونسيتكوا انا مش جايب كتير اوي عليا
عهد:محدش قالك تخسر
تواب:هتدفع يعني هتدفع
غفران:يلا مفيش مفر
وليد:تيام حبيبي قولهم بلاش مش انت بتحب عمو وليد
تيام:اه بس انا عايز بيتزا
وليد:عيل جزمه
ترتيل:يلااااا
وليد:طيب يختي متزعقيش والله ما انا لاعب تاني
ضحكوا عليه قليلا ثم قام بطلب البيتزا لهم بالفعل وعمل حساب باقيه الاشخاص
وليد:طلبت يكش يطمر وكمان عملت للي تحت حساب معانا
غفران:بقي معاك كام في جيبك من غير الحساب
وليد بحسره:جنيه وخمسه وسبعين قرش
انفجروا في الضحك عليه بشده ولكن قاطعهم صوت رن هاتف كل من عهد وغفران
عهد بسرعه:دي زمانها حبيبه بسرعه يا غفران وليد بالله عليك لما البيتزا توصل قولي وخليكم هنا مش هنتأخر
وليد:طيب يختي مهو ببلاش
ابتسمت له ابتسامه بلهاء ثم ابتعدوا قليلا ليشاهدوا ما يحدث مع باسل وشهد ودعونا نحن ايضا نري ما يحدث........
عند شهد كانت تجلس متوتره بالغرفه ومعها والدتها فقالت لها:يابت اهدي مالك انتي دايما بتبقي بارده لما عريس يتقدم
شهد:مهو مهو يا ماما عادي بقي قلت لازم اكون بنت كويسه وما اتعبكوش
والدتها:يابت عليا برضو
شهد بارتباك:اه اه حقيقي
والدتها:هعمل نفسي مصدقه
هنا ودلف والد شهد ثم قال:يلا احنا عشان هما جم اهم ولازم نقابلهم
شهد بارتباك:جم جم ليه بسرعه كده لا جايين بدري مينفعش ارفض يا بابا مش منتظمين المواعيد ولا لا مترفضش عيب برضو
والدها بصدمه:مالها دي
والدتها:والله ما اعرف هي  من الصبح وهي كده
والدها بضحك: طب يلا عشان نستقبلهم
وبالفعل نزلا لاسفل واغلقا الباب خلفهم ولكن بعدها وجدت من يدق الباب فقالت ادخلي يا ماما رجعتي ليه
دلف رامي لها ثم قال:لا انا رامي
نظرت له قليلا ولم تنطق فقال:حتي النهارده مش هتكلميني
شهد:انزل يا رامي عشان تقابل الناس معاهم
رامي:طب ممكن متزعليش مني النهارده عشان خاطري
شهد:انزل يا رامي ميصحش تسيبهم كده
نظر لها قليلا بحزن ثم تنهد عالما بأنها لن تتحدث الان ثم قام بتقبيل راسها وقال:الف مبروك مقدما ليكي لاني حاسس ان فيها قبول
شهد بجديه:الله يبارك فيك
نظر لها قليلا ثم خرج من الغرفه ولم يتحدث
شهد بالداخل:اااه يارب مش عارفه اصالحه ولا لا مهو اخويا برضو حرام بس مش قادره اعمل ايه ثم تنهدت قائله ربنا يحلها بقي المهم اللي تحت دول انا مش مصدقه ان حلمي هيتحقق يا تري لابس ايه يارب يا حبيبه اول ما انزل تفهمي وتيجي تقعدي جمبي ...وبعد قليل جائت والدتها قائله:يلا يا شوشو عشان تنزل
شهد بارتباك:انزل دلوقتي ليه لا مش عايزه
والدتها:يوووه يلا وارتبكي بعدين مينفعش الوقفه دي قدامي
شهد:طيب طيب براحه...وبالفعل نزلت لهم شهد بعد ان احضرت العصير لتقدمه لهم وعندما دلفت نظر لها باسل بحب خالص تحت خجلها وضحكه حبيبه الخبيثه
اعطتهم العصير ثم جلست بجوار والدتها وقد اعجبت ببدله باسل الكحليه بالفعل فقالت والده باسل:بسم الله ما شاء الله ربنا يبارك فيكي يا بنتي يا زين ما اخترت يا باسل
باسل بحب:طبعا يا امي
نظرت لهم بخجل ثم نظرت لحبيبه وجدتها ترفع لها حاجبها بخبث فنظرت لها بمعني انتظريني وساريكي
والد باسل:طبعا يا استاذ غنيمي احنا جايين ولينا الشرف اننا نطلب ايد الانسه شهد لباسل ابننا
والد شهد:الشرف لينا احنا اننا نناسب ناس محترمه زيكم
والد باسل:تسلم يارب
والد شهد:انا اعرف ان انت بتشتغل ظابط يابني
باسل باحترام:فعلا يا عمي ظابط رتبه مقدم
والده شهد:بس مش فيها خطر عليك يابني
باسل:الاعمار بيد الله حضرتك وبعدين انا حابب الشغل ده جدا
والد شهد:ربنا يوفقك يارب انا طبعا معنديش اي اعتراض عليك انتوا نسبكم شرف لينا بس الاصول بتقول نسال عليك برضو يابني
والد باسل:حقك محدش يقدر يقول حاجه
والد شهد:تسلم يارب
حبيبه:احم ممكن بس ارن علي صحبات شهد عشان قالولي اني اوريهم القعده
والده شهد:طبعا يا حبيبتي كانوا يجي معاكم افضل
حبيبه:لا ابدا مش مستدعي هو عشر دقايق ولا حاجه بس حضرتك عارفه متعلقين ببعض يعني
والده باسل:ربنا يحفظكم لبعض يارب
امن الجميع عليها ثم قامت حبيبه بالاتصال بهم جميعها فقالت عهد بخفوت:هاوافقوا علي خطوبه
الاء:ده لسه بيتقدم يا بت انتي
حياه: المهم ايه الحوار انا شايفه ان في قبول علي وشهم
حبيبه:لا ولا البت شهد قاعده كانه في نفسها يا قلب امها انا هموت واضحك
غفران:يخلاثي قمر اوي وكيوتي وهي مكثوفه
الاء:لا انا نفسي بتجزع من الكثوف ده لازم تبقي اسد كده
حياه:اه زي ما عملتي
الاء:بالظبط
عهد:حبيبه روحي اقعدي جنب شهد نكلمها
حبيبه:اشطا
توجهت حبيبه بالفعل ثم جلست بجوار شهد وقالت: الحقوني يا بنات انا ميته علي نفسي من الكثوف
عهد:انا فرحنالك بجد استاذ باسل باين عليه بيحبك اوي
حبيبه:حصل متشوفيش عمل ايه النهارده في البيت
حياه:عمل ايه
الاء:بعدين بقي عشان ميصحش نتكلم كده احنا بس عايزين نباركلك مقدما يا شوشو
شهد:الله يبارك فيكم يارب تسلموا يارب في وقفتكم معايا دي
حياه:اهو جينا للكلام البايخ
حبيبه:طب اقفلوا اقفلوا عشان هيقعدوا مع بعض
غفران:اشطا سلام
اغلقت معهم ثم قالت والده شهد:خليك معاهم يا رامي
رامي:تمام يا ماما
وبعد ان خرج الجميع تاركين شهد وباسل مع بعض ورامي يجلس بعيد عنهم قليلا
باسل:ازيك يا انسه شهد
شهد بخجل:تمام الحمد لله
باسل:دايما يارب تحبي تسالي اي اسئله
شهد:هو كام سؤال بس
باسل:اتفضلي طبعا
شهد:حضرتك بتصلي
باسل:الحمد لله
شهد:طب هو حضرتك عارف اني لسه طالبه في الجامعه
باسل:ايوه عارف وانا جاي ومستعد استناكي ولو العمر كله
شهد بخجل وخدود حمراء:احم طب هو حضرتك ممكن ترفض اني اشتغل
باسل بمزاح:طب سبيها لما تتخرجي الاول وساعتها اسالي بس عموما لا انا معنديش اي اعتراض
شهد:ابدا ابدا
باسل بضحك:ابدا ابدا
شهد:طب هو يعني هو
باسل:ايه اسالي براحتك متحسيش بحرج
شهد باحراج : لا ما انا مش عارفه اسال ايه الصراحه
ضحك عليها باسل بقوه ثم قال:المهم انتي مرتاحه للموضوع من اساسه
شهد بخجل:احم لا هو مش مرتاحه ومش مضايقه خصوصا اني معرفش حضرتك غير انك اخو صحبتي وكمان يعني لسه هصلي استخاره واشوف رائ بابا بس حضرتك يعني محترم و اي بنت تتمناك
باسل:تسلمي يا ستي علي رائيك ده
شهد:طب حضرتك ليك اسئله
باسل بحب :تؤ انا جاي واثق وعارف انا جاي لمين
نظرت شهد بعيدا بخجل ولم ترد مما ادي انه ابتسم بحب لها ثم عاد الجميع ليكملوا اتفاقهم.......
.............................
عند عهد وغفران بعد ان اغلقوا توجهوا اليهم مره اخري فقال وليد: ها حصل ايه
عهد: باينها هتم ان شاء الله حاسه بالقبول في وش باباها ومامتها
تواب: ربنا يتمملهم علي خير يارب
وليد: اااه اخيرا بكره هيجي انا مش مصدق نفسي يا لمبي
عهد: دي حبيبه هتتصدم صدمه مش قادره اتخيل منظرها
غفران: مش بعيد يغمي عليها
عهد بضحك: شكله هيحصل
هنا ورن هاتف وليد فقال:ده الاوردر بتاع الاكل ثم نزل لاحضاره وقاما باعطاء الجميع نصيبه وايضا البقيه تحت ضحكهم علي منظر وليد وهو يحكي خسارته ثم بعد ان انتهي صعد وتناول معهم مع مزاحهم.........
............................
عند الاء بعد ان اغلقت قالت لسامر: والله معلشي اسفه جدا بس كان لازم اكون موجوده معاها وكلنا برضو
سامر: لا ابدا ولا يهمك محصلش حاجه ده حقك اصلا
الاء: تسلم يارب ها كنا بنقول ايه
سامر: لامتساليش لان عندي ظهايمر مبكر قبل ما تدبسي
الاء: اي ده الحال من بعضه يعني
سامر: انتي كمان شكلها بدايه مشرقه بالتفاؤل
الاء بضحك : فحسيت ان دي اشاره
سامر:طب انا عازمك يوم الجمعه ناكل بره ينفع
الاء:هو يعني مش هيتفع لوحدنا
سامر:انا طبعا مش بقول لوحدنا ممكن تجيبي حد من صحباتك او مامتك
الاء:اممم هو لو هوافق بلاش صحباتي عشان مش هيكونوا مرتاحين وكمان هيتخانقوا مين اللي هيجي فهتبقي ماما علب الاغلب
سامر:تمام معنديش مشكله الجمعه حلو ليكي صح
الاء:ثانيه هو انا وافقت اصلا
سامر:ويكأننا سمعنا منك موافقه ماشي
الاء بابتسامه:تمام ماشي.....
..........................
في المساء كانت الفتيات جميعا يتحدثن فضحكت شهد بقوه وبقيه الفتيات علي ما حكته حبيبه عن ما حدث لباسل صباحا
شهد بضحك: مش قادره اومال باين عليه جد ليه
حبيبه:لا ده مجرد انفصام جوا حاجه وبرا حاجه تانيه خالص
عهد بضحك: لا بس بجد حلوه اوي اللهفه دي شكله واقع يا شوشو ولا ايه يا حبيبه انتي اللي شايفاه
حبيبه:يلهوي ده واقع و واقع علي الاخر
شهد بخجل:احم خلاص بقي يا جماعه
قامت حياه بتقليدها :خلاص بقي يا جماعه
الاء:ايه المحن ده ما تسترجلي يابت
غفران: بزمتك بنت وتسترجل
شهد:قوليلها
عهد بخبث:لا بس مش عارفه ليه حاسه ان هيبقي في حاجه بكره هتحصل مش علي البال ايه يا حبيبه
الاء:اشمعني حبيبه يعني
غفران بنفس الخبث:والله عادي يمكن طلعت عادي ولا ايه يا عهد
عهد:طبعا يا قلب عهد
حياه:لا انا عايزه افهم في ايه
حبيبه:مالكم يا هبله منك ليها
شهد:انتوا تعبانين ولا ايه
الاء:يختي انطقي انتي وهي
عهد بخبث:معرفشي بقي يا حبيبه قصدي يا بنات بس اهو بقول حاسه وخلاص
غفران:نفس احساسي يا اوختي
حبيبه:هشتمكم والله
الاء:لا هتلقوها بس اتهبلت ولا حاجه
عهد بخبث:هنشوف اهو يا خبر النهارده بفلوس بكره يبقي ببلاش.........
...............................
نقف بقي هنا ياسطا هو ممكن يكون اقصر من العاده بس تشويق تشويق وعشان الاحداث هتبقي بكره حلوه المهم عايزه رائيكم بقي وبلييز تفاعل
love you🤍❤🤍❤