الرجوع (مستوحاه من قصه حقيقيه)

الخامس والعشرون

يا مساء الجمدان عليكو عاملين ايه وحشني جامد والروايه وحشاني جامد زي ما وعدتكوا اني هبدا بعد ما اعيد تظبيط اللي فات واهو خلصته ان شاء الله هنزل النهارده وهيبقي مواعيدنا جمعه واتنين وتلات زي ما اتفقنا يعني فيه بكره بارت وبعده 🥰🤗💃🏻
يلا نبدا يا حبايب 💃🏻💃🏻💃🏻
.................................
وقفنا المره اللي فاتت علي استغراب سامر بينا نشوف ايه حصل.....
سامر بصدمه:انتوا بتعملوا ايه هنا
ترتيل بطفوليه:ابيه ثامر ازيك
تيام:احنا هنا مع خالتو
الاء بضحك:ههه اتفضل يا سامر هما كانوا جايين مع عهد تقعد معايا شويه
سامر وهو يحمل تيام ويقوم بتقبيله:اه انا استغربت برضو لما هما اللي فتحولي
ترتيل:ليه مث عايزنا نفتحلك يا ابيه
سامر:لا يا قلب ابيه بس كنت جاي لخالتو الاء واستغربت بس
تيام:خالتو!اسمها لولو مش خالتو صح يا لولو
عهد بعد ان جائت لتاخذهم وتغادر:عيب يا تيام كده
الاء:سبيهم يختي مهو اختك معرفتش تربيهم اما اشوفها بس
عهد:لا الصراحه هما تربيه غفران وفعلا متربوش
ترتيل:والله لقول لرورو هخليها تضربكم
سامر بضحك: لا بس حلو لولو ده اوي وممتع كمان ثم وجهه نظره الي عهد قائلا:ازيك يا انسه عهد
عهد:تمام الحمد لله
الاء:اسمي ممتع فعلا
سامر:احم ولا حاجه ده انا بقول لتيام ان انا اللي مسميه
تيام:بس بابا قالي ان هو اللي اختار اسمي
ابعد سامر تيام بقوه وقال:عن ابو شكلك غور يلا
ضحكت عهد والاء بخفه ثم قالت عهد:طب عن اذنكم انا بقي هتعوزي حاجه يا الاء
سامر:هو انا جيت قطعت قعدتكم ولا ايه انا اسف والله
عهد:لا ابدا يا استاذ سامر انا جيت بس عشان اقولها حاجه وكنت هروح اصلا عن اذنكم سلام يا الاء
ترتيل:سلام يا لولو
الاء:سلام يا عهد سلام يا قلب لولو
ثم نظرت لسامر وجدته يضحك بخفوت فقالت:مضحك اوي صح
سامر بضحك: الصراحه اه
الاء:احم هما طلعوه عليا بقي المهم تحب تشرب ايه
سامر:لا الله يديمك ولا اي حاجه
قاطعهم صوت والده الاء بعد ان جائت قائله:وده يصح يابني برضو متشربش حاجه بتحب العصير صح
سامر:مكنتش عايز اتعبكم والله
والده الاء:الله يحفظك يابني لا تعب ولا حاجه المهم مقولتش بتحب العصير ولا تفضل حاجه تانيه
سامر:لا تمام حلو العصير
الاء وهي تحادث والدتها بعد ان ابتعدت قليلا:جواافه يا مامااا
ابتسم سامر عليها بشده
فنظرت له قائله برفعه حاجب:ايه بحبها
سامر بابتسامه كبيره:اه طبعا حقك انا اتكلمت المهم انتي عامله ايه
ابتسمت الاء له قائله:انا الحمد لله....
..................................
في منزل شهد كانت جالسه بغرفتها لم تخرج منها طوال اليوم فأتت لها والدتها قائله:شوشو مالك يا حبيبتي مروحتيش الجامعه ومطلعتيش حتي من اوضتك وكل ده من ساعه ما اتخنقتي مع اخوكي هو حصل حاجه منعرفهاش
شهد:مفيش يا ماما انا بس مش قادره اروح النهارده فقعدت وبالتالي مخرجتش من الاوضه
والدتها:مش عارفه مش مصدقه ليه بس ماشي يا شهد وانا في اي وقت لو احتاجتي تتكلمي معايا صدقنيي هسمعك وهتفهمك
قامت شهد باحتضانها ثم قالت:ربنا يديمك ليا يا ماما
والد شهد:وهو يقف علي الباب:طب وبابا ملوش في الحب جانب ولا ايه
ابتسمت له شهد قائله:لا طبعا يا بابا ده انت ليك الحب كله
فقال بعد ان جلس بجوارها:طب ممكن تفهمينا ليه قاعده كده دي مش شهد اللي اعرفها مالك يابنتي
شهد:صدقني يا بابا مفيش هو بس حصل حاجه مع صحبتي عرفتها وزعلانه انما مخرجتش عشان فعلا مش قادره النهارده
فقال:طب وسبب خناقك مع اخوكي امبارح بالشكل ده انا عارف اني غلطت لما فكرت اضربك بس انتي برضو غلطانه يا شهد ولا ايه
شهد:عارفه يا بابا اني غلطت لما عليت صوتي عليه في وجودك انت وماما بس انا اسفه والله محستش بنفسي
فقال:خلاص تمام محصلش حاجه بس متحبيسش نفسك كده ماشي يا حبيبتي
شهد:حاضر يا بابا والله
فقالت والدتها:نسيبك بقي شويه.......
وبعد ان غادروا قالت شهد في سرها:يارب اعمل ايه مش قادره اشوفهم ولا ابص في عنيهم حتي ربنا يسامحك يا رامي...
...........................
بعد ان ذهبت عهد الي منزلها توجهت لها غفران سريعا وقالت:انا بقي عايزه افهم ايه حصل مع شهد وصلها انها متحضرش النهارده وانتي تقوليلي ابقي خدي بالك مهو اكيد في حاجه
عهد:اييييه براحه مخدتش نفسي حتي
غفران:انا بتكلم جد حصل ايه
عهد:لو عايزه تعرفي فعلا يبقي مش مني لانها حاجه متخصنيش يا رورو انا اه طرف في الموضوع بس مقدرش اتكلم ويريت كمان متساليهاش حاجه لو جت بكره
غفران:ازاي انا صاحبتها ولازم اطمن عليها ولا حضرتك بس اللي لازم تعرفي وده حقك انتي انك تمنعيني اطمن علي صحبتي خلصي يا عهد ومتبقيش انانيه عشان بس تكوني انتي الاساس
نظرت لها عهد قليلا بصدمه ثم تحولت نظراتها الي غضب وقالت وهي تنظر لها بقوه وترفع اصبعها في وجهها:انا مش انانيه ولا عايزه ابقي اساس وزفت يا غفران واخر مره تقوليها ليا عشان انا مش كده وايوه مش من حقك تعرفي انتي سامعه
جرت ترتيل علي وليد وقالت:خالو خالو الحق خالتو بتزعق لرورو
وليد:خالتو بتزعق غريبه تعالي نشوف ايه بسرعه ثم توجه اليهم وجدهم علي حالتهم تلك فقال:في ايه يا عهد مالك يا غفران
عهد:اسال اختك اصل معلش انانيه مبحبش اقول لحد حاجه ولازم انا بس اللي اعرف ثم نظرت لغفران بغضب وغادرت الشقه متوجه للسطح فهي لا تريد بتلك الحاله ان تجلس مع احد.....
بينما بالاسفل قال وليد:حصل ايه يا غفران عشان عهد تتعصب كده وايه اللي وصلكوا لده
حكت له غفران ما حدث فقال وليد:انتي غبيه يا غفران والله غبيه هترجعينا لنطقه الصفر تاني معاها عهد عمرها ما كانت انانيه المفروض تفهميها بقي هي عارفه الصح ايه يا بنتي
غفران:يا وليد والله التعبير خاني انا بس اتعصبت ان صاحبتي فيها حاجه وعهد مش راضيه تقولي
وليد:يبقي عندها سبب يا بني ادمه انتي
غفران:اعمل ايه بقي غصب عني طب استني اطلع اصالحها هي زمانها عند عمتو
وليد:لا استني شويه لما تهدي واطلعي عن ابو غبائك
يلا يا بت يا روتي انتي وتيام نمشي من قدام الهطله دي
غفران:طب سيبهم معايا طيب
وليد:لا غوري في داهيه اما تصالحي اختك هاتيها وتعالي.......
............................
صعدت عهد الي السطح فهي لا تريد الجلوس مع احد ثم جلست علي احدي الارائك الموجوده فقد قاموا بتوضيب المكان ليناسب الجلوس به..
عهد بعصبيه:بقي عشان خايفه عليهم بقيت انانيه دلوقتي بقيت انانيه لا لا هموت مش قادره طب الاول كنت بسكت لكن دلوقتي وصلت للانانيه ثم احضرت احدي الوسادات وقامت بوضعها علي فمها ثم صرخت حتي لا يسمعها احد..
في ذلك الوقت خرج تواب من شقته بعد ان تأكد من بعض الاشياء بها ثم صعد ايضا للسطح قائلا:اما اطلع اقعد فوق شويه وعندما صعد وجد عهد علي حالتها تلك فصدم من شكلها وقال:مالها دي
عند عهد ظلت تصرخ بالوساده وبعدها القتها بعيدا وقالت:لا لا لا مش قادره ثم وقفت وظلت تذهب وتعود وقالت:حرام عليكي بقي يا غفران انا كنت بدات ارجع لا لازم اتكلم مع حد ثم همت بالرن علي الاء ولكن توقفت قائله:بس استاذ سامر معاها مش هعرف طب ارن علي مين اه حبيبه..قامت بالرن ولكن كان هاتفها مغلق فالقت الهاتف علي الارض بعصبيه وكل ذلك تحت مرأي تواب المصدوم
عهد وقد ترقرقت الدموع باعينها لا مهو لازم اتكلم ثم جلست علي الارض وضمت ركبها الي صدرها وقالت:بس هقلقهم عليا وخلاص اااه ربنا يسامحك يا غفران ثم هبطت دموعها واحده تلو الاخري
توجه لها تواب سريعا ثم جلس بجوارها لكن مع المحافظه علي المسافه وقال:احم ازيك يا عهد
كانت عهد تغطي وجهها برجلها وقالت بخفوت:مش كويسه
تواب:احم ليه
عهد:انا معتش عايزه ابقي ضعيفه كرهت اني اول ما يتقلي كلمه افضل اعيط او اكتم لحد ما اتعب غفران قالتلي يا انانيه كل ده عشان خايفه عليها وعلي صحبتنا بقيت انانيه بس انا مش انانيه يا تواب
غضب تواب من غفران لانها احزنتها ثم قال:انتي اكيد عارفه انها مش قصدها يا عهد هي لسه صغيره ممكن يكون التعبير خانها
ضحكت بسخريه ثم قالت:او يمكن مش قصدها تزعلني زي ما كانت بتقول
نظر لها تواب قليلا بقلق ثم قال:عهد
عهد:امممم
تواب:عهد
نظرت له عهد قليلا ثم نظرت للارض قائله:انا عارفه اني بتكلم معاك كده غلط وحرام بس انا لو ما اتكلمتش هتخنق
تواب:طب بصي عايزك متديش لنفسك احساس بالضعف لا اعرفي انك قويه وتاكدي من كده كفايه انك فضلتي كاتمه جواكي السنين دي خليكي قويه متضعفيش انتي برضو سكتيلها
هزت رأسها علامه لا وقالت:لا زعقتلها و وليد جه سالني بس مردتش عليه وطلعت هنا
تواب:طب اهو متهيقلي فيه فرق ولا ايه ثم استقام قائلا قومي يا عهد
عهد:لا انزل بس عشان كده حرام لاني مش عايزه انزل دلوقتي معلشي ومش هضحي انا
ضحك تواب قليلا ثم قال: طب بس قومي
وقفت عهد ايضا فقال:بصي كده حواليكي هتلاقي حاجات عظيمه تدل علي قدره ربنا تفتكري بقي اللي خلق ده كله ميقدرش يشيل الحزن من قلبك او يخليكي في امان طبعا يقدر بس انتي خليكي واثقه في ربنا مش يمكن ربنا خلي اختك تقول كده بس عشان علاقتكم تبقي اقوي ممكن تستغربي بس صدقيني انا دايما بقول لنفسي "دور علي المنحه في المحنه "هي يمكن مش قصدها او خايفه علي صاحبتكوا زي ما بتقولي افهمي منها ليه قالت كده وشيلي من قلبك متفضليش فكراها
عهد:انت لو مكاني هتعمل كده
تواب:صدقيني مش هنصحك بحاجه الا وانا متاكد مليون في الميه لو مكانك هعمل نفسها
عهد:تمام شكرا ليك انك سمعتني واسف ليك اني عطلتك
تواب:لا ولا يهمك ثم اكمل بمزاح:بس ارحمي الفون اللي هتشتريه لان مظنش ان اللي اترمي ده بقي ينفع للاستعمال ثم انفجر في الضحك عندما تذكر كيف رمته
عهد بخجل:احم تمام عن اذنك
وعندما همت بالنزول وجدت غفران تقف علي السلم و خلفها وليد وغفران تحمل حقيبه مليئه بالشوكولاته
عهد:نعم يا غفران جايه تقولي انك مكنش قصدك تزعليني زي ما قلتي قبل كده
نظرت غفران لوليد بخوف من انها لا تسامحها ولكن شجعها وليد فتوجهت لها قائله:لا جايه اقولك اني حماره واستاهل ضرب الجزم واني اكتر اخت حيوانه ممكن تقابليها عشان قولت كده
عهد:والمطلوب
غفران:ايه مش واضح ممكن متزعليش
عهد:اسفه اصلي انانيه
غفران:عشان خاطري بقي والله كنت بس خايفه واتسرعت في الكلام بلييز متزعليش
عهد:مش عارفه يا غفران خايفه اسامحك تزعليني تاني ومش هقدر وقتها اعديها
غفران:طب يارب ان شالله اموت لو زعلتك تاني
عهد بسرعه:بعد الشر عليكي يا جزمه
غفران:خلاص بقي متزعليش وكمان جبتلك شوكولاته اصالحك
نظرت للحقيبه بغضب مصطنع ثم قالت:فيها جلاكسي بالبندق
غفران: فيها يا حياتي ثم قامت باحتضانها بقوه وقالت:انتي اغلي من انك تزعلي
عهد:اه مهو واضح
وليد:لو عملتلك حاجه تاني تعالي قوليلي بس يا عهود
غفران:خفت يعني
عهد:طب هاتي الشنطه واتخانقي بعدين
ثم قامت باخذ الحقيبه بسعاده واخذت واحده لتاكلها وكل ذلك تحت عيون تواب المحبه
نظرت لهم عهد ثم اخرجت واحده واعطتها لتواب
تواب:بس دي جايالك غفران هتاكلني
عهد: لا دي بتاعتي دلوقتي اتفضل
تواب:متشكر يا ستي
عهد:العفو ثم قامت بإعطاء وليد وغفران ايضا
تواب:انما انتوا صحيح وقفين من امتي وعرفتوا منين انها هنا
وليد:من وقت ثم قام بتقليد عهد قائلا:"لا انزل بس عشان كده حرام لاني مش عايزه انزل دلوقتي معلشي ومش هضحي انا "وقلنا نستني يمكن تهديها عشان غفران تعرف تصالحها وعرفنا لما طلعنا لعمتو وقالت مش هنا نزلنا لعمي مش هناك قولنا يبقي اكيد هنا
ضحكوا علي عهد كثيرا تحت خجلها ثم قالت:ايه كنت مخنوقه ومش عايزه انزل ومكنتش عايزه ازعج حد برضو
غفران:وجهه نظر برضو وبعدين اسفه والله
عهد: ولا يهمك وليد يا حبيبي
وليد:من الاخر
عهد:في ايه يا جماعه هو عشان بدلعكوا يبقي عايزه حاجه
وليد:لا ازاي ده انتي ملاك
عهد:حبيبي المهم عايزه فون جديد
غفران:ليه بتاعك فين
عهد بخجل:ها لا اصله اتسرق النهارده
ضحك تواب بشده عليها ولكنها نظرت له بمعني الا يتحدث
غفران:طب مقولتيش ليه من ساعتها
وليد:اه صح
تواب:يا ابني انت صدقت
وليد:ايه في ايه
تواب:اصله ربنا يرحمه
غفران:ازاي
حكي لهم تواب ما رآه وهو يضحك
وليد بصدمه:يخربيت شيطانك يا عهد ده ابوكي هيعمل منك شاورما
عهد:مهو عشان كده هاتهولي انت
وليد:ااااه قولي كده بقي لا يا حبيبتي انسي
عهد:يا وليد بقي
غفران بخبث :خلاص يا عهد متخليهوش يجيب بس يا حرام ممكن كده حبيبه هي كمان تزعل انك مش هتعرفي تكلميها فترفض اي حاجه تيجي تتعرض عليها
نظر لها تواب بغل ثم قال بسرعه لعهد:قولتيلي ايفون اسمر ولا دهبي يا عهود
تواب بضحك: عيل جبان
وليد:الذل يا ابن عمي الذل
عهد:لا بجد عايزه واحد مش شرط حلو اوي يعني علي الاقل زي بتاعي
وليد:من عنيا يا ستي
غفران:طب يلا ننزل
وليد:يلا هتنزل يا تواب ولا ايه
تواب:لا نازل يلا
.......................................
وبعد ان نزلا جلس كل من وليد وغفران وعهد مع والديهم فسأل وليد والده:بابا اتصلت بالناس
سليمان:ايوه يا وليد متقلقش
ورده بلهفه:ها الخطوبه امتي
عهد بضحك: ايه يا ماما هما لسه يعرفوا رايحين ليه
سليمان:قوليلها يا بنتي
وليد:المهم يا بابا هنروح امتي
سليمان:هو قالي انه رايح يخطب لابنه الاربع فهنروحله الخميس
عهد:فعلا لما رحنا لوالد شهد حدد لينا الاربع فهما هيتقدموا الاربع لاستاذ باسل
وليد:اهو الزفت ده هيتجوز قبلي
غفران:قر علي البت بقي
وليد:طب وانا مالي بصحبتكوا
غفران:مهو يا فصيح استاذ باسل هيتقدم لشهد صحبتنا فلو قريت جوازتها هي اللي هتبوظ
وليد:خلاص يا ستي اسف انا مالي
عهد:كده الاء الحمد لله مخطوبه واستاذ باسل لصحبتي وانت يا وليد برضو لصحبتي لسه انتي يا رورو والبت حياه
سليمان:وانتي يا حبيبتي هيبقي يوم فرحك اسعد يوم علي قلبنا كلنا بس حزين برضو عشان هتسبينا
قامت عهد باحتضانه وقالت:حبيبي يا بابا عمري ما ابعد عنكم ابدا مش هتجوز خلاص
ورده:متقوليش كده يا جزمه
عهد:اسفين يا ابو الزهور
ورده:بيئه
ضحكت عليها عهد قليلا ثم جلسوا ليكملوا حديثهم...
.......................................
عند شهد كانت بغرفتها و والديها بالاسفل فقال والدها:يا ستي يعني شايفه حالتها وتقوليلي هقولها واحد جاي يتقدم استني شويه
فردت والده شهد قائله:استني ايه بس الاربع بعد بكره هقولها امتي ان شاء الله قبل ما يجي بساعه قوم بس كده نقولها عشان تبقي عامله حسابها
فقال:قومي عارفك هتعملي اللي في دماغك
قالت:بالظبط قوم يلا
بالفعل توجهوا لغرفه شهد وقاما بالدق علي الباب فاذنت لهم شهد بالدخول
والدها:عامله ايه دلوقتي يا شوشو مصممه برضو متنزليش
شهد:مش حكايه مش عايزه يا بابا بس مش قادره والله
والدتها:براحتك يا حبيبتي بس كنا عايزينك في حاجه عارفين مش وقتوا بس ضروري
شهد:اتفضلي يا ماما طبعا
والدها:بصي يا حبيبتي بس من غير ما ترفضي زي كل مره
شهد:يبقي عريس يا بابا
والدها:ومن غير ما ترفضي زي كل مره يا شهد انتي عارفاه
شهد بعدم اهتمام:اسفه يا بابا بس مش مستعده دلوقتي ايا يكن هو مين
والدتها:طب قابليه بس يا بنتي
شهد:يا ماما بس اسمعيني
والدها:شهد ميصحش كده قابليه ولو ما ارتحتيش صدقيني هرفض قبلك
شهد باحترام:خلاص يا بابا اللي حضرتك تشوفه
والدها:الله يرضي عنك يا بنتي هو جي الاربع عشان تعملي حسابك
شهد:تمام يا بابا ربنا يسهل
والدتها:تعالي اقعدي معانا تحت بقي انتي قلقاني عليكي من الصبح
شهد:معلشي يا ماما سبيني كمان عشان اكلم صحبتي
والدتها:علي راحتك بس عشان خاطري لو لقيتي نفسك قادره انزلي
شهد:حاضر
غادرا والديها الغرفه ثم قامت بالرن علي حياه
حياه:ازيك يا شوشو عامله ايه النهارده
شهد بدموع:مش كويسه يا حياه انا اتصلت بيكي اتكلم معاكي عشان عايزه اتكلم ومكثوفه من غفران وعهد جدا
حياه:طب انا معاكي وبعدين مكثوفه منهم ليه يا شهد انتي لسه بتفكري في اللي اخوكي عمله انتي ملكيش ذنب يا شهد
شهد ببكاء:لا ليا ذنب يا حياه انا بجد مش طايقه نفسي ولا قادره اواجهكوا انا اتصلت بيكي لاني كنت هموت من الخنقه ده انا مروحتش الكليه النهارده ودي بالنسبالي غريبه عشان مش هقدر ابص في عين غفران وانا عارفه ان اخويا كان هيقتل اختها ثم اكملت في سرها وكمان اللي هي بتحبه
حياه:وصلت لكده يا شهد يا بنتي انتي بتعاقبي نفسك لسه ده ربنا بيقول (ولا تزر وازره وزر اخري)صدق الله العظيم يبقي عهد اللي ماشيه علي نهج ربنا هتعمل كده اعقلي واهدي عشان خاطري
شهد:مش قادره والله مش قادره حتي ماما وبابا مستغربين قعدتي في الاوضه كده
حياه:هي وصلت للحبسه في اوضتك لا غلطانه طب اخوكي عرف انك عارفه
شهد:اه مهو جيت وللصدفه كان هنا وغصب عني هبيت فيه ومش بكلموا دلوقتي
حياه:لا يا شهد ملكيش حق هو اكيد عرف غلطه وكمان ده من زمان وبعدين كده بتخلي عهد تاخد ذنب انكوا اتخاصمتوا
شهد ببكاء:طب طالما من زمان لسه بتخاف منه ليه ليه اول ما شافته اغمي عليها زي ما بتقولوا
سكتت حياه ولم ترد عليها فقالت شهد بألم:شوفتي بقي اني ليا حق في اللي بعمله
حياه:طب عشان خاطري اهدي بس و وحدي الله وتنزلي من اوضتك هما باباكي ومامتك عرفوا ايه اللي حصل
شهد:لا مقلتش وطبعا هو مش هيقدر يقول
حياه:طب استهدي كده بالله وانزلي من اوضتك كده غلط وتروحي الجامعه متضيعيش نفسك عشان زعل عشان خاطري واستني اتصل بالاء وحبيبه علي الاقل
شهد:لا لا بلاش انا خلاص هروح الجامعه بكره والله
حياه:اكيد
شهد:حقيقي والله
حياه:طب يلا انزلي بقي اقعدي مع باباكي ومامتك وصالحي اخوكي
شهد بكذب:حاضر هشوف كده
حياه:لا مش هشوف قولي هعمل
شهد:خلاص والله سبيني بس وانا هعملها
حياه:تمام يا حبيبتي ولو عوزتي تتكلمي انا سهرانه مش بنام بدري
شهد:تسلمي يارب شكرا ليكي انك سمعتيني
حياه:متقوليش كده يا شهد احنا اخوات
شهد:حبيبتي تسلمي يارب مع السلامه
حياه:سلام
...................................
بعد ان اغلقت حياه معها سالتها حور اختها حيث انها كانت بجوارها:ملها يا حياه واخوها ماله
حياه:مفيش هي بس حصل معاها حاجه هي واخوها فزعلانه منه
حور:ربنا يريح قلبها يارب وتصالحوا
حياه:يارب
حور:المهم انا قررت اني اخلص ثانوي واخد الجامعه بره بحيث تبقي اسهل عليا الشغل هناك
حياه بتفاجؤ:هو انتي كنتي بتتكلمي جد لما قولتي هتسافري بره
حور:اه طبعا اومال بهزر
حياه:وهتسبينا يا حور
حور:لا متخفيش يختي هبقي اجيلكم بس لازم احقق حلمي
حياه:طب وبابا وماما موافقين
حور:اه هما موافقين علي الدراسه لكن الشغل بره لسه محددناش اما اخلص بقي يبقي يحلها ربنا
حياه:تمام يا حبيبتي ربنا يوفقك انا واثقه انك هتكوني ناجحه
حور:تسلمي يا اوختشي وترفعي من معنوياتي كده
حياه:اي خدمه.....
...................................
في اليوم التالي في منزل محمود كان يتناول الافطار مع تواب و شروق فقال تواب:صدقني يا بابا انا بس قلقت لما لقتها زعلانه وخوفت يحصلها حاجه وكمان قلت لعمي قبل ما اطلع امبارح وكمان وليد كان واقف بس احنا مكناش نعرف
محمود:وافرض مكنش واقف دي كانت هتبقي خلوه
شروق:خلاص بقي يا محمود محصلش حاجه
محمود:تمام يا شروق انا مش هزود الكلام عشان عارفك يا تواب وعارف عهد كويس
تواب:حبيبي يا حاج
محمود:رايح الشغل النهارده ولا ايه
تواب:اه رايح بس هفوت انا علي يزن النهارده لان البيه مش قادر يفوت عليا
شروق:مهو معاه حق انت اللي معاك العربيه
تواب:خلاص يا ست الكل لو كان هنا كان زمانه شمتان فيا يلا استأذن انا بقي
محمود:مع السلامه
شروق:ربنا معاك يارب......
..................................
عند سميحه كانت تجلس ومعها التوأمان وكانا ينظران لعبد الله وسميحه الذان يتشاجران فقالت سميحه بخفوت:انزلوا انتوا عن خالتو يلا يا ولاد وانا نازله وراكوا
تيام:حاضر يا تيته يلا يا روتي..فاخذها ونزلا لاسفل يينما ظلت سميحه تنظر لهم بهدوء
شاهندا بعصبيه:والله يا استاذ يعني دلوقتي غلطانه عشان بقولك بس اهتم بيا شويه وانك بقيت مدي شغلك كل الاهميه
عبد الله:لا مش غلطانه بس الواحد مش يصطبح يجر شكل للبيع
شاهندا:مهو لما الاقيك مهمل فيا اوي كده وكمان في العيال يبقي لازم اوقفك عند حدك واسأل عمتو تشهد
عبد الله بعصبيه:شاهندا انتي واعيه بتقولي ايه
ولا عشان سكتلك هتستهبلي
شاهندا:انا ما بستهبلش انا بحطك قدام نفسك
عبد الله:والله مش غلطان اني بحافظ علي البيت كونك بقي بتدلعي وعايزه ترفيه مش مشكلتي
شاهندا بصدمه:انا بدلع يا عبد الله
عبد الله:ايوه بتدلعي وبداتي تسوقي فيها وانا مش هسكتلك كتير
شاهندا بدموع:لا خلاص متجيش علي نفسك اوي كده انا هسيبك مع شغلك بقي وانزل عند ماما واعفيك من دلعي
هنا ولم تتحمل سميحه الامر فقالت:شاهندا ارجعي دلوقتي مش هتنزلي في حته
شاهندا ببكاء:مش شيفاه بيقول ايه يا عمتو
عبد الله:ما انتي متستفزنيش علي الصبح وعايزني اسقفلك
سميحه بشخط:عبد الله فوق كده واهدي انت فعلا غلطان بقيت كل حاجه شغل شغل مش فاضي لمراتك ولا لعيالك ولا بتقعد معانا الحق عليها عايزه تحس بوجودك شويه
عبد الله:يا امي بس
سميحه:ولا كلمه يا عبد الله انا مربتكش انك تكون بالعصبيه دي او تكون مهمل مع مراتك كده وانتي يا سميحه اقعدي متروحيش في حته ده بيتك قبل ما يكون بيته هو
شاهندا:لا معلشي يا عمتو هبعد اصل دلعي بقي زياده
سميحه:اقسم بالله يا شاهندا لو اتحركتي من هنا لهتكون بزعله اقعدي متنزليش وانت يا استاذ صالح مراتك انا نازله ويريت الهبل اللي بتعملوه ده ميحصلش تاني فكر يا عبد الله اللي قولته وعايزه اعرف انك مصالحتهاش
ثم نزلت عند ورده وسليمان لتفهمهم الامر فالبتاكيد قد حكي لهم كل من تيام وترتيل.....
بينما عند عبد الله نظرت له شاهندا بدموع وحزن ثم توجهت الي غرفتها واغلقت الباب بقوه
عبد الله بغضب:لا حول ولا قوه الا بالله العلي العظيم كان لازم اتعصب يعني
ثم توجه الي الغرفه وفتحها وجد شاهندا تجلس علي السرير ببكاء فتوجه لها سريعا ثم قال:خلاص بقي يا شاهندا اسف والله ما قصدي
شاهندا:ولا قصدك عادي روح بس شغلك عشان متتأخرش
عبد الله:يتحرق شغلي دلوقتي المهم متزعليش انا والله بس اتعصبت غصب عني انتي عارفاني يا شوشو
شاهندا ببكاء :اه تتعصب عشان بس وحشتني وعايزاك تقعد معانا تتعصب عشان عايزه احس بيك معايا تتعصب عشان بس بقولك اهتم بيا خلاص انا اسفه مش عايزاك تهتم بيا روح يا عبد الله شغلك
عبد الله وهو يقبل يدها:والله اسف ما كان قصدي انتي عارفه اني ساعات ببقي غبي خلاص بقي عشان خاطري ولا مليش خاطر عندك
شاهندا:ليك بس روح يلا مش زعلانه
عبد الله:هو ايه اللي روح روح دي طب والله ما انا رايح النهارده ايه رائيك بقي
شاهندا بسخريه :لا لا يا استاذ عبد الله انت محامي كبير و وراك اشغال ميصحش تسيبه عشان دلع مراتك قوووم روح بقولك
عبد الله بصدمه:انتي بتزعقيلي طب والله العظيم ما انا رايح ان شالله اموت لو رحت
شاهندا بخوف:بعد الشر عليك متقولش كده
عبد الله:خايفه عليا يا شوشو
شاهندا بابتسامه سخيفه:طبعا مش انت اللي بتحافظ علي البيت
عبد الله:انتي بتمسكيهالي يعني
شاهندا:اه وان كان عجبك
عبد الله بحب:طبعا عاجبني انتي اي حاجه منك تعجبني بس قومي يلا
شاهندا باستغراب:ايه اروح الشغل انا ولا ايه
انفجر عبد الله في الضحك ثم قال: لا يا ستي قومي البسي اشيك حاجه عندك عشان نخرج نتفسح احنا الاتنين لوحدنا من غير ولادك اللي تحت دول
شاهندا بابتسامه حاولت مداراتها:احم لا مش قادره
عبد الله:لا والله ما يحصل لازم نخرج ده مراتي حبيبتي زعلانه ولازم افسحها ملكيش دعوه انتي بقي مراتي وافسحها زي ما عاوز
شاهندا:احم طب هتوديني فين
عبد الله بحب:اللي روح قلبي تؤمر بيه بس اهم حاجه متكونيش زعلانه
شاهندا:لا خلاص مش زعلانه بس متزعقليش تاني
عبد الله وهو يقبل رأسها:انا اسف لتاني مره وحاضر اخر مره والله ده كفايه امي كانت هتقتلني عشانك النهارده مشوفتيش نظرتها
ضخكت شاهندا عليه ثم قالت:ماشي هقوم البس بس منجيش علي طول
عبد الله:لا هنيجي لما تقولي انتي انا تعبت يا عبده
قامت شاهندا باحتضانه قائله:حبيبي يا عبده......
.....................................
بينما في شقه سليمان كانوا يتناولون الافطار فوجدوا الباب يدق فتوجهت غفران للفتح فوجدتهم تيام وترتيل فقالت:اهلا اهلا تعالوا يا حبايب رورو افطروا معانا بس بسرعه قبل ما يخلصوا الاكل
ترتيل:هو فيه عثير
غفران:اه يا ستي في عصير
ترتيل وهي تجري ناحيه السفره وخلفها تيام قائلين بصوت عالي:العصييييير /العثييييييير
غفران بضحك:ولاد مفجوعه بصحيح تربيتي
بينما علي السفره كانوا يتناولون الافطار ولكن صدموا من صوت الصريخ فاختنق وليد من الخضه وظل يشير لهم بالماء
وليد:كح كح الما كح كح المايه يا حماره
عهد:اه اه معلشي خد
تناول وليد الماء سريعا وبعدها قال:العيال دول هيقطعولي الخلف في مره والله
سليمان بضحك: معلشي يا ابني اهو اللي عايز اخته تتجوز
وهنا دلف ترتيل وتيام سريعا الي الغرفه فقالت ترتيل:فين العثير
ورده:خدي يا قلب تيته العصير اهو
تيام:وانا يا تيته وانا
ورده:طبعا يا قلب تيته اتفضل
عهد:فين ماما مش كانت قالت هتنزل
تيام:لا ماما بابا بيزعقلها وتيته قالتلنا انزلوا
وليد بعد ان قام:نعم بيزعقلها انا رايحله اما اشوف بيزعقلها ازاي
سليمان:اقعد يا وليد
وليد:اقعد ازاي يا بابا مش شايف بيزعق لشاهندا
ورده:مش من حقك تدخل يا وليد دي حاجه بين راجل ومراته هي لو احتاجت هتنزل تقول وكمان عمتك موجوده وهي هتبقي احسن مننا كمان
غفران:بس يا بابا برضو
ورده:غفران اسكتي
سليمان:امك معاها حق يا وليد هي لو احتاجت عمتك هتوقفه وبعدين عبد الله راجل ولا انت مش واثق في عمتك ولا ابن عمتك
وليد:يا بابا مش قصدي
عهد:اقعد يا وليد واهدي
وليد:اوووف
غفران:طب انا رايحه الجامعه يا جماعه هتعوزوا حاجه
عهد:استني جايه في طريقك
سليمان:وانت مش وراك محاضرات
وليد:لا يا بابا ورايا محاضره واحده متاخره
ورده:تمام يا بنات انتوا روحوا يلا
عهد وغفران:سلام...
وعندما فتحا الباب وجدا سميحه امامهم فقالت عهد:اهلا اهلا يا عمتو اتفضلي معلشي هبقي اقعد معاكي لما ارجع
سميحه: ماشي يا حبايبي مع السلامه
غفران:سلام يا قمر
في الطريق قالت عهد:رورو لتاني مره بقولك خدي بالك من شهد وبالله عليكي متزنيش عشان تعرفي مالها لو قالت من اول مره كان بها مقالتش يبقي متضايقيهاش ولو حصل حاجه اتصلي بيا
شهد:خلاص حاضر والله يلا بقي سلام عشان متأخرش
عهد:سلام.......
...........................
كانت شهد متردده اتذهب للجامعه ام لا ولكنها حسمت امرها بأن تذهب حتي لا تضرر ثم توجهت بالفعل بعد ان ودعت والديها ولحسن حظها كان رامي غادر للعمل ثم وصلت للجامعه ولكنها رأت غفران تقف بعيد تنتظرها فادمعت عينيها بحزن قائله:هقابلك ازاي بأي حق هبصلك في عينك ثم وجدت هاتفها يرن فوجدت انها هي غفران فقالت:انا اسفه ليكي بس مش هقدر اوريكي وشي ثم غادىت الجامعه سريعا قبل ان تراها ولكن استمرت غفران بالرن فردت اخيرا قائله:ايوه يا غفران ازيك
غفران:ايه يا شهد فينك انا مستنياكي انتي بخير
شهد بحزن:معلشي يا غفران مش هقدر احضر النهارده احضري من غيري
غفران:شهد انتي فيكي ايه طمنيني عليكي عشان خاطري انتي كويسه
شهد:صدقيني كويسه بس مش هقدر اجي بس انا اسفه ليكي
غفران باستغراب :اسفه ليه يا بنتي
شهد:ها لا ابدا بس حبيت اقولك اسفه يعني ومتزعليش مني
غفران بقلق عليها:شهد انتي فيكي حاجه انا جايالك
شهد بسرعه:لا لا متجيش انا والله كويسه سلام عشان ماما بتنادي
غفران:شهد الو الو.... قفلت...وبعدين ماما ازاي وانا سامعه صوت عربيات لا فيه حاجه لازم اتصل بعهد
وبالفعل قامت بالاتصال علي عهد فقالت عهد:خير يا غفران فيكي حاجه بتتصلي ليه
غفران:انا كويسه مفيش حاجه بس اتصلت اقولك ان شهد مجتش النهارده واتصلت بيها بتقولي مش هقدر اجي وهي عمرها ما كانت بتغيب الا لضروره وفجاه لقتها بتقولي اسفه ومتزعليش مني
عهد في سرها:هتتعبي نفسك يا شهد من لا شي.ثم قالت لغفران:طب غفران خليكي في الجامعه وانا هجيب البنات واجيلك نروحلها
غفران:يكون كويس برضو
عهد:استني مش هنتاخر ان شاء الله..ثم اغلقت معها وكانت الاء بجوارها:في ايه هنروح لمين
عهد:شهد مرحتش الجامعه ولا امبارح وبتقول لغفران اسفه ومتزعليش مني
الاء:هي غبيه ولا ايه لسه محمله نفسها الموضوع
عهد:هي حساسه اوي بالله عليكي استاذني ليا وليكي علي ما اتصل بالبنات نروحلها
الاء:تمام
ثم توجهت للاستاذان بينما رنت عهد علي حبيبه وحياه واخبرتهم بان يتقابلوا في جامعه غفران فوافقوا علي الفور وهنا جائت الاء وقالت:انا
استأذنت المدير و وافق بعد مرار
عهد:حقه برضو دي مستشفي بس هنعمل ايه مضطرين يلا بينا عشان منتأخرش
الاء:يلا
وبالفعل توجهوا الي جامعه غفران وجدا كل منها وحياه وحبيبه في انتظارهما فقالت عهد:ها هنعمل ايه
حبيبه:لا اسمعي من الست حياه الاول ايه اللي حصل
الاء:ايه
حبيبه:شهد اتصلت بيها امبارح وقالتلها انها مكثوفه مننا ومش هتقدر تروح الجامعه وحابسه نفسها في الاوضه
عهد:يا خبر وصلت لكده هتحسسني انا بالذنب
حياه:قولتلها كده والله
حبيبه:ليه ما اتصلتيش في نفس الوقت
حياه:هي مرضتش
غفران:عايزه اعرف الاول في ايه لكل ده ما كله عارف اهو اشمعنا انا
عهد:لان احنا كلنا كنا حاضرين انتي لا فهي لو عايزه هتقولك بس بالمنظر انها مجتش يبقي مش هتحب انك تعرفي فسبيها عليها هي تقولك او لا
عهد في سرها:هتعملي ايه لما تعرفي ان اللي بتحبيه عمل كل ده انتي اول ما قولتي انك معجبه بيه اتصدمت هتتجرحي يا غفران وانتي لسه صغيره
الاء:عهد عهدددد
عهد:هاا ايوه بتقولوا ايه
حياه:بنقول هنروحلها ولا ايه
نظرت لهم عهد بتردد وخوف
فقالت حياه وهي تري خوف عهد:لا بلاش نجيبها احنا
غفران:طب هنجيبها ازاي
عهد:استنوا اما اتصل بيها
رأت شهد اتصال عهد فلم ترد عليها قائله اسفه يا عهد مش قادره اكلمك انتي كان مفروض تكرهيني....
عهد:يوووه مش بترد
حياه:كده مقدمناش غير طريقه واحده
حبيبه:ايه
حياه:ان حد فينا يتصل بيها يقولها واحده فينا حصلها حاجه وهي هتخاف وتيجي بسرعه
الاء:بس كده ممكن تتخض جامد
عهد:فعلا
حياه:مهو هنعمل ايه مش هنعرف نروح وهي مش بترد عليكي يا عهد ومش هتقتنع بكلامنا ده الحل الوحيد
غفران:خلاص مش مشكله هنعمل ايه يعني
عهد:طب خلاص خلاص نقولها اني عملت حادثه وهي هتيجي علي طول
فقالوا في نفس الوقت:بعد الشر عليكي
عهد:المهم بس اتصلوا بيها
حياه:هتصل بيها انا
قامت بالفعل بالرن عليها فردت شهد اخيرا وقالت حياه بلهفه مزيفه وهي تفتح مكبر الصوت :شهد الحقينا بسرعه
شهد بخضه وخوف:ايه في ايه مالك
حياه وهي تنظر لهم:عهد عهد كانت بتكلمني وهي مع حبيبه بتقولي انك مبترديش عليها فجأه لقيت حبيبه بتصرخ في الفون وبتقولي انها عملت حادثه
صمتت شهد بصدمه
عهد بخفوت:يا حبيبتي قولولها اننا بنكدب
شهد وهي تبدا في البكاء:لا لا بالله عليكي متقوليش كده انا لسه معتذرتش ليها هي لسه مسمحتنيش عشان خاطري قولي انك بتكدبي
عندما همت عهد بالكلام كتمت صوتها غفران والاء ناظرين لها بأن هذا هو الخيار الوحيد
حياه بحزن عليها:انا اسفه بس دي الحقيقه تعالي بسرعه هما جابوها عندي
شهد باستغراب وسط بكائها:ازاي عندك مش كنتي بتقولي انها مع حبيبه واصلا المفروض تكون في المستشفي
حياه بارتباك وهي تنظر لها بأن ينقذوها فاملتها حبيبه ما تقوله :هااا..ااه اه مهو احنا جبناها بسرعه لانها كانت جايالي واتصلنا بالمستشفي فاتصلنا بيكوا كلكوا وبعدين خلصي بسرعه احنا هنحكي
شهد بلهفه وبكاء:حااضر حاضر جايه بس بالله عليكي خدي بالك منها
حياه:طيب بس بسرعه
ثم اغلقت معها فقالت عهد:حرام عليكوا زمانها ميته علي نفسها
حبيبه:هنعمل ايه هتفضل علي طول تحس بالذنب ومش هتعيش حياتها كويس
غفران:المهم يلا نروح لبيت حياه بسرعه قبل ما توصل متلقيناش وكمان نفهم خالتو
الاء:اه يلا....
وبالفعل وصلوا الي المنزل سريعا وتوجها الي كوثر وافهموها ما حدث فلامتهم كوثر فردوا بأنه غصب عنهم وفي وسط حديثهم وجدوا من يدق الباب بقوه فقالت غفران:تلاقيها هي
حياه:طب استني اما افتح
بعد ان فتحت حياه دلفت شهد بسرعه للداخل فكان امامها الجميع معادا عهد حيث اختبئت خلف الباب
قالت شهد ببكاء ولهفه:عهد عهد فيين ودوتوها المستشفي يلا بسرعه نروح هي عامله ايه انتوا واقفين مش بتردوا ليه
عهد من خلفها:انا كويسه يا شهد
شهد ولم تنتبه:يلا بقي واقفين ليه
قامت عهد بلفها لها ثم قالت:شهد شهد بصيلي انا واقفه اهو كويسه
نظرت لها شهد بلهفه وظلت تتفحصها قائله بخوف:انتي كويسه ايه بيوجعك بالله عليكي طمنيني عليكي
قامت عهد باحتضانها بقوه قائله:باااس اهدي انا كويسه مفيش فيا حاجه انا اسفه اني جبتك كده بس كان لازم اقابلك
ظلت شهد تبكي بقوه وقالت:انتي خوفتيني يا عهد خفت عليكي خفت تبعدي عني
عهد بابتسامه حب:انا كويسه والله اهدي خالص بس انتي اللي عايزه تبعدي عني يا شهد ليه مش بتيجي ولا بتردي عليا يبقي مين اللي بعد
شهد بخجل منها:مكنتش قادره ابص في عينك كنت حاسه بخجل منك
عهد:طب وانتي ذنبك ايه ليه تحملي نفسك العقاب وكمان مش بتروحي الجامعه وتخاصمي اخوكي بسببي ده ينفع
شهد:لا بس انا ذنبي اني اخته
عهد بجديه:اخته اه بس انا مليش دعوه بيكي وبعدين ده كان زمان ولا ايه
شهد:طالما زمان ليه اول ما شوفتيه اغمي عليكي
عهد محاوله اقناعها:لا ابدا مش عشان شوفته انا بس اتصدمت
شهد:مش انتي قولتي ان الكذب حرام ليه بتكذبي
عهد:صدقيني اتصدمت انتي ملكيش علاقه بأي حاجه
شهد:يعني مش زعلانه مني
عهد:يعني بزمتك هزعل منك واجيب بالشكل ده
حياه بمزاح:لا بس ايه رائيك دي فكرتي
فقالوا في نفس الوقت:مهي فكره مهببه
نظرت لهم حياه بابتسامه بلهاء:الف شكر يا جماعه
غفران:ممكن اعرف بقي فيه ايه وماله اخوكي يا ست شهد
شهد بخفوت بجوار عهد:مش هينفع تعرف دي بتحبه
عهد:اتصرفي بقي انتي اللي زودتيها ولفتتي النظر
غفران:مستنيه الرد ايه اللي كلكوا تعرفوه وانا لا واللي يخلي شهد توصل لكده
شهد في سرها سامحني يارب ثم قالت:احم اخويا قبل ما يعرف انكم صحابي او انت مين بالتحديد كان بيشتم فيكم لما لقاني متعلقه بيكوا وفي مره كنت بكلمه وشتمكم وعهد جنبي يعني
غفران بحزن:شتمنا ليه عملنا ايه
عهد بسرعه:لا لا ابدا ده كان فاكر اننا مش كويسين يعني وخايف عليها بس بعدها عرف اننا كويسين فطلب منها تعتذر لينا وشهد كانت مكثوفه يعني
غفران بشك:متأكدين
شهد:اااه اه
غفران:تمام محصلش حاجه يا شوشو لكل ده طالما مكنش يعرفنا هو حقه برضو
الاء:ايوه بقي هو ايه الحوار
غفران بخجل:احم ايه يا بنات
حبيبه بخبث:ان شامه ريحه قلوب طايره
غفران:بس يا بت انتي وهي
حياه:ايه ده انتوا بتبصوا لبعض كده ليه يا شهد انتي وعهد
عهد:ها لا ابدا خالص
الاء:يبقي عارفين حاجه
شهد:احنا خاالص
حياه:انطقي انتي وهي في ايه
غفران:خلاص يا بنات هقول ده حقهم برضو احم يا بنات انا الصراحه معجبه بأخو شهد يعني بس والله اعجاب بس ومفيش تواصل
الاء:لا صايعه يا بت ومتقوليش ابو اشكالكم
حياه:النداله بقت عالي عالي
شهد:صحيح يا بنات انا متقدملي عريس بكره ومش عارفه ارفضه ازاي ساعدوني بقي
نظروا لبعض بخبث
فقالت باستغراب:ايه بتبصوا لبعض كده ليه
عهد:الا هو انتي متعرفيش هو مين
شهد:هتلاقيه حمار من بقيت الحمير
عهد:شهد حرام نغتاب حد
حبيبه بخجل:احم هو مش حمار اوي يعني
شهد:ليه بتقولي كده
حياه:بناات اصطفوااااا
وقفت كل واحده بجوار الاخري بينما وقفت شهد تنظر لهم باستغراب فقالت الاء:انسه حبيبه نقدملك شرف ان انتي اللي تقدمي الوسام
حبيبه:شكرا شكرا
شهد:في ايه حد يفهمني
تقدمت حبيبه لها برسميه وقالت:يا شهد يا بنتي انا كأم العريس جايه اتقدم واطلب ايدك لاخويا باسل
شهد بضحك: دمك خفيف وشكلك عبيط اوي بس برضو مفهمتش في ايه وايه علاقه اخوكي
غفران:غبيه دي ولا ايه
عهد:شكلها كده
حبيبه:انتي يا بت بطلي غباء العريس اللي جايلك بكره يبقي باسل اخويا فعشان كده تلبسي حلو وتتشيكي وتشيلي الدموع دي من عينك يقول ايه عروسه نكديه
شهد بصدمه:اخوكي ايه
حبيبه:طالب ايدك
شهد:ايدي انا
حبيبه:ايوه
شهد:قولي والله
حبيبه:اه والله
صرخت شهد بفرحه ثم قالت:مش مصدقه اخيراااااا اخيرا يا عهد انتي معاكييي حق
الاء:ايه يا جماعه هو بقي في اسرار بينا ولا ايه
شهد:لا عايزه حضن بالله عليكي يا عهد
جرت عهد عليها بسرعه وقامت باحتضانها بقوه ثم قالت:الف مبروك يا روحي قلتلك احتسبي واصبري لله هتكسبي الف مبروك يا قمر
حياه:انا كده فهمت يعني شهد بتحب استاذ باسل وعهد هي الوحيده اللي عارفه
حبيبه:خياااااانه طب واحنا
شهد:انتوا اغلي حاجه عندي بس كنت فاكره ان ميصحش اقول عشان هو اخوكي وكمان قلت انه مستحيل يحصل ومسيري اشيله من قلبي
غفران:طب ما انا معجبه باخوكي وانتي عارفه
عهد:بجحه بقي نقول ايه وبعدين يا بنات خلاص كفايه كلام في الموضوع ده عيب برضو والف مبروك ليكي يا شهد يا حياتي
الاء:هتحصليني يا شوشو يا سكر
حياه:فرحنالك بجد من قلبي
غفران:اخيرا هفرح بيكي يا روحي
حبيبه:مبسوطه ليكي ولاخويا لانه اختار اجمل وارق بنت
نظرت لهم شهد بحب ثم قامت باحتضانهم بقوه قائله:انتوا اغلي عندي من نفسي
الاء:ابقي صوريلنا كل حاجه بكره يا حبيبه
شهد:ليه مش هتيجوا
حياه:ليه واحنا مالنا
الاء:احنا اه صحابك بس ميصحش نيجي في الخطوبه يا حبيبتي
حبيبه:انا اللي هروح اتغاظوا بقي
عهد:يا رخمه
حبيبه:خلاص متزعلوش هصورلكوا كل حاجه
عهد:ايوه بقي
غفران:هو ده الكلام
ضحكوا قليلا وها قد ارتاحت شهد من الذنب وعادت البسمه لها ولكن بزياده لمجئ حبيبها لخطبتها فماذا سيحدث في الغد يا تري كل ذلك سنعرفه الفصل القادم بأذن الله انتظرونا......
..................................
اخباركم يا حبايب قلبي عاملين ايه ايه رائكم في البارت كانت الروايه وحشاني اوي برضو اتمني يعجبكوا والاقي تفاعل ياجماعه 🔪😈😂
احبكم في الله ❤💕🤍