الرجوع (مستوحاه من قصه حقيقيه)

الفصل العاشر

ازيكم يا حلوييين وحشتوني قد البحر وسمكاته 😊😊
........................................
في الصباح الباكر استيقظ الناس لبدا يومهم بنشاط وتفاؤل
في منزل سليمان كانوا يجلسون جميعهم يتناولون الافطار فقالت ورده: تحبوا تاكلوا ايه النهارده
سليمان: اي حاجه يا ورده مش هنختلف يعني
ورده: يعني نفسك مش مودياك لاكله معينه
سليمان وهو يقبل يدها بحب: لا ياحبيبتي اللي هتعمليه هاكله
ورده باحراج: احم وانتوا يا ولاد
عهد بابتسامه ولكن حاولت مدارتها: اي حاجه يا ماما مش هتفرق
ورده وهي توجه حديثها لغفران ووليد: انتم ايه رايكوا
فردوا عليها: مش هتفرق برضو شوفي انتي عامله حسابك علي ايه وهناكله
ورده:خلاص تمام زي ما تحبوا
سليمان:يلا عن اذنكوا انا بقي مش عيزين حاجه
ورده:تسلم يا سليمان
سليمان:يلا السلام عليكم
الجميع:وعليكم السلام
........................................
في منزل الاء كانت تجلس مع والديها فقال والدها:هتروحي الجامعه الساعه كام يا الاء
الاء:لا يابابا مش ورايا محاضرات النهارده
والدتها:كويس تروقي معايا الشقه
الاء بسرعه:لا تصدق افتكرت ان ورايا خمس محاضرات
والدها بضحك:ههههههه انتي نصابه يا الاء والله
والدتها:واكبر نصابه ياسيدي قومي يابت خلصي يلا عشان بعد ما ابوكي ينزل الشغل هنروق
الاء بزهق:يووه بقي انا مش بحب الترويق
والدتها:يارب اديني العمر لما اشوفها في بيت جوزها يارب
الاء:اسطوانه كل يوم مفيش غيرها
والدتها:شوفت بنتك
واادها بضحك: معلشي لازم نستحملها برضو
الاء:حبيبي يا حاج يا نصفني انت
والدتها:طب قومي من هنا بدل ما تزعلي مني يا جزمه
الاء:لا وعلي ايه انا هروح اقعد عند امي لا تقولي روقي ولا تقولي قومي من هنا
والدها:انا هقوم امشي بدل ما اتاخر بسببكوا
والدتها:ماشي يا حبيبي مع السلامه
الاء:بابا لا متسبنيش معاها لوحدي
والدها:ولا اعرفك يلا سلام
الاء بتمثيل الحزن:فعلا ما هو محدش بيتجرح اوي الا لما بيحب اوي علي راي البت عهد
ولكنها اتنفضت فزعه عندما وجدت والدتها تضربها بيد المكنسه وقالت:يلا يا حيوانه روحي روقي وبلاش تاخير
الاء:يوووه بقي حرام والله
والدتها:يلا يا حيوانه من هنا
الاء:طيب هروح اهو
وبالفعل ذهبت لتساعد في التنظيف
......................................
في منزل تواب نجده ينزل حتي يذهب لجامعته فتصادف مع عبد الله فاردف:عبده ازيك عامل ايه يا برنس
عبد الله:برنس يا معفن بس تمام رايح فين كده
تواب:الجامعه دي هم يا بني والله
عبد الله:بكره تخلصها وتندم
تواب:لا عايز اندم عادي
عبد الله:صحيح انا هظبط اموري النهارده بحيث نسافر بكره ولا حاجه ونقعد تلت ايام عشان انا متاخرش علي امي وشاهندا هو عارف بصراحه ان الموضوع قلتهولكوا مفاجاه كده بس قولت خلينا واحنا سخنين كده عشان منكسلش
تواب: لا خير ما عملت وبرضو عشان يزن ميتاخرش علي اهله كمان خلاص تمام هقوله النهارده
عبد الله:تمام ماشي يلا مش عايز حاجه
تواب:سلامتك يا عبده....وذهب تواب لجامعته حتي لا يتاخر كالعاده
بينما كانت شروق تحادث سميحه فاردف:خلاص تمام يا سميحه خلصي شغلك وانا كمان وانزلي شوفي ورده وهاتيها وتعالي
سميحه:خلاص تمام يلا هقفل عشان اخلص ونيجي
شروق:ماشي يا حبيبتي
وبالفعل بعد ان اغلقت معها بدات في الانتهاء من توضيب المنزل واعداد الطعام
..........................................
في منزل عهد كانت تساعد والدتها في اعداد الطعام
فقالت ورده:هو انتي مروحتيش الجامعه ليه يا عهد
عهد:موريش محاضرات يا ماما النهارده
ورده:اه تمام يا عهد طب سيبي انتي الاكل وروقي الشقه عشان نخلص ونطلع عند شروق
عهد:اتفقتوا خلاص
ورده:اه سميحه كلمتني وقالتلي هنطلع عندها
عهد:تمام صحيح فين وليد
ورده:وليد راح لصاحبه شويه
عهد:خلاص ماشي هروح اروق بقي
ورده:تمام يا عهد
وبالفعل توحهت للتنظيف وبعد قليل من الوقت وجدت هاتفها يرن فوجدت انها الاء فردت قائله:السلام عليكم ازيك يا لولو
الاء بتمثيل البكاء:اهئ اهئ تعبانه يا عهود من بعدك انا كرامتي اتهانت يا عهد
عهد:بضحك: يبقي اكيد بتروقي
الاء:اه يختي بتزفت
عهد:وكل ده عشان بتروقي
الاء:اه انا انسانه خموليه مليش في الترويق والكلام ده
عهد بضحك:معلشي انا عارفه انك حيوان الكسلان بس تعالي علي نفسك شويه
الاء:لا معلش بقي انا مش عشان موريش محاضرات اتبهدل من حقي كمواطنه مصريه ارتاح
عهد:ماشي يا مواطنه هقولهم حاضر
الاء:المهم بتعملي ايه
عهد:بنضف
الاء:برضو ده كله كده مش انا بس
عهد:اه يختي كلنا كده
الاء:خلاص اوك طالما كلنا بنروق كبنات
عهد: كسوله المهم روحي يلا عشان هكمل
الاء:تمام وبليل نبقي نكمل كلامنا بقي
عهد:ماشي يا قلبي يلا سلام
الاء:سلام
توجهت كل منهما للانتهاء من التنظيف وبعد ان انتهوا صعدوا جميعا لشقه شروق بعد ان عادت غفران من مدرستها وفي ظل جلستهم قالت سميحه:عندي فكره حلوه
شاهندا:قولي يا عمتو
سميحه:عايزين نعمل يوم البيت كله يتجمع ستات ورجاله
نعمل اكل حلو وبرضو تحليه ونفضل نرغي كلنا
غفران:ونبقي اسره مع بعضشينااا
سميحه: صح
شروق:والله هي فكره حلوه فعلا
ورده:فعلا فكره جميله بس يارب ميتعبوناش علي ما يوفقوا
عهد:لا مهو كل واحده مننا تقنع الرجاله
شروق:يبقي اتفقنا
ورده:يوم ايه بقي سميحه:عايزين يوم يبقي كله فاضي
شاهندا:امممم الجمعه هي اللي بتبقي فاضي
سميحه:بس ورده بتروح لاهلها
ورده:لا عادي مش مهم الجمعه دي مفيش مشكله
غفران:يبقي اتفقنا يوم الجمعه كده فاضل اربع ايام
سميحه: تمام اوي
عهد:فكرتك جميله اوي يا عمتو
سميحه:طبعا ده انا سميحه يابت
عهد:ايوه بقي يا سيدي علي الواثق
سميحه بضحك: اتعلمي مني بقي
عهد:من عنيا
وجلسوا يتسامرون قليلا فتلك من افضل جلساتهم
...........................................
في جامعه تواب كان يجلس بالكافتريا الخاصه بالجامعه هو ويزن فقال تواب:بقولك يا يزن عبد الله قال انه هيظبط اموره ان احنا نسافر بكره هو عملها بسرعه عشان منكسلش
يزن:الله يخربيتك علي بيته يا بعيد لسه ما مهدتش الموضوع لابويا اصلا
تواب:يا عم قوله بس تواب قالي تعالي معايا وهو هيوافق
يزن:ليه يا خويا استاذ مقنع انت
تواب:اومال انت بتشكك قي قدراتي ولا ايه
يزن:لا العفو بس بجد ابويا مش هيرضي خالص وكمان انا مقلتلوش من الاول
عندما هم تواب بالرد وجدوا من يردف بسماجه:ايه يا ننوس عين بابا هو انت خايف لبابا يمنع عنك المصروف انك مقلتلوش
تواب:استغفر الله العظيم يارب يا بني هو انت علي طول بتدخل في اللي ملكش فيه
الشخص ويدعي رامي:طب وانت مالك انت يا تواب ما تخليك في حالك ولا انت عملي فيها حامي الحمي
يزن:رامي غور من هنا احسن لك وكمان انا مش بخاف انا بس بحترم والدي
رامي بسخريه:ماشي يا استاذ المحترم
هب تواب من مقعده واردف:قسما عظما يا رامي لو ما مشيت من هنا لهخلي الجامعه تتفرج عليك وانت بتطحن علي ايدي
عندما هم رامي بالانقضاض عليه اوقفه يزن وقال:اهدي بقي انت وهو امشي يا رامي من هنا عشان متزعلش بجد
رامي:ازعل من مين منك انت
تواب:لا مني يا فالح وقام بامساكه من تلابيبه فاوقفه يزن قائلا:تواب اهدي كده احنا في الجامعه وكمان ميصحش شغل العيال ده سيبه
ابتعد تواب وهو ينظر لرامي بغضب فقال يزن:امشي يا رامي مش ناقصينك اصلا
رامي وهو ينفض ملابسه وينظر لتواب بتوعد:ماشي يا تواب انت ويزن ان ما خلتكوا تندموا ما بقاش انا رامي
لم يردوا عليه فذهب بغضب وجلس تواب ويزن مكانهم فاردف تواب:عيل مستفز
يزن:خلاص بقي اهدي
تواب:اللهم طولك يا روح مش عارف مسكتني ليه انت كمان
يزن:انا غلطان يعد كده هسيبك تولع
تواب:طب اسكت بقي بدل ما اطلع غلي فيك المهم هتقول لاهلك ولا ايه
يزن:اه خلاص لاني بصراحه عايز اغير جو
تواب:خلاص تمام واتصل بيا بليل وقولي هتعمل ايه
يزن:تمام يا صاحبي يلا قوم عشان المحاضره
تواب:يلا
.......................................
حل المساء في منزل تواب بعد ان تناولوا العشاء قال تواب انا عايزكم في حاجه
شروق:اه وانا كمان
تواب:اتفضلي يا ماما
شروق:بصوا احنا قررنا كستات نعمل يوم كلنا فيه نقعد مع بعض وانتوا معانا ونعمل اكل كتير ونقعد كأسره كامله متكامله ايه رايكوا
محمود:هي فكره مش بطاله بس مش شايفه ان فيها عدم راحه ليكوا
شروق:لا ابدا ما احنا اتفقنا ومحدش عنده مشكله
تواب:هي فكره حلوه الصراحه تبقي يوم فيه تجمع عائلي كده
شروق:يعني موافقين
محمود:انا بالنسبالي معنديش مانع طالما انتوا مرتاحين
تواب:وانا نفس الراي
شروق:خلاص تمام الحمد لله سهلتوا عليا المهمه
محمود:عدي الجمايل بقي
شروق:من عنيا
تواب:ايوه بقي يا حاج الحياه زبادي خلاط خالص
محمود:اخرس يا حيوان
تواب:خرست
شروق:المهم انت كنت عايز ايه بقي
محمود:اه صح خير
تواب:احم بس بالهداوه كده ونتكلم بالعقل
شروق:ااه طالما قولت كده يبقي الموضوع مش هيعجبنا
تواب:لا لا ابدا اهدي انت بس يا شوشو وانتي تفهمي
محمود وهو يضربه علي راسه:شوشو يا حيوان اخلص
تواب:طب بصوا انتوا طبعا عارفين ان انا ويزن وعبد الله كنا متفقين علي سفريه للغردقه فاحنا بصراحه عايزين نسافر بكره
شروق:لا
محمود بهدوء:استني يا شروق كمل يا تواب
تواب:هو بصراحه انا لقيت عبد الله بيقولي النهارده وانا كنت عشمان انكوا توافقوا يعني
محمود:بس انا من حقي اخد انك تقولي دلوقتي كامر واقع مش بتساذن
تواب بسرعه:لا طبعا يا بابا العفو انا مقصدش كده انا والله لما عبد الله قالي كان وانا رايح الجامعه وقولت انكوا هتوافقوا لانكم عارفين ان احنا مخططين اصلا
محمود:تقعدوا قد ايه
تواب:هما تلت ايام عشان عبد الله ما يسبش مراته وعمتو كمان يزن ميتأخرش
محمود:خلاص ماشي مفيش مشكله
شروق:لا بقي انا مش موافقه
محمود:شروق سبيهم هما معتوش صغيرين وبعدين مش هيتاخروا زي ما قالك
شروق بقله حيله:بس هتيجي قبل الجمعه يا تواب
تواب وهو يقبل يدها:من عنيا يا ست الكل وقبل الجمعه كمان
شروق وهي تربت علي راسه:ربنا يرضي عنك ويرضيك يابني
تواب:تسلميلي يارب انتي وبابا
محمود:المهم يلا ادخل نام عشان يدوب تصحي
تواب:تمام يلا تصبحوا علي خير
محمود وشروق:وانت من اهله
وبعد ان دلف لغرفته رن علي يزن وبعد ان رد اردف:السلام عليكم ازيك يا يزن
يزن:وعليكم السلام عامل ايه يا تواب
تواب:الحمد لله ياصاحبي انا اتصلت بيك اسالك عملت ايه مع اهلك
يزن:لا تمام هاجي هما وافقوا هما اه اضايقوا من اني اتاخرت علي اما اقولهم بس بعدها عادي
تواب:خلاص تمام يبقي اتفقنا فوت علينا بقي بكره
يزن:ماشي يلا مع السلامه هدخل انام
تواب:مع السلامه
وبعدخا توجه كل منهم للنوم حتي الاستيقاظ في الغد بنشاط
.........................
بينما في منزل سميحه كانوا يجلسون ثلاثتهم فقالت سميحه:عبد الله احنا اتفقنا علي اتفاق كده وعايزين رايك
عبد الله باستفهام:اتفاق ايه يا امي وانتوا مين
شاهندا:احنا ستات العيله كلها
عبد الله والاتفاق عباره عن ايه طيب
سميحه:حددنا يوم نتجمع فيه كلنا الستات والرجاله ونعمل غدوه حلوه كده ونقعد نحكي مع بعضنا تبقي فكره حلوه يعني كبيت عيله
عبد الله باعجاب:والله فكره مش بطاله انا موافق
شاهندا:ايه ده بجد بالسرعه دي
عبد الله:اه والله عادي احنا كلنا عيله يعني هو اه في مثلا اللي هو مش محرم للبنات زي تواب بالنسبه لعهد وغفران بس طالما عمامي هيبقوا موجودين
سميحه:يبقي خلاص اتفقنا
عبد الله:يوم ايه بقي
شاهندا:الجمعه لان كلكوا بتبقوا فاضيين فيه
عبد الله:خلاص ماشي مفيش مشكله المهم بقي عايز اقلكوا علي حاجه
سميحه:قول يا عبده
عبد الله:انا عارف انه مكنش يصح مقولش من بدري بس هي جت فجاه كده انا ويزن وسامر ووليد وتواب هنسافر بكره للغردقه تلت ايام وراجعين وعامل حسابي عليكي من حيث الفلوس وكله يعني هو بس اني مش هبقي موجود ولو حسيتوا باي قلق او رفض عادي قولوا ونبقي نخليها وقت تاني
فرايكوا ايه
سميحه:الرأي رأي مراتك يا عبده
شاهندا:لا طبعا يا عمتوا لازم تقولي رايك
سميحه:انا مليش دعوه بالموضوع يا شوشو شوفي اللي حباه وقوليه لجوزك
شاهندا:والله ما هقول رايي الا من بعدك يا عمتو ده انتي امي التانيه
سميحه:يابنتي الله يكرمك خلاص بص يا عبده سافر يا حبيبي عادي ومتشلش همنا احنا هنتصرف وكمان لانك تعبت اليومين اللي فاتوا في الشغل فخدلك راحه
عبد الله:وانتي يا شوشو
شاهندا:انا رايي من راي عمتو سافر غيرلك جو واحنا هنا اهو في بابا وعمو موجودين
عبد الله:متاكدين يا جماعه دول تلت ايام
سميحه وشاهندا:اه متاكدين
عبد الله:خلاص علي بركه الله يلا ادخل انام بقي انا عشان طريق بكره
سميحه:وانا كمان ادخلي يلا مع جوزك يا شوشو
شاهندا:تصبحي علي خير يا عمتو
عبد الله:تصبحي علي خير يا امي
سميحه:وانتم من اهل الجنه يا حبايبي
وبالفعل توجهت كل من شاهندا وعبد لغرفتهم وقامت شاهندا بمساعدته في تحضير اغراضه وبعد ان انتهوا خلدوا للنوم
.....................................
في منزل سليمان كانت ورده تحاول اقناع زوجها بالامر فقال سليمان:يا ورده افهمي ميصحش مرات اخويا مش هتبقي مرتاحه وكمان تواب بسبب البنات
ورده:صدقني والله مفيهاش حاجه احنا اصلا كل واحده فينا حتقنع جوزها ده اللي اتفقنا عليه وهي مرفضتش الموضوع نهائي
سليمان:برضو ممكن احرجت تبدي رفضها فبلاش
ورده:لا متخفش مكنتش محرجه ولا حاجه المهم بس بالله عليك توافق
عهد:اه يا بابا بالله عليك هيبقي يوم حلو
غفران:يابابا عشان خطري بقي والله عادي
سليمان:خلاص خلاص اسكتوا موافق بس خدوا بااكوا لو حسيت بحاجه غلط ههمشي انا
ورده:براحتك
سليمان:يبقي تمام
عهد:ياهووو ايوه كده
غفران: الحمد لله اخيرا
سليمان وهو يوجه كلامه لوليد:خلاص هتسافروا بكره يا وليد
وليد:اه يا بابا باذن الله
شروق:متتاخروش بكره بقي
وليد:حاضر يا ماما خلاص والله
غفران:اشمعنا هما بيسافروا واحنا لا
وليد:تعرفي تسكتي نفسي افهم هتسافروا انتوا كبنات ازاي
غفران:عادي زيكوا بالظبط
وليد: طب اسكتي شويه
عهد:ماما انا هدخل انام بقي مش عيزين حاجه
ورده:لا يا عهد تصبحي علي خير
عهد:وانتي من اهله
توجهت عهد لغرفتها وقامت بالتوضا وصلت فرضها وفي وسط سجودها ظلت تدعي ان يغفر لها الله كل ذنب اخطات به وبعد ان انتهت قرات وردها وبعدها خلدت للنوم
........................
في منزل سامر كان يحضر اغراضه فدلف الي غرفته والده فاردف:اتفضل يا بابا تؤمر بحاجه
والده:لا يابني انا كنت بس جاي اشوف لو محتاج حاجه او فلوس زياده
سامر:لا يا بابا تسلم معايا يكفي
والده:يا واد قول محتاج حاجه بجد
سامر:صدقني لو محتاج كنت طلبت ما انت عرفني يعني
والده بضحك: اه صح من صغرك وانت كده
سامر بضحك: اهو اديك قولت اهو
والده:خلاص ماشي يابني يلا تصبح علي خير
سامر:وانت من اهله يا حاج
وبعد ان انتهي من توضيب اغراضه وجد والدته تدلف فقال بمزاح:والله ياست الكل ما في اي حاجه نقصاني وكمان متخفيش عليا مش هتاخر والله
والدته:تصدق غلطانه اني جايه اطمن عليك
سامر:لا خلاص انا اللي غلطان بس بجد والله متخفيش عليا ده انا بقيت راجل والله
والدته:خلاص خلاص الحق عليا يلا تصبح علي خير
سامر:وانتي من اهله يارب
وبعدها دلف للنوم حتي لا يكون الكسل حليفه في الغد
.................................
في الصباح استيقظ الجميع وقاموا بتجهيز اغراضهم
وقام يزن بالمرور علي كل من وليد وتواب وعبد الله وبعدها توجهوا ثلاثتهم ومروا علي منزل سامر وبعد ان اجتمعوا توجهوا للسياره التي احضروها من اجل ان تقلهم الي وجهتهم
سامر: يا سلاام هي دي الخروجات ولا بلاش
يزن:معاك حق والله الواحد حاسس انه كان مكبوت بقاله مده واخيرا هيريح دماغه شويه
عبد الله:انا لو عليا مرجعش نهائي بس اعمل ايه بقي بقيت مسئول عن بيت
تواب:يا سلام لو نرجع صغيرين تاني
وليد:اه يابني للعب والفرحه كده مش محاضرات وقرف
عبد الله:اومال انا اعمل ايه بالشغل ده خلق علي الصبح يابني حاجه اخر سده نفس
يزن:استحمل يا عبده يا حبيبي هتعمل ايه
تواب:هو انا ياجماعه لو قولت عايز انام هتعملوا ايه
يزن:هنديك بالجزمه يا حيوان نوم ايه
وليد:هو انت جاي تنام يابني
تواب:يا جماعه مش قادر هموت وانام ساعه واحده حتي
سامر:يا عم فوق بس كده النوم مش حلو في الطريق احلي حاجه في السفر اصلا الطريق
تواب:خلاص يا جماعه مش نايم
عبد الله:ملكش الا كده فعلا
تواب:متشكرين يامعلم وبعد بضع ساعات كانوا يتحدثون فقال عبد الله:هو انا مش سامع صوت تواب ليه يا شباب فكان يجلس بالامام
فقال يزن وهو ينظر بجانبه علي تواب الذي غط بنوم عميق:البيه نام الحيوان سكتنا بكلمتين وفي الاخر سبنا ونام
سامر:عندي فكره حلوه نصحيه بيها
وليد بخبث:قول يا سامر انا عارف افكارك الزباله دي
سامر احنا نهدي كده وحد يشغل علي تليفونه صوت احتكاك العربيات او حادثه وحد يجي جنبه يزعق جامد او احنا التلاته ونقول حادثه ايه رايكوا
يزن:يا ابن اللعيبه فكره حلوه
عبد الله:استنوا هجبلكوا الصوت من عندي
وبالفعل قاموا بتشغيل الصوت عن طريق البلولتوث الخاص بالسياره واردفوا في وقت واحد وباعلي صوت:حاااااددددثثثثثه
انتفض تواب من مكانه واردف بخوف:حاسب حاسب هنمووت يا سواق الغبي انت حااااسب
ولكنه صمت عندما وجد الجميع يضحك بشده عليه
تواب:اه يا شويه حيوانات حد يصحي حد كده
يزن بضحك هيستيري: كنت تشوف منظرك يفطس من الضحك اويي
وليد: وبعدين حد قالك تنام ما قولنا نوم لا
تواب:تقوموا تصحوني كده
عبد الله:تستاهل عشان تسمع الكلام بعد كده
سامر:تعيش وتاخد غيرها يا معلم
تواب:عن ابو معرفتك منك ليه عيال جحشه والله ده انا قطعت الخلف
يزن بضحك: يا صغير علي الخضه يا تواب يابني
تواب:اسكت يا زفت
عبد الله:لو نمت تاني انت حر
تواب:نوم ايه بقي هي فيها نوم ثم اردف وهو يوجه حديثه للسائق باحراج:احم انا متاسف جدا والله كان من الخضه بس
السائق بضحك: لا ولا يهمك عذرك الصراحه
تواب:حبيبي تسلم بس قولي فاضل قد ايه
السائق:ساعه تقريبا
تواب:تمام
وبعدها جلسوا يتحدثوا حتي قال السائق:وصلنا يا شباب
تواب:يا مشاء الله ما حسناش بالوقت والله لفه كمان يااسطي
السائق:من عنيا بس زود الاجره بقي
تواب بتمثيل التعب:تصدق تعبان وعندي سكر وبتعب من المواصلات مره تانيه باذن الله
عبد الله بضحك:عيل بخيل جدا يعني
يزن:بخيل ايه ياعم ده جلده
تواب:متشكرين يا رجوله
وليد:يلا عشان هلكت من القعده دي
سامر:اه فعلا يلا
وبالفعل توجهوا للفندق بعد ان حاسبوا السائق وشكروه واعتذر منه تواب مره اخري وقبل السائق الامر بصدر رحب
وعندما دلفوا للفندق قال سامر:يا نهار كل اللي فيه قالع
يزن:بس يا سامر
تواب:ايه ده يا جماعه فين اللبس
عبد الله:لا مهو شكلهم فقرا قوي فمعندهمش لبس
وليد:خلاص يا جماعه مش هنقعد نتامل حرام تعالوا نشوف الحجز يلا....وبالفعل توجهوا ليسألوا عن الحجز فقد حجز وليد امس غرفتين لكل غرفه تحتوي علي سريرين
تواب:طب يا شباب مين مع مين
يزن:تواب وعبد الله في اوضه وسامر ووليد في اوضه ثم اردف بصدمه ايه ده انا فين
سامر بضحك: نام انت في الحمام
عبد الله:او حمام ليه انت ملكش لازمه اصلا روح يلا
يزن:خفيف ياض انت وهو ثم وجه كلامه لتواب وقال تعال معايا يا زفت نحجز اوضه كمان
تواب:تعالي يا ضنايا ميهونش عليا اسيبك تروح
وبالفعل بعد ان حجزوا الغرفه اتفقوا علي ان يرتاحوا قليلا ثم بعدها يتجولوا في المدينه
.....................................
بينما في منزل تواب كانت شروق تجلس هي محمود فقالت:اتصل بتواب اطمن عليه يا محمود
محمود:استني دلوقتي ممكن يكون بيرتاح لان طريق السفر صعب
شروق:طب ما انا قلقانه عليه
محمود:يا شروق يا حبيبتي هو معدش صغير بقي راجل خلاص
شروق:طيب خلاص هو راجل وسيد الرجاله فعلا بس هيوحشني في التلت ايام دول كتير تلت ايام
محمود:يا ستي هيعدوا بسرعه وبعدين انا رحت فين طب والله الواد تواب بيفهم لانه سبنا لوحدنا شويه
شروق باحراج:بس بقي يا محمود كبرنا يا راجل
محمود:كبرنا مين يا شوشو ده انا شباب اهو اوريكي حتي
شروق يضحك:ربنا يحميك ويحفظك ليا يارب انت وتواب
محمود وهو يقبل راسها:ربنا يديمك علينا نعمه يا شوشو يا رب
شروق:انا بجد ربنا انعم عليا بيك يا محمود انت نعم الزوج فعلا
محمود:اهو عشان متقوليش ناقصك حاجه ربنا جابلك زوج سكره مش كفايه سبت الشغل النهارده وقعدتلك اهو
شروق:انت حبيبي والله
محمود:حياتي ربنا يديمك ليا
...................................
في منزل سليمان كانت عهد تجلس مع والدتها بينما غفران ذهبت لمدرستها وسليمان لعمله
ورده:هتروحي الجامعه امتي يا عهد
عهد:كمان ساعه كده يا ماما ورايا محاضره متاخره
ورده :ماشي يا حبيبتي قوليلي يا عهد ليه بسمعك احيانا بتعيطي بليل لوحدك كل مره ببقي عايزه اسالك بس حاجه تمنعني
عهد بارتباك:هااا لا لا ابدا مفيش خالص
ورده بشك:انتي فيه حاجه مزعلاكي يا عهد
عهد بخوف من ان تعرف شئ:لا ابدا ابدا انا بس بقرا روايات بيبقي فيها حاجات بتخليني اعيط
ورده بشك:ماشي يا عهد هعمل اني مصدقه بس لو عوزتي حاجه تعالي قولي
عهد:حاضر عن اذنك هدخل اجهز
ورده:ادخلي يابنتي
بعد ان دلفت عهد حدثت ورده نفسها قائله:مش عارفه ليه قلبي مش راضي يصدقك يا عهد يابنتي يريت ميكونش فيكي حاجه وانتي مخبيه
......................................
وها هنا قد مر اول يوم وفي اليوم التاني كانت سميحه وشاهندا تجلسان امام التلفاز فقالت شاهندا:بس تصدقي يا ماما البيت بيفرق اوي من غير عبده
سميحه:طبعا يابنتي ده راجلنا البيت بيبقي وحش من غيره
شاهندا:فعلا امبارح كنت حاسه بحاجه غريبه وهو مش موجود في الاوضه وكمان واحشني اوي
سميحه:ربنا يرجعه بالسلامه
شاهندا:يارب
قاطع حديثهم اتصال ورده فردت سميحه:السلام عليكم ازيك يا ورده
ورده:وعليكم السلام الحمد لله يا سميحه عامله ايه
سميحه:الحمد لله يارب
ورده:منزلتيش ليه يا سميحه زي ما قولتي
سميحه:مش قادره والله يا ورده ما تيجي انتي
ورده:خلاص عشان خاطرك بس
سميحه:تسلميلي يارب وكمان لو عهد معاكي هاتيها
ورده:لا عهد مش هنا في الكليه
سميحه:ربنا يوفقها يارب
ورده:سميحه هسالك حاجه بس متوضحيش لشاهندا لو جنبك حاجه
سميحه:قولي متخفيش انا اتنقلت من اول ما رديت
ورده:هي عهد كلمتك في حاجه او هي فيها حاجه
سميحه:كلمتني في ايه يعني
ورده:يعني اشتكت من حاجه مضايقاها كده يعني اصلي ساعات بسمعها بتعيط بليل وقالتلي انها بتقرا روايات حزينه
سميحه بارتباك حاولت ادراكه متذكره رفض عهد باخبار والدتها:هاا لا ابدا مقلتليش حاجه خالص
ورده:انتي متاكده
سميحه:اه يختي متاكده طبعا
ورده:خلاص ماشي يا سميحه طالعالك اهو هصلي واطلع
سميحه:ماشي يا حبيبتي وبعد ان اغلقت معها اتصلت علي عهد بسرعه فردت عهد قائلا:السلام عليكم ازيك يا عمتو
سميحه:عهد انتي فعلا ساعات بتعيطي بليل
عهد:مين قالك يا عمتو
سميحه بخوف عليها وغضب منها:امك اللي قايلالي مش احنا اتفقنا لو في حاجه تيجي تقوليلي دلوقتي امك بقت شاكه ان فيه حاجه لو فيكي حاجه يا عهد يا تجيلي يا تروحي لاي حد من الستات
تهد بتنهيده:حاضر يا عمتو ومتخفيش عليا ببقي مخنوقه شويه بس
سميحه:تيجي تفضفضي معايا
عهد:حاضر والله معلشي بس يا عمتو هقفل عشان ورايا محاضره
سميحه:ماشي يا حبيبتي مع السلامه
عهد:سلام
وبعد ان اغلقت معها اردفت قائله:ربنا يريح قلبك يا بنتي
..................................
في مدرسه غفران كانت تخرج منها بعد ان انتهي اليوم وعندما كانت تهم بعبور الطريق وجدت سياره تاتي بسرعه رهيبه ولكنها توقفت في اخر لحظه فقالت غفران:مش تحاسب يا استاذ انت ايه اتعميت
الشخص:في ايه يا بت انتي احترمي نفسك
غفران:يعني حضرتك اللي غلطان وكمان بتبجح
الشخص:روحي يا شاطره العبي بعيد انا بس عامل حساب انك صغيره
غفران:لا بجد كتر خيرك
الشخص:يا صبر ايوب امشي من هنا عشان ما افعصكيش
غفران وهي ترحل خوفا منه فهو يبدوا انه علي استعداد بسحقها بالفعل ثم اردفت في نفسها:جتك القرف يلعن ابو شكلك
...............................
في الغردقه كان الشباب يجلسون علي الشاطئ في وقت الضهر مستغلين فرصه عدم وجود اشخاص وبالاخص فتيات بسبب كثره الاجانب وملابسهم الفاضحه فقال تواب:احلي حاجه البحر ومفيهوش ناس
سامر:معاك حق والله
عبد الله:الواحد عشان يقعد وسط الناس هنا لازم يبقي اعمي
يزن:انا جعان يا شباب
وليد:اه انا كمان ميت من الجوع
تواب:طب بصوا انا هروح اطمن علي اهلي ونرجع ناكل في اي حته
عبد الله:تصدق عايز اطمن عليهم انا كمان
سامر:خلاص اللي هيستني يستني واللي هيطمن يروح ونتجمع هنا تاني
فاردف الجميع موافقا وبالفعل اتصل تواب بوالده اولا فهو يعلم انه يكون بالعمل في هذا الوقت فاطمئن عليه ثم اغلق واتصل بوالدته واطمئن عليها واخبرها انه سيعود في مساء الغد فوافقت وظلت تدعي له قليلا حتي اغلق معها وكان الحال مع البقيه فكان عبد الله يطمئن علي زوجته ووالدته ويسالهم اذا ارادوا شئ وكل من سامر ويزن ووليد كذلك وبعد ان انتهوا توجه جميعهم لتناول الغداء وتوجهوا للتجول حول المدينه واشتروا بعض الاشياء لاهلهم وبعدها توجهوا لغرفهم وها قد مر اليوم الثالث واجتمعوا حتي يعودوا لمنزلهم وبعد ان وصل تواب رحبت به كل من شروق ومحمود فقالت شروق:حمد الله علي السلامه يا روحي البيت كان وحش من غيرك
محمود:حمد الله علي السلامه يا تواب يابني ها انبسطت
تواب:الله يسلمكوا يارب اه الحمد لله كانت فسحه حلوه وبعد ان اعطي لكل منهم هديته سالته شروق
شروق:تحب احضرلك العشا يا تواب
تواب:لا تسلمي ياماما انا هدخل انام عشان هلكان
محمود:ماشي يابني اتفضل
تواب:يلا تصبحوا علي خير
فردوا عليه:وانت من اهله
.................................
في منزل سميحه كان الامر نفسه من الترحيبات وبعد ان اعطاهم ما احضره لهم توجه للنوم بسبب تعبه من السفر وكان الحال مع يزن وسامر ايضا ووليد من ضمنهم وبعد ان انتهوا من ترحابهم خلدوا للنوم علي وعد بالاجتماع غدا فهو يوم الجمعه
.................................
هل سيكون الغد يوم مميز كما اتفقوا ام سيحدث شئ يغير مجري الاتفاق
ومن ذلك الشخص التي تشاجرت معه غفران وهل سيكون له دور في روايتنا
ومن هو رامي ياتري
ايضا ماذا سيحدث لعهد هل ستظل تكتم حزنها ام كتب لقدرها الاختلاف
والسؤال بقي اللي كله مستنيه امتي تواب هيحب عهد
كل ده هنعرفه البارت القادم انتظروا وترقبوا
....................................
حبايب قلبي الحلوين اتمني البارت يعجبكوا
والتفاعل يا اخت يا فاضله المراقبين في صمت تفاعل يستركوا دنيا واخره خليكوا قمامير بقي
احبكم في الله ♥