الرجوع (مستوحاه من قصه حقيقيه)

اقتباس تشويقي

اهلا يا قمامير طبعا عارفين اني بحب التشويق 😂😉فقررت اني اشوقكم شويه يلا بينا.. ❤
......................................
كانت تسير متوجهه لمنزلها الي ان وجدت شخص يقوم بمعاكستها قائلا: يا مساء الرطوبه انتي سنجل ولا مخطوبه
لم ترد عليه ثم اكملت سيرها
فقطاعها ذلك الشاب قائلا: ما تحن علينا ياجن ايه يا مزه رايحه فين كده ما تيجي
قاطع كلامه احد ما امسكه من ملابسه ثم قال: لا يا رووح امك ده انت اللي هتيجي اعلم علي خلقه اهلك
الشاب بوقاحه: في حاجه يا شبح هي الحته دي تلزمك
شهقت الفتاه بخجل
وغضب هو بشده ثم نظر للشاب بابتسامه شر: عايز تعرف تلزمني ولا لا انا هعرفك ثم بوووم قام بلكمه في وجهه بقوه ادي الي وقوع الشاب علي الارض
الشاب: نهار ابوك اسود ده انا هعلم علي اللي خلفوك حالا ثم اخرج مطوه من جيبه فقالت الفتاه بخوف: حاااسب خد باالك
فرد عليها:امشي انتي واقفه ليه اصلا انتي متخلفه
قالت في نفسها:جتك القرف الحق عليا خايفه عليك
وحينما همت بالذهاب وجدت شاب اخر تبع الاول يقول لها بخبث:علي فين يا قمر هو دخول الحمام زي خروجه
هي بخوف:يخربيت رزلتك يا اخي يا عم سبني امشي
رد عليها هو بغضب وهو يمسك يد الشاب:انتي بتتناقشي يا متخلفه اهربي منه يا بنتي
حاولت الفرار كما قال لها ولكن الشاب امسكها بسرعه وحاول لمسها فقالت بخوف:اوعي ابعد عني الحقنييي
نظر لها بخوف عليها ثم غضب بشده عندما وجد الشاب يحاول الاقتراب منها فابعد الشاب عنه بقوه واخرج مسدس من جيبه وقال قسما بالله يا كلب منك ليه لو ما خفيته من هنا لهخلي امك وابوك يترحموا عليكوا
الشاب وهو يمسكها واخرج سكينه و وجها لرقبتها ثم قال:ما احنا هنمشي بس بيها
وفجاه ضربته بقوه في ذقنه براسها فابتعد عنها بتألم
ثم توجهت له سريعا تحتمي به وعندما هم الشابان بالاقتراب منهم قام بالضرب بالمسدس في الجو وقال:قربوا والله لحصركم علي نفسكم
ابعد الشابان بخوف فنظر لهم بانتصار وقال:حيوانات
قالت:شكرا ليك
هو:العفو علي ايه بس انتي غبيه
هي:افندم
هو:مبعدتيش ليه من الاول
هي:ملحقتش وكمان انت متهور
هو:حسني ملافظك يابت انتي
هي:اصل انت ماسك مسدس وكان ممكن تموتهم بجد وتدخل السجن
هو بضحك: لا اصله صوت بس مفيهوش طلقات
نظرت له بصدمه وقالت:ياربي يعني لو كانوا مخفوش كان زمانا رحنا في الكازوزه
هو بضحك: لا متخفيش دي عيال عبيطه عملين شبه الكلاب بتخاف من اي صوت عالي
قاطع كلامها صوت الشابان وقد رجعا وقال احدهم بشر:انا هوريك الكلاب بتعمل ايه وهعرفك ازاي تلعب بمسدس لعبه
هو بخفوت:بتعرفي تجري
هي بخوف:بعون الله
هو:حلو يلا واحد
هي:اتنين
هو:تلااااته ثم قاما بالجري بسرعه وحاول الشابان امساكهم ولكن فلتوا منهم باعجوبه
هي بينما تجري وتنهج:الله يخربييييييتك ويخربيييتك مسدسككك
هو بضحك هيستيري: اجرييييييي
..................................
هوووب وقف هنا يا باشا
يا تري مين هما
اللي هيعرف يبقي بجد بريمو زي ما بيقولوا
عايزاكم بقي تبدعوا
وكمان عايزه اعرف رايكم في الاقتباس
وعايزه تفاعل يا بنات ها تفاعل
ان شاء الله الفصل القادم هحاول اطوله علي قد ما اقدر وهيكون في احداث كتير وحلوه باذن الله
انتظروني 🤗
Love you so much💙💙💙❤❤❤