الرجوع (مستوحاه من قصه حقيقيه)

الفصل التاسع

اذيكو يا حبايب قلبي عاملين ايه 🥰 🥰
.....................................
وقفنا البارت اللي فات لما كلهم اتصدموا فجاه تعالوا نشوف ايه اللي حصل.........
استغربوا جميعهم من صمتها فننظروا لما ينظرون له وجدوا ان كل من تواب ويزن وسليمان يسندون محمود ليدلف للداخل فهرولت له شروق بخوف
وقالت يلهوي يا يا تواب ابوك ماله وسالت: محمود محمود حبيبي مالك في ايه محمود رد عليا الله يخليك
تواب: استني بس ياماما اما ندخله الاوضه بس
شروق: طب تعالي يلا ادخلوا.. وبالفعل ادخلوه لغرفته وجعلوه يرتاح قليلا فقال سليمان: يلا يا جماعه بره خلوه يرتاح
شروق ببكاء: الله يخليكم حد يقولي محمود ماله
يزن: اهدي بس يا امي والله هو كويس بس الضغط علي عليه شويه ووقع من طوله وزمايله اتصلوا بتواب واحنا لحقناه علي طول واتصلنا بعمي سليمان يجي معانا
شروق ببكاء: انت مش بتكدب بجد يا يزن قولي بجد يا تواب ابوك كويس
تواب وقد قام بتقبيل راسها: اهدي يا حبيبتي والله هو بخير وكل حاجه اهدي عشان خاطري
سميحه: طب وده حصل ازاي يا تواب يا ابني
تواب: والله ما اعرف يا عمتو فعلا انا كنت في الجامعه ولقيت اصحابه في الشغل بيتصلوا بيا وبيقولولي والدك تعبان فروحت علي طول انا ويزن
عهد بخوف علي عمها وتوجهت لشروق:ان شاء الله خير يا طنط شروق اهدي بالله عليكي تفائلوا بالخير تجدوه
شروق:يارب يا عهد يا حبيبتي يارب
ورده:طب حد يجيب دكتور يكشف عليه ويطمنا
سليمان:ملوش لزوم كان في دكتور في الصيدليه اللي قدام شغله وطمنا وقال هو بس يرتاح شويه وهيفوق ويريت ياكل حاجات خفيفه النهارده علي الاقل
شروق:خلاص تمام هدخل اطبخله حاجه خفيفه وفي نفس الوقت ترم عضمه
سميحه:خلاص كل واحده تروح شقتها وبليل كده نيجي نتطن عليه
شاهندا:معاكي حق يا عمتو يلا بينا يا جماعه
وبالفعل ذهب كل منهم لشقته فتوجهت عهد وغفران الي غرفه عهد فقالت غفران:زعلانه اوي علي عمو محمود
عهد بحزن:ربنا يشفيه ويعافيه يارب انا بجد بحب عيلتنا كلها واتمنلهم كل خير
غفران:ومنظر طنط شروق كان صعب اوي كانت خايفه عليه جامد
عهد:طبعا ده جوزها يابنتي وان شاء الله ربنا يشفوهولها
وجلسا يتحدثا قليلا بينما في الخارج كان كل من سليمان و ورده يجلسون بغرفتهم فقالت ورده:متقلقش يا سليمان اخوك ان شاء الله هيبقي بخير
سليمان:يارب يا ورده يارب محمود لو حصله حاجه انا هروح فيها ده سندي
ورده بلهفه:بعد الشر عليك يا حاج متقولش كده ان شاء الله يبقي كويس
سليمان:يارب اشفيه وعافيه يارب...
..................................
في شقه سميحه كانت تجلس بحزن وخوف علي اخيها وسندها بالحياه فقالت شاهندا:وحدي الله يا عمتو ان شاء الله عمي ربنا يشفيه ويعافيه
سميحه:يارب يا شاهندا يابنتي انا مليش غيره هو وسليمان
شاهندا:ان شاء الله هيبقي كويس زي ما الدكتور طمنا
سميحه:يارب يا بنتي
وبينما كانوا جالسين وجدوا عبد الله قد اتي من الخارج وعندما راي علامات الحزن سال بقلق شديد
عبد الله:السلام عليكم في ايه يا جماعه قاعدين كده ليه
شاهندا:غير بس الاول وتعالي اقولك مش لازم تعرف من دلوقتي وانت جاي علي طول كده
عبد الله:فيه ايه شاهندا قاعدين كده ليه بلا اغير بلا زفت ايه اللي حصل
سميحه:يا عبد الله يابني مفيش عمك بس النهارده تواب وسليمان جابوه من الشغل مغمي عليه
عبد الله:خير لا حول ولا قوه الا بالله طب انا نازل استنوا وعندما هم بالنزول لحقت به شاهندا قائله:استني يا عبد الله تنزل فين بس
عبد الله:انزل لعمي يا شاهندا انتي بتسالي ازاي
شاهندا:طب بس تعالي ادخل كده
عبد الله:بقولك هنزل اطمن عليه وتقوليلي ادخل
شاهندا وهي تجذبه للداخل:ادخل الاول وهفهمك اسمع بس الاول
عبد الله:طيب دخلت لخصي
شاهندا:اولا عمك لسه نايم بيرتاح ثانيا مرات عمك بتعمله حاجه تقويه وتواب قاعد مع عمك عشان ياخد باله منه فاستني لحد بليل اما يفوق كده ويرتاح شويه وننزل كلنا وكمان لو نزلت محدش هيفضالك فاهدي بقي
عبد الله:طيب خلاص اشفيه يارب وعافيه
ثم توجه لوالدته وجلس بجوارها واردف قائلا:اهدي بقي ياست الكل ان شاء الله يكون كويس
سميحه:خايفه عليه اوي يا عبد الله
عبد الله:متخفيش ان شاء الله هيبقي تمام
شاهندا:تحب احضرلك الغدا يا حبيبي زمانك جاي تعبان
عبد الله:لا تسلمي ياحبيبتي مليش نفس بس حضري اكل لامي عشان متتعبش ومعاد الدوا
سميحه:عبد.الله بالله عليك سبني في حالي مش واكله انا عشان متحطش في بالك
عبد الله:لا لازم عشان خاطري ياست الكل عشان متتعبيش انتي كمان كفايه عمي
شاهندا:عبد الله معاه حق يا عمتو لازم تاكلي والا هتتعبي
سميحه:خلاص تمام بس بالله عليكي يا شاهندا متكتري في الاكل
شاهندا:حاضر من عنيا
سميحه:تسلمي يابنتي
دلفت شاهندا لتحضير الطعام فاستاذن عبد الله من والدته قليلا وتوجه للمطبخ فقال:شوشو انا اسف معلشي
شاهندا باستغراب:علي ايه يا عبد الله
عبد الله:اني اتنرفزت عليكي من شويه بس والله ده من قلقي علي عمي
شاهندا بحب:يا حبيبي فاهماك وعذراك ومدايقتش خالص
عبد الله وهو يقبل يدها:تسلميلي يا احلي شوشو
شاهندا:طب اطلع يلا عشان احضر الاكل بقي
عبد الله:ماشي يا حبيبتي وبالفعل خرج واكملت هي تحضير الطعام وبعد ان تناولت سميحه الطعام جلس ثلاثتهم قليلا حتي اتي الليل فاجتمع الجميع في شقه محمود للاطمئنان عليه فقال عبد الله:حمد الله علي السلامه يا عمي الف سلامه عليك
محمود:الله يسلمك يا عبد الله يا ابني
سليمان:قلقتنا عليك يا خويا ايه اللي حصل
محمود:معرفشي يا سليمان والله فجاه حسيت بدوخه شديده وصداع رهيب وبعدها محستش بحاجه
سميحه:الف سلامه عليك يا محمود يا خويا
محمود:الله يسلمك يا سميحه
ورده:حمد الله علي سلامتك يا استاذ محمود
محمود:الله يسلم يا ام شاهندا
تواب:قلقتنا عليك يا حاج والله ده انا كنت هصوتلهم في الكليه هناك
محمود:شيلو الواد ده من جنبي انا مش ناقص
عبد الله:معاك حق يا عمي والله انا مغلول منه اصلا
تواب:ليه بس يا عبده عملتلك ايه
عبد الله:متصلتش ليه يا بني ادم وتقولي ان عمي تعبان
تواب:من اللخبطه والله بس مجاش في بالي
شاهندا:بعد كده خد بالك من نفسك يا عمو بالله عليك انت غالي عندنا اوي والله
محمود:تسلميلي يا حبيبتي
سليمان:محمود الواد وليد بيسلم عليك وبيقولك هينزل بكره علي طول
محمود:الله يسلمك ويسلمه يارب
غفران:قلقتنا عليك كده يا عمو الف سلامه عليك يا عسل
محمود بضحك: يا بكاشه الله يسلمك يا ستي
عهد وهي توجه كلامها لتواب:احم تواب
تواب:نعم يا عهد
عهد بخجل:ممكن تقعدني جنب عمو شويه حيث ان تواب كان يجلس بجانب محمود من جهه اليمني وشروق من اليسار
محمود:قوم ياض من هنا لحبيبه قلبي عهد
تواب:ماشي يا حاج تشكر ثم وجه كلامه لعهد قائلا:اتفضلي يا عهد طبعا
وبعدها جلست عهد بجانب محمود وقامت بتقبيل يده واردفت:الف سلامه عليك يا احلي عمو يارب بالله عليك خد بالك من نفسك بعد كده وما تقلقناش
محمود وهو يقبل راسها:انتي بس تؤمري يا عهد وانا انفذ
شروق:خيانه بتاخدي مني حبيبي يا عهد مكنش العشم
عهد بضحك :بريئه والله يا طنط
محمود:دي قلبي دي والله
تواب وهو يمثل الحزن:وانا يا حاج
شروق:لا احنا لاقينك علي باب معبد يهودي
محمود بضحك: حصل
عبد الله:مطلعتش قريبي يا تواب بعد كده تحترمني ياض
تواب:يا عم اركن علي جنب بقي
عبد الله:ماشي يا سيدي تشكر
سميحه:طب يلا يا جماعه بقي عشان محمود يرتاح
سليمان:معاكي حق يلا بينا
محمود:ما تخليكم يا جماعه ما انتوا مونسني والله
سليمان:مره تانيه ان شاء الله يلا ما تؤمرش بحاجه
محمود:سلامتك يا سليمان
وبالفعل غادر الجميع وتوجهوا لمنازلهم وفي شقه عهد كانت تحدث الاء في الهاتف فقالت:ها يعني وافقوا اه والله خلاص وافقوا بس قالوا منتاخرش
عهد:لا ان شاء الله مش هنتاخر هنتفسح شويه ونرجع الاء:اوك ماشي هجيلك ولا تجيلي
عهد:لا اجيلك انا لان اخويا جاي وكمان من عندك اقرب
الاء:خلاص ماشي يلا تصبحي علي خير عشان هنام بقي
عهد:وانتي من اهله
اغلقت معها وتوجهت الي والديها فقالت:ماما بابا انا والاء بكره هنتفسح شويه
سليمان:وهو ده استاذان ولا من باب العلم بالشئ يا عهد
عهد:لا والله ابدا يابابا بستاذن
سليمان:ومقولتيش ليه من بدري
عهد بتوتر:ما انا كنت هقول من الصبح والله بس موضوع عمو نساني
ورده:يعني مش هتيجي معانا عند جدتك
عهد بنفور:لا مش جايه
سليمان:خلاص ماشي يا عهد موافق مفيش مشكله
عهد:هاا يا ماما
ورده:ماشي يا عهد ما ابوكي وافق وانا موافقه طالما مش عايزه تيجي عند جدتك
عهد بفرحه:شكرا شكرا يلا تصبحوا علي خير
سليمان و ورده:وانتي من اهله
ونام الجميع حتي يلتقوا بالغد لعل يكون مميز لهم
....................................
في الصباح استيقظ الجميع ليبداوا يومهم بنشاط في منزل سميحه نجدها هي وشاهندا يقوموا بتحهيز الافطار حتي اتي عبد الله وجلسوا جميعهم حول الطاوله فقالت شاهندا:اقترحوا بقي ناكل ايه
عبد الله
  مش عارف الصراحه انا بحمل هم السؤال ده اكتر من ان يجيلي قضيه اكتر والله
سميحه بضحك:ههههه معاك حق والله اومال احنا نعمل ايه احنا بناكل دلوقتي وبنفكر هنعمل ايه غدا وبكره كمان
شاهندا:عشان تشوف بنتعب قد ايه
عبد الله:اه يعيني بتتعبوا اوي
شاهندا:انت بتتريق حضرتك
عبد الله:لا العفو يا حرمي المصون انا جيت نحيتك
شاهندا:ايوه كده
سميحه:ينهاري اطفال قدامي والله قاعده وسط اطفال...بس برضو مقولتوش تاكلوا ايه
عبد الله:الجمعه اللي فاتت عملتوا محشي وفراخ وحاجات حلوه كده عايزه النهارده بشاميل ورقاق
شاهندا:الاتنين مره واحده
عبد الله:عندك اعتراض لا سمح الله
شاهندا:انا اطلاقاا يا روحي
سميحه:خلاص تمام نفطر وانت تروح تصلي ونبدا في تحضيرهم
عبد الله:تسلمولي يارب يلا عن اذنكوا انا بقي السلام عليكم
وبعد ان غادر توجه كلا منهما لتحضير الغداء ....
......................................
في شقه عهد استيقظت وقرات وردها حتي اتي وقت الضهر ادت فرضها وذهبت لتحضير الطعام مع والدتها فقالت:صباح الخير يا ماما
ورده:صباح النور يا عهد تعالي ساعديني يلا علي اما الصلاه تخلص
عهد:تمام وبدات في مساعدتها....
.................................
في منزل تواب كان يتحدث مع والدته فاردف:ماما انا نازل اصلي هتعوزى حاجه
شروق:لا يا حبيبي تسلم
تواب:تمام يلا السلام عليكم
توجهت شروق لغرفه محمود فتوجهت ناحيه السرير لتوقظه:محمود محمود اصحي يلا عشان الضهر اذن
محمود بنعاس:صباح الخير يا شروق
شروق بحب:صباح الخير يا حبيبي قوم يلا عشان تصلي الضهر علي ما تواب يرجع من الجامع ونتغدي
محمود:مصحتنيش قبلها ليه يا شروق عشان اروح الجامع انا كمان
شروق:محمود خليك النهارده عشان انت تعبان انت واخد دوا كمان امبارح فارتاح النهارده وصلي هنا
محمود:لا حول ولا قوه الا بالله وتواب سبني كده ونزل
شروق:لا مهو اللي قالي اخليك ترتاح
محمود:يعني انتو اتفقتوا عليا بقي
شروق بضحك: الصراحه اه قوم بس يلا خلص
محمود:طيب خلاص هقوم اتوضي اهو
شروق:ماشي يا حبيبي....ثم توجهت لتحضير الطعام لهم......
بعد ان انتهي الجميع من اداء الصلاه توجهوا لمنازلهم جلسوا كل منهم يتناول الغداء
في منزل تواب كان يجلس مع والديه وجد ان يزن يقوم بالاتصال به فرد:السلام عليكم ازيك يا يزن
يزن:وعليكم السلام ورحمه الله الحمد لله تمام يا صاحبي المهم طمني والدك عامل ايه
تواب:بقي افضل الحمد لله
يزن:طب الحمد لله سلملي عليه لحد ما اجي اطمن عليه العصر كده
تواب:لا شكرا مش بنستقبل حد النهارده
يزن:خفه ياض انا مش جايلك انت انا جاي لعمي يا بارد
تواب بضحك: خلاص يا سيدي تنور
يزن:ماشي يا صاحبي يلا سلام
تواب:مع السلامه
نواب وهو يوجه كلامه لمحمود:بيسلم عليك يا بابا وبيقولك هيجي يطمن عليك العصر كده
شروق:فيه الخير والله محترم اوي
تواب:ايوه فعلا بجد ده كان معايا دايما اكتر من اخويا
...............................
في منزل عهد بعد ان تناول جميعهم الغداء جلسوا جميعهم يتحدثون قليلا حتي وجدوا حرس الباب يرن فذهبت غفران لتفتح فوجدت انه وليد فاردفت:وليد حمد الله علي السلامه اتاخرت كده ليه
وليد:وانتي مالك يختي اوعي انا جاي تعبان
غفران بخفوت:مستفز
وليد:بتقولي حاجه
غفران بسرعه:لا ابدا مفيش
توجه وليد للداخل فقال: السلام عليكم
رد عليه الجميع فقال سليمان :حمد الله علي سلامتك يا وليد انبسطت
وليد:اخر حاجه يا بابا والله
ورده:بس مش شايف انك اتاخرت في السفر شويه يا وليد
وليد:ماما بالله عليكي انا معتش صغير فعادي بقي
ورده:علي راحتك يا وليد
سليمان:اظن ترد علي والدتك بطريقه افضل من كده
وليد: انا اسف مش قصدي بس صحيح عمي اخباره ايه
سليمان:بقي كويس الحمد لله اطلع اطمن عليه
وليد:طب اما انام حتي
ورده:دلوقتي يا وليد يلا
وليد:طيب طالع خلاص....وبالفعل صعد لشقه عمه وخبط عليهم ففتح له تواب
وليد:السلام عليكم
تواب:وعليكم السلام ازيك يا وليد حمد الله علي السلامه اتفضل
وليد:عمي موجود
تواب:اه تعالي ادخل
دلفوا للداخل فقال وليد:السلام عليكم
محمود وشروق:وعليكم السلام ورحمه الله وبركاته
محمود:حمد الله علي السلامه يا وليد يا حبيبي
وليد:الله يسلمك يا عمي الف سلامه عليك انا والله اول ما عرفت جيت علي طول ولسه واصل حالا وطلعتلك
محمود:فيك الخير يا حبيبي
تواب:قولي بقي اخبار السفر ايه
وليد:ده مزاج يابني والله احلي حاجه بترفه علي نفسك عايزين نبقي نعملها مره
تواب:نعملها ومالو وبالمره ناخد الواد يزن
وليد:خلاص اشطا
شروق:تشرب ايه يا حبيبي
وليد:لا الله يديمك يارب بجد مش عايز حاجه انا يدوب انزل انام شويه عشان هلكان
شروق:طب اشرب حاجه وانزل
وليد:لا معلشي اعذريني فعلا مش طالبه حاجه غير نوم
تواب:اللي يشوفك يقول كنت بتشقي ليل ونهار
وليد:لا يا خفيف بس من الغردقه للقاهره مده مش هينه برضو
تواب:لا معاك حق برضو
وليد:شوفت..المهم استاذن انا بقي والف سلامه عليك ياعمي مره تانيه خد بالك من صحتك بالله عليك
محمود:الله يسلمك يا حبيبي حاضر والله
وليد:يلا السلام عليكم
فردوا عليه السلام ونزل بالفعل وتوجه للنوم
................................
في شقه عهد قالت لوالدتها:ماما انا رايحه ل الاء عشان هنخرج زي ما قولتلك
ورده:ماشي يا عهد بس ما تتاخريش
عهد:حاضر يلا عن اذنك...غادرت متوجهه لمنزل الاء فسلمت علي والديها وتوجهوا ليتنزهوا قليلا
الاء:الخروج مع البيست دي احلي حاجه في العالم والله
عهد:فعلا خصوصا لو البيست بترغي كتير زيك كده
الاء:مرسي كتير مش بحب اتكلم عن نفسي كتير
عهد:المهم هنروح فين
الاء:بصي الاول عايزه اروح جنينه حيوان وبعدين نقعد في مطعم ناكل اي حاجه حلوه وبعدين نقعد علي النيل ناكل حمص الشام وبعدين نجيب لب وسوداني ومعاهم عصير
عهد:ايه كميه الاكل دي يا الاء
الاء:ايه مش كتير خالص ده انا حتي قللت المرادي
عهد:واضح فعلا طب يلا يختي
توجهوا لجنينه الحيوان بالفعل استمتعوا بها كثيرا وصاروا يمزحوا ويلتقطوا الصور للذكريات حتي قرروا التوجه للمطعم
عهد:ادينا جينا المطعم اهو يا ستي شوفي هتطلبي ايه انا عن نفسي عايزه ايس كريم شوكولاته بس
الاء:لا الله يخليكي اطلبي اكل معيا مش هبان حلوفه لوحدي
عهد:اعملك ايه مش جعانه
الاء:عشان خاطري بقي طب ايه رايك نطلب بيتزا
عهد:بيتزا امم ماشي خلاص طالما فيها اكله بحبها
الاء:ايوه كده يا عهود وبعدها نجيب ايس كريم ماشي...وبالفعل طلبوا اكلتهم وبعد قليل اتي طلبهم فجلسوا يتناولون باتستمتاع وبعد ان انتهو طلبوا الايس كريم
الاء:قوليلي بقي الحياه عامله ايه معاكي
عهد:عاديه مفيهاش جديد يعني
الاء:يلهوي انتي ممله كده ليه
عهد:اه انا ممله اقطعي علاقتك بيا بقي علي الاقل ارتاح
الاء:واهون عليكي يا عهود
عهد بضحك:اه تهوني الصراحه
الاء:يا رخمه
عهد:علي فكره قولت لعمتو اني فاكره يوم ما انهارت
الاء:و رد فعلها كان ايه
عهد:اتصدمت وقالتلي هتحكي لماما بس انا قولتلها لو ماما عرفت مش هحكيلك حاجه تاني
الاء:طب وانتي ليه مش عايزه تقولي لمامتك يا عهد
عهد:كده افضل
الاء:بس انا شايفه انك لازم تحكيلها وحاوريها زيي وزي عمتك
عهد:لا ماما لو عرفت هتقول لبابا وبابا لو عرف هيفضل يعمل سين وجيم ويفضل بقي ياخد باله مني في الرايحه والجايه
الاء:طب ما انتي نفسك حد يهتم بيكي فعلا
عهد:اه نفسي بس مش يبقوا متضرين عشان حصلي حاجه لا يبقي من نفسهم
الاء:اه فهمتك
عهد:تعالي يلا نقعد علي النيل
الاء:يلا.... توجهوا للنيل بالفعل وكان المنظر ساحر للغايه ويعطي للشخص شعور بالراحه فقالت عهد:الله المكان هنا مريح اوي
الاء:فعلا ومنظره جامد بجد
عهد:الواحد كان نفسه يبقي بيته علي النيل
الاء:كان زماني نقلت اقامتي للبلكونه
عهد بضحك: معاكي حق والله
الاء:هتاكلي حمص
عهد:لا طبعا انا لو كلت هنفجر
الاء:الصراحه وانا خلينا قاعدين كده حلو
عهد:اه فعلا...جلسوا قليلا حتي قالت الاء:يلا بينا بقي نروح عشان هنتاخر
عهد:كنت لسه هقولك يلا بس عايزين نقررها كتير بقي
الاء:اه نعملها كل ما نكون فاضيين
عهد:خلاص اتفقنا
قامت عهد بتوصيل الاء لمنزلها بسبب بعد منزلها وتوجهت ايضا لمنزلها وعندما وصلت سالتها والدتها:اتبسطي يا عهد
عهد:اه يا ماما جدا
ورده:ربنا يبسطك كمان وكمان يارب
عهد:يارب هدخل انام انا بقي عشان تعبت النهارده
ورده:ادخلي ماشي تصبحي علي خير
عهد:وانتي من اهله..توجهت لغرفتها قامت بالاستحمام وقرات بعض ايات القران وخلدت للنوم علي امل نهار جديد
.....................................
في منزل تواب وصل يزن ورن الجرس فتح له تواب وقال:اهلا اهلا يزن تعالي ادخل
يزن:اركن انت علي جنب فين عمي
محمود:تعالي يا يزن اتفضل
يزن:حمد الله علي سلامتك يا عمي عامل ايه خضتني عليك والله
محمود:بخير يابني الحمد لله
يزن:يستاهل الحمد
شروق:عامل ايه يا يزن
يزن:يخير الحمد لله يا طنط
شروق:تشرب ايه بقي
يزن:مش عايز اتعبك والله
شروق:تعب ايه يابني تعبك راحه
يزن:الله يديمك يارب خلاص ماشي ممكن شاي
تواب:معندناش شاي روح اشرب عندكوا
شروق:بس يا بارد انت
يزن:اه بس يا بارد
تواب:متشكرين يا امومه
شروق:انا هقوم عشان مخلصش عليك
يزن:عم محمود بابا بيسلموا عليك جامد وبيقولوا لحضرتك الف سلامه هو كان عايز يجي لحضرتك والله بس انا قولت ان حضرتك بقيت كويس يعني
محمود:الله يسلمك ويسلمه يارب فيه الخير سلملي عليه
يزن:يوصل ان شاء الله
تواب:صحيح اتفقت انا ووليد ان احنا نسافر في يوم احنا التلاته
يون:هو رجع
تواب:اه رجع النهارده
يزن:واتفقتوا فين
تواب:لا لسه بس فكرنا في الموضوع بس يعني
يزن:خلاص ماشي هشوف اموري واقولك
تواب:تمام.......جلس يزن معهم قليلا ثم استاذن بعدها وغادر وجلسوا ثلاثتهم حتي اتي الليل فدلف كل منهم للنوم....
...........................................
بينما في منزل سميحه كانت تجلس هي وشاهندا فسالت سميحه:امال عبد الله فين يا شوشو
شاهندا:بيقولي راح لواحد صاحبه يا عمتو
سميحه:ليه فيه حاجه ولا ايه
شاهندا:لا ابدا بيزوره عادي
سميحه:تمام انا هدخل انام بقي عشان تعبت
شاهندا:ماشي يا عمتو هدخل انا كمان استناه جوه بقي
سميحه ماشي يا قلبي يلا تصبحي علي خير
شاهندا:وانتي من اهله
دلفت شاهندا للداخل وشردت في امر خلفتها فعندما شعرت بحزن قامت وتوضات وصلت ركعتين حاجه لله وفي نفس الوقت اتي عبد الله وقد استغرب هدوء المكان فتوجه لغرفه والدته وفتح الباب بهدوء فوجد ان والدته نائمه فاطمئن ثم توجه لغرفته وعندما فتحها وجد ان الغرفه تعم بالظلام الا من ضوء بسيط وصوت شاهندا يبكي بخفوت فكانت شاهندا تدعي لله:يارب يارب ارزقني الذريه الصالحه يارب يارب متحرمش عبد الله من اسعد شئ في الدنيا يارب انت اللطيف الرحيم بينا يارب اكتبلنا الخلفه يارب ومتكسرش قلبه يا منان يارب يارب انت ادري واحد بان عبد الله راجل يستاهل كل خير يارب يارب اجزيه يارب وارزقنا بالذريه الصالحه يارب..وبينما هي تدعي وجدت عبد الله يجلس امامها وقام بتقبيل يدها ونظر لها بحب واردف:انا بجد ربنا رزقني بيكي انتي بجد هبه من الله وان شاء الله ربنا هيرزقنا بالذريه الصالحه خليكي واثقه في رحمه ربنا وبعدين كفايه عليا انتي من الدنيا
شاهندا:نفسي احققلك اللي بتتمناه وافرحك
عبد الله:انا بفرح لما انتي بتفرحي
شاهندا:مش عايزه احس اني سبب حرمانك من ابوتك طب انت ليه مش راضي اني اكشف خليني اكشف بالله عليك
عبد الله:لا بلاش عشان خاطري سبيها علي الله يا شاهندا وهو خير مدبر انما كشف هنقلق نفسنا وخلاص ويا ستي قولتلك مليون مره ممكن اكون انا المانع
شاهندا:لا لا ان شاء الله خير
عبد الله:ان شاء الله يلا قومي بقي عشان ننام لاني تعبان اوي الصراحه
شاهندا:طب تحب اجهزلك عشا
عبد الله:لا انا جعان نوم بس
شاهندا:تمام يلا
وبالفعل توجهوا للسرير فقام عبد الله باخذها في حضنه وقال مكانك بقي قلبي خلاص يا شاهندا واوعي تقلقي او تخافي انتي عندي بالدنيا كلها
شاهندا بحب:ربنا يديمك ليا
عبد الله:يديمنا لبعض يارب
خلدا للنوم وهم علي ثقه في رحمه الله وانه سيجزيهم خير جزاء فمن كان وليه الله كسب الدنيا وما فيها
.................................
نام الجميع علي امل اللقاء بيوم جميل ومميز ولكن احيانا يا اعزائي ليس كل ما نتمناه نحصل عليه فهل ستتحقق امانيهم ام ان القدر سيلعب لعبته معهم كل ذلك سنعرفه الفصل القادم انتظروني
..............................
احبابي عاملين ايه قولولي ايه رايكوا في البارت وفي الروايه عموما والتفاعل ياخونا التفاعل يا اخت يا فاضله منك ليها
ان شاء الله انا ناويه من الاسبوع الجاي اظبط المواعيد علي جمعه وسبت عارفه اني لخبطت الايام دي بس بجد حصل ظروف خارج ارادتي وان شاء الله تكون اخر مره وبعد ده كله
Love You💚💚💚💚💚💚