الرجوع (مستوحاه من قصه حقيقيه)

الفصل الثامن عشر

ازيكم يا قمامير عملين ايه وحشني جدا 🤗🤍
يلا بينا نبدا البارت استمتعوا 🤗❤
                  ................................
وها قد جاء الصباح سيكون ملئ بالتخطيط والتجهيزات......
..................................
في منزل عهد كانت تتناول الافطار مع عائلتها بحماس شديد
سليمان: يعني خلاص اكيد هنخرج بكره
غفران و عهد و وليد: ايوه يا بابا اكيد
سليمان بقرف: انا اللي غلطان اني بسمع كلامكم بصحيح
ضحكوا عليه ثم قالت ورده بمزاح: معلشي بقي يا سليمان ولادنا لازم نستحملهم
سليمان: هوديهم دار ايتام
غفران: طب بزمتك يا بابا دار ايه اللي تاخد الجموستين اللي قدامك دول
وليد وعهد: غفراان الكلبب
سليمان بضحك: هتتاكلي حالا خدي بالك
عهد: وليد قررتوا ايه المكان اللي هنروحه
وليد: لا هنتجمع النهارده احنا والشباب ونشوف
عهد: تمام واحنا كذلك البنات هتتجمع ونظبط كل حاجه
ورده: يبقي احنا الستات نظبط الاكل وكله وانتوا البنات تظبتوا نفسكم والتسالي
غفران وعهد: اشطا
عهد: تعالي معايا بقي يا رورو نروح ناخد شهد. النهارده وبلاش مدرسه ونشوف بقيت البنات
غفران: خيرا فعلتي يا اختااه
وليد: واحده بتحب الفشل زي عنيها
غفران: بس يا بابا يلا يا عهود
وبالفعل توجها لمدرسه غفران وحينما وصلا ورأتهما شهد قالت: ازيك يا عهد عامله ايه
عهد: احلي حال يا باشا انتي اخبارك ايه يا قمر
شهد: كله عال العال يا معلمي
غفران: اللي هيسمعنا هيقول اننا مش طلعين من مدارس محترمه
عهد وشهد: اتفق
عهد: المهم انا جايه اخدك انتي وغفران عشان نروح بقي الجامعه ناخد بقيت البنات ونروح عندنا نظبط حاجتنا وكله والستات هيعملوا اكل ناخده لبكره والشباب هيحددوا المكان
شهد: بس مقولتش لبابا وماما خالص
عهد: طب انتي لو اتصلتي بيهم تستاذنيهم هيحصل حاجه
شهد: مش عارفه استني اما احاول
وبالفعل اتصلت بوالدتها وقالت: الو يا ماما
والدتها: ايه يا شهد حصل ايه بتتصلي ليه فجاه
شهد: بصي هي غفران واختها عهد جت معاها دلوقتي وعيزين يخدوني نروح عندهم ونفوت المدرسه النهارده عشان نظبط لبكره ايه رايك
والدتها: وحياااه ستك يا شهد هبل مش عايزه انتي بتستهبلي صح
ابتسمت شهد لهم بتوتر وقالت: احم ليه بس يا ماما
والدتها: ميصحش يا شهد عندهم صبيان اولا ثانيا مينفعش تتصلي كده فجاه وتقولي اه غفران صحبتك من زمان بس برضو مش بحب الامر الواقع ده لو كنتي بعد المدرسه كنت ممكن اوافق لكن كده لا
شهد: عشان خاطري يا ماما
والدتها: لا يا شهد. واقفلي والمدرسه تحضريها يلا سلام
شهد بحزن: سلام.. مرضتش
عهد: الصراحه كنت متوقعه ومامتك معاها حق ترفض
غفران:اومال خلتيها تتصل ليه طيب
عهد: معرفش اولا يمكن كانت توافق
شهد: وثانيا
عهد بضحك : لا معرفش ثانيا ايه الصراحه
غفران: امشي يا عهد من وشي
عهد: استني بس دلوقتي انتي هتدخلي يا غفران مع شهد وانا هتصرف شهد هي مامتك ممكن توافق انك تيجي بعد المدرسه
شهد:هي قالتلي لو كان بعد المدرسه كان ممكن اوافق معرفش اكيد ولا لا
عهد:طب حلو اتصلي بيها تاني واستاذنيها هنخلص المحاضره ونجيلكم نروح علي البيت
شهد:خلاص تمام
عهد:يلا ادخلي بقي يا رورو
غفران: متبقيش رخمه بقي مش عايزه احضر
شهد: فاشله درجه اولي
عهد: ادخلي بس يلا النهارده متبقيش رخمه هنعمل ايه
غفران: ابو شكلك
عهد: طيب شكرا بس برضو ادخلي متنسيش تتصلي يا شوشو
شهد: تمام
ثم ذهبت عهد لجامعتها والتقت ب الاء
الاء: اخيرا جيتي يا هانم
عهد: كنت بوصل غفران وكنت بقترح علي صحبتها يسيبوا المدرسه النهارده ويجوا البيت نظبط بقي لبكره بس مامتها موافقتش فهنروحلهم بعد المحاضره تكون المدرسه خلصت ونروح علي البيت
الاء: خلاص تمام واصلا حبيبه وحياه هيفوتوا علينا هما كمان
عهد: طب يلا عشان المحاضره
الاء: يلا
بالفعل ذهبا لحضور المحاضره وبعد ان انتهيا وجدا حياه وحبيبه بالخارج فتوجها نايحيتهما
عهد:احلي صباح علي احلي مزز
حياه:احلي صباح علي احلي بنتين جامدين
الاء:الا قوليلي يا حبيبه هو احنا بنات
حبيبه:علميا اه لكن عمليا لا طبعا
عهد:ابسلوتلي لا يا بنات
الاء:طب يلا عشان نروح ناخد شهد وغفران ونروح نظبط الدنيا
حبيبه:شهد مين يا وقعتكم انتوا ضميتوا واحده للشله لاااا احنا اربعه بس هو الشرع محلل اربعه وكفايه
فردوا ثلالثتهم قائلين:يبقي تطلقي من الشله ثم انفجروا في ضحك شديد
حبيبه:اتفوخس علي دي شله
عهد بضحك: حبيبي يا بيبو وربنا
حبيبه:بس يا بت غوري
عهد:ياستي انتي مستحيل نبدلك علي العموم شهد صاحبه غفران
حبيبه:اه ان كان كده اوكي
حياه:طب يلا بينا عشان منتاخرش
الاء:يلا
وبالفعل توجها لمدرسه غفران فوجدا كل من شهد وغفران في انتظارهما
عهد:اتاخرنا عليكوا
غفران:لا ابدا ولا اتاخرتوا ولا حاجه هو انتوا عمركم اتاخرتوا لا سمح الله
الاء:لا مؤخذه يا ابو الغفرانين
غفران:امشي يابت من هنا انتي وصحابك دول والزفته عهد دي كمان
شهد:لا مؤخذه في السؤال بس مين اكبر من مين
حبيبه:منظرنا بقي وحش يابنات مش كده
حياه:مفيش اوحش من كده
حبيبه:احم اهلا يا شهد احب اعرف انا حبيبه الرابعه بتاعه الشله
شهد:اهلا يا حبيبه انا شهد صاحبه المجنونه غفران دي
حبيبه:تشرفات
شهد:تشكرات
عهد:اتاخرنا يا جزم وامي اتصلت احم الو يا ماما
ابعدت الهاتف فجاه عن اذنها ونظرت للفتيات بخوف مصطنع وقالت بصوت منخفض:هنتشلوح اقراؤلكم ربع
الاء:استقيموا وسوا صفوفكم نقيم صلا العشاااء
ضحكوا عليها بخفه ثم قالت عهد:ايوه يا شاهندا فين ماما بتتصلي من فونها ليه
شاهندا:يا حيوااانه اتاخرتواا ليه هو ده اللي هنخلص ونيجي بسرعه وخدت فون امك عشان فوني فصل
عهد بقرف:امك يا معفنه
شاهندا بشر:بصي يا ام مخ مصدي انتي خلال خمس دقايق لو ملقتكوش هنا هتصرف بطريقتي
عهد بخوف:يا باشا اقتح الباب احنا وصلنا اصلا
شاهندا:خلصييييي
عهد:طب هو احم انتوا في انهي دور
شاهندا:عند عمتو كلنا يلا متتاخروش ثم اغلقت الهاتف في وجهها
عهد بضحكه حمقاء: بتمووت فيا
شهد:ايه اللي حصل
الاء:لا محصلش الحكايه بس انها اتهزقت من اختها
حياه:وعرفتي منين يختي
الاء:يابنتي هو انا اي حد ده انا الاء وافهم عهد وهي بتتهزق
عهد:قلبي انتي
حياه وحبيبه بغيره:اولعوا في بعض
الاء بضحك:شوفي الحقد بينط من عنيهم ازاي
عهد: طب يلا يختي عشان منتهزقش تاني صحيح يا شهود قولتي لمامتك
شهد: اه و وافقت بس بعد غلب القلب وغفران اقنعتها
عهد: جدعه يابت يا غفران لا تنفعي تربيتي البت دي
فقالوا في وقت واحد ما عدا شهد : تربيه معفنه
عهد وهي تمسك بيد شهد وتسير بعيدا عنهم: تعالي انتي يا حبيبتي انتي اللي بقيالي وسيبك من المقرفين دول
ضحكوا عليها ثم قاموا باتباعها متوجهين للمنزل
وحينما وصلا وهما بالصعود وجدا قطتين تجريان عليهما بشده فصرخت عهد بخوف مما ادي الي صراخهما ايضا بصوت عالي
عهد: ااااااه يا مامااااا
وبسبب صوتهم ادي الي نزول الجميع من فوق الشباب والكبار
سليمان بخضه: في ايه يابنات بتصرخوا ليه
يزن بخفوت لتواب: هو ايه الاحتلال البناتيتي ده
قالت الفتيات في صوت واحد: عهد هي السبب يا عمو
محمود: ايه حصل يا عهد بتصرخي ليه
عهد باحراج بسبب تجمعهم امامها: هو يعني مفيش
عبد الله: في ايه يا عهد صرختي ليه حصل حاجه وكمان انتوا صرختوا ليه
غفران: عهد يا ابيه شافت قطه فصرخت واحنا بس صرخنا من خضتنا
نظر جميعهم الي عهد بصدمه مما ادي الي احراج عهد بشده وقالت في سرها: ادعي عليكم بإيه وانتوا فيكم كل العبر
سليمان بغضب: ينفع اللي حصل ده يا عهد خليتينا كلنا ننزل مخضوضين واختك كمان نزلت وهي حامل
عهد: والله يا بابا غصب عني
سليمان: مش للدرجه دي يا عهد
تواب: عمي بعد ازنك عهد فعلا بتخاف منهم حصل قبل كده موقف زيه وكانت هتقع من علي السلم مش ذنبها
نظر له سليمان بصمت ثم توجه لعهد فابتعدت وقالت بمزاح: ايه يا بابا هتضربني ولا ايه طب خليها في الدرا مش وسط القبيله دي
ضحكوا عليها جميعا ثم قال سليمان: اعمل فيكي ايه يا عهد قوليلي كدا انا اتفزعت والله
عهد بابتسامه مرتبكه وقالت بخفوت:لا مؤخذه يا بابا بس كفايه تهزيق منظري وحش
نظر سليمان للجميع وقال:حد عايز البت دي
قال جميعهم في صوت واحد:لا
ولكن تواب قال بصوت واحد سمعه كل من سميحه ويزن وشروق:انا بتمناها
عهد:حب الناس يا جماعه
سميحه:يلا بقي نطلع كفايه لحد كدا ومتخفش يا سليمان هنربيها فوق
عهد بخوف:هتعملوا فيا ايه
شاهندا و ورده:جالك الموت يا تارك الصلاه
وحينما هم الرجال بالصعود امسكت عهد بيد وليد بقوه وقالت:اخويا حبيبي متسبنيييش انا هبقي شهيده قريب
وليد:لا مؤخذه يا عهد بس انا لو دافعت عنك هبقي شهيد برضو
عهد:طب غور يلا
وبينما كان الجميع يصعد هناك من هو شارد بتلك الفتاه فقد رآها اخيرا
يزن:سامر سامر انت ياعم
سامر بشرود:عايز ايه من سامر
يزن:انت يا زفتتت
سامر بخضه:ايه يا عم
يزن:سامر هما استأمنوك ودخلوك بيتهم مينفعش تبص علي حد من بناتهم
سامر:لا لا والله ابدا انا ببص علي اللي جنب غفران دي صحبتهم لاني معجب بيها
يزن:برضو ولو ميصحش معجب بيها تروح تتقدم
سامر:هعمل كده بس مش دلوقتي
يزن:يلهوي علي شباب الايام دي
سامر:والاخ مش معجب بحد
يزن وقد تذكرها:مش متاكد لسه يا سامر صدقني لو اتاكدت هتقدم علي طول مش هتأخر
سامر:اوعي ياض ايه الحلاوه دي
في الاعلي بعد ان صعدت السيدات والفتيات
عهد:بصوا بقي اللي هيجي جنبي مش عايزه اقوله هعمل ايه
ردوا عليها جميعهم بشر:هتعملي ايه يا عهد
عهد بخوف مصطنع:هعييط
ضحكوا عليها بشده
سميحه:طب دلوقتي نعمل غدا ايه ناخده بكره
غفران:ما ناكل بره احسن
ورده:مش هينفع اولا عددنا كبير ثانيا مقولناش للرجاله واحمدي ربنا بقي انهم وافقوا
غفران:يووه بقي
شهد:طماعه يا غفران والله
شروق:مين البسكوتايه دي
غفران:دي صحبتي يا طنط اسمها شهد
شروق:ما شاء الله قمر يابنتي ربنا يحميكي باين عليكي هاديه
شهد بضحك:لا لا ياطنط متتخدعيش فيا انا مش كده خالص
شاهندا:اتخمينا فيها يا طنط والله زيك كده
شروق:يا خساره كنت اجوزك الواد تواب
خجلت شهد بشده
عهد بغضب:طب يلا بقي نحدد هنعمل ايه افضل
نظرت لها سميحه ثم ابتسمت بخبث وقالت في سرها:ياعيني كل واحد بيحب التاني ومش عرفين وكمان ميقدروش يتكلموا خلونا نتسلي بقي ونشوف اخره الموضوع ده ايه والله وبقيتوا تحبوا يا ولاد
حياه:ماما انتي رائيك ايه لغدا بكره
حور:انا عندي فكره
الاء:قولي
حور:احنا كده كده مش هناكل كتير يعني هيبقي معظم الوقت هزار ولعب فاحنا نعمل سندوتشات
حبيبه:مظنش انها هتبقي فكره حلوه خصوصا اننا  هنقعد لحد قرب العشا كده فهيبقي في غدا وعشا هناك بس الفطار يبقي هنا
حور:مهو هيبقي مثلا سندوتشات شاورما كفته بانيه حاجات من ديه تكفي الغدا وممكن بقي في العشا نجيب اكل من اي مطعم جنب المكان اللي هنروحه
عهد:عجبتني الفكره دي
حبيبه:وانا
شاهندا:طب مهو كده هنحتاج نصحي من بدري نعملهم
الاء:صح هنعمل ايه صحيح
شروق:احنا هنحتاج يجي كام سندوتش كده
الاء بضحك:يجي عشر الاف بس كده
سميحه بصدمه:غيروا الفكره دي
ضحكت ورده قليلا ثم قالت:طب بصوا احنا نقسم الكميه نتبل الحاجه النهارده ونجهزها وبكره واحنا بنعمل الفطار نجهزهم بقي كده كده هنمشي بعد الصلاه نفطر وعلي ما الرجاله تصلي وترجع نكون جهزنا احنا الاكل
شهد:فكره حلوه والله يا طنط
عهد بفخر:امي
قالوا في نفس واحد:اسكتي يابت انتي
عهد:اوف بقي ايه الظلم ده
حياه:عشان تصرخي كويس يا فالحه
عهد:بخاف من القطط ياخونا في ايه
غفران:طب بس بقي احنا البنات نلبس ايه
الاء:انا لسه مقررتش الصراحه
عهد:مفيش حد قرر
حبيبه:تعالوا نخليها زي مفاجأه كده بكره كل واحده تطلع احسن طقم عندها وتلبسه منحددش مهو مش فرح نحدد كلنا مره واحده
الاء:بت بدون blood (دم)
حبيبه:بس يابت
شهد:قعدتكم حلوه اوي
شروق:يخلااثي علي القمر ما تيجي اجوزك ابني صدقيني
شهد:لا لو سمحتي يا طنط انا لسه صغنونه وبعدين بتكثف والله
عهد بغضب:هقوم اشرب وراجعه
توجهت للمطبخ وقامت سميحه بالتوجه لها ايضا
في المطبخ كانت عهد غاضبه:ماشي يا طنط كل شويه هجوزك ابني والزفته شهد عماله تهزر قال صغيره علي اساس لو كبيره توافق اووف
سميحه:يابت اتقلي شويه متبقيش كده
عهد بخضه:ايه يا عمتو خضيتيني
سميحه بخبث:اتقلي شويه متبقيش ملهوفه كده وخصوصا انك عارفه مينفعش تظهري الحب ده
عهد بخجل وصدمه:ها حب ايه يا عمتو وملهوفه ايه مش فهماكي
سميحه:طب تعالي يلا بس وهعتبر نفسي مصدقه ان مش فاهمه يلا نكمل القعده
عهد:يا فضيحتك يا دودي......
................................
في الاسفل عند الشباب
محمود:ها يا شباب حددتوا مكان نروحه
عبد الله:هو فيه كذه مكان بس محتارين انهي الافضل
سليمان:عيزين اكتر مكان بيبقي في ناس قليله
تواب:مهو كده فعلا يا عمي
يزن:في جنينه بس معاها برضو زي ملاهي في نفس الوقت وفي جنينه للعائلات بس يعتبر فيها ناس قليلين برضو لان كمان في ناس بتحب تروح اماكن فاضيه وفي جنينه بس يعتبر مقطوعه فكل حاجه ليها عيب وميزه
سامر:انا رائيي الجنينه اللي بتاعه العائلات اه ممكن يكون فيها ناس بس برضو عائلات انما المقطوعه دي غلط عشان الستات واللي جنبها ملاهي هتبقي زحمه جدا
وليد:ده رائيي برضو
سليمان:يبقي اتفقنا بأذن الله بكره هيكون بعد الصلاه
عبد الله:طيب بالنسبه اننا هنروح بعربيتي وعربيتك يا عمي محمود وانت يا عمي سليمان
محمود:ده صحيح وبالنسبه للشباب
سامر:ممكن انا افوت علي يزن ونبقي نيجي برضو او نروح الاول نظبط مكان هناك فاضي شويه
وليد:طب عهد كانت قالت ان اخو صحبتها هيجي معاها بحيث يرجع معاها وكمان يتعرف علينا يعني
سامر:اللهم صلي علي النبي فرد جديد في الشله وماله بس هيجي ازاي
يزن:طب ما بعد ما تجيلي نروحله
سليمان:وانتوا عرفين مكانه
عبد الله:طب اطلع يا وليد اسأل عهد عن بيته
محمود:واسألها الشاب ده محترم ونثق فيه ولا لا
وليد:تمام عن اذنكم
بالفعل صعد الي اعلي وقام بالدق علي الباب
في الداخل قالوا جميعهم:قومي يا عهد افتحي
عهد:انتوا جايين عليا يا جماعه
شاهندا:قومي يابت متنحيش يلا
عهد:يا ظالمين
توجهت عهد لفتح الباب وعندما وجدت انه وليد قالت باستنجاد:وليد خدني معاك دول بيظلموني هنا
وليد:احسن تستاهلي المهم هو بيت حبيبه صاحبتك فين
عهد:ليه
وليد:اصل يزن هيروح لسامر وعيزين يروحوا لاخوها يخدوه بما انه ميعرفش البيت هنا
قالت له عهد العنوان الخاص به
وليد:خلاص تمام هو اسمه ايه
عهد:باسل
وليد:طب صحيح هو محترم نثق فيه يعني
عهد:اه الصراحه محترم جدا يعني
وليد:خلاص تمام يلا ادخلي بقي
عهد:يعني مش هتاخدني معاك
وليد:اخدك معايا فين يا متخلفه تقعدي وسط الرجاله
عهد:تصدق اقنعتني
وليد:هبله والله يلا انا نازل
بالفعل نزل لاسفل وقال لهم العنوان
يزن:خلاص تمام ابقي قول لاختك تقول لصاحبتها تديله خبر اننا هنروحله يعني
وليد:تمام
سليمان:هو اخلاقه ايه يا وليد
وليد:عهد بتقولي محترم جدا يعني
محمود:تمام بس برضو خدوا بالكم منه
عبد الله:متخفش يا عمي هناخد حذرنا برضو
سليمان:ما تجيبوا نلعب شطرنج
سامر:ايوه بقي يا عمي هو ده الكلام
تواب:احم انا مش لاعب
محمود:ليه خايف تخسر
تواب:انا لا خاالص بس الدكتور منعني من الحاجات دي
ضحكوا عليه ثم قال عبد الله:متخفش هنخليه يكتبلك علاج يا فالح روح هاتها
تواب:ماشي يا عبده بكره تتردلك
يزن:بكره الساعه كام
تواب:بس يا سئيل....
في الاعلي عند الفتيات جلسوا فقالت عهد:صحيح انتوا هتيجوا ازاي
شهد:انا هخلي اخويا يجبني
عهد:وبالنسبه لحياه وحور هيجوا مع خالتوا
الاء وحبيبه:طب واحنا
حبيبه:خلاص هاجي انا مع باسل
عهد وانتي يا الاء تعالي معايا نركب سوا
الاء:اشطا معنديش مانع
عهد:يبقي اتفقنا
               .....................................
ها قد.اتفق جميعهم علي تجهيزات الغد وقامت السيدات بتحضير الطعام بعد ان اخبروهم بالمكان الذي سيذهبون له.....
في منزل عهد كانت تجلس بغرفتها فقام وليد بالدق علي الباب ثم دلف وقال:مسا مسا يا رؤوف
عهد:مسا مسا يا ابراهيم تعالي ادخل
وليد:اتفضلي الشوكولاته بتاعتك اهي علي الله يطمر
عهد:ونعم الاخوه
وليد:ايه مش عجبك طب هاتي
عهد:خلاص يا باشا وربنا عجبني اسفين
وليد:عالم جبانات تخاف متختشيش
عهد:حسبي الله ونعم الوكيل
وليد:ماشي يختي المهم ابقي قولي لصاحبتك تقول لاخوها ان يزن وسامر هيفوتوا عليه بكره
عهد:لا مهو هيجي مع حبيبه عشان متجيش لوحدها
وليد: وهي عارفه المكان
عهد:اه عرفته بعد ما قولتلها
عهد:خلاص اشطات يلا بقي يا باشا بره
وليد بصدمه:نعم
عهد:بره ايه مسمعتش عايزه اكلم البونيه شويه  يلا ياسطا
وليد:عن ابو شكلك يا شيخه خارج يا جزمه
عهد:الباب في ايدك لو تكرمت
وليد:مستفزه
عهد:حبيبي تسلم
بالفعل خرج وليد وقامت عهد بالاتصال علي حبيبه فردت الاخري قائله:خير
عهد بقرف:حد يرد علي حد كده يا انسه
حبيبه:مش انا رديت كده
عهد:اه
حبيبه:يبقي فيه
عهد:لا وجهه نظر برضو
حبيبه:شوفتي
عهد:المهم خلاص عرفتي المكان اكيد
حبيبه:ايوه وكمان باسل عارفه لان واحد صاحبه بيته قريب من هناك
عهد:خلاص حلو اوي متتاخروش بقي
حبيبه:ده انا هصحاله من النجمه
عهد:تمام  جدعه ابت صحيح ظبتي الطقم
حبيبه:لا لسه الصراحه هقول لباسل واشوف كده
عهد:اشطات جدا يلا بقي روحي عشان انام واعرف اقوم ونتقابل  بكره بقي
حبيبه:تمام يلا سلاموز
عهد:والله انتوا اللي بوظتوني وانا كنت قطه مغمضه
حبيبه:يا شيييخه تصدقي صدقت اقفلي يا نصابه
عهد:باي يا قمر
حبيبه:باي يا قلب القمر
وبعد ان اغقت معها جلست قليلا تقرا في الورد وبعدها توجهت لتحضير ملابسها
عهد:يا تري البس ايه اما اشوف وظلت تبحث في ملابسها ثم قالت:ايوه هو ده مريح وكمان حلو اوي يلا ندخل ننام بقي عشان نبقي نشيطين بكره تصبحي علي خير يا عهد اتهبلتي وربنا
بالفعل نامت عهد ونام الجميع ايضا حتي يكونوا علي استعداد بلقاء غد مميز وملئ بالفرح...
                     ............................
ايه رائيكم بالبارت عايزه رائيكم وكمان تفااعل بلييز
طبعا البارت ده تعويضا عن بارت يوم السبت معرفتش انزل عشان ظروف حصلت ومعرفتش فده بداله هو قصير شويه عشان هتبقي في احداث كتيره في البارت القادم انتظروني...
احبكم في الله ♥