الرجوع (مستوحاه من قصه حقيقيه)

الفصل الرابع

اهلا اهلا.. ازيكم يا قمامير
نفسي في تفاعل بدل ما ازعل واجيب ناس تزعل  😈😈
احم احم نبدا البارت 🤭🤭🤭
I Purple you  🥰🥰
               .........................................
في صباح مشرق مليئ بالمفاجات نجد الجميع قد استيقظ لاداء ما وارئهم من مسؤليات فهناك من ذهب لعمله وهناك من يهتم بشؤون المنزل ودعونا نذهب بعدستنا لشقه بطلنا.......
شروق وهي تتوجه لغرفه ابنها ثم قامت بالدق علي باب الغرفه قائله: تواب واد يا تواب اصحي يلا
عندما لم تجد رد دلفت للداخل وجدته نائم بعمق فتوجهت ناحيته ونادت عليه
شروق: تواب يا تواب اصحي يلا
تواب بنوم: سبيني يا ماما عايز انام
شروق: قوم يلا: انت متعود تصحي بدري
تواب بكسل: اديكي قولتيها متعود سبيني بقي النهارده من غير ما اتعود
شروق: يا واد بطل غلبه بقي وقوم
عندما لم تجد رد فكرت بفكره خبيثه جدا
خرجت شروق وبعد قليل دلفت وهي تحمل........
                 ......................................
بينما في شقه بطلتنا الجميله نجدهم قد استيقظوا جميعا ويتناولون الافطار  فقال وليد موجه الحديث لوالديه: بابا انا هروح اقعد النهارده مع سامر
ورده: تروح ليه يعني ما كفايه انت علي طول عنده
وليد: يووه يا ماما انا حابب اروح مش كفايه انك مش يترضوا انه يجي هو
سليمان بغضب: هو انت عايزه يجي هنا وسط اخواتك البنات انت اتجننت يا زفت
وليد: خلاص مش قصدي بس برضو هروح ولا مش هروح
ورده: لا مش عايزاك تروح
سليمان: سبيه يا ورده هو مش صغير وبعدين لو قعد مش هتستفيدوا بيه بحاجه اصلا
شاهندا: فعلا ملهوش اي لازمه والله يا بابا
وليد: ظريفه يا بت علي اساس انتي اللي مفيده
عهد: اه مفيده علي الاقل بتساعد في البيت
وليد: كلمتك دلوقتي يبقي تخرسي خالص
عهد: شوفت يا بابا بيكلمني ازاي
وليد: ايوه براحتي عشان انا الراجل
سليمان: يا سلام وعشان راجل تتشطر عليهم انت غلطان وعلي الله اشوفك بتكلم اخواتك كده تاني
غفران: بس انت يا بابا بتزعق لماما برضو كتير
سليمان: لا يا حبيبتي مش بزعقلها بس بلومها بس وهو صوتي بيعلي غصب عني بس انا اصلا بحب امكم ومقدرش استغني عنها
ورده بكسوف: ايوه طبعا ابوكم بس بيزعل مني لكن مش بيزعق
سليمان: انا هقوم بقي اروح الشغل عايزين حاجه قبل ما امشي او اجبها وانا جي
ورده: لا تسلم يارب منتحرمش
سليمان: تمام يلا السلام عليكم
رد الجميع عليه ثم انتهوا من تناول الطعام وازالوا الاطباق من السفره وتوجه كل منهم ليفعل ما وراءه
                       ......................................
في بيت سامر نجده يجلس مع والديه يتناولون الافطار فقال لهم
سامر: علي فكره وليد هيجي يقعد معايا النهارده
والدته: بقي بيجي كتير يا سامر كده قلل من ده شويه
والده: سبيه براحته انا عارف ابوه وهو من عيله محترمه ميتخفش منهم
الوالده: انا كان قصدي بس ان هما بيقعدوا مع بعض ومش بيذاكروا
الوالد: خلاص قبل ما يجي يا سامر تكون مخلص مذاكرتك والا والله هشيل الكمبيوتر خالص
سامر بخوف: لا والله خلاص هذاكر قبل ما يجي كل اللي عليا
الوالد: تمام.. انا همشي بقي هتعوذوا  حاجه مني
فردوا عليه: لا شكرا
وبعد ان رحل والده نظرت والدته اليه بخبث فنظر لها واردف: ايه في ايه بتبصيلي كده ليه
والدته: طبعا سمعت اللي قالوا ابوك
سامر باستغراب وعدم فهم: اه سمعت ليه
والدته بنفس النظره: ده معناه انك تذاكر كل اللي عليك وبعدين تعملي شويه طلبات
سامر بفزع: لا احنا ما اتفقناش علي كده والله احنا اتفقنا مذاكره بس
الوالده: مش مشكلتي مش هتعملي طلباتي هحرض ابوك عليك وانت ابوك بيتلككلك اصلا
سامر: لا خلاص هعمل اوووف
الوالده: ايوه كده.. خش بقي ذاكر علي اما افتكر انا عايزه ايه
سامر وهو يدخل الي غرفته: والله ظلم الواحد يموت نفسه ويرتاح افضل من ام الدنيا دي حتي الامهات بقت مستغله الدنيا معدش فيها ضمير
               ...........................................
دعونا نعود الي شقه بطلنا لنري ما تنوي عليه والدته
دلفت والدته وهي تحمل بيدها هاتفها وعندما اقتربت منه قامت بتشغيل احدي الفيديوهات التي عباره عن صوت فتاه تصرخ باعلي صوت فقامت بتقريب الهاتف من اذنه وشغلت الفيديو لاعلي درجه صوت وهنا حدث ذلك  🤭🤭
وليدي بخضه  :اااااااه يلهويييييي يوم القيييييامه الحقونييييييي مصلتش الصبحححححح اااااااع
ولكنه توقف حينما وجد والدته تضحك عليه بشده
شروق بضحك هيستيري: يلهوي علي منظرك يا واد كان مفروض اصورك واوريه لابوك  منظرك يهبل بجد مكنتش اعرف انك فرفور كده
تواب باحراج ولوم:احم لا ابدا ده انا كان صوتي رايح بس وبرجعه تاني وبعدين حد يصحي حد كده يا ماما
شروق بضحك:صوتك برضو  ماشي هعتبر نفسي مصدقه وبعدين انت اللي مرضتش تقوم من الصبح بصحي فيك وانت نايم زي الاتوبيس المقلوب
تواب:اتوبيس ليه بس هي الساعه كام
شروق:الساعه 11 يا سيدي عرفت بصحيك ليه انت اول مره تتاخر في النوم
تواب:يا لهووي كل ده نمتوا اول مره انام كده فعلا حتي مصلتش الصبح استغفر الله العظيم يارب
شروق:خلاص قوم صلي علي ما احضرلك الفطار
تواب:خلاص ماشي بس صحيح هو بابا فين
شروق وهي تخرج:ابوك راح الشغل فطر ونزل علي طول
تواب: ماشي تمام ثم اردف مستكملا مع نفسه اما اقوم بقي اصلي واشوف حاجه اعملها
            .....................................
في شقه عبد الله نجده يجلس مع والدته يتحدثون امام التلفاز  فقالت والدته تقول له:واد يا عبد الله مش نفسك تخطب
عبد الله بضحك:ايه يا حاجه عايزه تفضي اوضتي وتحطي فيها بصل ولا ايه
سميحه:ما تبطل غلبه يا واد وكلمني جد
عبد الله:بصي يا امي هو ماشي الجواز حلو بس انا مش بفكر في ده دلوقتي لسه
سميحه بحزن:بس انا نفسي اشوفك عريس قبل ما اموت يابني
عبد الله بلهفه:بعد الشر يا حاجه عليكي ربنا يطول من عمرك وبعدين انا لسه عندي عشرين سنه مش دلوقتي يعني ويا ستي اوعدك افكر في الموضوع حاضر
سميحه بفرحه:بجد توعدني
عبد الله:اوعدك يا ستي....قطع كلامهم خبط علي باب شقتهم فذهب عبد الله ليجد من وعندما فتح وجد تواب فقال له تواب:السلام عليكم يا استاذ طويل
عبد الله بضحك:وعليكم السلام انت مش هتبطل تقولي يا طويل ده يا ابني
تواب وهو يدلف للداخل:لما ما تبقاش طويل هبقي ابطلها حاضر وبعدين ما انت طويل فعلا ولا ايه رايك يا عمتو
سميحه بضحك  :صح يا حبيبي معاك حق هو طويل فعلا
عبد الله:طب مش متجوز يا ستي مش انا طويل
سميحه بلهفه:لا خلاص مش طويل اسكت يا واد يا تواب متقولش كده علي عبد الله حبيبي
تواب بضحك:ايه ده خيانه  ثم نظر لعبد الله بخبث وقال:انت ناوي تتجوز ولا ايه يا عم مش تقول نفرح معاك
عبد الله:يا شيخ اتنيل اتجوز ايه مش بفكر في الموضوع ده بس وعدت ماما اني افكر
تواب:ماشي يا سيدي بس اوعي تداري ده انا حبيبك يعني
سميحه بضحك:ضحكتني والله يا واد  المهم خليك بقي معانا نتغدي سوا
تواب:مش عارف بابا هيجي النهارده بدري ولا لا
عبد الله:طب ايه علاقه عمي بالموضوع
تواب:افهم يا ذكي بابا لو جه بدري خلاص يتغدوا هما الاتنين واتغدي انا هنا انما لو مجاش بدري يبقي مينفعش ماما تتغدي لوحدها
عبد الله:خلاص احنا فيها هنزلها انا واشوف
سميحه:كويس انزل يلا ولو هيجي متاخر تيجي هي كمان وبالمره شوف ولاد عمك سليمان وورده
عبد الله:لا مهو عمي سليمان متعود يجي بدري
سميحه:خلاص انزل كده لمرات عمك
نزل عبد الله لشقه تواب فخبط علي الباب ففتحت له شروق وقالت:عبد الله تعالي اتفضل
عبد الله:ربنا يخليكي يا مرات عمي انا بس كنت نازل  اسالك هو عمي هيجي بدري النهارده ولا هيتاخر في الشغل
شروق باستغراب:لا مش عارفه بس ليه يعني
عبد الله بضحك:ابدا بس ماما عزمت تواب يتغدي معانا فاحنا عايزين نعرف لو مش هيجي تيجي كمان تتغدي معانا
شروق:طب استنا ارن عليه واعرف..تعالي ادخل متقفش كده
عبد الله باحراج:لا الله يخليكي انا مستني هنا اهو
بينما في شقه عبد الله نجد تواب يتحدث مع عمته
تواب:ها يا عمتوا طابخه ايه نتغدي بيه يريت حاجه بحبها
سميحه: طبخالك الملوخيه والبشاميل اللي بتحبهم يا قلبي
تواب:ايوه بقي احلي عمه دي ولا ايه
سميحه بضحك:يا واد يا بكاش استني اما اقوم اشقر علي الاكل
تواب وهو ينهض:ابدا والله لازم اشقر معاكي مينفعش كده ده ملوخيه وبشاميل
سميحه بضحك:طب يلا يا سيدي
عند شروق نجدها عادت لعبد الله وقالت له:عبد الله انا اتصلت بعمك وقال هيتاخر
عبد الله:حلو اوي تعالي بقي اقعدي معانا فوق نبقي مع بعض كده
شروق:خلاص تمام ثم قامت باغلاق الشقه وتوجهوا لاعلي ففتح عبد الله باب الشقه ونده علي والدته قائلا:ماما انا جيت ومعايا مرات عمي اهو
سميحه:تعالوا احنا في المطبخ اهو
شروق باستغراب:تواب في المطبخ غريبه
عبد الله: تعالي نشوف وعندما دخلوا وجدوا  ما جعلهم في صدمه.......
                    .....................................
بينما في شقه عهد كانت جالسه بغرفتها حتي وجدت والدتها تدق الباب ثم دلفت
ورده:عهد حبيبتي فاضيه ولا بتعملي حاجه
عهد:لا فاضيه يا ماما ليه في حاجه
ورده:اه قومي معلشي ساعدي اختك في توضيب البيت
عهد:لازم يعني يا ماما ماليش مزاج بجد
ورده:يلا يا عهد بلاش غلبه قومي وتعالي اقعدي براحتك تاني
عهد بتنهيده:حاضر يا ماما قايمه اهو
ورده:طيب قومي يلا..ثم خرجت بره غرفتها وقامت عهد لمساعده اختها بالفعل وبعد ان انتهوا دلفت عهد للمطبخ فقالت لوالدتها: ماما احنا خلصنا ترويق
ورده:طيب يا عهد تسلمي يارب ربنا يرضا عنك انتي واختك
عهد:ماما هو وليد فين
ورده:راح لصاحبه يا عهد
عهد:اه صح ما هو كان قال فعلا خلاص هخش انا اوضتي هتحتاجي حاجه تاني
ورده:لا تسلمي يارب خشي ماشي
                ...................................
دعونا نذهب لسامر لنري ماذا حدث معه
نجده اتي من مشواره الخامس لاحضار الطلبات
سامر بتعب وهو يوجه كلامه لوالدته:خلاص كده ولا ايه والله ظلم شيلو الكمبيوتر افضل من المرمطه دي
والدته بضحك لحالته:لا خلاص كده كله خلص
سامر:الحمد لله هخش ارتاح بقي لغايه ما وليد يجي
والدته:لا يا حبيبي انت تذاكر لحد ما يجي
سامر بخضه:نعععم مذاكره ايه مفيش مذاكره فيه راحه
والدته بخبث:خلاص مفيش مذاكره مفيش كمبيوتر سهله
سامر:يا خرابي علي الذل خلاص هتزفت اذاكر صبرني يارب
وبعد ان ذاكر قليلا وجد جرس الباب يرن فعلم انه صديقه فذهب وفتح له وقال
سامر:اهلا ياسطا اتاخرت ليه يريتك جيت بدري شويه
وليد:ليه يعني ما احنا متفقين علي الوقت ده
سامر:اه متفقين بس كنت متبهدل من ساعتها كنت ساعدتني حتي
وليد باستغراب:ليه اي اللي حصل...حكي له سامر كل ما حدث هنا وانجر وليد بالضحك عليه
وليد:ه يلهوييي ياض ده انت اتفرمط واتبهدلت مكنش يومك يا صاحبيي
سامر:استظرف يا خويا استظرف ما تخرس بقي
وليد بضحك:لا وعمال تديني في نصايح اني معملش حاجه في البيت اتاريك مطحون هنا  عجبت لك يا زمن
سامر:طب اسكت بقي ويلا نلعب..فبدا اللعب بالفعل وبعد بضع ساعات كان حان موعد العصر فتوجه الي منزله فالتقي بوالده عند السلم فصعدوا مع بعض وبعدها تناولو الغداء جميعا ثم جلسوا قليلا حتي اتي المساء فتوجه كل واحد منهما لغرفته للنوم حتي يستعدوا لمدارسهم وعملهم
                   ...................................
دعونا نعود لشقه سميحه لنري ما الذي جعل شروق وعبد الله في صدمه
عندما دلفوا وجدوا تواب يرتدي مريله المطبخ ويضع ايشارب علي راسه وبربطها مثل العواجيز ويقلب في الملوخيه
شروق بصدمه:ايه ده يا تواب
نظر لها تواب ثم تحدث مثل السيدات:ايه ياختي بعمل الملوخيه للعيال وجوزي اصله هفتان طول اليوم
عبد الله يعد ان فاق من صدمته ثم اردف وهو يضحك:لا جدعه يا بت وبتحبي جوزك ايوه كده دلعيهم
تواب:يختشي بلا نيله بلا حب بلا قرف انا بعمل الاكل عشان بيجي يجعر بس
وحينما همت سميحه بالرد قاطعها تواب بشهقه عاليه ففزعوا جميعا ثم سالته شروق بخضه:في ايه يا ولا بتشهق ليه
تواب:لا يا حبيبتشيي متخفيش دي تشهيقه الملوخيه اه اصل الملوخيه من غير تشهيييقه متنفعش
سميحه بضحك شديد:يخيبك يا تواب ما تبطل يا واد واوعي كده خليني اخلص عشان ناكل
تواب وهو يبتعد ثم برطم مثل الارشانات:ليه يختيي شايفاني معطلاكي ثم مصمص بفمه مثل السيدات قائلا يلا ملكوش في الطيب نصيب اما اروح اشوف الشيف الشربيني انا احسن لي
ضحك الجميع عليه وعلي طريقته تلك وبعد ان انتهت سميحه من اعداد الطعام ثم وضعوه علي طاوله الطعام وجلسوا يتناولوا وسط ضحكهم علي طريقه كلام تواب واصبحوا يتبادلوا الاحاديث ومن ثم نزل تواب ووالدته الي شقتهم وجلسوا مع بعضهم عندما اتي والده يتبادلوا الاحاديث حتي اتي المساء ودلفوا للنوم علي امل وجود صباح مميز
                  ......................................
مر اسبوع علي ابطالنا حدث به الكثيير والكثير ودعونا نذهب الي بطلتنا في مدرستها نجدها كما هي وحدها حزينه لا تجد من يصاحبها تمنت ان يوافق والديها علي انتقالها من تلك المدرسه باسرع وقت حتي انها عزمت بانها ستفاتح والديها بذلك وانتظرت انتهاء اليوم بفارغ اليوم حتي ذهبت الي منزلها ولحسن حظها وجدت والدها بالمنزل وحين اتي موعد الغداء قررت فتح الموضوع الان
عهد: بابا ماما عايزه اقولكوا حاجه
سليمان: قولي يا حبيبتي
عهد بتوجس من ان يرفضوا: انا عايزه انقل من المدرسه دي
ورده: تاني يا عهد مش بتزهقي اتكلمنا في الموضوع ده كتير
عهد وقد ترقرق بعض الدموع بعيونها: بس انا يا ماما مش حابه المدرسه دي ومش مرتاحه فيها خالص
ورده: لا يا عهد ده دلع مش كونك حباها او لا
وليد بسخريه: اه العياط هيبدا بقي عشان المدرسه مش عجباها
سليمان: استنوا كده قوليلي يا عهد مش مرتاحه ليه او مش حباها ليه مع انها مدرسه حلوه
عهد بامل ان يوافق والدها: عشان يا بابا معنديش صحاب خالص ومحدش هناك بيحبني حتي الاساتذه مش بيهتموا بيا مع اني شاطره فانا مش مرتاحه هناك خالص.. عشان خاطر ربنا يا بابا توافق
سليمان بعد تفكير: ماشي يا عهد موافق
ورده: انت موافق يا سليمان بجد
سليمان: اه موافق البنت مش مرتاحه يا ورده يبقي خلاص منتعبهاش فيها اكتر
عهد بفرحه شديده:شكرا يا بابا انت احلي بابا في الدنيا
سليمان بحب:ماشي يا ستي بس قوليلي الاول هننقلك فين لاني معرفش مدارس حلوه
عهد بلهفه:مدرسه حياه هي مدرسه حلوه اوي وكمان نبقي نروح ونيجي مع بعض
سليمان: خلاص يا ستي هنقلك من بكره
عندما همت عهد بالرد عليه وجدوا صوت صريخ عالي بالخارج فجروا جميعهم خارج الشقه ليجدوا شروق هي من تصرخ باعلي صوت
ورده وهي تمسكها:اهدي يا شروق فيه ايه بتصوتي ليه اهدي مالك
شروق وهي تحاول ابعاد يدها:تواب ابني تواااب
عبد الله:اهدي يا مرات عمي ماله تواب هو فين
شروق وهي تصرخ: توااااب ابنييي لاااااا ثم اغمي عليها ولكن لحقها محمود قبل ان تصتدم بالارض
سليمان وهو ينظر لمحمود بصدمه:في ايه يا محمود وتواب فين وماله
محمود بخوف علي زوجته وابنه:تواب..........
                     ...................................
يا تري ايه اللي حصل لتواب
ويا تري بعد  اللي  حصله ده هيعرفوا يلحقوه ولا القدر ليه راي تاني
كل ده هنعرفه البارت الجاي
اتمني البارت يعجبكوا وبجد نفسي الاقي تفاعل بلييز بلييز يعني فضلا وليس امرا وبعدين معندكووش عيال اجدعاان رفقا بي تفااعل
بحبكم يا قمااامير ❤❤💙💙💚💚
💜💜Love you💜💜