الرجوع (مستوحاه من قصه حقيقيه)

السابع والعشرون

ها قد اشرقت الشمس ناشره  للجميع البهجه والسعاده عند عهد كانت تجلس هي وغفران مع وليد بغرفته علي فراشه بينما هو اخرج ملابسه كامله من دولابه تحت ضحكهم عليه
وليد: اهو ها يا بنات هدومي كلها اهي البس ده ولا ده ولا ده او بدله هو الواد باسل لبس ايه استنوا اما ارن عليه
عندما همت عهد بالكلام قاطعها صوت وليد وهو يتحدث مع باسل
وليد: الو السلام عليكم ازيك يا باسل
باسل: وعليكم السلام ازيك يا وليد عامل ايه اخبارك
وليد: يابني بطل رغي هو سؤال وتجاوب رحت امبارح عشان تتقدم بأيه
باسل: اشمعنا اه عشان لما تيجي النهارده وانت مالك انت احمد ربنا اني موافق عليك اصلا لاختي وهي لسه متعرفش حاجه
وليد: اخلص يا زفت عن ابو شكلك
باسل: لا يا حبيبي انت محتاجلي الايام دي فاحترم نفسك لو زعلتني اقسم بالله ابوظلك الجوازه اللي ما بداتش
وليد بتراجع: احم لا لا يا حبيبي مقصدش انا كنت بس بستاذنك انك تقولي لبست ايه
باسل: ايوه اظبط كده
ضحكت كل من عهد وغفران عليه بشده
وليد: طب ممكن تتكرم وتقولي يا استاذ باسل
باسل: خلاص خلاص مش عايز زن رحت ببدله
وليد بابتسامه مستفزه : ماشي يا حبيبي تسلم جميلك ده فوق راسي والله
باسل: لا عادي دي حاجه بسيطه اقفل يلا عشان اشوف هوافق عليك ولا ايه
وليد: لا يا حبيبي ان شاء الله توافق ده انا محترم والله وابن ناس
باسل: طيب ياخويا سلام
وليد: سلام... وبعد ان اغلق قال بغضب: ااه يا حيوان يا جزمه عليك وعلي اللي يصاحبك طبعا مهو انت عارف الحوار وانت اخوها اتكبر براحتك اااه يا فرستي انا وليد اللي بمشي جامعه بحالها يتعمل كده فيا يا كرامتي اللي اتبهدلت
غفران بضحك هيستيري: مش قادره والله لحكي لكل اللي في الجامعه منظرك ده هيتحفل عليك بشكل
عهد: كل قوي وفي الاقوي منه
وليد: خفه يابت انتي وهي طب دلوقتي الزفت ده قال انه راح ببدله فهل اعمل زيه ولا اغير الفكره رائيكوا ايه
غفران:يعني هي هتسيب الموضوع وتقعد تركز انت لابس ايه
عهد:لا برضو البنت بتفتكر شكل جوزها لما جه اول مره بيبقي عامل ازاي
وليد بابتسامه بلهاء:الله جوزها كلمه حلوه اوي
عهد:لو وافقوا بقي
وليد:هيوافقوا اطلعي انتي منها
عهد:بقي كده طب اديني سيبهالك ونقي بنفسك بقي
وعندما همت بالخروج امسكها سريعا واجلسها ثم قال:لا والله ما انتي متحركه اقعدي رايحه فين اومال مين هيساعدني
غفران:انا اهو
وليد:لا انتي زوقك زفت عهد حبيبتي زوقها جامد
غفران:اولعوا في بعض اتلم تنتون علي تنتن بصحيح
وليد:سيبك منها دي متخلفه قوليلي بقي يا عسل البس ايه
عهد:مش انت قلت اطلع منها
وليد:لا يا حياتي ده انا حمار قولي بقي يلا لسه هحلق دقني
عهد:خلاص وريلي كده عندك ايه
اراها وليد كل ما دليه
فقالت عهد:طلع كده البالطو الجملي ده
وليد:اهو
غفران:عندك تيشيرت او قميص اسود
عهد:كنت لسه هقول كده
وليد:اه ثانيه ثم اخرجه وقال حلو القميص  ده
عهد:حلو اوي البسه بقي علي بنطلون جينز اسود برضو وفوقهم البالطو الجملي ده هتبقي اخر فخامه
نظر للملابس قليلا ثم قال بابتسامه سعيده:الله عليكو والله لا جامدين طب والجزمه انا عندي جزمه جملي ايه رائيكم
عهد وغفران:اخر جمدان يلا البس و ورينا
وليد:طب استنوا احلق
غفران:نفسي اعرف ليه بتحلقوا
عهد بمزاح:عشان ينضفوا
وليد بضحك: حصل والله جاي اهو
عهد:اشطا مستنين اهو
خرج وليد متوجه للحمام حتي يحلق فقابلته والدته فقالت له:انت لسه ملبستش يا وليد خلص يابني هنتأخر
سليمان:يا ستي لسه بدري انتوا مستعجلين ليه
وليد:لا يا بابا مش بدري ماما معاها حق متأخرين يلا بس البسو
هنا دق باب المنزل فتوجه سليمان لفتح الباب وجد انهم باقيه العائله
وليد:اللهم صلي علي النبي كل دول هيجو
ضحكت سميحه عليه ثم قالت:لا يا حبيبي احنا جايين نباركلك مقدما
خرجت كل من عهد وغفران فقالت الاخري:عمتو هما وافقوا اصلا ده يدوب رايحين يتقدموا
ورده:افضلي انبري يا بومه لما تبوظ
عهد:اسكتي يا بومه انتي
غفران:الله مش بوعيكم
تواب:ربنا يوفقك يا وليد ان شاء الله
عبد الله:ان شاء الله ربنا هيتمها علي خير يا وليد
محمود:ربنا يصلح ليك حالك يابني
شروق:يا جماعه الف مبروك صدقوني هي هتم انا قلبي بيقولي كده
شاهندا:انا فرحانه ليك جدا يا وليد يا حبيبي
وليد بحب: متشكر جدا ليكم يا جماعه بجد من غيركم منكتش اعرف هعمل ايه
غفران:يا عم ادخل احلق وخلصنا عشان تلبس ونمشي
سليمان:ايه نمشي دي اسمها تمشو
عهد:ايه ده ثانيه احنا مش هنيجي معاكم
سليمان:لاطبعا تيجو معانا ليه هي خطوبه احنا بس رايحين نتقدم
غفران:بس احنا عيزين نيجي معاكم
ورده:غفران هو لعب عيال يا غفران لما يوافقوا باذن الله
وليد:طب خلاص يجوا وخلاص يا بابا
شاهندا:مش هينفع يا وليد الاصول بتقول انك و بابا وماما بس
عهد:طب ما هي حبيبه راحت مع استاذ باسل
سليمان:ملناش دعوه بحد ممكن يكونوا هما كانوا واخدينها لانها اخته الوحيده
غفران:طب بالله عليكوا خدونا وليد قولهم
وليد:طب بابا
سليمان بمقاطعه:ادخل يا وليد يلا مش عايز كلام
تنهد وليد ثم نظر لهم بمعني ساحاول اقناعه
عهد:يا عمتو عايزه اروح
سميحه:تعالي بس نقعد كده واما وليد يخلص يبقي يحلها ربنا
غفران:انا هصمم علي رائي اننا نروح
ترتيل:عايزه اروح انا كمان يا بابا
عبد الله:هي حنه خالتك ياختي اترزعي لا مؤخذه يا بنات
عهد بضحك:لا ولا يهمك يا ابيه
شروق:هو هيلبس بدله وهو رايح
غفران:لا اخترناله طقم تاني احلي
محمود:اما نشوف زوقكم
بعد قليل خرج وليد ثم قال هلبس اهو يا بابا ثم قال بخفوت:خليهم يجوا معانا
سليمان:ادخل وانت ساكت
وليد:فكر بس انا داخل البس يا جماعه ادعوا بقي وانتوا قاعدين انهم يوافقوا
قال الجميع في نفس الوقت:يااارب يوافقوا
وليد بضحك:اميييين ثم دلف الي غرفته لكي يرتدي ملابسه
تيام:ماما عايز احلق زي خالو
شاهندا بضحك:حاضر من عنيا ابقي قول لبابا وهو هيوافق
تيام:فعلا يا بابا هتوافق
عبد الله:اه وماله هي فيها حاجه...اسكت ياض انت
سميحه وهي تحمل تيام علي قدمها:بس يا عبد الله متقولش لحبيبي تيام كده تعالي يا حبيب تيته ملكش دعوه ب بابا
تيام:ايوه يا تيته انتي احلي من بابا
عبد الله:شوف مين اللي هيجبلك لعب تاني يا جزمه
قاطع حديثهم خروج وليد فقال تواب:ايه يا عم الشياكه دي براحه علينا
محمود:ما شاء الله وسيم يا واد يا وليد
وليد بمزاح:حبيبي يا عمي تسلم
سميحه:طلع عندي ولاد اخوات نضاف ومكنتش اعرف نضفت يا واد يا وليد  برضو
وليد باحراج:احم بتموت فيا عمتو والله
شاهندا:لا بس جامد طلعت مز برضو يا حبيبي
عبد الله:ايه يا ماما راعي اني واقف
شاهندا:ايه اخويا
عبد الله:هقوم اموتهولك احسن
وليد:ايه يا عم انت بتجر شكل وخلاص
عبد الله:بس يا عم وانت يختي مش مز اوي يعني ده اجرب اصلا هي الحلاقه اللي فرقت
ضحكت عهد بقوه والجميع ثم قالت:يخراشي يا وليد انت اتحرجت النهارده اوي
وليد:اه خدت بالي برضو
شروق:بس بجد تسلم زوقكم يا بنات
تواب:فعلا طقم حلو اوي
عهد:مرسي جدا
غفران:اي خدمه يكش بس يطمر
وليد:هيطمر يختي المهم يلا
ورده:اه يلا بينا
عهد:يلا انا جاهزه
غفران:ثانيه اجيب الشوز
سليمان:والله كان بودي بس انتوا مش هتيجوا
عهد:بابا انت بتتكلم جد
سليمان:انتي شيفاني بهزر
غفران:يا بابا بالله عليك ده اخونا وعايزين نيجي
سليمان:مهي شاهندا اخته برضو ملهاش نفس تيجي تشوف اخوها واصلا مينفعش الاصول بتقول لا
عهد:طالما مش عيب وحرام يا بابا خلاص
ورده:عهد هتأخرينا وفي الاخر هتقعدوا هنا احنا بس رايحين نتقدم لما يوافقوا ابقوا تعالي بأذن الله
عهد:لا عايزين نيجي عايزه اشوف حبيبه
سليمان:عهد انتهي الكلام مش عايز كلمه تانيه يلا يا وليد يلا يا ورده
وليد وهو ينظر لحزنهم بتأثر:طب بابا خليهم يجوا مش هيحصل حاجه هما اصلا صحاب
ورده:وليد خلاص مش عيزين كلام ويلا بقي عشان منتأخرش
توجه وليد لعهد وغفران ثم قام بتقبيل راسهم قائلا:خلاص متزعلوش هنخدكم والله المره التانيه
عهد:عيزين نيجي النهارده
غفران:بالله عليك قوله يا وليد
وليد:معلشي بقي انتوا شيفين رافضين نهائي انا اصلا كنت عارف بس مرضتش ازعلكم
عهد:والله خلاص روح بقي وانا مش جايه معاك ولا حتي المره الجايه ولا الخطوبه اوعي
غفران:انت ضحكت علينا علي فكره احنا مخصمينك
اوعي بقي مش هاجي معاك ولا مره انا كمان
ثم صعدا لاعلي للسطوح تاركين وليد يقف بحزن فقال:خلاص يا بابا مينفعش نمشي وهما زعلانين كده
سليمان:مينفعش يا وليد عارف انهم زعلانين بس دي الاصول ولما نيجي نصالحهم
خليكي معاهم بس يا سميحه
شروق:متخفش روحوا انتوا واحنا هنصالحهم
ورده:تسلمي يا حبيبتي يلا بينا عشان منتأخرش
وليد:تمام يلا.....ثم بالفعل توجها للذهاب لبيت حبيبه
بينما عند عهد جلست هي وغفران عند السلم حزينتان بعدم ذهابهما
وبالاسفل امام منزل سليمان قال عبد الله:ها هنعمل ايه معاهم
شاهندا:قدامك لبكره بقي عشان نصالحهم
محمود:مهو المشكله انه مكنش ينفع يروحوا
شروق:طب بس يلا نشوفهم راحوا فين
تواب:اتفضلوا تعالي يا روتي
تيام:بابا شيلني زي عمو تواب
عبد الله:تعالي يا سيدي
ثم توجها لأعلي وجدا كل من عهد وغفران يجلسان علي السلم امام منزل محمود وكلتاهما تضع رأسها بين قدميها
سميحه:ايه ده انتوا هنا قاعدين كده ليه
عهد ولم ترفع رأسها:مفيش
سميحه:عهد حبيبتي متزعليش مكنش ينفع تروحوا فعلا
تواب:طب الاول ندخل متقعدوش كده يلا يا جماعه
محمود:معاك حق يابني تعالوا نقعد عندنا جوا
غفران:لا مش عيزين
قامت كل من سميحه وشروق بشد كل من عهد وغفران قائلين:تعالوا بس جوا
دلفت كلتاهما للداخل وقام تواب باغلاق الباب خلفهم فجلس الجميع وجلست كل من عهد وغفران بجوار بعض وقالت عهد:يا عمتو ليه مروحناش انا كنت عايزه اروح معاهم
غفران وبدات دموعها في السقوط:علي فكره بقي كان عادي نروح
شاهندا:يا حبيبتي والله ما ينفع اهدوا بقي متزعلوش نفسكم علي الفاضي
عهد وبدات دموعها في الهبوط ايضا:لا ملناش دعوه احنا كنا بنحسب اننا هنروح وكمان وليد ضحك علينا ومقلناش ان مينفعش نروح
تواب:مهو مكنش عارف يقولكوا ازاي عشان متزعلوش
غفران:واحنا كده مش زعلانين صح
ثم بدات كلتاهما في البكاء تحت نظرات الصدمه من الجالسين فقال محمود:يا عهد يا حبيبتي يا غفران يا قلبي انتوا كده كده هتروحوا بس لما يحددوا معاد الخطوبه وكله لو وافقوا ان شاء الله النهارده قاعده مش مهمه اوي اصلا
عهد:لا طبعا مهمه يا عمو كنا عيزين نشوف بيقولوا ايه وكمان نشوف شكل حبيبه
عبد الله بضحك: يعني عيزين تروحوا بس عشان تشوفوا شكل صاحبتكم
سميحه:وياستي انتوا عارفين بيقولوا ايه لما حد بيجيلك يا عهد يعني كلام بقي بيتحفظ
غفران:برضو يا عمتو كنا عيزين نروح
عهد ببكاء وتقطع:اصلا..اصلا مكن..مكنش  هيحصل حاجه لو رحنا
تواب:مكنش هيحصل حاجه بس بتبقي مش لطيفه يا عهد
غفران:لا علي فكره المف المفروض تكون العكس اننا كلنا مبسوطين ان احنا عيزين حبيبه
تواب:معاكي حق يا غفران بس مش بتبقي بالطريقه دي صدقوني هو ده الصح
عهد بطفوليه:يعني يعني لو انت عندك اخت مكنتش هتاخدها
تواب:لا عشان هو ده الصح
عهد وقد رجعت لبكائها:عشان انتوا ظالمين اصلا
نظر لها تواب بصدمه وقال:انا ظالم
غفران:ايوه كلكم ظالمين لو كنت انا مكانه  خدته معانا
ضحكوا عليهم بقوه ثم قالت شروق من بين ضحكها: خلاص يا ستي متزعليش بقي اخر مره
عهد:عشان اخر مره هيتقدم
عبد الله:خلاص انتوا كده كده هتروحوا المره التانيه
نظرت لهم كل من عهد وغفران ثم جلسوا ببكاء ولم يردوا فضحكوا عليهم بشده وعلي طفولتهم......
                       ............................
بينما عند حبيبه كانت تجلس فوجدت والدتها تدلف قائله:حبيبه البسي عشان في ناس جايه تزورنا
حبيبه باستغراب:ناس مين يا ماما
فقالت والدتها:البسي بس وانتي هتعرفي بس البسي حاجه شيك كده
حبيبه:حاجه شيك لا اعرف في ايه بقي
قاطعها صوت باسل قائلا:روحي انتي يا ماما يلا وانا هخليها تلبس
اومأت والدتهم ثم خرجت بينما قالت حبيبه:في ايه يا باسل ناس مين الجايين اللي يخلي ماما تقولي البسي حاجه شيك
باسل بكذب:ياستي انتي عارفه ماما ليها تصرفات غريبه المهم البسي يلا عشان زمانهم هيوصلوا
حبيبه:طب هما ناس نعرفهم يعني
باسل:ايوه يا ستي خلصي يلا واطلعي
حبيبه:تمام..وبعد ان خرج قالت باستغراب:هما مالهم كده يلا ادينا هنشوف
ثم قامت بارتداء احدي الدريسات القيمه وعليها الخمار الخاص بها وبعد ان انتهت خرجت وجدت باسل يقف بالصاله فقالت:خلصت حلو كده
باسل بحب:قمر يا حبيبتي ثم اكمل بشعور بالمسئوليه تجاهها: والله وكبرتي يا حبيبه ومبقتيش حبيبه الصغيره ام ضفاير
حبيبه بمزاح:اه انا كنت بقول كده برضو اني كبرت بين يوم وليله مالك يا بسولتي انت عيان يا ضنايا
باسل بقرف:غوري انا غلطان اني بقولك كلمه حلوه غوري من وشي
حبيبه بضحك: طب بس استني مقولتش مين اللي جاي
قاطعهم صوت رن الجرس فقال:اهو زمانهم جوا يلا خشي
حبيبه:يووه بقي هو في ايه طب لبست ليه طالما هدخل اتحبس في اوضتي
باسل:اتزفتي جوا وانتي ساكته يلا
حبيبه:طيب داخله...ثم دلفت لغرفتها واغلقت الباب بينما توجه باسل لاستقبال وليد و والديه مع ابيه وامه فتح والد باسل الباب فقال سليمان:السلام عليكم ازيك يا استاذ اشرف
اشرف وهو والد باسل وحبيبه:وعليكم السلام ازيك يا استاذ سليمان اتفضلوا ليه بس مكلفين نفسكم كده فقد قام وليد بشراء الجاتوه للذهاب به
وليد:دي حاجه قليله يا عمي
باسل بترحيب:ازيك يا وليد ازيك يا عمي منوره يا طنط
ورده:بنورك يابني
وليد:الحمد لله يا صاحبي  ولا اقول اللي ذلني بقي
اشرف:ليه بتقول كده
وليد بمزاح:اصل كنت بتصل بيه يا عمي قاعد يذل فيا شويه عشان يرد
باسل:جتلي فرصه قولت استغلها ولا ايه يا عمي
سليمان:معاك حق والله باينلك ذكي استغل الفرص براحتك
باسل:اهو وشهد شاهد من اهله
ورده بضحك: احسبني معاه يا باسل يا بني
باسل:تسلمي يارب
وليد:ايه يا جماعه هو انا مش ابنكم ولا ايه
والده باسل:معلشي يا بني باينلك مظلوم
وليد:اه والله يا طنط
باسل:متصديقهوش يا امي ده نصاب
وليد:تشكر يا عم
والده باسل قالت له بخفوت:باسل روح نادي لأختك وخليها تيجي تقدم الحاجه الساقعه
باسل:حاضر يا امي..ثم توجه لغرفه حبيبه وقام بالدق ثم دلف وقال سريعا:بيبو قومي بسرعه هاتي الحاجه الساقعه وقدميها
حبيبه:الله وانا مالي يا لمبي ما انا من ساعتها مرزوعه اشمعنا دلوقتي اللي عايزني اقدم
باسل:خلصي يا زفته ميصحش كده وتعالي علي طول
حبيبه:طيب خلاص طب هما كام شخص
باسل:تلاته واحنا
حبيبه:تمام جايه علي طول
باسل:يلا متتاخريش...ثم توجه لهم مره اخري وبعد قليل قامت حبيبه بالدق ثم دلفت وتفاجأت بهم فقالت بصدمه:السلام عليكم ايه ده طنط ورده عمو سليمان هو انتوا
ثم قامت بتقديم المشروب للجميع وسلمت عليهم وقالت لوليد باحترام:اهلا بحضرتك
وليد بحب:اهلا بيكي
والده حبيبه:تعالي يا حبيبه اقعدي
حبيبه بأدب:حاضر..ثم توجهت للجلوس بجوار اخيها
فقال سليمان:طب يا استاذ اشرف احنا جايين النهارده ولينا الشرف اننا نطلب ايد الانسه حبيبه لوليد ابني
صدمت حبيبه بشده  ثم قالت بسرعه وخجل:احم عن اذنكم ثم جرت سريعا خارج الغرفه تحت ضحك الجميع عليها
فقال والدها:والله يا استاذ سليمان شئ يشرفنا اننا نناسب حضراتكم وليد احنا عارفينه من زمان وبجد ونعم الراجل
وليد باحترام:دي شهاده اعتز بيها يا عمي
والده حبيبه:وانت بتشتغل ايه يا وليد يا ابني
وليد باحترام:انا دكتور في جامعه هندسه يا طنط
والده حبيبه:ما شاء الله ربنا يوفقك يابني يارب
وليد:ربنا يديمك يارب
سليمان:المهم قولت ايه يا استاذ اشرف
اشرف:هو  انا بس محتاج فرصه افكر وكمان اخد راي العروسه
ورده:وده حقك يا استاذ اشرف
سليمان:براحتك خالص احنا مش مستعجلين
وليد بسرعه:لا برضو مش بسرعه اوي احم قصدي براحتك يا عمي
اشرف بضحك: اهدي يابني
وليد:احم اسف يا عمي
باسل:ان ما طهقتك في عيشتك
وليد:لا ابوس ايدك اخرج منها خالص
باسل:مش هيحصل يا حبيبي مش اختي
وليد:ماشي يا سيدي حقك
ورده:طب مش يقعدوا مع بعض ولا ايه
والده حبيبه:اه طبعا لحظه اجيبها معلشي......
بينما في غرفه حبيبه بعد ان خرجت من الغرفه توجهت لغرفتها سريعا ثم قالت بخجل:يلهويي ايه الموقف ده كميه احراج في الموضوع لا وكمان مع طنط وعمو واستاذ وليد ااااه يا احراجي والجزمه عهد متقوليش ثم تذكرت فجاه وقالت:ااااه عشان كده كانت بتقول حاسه ان في حاجه بكره حلوه وبتخصني انا بالاسم ااه يا سوسه اما اشوفك بس طب انا هرفضه ولا ايه لا لا مهو الصراحه ميترفضش لا بس طقمه شيك اوي ايه ده وسيم ايه ده يا حبيبه انتي هبله حرام استغفر الله العظيم يارب اما اشوفك يا عهد الجزمه ثم جلست قليلا وبعدها وجدت والدتها تدلف الي غرفتها ثم قالت:حبيبه يلا يا حبيبتي عشان تقعدي معاه
حبيبه:ايه لا مينفعشي وبعدين ازاي متقولوش يا ماما
فقالت:هو ايه اللي مينفعشي وبعدين احنا اصلا مكناش نعرف هو والده اتصل بابوكي وابوكي خمن يعني هو باسل اللي تلاقيه كان عارف لان نظراته مكنتش مظبوطه وكان يبصلك كده ويبتسم زي العبيط المهم بس يلا عشان مينفعش وقفتنا دي
حبيبه:لا مش هطلع قوليلهم مش موجوده
والدتها:هو ايه اللي مش موجوده يلا يا بت انتي ثم قامت بشدها خلفها فمشت معها بخجل وعندما دلفوا للغرفه قام الجميع ما عدا باسل ثم جلست حبيبه امام وليد
نظر وليد لباسل فنظر له بابتسامه بلهاء فنظر له وليد بغيظ ثم نظر لحبيبه وقد تحولت نظراته الي حب ثم قال:ازيك يا انسه حبيبه
حبيبه خجل:تمام الحمد لله وحضرتك
وليد:انا تمام.....
دعونا نختصر تلك الاسئله ونتوجه بعد ان انتهوا قالت حبيبه:احم بس فين عهد وشاهندا وغفران
وليد:هما عهد وغفران كانوا عيزين يجوا بس مكنش ينفع و والدي مرضاش
حبيبه:ليه كانوا يجوا والله
وليد:خلاص تتعوض المره الجايه لو حالفني الحظ بأذن الله
حبيبه بخجل:بأذن الله
وليد بمزاح:لا هما اللي زمانهم هيموتوا
حبيبه:بعد الشر بس ليه
وليد:اصلهم كان سبب مجيهم الاساسي انهم يشوفوا شكلك اول ما تعرفي
ضحكت حبيبه قليلا ثم قالت:ااه عشان كده اما اشوفهم بس
ضحك وليد عليها قليلا وبعدها عاد الجميع ثم جلسوا ليتحدثوا قليلا......
                 ....................................
عند سميحه والباقيه كانت كل من شروق وسميحه وشاهندا وترتيل ينظرون لعهد وغفران النائمتان فوق بعضهم بسبب البكاء بضحك وقد دلف كل من تواب وعبد الله ومحمود ومعهم تيام الي غرفه تواب
شروق بضحك:شكلهم كيوتي اوي عامل شبه الطفل اللي مخدش المصاصه بتاعته وفضل يعيط لحد ما نام
شاهندا:طول عمرهم طفوليين خصوصا عهد يعني يمكن هي طفوليه عن غفران مع انها هي الاكبر
سميحه:بتعوض الي فقدته وهي صغيره
نظروا لها بحزن قليلا ثم قالت شروق:طب وبعدين هنسيبهم كده
سميحه:هنسيبهم لحد ما هما يجوا ونشوف بقي
شاهندا:والرجاله هتفضل متذنبه جوا يا عيني
سميحه:فكك منهم ملهمش غير كده اصلا
شروق:سميحه الا هو انتي بتكرهي الرجاله ولا ايه يختي
ضحكت شاهندا عليها بشده ثم قالت:باين كده يا طنط والله
سميحه:لا مش بكرهم ولا حاجه بس متعبين فبستغل الفرص اللي نتعبهم فيها انتقاما  انا حقنيه برضو
شاهندا:لا وجهه نظر برضو
شروق:لا ومقنعه
وبعد قليل عاد وليد و والديه وعندما لم يجدا كل من غفران وعهد علما انهما فوق فقامت ورده بالاتصال بسميحه قائله:الو ايوه يا سميحه اه جينا انتوا فين طب احنا جايين وهنقولكم  كل حاجه اهو
ثم اغلقت معها وقالت:تعالي يا سليمان نطلع فوق هما عند محمود
سليمان:ماشي يلا بينا يا وليد
وليد:يلا واما نشوف هنصالح الاتنين اللي فوق ازاي
سليمان:هتبقي مهمه صعبه اوي
ثم صعدا وقاما بالدق ففتحت لهم شاهندا فقالت:ها طمنوني
ورده:طب دخلينا الاول ونتكلم
شاهندا:اه لا مؤخذه اتفضلوا
دلف كل من ورده وسليمان ولكن امسكت شاهندا ذراع وليد بقوه وقالت: تعالي هنا احكيلي
وليد:ايه يا بنتي هو انا هحكي مخبي شحنه المخدرات فين تعالي ندخل ونقول كله مره واحده
شاهندا:هتقول حرف حرف
وليد:حاضر يا ستي يلا
ثم دلفا للداخل وتفاجا وليد من نوم عهد وغفران ومحاوله سليمان بايقاظهم فقال وليد:ناموا امتي
سميحه:انتوا مشيتوا من هنا طلعنا لقيناهم علي السلم خدناهم هنا راحوا فاتحين في العياط ومن التعب ناموا علي بعض زي ما انت شايف
توجه وليد لمحاوله ايقاظ عهد بينما تولي سليمان ايقاظ غفران
وليد:عهد دودو اصحي يلا يا عهود
عهد بنوم:اوعي انتم كلكم ظالمين
وليد بصدمه:ظالمين
سليمان:غفران بت يا غفران اصحي يلا
غفران:محدش يصحيني عشان انتم ظالمين اصلا
سليمان:ايه ظالمين اللي مسكينهالنا دي
شاهندا:اصل تواب لما كان بيقولهم متزعلوش عهد قالتله يعني لو كان ليك اخت مكنتش هتاخدها قالها اه فقامت جايه قايلاله عشان انتم ظالمين ومسكوا فيها بقي طول ما بيعيطوا
وليد:يا حول الله يارب عهد دودو بت يا غفران اصحي يلا يا رورو
وبعد عده محاولات استيقظت كلتاهما ثم نظرا لهم
وقالت عهد بجفاء:عايز ايه
وليد:خلاص بقي يا عهود ما يبقاش قلبك اسود وانتي يا رورو خلاص متزعليش مني مش انا دوده حبيبك
غفران:اه دوده اللي ضحك علينا
سليمان:خلاص بقي يا بنات مكنش ينفع صدقوني
عهد:لا علي فكره كان حقنا نيجي
ورده:يا عهد يا حبيبتي والله كانت قاعده عاديه
غفران:عشان كده اتاخرتوا
قام سليمان بتقبيل رأسهم ثم قال:خلاص بقي متزعلوش مكنش يصح انكم تيجوا هتبقي عيبه في حقنا يرضيكم يعني
قالت عهد وغفران في نفس الوقت:لا طبعا
عهد:طب خلاص عايزنكم تعوضونا
وليد:خلاص ياستي هعوضكم انا
غفران:ازاي
وليد:هخدك انتي وعهد وشاهندا وترتيل وتيام وافسحكم
عبد الله بعد ان خرج هو وتواب ومحمود بعدما توجهت شاهندا لاحضارهم
عبد الله:والله كيس جوافه انا واقف
وليد:ايه ياعم اختي  و ولاد اختي وهفسحهم انت مالك
عبد الله:مراتي وعيالي
سميحه:سيبهم يا عبده
عبد الله بغيره:لا شاهندا  هخرجها انا لوحدنا
شروق:لا سيبهم يا ابني تخرج مع اخواتها هي اكيد هتبقي نفسها تخرج معاهم
نظر عبد الله لشاهندا وجد لمعه امل ان يوافق بعينها فتنهد ثم قال:طيب ماشي روحي معاه
ورده:بس مش متأخر دلوقتي يا وليد
عبد الله بسرعه:اه صح متأخر للاسف مش هتروحوا
يا خساره كان نفسي تروحوا والله
ضحكوا عليه بشده ثم قال وليد:لا يا خفيف اعرف مطاعم بتقفل متأخر وبعدين احنا لسه بدري مش متأخر اوي يعني بس الاهم انكم متزعلوش
عهد:لو خرجتنا مش هنزعل
غفران:ايوه ده التعويض
وليد:خلاص يلا يا شوشو لابسه ولا تلبسي
نظرت شاهندا لعبد الله فأشار لها بان تذهب فقالت بسعاده لا لابسه يا وليد يلا
وليد تمام يلا مش عيزين حاجه شكره الجميع وبالفعل خرج ثلاثتهم مع التوأمين
بينما جلس سليمان و ورده وحكوا لهم كل ما حدث
وقال وليد:ها تحبوا تروحوا فين
قال ثلاثتهم في نفس الوقت:مطعم بيتزا
وليد:وانتي يا روتي وانت يا تيام
روتي:زي ماما وخالتو
تيام:زي رورو
وليد:يبقي يلا بينا علي مطعم البيتزا
وبالفعل توجهوا الي المطعم وكان خالي الا قليل من الناس
فقالت عهد:هنجيب بيتزا كبيره
وليد:لا هنجيب اتنين ولو عيزين حاجه كمان
غفران:اشطا عليك يا دوده
وليد:اشطا عليكي يختي يلا نقعد
جلسا بالفعل فقال وليد بمزاح:هتشبهوني وانا ماشي جمبكم انتوا التلاته
شاهندا:ايه ياسطا مش قولت هتعوضنا
وليد:اه بس عشان اعوضكم اتشبه انا
ترتيل:هنطلب امتي
تيام:احنا جعانين
غفران:يخلاثي يا ولاد علي العساسيل دول هكلهم كلهم
قام وليد بالطلب وبعد قليل اتت البيتزا وجلسوا يتناولون وهم يمزحون
قالت عهد بحب:كنا فعلا المفروض نعمل حركه زي دي من زمان
شاهندا:ده حقيقي
غفران:الخروجه مع الاخوات بتبقي افضل خروجه والله
عهد:يريتنا كنا عاملناها من مده كنا قربنا من زمان
نظر لها الجميع فلاحظت عهد نظراتهم ثم قالت:يادي النيله عليا والله ما اقصد حاجه بس عشان تفهموا ومتقعدوش كل شويه تحسوا بالقلق انا اه فاكره كل حاجه اللي كان بيحصل واليوم اللي انهارت فيه وانا صغيره وكمان اللي حصلي من خمس سنين بس ده مش معناه  اني لسه بتألم انا والله بفتكر كذكري وعدت او يوم عادي وعدي اصل ده كان قدري انه يحصل انا اصلا بيجيلي ساعات بنسي نهائي لكن بتكلم بعفويه مش اكتر فخلاص بقي شيلوا من دماغكم
شاهمدا:يعني لسه مش بتتالمي مننا
عهد:انا قايمه ايه الغباء ده
قال ثلاثتهم:خلاص وحياه ابوكي يا سلمي حرمنا خلاص
اكملت عهد مزاحهم قائله:الطم ولا اجيب لطامه
ثم انفجروا في الضحك فقالت عهد:بس صدفه تقولوها انتوا التلاته في نفس الوقت
غفران:مش اخوات يابنتي
عهد بحب:واحلي اخوات
شاهندا:طب تعالوا ناخد سيلفي للذكري
وليد:ايوه تعالوا قربوا يا ولاد
ثم قاما بأخذ العديد من الصور المبهجه لتكون احلي الذكريات بينهم......
                     ..................................
عند عبد الله بعد ان صعد هو والدته قال بغضب وهو يتجول في الشقه:لا لا اتأخروا اوي ايه ده انا غلطان اني وافقت اصلا
نظرت له سميحه بضحك ولم ترد عليه
عبد الله:يعني اشتم الزفت التاني بالاب والام دلوقتي بس ميصحش مهما كان عمي ومرات عمي اروح ادور عليهم لا هيبقي منظري عبيط مبدهاش بقي هرن عليهم ثم اكمل بيأس:بس هما كانوا محتاجين وقت زي ده عشان يقربوا من بعض اه يا شللي اعمل ايه دلوقتي
قاما سميحه بضحك وجعلته يجلس قائله: اقعد اقعد يا عبد الله يرضي عنك ربنا ده اخوها برضو
عبد الله:جتها خوت البعيده
ضحكت عليه سميحه بقوه وبعدها جلست تهديه قليلا.....
                      ..............................
عند تواب كان يتجول بالغرفه بغضب وغيره قائلا:ماشي يا وليد الكلب واخدها وعمال تفسحها ولا علي بالك اللي هيموتوا هنا لا ولا التانيه تقولك ثم قام بتقليد عهد:"لو خرجتنا مش هنزعل "طيب يا عهد اما يبقي ليا حكم عليكي بس اصبري عليا يا تري بتضحكي ولا لا مهي اكيد هتضحك يا زفت انت كمان بس ضحكتها دي المفروض تكون ليا انا ثم شرد في ضحكتها التي تجعله يطير في السماء من السعاده ثم قال بغيره:عيل بارد يا وليد الكلب انت اصبر عليا بس انت كمان......
                    ..............................
بينما عند وليد واخواته قالت ترتيل:ماما شيلني انا تعبت
وليد:تعالي يا حبيبتي اشيلك انا
شاهندا:هاتها هاتها عشان متتعبش
وليد:يلا بس سبيها معايا
عهد:اشيلك يا تيمو
تيام:لا انا راجل مش بتعب
غفران:لا هاخد بوسه والله ثم قامت بتقبيله بقوه قائله:عسل يا ولاد والله عسل
عهد:وليد تعالي هتلنا ايس كريم
ترتيل:اه اه يا خالو
شاهندا:اه تصدقوا عايزه ايس كريم جدا
غفران:لا انا عايزه عصير قصب
عهد:عادي نجيب الاتنين
وليد:ارك تصرف من مال امك
عهد بضحك: معلشي بقي مفلسينك اول باول كده
شاهندا:علي العموم يا سيدي هنشاركك في فلوس
وليد:لا يختي خلي فلوسك معاكي مستوره والحمد لله احنا ما بنشحتش يا هانم هتيلي بس خمسه جنيه اروح
ضحكوا عليه بشده ثم قالت غفران: شكلنا هنروحها مشي
وليد:لا الحمد لله في عربيه دي ضمنينها
عهد:يعني هنجيب ايس كريم ولا لا
تيام:انا عايز عصير قصب زي رورو
وليد:خلاص تعالو نشتري الايس كريم وبعدين نروح نجيب ليكم العصير
وفي وسط حديثهم وجدوا ثلاث شباب احدهم يقول:ايه يا دنجوان عصرك ما تسيبلنا واحده احنا زي اخواتك برضو
عندما هم وليد بانزال ترتيل والتوجه لهم بعصبيه منعوه وقالت عهد:وليد اهدي الله يديمك ملناش دعوه يلا نمشي وخلاص
وليد:اوعي يا عهد
شاهندا:اهدي يا وليد مينفعش احنا معاك ممكن يحصلك حاجه ونبقي لوحدنا
غفران:اهدي يا حبيبي هما ناس زباله الله يحرقهم
عهد:قولي الله يهديهم يا غفران
غفران:بعد اللي قالوه
عهد:اه
وليد:طب بس اوعي هعرفهم غلطهم بس مش هتخانق
شاهندا:يا عم اقعد دول مشيوا اصلا
وليد:لما اقولكم هتشبهوني ابقوا اسمعوا الكلام اخر مره امشي معاكم يا عالم معفنه
عهد:حقك يا كبير
وليد:طب يلا نجيب الايس كريم
غفران:انت مش كنت مضايق
وليد:ولسه وحياتك
شاهندا:اومال هتاكل ايس كريم ازاي
وليد:اسكتي مهو ده اللي مضايقني اني هاكل وانا مضايق
ضحكوا عليه بشده ثم قاموا باحتضانه قائلين:بنحبك يا اخونا
حضنهم وليد بحب وقال:ربنا يديمكم ليا
وهنا مرت سياره اخري وقال الشباب الذين بها:والعه معاك يا عم
ابعدهم وليد ثم ابتعد وقال:اوعوا يخربيت اللي يمشي معاكوا
ضحكوا عليه ثم جروا خلفه للذهاب لشراء الايس كريم.....
وبعد وقت وصلوا للمنزل ولكنهم وجدوا كل من ترتيل وتيام نائمين فقالت عهد:يا حبايبي ناموا من التعب
وليد:استني يا شوشو اقفل العربيه واطلعهم معاكي
شاهندا:تمام
وبالفعل قام باغلاق السياره وبعدها حمل تيام بينما شاهندا حملت ترتيل وعندما وصلا للمدخل الخاص بالمنزل وجدا كل من تواب وعبد الله ينزلون
فقال وليد:ايه ده ايه منزلكم يا جماعه
عبد الله بغيره:ايه جاي استقبل مراتي انت مالك
تواب بارتباك فهو لا يدري لما اول ما راي السياره نزل سريعا:انا اصل يعني اه نازل اشتري حاجه
وليد:هتلاقي حد فاتح دلوقتي
تواب:يبقوا قافلين؟
وليد:احتمال كبير
تواب:احم خلاص تمام مش مهم
قام عبد الله بحمل ترتيل من شاهندا ثم صعد هو وتواب ووليد لاعلي بينما عهد وشاهندا خلفهم وقف تواب امام شقته بينما صعد كل من وليد وعبد الله وشاهندا لاعلي ودلفت عهد الي الشقه
بعد ان وضع وليد وعبد الله الاطفال علي سريرهم وتوجه وليد لينزل اوقفه عبد الله وقال له بشر:خروجه النهارده تنساها يا وليد الكلب عشان انا من ساعه ما خرجتوا وانا علي اعصابي اصلا
وليد بتلاعب ورفعه حاجب:وانت مالك ياعم اختي حبيبتي وبفسحها
عبد الله:يا اخي حبك برص ابقي قابليني لو فسحتها بعد كده هي لو عايزه انا هعملها اللي انت عايزه
قام وليد بالتربيت علي كتفه ثم قال بحب:ربنا يهنيكم ببعض يا سيدي انا نازل
ثم نزل وعندما وصل الي دور محمود وجد تواب يقف ينظر له بشر ثم قام بالاشاره له بابهامه علي رقبته بمعني سأقتلك نظر له وليد باستغراب ثم نزل وقال:ماله المجنون ده......
                      ................................
في اليوم التالي كانت عهد تجلس بغرفتها تحادث الفتيات فقالت بضحك:ايه يا بنات حبيت اعملكم سربرايز الحق عليا يعني
حبيبه:تقومي تخبي حاجه زي دي اصوووت في وشككك
الاء:ادعي عليكي بايه وانتي فيكي كل العبر يا عهد يا بنت طنط ورده
حياه:انا دلوقتي الشيطان بيحاول يهديني من اني اعمل اللي بفكر فيه
شهد:انا بقي لو سبت لساني يتكلم هيقول كلام يخل بحيائكم يا بنات
عهد بضحك: خلاص بقي يا بنات عايزه اعملكم سوربرايز
الاء بقرف:سوربرايز يا بيئه
عهد:اه طبعا مش صح يابت يا غفران
غفران:اه والله دي كانت نيتنا يا ظالمين
عهد:بت يا غفران احنا بقينا نقول ظالمين دي كتير اوي طلع الظالمين كتشيير اوي
غفران بضحك:عشان تعرفي ان كلهم مصطفي ابو حجر
ضحكوا عليها ثم قالت الاء:ليه قولتوا كده لمين تاني
حكت لهم عهد ما حدث بالامس وانها قالتها لوالديها ولجميعهم
فانفجروا في الضحك وقالت الاء:يا طفله انتي وهي كل ده عشان مروحتوش
غفران:اه احنا اتخدعنا كان المفروض نروح
عهد:حصل
حبيبه: يخرب عقلك انتي وهي
شهد:بجد هموت مش عارفه اقول ايه
حياه:وانا بقول جايبه العبط منين اتاريه مش من بره
عهد:يووه بقي ما انتي يا حبيبه روحتي ايه حصل بقي
حبيبه:لا الصراحه انا شبطت واصلا مكنش ينفع يسبوني لوحدي في البيت لكن فعلا الاصول بتقول ان الراجل و والده والدته بس اللي يروحوا وهما بيتقدموا
عهد:اهو اللي حصل بقي
الاء:بس انتي ايه رائيك يا حبيبه
سكتت حبيبه ولم ترد فقالت عهد:حبيبه لو انتي مش مرتاحه او عايزه ترفضي اوعي تتكثفي مني احنا هنفضل اخوات مهما حصل في الحته دي اعتبري انك متعرفنيش خالص
غفران:ده حقيقي يا حبيبه لو عايزه ترفضي قولي لا وبقلب جامد متخجليش مننا ابدا
عهد بمزاح:بس يا عيني قلب اخويا اللي هيتحطم
غفران:ويفضل يغني حلمي تحطم واختفي
عهد:بت انتي بتسمعي اغاني
غفران:لا والله برئ يا ييه ده كان من زمان خالص
عهد:اه بحسب وانتوا انطقوا
فقالوا في نفس الوقت بخوف وسرعه:والله ما بنسمع
عهد:كده تعجبوني
شهد:بس ثانيه يا عهد عايزه اعرف ليه حرام مع انها بتتاخد كتسليه بس
عهد:هقولك انتي بتسبحي وانتي قاعده ساكته
شهد:اه الحمد لله
عهد:علي طول
شهد:المفروض
عهد:طيب انتي لو شغلتي اغاني هل هتعرفي تسبحي ربنا مش هتعرفي تقولي استغفر الله واحده حتي واتحداكي تعمليها وتعرفي تسبحي حتي لو عرفتي دي تبقي حرام لانك شبه بتهيني ذكر ربنا لان ربنا عايز وقار وانتي بتسبحيه هتقوليلي طب ما انا لو بروق او بذاكر او اي حاجه بسبح هقولك اه بس المذاكره عباده وكمان حاجه متخديش عليها ذنب وكمان تاخدي فيها ثواب مع الذكر يعني مثلا لو بتروقي دي طاعه الام ودي من الثواب العظيم اللي بتؤجري عليه او الام اللي بتطبخ بتطبخ لعيالها وجوزها ودي من اعظم الاجور عند ربنا ان الست تدي لزوجها حقوقه الكامله فهمتي انما الاغاني بتلهيكي نهائي بمعني بتنسيكي ربنا سبحانه وتعالي وربنا بيحبك فعيزك دايما حطاه في بالك وتحبيه هديكي مثلا واسفه اني طولت
شهد:لا لا كملي بحب كلامك اوي
عهد:تسلمي انتي لما تيجي تكلمي حد ويكون هو باصص للفون ومش مركز معاكي او بيعمل حاجه تانيه تلاقي نفسك ادايقتي انه مأهملك وعازاه يديكي كامل الانتباه وده نفس الشي ولله المثل الاعلي فهمتي ليه وفوق كل ده اجبلك ايه من القرآن بسم الله الرحمن الرحيم (ومن الناس من يشتري لهو الحديث ليضل عن سبيل الله بغير علم ويتخذها هزوا اولئك لهم عذاب مهين)صدق الله العظيم وعن ابي مالك الاشعري قال قال رسول اله صلي الله عليه وسلم (ليكونن  قوم من امتي يستحلون الحۣۗـۙر وُآلَحۣۗـۙريۣۗہر وُآلَخۣۗـۙمۣۗـۙر وُآلَمۣۗـۙعۣۗـۙآڗفۣۗـۙ)المعازف اللي هي الات الموسيقي ودول يكفوكي عن كل اللي قولته عرفتي بقي يا سيدتي ليه حرام
وجدت عهد الجميع يثقف لها في الهاتف فابتسمت بحب وقالت شهد:والله العظيم بحبك وبحب كلامك ده انتي فعلا ونعم الصحبه الصالحه بالله عليكي لما تدخلي الجنه بأذن الله لو مكنتش موجوده فيها قولي لربنا يارب ليا صاحبه بحبها اخرجها ليا عشان تكتمل سعادتي
ادمعت الفتيات من جملتها فقالت عهد:لا احنا بأذن الله هنكون كلنا في الجنه مع بعض ظني بالله ظن خير ده يابنتي قصه سيدنا محمد رواها بيقول ان كان في راجل بياخد كفن الناس الميته جديد ويغسله ويبيعه ويوم لما مات قال لولاده اما اموت احرقوني وخلوني اتحول رماد واستنوا في ليله عاصفه وارموني عشان الرماد يتفرق وفعلا ولاده عملوا كده لما مات وبعدها ربنا سبحانه وتعالي قال للرماد كن  فاتخلق الراجل من جديد فربنا قاله عبدي ما جعلك تصنع هذا فقال خوفا منك يا الله فشوفي ربنا الكريم الرحيم  بينا يقوله ايه يقوله فغفرت لك
يعني ربنا رحيم اوي ظني بالله خير
حياه:انتي بتجيبي الحاجات الحلوه دي منين
عهد:من الدراسات اللي كنت بعملها والشيخ مصطفي حسني برنامج فكر جميل اوي بس طبعا بشغله صوت بس
شهد:هتابعه
الاء:اظن كلنا هنتابعه
فردوا قائلين:ده صحيح
عهد:رفقاء الجنه
شهد:الله اسم حلو اوي
عهد:مسمياكم كده لان انتوا فعلا اللي هترفقوني وارفقكم للجنه
حبيبه:ربنا يديمنا لبعض
امن الجميع علي دعائها ثم قالت عهد: شهد ينفع اسألك حاجه
شهد:طبعا يا عهد اتفضلي
عهد:عامله ايه مع اخوكي
صمتت شهد ولم ترد فقالت عهد:لسه مش بتكلميه يا شهد مش معقول
شهد:مش قادره يا عهد كل ما اشوفه بفتكر واحس بالذنب
الاء:مينفعش يا شهد يا حبيبتي ده اخوكي واللي حصل ده كان زمان اصلا حرام تخاصمي حد اكتر من تلت ايام ما بالك بقي اخوكي
حبيبه:وكده بتخلي عهد تاخد الذنب انك مخاصماه
حياه:وكمان حرام زمانه زعلان
شهد:مهو احم جالي امبارح قبل ما استاذ باسل يجي وقالي مزعلش منه بس مرضتش
عهد:طب بزمتك ده ينفع
غفران:كده حرام عليكي احنا اصلا مش زعلانين ولا ايه يا بنات
عهد بكذب:اه اه مش زعلانين
حياه:صالحيه يا شهد مينفعش كده
شهد:بس
عهد:لو لينا خاطر عندك صالحيه
شهد:ليكم طبعا
الاء:طب يلا اقفلي وصالحيه ده اخوكي لحمك ودمك
شهد:طيب خلاص اصالحه ازاي
غفران:خديها بهزار ادخلي اوضته وقوليلي اي حاجه وهو مهيصدق
عهد:فعلا يلا قومي
شهد:خلاص تمام يلا سلام
الجميع:سلام يا قمر....
اغلقت معهم بالفعل ثم توجهت الي غرفه رامي وفكرت قليلا ثم فتحت الباب بسرعه مما ادي الي فزع رامي ثم قال:ايه في ايه
شهد:ممكن انام هنا عشان لون المفرش بتاع سريري مش عجبني
نظر لها رامي وكأنها ذات راسين وقال:نعم مش عجبكي
شهد:اه مش عجبني عندك اعتراض خلاص مش عايزه
علم رامي انها تصالحه بطريقه غير مباشره فتوجه لها سريعا ثم امسكها وقال:لا طبعا ده انتي تؤمري اوضتي كلها ملكك وانا اطلع منها خالص بس اهم حاجه مش زعلانه مني
نظرت له شهد وقالت:ندمت
رامي:والله العظيم ندمت فعلا وحسيت قد ايه كنت غبي
شهد:اخر مره تعاكس
رامي:واخر مره ابص لبنت كمان
شهد:طب هات حضن بقي
قام رامي باحتضانها سريعا وقوه وقال ربنا يحفظك ليا يارب
شهد بحب:ويديمك ليا يا خويا
              ........................................
وبعد عده ايام وصل لكل من باسل و وليد خبر بالموافقه فرحوا بشده تحت سعاده الاربع عائلات بهذا النسب المشرف وذهب كل من باسل واهله للاتفاق علي يوم الخطبه وكذلك حدث مع وليد وذهاب اخوته هذه المره وتم تحديد موعد خطبه باسل وكانت عقب خطبه وليد بأسبوع تحت سخط باسل وإغاظه وليد له....
                  ................................
ها قد فات اربع اشهر حدث بها الكثير والكثير فقد تمت خطبه كل من باسل و وليد واقترب زفاف سامر تحت سعاده الجميع بهذا الانجاز.....
كانت عهد تحادث الفتيات فقالت:ايوه خلاص جبت الفستان وانتوا
الاء:اه كلنا جبناه
حياه:المهم تيجوا بكره من اول اليوم
حبيبه:اكيد
غفران:والله مش عارفه موافقه ازاي علي شفيق بتاعك ده حد يوافق علي واحد اسمه شفيق
عهد:غفران اسكتي
حياه:ايه يا بنتي سبيها عادي وبعدين يا رورو عادي النصيب يمكن احبه بعدين
غفران بمزاح:بس شفيق
حياه بضحك:عامل شبه سفيق
شهد: اول مره اشوف واحده تتريق علي خطيبها
حياه:مهو اللي اسمه غريب اعمل ايه
عهد بضحك: او انتوا اللي متنمرين
غفران:ممكن برضو
عهد:كده لسه انا والبت غفران شكلنا هنعنس يا رورو
الاء:الاستاذ بتاعك ده اللي هيشلنا
عهد بخجل:بس بقي قولتلكوا هو مفيش حاجه وانا بس اللي.معجبه ولو هو خير ليا هيبقي من نصيبي لكن مش حاطه امل او بتخيل حياتنا زي البنات ما بتعمل
غفران:لا انا بقي معجبه بواحد شبه عدوي شوفتوا الوكسه
شهد في نفسها:يريتك تعرفي انه بيتمني نظره منك
الاء:موكوسه من يومك
ضحكوا عليها ثم   اكملا حديثهم بمتعه...... وها قد جاء اليوم التالي يوم خطبه حياه كان يوم سعيد للجميع  وانتهي اليوم بسلام وامل وسعاده.......
                   ...........................
بعد مرور يومين كان يقف تواب  مع يزن فقال الاخر بسعاده:تواب انا قررت قرار
تواب:ايه
يزن:خلاص يا صاحبي هروح اتقدم لحياه استنيت كتير ومعتش قادر
نظر له تواب بصدمه وحزن ثم قال بارتباك:ايه لا ما ما تستني يابني مستعجل ليه
يزن:لا خلاص هفاتح ابويا النهارده ونروح
تواب بتوتر:يابني استني شويه ليه مستعجل
يزن:ايه يا عم مالك ما كنت بتقولي زمان ليه بتأخر نفسك دلوقتي تقولي مستعجل هو في حاجه
تواب بارتباك:اه لا بص استني وخلاص
يزن وقد لاحظ توتره:في ايه يا تواب
تواب وهو يهم بالرحيل:مفيش انا ماشي
ذهب اليه يزن سريعا ثم قال بعصبيه: استني هنا يا تواب في ايه مخبيه عليا
نظر له:تواب قليلا ولم يتحدث
فقال يزن بعصبيه:قول يابني في ايه
تواب بحزن وقلق:اصل اصل حياه خطوبتها كانت من يومين
نظر له يزن بصدمه ولم يتحدث
فقال تواب بقلق:يزن اهدي
وهنا استسلم يزن للسواد الذي غلف رأسه وفقد الوعي
تواب بخوف:يزززززن.......
                     ................................
باس هنا يا باشا حابه تشويق انما ايه كريتيف اوي يا تري هيحصل ايه مع يزن؟؟ عايزه رائيكم في البارت بقي  واتمني تفاعل بلييز
انتظروني الفصل القادم 🤍❤💛