الرجوع (مستوحاه من قصه حقيقيه)

الفصل الخامس

احلي قمامير عاملين ايه وحشتووووني 🤍🤍
...............................
تعالوا نبدا البارت اللي كله مستنيه 🤗😂
....................................
دعونا نذهب لمكان لم نزره من قبل....... في منزل حياه تلك الفتاه التي ربما ستكون احدي تحولات بطلتنا الجميله
حياه وهي تمسك هاتفها وتلعب عليه فدخلت اختها حور لها قائله: حياه حياه
حياه: عايزه ايه يا حور
حور: هاتي العب بتليفونك شويه عشان ماما مش راضيه تديني تليفونها
حياه: اطلعي بره يا حور وحلي عن نفوخي
حور: عشان خاطر ربنا يا حياه بقي
حياه: والله لو مطلعتي لاقوملك يا كلب البحر انتي
حور: اوووف والله لقول لبابا لما يجي
حياه: طب غوري يلا.... غادرت حور الغرفه ولكن كعاده الاخوات يا اصقائي لم تغلق الباب خلفها
حياه: يربيي نفسي مره تقفلوا الباب وراكوا
نهضت لتغلق الباب وعادت تجلس مجددا وخطر ببالها تلك الفكره يا اصدقائي ولكن ما اسوءها من فكره
بحثت علي اليوتيوب عن بعض المشاهد الرومانسيه مثلما تعودت هي احيانا تشعر بتانيب الضمير ولكن ماذا نفعل مع من استولي علي عقلها الشيطان
بعد قليل وجدت والدتها تدلف عليها فقزعت حياه والقت بهاتفها بعيدا
كوثر بشك: في ايه يا حياه مالك اتخضيتي كده ليه ورميتي التليفون من ايدك انتي بتعملي ايه
حياه بارتباك: هاا لا.. لا ابدا مفيش انا بس لاني كنت مركزه مع التليفون واتخضيت لما دخلتي فجاه
كوثر بعدم اطمئنان: ماشي يا حياه بس اتمني تكوني صادقه قوليلي بقي مزعله اختك ليه
حياه: يووه يا ماما هي عايزه تليفوني وانا قاعده عليه وكمان ده بتاعي لوحدي
كوثر: لا يا حياه ده مش تليفونك لوحدك يعني مش ملكك انا بس سيبهولك لكن في اي وقت اقدر اسحبه منك فدلوقتي من سكات ادي التليفون لحور وقومي ذاكري لانك بقالك مده مش بتذاكري
حياه: يا ماما بالله عليكي شويه
كوثر: قومي يا حياه من غير نقااش وهاتي التليفون يلا
حياه: اووف خدي يا ماما يكش الست حور تهدي
كوثر: طيب يختي قومي ذاكري يلا... ثم غادرت والدتها الغرفه
حياه: يلهوي محدش يعرف يرتاح في البيت ولا حتي يمسك تليفونه بمزااج.. ثم همت بالمذاكره
....................................
دعونا نري ما حدث لعائله عهد
عبد الله بخوف علي مرات عمه وابن عمه: في ايه يا عمي تواب ماله وفين اهدي كده
محمود وهي ينظر لشروق: استني بس اما افوق شروق يا عبد الله
محمود وهو يضرب وجنه شروق بخفه: شروق.. شروق اصحي يا حبيبتي الله يخليكي... اصحي يلا خلينا نطمن علي ابننا
وحين سمعت باسم ابنها افاقت من تلك الاغماءه
شروق ببكاء : تواب يا محمود بالله عليك عايزه ابني
محمود: حاضر حاضر يا حبيبتي اهدي بس كده وفوقي عشان نروحله
سليمان وهو يتحدث لشاهندا: شاهندا روحي اعملي كوبايه مايه بسكر لمرات عمك
عهد: هروح انا يا بابا حاضر... ثم ذهبت وجاءت بعد قليل وتناولت منها شروق الكوب وبعد ان تناولته
شروق: قوم يلا يا محمود عشان خاطري عايزه ابني
سميحه: طب بس فهموني ايه اللي حصل وفين تواب من اساسه
شروق وقد عاد امتلاء اعينها بالدموع: تواب.. تواب عمل حادثه يا سميحه وشكلها خطييير
ورده يخضه وخوف: يلهوييي لا حول ولا قوه الا بالله ان شاء الله يبقي كويس
عبد الله: طب يلا بينا نروح المستشفي علي طول
سليمان: اه يلا بينا ثم وجه كلامه لاولاده: خليكم انتوا هنا علي الله تتحركوا وبالذات انت يا وليد
فرد عليه الجميع بحزن لحبهم لتواب وخوف عليه: حاضر يا بابا... توجه الجميع للمستشفي
.................................
في شقه عهد مع اخواتها
عهد: تفتكروا هيبقي كويس
شاهندا بحزن: اتمني من قلبي يا عهد
وليد بحزن: انا بجد زعلان اوي عليه ربنا يشفيه
غفران ببكاء: انا. انا مش عايزه تواب يموت يا عهد
عهد وهي تحتضنها: ان شاء الله مش هيموت
شاهندا: المهم ندعيله بس ربنا يشفيه وينجيه
دعي الكل له فهو نعم القريب والصديق
وبينما هم جالسون وجدوا من يرن جرس شقتهم فتوجه وليد ليفتح فوجد وجه لاول مره يراه
الفتي: السلام عليكم
وليد باستغراب: وعليكم السلام خير
الفتي: معلشي انا كنت رنيت الجرس عند شقه تواب بس مفيش حد بيرد هما خرجوا ولا ايه
وليد: انت مين وبعدين انت معرفتش
الفتي: انا اسمي يزن صاحب تواب وبعدين ايه اللي حصل
وليد: ده تواب عمل حادثه واهلي دلوقتي في المستشفي
يزن بخوف وحزن علي صديقه: ايه ازاي ده حصل ومستشفي ايه
اخبره وليد بعنوان المستشفي فشكره وتوجه يزن لمنزلهم اخبر عائلته بالموضوع فحزن عليه الجميع واخذ يزن اخيه الكبير وتوجهوا للمستشفي وعندما وصلوا وجدا الحال هكذا
محمود يقوم باحتضان زوجته وسليمان يقف جنب ورده يدعون لتواب وسميحه تقف بجواره مع عبد الله الذي يبدوا عليه الشرود والحزن
يزن: السلام عليكم
رد عليه الجميع فسال يزن موجه كلامه لمحمود: عمي محمود ايه اللي حصل وتواب عمل الحادثه ازاي
محمود بحزن: معرفش والله يا بني لقينا المستشفي بيرنوا وبيقولو ان تواب عمل حادثه
اخو يزن: لا حول ولا قوه الا بالله يارب ان شاء الله يكون بخير تواب ابن حلال واكيد ربنا معاه
سليمان: اكيد يا بني ربنا معاه وهو افضل مننا كلنا
وقد مر عده ساعات كان من اصعبهم علي اهله وخلالهم ذهب سليمان ليطمئن علي اولاده واخبرهم ان يناموا لانهم سيبيتوا بالمشفي
وحينما عاد وجد عبد الله ومحمود يقنعوا شروق بشي ما
عبد الله: الله يخليكي يا مرات عمي انزلي بس كلي اي حاجه عشان ما تتعبيش
شروق: مش هتحرك من هنا الا وتواب معايا
محمود: طيب انزلي بس كلي انتي محتطيش حاجه في بؤك من الصبح
شروق ببكاء: مش هتحرك يا محمود ده ابني ازاي عايزني انزل واسيبه
عبد الله: طب خلاص انا هنزل اجيب اكل لينا كلنا هنا عشان مفيش حد كل اصلا
سليمان: فكره حلوه فعلا
عبد الله وهو يوجه كلامه ليزن واخوه: تيجوا معايا ولا ايه.... فجاوبوه بالموافقه وذهبوا بالفعل وبعد قليل جاءوا ومعهم طعام يكفي جميعهم وبعد ان انتهوا جلسوا قليلا حتي وجدوا الدكتور يخرج من غرفه العمليات فهرول اليه الجميع
محمود وهو يسند شروق: طمني يا دكتور تواب عامل ايه بقي كويس صح
ابتسم الدكتور باطمئنان: اطمنوا يا جمااعه هو بقي كويس هي اه العمليه كانت صعبه نتيجه الكسور وكمان الحادثه كانت شديده
شروق بخوف: يعني ايه يا دكتور يعني ابني مش هيخف
دكتور: مين قال كده ان شاء الله يبقي كويس بس هو هيفضل في العنايه المركزه 48للاحتياط وكمان لا قدر الله لو حصل حاجه...
شروق:طب انا عايزه ادخله لو سمحت
الدكتور باسف:للاسف مينفعشي دي العنايه وممنوع دخول حد فيها
شروق:مش هعمل صوت ولا نفس والله اطمن عليه بس
الدكتور:كان بودي والله بس فعلا مينفعشي
اطمئنوا قليلا ولكن ما زال الخوف يدب باوصالهم ودعوا الله متمنيين الشفاء العاجل لابنهم
اخو يزن وهو يتحدث معه: يلا بينا احنا يا يزن وان شاء الله نيجي بكره
يزن: خلاص تمام ثم وجه كلامه لاهل تواب قائلا: هتعوذوا مننا حاجه قبل ما نمشي يا عمي
محمود بشكر: تسلم يابني كفايه وقفتك انت واخوك معانا وانت لسه مش حمل حاجه
اخو يزن:متقولشي كده يا عمي ده تواب اخونا التالت ثم اردف مستكملا:يلا السلام عليكم
رد الجميع السلام وجلسوا في اماكنهم داعين الله بنجاه تواب........وفي اليوم التالي كان الجميع جالس امام غرفه العنايه فقالت ورده لسليمان:سليمان ما تروح تطمن علي الولاد كده دول بايتين لوحدهم
سميحه:فعلا يا خويا روح شوفهم ما ينفعشي كده سبتوهم لوحدهم كتير
سليمان:خلاص تمام مش عايزين حاجه وانا جاي
رد الجميع بالشكر فتوجه لشقته وحينما دلف هرول اليه الجميع فقالت شاهندا:ايه الاخبار يا بابا تواب عامل ايه دلوقتي
سليمان بتعب:لسه في العنايه يا شاهندا ربنا يقومه بالسلامه يارب
غفران ببكاء:بابا هو تواب مش هيعيش
سليمان:بعد الشر يا غفران متقوليش كده رحمه ربنا فوق كل شي اكيد لو شاء هينجيه
وليد:ان شاء الله هينجيه يا بابا وبعد بضع وقت كان جالس معهم يطمئن اذا كانوا يريدوا شئ ولكن قطع حديثهم اتصال لسليمان فوجدها زوجته فرد فورا سليمان:خير يا ورده في ايه
ورده يخضه وسرعه:تعالي حالا يا سليمان بسررعه
قام سليمان من مكانه بخضه:ايه اللي حصل يا ورده قوليلي بس
وىده ببكاء وهي تري حاله محمود وشروق:تواب قلبه وقف والدكاتره بينعشوه جوا تعالي بسرعه الله يخليك
سليمان:مسافه السكه جاي علي طول....ثم اغلق معها وقام باخبار اولاده بان ياخذوا حذرهم والا يخرج احدا منهم وتوجه سريعا للمشفي فوجد الجميع يقف امام الطبيب فهرول اليهم وهو ينهج قائلا:خير خير ايه اللي حصل تواب كويس
محمود بفرحه:تواب فاق يا سليمان ابني فاق
سليمان بفرحه لتواب فهو يعتبره مثل ابنه:الف حمد وشكر ليك يارب الف حمد علي نعمتك يارب
عبد الله وهو يوجه الكلام للطبيب:طب احنا نقدر ندخله دلوقتي ولا ايه يا دكتور
الطبيب:هما دلوقتي بيجهزوه عشان ينقلوه لغرفه عاديه يتنقل وتقدروا تدخلوله علي طول
شروق بفرحه وهي تحتضن محمود:تواب فاق يا محمود ابني فاق
محمود وهو يشتد علي عناقها:كله بفضل ربنا يا حبيبتي الحمد لله هو عارف ان صعب علينا فقدانه عشان كده نجااه
عبد الله:انا هروح اصلي ركعتين شكر لله بسبب فضله علينا
محمود وسليمان:استنا احنا كمان جايين لازم نركع لربنا شكر علي فضله
سميحه:خلاص روحوا انتوا واحنا هنخش لتواب وابقوا حصلونا...فوافق الجميع وتوجهت النساء لغرفه تواب بعد انتقاله لغرفه عاديه
شروق وهي تهرول علي تواب:الف سلامه عليك يا حبيبي الف سلامه عليك يا ضي عيوني انشالله انا وانت لا..ثم قامت بتقبيله من جبهته العديد والعديد من المرات
تواب ببعض الارهاق:الله يسلمك يا ست الكل انا بخير متقلقيش
ورده:لو مكناش نقلق عليك انت نقلق علي مين يعني يا تواب ده انت غالي عندنا كلنا
تواب :الله يخليكي يا مرات عمي تسلمي يارب
سميحه:الف سلامه عليك يا واد يا تواب كده تخضنا عليك
تواب ببعض المرح:معلشي بقي يا عمتو القدر نعمل ايه ادي الله وادي حكمته
وعندما همت سميحه بالرد وجدوا الباب يفتح بسرعه ويهرول محمود علي تواب يعانقه بشده قائلا:الف سلامه عليك يا ابني انشالله عدوينك يارب حمد الله علي سلامتك
تواب بتعب:الله يسلمك يا بابا بس بالله عليك براحه شويه انا جسمي مكسر لوحده
محمود وهو يبتعد عنه سريعا:اه معلشي اسف مكنش قصدي
تواب:ولا يهمك يا بابا
سليمان:الف حمد الله علي سلامه يا تواب يا حبيبي ربنا نجاك منها بفضله والحمد لله
تواب:الله يسلمك يا عمي واكيد ربنا يستاهل الحمد
عبد الله بمزاح:حمد الله علي سلامتك يا درش شده وتزول
تواب وهو يرد المزاح:الله يسلمك يا سيدي تشكر
واثناء حديثهم وجدوا من يدق علي باب الغرفه فذهب عبد الله لفتح الباب فوجد انه يزن واخوه فهرول يزن الي تواب وقام باحتضانه بشده قائلا:الف حمد الله علي سلامتك يا صاحبي قلقتني عليك يريتني انا ولا تكون انت
تواب بحب:بس يا عبيط متقولش كده والله يسلمك يا سيدي
اخو يزن:حمد الله علي السلامه يا تواب قلقتنا عليك كده يا راجل
تواب بهزار:معلشي بقي بشوف معزتي عندكوا
شروق:انتي غالي عندنا كلنا يا حبيبي
تواب بحب:ربنا يخليكي يا ست الكل
وجه تواب كلامه ليزن قائلا:بس انتوا جيتوا امتي من الامارات يا يزن
يزن:احنا جينا اول امبارح فقولت ارتاح واجيلك وجيتلك امبارح عرفت باللي حصل واهو اديني قدامك
تواب:نورتوا مصر يا جدعاان
يزن:طب ما احنا منورين فعلا.......
وهنا سال محمود:بس الحادثه حصلت ازاي يا تواب
تواب:والله ما اعرف يا بابا هي كل حاجه جت بسرعه جدا
عبد الله:ازاي يعني فهمنا
تواب:انا بعد ما كنت طالع من الدرس كنت ماشي عادي وكنت واقف علي الطريق بتاع العربيات فلقيط عيل صغير بيجري ورا كورته في وسط العربيات ومكنش واخد باله ان في عربيه جات نحيته فطلعت اجري عليه رحت زاقه بسرعه وللاسف ملحقتش اجري انا راحت العربيه خبطاني انا ومدرتش باي حاجه الا دلوقتي
شروق:خلاص المهم انك طلعت منها بخير هو اه متخرشم بس الحمد لله علي كل حال
وافق الجميع علي رايها
وبعد بضع الوقت جاء الطبيب وقال:بعد اذنكوا يا جماعه كده الزياره انتهت وكمان غلط علي المريض فسبوه يرتاح شويه....وافق الجميع مع الوعد باللقاء غدا وعندما غادروا الغرفه قال محمود:سليمان خد مراتك وروحوا يلا انتوا هنا من امبارح ومينفعش تسيبوا ولادكوا كده وانت كمان يا عبد الله خد والدتك وروحوا عشان ترتاح وكمان يزن واخوه اظن تعبتوا اوي النهارده فروحوا ارتاحوا وتعالو بكره تاني ولكن اعترض الجميع فقال محمود باصرار:يا جماعه وجودكوا ملهوش لازمه وكفايه تعب عليكوا كده روحوا ارتاحوا وتعالو بكره ومع تصميم محمود وافق الجميع مع الوعد بالعوده غدا وبالفعل ذهبوا جميعهم وعندما دلف سليمان وورده وجدوا اولادهم امام التلفاز فذهبوا اليهم وقالت ورده:السلام عليكم ازيكم يا ولاد عاملين ايه
ردوا عليها:وعليكم السلام الحمد لله يا ماما تواب عامل ايه
سليمان:الحمد لله بقي كويس هو بس هيفضل يومين في المستشفي لحد ما يتطمنوا عليه ويجي هنا.........اطمئن جميعهم بشفاء تواب فقالت ورده:انا هقوم اتصل بكوثر تروح بكره تزور تواب وتكون جنب شروق
سليمان باستغراب:ايه ده هما يعرفوا بعض
ورده:اه ما انا خليتهم يتصاحبوا هما وكمان سميحه لما كانت كوثر بتزورني هنا
سليمان:خلاص تمام.....وبالفعل نهضت وقامت بالاتصال بكوثر فردت عليها قائله:الو ازيك يا ورده عامله ايه وحشتيني
ورده بحب:وانتي اكتر والله اخبارك واخبارك البت حور وحياه
كوثر:كويسين الحمد لله
ورده:يستاهل الحمد..بقولك الواد تواب ابن شروق عمل حادثه امبارح وكنا عنده فانا حبيت اقولك لو عايزه تروحيلهم
كوثر بخضه:لا حول ولا قوه الا بالله لا طبعا هاجي ده واجب دي شروق بقت صاحبتي وتواب زي ابني
ورده:اصيله يختي خلاص ابقي تعالي بكره معايا
كوثر:ماشي بس هودي العيال فين
ورده:ابقي سبيهم هنا مع عيالي يتسلوا كلهم
كوثر فكره والله خلاص ماشي اتفقنا
ورده خلاص جهزي نفسك علي بكره قبل ما امشي بساعه هقولك تجهزي
كوثر:خلاص تمام.......وبعد مرور الوقت في احاديثهم اغلقوا وذهب كل منهم للنوم علي وعد باللقاء غدا
وفي الغد عند موعد الزياره ذهب كلا من والدي يزن وكل من كوثر وزوجها وطبعا معهم كل من سميحه وابنها وسليمان وزوجته ويزن فقط فكان اخوه لديه عمل طارئ
وفي ظل جلوسهم مع تواب ووالديه كانت حياه تجلس مع عهد بغرفتها وحياه تجلس مع شاهندا وغفران
وكانت حياه تحاول اقناع عهد بشي وهو.......
حياه:يا عهد بالله عليكي بقي اتفرجي معايا
عهد:لا طبعا ده حرام المفروض انتي ما تتفرجيش عليه اصلا
حياه:عشان خاطري بقي يا عهد
عهد:قولت لا يعني لا
حياه:طب اتفرجي علي فيديو واحد ويكون اخر مره طالماا مش عايزه
وحينما همت عهد بالرد وجدوا الباب يفتح بسرعه ووجدوا شاهندا تنظر لهم بغضب قائله فيديو ايه اللي عايزين تتفرجوا عليه انتي وهي دلوقتي........
.........
يا تري عهد وحياه هيعملوا ايه
وهل شاهندا هتصدقهم ولا لا
وهل فعلا هتوافق عهد علي طلب حياه ولا ايه
كل ده هنعرفه الفصل الجاي باذن الله
.....................................
حبااااايبيييي وحشتوووني اوييييي عامليين ايه 🥰🥰🥰🥰🥰
انا بس عايزه طلب وهو تفااعل علي الفصول لان بجد بزعل في اللي بيتفاعل فعلا ودول في قلبي بجد وطبعا حتي اللي مش بيتفاعلوا في قلبي بس تفاعلكوا هيخلي روايتي تتشهر فبلييييز اتمني الاقي تفاااعل واتمني بجد الروايه تنال اعجابكم ممكن تكون مش مميزه بس اتكني من قلبي فعلا تحبوها
وكمان استنوا بارت بكره زي ما اتفقنا
احبكم في الله ♥🧡
I Purple You 💜💜💜💜💜💜