الرجوع (مستوحاه من قصه حقيقيه)

الفصل السابع عشر

ازيكم يا قمامير عملين ايه وحشني كتير 🥰🥰
يلا بينا نبدا البارت استمتعوا 😉🥺
                     ...................................
وقفنا البارت اللي فات لما عهد اتصدمت بسبب اللي شافته في الموبايل...
عهد بصدمه: لا لا مستحيل ده يحصل. ثم قامت بالرن علي حبيبه بسرعه قائله: الو ايوه يا حبيبه انتي بتهرجي صح
حبيبه: لا والله انا اسفه يا عهد
عهد: ليه بس ايه اللي حصل
حبيبه: ماما وبابا معرفش غيروا رأيهم فجاه ليه قاللولي لا ميصحش ومينفعش ومش هيرضوا يودوني
عهد: عشان خاطري بقي يا حبيبه ده انا مصدقت اقنعت العيله كلها
حبيبه: انا اسفه يا دودو والله خلاص روحوا انتوا مش لازم احضر
عهد: لا طبعا مفيش حاجه اسمها مش لازم تروحي طب بصي هجيلك بكره انا والبنات ونقنع باباكي ومامتك ايه رايك
حبيبه: والله لو هتعرفوا تعالوا
عهد: يعني مش هيدايقوا
حبيبه: لا ابدا متخفيش تعالوا بس وحاولوا
عهد: خلاص تمام هنيجي ونقنعهم وباذن الله يوافقوا تاني
حبيبه: يارب يلا اقفلي بقي عشان هموت وانام
عهد: تصبحي علي خير يا قمر
حبيبه: وانتي من اهل الجنه يا مزه
اغلقت عهد مع حبيبه وقامت باخبار الاء وحياه بما سيحدث في الغد فوافقوا مستعدين لما سيفعلوه مع والدي حبيبه وبعدها توجهت عهد  للفراش للنوم من اجل اللقاء بغد ملئ بالاحداث.......
                  ...................................
في الصباح استيقظ الجميع بأمل وتفاؤل في منزل تواب كان يجلس مع والديه يتناول الافطار فقال محمود: وراك محاضره امتي يا تواب
تواب: كمان ساعه كده يا بابا يزن هيعدي عليا ونروح
شروق:يااه يا تواب امتي اشوفك مهندس كده قد الدنيا وافتخر كده قدام مصر
تواب ضحك:ياااه يا اميي مصر بحالها خيالك واسع حبتين
شروق:بس يا زفت خليني في احلامي
محمود:هي احلام تحترم وكل حاجه بس ده واد ساقط مش هيجب حتي مثلث في الكليه
تواب:وشاهد شاهد من اهله الحاج معاه حق
شروق:علي فكره انتوا بيخين والله اما اقوم بدل ما افقد اعصابي
تواب باستغراب:هو احنا قولنا حاجه غلط يا والدي
محمود:والله ما انا عارف يا واد يا تواب
قاطع تواب صوت الجرس فقال:ده اكيد يزن
توجه تواب لفتح الباب فوجد انها عهد
عهد بابتسامه لطيفه: صباح الخير
تواب في سره:احلي صباح وربنا ثم فاق من شروده وقال:صباح النور ازيك يا عهد
عهد بخجل:الحمد لله عمو محمود جوا
محمود وقد حضر اليهم:تعالي يا عهود يا حبيبتي
عهد:صباح الخير يا عمو حضرتك عامل ايه
محمود بمزاح:اللي يشوفك وانتي بتقولي حضرتك ميشوفكيش وانتي بتزعقيلي عشان اقنع ابوكي
عهد باحراج:احم انا انا مكنش قصدي والله يا عمو اسفه والله بس اندفعت
محمود بضحك: لا يا ستي عادي تعالي ادخلي
عهد: لا تسلم يا عمو ربنا يديمك انا الصراحه معرفش ليه بس كنت حاسه اني عايزه اطلع اطمن عليكم وكمان طلعت فوق لعمتو اطمنت عليهم قبل ما اروح الجامعه
تواب بقلق وشعور غريب: ليه هو في حاجه يا عهد
عهد وهي تنظر للارض: لا ابدا والله معرفش ليه اسفه لو ازعجتكم يعني وكمان عشان اشكر حضرتك انك اقنعت بابا
محمود وقد خبط تواب في جنبه بسبب غباءه
توا بتألم: اااه
محمود: لا يا حبيبتي اوعي تقولي كده  انتي بنتي يا عهد وبعدين شكر لله ياستي
عهد بابتسامه:تسلملي يا عمو يارب طب عن...لم تكمل جملتها بسبب خروج شروق وقالت:يا خرابي عليكم سيبنها بره كده اوعي انت وهو هتقول ايه البنت
عهد بضحك:يا طنط والله ابدا انا بس كنت جايه اسلم عليكم ورايحه الجامعه علي طول
شروق وهي تحتضنها:يا قلبي تسلميلي يا حبيبتي ربنا يوفقك يا حبيبتي
عهد:تسلميلي يا طنط يلا ما تؤمروش بحاجه
محمود وشروق:سلامتك يارب
بينما تواب في سره:ترجعيلي قلبي اللي خطفتيه يا عهد..ايه ده فوق يا تواب بدات تدخل في مرحله غلط وكمان بقيت تبصلها عادي ميصحش كده مهما كان دي بنت عمك ومش حلالك فوق واخطبها وتبقي بتاعتك بس اه هتبقي بتاعتي
قاطع شروده يزن وهو يطلع علي السلم ثم قال باستغراب:ايه يا جماعه هو انا مهم لدرجه انكم تقفوا تستنوني كده اخجلتم تواضعنا الصراحه
دخل كل من شروق ومحمود وتواب ولم يعيروه انتباه
يزن باحراج:احم واضح ان هما فعلا بيموتوا فيا
تواب من الداخل:ادخل ياعم واقفل الباب
يزن:حبيبي حاضر يا كبير
بالفعل دلف يزن ثم قال:لا بس كريتيف اوي المقابله دي يا جماعه
تواب:اي خدمه
يزن:ازيك يا عمي ازيك يا طنط
محمود وشروق:الحمد لله يا يزن انت اخبارك ايه
يزن:تمام الحمد لله يلا يا تواب احنا
تواب:تمام مش هتعوزوا حاجه
فردوا عليه قائلين:سلامتك يا حبيبي
تواب ويزن:السلام عليكم ثم توجهوا لجامعتهم مسرعين لكي لا يتأخروا
بينما كانت عهد تسير الي جامعتها فقد توجه وليد ايضا لجامعته وغفران لمدرستها كانت تتحدث في الهاتف مع حياه:ايوه يا حبيبتي هنخلص المحاضره تجيلنا نروح علي بيت حبيبه نقنع باباها ومامتها
حياه خلاص تمام يا عهود.هخلص كمان واجيلكم
عهد:اشطات يلا سلاموز
حياه:سلام يا قلب الموز
اغلقت عهد معها ثم وجدت من يقول طب والله ما في حد مز غيرك هنا
نظرت له عهد ولم تتحدث وعندما همت بالابتعاد اوقفها قائلا:اهدي بس يا عسليه رايحه فين كده ما تيجي اوصلك بعربيتي
عهد:لو سمحت ميصحش كده ابعد عني
فقال:يا تري سمعت الجمله دي فين قبل كده يا واد يا رامي
همت عهد بالابتعاد.عنه فأمسك يدها وقال استني بس نتفاهم
عهد بصوت عالي:ابعد عني قووولت ....
كان تواب ويزن يسيران متوجهان للجامعه فقال يزن بغضب:مش كنا خلينا الحاج والدك يوصلنا بعربيته بدل المرمطه دي
تواب:سواق ابوك هو ايه ده الله يخربيتك خلتني اقول كلمه ابوك
يزن بضحك:اي خدمه يا برنس
تواب:بس يا بيئه
يزن:الا قولي يا تواب..تواب انت يابني بتبص فين
كان تواب ينظر بغضب شديد لما امامه فنظر يزن لما ينظر له وقال بصدمه:مش دي بنت عمك يا تواب الله يخربيتك يا رامي ده غبي
تواب بشر:هو فعلا غبي ثم جري ناحيه عهد ورامي
عهد:ابعد عني قولت
وفجااه وجد رامي من يلكمه بشده في وجهه وقال بغضب:انت اقذر خلق الله اما تتشطر علي بنت انت عارف لو قربت منها تاني يا حيوان والله لامحيك من علي وش الارض
رامي بوقاحه:ليه هي تلزمك ثم اقترب منه وقال بصوت خافت:بس بصراحه تستاهل البت فرس..ولم يكمل كلمته بسبب انقضاض تواب عليه بالضرب وقال:انا هعرفك يا رامي عشان اللي بتلمسها دي تبقي بنت عمي وقسما بالله لو شوفتك لمستها تاني لندمك علي اليوم اللي اتولدت فيه
رامي:ليه انت هتكش علي دي وعلي غفران ما تبقي كريم بقي
انقض عليه تواب بالضرب ولحقه يزن وقال:اهدي يا تواب هتودي نفسك في داهيه خلااص اهدي
تواب بغضب:  اوعي يا يزن خليني اعرفه الواطي ده
رامي:ماشي يا تواب والله لاندمك وجامد ثم نظر لعهد بشر فانكمشت خلف تواب بخوف
وعندما هم بان يقترب منه تواب امسكه يزن بقوه وقال:خلاص اهدي اهدي امشي يا رامي بدل ما يموتك في ايده
اشار رامي لتواب بيده وقال:همشي بس صدقني هندمك ثم ركب سيارته وتوجه بعيدا عنهم
نظر تواب خلفه بسرعه وقال لعهد بقلق عليها:عهد انتي كويسه عملك حاجه الحيوان ده
عهد:احم لا ابدا شكرا يا تواب
تواب بغضب:انا عايز اعرف مصرختيش ليه او ضربتيه باي حاجه ها ردي عليا
يزن:اهدي يا تواب مش كده
تواب:اسكت انت ردي عليا يا عهد مضربتيهوووش ليه
عهد بغضب بسبب صوته:اولا كنت لسه هضربه والله انت اللي جيت علي طول انا اصلا مكنتش خايفه يعني مش ده اللي اخاف منه وثانيا مكنتش عايزاك تساعدني انا قويه كفايه اني احمي نفسي فاهم يا استاذ تواب
نظر لها تواب ويزن بصدمه لتحولها وضحك يزن لانها كانت خائفه منذ قليل ولكن خبطه تواب بان يصمت
يزن:اه ايه ياعم
تواب:اه واضح فعلا انك مكنتيش خايفه
عهد:ايوه فعلا
تواب:طب انت رايحه فين
عهد:الزفت
تواب:عرفته كده انا
عهد بمحاوله الهدوء:رايحه الجامعه عن اذنك
تواب:لا استني هاجي اوصلك
عهد بصرامه:لا شكرا هعرف اروح لوحدي
تواب:يلا يا عهد متبقيش عنديه ده انتي من صغرك اصلا والله وانتي عنديه
استغربت عهد انه ما زال يتذكر حينما كانت صغيره وحدث ايضا معاكسه شباب لها وهو من لحقها
عهد:احم لا بجد شكرا هعرف اروح لوحدي اصلا قربت من الجامعه
تواب:تمام يلا برضو يزن معلشي اسبقني انت علي الجامعه
يزن وقد غمز له:من عنيا يا صاحبي بس متتأخرش
بالفعل ذهب يزن وقال تواب:اتفضلي يلا
عهد:احم تمام شكرا ليك يا تواب
تواب بابتسامه:العفو يا ستي متخافيش تاني يا عهد في كتير يقضروا ينقذوكي لو لا قدر الله حصل تاني
عهد بتنهيده:حاضر مش هخاف بعد كده الموقف بس خضني
تواب:وقال مش خايفه قال وعاملالي فيها سوبر هيرو
نظرت له عهد بغضب ولم ترد عليه فضحك تواب بخفه ثم سار معها الي ان اوصلها الي جامعتها ثم قال:تؤمري بحاجه تانيه
عهد:لا تسلم يا تواب واسفه اني اخرتك
تواب:متقوليش كده يا عهد يلا  السلام عليكم
بالفعل ذهب تواب وشردت عهد به ولكنها فزعت بسبب الاء وهي تقول:لا الحب ظاهر اوي
عهد:يخربيت شكلك يا شيخه خضتيني
الاء بغمزه :اللي واكل عقلك يا قمر
عهد بخجل:يلا المحاضره
الاء:تعالي هنا فهميني
عهد وهي تهرب منها :المحاضره يلا
الاء:بس والله هتقوليلي برضو......
                     ....................................
في جامعه تواب بعد ان وصل اقترب منه يزن وقال:ايوه يا عم الدنيا مظبتاك خالص
تواب:جتك القرف في منظرك يا اخي هي لما تتعاكس هتبقي ظبتتني
يزن:تصدق معاك حق
تواب:غبي ازاي افرح لما تتعاكس ها قولي
يزن:اوبا وسع الحب ولع في الدره
توا بتنهيده:هو ولع بس ده اتفحم يا يزن انا اكتشفت اني بحبها اوي
يزن:طب ما تتقدم يا تواب
تواب:مش دلوقتي لما اكون نفسي يا يزن علي الاقل لازم اعمل كل حاجه عشان اثبت حبي ليها بس برضو في الحلال
يزن:ربنا يحفظك يا تواب انت بجد ونعم الصاحب
تواب:والله انت اجدع صاحب عرفته يا زينو
يزن بقرف:انا غاير يا عم عن ابو اللي يمدح فيك
توا بضحك: استني بس خلاص متزعلش...
                     ...................................
في منزل سميحه كان كل من عبد الله وشاهندا بغرفتهم
فقالت شاهندا:طب افطر بس يا حبيبي الاول
عبد الله:لا يا حبيبتي تسلمي مليش نفس والله ويدوب انزل اتاخرت النهارده برضو
شاهندا:معلشي انا اللي سهرتك امبارح بسبب تعبي بليل
عبد الله بحب وهو يقبل يدها:يخراشي ده انتي فداكي الدنيا بحالها يا قلبي متقوليش كده لو مكنتش جنبك مين اللي هيكون بدالي ده كفايه انه عشان ترتيل او فارس اللي جايين ثم قام بتقبيل بطنها بحب
شاهندا بحب:ربنا يديمك لينا يارب
عبد الله:ويحفظك لينا يا قلبي يلا هتوكل انا علي الله مش عايزه حاجه يا حبيبتي
شاهندا:سلامتك يا عبده
بالفعل توجه عبد الله لعمله وجلست شاهندا مع سميحه فقالت الاخري:هو عبد الله مفطرش ليه يا شوشو
شاهندا:بيقول مليش نفس يا عمتو والصراحه متاخر في الشغل النهارده بسبب اني سهرته امبارح عشان تعبت شويه
سميحه:الف سلامه يا حبيبتي ربنا يقومك بالسلامه وبعدين سهريه ما يسهر هو صغير يعني براحتك
شاهندا بضحك: يلهوي يا عمتو وانا اللي قلت انك هتقولي متتعبيش ابني هو بيشتغل متزوديش حمله
سميحه:يابت انا مش عمتك الحربايه ولا حماتك الشريره ده انا طيوبه والله
شاهندا وهي تحتضنها:حبيبتي يا عمتو والله
سميحه:قلب عمتو انتي....
                     .............................
في جامعه عهد بعد ان انتهت المحاضره خرجوا وجدوا حياه تنتظرهم فتوجهوا لها
حياه:مسا مسا علي الناس الكويسه
الاء:يا مساء البرنجان
عهد:مساء القشطات والحلويات
حياه والاء وعهد في نفس الوقت:احنا مش بنات ثم ضحكوا ثلاثتهم
فقالت حياه:ها هنروح لبيت حبيبه يلا
الاء:لا عهد تقول حصل ايه وايه خلي تواب يوصلها الاول
حياه:اوبا دي الحكايه فيها ان يا لولو
الاء:شكلها كده يابت فعلا
عهد:برئ يا بيه طب استنوا لما نوصل لحبيبه واحكي مره واحده عشان هتعوز تعرف هي كمان
الاء:ان كان كده اشطا يلا بينا للمواجهه
حياه:الي اللا نهائيه وما بعدها
عهد:نحن فتيات خارقات بينا يا بنوتات
وبالفعل توجهوا ثلاثتهم لبيت حبيبه فتحت لهم حبيبه وقالت بضحك:انتوا منظركم عامل شبه اللي جاي يتخانق 
الاء وهي تمثل بتشمير كمها:اين الجثث يابنتي
عهد:هندفنوها في البدرون باذن الله
حبيبه:لاااا ابااااييييي
حيااه:امايييي احم سوري اندمجت في المشهد
حبيبه:طب تعالوا ادخلوا
الاء:لسه فاكره يختي
عهد:غدا بقي يا اخت عشان المجهود اللي هنعمله
حبيبه:من عنيا
وفجاه تحولت الثلاث فتيات 180درجه وتحدثوا بادب الي والدي حبيبه قائلين:السلام عليكم ازيك يا عمو ازيك يا طنط
حبيبه بصدمه:سبحان مغير الاحوال
والدي حبيبه:اهلا يا حبايبي اتفضلوا اقعدوا
والده حبيبه:ازيك يا عهد ازيك يا الاء عملين ايه وحشتوني والله يا بنات
عهد:وانتي اكتر والله يا طنط
والد حبيبه:ومين القمر التالته دي
عهد:دي بنت خالتي يا عمو انضمت للشله
والده حبيبه بمزاح:عليه العوض ومنه العوض
ضحك الفتيات بتهزيب ثم قالت والده حبيبه:اعمليلهم حاجه يشربوها يا بيبه
حبيبه:لا هما هيمشوا علي طول
الاء:يلا يابت انجري اعملي شاي او اي حاجه ايه رايك يا طنط
والده حبيبه بضحك:مسيطره من يومك ياقلب طنط
حبيبه:ماشي يا علاء الكلب
الاء:ادخلي يا بيبو وانتي ساكته
ضحكت عهد وحياه بخفه ثم قالت عهد بجديه:طيب يا عمو ويا طنط احنا جايين لسبب وانا متاكده ان انتوا عرفينوا
والد حبيبه:ده صحيح بس صدقيني مينفعش يا عهد يابنتي
الاء:ليه بس يا عمو والله هنبقي بنات مع الستات لوحدنا وكمان ممكن اخو حبيبه يجي معاها يبقي مع الشباب
والده حبيبه:بس ميصحش يا بنتي هتروحوا كلكوا كده بره وهتبقوا بعيد عن عنيهم وممكن يحصل حاجه لا قدر الله
عهد:ابدا والله يا طنط هنبقي بعيد.ناخد مساحتنا وفي نفس الوقت نبقي قريبين من عنيهم
حبيبه بعد ان خرجت من المطبخ :وكمان يا ماما والله هيبقي يوم حلو عشان خاطري
الاء:يا عمو ويا طنط صدقوني مش هيحصل اي حاجه غلط حتي والد عهد قال لو حسيت بتجاوز او غلط هيفض القعده
عهد:اه والله ده حقيقي
والده حبيبه:كل ده حلو بس ليه متبقوش كلكم بنات في البيت والرجاله تخرج
والد حبيبه:ده نفس رأيي
عهد:انا اللي اقترحت كده يا طنط عايزه احس بجو العيله والاصدقاء عايزه مثلا اكون قاعده مع حياه يكون معايا حبيبه والاء ونتكلم وكمان صحاب اخواتي البنات
حياه:وكمان يا عمو عشان اتعرف علي الاء وحبيبه اكتر
والد حبيبه:باين عليكي هاديه اكتر واحده يا حياه
حياه:حبيبي يا عمو تسلم
الاء:لا عمو متصدقهاش كل ده تمثيل
حياه:بس يا رخمه هتبوظي صورتي
ضحك كل من والدي حبيبه علي شجارهم
فقالت عهد:ها قولتوا ايه
والده حبيبه:والله مش عارفه
حبيبه:عشان خاطري يا ماما وكمان باسل موافق يجي معايا
الاء:عشان خاطرنا يا عمو عيزين نبقي كلنا سوا
والده حبيبه:تمام انا موافقه
ارتموا عليها جميعا وصاروا يقبلونها بحب ويرددون الشكر
ثم قالت حياه:ها يا عمو عشان خاطري انا طيب
والد حبيبه:طب والله عشان خاطرك انتي بس هوافق
حياه:تسلم يارب
عهد:بنااات
حبيبه والاء وحياه:لقد نجحنااا ياهوووووو
ضحك كل من والدي حبيبه عليهم بشده ثم دعوا لهم بالصلاح والتوفيق....
                    ...............................
في جامعه تواب كان يجلس شارد باامحاضره وظل يكتب بالدفتر الخاص به الخواطر التي متميز بها فكتب "ستعرف أني أحبك حين أقول أني " أحبك " ليس هذا المهم ، المهم أنك يجب أن تعرف أني أحبك دون أن أقول ."
نظر يزن لما يكتب ثم ضربه بخفه فقال توال بخفوت:ايه يا عم
يزن:قولها بعدين بس ركز في المحاضره
تواب وقد.اغلق الدفتر ملكش دعوه وبعد.كده متقرأش انت سامع
يزن:طب ركز يا ايها العاشق
تواب:عيل سئيل
ضحك يزن بخفه عليه ثم بدا في متابعه الشرح
                ...................................
في مدرسه غفران كانت تقف هي وشهد امام البوابه فقالت غفران:يعني انتي متاكده انه هيجي يخدك يا شهد انا حساه اتاخر
شهد:ايوه يابنتي والله قالي الصبح قبل ما امشي انه هيجي يخدني
قاطع غفران صوت هاتف شهد فقالت ده رامي اهو استني..الو ايوه يا رامي اتاخرت ليه
رامي بغضب مكتوم:شهد روحي انتي مش هعرف اجي
شهد:يووه يا رامي يعني اخرتني واخرت غفران وفي الاخر مش هتيجي
رامي:خلاص بقي يا شهد واعتذريلها نيابه عني ياستي بس حصلت ظروف
شهد:خلاص تمام يا رامي يلا سلام
رامي:سلام
غفران:ايه مش هيجي
شهد:لا بيقول حصلت ظروف ويعتذرلك انه اخرك من غير سبب
غفران بابتسامه:لا ولا يهمك يلا بينا
بالفعل توجها في طريقهما للذهاب لبيوتهم....
               .......................................
في منزل حبيبه بعد.ان جلست الفتيات يتسامرن حول ما حدث لعهد صباحا قالت الاء:ايوه ياعم بقي انت حظك زي الحنيه الدهب
حبيبه:انتي عبيطه يا بنتي عشان اتعاكست بقي جنيه دهب
حياه:قوليلها بالله عليكي
الاء:هييييح اوعدنا يارب
عهد:انتي محسساني اني بحبه او هو بيحبني
الاء:طب اقولكم حاجه
حياه:قولي
الاء:انا في حاجه جوايا بتقول ايه ميه في الميه ان هو بيحبها
عهد:فصيحه هانم اسكتي لو سمحتي
الاء:والله بجد
عهد:ولو بس انا مش بحبه عادي يعني
حبيبه:نعععم ده انتي عينك بتطلع قلوب مش وخدين بالكم يا بنات
فردوا في نفس واحد:وخدين ثم ضحكوا قليلا وظلوا يتسامرون لبعض الوقت الا ان  قالت عهد بعد ان خرجوا مودعين والدي حبيبه :طب نستاذن احنا بقي يا طنط
والده حبيبه:ليه يابنتي ما تقعدوا
الاء:لا معلشي عشان بس منتاخرش
والد حبيبه:خلاص تمام يا بنات
حياه:خلاص يا عمو اكيد حبيبه هتيجي
والد حبيبه:حاضر خلاص والله اكيد
عهد:تمام يلا السلام عليكم
ردوا السلام ثم توجهوا لاسفل وقامت كل من حياه وعهد بإصال الاء وقالت عهد لحياه:بت يا حياه تعالي اقعدي معايا شويه ونتغدي مع بعض
حياه:مقولتش لماما كنت قولتلها علي حبيبه بس
عهد:طب استني ثم قامت بالرن علي خالتها وقالت:احلي مسا علي احلي خالتو
كوثر:من الاخر
عهد بضحك: قفشاني كده يا خالتو
كوثر بضحك: ها خلصي عايزه ايه
عهد:هاخد حياه تقعد معايا وتتغدي برضو يلا بنتنا برضو ونستحملها
قامت حياه بضربها بخفه فضحكت عهد ثم قالت:ها وبرضو لو حور عندك ابعتيها
كوثر:لا حور راحت الدرس بس ماشي حياه تيجي معاكي بس لو هتتاخر حد يوصلها
عهد:اشطات يا كوثر قلبي
كوثر؛بت احترمي نفسك يا جزمه ده انا خلتك
عهد:احلي خاله دي ولا ايه يلا باي بقي
كوثر:باي يا غلباويه
اغلقت عهد وقالت:تمت المهمه بنجاح
حياه:نفسي اعرف ازاي بتقنعيهم بسرعه كده
عهد:الله اكبر ايه كفايه قر
حياه:طيب يختي نروح
عهد:بينا يا اوختشي
وبينما كانتا تسيران قالت حياه:عهد
عهد:ايوه
حياه بتنهيده:انتي فعلا مسامحاني ومش زعلانه مني
عهد:لا طبعا مش زعلانه يا حياه ليه بتقولي كده
حياه:لاني مش مسامحه نفسي اصلا حاسه بخوف ان ربنا مش مش هيغفرلي
ابتسمت عهد بحب وقالت وهي تشاور علي قلب حياه:خلي ده واثق في رحمه ربنا.ربنا تعالي بيقول (قل يا عبادي لا تقنطوا من رحمه الله)صدق الله العظيم فخليكي واثقه في رحمته يا حياه وانا والله مسامحاكي وعمري ما زعلت منك بل كنت بدعيلك بالهدايه
حياه:انتي اجدع اخت وصاحبه بحبك اوي يا عهد
عهد بحب:وانا اكتر يا قلب عهد ويلا بقي هنتاخر
حياه: يلا
ثم سارا قليلا وقالت عهد: حياه استنيني علي الناصيه التانيه اما اجيب حاجه من السوبر ماركت ده لينا نتسلي بيها
حياه: اشطا......
                 ....................................
رامي بغضب وهو يسوق سيارته لمكان ما:والله لعرفك يا تواب الكلب مين هو رامي وازاي تمد ايدك عليه ان ما ندمتك.مكنش انا رامي اصبر عليا يا كلب...
                   ....................................
في جامعه تواب بعد.ان انتهوا قال تواب:يااه لو كل الايام يبقي مفيهاش محاضرات خالص 
يزن:هتبقي حاجه اخر حلاوه ونفشل بقي ايهما اقرب
تواب بضحك:اكيد.الفشل  المهم بينا عالبيت عشان انااام بقي
يزن:بينا يا معلم
ثم توجها بالفعل خارج الجامعه وسارا قليلا الي ان حدث ما لم يكن بالحسبان....
                   ......................................
بعد ان انتهت عهد من الشراء وهمت بعبور الناصيه وفي طرق عبورها وجدت سياره تاتي بسرعه مهوله ومن شده خوفها لم تستطع التحرك وكأن شئ يمسكها بالارض
كان تواب ويزن يسيران الي ان توقفا بصدمه حينما وجدا سياره تهم بان تدهس عهد
جري عليها تواب بسرعه وخوف شديد ثم قال بصوت عالي:حاسبييييييييييي
ثم قام بالجري نحوها وقفز عليها وابعدها عن السياره بقوه مما ادي الي وقوعهما علي الارض بشده
جرت حياه علي عهد بخوف وقالت:عهدددد عهد انتي بخير
جري يزن الي تواب وقام باسناده ليقوم فقام تواب معه
عهد بتالم بسبب ذراعها وكانت حياه تسندها بخوف وتبكي:اه اااه دراعييي ااه حاسبي يا حيااه
حياه ببكاء:انتي انتي كويسه يا عهد  يا حبيبتي انتي كويسه اسفه مكنش قصدي
قام تواب بمساعدتها علي القيام فقامت معه بصعوبه بسبب شده ارتطامها بالارض
تواب بقلق:عهد انتي بخير ها حصلك حاجه
عهد بوجع:لا الحمد لله بس دراعي بس اه حاسب انت كمان
تواب:انا اسف اسف مكنش قصدي
حياه:عهد انتي بجد كويسه ها قوليلي تعالي نوديكي المستشفي نشوف دراعك
رد عليها يزن قائلا:متقلقيش يا انسه هي بتحرك دراعها اهي اظن انها بس اتجرحت
نظرت له حياه بدموع بعينها
يزن وهو مسحور برقتها وبراءه وجهها:احم صدقيني والله انا كويس
تواب وقد ضربه:وانت مالك انت احنا اللي اتمرمطنا
يزن:اه اه معلشي قصدي هي كويسه
عهد:متقلقيش يا حياه انا بخير
يزن:تواب:انت مش عارف تمشي كويس ليه
تواب:رجلي اترجحت جامد بالاسفلت
يزن:طب تعالي اسند عليا
تواب:لا لا تمام هقدر امشي لوحدي
عهد:يلا يا حياه نمشي
تواب:انتوا مروحين
حياه:ايوه
تواب:تمام وانا كمان تعالوا يلا في طريقنا
وعندما هم تواب بالسير تالم بشده:اااه
نظرت له عهد بخوف وقالت:انت كويس
تواب يتالم:كو كويس متقلقيش
يزن:مالك يا تواب
تواب:مفيش والله صدقني
يزن:طب تعالي اما اسندك بلاش عند
وبالفعل قام
يزن باسناد تواب وفعلت حياه المثل مع عهد فكل منهما كان ضرره مختلف
وعندما وصلا وهما بالدخول
قال تواب وعهد في نفس الوقت:طلعيني /طلعني عند عمتو
نظر كل من يزن وحياه لبعضهم ثم نظرا لتواب وعهد باستغراب
فقال تواب:ابويا وامي لو شفوني كده هيقلقوا فهطلع عند عمتو اربط حاجه لرجلي وانزل
حياه:وانتي يا عهد
عهد:نفس الامر هشوف حاجه لايدي لان مش متحملاها وننزل
حياه:انا خايفه تكون مكسوره ايدك او رجلك  موجهه الكلام لتواب
يزن:لا باذن الله خير ممكن تكون كدمه بس
تواب:طلعونا بس مش قادر اقف
وبالفعل قاما بالصعود الي اعلي  دون اصدار صوت لعلمهم بوجود عبد الله في هذا التوقيت وقاما بالدق علي الباب وعندما فتح عبد الله تفاجا من منظر تواب وعهد فقال بصدمه:ايه اللي حصل في ايه
تواب:دخلنا الاول ياعم مش قادر اقف
عبد الله:تعالوا ادخلوا 
بالفعل دخلوا وعندما راتهم كل من سميحه وشاهندا فزعوا بشده فقالت الاخري بخوف:ايه حصل يا ولاد
قامت حياه بمساعده عهد في الجلوس ولكن صدمت عهد في ذراعها فتالمت عهد بشده:اااه ايدي
حياه:اسفه اسفه
شاهندا:مالك يا عهد ايه حصل يا تواب
تواب:احكي يا يزن مش قادر
يزن وهو يوجه الحديث لعبد الله:هو اللي حصل......
ثم حكي له كل ما حدث
فقالت سميحه بخوف:طب انتوا كويسين يا ولاد
عهد وتواب:اه يا عمتو متخفيش
عهد:احنا بس طلعنا عندك عشان مش عيزين نقلق حد من تحت لانهم بيخافوا اوي
تواب:نفس السبب يخصني
عبد الله:تمام خير ما عملتوا برضو هروح اجيب الاسعافات الاوليه
تواب: تمام
قامت سميحه بالتوجه والجلوس بجانب عهد ثم اخذتها في حضنها فاغمضت عهد.عينها براحه وقالت سميحه:الف سلامه عليكم يا حبايبي
ابتسمت عهد بحب وقال تواب:الله يسلمك يا عمتو بجد مكناش عرفين هنعمل ايه من غيرك
سميحه:بس يا تواب متقلش كده
حضر عبد الله بالاسعافات وقال:ماما خدي عهد انتي وشاهندا وشوفوا دراعها هتعرفوا تتصرفوا صح
شاهندا:اه متخفش يلا يا عهد تعالي يا حياه بالفعل دلفا الي غرفه سميحه
وبالخارج قام عبد الله بعلاج جروح تواب وقام بربط قدمه برباط ضاغط تواب بتالم:اه خف ايدك يا عم
عبد الله:اثبت يا زفت شويه فيها كدمه كبيره شويه
تواب:ااه يا غبي
يزن:هو مش المفروض اكبر منك يا تواب
عبد الله:قوله
تواب:اسكت انت وهو بقي احنا في ايه ولا في ايه
وبعد ان انتهي قال:الف سلامه يا تواب
تواب:الله يسلمك الحمد لله جت سليمه
يزن بشرود:يارب اقوله ولا بلاش بس تواب غضبه وحش ممكن يودي نفسه في داهيه استني شويه
تواب:ايه يا عم سرحان في ايه
قاطع يزن سميحه وقد.خرجت قائله:عبد الله تعالي شوف دراع عهد عشان بيوجعها اوي
نظر تواب بقلق ثم قال:نوديها المستشفي يا عمتو هي كويسه
سميحه:اه اه متخفش بس تقريبا الكدمه وجعاها
عبد الله طب تعالي معايا يا امي اشوفها وبالفعل دلف الي الداخل وحينما راي ذراع عهد قال:الحمد لله مجرد بس كدمه بس بينها قويه حبتين هي تحتاج رباط.زي تجبيس كده وكمان مرهم للكدمات
شاهندا:طب اعملهلها يا عبد الله مش ملكين احنا
عهد باحراج.من كشف ذراعها:لا لا مش لازم هو هيخف لوحده
حياه:لازم يا عهد هيتعبك اكتر
عبد الله:متقلقيش يا عهد.هعمله علي طول انا متفهمك
نظرت له عهد باحراج ثم نظرت للارض بحياء
قام عبد الله بدهن المرهم علي يدها مما جعلها تتالم بخفه وحينما بدا في ربط ذراعها تألمت بشده:اااااااه
شاهندا:معلشي استحملي
عهد ببكاء:بيووجعععع
في الخارج قلق تواب عليها بشده وحينما حاول النهوض قال يزن:اهدي ان شاء الله كويسه
تواب:لا الخبطه كانت قويه انا رميت نفسي عليها جامد
يزن:متقلقش خير باذن الله
في الداخل شاورت عهد بيدها لحياه بات تمسك يدها ففعلت حياه ذلك وصارت تتمسك بها عهد بقوه
عبد الله:معلشي يا عهد هي بتوجع بس هتخف كده بسرعه
عهد ببكاء:يخربيت العربيات علي اللي بيركبوها
ضحك كل من بالغرفه عليها وبينما عبد الله يضحك قام بتحريك يدها بالخطا فتالمت عهد قائله:ااه دراعي يا ابييه
عبد الله:اسف اسف والله ما اقصد
وبعد ان انتهي قال:خلاص خلصت اهو
عهد:اه هموت بجد
سميحه:بعد الشر عليكي يا قلبي
عبد الله:لو مش عايزه تعرفيهم:بلاش تحركيها جامد عشان هتوجعك ويبان حاولي تخففي حركتها
عهد:تمام شكرا يا ابيه
عبد الله:العفو علي ايه يا عهد
ثم خرجوا جميعهم ونظر تواب بلهفه لعهد وقال:انتي كويسه يا عهد
سميحه بضحكه خبيثه:اه كويسه المهم انت عامل ايه
تواب وقد عرف انها كشفت لهفته: ها الحمد لله يا عمتو
سميحه:الحمد لله
عهد:طب هننزل احنا بقي عشان ميقلقوش وشكرا بجد انكم استحملتونا
عبد الله:متقوليش كده تاني يا عهد انتي اختي الصغيره
عهد بحياء:تسلم يا ابيه يلا يا حياه
حياه:تمام عن اذنكم
يزن في سره:مع السلامه يا احلي حياه
وبعد.ان نزلا قال تواب:اه يا متفشفش ياني ياما
يزن:ما خلاص بقي يا عم دي عهد اجمد منك
تواب باحراج:ايه ده بجد
سميحه بضحك وغمزه:اه يا حبيب
تواب في سره :اتكشفت يا تواب
شاهندا باستغراب:حبيب ايه يا عمتو
سميحه:لا ابدا مفيش
تواب:طب نستاذن احنا بقي تعالي نزلني يا يزن
يزن:تمام يلا السلام عليكم يا جماعه
بالفعل نزل تواب الي اسفل وحاول الاعتماد علي نفسه حتي لا يلحظ احد وقام بشكر يزن وتوديعه وعندما دلف حاول قد الامكان مداراه المه
شروق:حمد الله علي السلامه يا حبيبي احطلك تتغدي
تواب:لا تسلمي يا امي انا يدوبك هنام عشان مش قادر اتغدي انتي وبابا
شروق:ماشي يا حبيبي
تواب:يلا تصبحي علي خير
شروق:وانت من اهله يا حبيبي
وبالفعل دلف لينام وحينما توحهه للفراش قال:الحمد لله يارب حفظتلي عليها الحمد لله ثم خلد في النوم من شده ارهاقه.....
بينما  نزلت كل من عهد وحياه الي اسفل وجلستا مع والدتها قليلا وكانت عهد تلتسق بحياه حتي لا يلحظ احد ذراعها وبعد ان تناولا الغداء مع الجميع دلفا الي غرفه عهد
حياه:عهدانتي بجد كويسه
عهد بابتسامه:ما خلاص يا قراره كفايه بقي ما هو ابيه قالك كدمه بس الحمد لله جت سليمه اه ياني يوم ملوش ملامح
حياه:انتي عهد مغامرات هسميكي كده
عهد:بس يا رخمه واوعي بقي عشان اريح جسمي
حياه:تعالي يا مكسحه هانم
عهد:اااه ياني يارب لو قتلتها هيبقي حقي يارب
حياه:يختي اتهمدي انتي فيكي حيل قاما بالنوم علي الفراش فقالت عهد:هيييييح مفيش احلي من السرير برضو يا ولاد
حياه:يااه لو الواحد يفضل طول عمره عايش براحته بلا مذاكره بلا جامعه بلا قرف لازمتها ايه نفسي اعرف يعني مثلا لو ذاكرت اعصابي هتتعب ولو اعاصبي تعبت نفسيتي هتتدمر ولو نفسيتي اتدمرت جسمي هيتعب ولو جسمي تهب هموت معني كده ان المذاكره بتساوي موت يبقي حرام المذاكره طب والله ينفع اطلع وزيره تربيه وتعليم هقوم لاغيه كل مراحل التعليم ما عدا الابتدائي عشان برضو الجيل يعرف يقرا ويكتب ضميري ميسمحليش اطلع جيل جاهل ولا ايه رائيك انتي يا عهد...عهد
نظرت حياه لعهد وجدتها غطت في نوم عميق بسبب ارهاقها فضحكت عليها بشده ثم قامت بتغطيتها وتوجهت للخارج فقالت ورده:اومال فين عهد
حياه بضحك: نامت وانا بكلمها
غفران:عامله شبه الاطفال وكأنك بتحكيلها قصه قبل النوم والله
كانوا يجلسوا ثم وجدوا الباب يدق فتوجهت غفران للفتح فقالت:اتفضل يا ابيه
عبد.الله:ازيك يا غفران
غفران:الحمد لله اتفضل
عبد الله:عمي موجود
غفران:اه ثانيه هندهله
بعد ان جاء سليمان قال:تعالي يا عبده اتفضل
عبد الله:ربنا يديمك يا عمي معلشي كنت بس عايزك في حاجه لوحدنا
سليمان:طب تعالي اتفضل في اوضه الضيوف
عبد الله:اتفضل
وبالفعل دلفا للغرفه وقامت ورده بتحضير عصير لهم وبعد.ان خرجت قال عبد الله:بص يا عمي الصراحه عهد وتواب كانوا هيعملوا حادثه النهارده بس ربنا طلف
سليمان وهو ينهض يخضه: ايه ازاي
عبد الله:اهدي بس يا عمي هو والله خير هما مكنوش عيزين يقولوا عشان ميقلقوش حد وكمان هما لحقوا نفسهم يعني بس انا حبيت اقول لحضرتك مخصوص اكمن ان عهد كان اديها فيها كدمه وكانت محتاجه تتلف برباط وامي وشاهندا معرفوش ف انا يعني هو انا اللي ربطته بس والله كان ضروري يتربط ومكنش قصدي اني اعمله انا بنفسي
سليمان:يا عبده قبل ما تكمل كل ده يابني انا عارف اخلاقك ده انت تربيه اختي وابوك الله يرحمه واختك دي تربيتي انا عارف انت علي ايه ميصحش تيجي تقولي مكنش قصدي او كلام زي ده
عبد الله:ربنا يديمك يا عمي يارب انا بس بستأذن حضرتك متقولش لحد لان ده طلبهم ولا حتي تعرفهم اني قولتلك
سليمان:حاضر يابني متخفش
عبد الله:تسلم يا عمي يارب طيب عن اذنك انا بقي
سليمان:انت نازل عشان كده بس يابني اقعد شويه
عبد الله:لا معلشي عشان بس في شويه شغل اخلصهم لبكره
سليمان:تمام يابني ربنا يوفقك
عبد الله:يلا عن اذنك
وبعد ان خرج توجهه للخارج ثم قال فين عهد يا جماعه
غفران:نايمه يا بابا نامت وحياه بتكلمها
سليمان:تمام عن اذنكم هدخل اشوفها
ودخل بالفعل وجدها نائمه فاقترب منها ونظر ليدها وحينما حاول لمسها انزعجت في نومها فابعد يده وقام بتغطيتها جيدا ثم قام بتقبيل رأسها وخرج...
                  ...................................
وفي الصباح وجدت عهد من يقوم ياقاظها فوجدت انها حياه وحبيبه والاء وكانت كل من حبيبه والاء عيونهم مليئه بالدموع فقامت بخضه وقالت:ايه في ايه حصل حاجه ولكنا تحاملت علي يدها بالخطا فتالمت قليلا
الاء:انتي كويسه يا عهد صح حصلك حاجه
عهد:قولتلهم برضو يا حياه
حبيبه:احنا اتفقنا هنقول لبعض علي كل حاجه
الاء:بالله عليكي طمنيني انتي كويسه
عهد:اه والله هي يدوبك ايدي بس بتوجعني شويه
حبيبه:الف سلامه عليكي يا عهد
عهد:ربنا يديمكم ليا يارب
الاء:خدي بااك من نفسك عشان خاطري انتي غاليه علينا يا عهد
قامت عهد باحتضان الاء بحب وقالت:تسلمولي يارب
حبيبه:حافظييي علي نفسسسك مش هقولها تانييي
عهد:بقولك ايه الجيران اللي في البلكونه التانيه مسمعوش خدي ميكروفون وقوليلهم
ضحكت الفتيات بشده وسعدت عهد بزيارتهم تلك وجلسوا قليلا اطمئنوا علي عهد ثم توجهوا لمنازلهم  وكانت الاء تهتم بها طول الجلسه مما اثار غيره حياه وحبيبه واستمتاع عهد بالامر.......
                       ..................................
وها قد مرت الايام واصبح كل من تواب وعهد بصحه جيده بعد ان تعافت جروحهم كثيرا
كانت غفران تسير متوجهه لمنزلها ليلا بعد انتهاء احدي دروسها الي ان وجدت شخص يقوم بمعاكستها قائلا: يا مساء الرطوبه انتي سنجل ولا مخطوبه
لم ترد عليه ثم اكملت سيرها
فقاطعها  ذلك الشاب قائلا: ما تحن علينا ياجن ايه يا مزه رايحه فين كده ما تيجي
قاطع كلامه احد ما امسكه من ملابسه ثم قال: لا يا رووح امك ده انت اللي هتيجي اعلم علي خلقه اهلك
الشاب بوقاحه: في حاجه يا شبح هي الحته دي تلزمك
شهقت غفران بخجل
وغضب رامي بشده ثم نظر للشاب بابتسامه شر: عايز تعرف تلزمني ولا لا انا هعرفك ثم بوووم قام بلكمه في وجهه بقوه ادي الي وقوع الشاب علي الارض
الشاب: نهار ابوك اسود ده انا هعلم علي اللي خلفوك حالا ثم اخرج مطوه من جيبه فقالت غفران بخوف: حاااسب خد باالك
فرد عليها:امشي انتي واقفه ليه اصلا انتي متخلفه
قالت في نفسها:جتك القرف الحق عليا خايفه عليك
وحينما همت بالذهاب وجدت شاب اخر تبع الاول يقول لها بخبث:علي فين يا قمر هو دخول الحمام زي خروجه
غفران بخوف:يخربيت رزلتك يا اخي يا عم سبني امشي
رد عليها رامي بغضب وهو يمسك يد الشاب:انتي بتتناقشي يا متخلفه اهربي منه يا بنتي
حاولت الفرار كما قال لها ولكن الشاب امسكها بسرعه وحاول لمسها فقالت بخوف:اوعي ابعد عني الحقنييي يا رامييي
نظر لها بخوف عليها ثم غضب بشده عندما وجد الشاب يحاول الاقتراب منها فابعد الشاب عنه بقوه واخرج مسدس من جيبه وقال قسما بالله يا كلب منك ليه لو ما خفيتم من هنا لهخلي امك وابوك يترحموا عليكوا
الشاب وهو يمسكها واخرج سكينه و وجها لرقبتها ثم قال:ما احنا هنمشي بس بيها
وفجاه ضربته بقوه في ذقنه براسها فابتعد عنها بتألم
ثم توجهت له سريعا  تحتمي به وعندما هم الشابان بالاقتراب منهم قام بالضرب بالمسدس في الجو وقال:قربوا والله لحصركم علي نفسكم
ابعد الشابان بخوف فنظر لهم بانتصار وقال:حيوانات
قالت:شكرا ليك
رامي:العفو علي ايه بس انتي غبيه
غفران :افندم
رامي:مبعدتيش ليه من الاول
غفران:ملحقتش وكمان انت متهور
رامي:حسني ملافظك يابت انتي
غفران:اصل انت ماسك مسدس وكان ممكن تموتهم بجد وتدخل السجن
رامي بضحك: لا اصله صوت بس مفيهوش طلقات
نظرت له بصدمه وقالت:ياربي يعني لو كانوا مخفوش كان زمانا رحنا في الكازوزه
رامي بضحك: لا متخفيش دي عيال عبيطه عملين شبه الكلاب بتخاف من اي صوت عالي
قاطع كلامها صوت الشابان وقد رجعا وقال احدهم بشر:انا هوريك الكلاب بتعمل ايه وهعرفك ازاي تلعب بمسدس لعبه
رامي بخفوت:بتعرفي تجري
غفران بخوف:بعون الله
رامي:حلو يلا واحد
غفران:اتنين
رامي:تلااااته ثم قاما بالجري بسرعه وحاول الشابان امساكهم ولكن فلتوا منهم باعجوبه
غفران بينما تجري وتنهج:الله يخربييييييتك ويخربيييتك مسدسككك
هو بضحك هيستيري: اجرييييييي
وظلا يجريان الا ان ابتعدا عن عينهما قالت غفران باتهاك:من يوم ما شوفتك وانا بيحصلي مصايب حسبي الله ونعم الوكيل
رامي:ليه متكونيش انتي المصايب اصلا
غفران:اسكت كده شويه ثم وجدت بعض علامات الجروح في وجهه وقالت:انت كويس ايه حصل لوشك
تذكر رامي ضرب تواب له فقال:حاجه متخصكيش
غفران:احم بس انت كويس صح
رامي بابتسامه:متقلقيش كويس
غفران:طيب عن اذنك اروح شكرا ليك جدا
رامي:لا اتفضلي اوصلك محدش يدري ممكن يظهروا تاني
غفران بخوف:بتتكلم جد
رامي باستمتاع بخوفها:اه والله عشان كده هوصلك بس لحد البيت وامشي
غفران بحيره فهذا ليس صحيح علي الاطلاق:طب بص امشي انت الاول واسبقني وانا همشي وراك واقولك تروح من انهي طريق
رامي:طب ما امشي معاكي وخلاص
غفران:لا متاسفه ميصحش يا كده يا بلاش
رامي باحترام شديد لها واعجاب:انتي محترمه اوي يا غفران وبجد قمر جدا وطيبه
غفران بغضب:عن اذنك الظاهر حضرتك بتهزر
رامي:طب استني خلاص اسف والله مقصدش همشي اسبقك انا وانتي توجهيني
غفران:تمام اتفضل
وبالفعل سارت خلفه وظلت ترشده علي طريق منزلها الي ان وصلا فشكرته وصعدت لاعلي وظل هو مكانه وقال:اااه كنتي فين من زمان يا مفعوصه انتي ثم ذهب لمنزله حتي يستريح قليلا
في الاعلي بعد ان وصلت غفران الي شقتها دلفت الي غرفه عهد وقالت عايزه اقولك حاجه
عهد:بس الله الرحمن الرحيم في ايه يا زفته
غفران:عايزه احكيلك حاجه انتي و وليد
عهد:تمام نديله وتعالوا هنا
غفران:تمام ثم قامت بالتوجه لغرفه وليد وقامت بالدق عليها ودلفت وقامت بجره من يده وقالت تعالي معايا
وليد:في ايه يا مجنونه انتي
غفران:تعالي بس عايزه اقولك حاجه مع عهد
وليد:طب براحه
دلفوا لغرفه عهد واجلست وليد بجوار عهد وقالت:بصوا بقي...ثم حكت لهم كل ما حدث
فنظرت عهد لوليد وقالت: رائيك
وليد:الصراحه هو مغلطش في حاجه ولا انتي غلطتي في حاجه انا بحييكي علي فعلك دي يا غفران هاتي حضن بقي
قامت غفران باحتضانه بقوه وقالت حبيبي والله
عهد:انا عندي بس تعليق صغير
غفران:ايه هو
عهد:معاد.الدرس يتغير
غفران:كنت ناويه اعمل كده فعلا
عهد:جدعه والله هاتي بوسه
ضحك وليد عليها ثم قال استنوا كده ثم توجه لغرفته وقام باعطاء لكل واحده مجموعه شكولاته فاخره فقالت عهد:احلي وليد ده ولا ايه انت لسه علي وعدك يا وليد
وليد:طبعا يا قلب وليد مستحيل هخلفه
عهد:هات حضن انت كمان
ثم قامت باحتضانه بشده وقالت احلي اخ ربنا يديمك ليا
غفران:المهم:جهزتوا الحاجه الخروجه بعد بكره
عهد:يا ستي لسه بدري
وليد:قدامك اربعه وعشرين ساعه كاملين
عهد:علي العموم هتصل باصحابي دلوقتي واتفق معاهم وانتي كذلك يا رورو وانت يا دوده
وليد:هاتي الشوكولاته دي يابت
عهد بضحك: لا خلاص اسفه يلا روحوا بقي
ذهب كل من وليد وغفران لغرفتهم وقامت عهد بالاتصال بالفتيات وقالت احلي مسا
فردوا عليها:علي الناس الكويسه
عهد:ها حضرتوا حاجه لبعد بكره
فردوا في صوت واحد:لا
ضحكت عهد بشده وقالت: الحال من بعضه خلاص يبقي بكره نتفق علي كل حاجه ونخلي الشباب يحددوا مكان
الاء:اشطات
عهد:بقولكم يا بنات عيزاكم بكره تساعدوني اقنع غفران انها تلبس خمار
حبيبه:طب ليه متقوليلهاش لوحدك
عهد:مش عارفه من ساعه اخر مره بطلت احاول فساعوني يعني
حياه:خلاص تمام وكمان هلبس خمار زيكم
الاء:بجد يا حياه
حياه:اه والله اصلا كنت بفكر فيه من مده كده
عهد:ربنا يجعله في ميزان حسناتك يا قلبي
حياه:حبيبتي
عهد:يلا اقفلوا عشان هنام
ردوا عليها قائلين:باي يا مزه
بعد ان اغلقت عهد دقت غفران الباب ودخلت وقالت:هنام جنبك النهارده
عهد:اشطا تعالي
توجهت غفران بجانبها بالفعل ونامت في حضنها وقالت:تصبحي علي خير يا عهود
عهد:وانتي من اهل الجنه يا رورو...
وها قد نام الجميع علي امل اللقاء بصباح جميل ملئ بالتجهيزات والامل والاشراق...
                    ...................................
ازيكم يا حلوين عملين ايه يارب يكون البارت عجبكم عايزه رايكم بقي واتمني الاقي تفاعل حلو
انتظروني الفصل القادم باحداث مشوقه وجميله
💙love💙you💙