الرجوع (مستوحاه من قصه حقيقيه)

الفصل الرابع عشر

اهلا يا بنوتات عملين ايه وحشتونييي جاامد وطبعا بعتذر عن التاخير  جدا جدا حصلت ظروف  شخصيه عندي والله وبجد بعتذر جدا وان شاء الله تكون اخر مره
نبدا البارت... استمتعوا 🥰❤
                       ......................................
وقفنا لما حبيبه وعهد اتصدموا
حبيبه وعهد: مش معقووول!!!
الاء باستغراب: في ايه يا عهد
حياه ايضا: مالك يا حبيبه    
عهد بفرحه: بيبوووو حبيبتييي وحشتينيييييي
حبيبه وجرت علي عهد ثم قامت باحتضانها: عهووود حياتي كنتي فيين يا بنتي ازاي نبعض عن بعض كدا
عهد: مش عارفه والله يا بيبو بس بجد مبسوطه اوي اني لقيتك
حياه باستغراب: ايه ده هو انتوا تعرفوا بعض
عهد بفرحه: احب اعرفك يا حياه حبيبه اعز اصدقائي من ايام الثانوي بس للاسف بعدنا عن بعض في الكليه
الاء بضيق:   احم وانا اتركنت فجاه صح
عهد باستغراب: الاء انتي معرفتيهاش
حبيبه بضحك: استني انتي يا عهد
اقتربت حبيبه من الاء ثم قالت لها: ازيك يا لولو
الاء بضيق.: الحمد لله وبعدين ليه محسساني اننا قريبين من بعض كده عشان تقولي يا لولو عهد بس اللي تقولي كده
حبيبه بضحك:  ماشي يا انسه لؤي
الاء باستغراب: لؤي ثم وجهت نظرها لعهد وقالت لها: عهد فاكره مين اللي كانت بتقولي كده وكنت بدايق
عهد بضحك:  واهي قدامك اهي
نظرت الاء لحبيبه بصدمه واردفت: مش معقوول بيبوووووو ازاي معرفتكيييش
حبيبه وهي تحتضنها: عشان تعرفي انك جزمه عهد اجدع منك عرفتني علي طول
الاء بضحك:  ده انا ستين جزمه مش واحده بس  وحشتيني اوي يا حبيبه من زمان مشفتكيش
عهد وهي توجه كلامها لحياه: بصي يا حياه انا والاء وحبيبه كنا افضل تلت اصدقاء من الثانويه بس بسبب ان حبيبه دخلت مجال مختلف بعدنا عن بعض
حياه: اه عشان كده طب حلو اوي بقينا اربع اصدقاء كده
الاء: بالظبط كده
عهد: طب اقعدوا يلا.......
وبالفعل جلس اربعتهم وظلت كل من حبيبه وعهد والاء يحكون لحياه عندما كانوا معا وبعدها سالت حبيبه عهد قائله: يعني يا عهد اللي حياه حكته عن اللي حصل للبنت كانت انتي
عهد: ايوه يا حبيبه فاكره لما كنت اشتكي ليكي انتي والاء فبعد ما فضلت كاتمه في نفسي كتير حصل اللي حصل بقي
حبيبه: يا عهد مش قولنالك كتير متكتميش عشان ده غلط لا روحي عاتبيهم
عهد: خلاص بقي يا بيبو حصل اللي حصل
حبيبه:بت عارفه لو قلتي بيبو دي تاني هطلع عليكي القديم والجديد ده انا كنت ارتحت الفتره اللي فاتت
الاء:اركني علي جنب كده يا بيبو
حبيبه:طب بس يا لؤي
الاء باحراج:احم عيب يا عهد تقولي علي انسه حبيبه كده ضحك الجميع عليها
قالت عهد لحياه:حياه هي البنت اللي انتي قولتي عليها صحبتك ونصحتك كتير هي حبيبه صح
حياه:اه
حبيبه:فعلا يا عهد نصحتها كتير بس هي مكنتش بتسمع لي
حياه:خلاص بقي ندمت والله
الاء:اهم حاجه انها ندمت واتعلمن من غلطها
فقال ثلاثتهم:مظبوط
جلسن جميعهن يتحدثن ويمرحن.....
                  .......................................
ها قد حل الليل وكانت عهد تجلس بغرفتها تقرا روايه ما فدخلت عليها غفران وقالت:فاضيه يا دودو ولا وراكي حاجه
عهد:تعالي يا غفران
غفران:عايزه انام معاكي النهارده
عهد:تعالي يا حبيبتي انتي لسه هتستاذني
جرت عليها غفران ثم نامت بحضنها فقالت غفران:عهد
عهد:ايوه يا رورو
غفران:انتي مش زعلانه مني صح
تنهدت عهد ثم قالت بابتسامه:غفران انتي عارفه ان كل اللي كنت بنصحك بيه او مثلا اخليكي تبطليه خوف عليكي صح
غفران:صح بس والله يا عهد ما كان قصدي مش ببقي.قصدي ازعلك والله
عهد.:انا عارفه يا رورو عارفه ومش زعلانه والله بس اهم حاجه لما اقولك حاجه بعد.كده تسمعي الكلام اتفقنا
غفران بابتسامه:اتفقنا ثم قالت انا بحبك اوي يا عهد انتي احسن اخت عندي
عهد بحب:انا بقي بحبك علي انك بنتي ده انا اللي مربياكي
عندما همت غفران بالرد.وجدوا ان وليد دلف ثم قال:طبعا وانا اشهد بالتربيه دي ثم اكمل بمزاح بس تربيه غير موفقه خالص يا عهد
عهد بضحك:اه شكلي كده
غفران:يا سلام انتي وهو ده انا قمر
وليد:قمر بالستر يختي ثم اكمل موجها حديثه لعهد:عامله ايه النهارده يا عهود
عهد:الحمد لله يا وليد
وليد بارتباك:احم عهد هو انتي مش زعلانه مننا صح سمحتينا خلاص يعني
عهد:والله يا جماعه مسمحاكم احلف علي المصحف يعني
وليد:لا خلاص مصدقك ثم قال انتي قعده هنا ليه صحيح يا رورو
عهد:غفران هتنام معايا النهارده
وليد:خلاص تمام يلا تصبحوا علي خير
غفران وعهد.وانت من اهله
نظرت عهد لوليد بحزن حيث انه لم يحضر لها الشوكولاته كما وعدها لكنها نظرت بصدمه للحقيبه التي وضعت علي قدمها ثم نظرت لوليد باستغراب وقالت:ايه ده يا وليد
وليد بابتسامه حنونه:افتحي وشوفيها
فتحت عهد الحقيبه فوجدت العديد والعديد من الشوكولاته باختلاف انواعها نظرت له بصدمه وفرحه شديده ثم قالت:دي ليا
وليد:ايوه كلها ليكي يا قلبي انا منستش وعدي ليكي يا عهود وعمري ما انساه
وضعت عهد الحقيبه علي السرير ثم قامت باحتضان وليد بشده وقالت بتأثر:ربنا يديمك ليا يا وليد
وليد.وهو يحتضنها:ويديمك لينا يا احلي عهد
غفران:يا اخ انت نسيت واحده هنا
وليد:لا انتي مش مهمه مش لازم
غفران: يا نهااار يعني مجبتش ليا
وليد:لا الصراحه
غفران بحزن حاولت مداراته:احم طيب خلاص مش مهم يلا اطلع عشان هنام
ضحكت عهد بشده عندما غمز لها وليد فقالت غفران بحزن:بتضحكي علي ايه يا عهد
وليد:عليكي يا قلبي اصلي مستحيل ما اجبلكيش يا قلبي يا رورو ده انتي بنتنا
عهد:شوفتي مش انا لوحدي اللي معتبراكي بنتي
وليد.:لا طبعا والله انا بعتبركم كلكم بناتي حتي شوشو اينعم اكبر مني بس برضو بنتي وسامحوني يعني ان كنت قصرت معاكم وكنت اناني زمان
قامت كل من عهد وغفران باحتضانه وقالتا في نفس الوقت:انت احن اخ عندنا
كان كل من ورده وسليمان يقفون خارج الغرفه فقالت ورده بدموع:ربنا يحفظكم يا ولادي ويخليكم سند لبعض دايما ويتم حملك علي خير يا شاهندا يا بنتي
سليمان:احنا ربينا ولادنا كويس يا ورده اكيد هيحبوا بعض حتي شوفي عهد مع انها كانت زعلانه مننا بس  بسبب طيبه قلبها نست الموضوع
ورده:عهد.دي حنينه اوي
سليمان بحب:واخده حنيتك طبعا يا روحي
ورده بكثوف:احم ربنا يديمك ليا يا سليمان
سليمان:ويديمك ليا يا قلبي
ورده: مش ملاحظ حاجه
سليمان باستغراب: ايه
ورده:ان كلنا كنا بنقول ربنا يخليك بس عهد عودتنا علي ربنا يديمك
سليمان بضحك: اه تأثير الست عهد بقي لازم نسمع كلامها
ورده: معاك حق
سليمان:طب يلا ندخل اوضتنا ولا ايه
ورده:يلا يا حبيبي ...
وها قد خلد.الجميع في النوم بسعاده وفرحه لعوده جميله البيت سالمه ولكن هناك من لم يتمكن سلطان النوم منه .....
في منزل محمود كان الجميع نائم ولكن تواب بغرفته شارد بمن خطفت قلبه دون انذار
تواب:يخربيتك مطيره النوم من عيني مش عارف افكر الا فيكي انا بس عايز اعرف حبيتك امتي ده انتي خدتيني علي خوانه يا عهد والله يا سلام لو تكوني مراتي بقي وحلالي  عشان يكون ليا حق ابص في ملامحك براحتي فعلا الحب ملوش معاد ولا قانون يخربيتك يا تواب انت بتكلم نفسك الله يسامحك يا عهد خلتيني مجنون
تواب:اما انام بدل ما اتهبل احسن ....
ها قد خلد الجميع للنوم علي وعد مع السعاده باللقاء غدا....
                     ..............................
في صباح جديد مشرق ملئ بالتفاؤل استيقظ الجميع لبدأ يومهم في شقه سميحه جلس كل من عبد الله وشاهندا وسميحه ايضا علي الطاوله لتناول افطارهم فقالت شاهندا:اه يا عمتو الحمد لله انها سامحتنا فعلا عهد طيبه وتستاهل كل خير
عبد الله:عهد دي من صغرها وهي رقيقه اوي انا كنت بقول نفسي اما اخلف اجيب بنوته شبها اصلا هخليها هي اللي تربيها
شاهندا:يا سلام ومش نفسك في بنت شبهي
عبد الله بضحك: لا كفايه علينا مجنونه واحده
شاهندا:شايفه يا عمتو عشان اما ابقي اقتله متزعليش مني
سميحه بضحك:يخيبك يا شوشو يابت بيناكشك
عبد الله:اه والله يا شوشو ده انتي اللي في القلب
شاهندا:ايوه كده ناس مش بتيجي غير بالعين الحمرا
عبد الله وهو ممسك بشعرها بخفه:نعم يختي عين ايه مش كفايه الشوكولاته اللي جبهالك اخوكي وسكت عليها
شاهندا بمزاح:ايه يا عبده اهدي كده ده احنا بنهزر وبعدين ايه اخويا حبيبي وبيجبلي شوكولاته
عبد الله:حبك برص يا بت انتي وبعدين تطلبي مني انا علي فكره انا اللي حبيبك مش هو وانا اللي اجيب لمراتي امين يختي
سميحه بجديه:عبد الله نزل ايدك
عبد الله:لا تتربي الاول يا امي
سميحه:عبد الله لو منزلتش ايدك حالا انت حر انا مرتبكش تمد ايدك علي ست
عبد الله باصطناع الخوف:لا احم ولا تزعلي يا ست الكل سيبتها اهو اسفين يا شاهندا هانم
شاهندا بغرور مصطنع:خلاص عفونا عنك
عبد الله بنظره شر وصوت خافت:لينا اوضه يا جزمه
شاهندا:ايه بتهددني مسمعتش
عبد.الله بخوف:لا ابدا بقولك مش هتعوزي حاجه يا روحي وانا جاي
ضحكت سميحه بشده علي ابنها ثم غمزت لشاهندا وقالت بخفوت:اي خدمه
ارسلت لها شاهندا قبله وقالت:حبيبتي يا عمتو
عبد الله:طب استاذن انا من فقره العشق الممنوع دي مش هتعوزوا حاجه
قالت كل من شاهندا وسميحه:تسلم يارب
عبد.الله:يلا السلام عليكم
فردوا عليه قائلين:وعليكم السلام ورحمه الله وبركاته
بعد. ان غادر عبد. الله ارتمت شاهندا في حضن سميحه بضحك ثم قالت:  حبيبتي يا عمتو ربنا يديمك ليا وتفضلي نصفاني كده
سميحه: اي حاجه تعوزيها سبيها عليا وانا بعون الله هوريكي سميحه بقي
شاهندا: اوعي يا عمتو يا جامد
سميحه: لا بس خدتي بالك من غيرته عليكي
شاهندا بحب: اااه يا عمتو خدت عبده ده حبيبي بموت فيه ربنا يديمه ليا يارب
سميحه:امين يارب
                .................................
في منزل تواب نجد شروق تقف في المطبخ تعد.الطعام فسمعت صوت الهاتف يرن فتوجهت له فوجدت انها سميحه فقالت:ازيك يا سميحه يا حبيبتي عامله ايه
سميحه:الحمد لله يا قلبي بقولك ايه رايك تخلصي كده اكل وتيجي تقعدي معايا فوق
شروق:خلاص تمام يا سميحه هخلص علي طول اهو واطلع طب بالنسبه لورده هتقوليلها ولا اقولها انا
سميحه:لا ورده شاهندا هتنزل تجيبها هي وعهد
شروق:خلاص تمام يلا سلام يا قلبي.
سميحه:سلام
                 ....................................
في منزل عهد كانت تجلس بغرفتها تذاكر فوجدت شاهندا تدلف لها وقالت:يا صباح الفل علي احلي خالتو
عهد:يا احلي صباح يا احلي مامي عامله ايه يا شوشو
شاهندا:الحمد لله يا قلبي ها عامله ايه في المذاكره
عهد:الحمد لله كله تمام بس يبختك خلصتي بقي وقاعده براحتك
شاهندا :طب انا بس نفسي ارجع تاني ادرس والله دي كانت احلي ايام بدل غلب الجواز ده
عهد بغمزه:الجواز غلب برضو
شاهندا:بس يابت
عهد بضحك: خلاص ياستي اسفين
شاهندا:اومال فين غفران و وليد
عهد:غفران راحت المدرسه و وليد راح الكليه
شاهندا:وانتي موركيش كليه ولا ايه
عهد:لا فاضي النهارده
ضاهندا:طب حلو اوي انا اصلا نازله عشان اخدك انتي وماما نطلع نقعد فوق عند.عمتو
عهد:تمام تعالي اقعدي لحد ما ماما تخلص ونطلع سوا
شاهندا:اشطا
عهد:اشطا ولا زبده
رمت شاهندا عهد بمخده وقالت:بس يا ظريفه
عهد بضحك: انا عارفه ان دمي خفيف والله
عندما همت شاهندا بالرد وجدا هاتف عهد يرن فقالت دي الاء استني اما ارد:الو يا لولو ازيك عامله ايه
الاء:احنا قولنا ايه
عهد:اه اسفه نبدا من تاني..مسا مسا يا رؤوف
الاء بضحك:مسا مسا يا ابراهيم
عهد.:شويه متخلفين والله
الاء:حصل مقدرش انكر
شاهندا: سلميلي عليها
عهد:شاهندا بتسلم عليكي يا الاء
الاء:الله يسلمك ويسلمها يارب هاتيهالي
اعطت عهد الهاتف لشاهندا فقالت:ازيك يا عبيطه هانم
الاء:سبنالك العقل يختي طب والله العبط ده احلي حاجه وممتع كده
شاهندا بضحك:عجبني الانسان اللي عارف نفسه اوي
الاء:مرسي مرسي مش بحب اتكلم عن نفسي كتير
شاهندا:ماشي يا متواضعه هانم بقولك يا ستي
الاء:قولي
شاهندا:احنا هنتجمع النهارده في شقه عمتو ما تيجي
نظرت لها عهد بفرحه واومات براسها بمعني انها فعلت الصواب
فقالت الاء:والله مش عارفه ماما وبابا هيقولوا ايه
شاهندا:طب اساليهم كده وقوليلي
الاء:طب استني اما اشوفهم كده
شاهندا:معاكي اهو خدي وقتك
ذهبت الاء قليلا ثم عادت وقالت:الو شوشو
شاهندا:ها وفقوا
الاء:افتحيلي الباب واعمليلي نسكافيه علي ما اجي لو سمحتي
شاهندا:يا حبيبتي ده انتي تؤمري
الاء:اخجلتم تواضعنا
شاهندا:عهد.خدي البت دي كلميها بدل ما اخلص عليها
عهد بضحك: معاكي حق..الو يلا يا لولو اجهزي وروحي البسي
الاء:ماشي يا قمر يلا سلاموز
عهد:سلام يختي..
شاهندا:عسل اوي الاء بحبها جدا
عهد:وانا بموت فيها هي دي فيها اللي يتقال عليها صاحبه بجد
شاهندا:اه والله مشوفتيش كانت مموته نفسها من العياط دي كانت بتبصلنا وكانها هتموتنا اننا السبب
عهد:الاء كانت من ايام الثانوي بتخاف عليا وبتحبني جدا
شاهندا:ربنا يديمكم لبعض يارب
عهد:امين يارب..
                 ...................................
في مدرسه غفران كانت تجلس بالفصل مع شهد الي ان رن الجرس فتوجها للخارج في الساحه الخاصه بالمدرسه
كانت تقف مع شهد تحدثها:ايوه يابنتي والله زي ما بقو.....
شهد:تنحتي ليه يابت انتي يا زفته
كانت غفران تنظر لجهه رامي حيث وجدته يدلف للمدرسه وقالت:يخربيتك انت ورايا ورايا
شهد:هو مين ده يابنتي
غفران:العيل الغتت الي كان هيخبطني يا شهد
شهد:هو اللي هناك ده
غفران: اه
شهد بصدمه:نهاار اسووح انتي بتتكلمي جد ده اللي قعدتي تشتمي فيه
غفران:ما قولت اه يا زفته مالك
عندما همت شهد بالرد وجدا رامي يتوجه ناحيتهم فقالت غفران:ايه ده هو جاي نحيتنا
اردفت شهد بخفوت:ابعد ابعد يا زفت الله يخربيتك انت جاي ليه
وصل رامي اليهم ثم نظر لغفران بصدمه:هو انتي يابنتي مش بروح في حته الا لما بلاقيكي ورايا
غفران:يا سلام ده علي اساس انك مش انت اللي جاي المدرسه بتاعتي
رامي:الاميره ديانا يختي عشان تفتكري اني جايالك انا جاي لاختي
غفران باستغراب:هو انت ليك اخت هنا
رامي:اه ما....
شهد:غفران تعالي اما اوريلك حاجه ثم نظرت لرامي بتحذير واخذتها ورحلت فقالت غفران:ايه ده عيل سئيل بشكل مغرور معرفش علي ايه
سمعها رامي فقال:طب والله لوريكي السئيل ده هيعمل ايه
اخذت شهد غفران بعيدا فقالت الثانيه:يا شهد بتجري ليه اصبري بقي تعبتيني يخربيتك
شهد بارتباك:هاا لا لا ابدا مف مفيش
غفران:انتي مالك يا شهد
شهد:لا ابدا انا هروح التواليت بس وجايه
غفران:طب انا هسبقك علي الفصل مش قادره اقف
شهد:تمام
توجهت غفران للفصل وبينما كانت تسير وجدت من يسحبها فجاه ويكتم انفاسها اخذها رامي الي غرفه الحاسب نظرت له غفران بخوف وغضب
فقال رامي:اهدي بقي يخربيتك بقي انا عيل سئيل واما ازعلك دلوقتي بقي بس يلا المسامح كريم قوليلي بقي اسمك ايه يا قمر
لم تستطع غفران الكلام حيث كان ما زال يضع يده علي فمها
رامي:اه متاسف مخدتش بالي قولي بقي اسمك ايه
غفران بغضب:وانت مالك يا بجح انت اوعي انت جيبني هنا ليه
اقترب منها رامي قليلا ثم قال:ولو مبعدتش
غفران بخوف:علي فكره كده عيب وحرام ابعد لو سمحت
اقترب منها رامي اكثر حتي كادت ان تكون المسافه معدومه وقال:مش هبعد هوريكي انا بقي العيل السئيل بيعمل ايه
بدات غفران في البكاء ثم قالت:ابعد بالله عليك كده مينفعش حرام عشان خاطر ربنا ابعد اعتبرني اختك وابعد بقي ثم انجهشت في بكاء بسبب قربه ذلك وخوفها منه
نظر لها رامي بصدمه وحزن من نفسه لا يدري سببه ثم ابتعد سريعا وقال محاولا مداراه حزنه لبكائها فقال:ايه ده ده انتي طلعتي جبانه اهو اومال عملالي فيها هيرو ليه يابن...ولكن لم يكمل كلامه فجاه
حيث ان غفران قامت بصفعه علي وجهه وقالت بشراسه:لو قربت مني كده تاني هزعلك وجامد متخلقش لسه اللي يخوف غفران انت سامع
نظر لها رامي بصدمه وغضب شديد وقال بصوت عالي:انتي ايه اللي هببتييه ده انتي مجنوونه ده انا هدفنك هنا
بينما كانت شهد تبحث عن غفران او حتي رامي فقد اختفا فجاه ولكن سمعت صوته في غرفه الحاسب فتوجهت لها وعندما دلفت الي الداخل وجدت غفران تتحدث بغضب:انت قلييل الادب انك تقرب مني كده ولو كررتها تاني هديك نفس القلم ويمكن اكتر كمان
شهد: في ايه يا جماعه اهدوا كده في ايه يا غفران
غفران: الحيوان ده قرب مني جاامد وكل ما اقوله ابعد يقرب اكتر زي ما يكون بيفهم بالمشقلوب
كان رامي يريد الضحك علي منظرها وكلامها ولكن تملكت منه العصبيه  وعندما هم ان يقترب من غفران امسكت به شهد وقالت:انت هتعمل ايه انت كمان اهدي بقي
غفران:اوعي يا شهد دي بتمد ايدها والله لا ربيها
شهد:انت الغلطان علي فكره واهدي بقي كده
وقف رامي مكانه وقالت غفران بصدمه:شهد هو انتي تعرفيه منين
شهد بارتباك:احم رامي يبقي اخويا يا غفران
فرح رامي لمعرفه اسمها واعجب به فقال في نفسه:لا بس اسمها حلو برضو ولكنه افاق عندما وجهت غفران حديثها له وقالت بصدمه:يعني اخت اختك اللي كنت جاي عشانها هي شهد
نظر لها رامي باسهزاء:علي اساس الهانم مكنتش تعرف
غفران بصدمه ونظرت لشهد:يعني كنت كل ما اشتمه قدامك طلعت بشتم في اخوكي انتي
شهد:احم اه يا غفران بس والله ما كنت اعرف انك بتتكلمي علي رامي خصوصا انك مقولتيش اسمه الثلاثي
غفران بصدمه:انتي اسمك شهد.الغنيمي
شهد:ايوه
نظرت لهم بصدمه وفجاه فقدت الوعي
جرت عليها شهد واردفت ببكاء:غفران غفران فوقي اصحي بالله عليكي يخربيتك يا رامي انت هببت ايه تعالي ساعدني
نظر لها رامي بصدمه ثم قال في نفسه:ايه بنت المجانين دي ولكنه افاق عندما حدثته شهد فقال بعد ان توجه لها:طب اوعي اما اشيلها وريني في اوضه الممرضه
شهد:تعالي...
                  .................................
في شقه سميحه كان الجميع يجلس بعد ان جائت الاء وظلوا يمرحوا قليلا الا ان قالت شاهندا:عيزين نشغل اغنيه ونرقص يا بنات
الاء بخفوت:ينيلك عهد هتعمل منك بوفتيك
عهد:لا يا شاهندا بلاش بالله عليكي حرام
شاهندا:طب بصي اغنيه واحده بس نرقص ونفرفش وخلاص
عهد:يا شاهندا حرام
شاهندا:والله وحده بس
الاء بخفوت لها:خلاص يا عهد واحده بس عشان متزعلش يعني
عهد:خلاص تمام واحده بس عشان خاطر حبيب خالتو
شاهندا:ايوه بقي يا عهود يلا نشغل
وبالفعل شغلت شاهندا احدي الاغاني وبدات كل من شاهندا والاء في الرقص وتوجهت الاء لعهد وقالت قومي يا عهد ارقصي
عهد:انا مش بعرف ارقص مجربتش قبل كده.
شاهندا:طب قومي جربي
شروق:يلا يا دودو عيزين نشوفك وانتي بترقصي
قامت عهد بكثوف وبدات في الرقص و وجدت نفسها ترقص جيدا نظرت عهد للجميع وجدتهم مصدومين فوقفت باستغراب وقالت:في ايه يا جماعه
الاء بمزاح:يا توتسفانكلييييي
شاهندا واكملت:يالالالييييي
سميحه بصدمه:انتي متاكده انك مبتعرفيش ترقصي يا عهد
عهد بضحك: والله ما كنت اعرف انا اكتشفت اني بعرف ارقص شويه اهو
ورده:شويه ده انتي لو كنتي بتتعلمي الرقص من صغرك مش هترقصي بالروعه دي
ضحك الجميع علي كلام ورده فقالت الاء:لا ده احنا نتعلم منك بقي
عهد:اخرسي يابت
الاء:لازم اقول الكلام ده لحبيبه اللي كانت بتقول زمان عليكي مش بتعرفي تميلي بجنب حتي وحياه برضو هخليهم يتصدموا فيكي
عهد بضحك: حبيبه مش بعيد تموتني فيها
شروق: طب اقعدوا بقي يلا كفايه كده
عهد:معاكي حق والله
جلس الجميع وتحدثوا ثم قالت شروق:ايه رايكم نتجمع يوم الجمعه كلنا بدل اللي ضاعت نقل الجميع نظره الي عهد بخوف
فقالت عهد باستغراب وخوف من نظراتهم:في ايه يا جماعه بتبصولي كده ليه
سميحه مغيره الموضوع:ها لا ابدا مفيش سيبك
قالت عهد:طب مردتوش ليه علي كلام طنط شروق
شروق بخفوت:انا غبيه نسيت خالص ايه اللي حصل يوم الجمعه
ورده:ولا يهمك المهم بس تكون نست هي
عهد:ايه يا جماعه في ايه مالك سكتوا كده ومردتوش
الاء:احم هما خيفين عليكي يا عهد لتحصل حاجه تاني عشان كده مردوش
نظرت لها عهد بهدوء ثم ضحكت بشده مما ادي لاستغراب الجميع والخوف تملك منهم ايضا حيث ان ذلك ما حدث ايضا قبل انهيارها
ورده بقلق وخوف وامسكت بيد سميحه:بنتي يا سميحه
سميحه:اهدي هي كويسه
عهد بضحك: يا نهاار ابيض في ايه يا جماعه خيفين من ايه انتوا لسه منستوش انا كل شويه بنسي وانتوا اللي بتفكروني والله عادي علي فكره بل بالعكس انا موافقه علي الاقتراح جدا بدل اليوم اللي ضاع المره اللي فاتت
شاهندا:يعني يا عهد مش هتتعبي لما نتجمع تاني او يفكرك بانهيارك
عهد بضحك: لا والله ابدا انا قولت نسيت وسامحتكم
الاء:انتي برضو كنتي قولتي نسيتي يا عهد بس طلعتي كاتمه
عهد:بقولكوا ايه هتوافقوا علي اليوم ولا اقوم واسيبكم خالص
قال الجميع في نفس الوقت:لاا خلاص والله موافقين
نظرت لهم عهد بصدمه ثم انفجر الجميع في الضحك وقالت عهد:انا بجد بحبكم اوي والله
توجهوا جميعهم لاحتضان عهد وقالوا:ربنا يحفظك يارب
قالت عهد باختناق:هموت من الخنقه
ابتعد الجميع مره واحده فقالوا:لا مؤخذه
عهد:يبقي اتفقنا بس بدل ما نبقي عيله بس عندي اقتراح احسن ممكن يبقي  صعب نقنع بيه الرجاله
شاهندا:ايه هو
عهد:ان العيله تتجمع وكمان حياه وعيلتها والاء والدتها و والدها وتواب مثلا لو يجيب صاحبه وسامر كمان يجيب صاحبه بحيث تبقي لمه كلنا وحبيبه تيجي هي واخوها  ورقيه والشباب والرجاله في نحيه واحنا في نحيه
سميحه:هي والله فكره حلوه بس ولا واحده شقتها تكفي وكمان زي ما قولتي الرجاله صعب اقناعها
عهد:اولا مش هنعمل في شقه هنخرج بره في اي مكان زي جنينه وبالنسبه للرجاله سبوني انا اقنعهم تمام
سميحه:يبقي يا جماعه ارموا الاقناع علي عهد احنا نفكر المكان فين
عهد بصدمه:نععم هو انا هقنع لوحدي محدش هيساعدني
قال الجميع في وقت واحد:ايوه
عهد باصطناع البكاء: اهئ اهئ والله حرام
الاء بضحك:يا عيني عليكي يا بنتي
عهد:بس يا جزمه..طب كده انا هقنع بابا وعمو محمود وابيه عبد الله ووالدك يا الاء و والد حبيبه وكمان نقول لخالتوا تقول لجوزها
شروق:يبقي اتفقنا
شاهندا:لا فكره حلوه والله ودلوقتي قدامك يا عهد اسبوع تقنعي الرجاله
عهد وهي تقلد ياسمين عبد العزيز في فلم ابو شنب:انا طاقه يا فندم طاقه
ضحك الجميع عليها واستمروا في الحديث
                  ..................................
بينما في الاسفل دلف وليد الي المنزل وتقابل مع تواب فقال وليد:اهلا اهلا بابن عمي
تواب:دودي عامل ايه يا راجل
امسك وليد بملابس تواب بمزاح وقال:عارف ياض لو قلت دودي دي تاني هعمل فيك ايه والله هخلي الست الوالده تتحسر عليك
تواب بضحك: خلاص يا برنس احنا اسفين ده انا لسه صغنن ومدخلتش دنيا
وليد:هطلعك منها باذن الله قريب
عندما هم تواب بالرد قاطعه صوت هاتف وليد فوجد انها مدرسه غفران فقال بقلق:خير يارب..السلام عليكم
المديره الخاصه بالمدرسه:وعليكم السلام حضرتك وليد سليمان اخو غفران سليمان
وليد بقلق:ايوه انا خير
المديره:خير ان شاء الله بس غفران كان اغمي عليها اثر ان ضغطها وطي مره واحده ولما فاقت الممرضه قالت يستحسن تروح وترتاح فاتصلنا بحضرتك تيجي تاخدها
وليد بقلق:اييه طب هي كويسه ولا فيها حاجه
المديره:صدقني هي كويسه بس محتاجه راحه النهارده بس
وليد:طب تمام مسافه السكه وهكون وصلت
المديره:تمام
اغلق معها وليد وعندما هم بالخروج اوقفه تواب وقال:استني فهمني خير غفران كويسه
وليد:معرفش هروح اهو بس المدرسه بتقول اغمي عليها انا رايحلها اجيبها اهو
تواب:تمام يلا انا جاي معاك
وليد:هتتعطل يابني كده
تواب:ياعم خلص  مش وقت رغيك
وبالفعل ذهبا ليطمئنوا علي غفران..
بينما في مدرسه غفران كانت ممده علي سرير الخاص بعياده المدرسه فقالت شهد موجهه كلامها لغفران: الف سلامه عليكي يا غفران والله ما كنت اعرف انك بتتكلمي عن اخويا عشان خاطري متزعليش
غفران:ازعل من ايه يا عبيطه انتي ذنبك ايه انا بس احرجت اني بشتم فيه دايما قدامك وكمان الصدمه عملت مفعول
شهد بضحك: باين اه بس مكنتش اعرف انك شرسه كده يابنتي ده رامي هيشيط من ساعتها
غفران:يستاهل عشان يقرب مني تاني كان هاين عليا اديله اكتر معلشي بقي يا شهد انتي عارفه مش بحب حد يجي عليا
عندما همت شهد بالرد وجدوا رامي يدلف وقال:ومعلشي علي ايه بقي بعد ما شتمتيني واصلا انا لسه هعرفك علي القلم اللي ضربتهولي ده
غفران:شهد قولي لاخوكي يطلع بره انا مش ناقصه
رامي:مش طالع
غفران بصرييخ:اطلععع برررره يا مستفززز اطللع برره
تألمت غفران من وجع راسها وقالت:اه دماغي
رامي:شوفي اللي بيجي علي رامي
غفران بانهاك:شهد قوليله يطلع بره بالله عليكي دماغي هتموتني اه يا دماغي
رامي بقلق:احم انتي كويسه
غفران:ملكش دعوه واخرج بره بقي عيب كده علي فكره
رامي:طيب خارج هخرج من الجنه يعني
غفران بصريخ:برررره
وهنا دلف كل من تواب و وليد بسرعه علي صوت صريخها فقال وليد بقلق:غفران غفران انتي كويسه مالك يا قلبي
غفران:متقلقش يا وليد انا كويسه الضغط بس علي مره واحده
وليد:طب ايه حصل عشان يعلي
نظرت غفران بشر لرامي وقالت:لا ابدا شوفت بس حاجه مستفزه علي الفون ومنظرها كان مقرف
لاحظ تواب نظرات غفران لرامي
فقال:انتي متاكده يا غفران
غفران:ايوه والله يا ابيه كويسه
وليد:طب يلا نروح
غفران:ماشي
قام وليد بحمل غفران وتوجه خارج المدرسه بينما عادت شهد لفصلها وانتظر تواب قليلا وبعد ان توجه رامي خارج الغرفه ذهب ورائه تواب وامسكه من ملابسه وقال بغضب:عملت ايه لغفران انطق
رامي ببرود:وانا هعملها ايه يعني انا مالي بيها 
تواب:ايه اللي جابك جوا وانت ملكش علاقه بيها
رامي:وانت مالك
تواب بعصبيه:انطق يا رامي مش عايز ازعلك
رامي:هقولك عشان اخلص من زنك بس انا كنت جاي لاختي اللي كانت جوا وكانت واقفه مع غفران وهي اغمي عليها فشيلتها وديتها للممرضه
تواب:بعد.كده ايدك تلمسها هقطعهالك انت سامع
رامي:كنت اسيبها يعني
تواب:اه تسيبها واقعه ولا ان راجل خصوصا انت يلمسها سمعتني
نظر له رامي باستغراب بسبب غيرته تلك علي اهل بيته
فقال تواب:انت سمعت انا قولت ايه
ابعد رامي تواب عنه بقوه ونظر له دون ان يتكلم ثم رحل
تواب:يحرقك بجاز يا رامي اما اشوف وليد راح فين
خرج تواب من المدرسه وجد وليد جالس بالسياره منتظر تواب بعد ان وضع غفران بالكنبه الخلفيه لترتاح حتي يصلوا
فقال وليد:ساعه يا زفت عشان تيجي
تواب:معلشي كنت بعمل حاجه
وليد: طب اركب يلا عيزين نمشي عشان غفران نامت وترتاح في البيت بقي
تواب:اطلع يلا خلاص
بالفعل توجهوا للمنزل مره اخري وحمل وليد غفران فقد كانت ما زالت نائمه وتوجه للشقه بينما صعد تواب لشقته فوجد ان والدته ليست موجوده فعلم انها عند سميحه فتوجه لاعلي حتي يخبرهم بحاله غفران وعندما دق الباب فتحت له شروق وقالت:تواب انت جيت تعالي ادخل
دلف تواب للداخل ولكن وقف علي باب الغرفه ونظر للارض وقال وليد جه تحت ومعاه غفران يا مرات عمي
ورده باستغراب:غفران لسه مش معاد رجوعها دلوقتي
تواب:لا مهو غفران كان اغمي عليها في المدرسه ورحنا جبناها انا و وليد
انتفضت ورده وعهد وشاهندا  بخضه وقالت:ليه حصل ايه
تواب:متقلقيش هو بس الضغط وطي شويه
ورده:انا نازله اشوفها
سميحه:استني نزلين معاكي وبالفعل نزلت كل من سميحه وشروق والباقي الي تحت وعندما همت عهد باتباعهم تعركلت في الاحدي الكراسي وكادت ان تقع لولا ان لحقها تواب بسرعه وقال:حاسبي يا عهد
عهد:يا لهوي كان زمان وشي بقي عامل شبه توم وجيري
سمعها تواب وانفجر في الضحك وقال:لا متخفيش لحقتك اهو
عهد:احم شكرا عن اذنك انزل اطمن علي غفران
تواب:اتفضلي بالفعل نزلت خلفهم وعندما دلفت الي غرفه غفران كانت قد استيقظت فاتقربت منها وقالت:انتي كويسه يا غفران
غفران:والله يا جماعه كويسه الحمد لله محصلش حاجه
سميحه:ايه اللي حصل طيب
غفران:ابدا ضغطي وطي مره واحده واغمي عليا بس والله
شروق:طب الحمد لله
شاهندا والاء:حمد الله علي سلامتك يا قلبي
غفران:الله يسلمكم يارب
الاء:طب استاذن انا بقي يا جماعه عشان اتاخرت وبابا بيتصل
عهد:تعالي اما اوصلك يا الاء
وبالفعل اوصلت عهد الاء الي الاسفل وبعد ان اطمأن الجميع علي غفران وجاء سليمان وعلم بالامر ولكن طمانته عهد
بينما كانت الاء تسير الي منزلها اوقفها بعض الشباب وقالوا ايه يا مزه رايحه فين كده
الاء:في المواقف اللي زي دي بنقول كلمه واحد بس...سحقا
             ......................................
يا تري ايه هيحصل مع الاء
وعهد هتقنع الرجاله ازاي
وايه هيحصل يوم الجمعه كل ده هنعرفه البارت القامد باذن الله انتظروني
احبكم في الله ♥