الرجوع (مستوحاه من قصه حقيقيه)

الفصل الثامن

هلوووز  يا قمامير وحشتوني جدا جدا  🥰🥰🥰
            ......................................
في صباح جديد مشرق بالامل والتفاؤل نجد انه قد  استيقظ الجميع ليبدأوا يومهم..... في منزل تواب نجده يتناول الافطار مع والديه فقال محمود
محمود: ايه يا تواب مش وراك محاضرات النهارده ولا ايه
تواب: لا يا بابا ورايا بس متاخره
محمود: تمام المهم طمني عامل ايه المذاكره
تواب بمزاح : كله فل الفل ياحج لا تقلق
محمود: فل الفل يا بني ادم يا بيئه
تواب: يا بابا خلي البساط احمدي
شروق بضحك: انت يا واد بقيت غلباوي كده ليه
تواب بتمثيل الحزن: انا يا امي شكرا ياست الكل تشكري
شروق بضحك: ايوه ياواد مثل الزعل اوي
تواب باحراج: احم هو باين اوي كده
شروق:  اه الصراحه
محمود بمزاح: يا تواب يا حبيبي اللي ربي خير من اللي اشتري
تواب: اوبا انتوا هتتفقوا عليا ولا ايه بقي ده انا غلبان ياخونا
شروق: اه طبعا غلبان اوي
تواب: طب استاذن انا بقي
محمود:رايح فين مش قولت وراك محاضره متاخره
تواب:حصل بس انا طالع فوق
شروق:ايوه يا سيدي الشقه المخصصه ليك اللي بتنسي فيها نفسك
تواب:لا والله مش بنسي نفسي ولا حاجه بس هو بقعد فيها هادي وبيعجبني الجو
محمود:خلاص تمام يا حبيبي اطلع
وبالفعل صعد تواب ودلف لتلك الشقه الصغيره الي حد ما ولكنها مرتبه علي اكمل وجه جلس علي مقعد وقام بتشغيل القران الكريم بصوت هادي واخذ دفتره وقلمه وخط به احدي اقتباساته التي دائما ما يسجلها وهي "التفوّه بالهراء هو  الامتياز الوحيد الذي تمتلكه البشرية على الكائنات الحيّة الأخرى. فمن خلال الكلام الفارغ، يصل المرء إلى الحقيقة! أنا أقول كلامًا فارغًا، إذن أنا إنسان"
خط بتلك الكلمات ثم اغلق الدفتر وجلس يستمع الي القرآن ويردد ورائه كعادته المحببه له
اما عند بطلتنا  الجميله نجدها تجلس بغرفتها تتحدث مع صديقتها
عهد:هاا يا الاء قولتي لطنط وعمو علي يوم الجمعه
الاء بخوف:احم عهوده حبيبه قلبي
عهد بيأس'كالعاده نسيتي طبعا اعمل فيكي ايه
الاء:يوه بقي نسيت مكنش قصدي
عهد:عارفه انتي لو قدامي كنت جبت اجلك والله
الاء بضحك: طب الحمد لله اني مش قدامك
عهد:بجد يا الاء قوليلهم النهارده ضروري خلاص الجمعه بعد بكره ومينفعشي تاخري اكتر من كده
الاء:حاضر والله من عنيا
عهد:تسلمي يا قلبي انتي هتعملي ايه دلوقتي
الاء:مش عارفه حاسه بزهق خصوصا ان مفيش محاضرات النهارده
عهد:ايوه الجو زهق اوي
الاء:انا هروح دلوقتي بقي اكل واتفرج علي مسلسلي المفضل
عهد:روحي يختي ده اللي انتي فالحه فيه
الاء:تسلمي يا ذوق يلا مع السلامه
عهد:سلام
وبعد ان اغلقت معها جلست قليلا علي هاتفها ولكن لم نجد يا يثير اهتمامها لذلك اغلقته وتوجهت لاحدي الادراج واحضرت دفتر مذكراتها وخطت ما يلي "في إنتظار من يتقبلني بشكلي العادي الغير ملفت بالمره وروحي الباهته التي لا أمتلك سواها، من ينتظر قدومي أخر كل يوم ليسمع كل تفصيله من تفاصيل يومي شبهه الممل من غير أن يمل كل مره، من يكذب علي ويخبرني أن غدآ افضل لكي يهون علي مراره الايام، من لا يمل مني وقت ضيقي وهمي، في إنتظار من يجعلني إنسان مره اخري بعد فقدان الشغف والطاقه للحياه وفقدان نفسي."
وبعد ان خطت بتلك العبارات اغلقت الدفتر وتوجهت لوالدتها قائله: ماما انا هطلع اقعد مع عمتو وشاهندا شويه
ورده: ماشي يا عهد اطلعي
عهد: عن اذنك... وبالفعل قد كان توجهت لاعلي وحينما كانت تصعد وجدت صوت خطوات قادمه فنظرت لاعلي بفضول وعندما وجدت انه تواب اخفضت نظرها للاسفل وعندما راها تواب قال: السلام عليكم ازيك يا عهد
عهد باحراج: احم الحمد لله ازيك يا تواب
تواب: انتي طالعه لعمتو
عهد:اه صح