الرجوع (مستوحاه من قصه حقيقيه)

الفصل السادس عشر

يا مساء الجمال عملين ايه وحشني كتيير ❤❤
بينا نبدا البارت 😉
................................
ها قد بدا صباح يوم جديد مشرق وملئ بالحيويه وبالخطط ايضا لبعضهم..
في منزل سميحه كانت تتناول الافطار هي وكل من شاهندا وعبد الله
شاهندا بتساؤل:تفتكروا هيوافقوا
عبد الله:لا طبعا
شاهندا:افضل قفلها في وشي كده
سميحه:بس يا واد متقفلهاش في وشنا بقي
عبد الله بضحك: لا اله الا الله مش بوعيكم اصلها صعبه اوي الصراحه يعني وافقت بعد اقناع وكمان سهلت شويه عشان خاطركم انما عمامي مظنش
شاهندا:اسكت انت بس وهي هتتسهل احنا معتمدين علي عهد
عبد الله:اما نشوف هقوم انا بقي اروح الشغل عشان متاخرش مش عيزين حاجه
شاهندا وسميحه:سلامتك يارب
عبد الله:يلا السلام عليكم
ردا السلام وبعد ان ذهب توجهوا لتحضير الغداء حتي لا يتاخروا
بينما في شقه عهد كانوا يجلسوا جميعهم علي الافطار فقالت غفران:ايوه يا ماما هروح المدرسه متخفيش
ورده:يابنتي ارتاحي النهارده بس
غفران:يا ماما صدقيني انا كويسه
وليد:متخافيش يا ماما انا هاخدها اوصلها للمدرسه
عهد:طب كويس اجي في طريقكم بقي
وليد:تمام يلا بينا
عهد:مش عيزين حاجه
سليمان و ورده:سلامتك يا حبيبتي
بالفعل توجه ثلاثتهم الي مدرسه غفران لتوصيلها وبعدها توجه كل من وليد وعهد الي جامعتهم
في جامعه وليد عندما وصل وجد صديقه سامر منتظره
سامر:ايه يا عم الزفت اتاخرت ليه
وليد:صباح النور الحمد لله تمام
سامر:ظريف ياض اتاخرت ليه
وليد:كنت بوصل اخواتي ياعم
سامر:لا كده مقدرش اتكلم
وليد:شاطر تعجبني كده
سامر:يا عم اتنيل
وليد:اه صحيح افتكرت
سامر:خير
وليد:عندنا اقترحوا ان يوم الجمعه نتجمع كلنا في اي جنينه انا واصحابي اللي هو انت وتواب وكذلك يزن والعيله واصحاب اخواتي ابقي قول لاهلك وتعالي
سامر:والله فكره حلوه بس ابوك وافق
وليد:ما تحترم نفسك يا طور
سامر:ياعم مش قصدي اقصد الوالد
وليد:سيبين الموضوع علي اختي هتقنعهم كلهم
سامر:خلاص تمام باذن الله اجي......
بينما في كليه عهد كانت تقف هي والاء فقالت الاء:اه الحمد لله اقتنعوا بس بغلب القلب
عهد بضحك: يابت من جد وجد
الاء:اديني وجدت اهو بس احلي حاجه نتجمع كلنا كده
عهد:فعلا جت علي بالي من اول يوم جيت فيه من المستشفي
الاء: المهم اقنعتي باباكي او عمك
عهد باسف: لسه يدوبك اللي وافق وليد وابيه عبد الله عايزه بقي اما اروح اشوف تواب وعمو وبابا
الاء: عهد هو انتي ليه مش بتقولي لتواب ابيه
عهد: لانه قريب مني في السن وبعدين يعني انا اتعودت علي ابيه عبد الله بس وخصوصا انه جوز اختي
الاء بغمزه: طب والقلب يا قمر
عهد بعدم فهم: ماله
الاء: يابت يعني مفيش حاجه كده ولا كده مخباها
عهد بخجل: احم لا ابدا
الاء: بصي يختي قري لاني هعرف يعني هعرف
عهد: طيب اتكتمي هقولك هو بصراحه بحث براحه لما بشوفه وكمان ساعات بفكر فيه كده بس بشغل نفسي علي طول مش عارفه ليه عندي الشعور ده بس من ساعه ما جالي في الحلم في المستشفي وانا بحث بامان لما يكون موجود يعني لما حياه جتلي حسيت ان هو الوحيد اللي هيطمني
الاء: والعه معاكي يا عهود
عهد بخجل: بس يابت ده شعور غصب عني
الاء: عادي يا قلبي علي فكره الحب مش عيب
عهد: ايه حيلك حيلك حب ايه انا مش بحبه
الاء: لا بتحبيه اسمعي مني انا افهم اكتر منك
عهد بضحك: هو عافيه
الاء: اه عايزه البس سواريه بقي
عهد: غوري يابت من هنا
عندما همت الاء بالرد قاطعها صوت رنين هاتفها فوجدت انها حبيبه فردت: يا صباح الفل علي بيبو حبيبتي
حبيبه: هاتيلي حد كبير اتكلم معاه يابت
الاء بضحك: ليه ياسطا عملت ايه
حبيبه بقرف: جتك القرف سوقيه هاتيلي عهد يابت
الاء: وعرفتي منين بقي يختي انها معايا
حبيبه: قلب الام يابت
الاء: يا قلبي خدي يختي اولعوا في بعض
عهد بضحك: عالم حقوده الو ازيك يا بيبه عامله ايه
حبيبه: الحمد لله يا قلبي وحشاني ورينا
عهد: عايزه المفيد
حبيبه: بت حيوانه شبه الجزمه التانيه
عهد: يا ستي خلصي بقي وافقوا ولا لا
حبيبه بتصنع الحزن: للاسف يا عهد
عهد بحزن: موفقوش ليه طب اكلمهم انا
حبيبه: للاسف وافقوا
عهد ولم تنتبه: طب بصي هاجي انا والاء نق... نعم وافقوا
حبيبه بضحك:  اه والله
عهد: اه يا جزمه يا حيوانه حرام عليكي يا زفته خضتيني
حبيبه: اسفين يا صلاح
عهد: بجد وافقوا
حبيبه: اه والله طبعا بعد الحاح بس في الاخر وافقوا وكمان باسل اخويا هيجي عشان لو هتاخر وكمان قولتله يتعرف علي الشباب انما رقيه مش هتعرف لانها وراها امتحانات بتاعه اخر الترم
عهد: حلو اوي ونبقي نعوضها برقيه بعدين... بينما كانت عهد تتحدث معها رن هاتفها فاخذته الاء وجدت انها حياه فردت: ازيك يا حياه هانم
حياه: ايه ده مش ده فون عهد بتردي انتي ليه
الاء: انا وعهد واحد ملكيش فيه اخلصي
حياه: والله لعرفك يا جزمه هاتيهالي يابت
الاء: بتكلم حبيبه
حياه: اه اشطا المهم عشان ورايا محاضره قوليلها اني قولت لماما وهنيجي انا وهي وحور بس وبابا
الاء: اشطات حلو اوي
حياه: قبل ما اقفل عملتي ايه انتي وحبيبه
الاء: كله تمام يا كبير هنيجي
حياه: حلو اوي نتقابل بقي ونتفق يلا تيك كير يا قمر
الاء: باي يا حبي
عهد بعد ان انهت المحادثه مع حبيبه سالت الاء: مين يا لولو
الاء: دي حياه كانت بتقولك هتيجي هي وعيلتها يوم الجمعه يعني
عهد: حلو اوي اومال بتقولك ايه قولتلها انا وعهد واحد
الاء بغيره: ابدا يا ستي بتسالني ليه ماسكه فونك ومن ساعه ما اتصالحتوا عماله تاخدك مني
عهد بضحك: لولو انتي بتغيري عليا
الاء: بس بقي
عهد بحب: الاء
الاء بضيق: عايزه ايه من زفت
عهد بحب: اعرفي ان مفيش حد في غلاوتك عندي انتي اختي مش صاحبتي
الاء: ولا حتي حبيبه وحياه بس حبيبه برضو كانت معاكي دايما وحياه قريبتك وعاشت معاكي من وانتي صغيره
عهد:حبيبه افترقنا عن بعض مده وحياه برضو كذلك وبعدين انتي عارفه كل حاجه عني صدقيني انتي اهم عندي منهم
قامت الاء باحتضانها وقالت:انا بحبك اوي يا عهد مستحيل اخليكي تصاحبي غيري
عهد بضحك:الناس هتفهمنا غلط علي فكره
الاء بضحك: مش مهم يلا بقي مهي خربانه خربانه
عهد:اوعي يابت طهقتيني ويلا المحاضره بدات
الاء:احنا ايه دخلنا تعليم ماله الجواز
عهد:لا مالوش ولا حاجه امشي قدامي يا مصيبه حياتي
الاء:طب والله احلي مصيبه
عهد:انا ماشيه بدل ما اتشل
جرت ورائها الاء بينما تضحك:عهود استني يابت خلاص ..........
....................................
في كليه وليد كان يجلس مع سامر في الكافتريا بعد ان انتهت المحاضره ولاحظ وليد شرود سامر فقال:انت يا عم السرحان ايه يابني سرحان في ايه
سامر:في القمر
نظر وليد للسماء باستغراب ثم قال:قمر ايه يا اهطل الساعه 11 الضهر
سامر بشرود:القمر اللي من النوع ده بيظهر صبح وليل
وليد بصوت خافت:الواد اخد لسعه شمس ولا ايه نهار اسوح
وليد بصوت عالي بجوار اذن سامر:انتتتتت يا زفتتتتت
سامر بخضه:الله يحرقك يا غبي حد يخض حد كدده عاايز ايه
وليد:سرحان في ايه يا بتاع القمر
سامر:اااه يا وليد نفسي اقابلها تاني
وليد:هي مين
حكي له سامر ما حدث
فقال وليد باستغراب:نعم ياخويا يعني عجبتك من مره وسرحان فيها بالشكل ده من مره انت عبيط ياض
سامر:والله شكلي كده يا وليد بس بجد عايز اقابلها وهموت واعرف اسمها دي حته سكرايه كده
وليد:سامر حرام اللي بتقوله ده وغلط
سامر:يعم غصب عني بس بجد مش راضيه تروح من بالي
وليد:انت حالتك حاله قوم يا عم ندخل المحاضره بدل روميو وجولييت اللي عايش فيها دي
سامر:دي احلي من جولييت
وليد وهو يجره من ملابسه:يا عم انجز
...................................
في مدرسه غفران كانت تجلس بجوار شهد في الفصل فقالت شهد بخفوت:ما ارتحتيش ليه النهارده يابنتي
غفران ايضا بنفس وتيره الصوت:انا كويسه والله هغيب ليه
شهد:عيله فقر حد ميحبش يغيب من المدرسه
غفران:اه انا عندك مانع
شهد:اتكتمي بدل ما نطرد
وبعد ان انتهت الحصه توجهوا لخارج الفصل في فتره الراحه فقالت غفران بضحك:لا والله بس بجد اتصدمت انه اخوكي حاجه كده مكنتش علي البال وانا اللي عماله اشتم بقي ده الواحد ياما بياخد مقالب في حياته
شهد بضحك: لا وانا اللي كنت بشتم برضو ده حاجه اخر هبل
غفران:يلا اهو يوم وراح
شهد:حاسه انك بتقولي  اهو عيل غتت وحل عنا
غفران بضحك هيستيري: مش قادره يخرب عقلك بس الصراحه اه
شهد:عيب عليكي وبعدين خدي راحتك احنا واحد انا بشتمه برضه
غفران:لا بس برضه احترام الكبير واجب
قاطع شهد صوت اخيها قائلا وهو يوجه حديثه لغفران:امال مشوفتش احترام ليه امبارح
شهد باستغراب:رامي جيت ليه
رامي:عادي بطمن عليكي
شهد:غريبه مش عوايدك
رامي:ياستي عادي وبعدين اتعودي علي كده
غفران:هسبقك انا يا شوشو وابقي حصليني
رامي:ايه ده رايحه فين كده مش هتنكفيني زي كل مره
لم ترد عليه غفران احتراما لوعدها مع اهلها
استغرب رامي من ذلك ثم توجه لها سريعا و وقف امامها
شهد:رامي تعالي مينفعش اللي انت بتعمله ده
لم يستمع لها رامي ثم وقف امام غفران وقال:مش بكلمك مش بتردي ليه
توجهت شهد اليهم سريعا ثم قالت:رامي خلاص
غفران:لو سمحت ممكن اعدي
رامي:لا
غفران:عن اذنك عديني ميصحش كدا
استغرب رامي من هدوئها ذلك وقال:انتي تعبانه يا غفران ولا ايه فين غفران اللي مبترحمش وعندما هم بوضع يده علي جبهتها ابتعدت سريعا وقالت بغضب:علي فكره ميصحش اللي انت بتعمله ده
شهد:رامي قولت كفايه واتفضل امشي يلا
غفران:انا ماشيه يا شهد
رامي باستغراب بعد ان ذهبت:هي مالها يا شهد
شهد:ابدا مفيش كل اللي حصل ان حضرتك زودتها اوي
رامي:لا اقصد هي ليه هاديه كده
شهد:عشان هي محترمه يا رامي واهلها زعقولها جامد لما عرفوا انها اتخنقت بس فوعدتهم انها مش هتعمل كده تاني
رامي باعجاب باخلاقها:ما شاء الله لا عجبتني بت خليكي معاها دايما اوعي تسبيها
شهد:لا طبعا غفران دي زي اختي مش بس صاحبتي
رامي:طب يلا
شهد:يلا ايه
رامي:هاجي معاكي اعتذرلها
شهد:لا يا رامي مينفعش سيبها وخلاص
رامي:هعتذر والله وامشي علي طول يلا بقي متبقيش رخمه
شهد:يلا ما انا عارفاك مش هتسكت
بالفعل توجه رامي وشهد الي الفصل وعندما رأته غفران ادارت وجهها بهدوء فاقترب منها رامي وقال:احم غفران
همت غفران بالتوجه بعيدا عنه
فقال رامي سريعا:غفران انا بس عايز اعتذر وهمشي علي طول
نظرت له غفران باستغراب فقال:هو احم يعني بصي انا عارف اني زودتها في الهزار امبارح ومتاسف وبرضو متاسف علي اني حاولت المسك تاني النهارده ممكن تقبلي الاعتذار
نظرت له شهد بصدمه حيث ان اخيها قليلا ما يعتذر لاحدهم
نظرت له غفران بابتسامه خطفت قلب رامي ثم قالت بهدوء:تمام وانا قابله الاعتذار محصلش حاجه
سرح رامي في ابتسامتها وقال في نفسه:يخربيت دي مزه ايه الضحكه دي ده يريتني اعتذرت من زمان
افاق من شروده ثم قال:احم طب انا ماشي مش عايزه حاجه يا شوشو
شهد:لا تسلم يا رامي
رامي:انتي هتطلعي من المدرسه امتي
شهد:علي الساعه اتنين كده ليه
رامي:طب متمشيش هاجي اخدك
نظرت له شهد بصدمه ثم قالت:ها تمام ماشي ماشي يا رامي
ذهب رامي بالفعل وقالت شهد في نفسها: هو الواد ده حصله حاجه في مخه ولا ايه
بينما بجانبها كانت غفران شارده به فقالت:اااه مز ابن المزه ايه اللي بقوله ده يخربيت جماله لو مكنش غبي بس وبعدين ايه يا غفران مهو اعتذر اهو عايزه ايه تاني
نظرت شهد وغفران كل واحده بصدمه مما حدث لها ثم انفجرا في الضحك مره واحده مما اثار استغراب زميلاتهم....
......................................
في منزل عهد جلست قليلا مع والدتها بعد ان عادت من جامعتها ثم قالت:ماما هطلع اقعد مع عمتو شويه
ورده:اطلعي يا عهود ماشي
وبالفعل صعدت عهد وبينما كانت تصعد وجدت تواب ينزل من شقته وعندما همت باكمال الصعود وجدت قطه تأتي من اعلي بسرعه شديده فصرخت عهد:اااااع يا ماماااا وكادت ان تقع لولا ان لحقها تواب سريعا وضحك عليها بشده وقال:حاسبي.... حاسبي يا عهد هتقعي
احرجت عهد بشده ثم قالت بغضب طفيف:انت بتضحك علي ايه لو سمحت
تواب بضحك:اصل مفيش حد في سنك بيخاف من القطط
عهد بخجل:احم لا عادي فيه
تواب:مستحيل وبينما كان يتحدث وجد قطه اخري تجري من بين قدميه سريعا فقفز سريعا وقال بخضه:يخربيييتك قطط اييه اعتقوا
ضحكت عهد بشده عليه وقالت من بين ضحكها:لا واضح انه مستحيل
شرد تواب في ضحكتها ولكنه افاق عندما وجدها تنظر له ثم قال:احم لا دي الخضه بس
ابتسمت له عهد ثم قالت:تمام عن اذنك
تواب:اتفضلي
صعدت عهد لاعلي بينما اكمل تواب نزوله للخارج فقال:يعني انا كنت متحمل حبي ليكي بهدوء جيتي جننتيني بضحكتك دي حرام عليكي قلبي ياااه امتي بقي هتقدم اه ما انا هتقدم يعني هتقدم......
صعدت عهد لاعلي ثم قامت بالدق علي الباب ففتحت لها سميحه فقالت عهد بمزاح:يا مساء الجمدان علي احلي عمتو
سميحه:يا مساء الفل يا قلب عمتو تعالي ادخلي
عهد:عارفه يا عمتو بستغرب اوي من اللي بيقولوا ان العمه دايما بتكون حربايه مشفوكيش طبعا
شاهندا:اه والله يا عهود معاكي حق
سميحه:واله انتوا عيال بكاشه
عهد:لا طبعا بنتكلم جد
شاهندا:صحيح يا عهد عملتي ايه
سميحه:اه اقنعتي حد
عهد:لا لسه بس انا ناويه علي خطه
شاهندا:ايه هي
عهد:ناويه اقنع عمو محمود وتواب الاول واخلي عمو محمود.اللي يقنع بابا عشان لو قلت انا لبابا هتبقي صعبه شويه
سميحه:فكره حلوه برضو يبقي النهارده لما محمود يجي من الشغل بليل بقي تنزليله وتقنعيه
عهد:اشطات
شاهندا:اقولك علي حاجه
عهد:ايه
شاهندا:انا مش متفائل
عهد:اقولك انا حاجه
شاهندا:ايه
عهد بضحك:ولا انا
سميحه:والله انتوا عيال جزم غويين نكد ادعوا بس يوافقوا
شاهندا وعهد في نفس الوقت:ياااااارب
ضحك ثلاثتهم ثم قالت عهد:اخبار حبيب خالتوا ايه
شاهندا:حبيب خالتوا زي الفل ومستني يجي عشان خالتوا هي اللي تربيه
عهد:متاكده اني انا اللي هربيه
شاهندا:لا رجعت في كلامي خلاص
عهد: انتي كده صح
سميحه:صحيح يا شوشو هتجيبي ليس للبيبي امتي
شاهندا:مش عارفه يا عمتو والله هو عبد الله قالي هيشوف يوم ويجي معايا
عهد:كنت عايزه انزل معاكي انا
شاهندا:طب فيها ايه ما تيجي معانا
عهد باحراج:لا عشان ابيه ميضايقش
سميحه:اخص عليكي يا عهد متقوليش كده بالعكس هيفرح
شاهندا:اه والله حتي هو قالي لو عوزتي تجيبي غفران وعهد هاتيهم معاكي
عهد:برضو عشان يكون علي راحته معاكي
سميحه:بطلي هبل يا عهد انتي اخته انا خلاص قررت تروحي
عهد:يا عمتو بس اسمعيني
سميحه:ولا كلمه هتروحي انتي وغفران لو عايزه تيجي
عهد:خلاص تمام مقدرش اكسرلك كلمه طبعا
وجلسوا قليلا ثم نزلت عهد لاسفل لتتجهز في الليل حتي تستيطع اقناع عمها بالاتفاق...
وها قد حضر الليل وعرفت عهد بوجود تواب وعمها في شقتهم فتوجهت لوالدتها ثم قالت: ماما
عهد:انا هطلع بقي عشان اقول لعمو محمود واخليه ينزل يقنع بابا
ورده بضحك:ربنا معاكي احنا معتمدين عليكي 
عهد:لا تقلقي يا سيدتي فساكون عند حسن حظك بالتاكيد
ورده:اما نشوف شطارتك
عهد:يلا باي بقي
صعدت عهد بالفعل واخذت معها غفران ثم قامت بالدق علي باب شقه عمها ففتح لها تواب وعندما راته فلتت منها ابتسامه حينما تذكرت ما حدث علي السلم
تواب:اتفضلي يا عهد تعالي يا غفران
عهد بعد ان دارت ابتسامتها:احم عمو وطنط هنا
تواب:اه جوا اتفضلي
غفران:ازيك يا ابيه تواب
تواب:الحمد لله يا غفران تعالي ادخلي
بالفعل دخل كل من عهد وغفران
عهد بحياء:السلام عليكم
محمود وشروق:وعليكم السلام تعالي يا عهود ادخلي تعالي يا غفران
عهد:ازيك يا عمو عامل ايه
محمود:الحمد لله يا حبيبتي ايه مش بتظهري ليه كده
عهد:الجامعه بقي يا عمو انت عارف شكلي مش هكمل تعليم والله
غفران:وانا معاكي ما منهاش فايده اصلا
شروق بضحك: كنا بنعمل زيكم كده واحنا صغيرين ونفضل نقول ايه لازمته وتعبنا
عهد:حصل وبيتكرر تاني اهو الدراسه دي شبه الكابوس والله
غفران:اتفق
تواب:وانا كمان
عهد:انا قررت قرار
شروق:ايه هو
عهد بغرور مصطنع:هعمل ثوره ضد التعليم
ضحك الجميع عليها بشده وقال محمود:كل ده عشان سالت مختفيه ليه الدراسه مزعلاكي اوي كده يا عهد
عهد:بقولك ايه يا عمو
محمود:قولي
عهد:ما تاخد بابا وابيه عبد الله وتواب وتروحوا لمؤسس الجامعه وتموتوه يكش نخلص
تواب:سلاحي جوا اهو انا مستعد
غفران:خدوني بقي اشجعكم انا
شروق بضحك: يخيبك يا عهد ضحكتيني والله
عهد وقد اقتربت من شروق:ها ايه الحوار
شروق:مفتحتش حاجه مليش دعوه انتي اصطفلي معاه
عهد بتمثيل الحزن:كده يا طنط بتبيعيني
شروق:بقرش ساغ
عهد:حصلك ايه يا مصر
ضحكت شروق قليلا
فقال محمود:بتتوشوشوا في ايه
عهد بجديه مصطنعه:بص يا عمي احنا جيين نطلب ايد بنتك
محمود وهو يضربها علي راسها:بنتي ايه يا جزمه
غفران وقد اندمجت معها:ايوه يا عمي انا بحب بنت حضرتك وعايز ادخل البيت من بابه
تواب وقد اخذ دور اخو العروسه:والله وانا يا بابا موافق اختي مش هتلاقي عريس مناسب زي استاذ غفران
محمود:وانا مش موافق معنديش بنات للجواز
عهد:يبقي يلا يا غفران يابني نمشي
شروق:اقعدي يا زفته انتي وهي وخلصوا يلا
عهد:احم احم
محمود:من الاخر
عهد:طب صلي علي النبي بقي يا عمو
ردد الجميع الصلاه علي النبي
فقالت عهد بجديه:حضرتك احنا كنا اقترحنا اننا يوم الجمعه نعمل لمه لينا كلنا
قلق تواب عليها وايضا محمود فقال الاخر:وانتي معندكيش اعتراض يا عهد
عهد:ابدا والله
محمود:اكيد
عهد:صدقني والله
محمود:موافق
عهد:لا مهو لسه الكلام مخلصش
محمود باستغراب:كملي سامعك
عهد:انا اقترحت ان بدل ما تكون عيله بس نخلي تواب يجيب صحابه و وليد وابيه عبد الله وكذلك انا وغفران وشوشو نجيب صحابنا البنات
تواب ومحمود في نفس الوقت:لا طبعا
نظرت لهم عهد بصدمه من رده فعلهم
مالت عليها غفران ثم قالت:شكلها هتبقي المهمه المستحيله
عهد:استني بس
عهد موجهه حديثها لمحمود:ليه يا عمو بس
محمود:كده عشان ميصحش وكمان في بنات انتوا مش هتاخدوا راحتكم وكمان الشباب كذلك
تواب:ده صحيح وكمان يا عهد هيتلموا هنا فين
عهد:لا مهو مش هيبقي هنا هنخرج كلنا في جنينه وبعدين والله يا عمو هنخلي الشباب في مكان والبنات في مكان
محمود:مينفعش يا عهد غلط
عهد:يا عمو عشان خاطري والله كله هيبقي تمام وافق انت بس
تواب:مينفعش يا عهد خالص المفروض متحوليش تقنعينا اصلا
عهد:بالله عليك والله هنبقي بعاد عن بعض
محمود:يا سلام ولو حصل لحد فيكم حاجه
غفران:مش هنبقي بعاد عن بعض لدرجه كبيره اننا نبقي قدام نظركم بس برضو مش ظاهرين بحيث ناخد راحتنا
غفران:ها قولتوا ايه
محمود:مش داخله دماغي
شروق:يا حبيبي مش هيحصل حاجه كلنا هنبقي موجودين يعني انا وسميحه و ورده والبنات ويمكن اهل اصحابهم
وانتوا بقي الرجاله بعيد عننا شويه
عهد برجاء:عشان خاطري يا عمو وافق
محمود:انت رايك ايه يا تواب
نظر تواب لعهد وجد بعينها نظره رجاء بالا يرفض فقال باستسلام:هقول ايه موافق هي فكره مش وحشه الصراحه
نظرت له عهد بسعاده ثم قالت:شكرا
تواب بابتسامه حب لم تلحظها ولكن هناك من لحظها
تواب:العفو
غفران:ها وانت يا عمو قلت ايه نظر لهم محمود قليلا ثم نظر لشروق التي اومات براسها علامه القبول فابتسم لهم ثم قال:خلاص موافق معنديش مانع بس مفيش اختلاط
ارتمت كل من عهد وغفران عليه وقامتا بتقبيله وقالت عهد:احلي عمو ده ولا ايه
محمود بضحك: خلاص ابعدوا عني بنات مصلحجيه
عهد:الضرورات بقي يا عمو
ضحك عليها كل من تواب ومحمود وشروق
وقالت غفران:نيجي للمهمه التانيه
محمود:اللي هي
عهد:عيزين بقي حضرتك كده تنزل تقنع بابا
محمود:ااه ده انتوا لو هتتقلبوا قرد مستحيل
عهد:كده يا عمو
محمود:كده ونص
غفران:يا عمو بابا بيقتنع بكلامك انت مش هتغلب معاه اصل لو احنا مش هيوافق
عهد:هو اه بقي بيسمع لينا بس في دي هنتؤاد زي ايام الجاهليه
محمود:والله يبقي معاه حق
عهد:عمو محمود
محمود:يا نعم
عهد بعصبيه طفوليه:مليش دعوه انت اللي هتقوله وهتخليه يوافق يلا قوم بقي متاخرناش ورانا جامعه الصبح
محمود بصدمه:انتي بتؤمريني
ضحك علي منظره كل من غفران وشروق وتواب
عهد باحراج:احم لا طبعا انا اسفه والله ما اقصد بس بالله عليك قوم بقي
محمود:لا كفايه اني وفقت
عهد:يعني مش هتقوم تقوبه
محمود:لا
عهد:طب تنزل انت يا تواب
تواب:لااا الف شكر انا عندي الغضروف
جلست عهد بحزن قليلا تفكر ما الذي سوف تفعله
نظر لها محمود بابتسامه فنظرت له عهد قليلا وقالت بخفوت:اكيد مش هتنزل
ضحك محمود قليلا ثم مد يده لها وقال:قومي تعالي اما نقنعه
ابتسمت عهد بابتسامه ثم قامت باحتضانه بشده وقالت:شكرا يا عمو
محمود وهو يحتضنها:علي ايه ده انتي طلبك واجب التنفيذ
غفران:الحقي يا طنط عمو محمود بيدلع غيرك
شروق بضحكه شريره:سبيه يا حبيبتي هيطلع عليه كله
ابعد محمود عهد عنه بخوف مصطنع ثم قال:ابعدي عني انا راجل متجوز
ضحكوا عليه بشده ثم قالت عهد:طب يلا ننزل
محمود:يلا
بالفعل نزل كل منهم الي اسفل ليروا ما النتيجه...
..................................
في منزل لم نذهب له من قبل وهو منزل شهد
كانت تجلس بغرفتها تدرس الي ان دلف عليها رامي فقالت:في حاجه يا رامي
رامي:اه...لا..انتي بتعملي ايه
شهد:اه ولا لا وبعدين بذاكر
رامي:خلاص فكك انا ماشي
شهد:رامي تعال عايز ايه
جلس رامي علي فراشها ثم قال:هو انتي تعرفي غفران من امتي
شهد:من تالته اعدادي علي ما اعتقد هو بدايه تعارفنا في تالته اعدادي وبدات الصداقه اوي في اولي ثانوي
رامي:واننوا دلوقتي في تالته ثانوي يعني يعتبر اربع سنين
شهد:فعلا بس بتسال ليه
رامي:لا ابدا
شهد:انت معجب بيها
رامي بصدمه:نعم لا طبعا اعجب بدي هي اه صحبتك بس مش دي يعني اللي اعجب بيها
شهد بابتسامه خبيثه:رامي
رامي بتنهيده:اه الصراحه
شهد:بس هي صغيره عنك يا رامي
رامي بحزن:ما انا عارف وده اللي مخوفني وكمان معرفش ايه يخليها تحب واحد زي
شهد باستغراب:واحد زيك يعني ايه
رامي:يعني واحد فاشل مبيعملش حاجه كل حياته عن المتعه وخلاص مش بيتحمل المسؤوليه وهي ما شاء الله محترمه واخلاقها حلوه ايه يخليها تبصلي
اقتربت منه شهد بابتسامه ثم جلست بجواره وقالت:عارف يا رامي انا اه اصغر منك بس دايما ببقي فهماك انت من جواك حلو ونقي بس معرفش ايه اللي سطلك كده حتي لما كنت مهمل في علاقتك بيا يعني لا بتسالني عامله ايه عايزه حاجه اه كنت بزعل بس كنت واثقه ان هيجي اليوم اللي ترجع في لطبيعتك وبعدين انت اخلاقك حلوه يمكن مغرور شويه
رامي:قولي شويتين
شهد بضحك: لا هما شويه وصغيرين وكمان انت طيب اوي يا رامي بس بتحاول تداري ده مش عايز تبين لحد انك حلو حتي ممكن يوصل انك تجرح حد عشان تقوله انا مش طيب بس مستحيل تاذيه
رامي:تفتكري بجد انا كويس
شهد:صدقني والله انت بس خلي الطيبه اللي في قلبك تنطلق ومتتحكمش فيها
رامي:انا اسف
شهد:علي ايه
رامي:اني كنت اخ غبي ليكي ومكنتش قريب منك
شهد:ولا يهمك ياسطا اديك رجعتلي
رامي:اسطا جتك القرف غوري يريتني ما جيتلك
شهد بضحك: خلاص خلاص المهم قولي حبيتها ازاي او اعجبت بيها
رامي:معرفش والله امتي او ازاي بس بقيت بفكر فيها كتير مش بتغيب عن بالي تعرفي كنت بحب اناكفها عشان تطول في الكلام واقف معاها بس لما قولتي انها محترمه واهلها زعقولها ندمت وحسيت اني قليل بالنسبلها وعدت حسباتي كلها
شهد:حلو انك رجعت قبل ما تندم
رامي:انا عايز اتقدملها
شهد بصدمه:نععععععم
رامي:ايه يا جزمه في ايه
شهد:تتقدم لمين يا بابا دي صغيره
رامي:بتكلم جد
شهد:مينفعش يا رامي اولا لسه.صغيره وثانيا اظن هتبقي صعبه بعد اللي عملته معاها في المدرسه ان اهلها يوافقوا
رامي بصدمه:هما عرفوا
شهد:ايوه
رامي وقد اراح جسمه علي الفراش:الجوازه باظت كده
شهد بضحك: يا ضنايا
رامي:اخرسي شويه ها
شهد:حاضر اهو
رامي:بس والله ما هتكون لغيري هستناها لحد ما تخلص مدرسه وهتقدملها
شهد:لا راجل تصدق عجبتني
رامي:اومال انتي فكراني ايه يا حبيبتي
شهد:رامي قوم قوم الله لا يسيئك انا واحده صاحبه مرض
رامي بضحك: خلاص قايم اهو متزقيش
شهد:شد الباب في ايدك
توجه رامي الي الباب ثم عاد مره اخري وقام بتقبيل راسها وقال:ربنا يديمك ليا
شهد بحب:حبيبي والله
رامي:يلا اسيبك تكملي مذاكره
بالفعل خرج رامي وقالت شهد في نفسها:يا حظك يا غفران يوم ما تتحبي تتحبي من اخويا الاهطل ده ده ربنا يكون في عونك لازم بقي ابدا احببهم في بعض جدعه يابت يا شوشو الله علي دماغك اما اكمل مذاكره......
...................................
في شقه سليمان كان يجلس وامامه محمود وعهد وغفران يجلسون بصمت فقال سليمان:في ايه يا جماعه مالكم
غفران وعهد في نفس الوقت:عمو عايز يقولك حاجه
محمود وهو ينظر لهم بشر:اه يا جزم بتسلموني تسليم اهالي
سليمان:خير يا محمود
محمود:هو يعني والله ما عارف ابدا ازاي الله يسامحك يا عهد
عهد:يلا بقي يا عمو
سليمان:هتفهموني ولا هفضل زي الاطرش في الزفه كده
محمود:لا هنقول اسمع....قال له محمود كل ما قالته عهد
فضحك سليمان وقال:دمك خفيف والله يامحمود ياخويا
غفران بخفوت لعهد:انا بقول الجري نص الجدعنه
عهد بتمثيل القوه:اسد يلا في ايه
غفران:اه ما ابوكي هيورينا الاسد.حالا
محمود:سليمان
سليمان:نعم
محمود بجديه:انا بتكلم جد مش بهزر
عهد:لا عجبني عمك تصدقي
سليمان:انتوا بتهرجوا ولا ايه مستحيل اوافق
محمود:والسبب
سليمان باستغراب:انت بتسال عن السبب ليه هو انت موافق
محمود:ايوه مفيهاش مشكله طالما مش هيكون في اختلاط
سليمان:لا طبعا ميصحش وحرام
محمود:ليه هو كل ولد هياخد بنت علي جنب ويقعد يحب فيها وانا مش واخد بالي
احرجت كل من عهد وغفران من كلام محمود وقالت غفران:احنا منظرنا زباله اوي مش ملاحظه
عهد:اعمل نفسك ميت
سليمان:مش القصد بس مينغعش يا محمود
عهد:يا بابا عشان خاطري والله هتبقي حلوه
سليمان:عهد يا حبيبتي انا عارف انك بتحبي اللمه والخروجات بس مش بالتفتح ده
غفران:مفيش تفتح يا بابا والله هو كلنا هنبقي عرفين بعض معادا اخو حبيبه بس وكمان اهاليهم ممكن يجوا
سليمان:برضو مش مقتنع
محمود:ما احنا موجودين يا سليمان
سليمان:احنا هنراقبهم ولا هنريح مع نفسنا احنا ريحين عشان ايه
عهد:يا بابا يا حبيبي هو انتوا هتبقوا في جنب تهزروا براحتكم واحنا في جنب بس برضوا ادام عنيكم وانتوا برضوا تعرفوا تاخدوا بالكم مننا
سليمان:وبالنسبه للشباب اللي هيكونوا في الجنينه
غفران:ما احنا هنختار اقل الجناين بيبقي فيها ناس
سليمان:مش عارف اصلا مش عارف ازاي جتلك الفكره يا عهد اتوقعها من غفران الهبله دي لكن منك غريبه
غفران:حبيبي يا حاج تسلم
سليمان:بس يا جزمه
غفران:حاضر
ضحكت عهد بخفه ثم قالت: صدقني يا بابا هتبقي حلوه وبعدين لو فيها طبعا حرام مستحيل كانت تيجي علي بالي ولا انت ايه رايك
محمود:هو يوم يا سليمان ومش هيحصل فيه حاجه احنا هنروح نريح اعصابنا فيه ونقضي وقت حلو
سليمان:طب ليه ميكونش العيله بس
عهد:لا عيزين نغير بحيث الشباب يتعرفوا علي بعض واحنا كبنات نبقي كلنا موجودين
غفران:هو يا جماعه بابا موافق اكيد انا كلمتي متخيبش
سليمان:طب مش موافق بقي
غفران:تخيب والله تخيب بس وافق
ضحك سليمان عليها ثم تنهد قليلا فقال محمود:ها قولت ايه
سليمان:قولت لا اله الا الله
عهد:يبقي علي بركه الله كده كله موافق
سليمان:هو انا قلت موافق يا جزمه انتي
عهد:ويكأننا سمعناها يا بابا متركزش انت بس
سليمان:ماشي يا عهد موافق عشان خاطرك انتي بس صدقيني لو حسيت باي غلط في المشوار هاخدكم ونمشي
عهد:وقتها هيبقي براحتك
محمود:صدقني ده برضو اللي كنت هعمله
سليمان:حد وافق علي الفكره دي
عهد:كلهم وافقوا
سليمان:يعني انا اخر من يعلم
غفران:لا طبعا انت التقيل فسيبينك للكبيره من عظمتك والله
سليمان:حد يشيل المتخلفه دي من قدامي
محمود:قومي انتي هتجبيله السكر
ضحك جميعهم وفرحت عهد بشده فاخيرا نجحت خطتتها وفكرتها ستنفز فهي من عشاق التجمع الاسري حيث يكون ملئ بالمحبه والمرح
جلسوا قليلا ثم صعد محمود الي شقته وتوجه كل منهم للنوم وبعد ان صلت عهد وقرات وردها اليومي امسكت هاتفها بسبب صوت رساله من شخص ما وعندما فتحت الرساله وجدت ما جعلها في صدمه شديده وقالت:لا لا مستحييل.......
............................................
يا تري ايه اللي حصل وشافته عهد
هل هيتجمعوا فعلا يوم الجمعه ولا هيحصل حاجه تشقلب الدنيا
يا تري رامي هيفضل علي وعده انه هيستني غفران وسامر هيقابل الاء ولا ايه الحكايه
كل ده هنعرفه الفصل القادم باذن الله
واتنني تفاعل يا حلوين
I purple you💜💜💜