الرجوع (مستوحاه من قصه حقيقيه)

الفصل الثالث عشر

اهلا يا حبايبي عملين ايه وحشني كتير والله ❤🌺
يلا بقي نبدا البارت استمتعوا...
............................................
وقفنا البارت اللي فات  علي خبر الطبيب
نظر الطبيب لهم بصمت ثم اردف بابتسامه:الحمد لله يا جماعه المريضه فاقت
نظروا له جميعا بصدمه يصطحبها الفرحه وقالت ورده:بجد بجد يا دكتور بنتي فاقت صح هي جوه مفتحه صح
نظر لها الطبيب بابتسامه:ايوه فايقه الحمد لله حمد لله علي سلامتها
فقالت ورده:طب عايزه ادخلها
الطبيب:احنا دلوقتي بس هنكشف عليها نتاكد من سلامتها وننقلها اوضه عاديه وبعدين تقدروا تشوفوها..عن اذنكم
بالفعل كشف عليها الطبيب وعلي مؤشراتها الحيويه ومن بعدها تم نقل عهد الي غرقه عاديه
كانت ورده تحتضن عهد بشده وتبكي ثم اردفت من بين بكائها:حمد الله علي سلامتك يا بنتي حمد الله علي سلامتك يا ضي عيوني كده تقلقيني عليكي يا عهد انا اسفه لكل حاجه عملتها يابنتي سامحيني يا عهد
كانت عهد تحتضنها بضعف ثم ربتت علي ظهرها باطمئنان فنظرت لها ورده بحب وقالت:سامحيني يا عهد اني مكنتش الام اللي تتمنيها انا اسفه يا حبيبتي
نظرت لها عهد بابتسامه ثم قالت بوهن:مسامحاكي يا ماما انا بحبك والله ومسمحاكي
قام سليمان باحتضانها بشده مما جعلها تتالم قليلا ثم اردف:حمد الله علي سلامتك يا حبيبتي انتي نواره البيت يا عهد اوعي تعملي كده تاني احنا كلنا بنحبك
قطبت عهد جبينها بحزن قليلا وعندما لاحظها تواب اردف سريعا حتي لا تفكر في الامر ثانيه:حمد الله علي سلامتك يا عهد
نظرت له عهد بشرود قليلا وهي تتذكر ما حلمت به فهمي لا تدري ان كان وجوده واقع ام لا ثم ابتسمت بلطف وقالت:الله يسلمك يا تواب
اردف تواب بمزاح قليلا موجها الكلام لعمه:الحمد لله يا عمي عهد بقت كويسه اهي وكمان يا مرات عمي يعني كفايه عياط عشان قربنا نخلص علي مناديل مصر كلها
ابتسمت عهد علي مزاحه بينما اردف سليمان:بس يا جزمه اسكت انا غلطان اني خليتك تبات معايا اصلا
تواب:حبيبي يا عمي تسلم
ضحكت عهد عليهم بشده ثم تنهدت بتعب وعندما همت ورده بقول شئ وجدوا من يفتح باب الغرفه بقوه مما ادي الي ارتطامها بشده وكان ذلك كل من وليد وغفران توجه لها وليد بسرعه ثم قام باحتضانها واردف قائلا:عهد ابوس ايدك سامحيني انا طلعت غبي اوي انا متاسف اني مكونتش السند ليكي عشان خاطري سامحينا كلنا
وعندما وجد انها لا ترد عليه ابتعد قليلا فنظر لها فوجد انها تنظر له بصمت فاردف بخوف:عهد ردي عليا انا بجد متاسف ليكي وحياه اغلي حاجه عندك سامحيني
نظرت له عهد قليلا ثم وجدت انها تنقل نظرها تلقائيا الي تواب وكانها تطلب رايه فوجدته يحثها علي مسامحته فعادت بنظرها الي وليد واردفت بابتسامه:مسامحاك بس بشرط
فقال بسرعه ولهفه:اللي انتي تؤمري بيه بس بالله عليكي تسامحيني ومتزعليش مني
قالت عهد بمرح:تجبلي شوكولاته كل يوم
فقال وليد وهو يحتضنها:انتي تؤمري يا حبيبتي وانا انفذ يا اغلي ما عندنا
اردفت عهد بمرح:اوعي بقي يا عم فرهدتني
ابتعد عنها وليد قليلا ولكنه لم يتركها ثم قام بتقبيل راسها واردف بحب:شكرا ليكي يا عهد
بعد ان ابتعد عنها نظرت عهد وجدت ان غفران تبكي بشده في جنب وتنظر للاسفل فقالت عهد بمرح:طب يا ماما الظاهر كده ان غفران مش ناويه تقولي حمد الله علي سلامتك اكمل انا بقي غيبوبه صح
ورده:بعد الشر عليكي يا حبيبتي
نظرت لها غفران بخجل فقالت عهد بحب: تعالي يا غفران
اقتربت غفران منها ثم قالت ببكاء:انتي زعلانه مني صح والله يا عهد انا اسفه متزعليش مني عشان خاطر ربنا
نظرت لها عهد بحب ثم قالت:طب بس تعالي في حضني طيب
ارتمت غفران في احضان عهد ثم انخرطت في البكاء واردفت:انا اغبي اخت عشان زعلتك مني انا متاسفه يا عهد اوي بالله عليكي سامحيني ومتزعليش مني
عهد:بس يا عبيطه هو حد يزعل من روحه انتي روحي يابت
قالت غفران بسعاده:ربنا يخليكي ليا
عهد:تاني يا غفران يخليكي برضو
غفران بمزاح وهي تمسح دموعها:اسفه اسفه ربنا يديمك ليا يارب
كانت عهد تنظر لهم ثم قالت باستغراب:فين شاهندا وابيه عبد الله
عندما همت غفران بالرد عليها وجدوا من يفتح الباب سريعا
فقال تواب: ده ما بقاش باب وربنا
دلفت شاهندا وعبد الله نظرت شاهندا لعهد قليلا ثم نزلت دموعها وقالت:عهد وحشتيني يا قلبي حمد الله علي سلامتك يا احلي عهد في حياتي
ثم قامت باحتضانها بشده فقالت عهد:الله يسلمك يا شاهندا يا حبيبتي
قالت شاهندا برجاء:مسمحاني صح انتي قلبك طيب وهتسمحينا
عهد بمزاح:حلو اوي فكره انك تبقي مهم عند حد ما كنت تعبت من زمان بقي
فقال الجميع في وقت واحد:عهد اسكتي
نظرت لهم عهد باستغراب ثم انفجرت في الضحك ثم قالت:ايه يا جماعه بهزر
قال عبد الله:يابنتي احنا ما صدقنا فوقتي وعموما الف حمد الله علي سلامتك يا عهد دوختينا السبع دوخات والله
عهد بمزاح ويصطحبه الخجل:الله يسلمك يا ابيه
شاهندا وهي تمسك يد عهد وتضعها علي بطنها ثم قالت:انا هبقي ام يا عهد
نظرت لها عهد بعدم تصديق ثم قالت:انتي بتتكلمي جد
شاهندا:اه والله انا حامل
فرحت عهد بشده ثم قامت باحتضان شاهندا ثم قالت:لا ده انا اسامحك مخصوص عشانه او عشانها بقي الف مبروك يا شوشو هتبقي احلي ام يا قلبي
شاهندا بفرحه:الىه يبارك فيكي يارب احنا بقي قررنا حاجه حلوه
عهد:ايه هي
شاهندا:انك انتي اللي هتسمي النونو
عهد بعدم تصديق ونظرت للجميع ثم قالت:ده بجد
فاومأ لها الجميع بابتسامه فابتسمت بشده ثم نظرت لشاهندا بفرحه وقالت وقد نقلت بصرها لبطن شاهندا:لو بنت هسميها ترتيل ولو ولد هسميه فارس
نظر لها الجميع باعجاب بالاسم فقال عبد الله:ذوقك جميل اوي يا عهد يبقي اتفقنا والله ما هسميهم غير كده
عهد بفرحه:تسلم يا ابيه ثم اكملت قائله:كويس والله اني تعبت كده عشان افرح زي دلوقتي وكمان اعرف غلاوتي عندكم
وجدت عهد من يرد عليها:انتي غلاوتك كبيره اوي يا قلبي
نظرت عهد باستغراب فوجدت انها صديقتها ورفيقتها الاء فقالت عهد بفرحه:الاء حبيبتي وحشتيني
جرت عليها الاء ثم قامت باحتضانها واردفت:حمد الله علي سلامتك يا قلبي متعمليش فيا كده تاني يا حيوانه كنت هموت من القلق عليكي
قالت عهد:الله يسلمك يا الاء وحشاني اوي
قالت الاء بحب:متعرفيش كنت حاسه بوحده ازاي من غيرك
عندما همت عهد بالرد وجدت وليد يقاطعها قائلا وهو بنظر ل الاء:عرفنا ان الوحيده اللي قولتيلها علي زعلك مننا هي صحبتك مش احنا
نظرت له عهد ثم وجهت نظرها ل الاء بحب واردفت:لان الاء دي مش بس صحبتي لا هي انا عارفه عني كل حاجه انا بالنسبالها كتاب مفتوح
قامت الاء باحتضانها بشده وقالت: قولتلك قبل كده انك خدتي قلبي
عهد بضحك: اه كتير الصراحه
الاء:ماشي هقولك تاني
كان الجميع جالس حتي وجدوا الطبيب يستأذن بالدخول وعندما تفاجئ من عدد الاشخاص الذين بالغرفه فقال:يا جماعه غلط التجمع ده دي المريضه لسه فايقه النهارده
فقال عبد الله بضحك: متأسفين يا دكتور والله بس في حاجه كمان
فقال الطبيب باستغراب:حاجه ايه
فقال تواب بضحك: بص وراك
نظر الطبيب ورائه فوجد ان كل من شروق وسميحه ومحمود وكوثر وزوجها وبناتها يقفون ورائه
فقال باندهاش:بسم الله ما شاء الله اللهم صلي علي النبي
فضحك الجميع عليه بشده وانضم لهم الطبيب
ثم اردف قائلا:هو انا مقدر انكم لازم تبقوا موجودين بس فعلا غلط علي المريضه لان يعتبر هي لسه في فتره نقاهه
انا هروح امر علي الكشوفات علي ما تخلصوا ترحيب ببعض
وبالفعل خرج الطبيب وتوجهت كل من شروق وسميحه وكوثر لعهد فقالوا:حمد الله علي سلامتك يا عهد يا حبيبتي
فقالت عهد:الله يسلمكم يارب
سميحه:بقي انا يا عهد مكونش اول واحده تشتكيلها
قالت الاء بمزاح:ايه يا طنط مش مكفيه هنا ولا ايه
فقالت سميحه:اسكتي يابت دلوقتي
ضحكت عهد علي منظر الاء ثم قالت موجه الكلام لسميحه:ابدا يا عمتو والله ده لولاكي كان زماني انهارت اكتر من كده بس واسود كمان بس يعني مكنتش عايزه اشغل بالك بيا
قالت سميحه بحزن:اخص عليكي يا عهد ده انتي بنتي
عهد بحب:تسلميلي يارب يا عمتو
نظرت عهد خلف سميحه فوجدت حور وحياه اقترب منها حور وقالت:الف حمد الله علي سلامتك يا عهود يا قلبي
قالت عهد بحب:الله يسلمك يا قلبي
نظرت عهد لحياه فتفاجأت بوجودها فقد انقطعت علاقتها بها منذ زمن وقد تذكرت عهد انها سبب ما فعلته في صغرها وانها السبب بخوفها من غضب الله عليها حتي الان فبدات دموعها تهطل مما افزع الكل وجعل حياه تنظر للارض بخزي وحزن فقالت شاهندا:عهد عهد مالك يا حبيبتي بتعيطي ليه
لم ترد عليها عهد فاقترب تواب قليلا وقال بخوف:عهد انتي بخير اهدي يا عهد كله هيبقي كويس
نظرت له عهد ثم قالت ببكاء ودون وعي :انا خايفه يا تواب خايفه اوي ثم انخطرت في بكاء مرير فقام وليد باحتضانها بشده وقال:اهدي يا عهد مالك يا قلبي خايفه من ايه
كانت عهد تبكي بشده في حضنه وهي تتمسك بملابسه
ذهب عبد الله لاحضار الطبيب سريعا وبالفعل عاد ومعه الطبيب فاقترب الطبيب وقال:ايه اللي حصل يا جماعه ثم وجه كلامه لعهد فاردف:عهد اهدي يا عهد انتي كويسه كده غلط عليكي هتتعبي تاني عهد مالك
لم ترد عهد وظلت تبكي بشده وبدا جسدها في الانتفاض مما افزع الجميع عليها وبدات حياه في البكاء ايضا فقال الطبيب موجها كلامه للممرضه:حضريلي حقنه مهدء بسرعه
فقالت الاء بخوف:عهد حبيبتي مالك اهدي الله يخليكي
قام الطبيب باعطائها حقنه المهدء فبدات عهد تهدا بالفعل وذهبت في سبات عميق فقال الطبيب:هو ايه اللي وصلها للحاله دي
قال سليمان:منعرفش يا دكتور هي  كانت كويسه بعدين شافت حياه سرحت شويه وقعدت تعيط وتقول خايفه
قال الطبيب باستفهام:مين حياه
قالت حياه بحزن:انا
قال الطبيب:طب ممكن تشرفيني في مكتبي خمس دقايق
حياه:تمام مفيش مشكله
قال الطبيب:عن اذنكم يا جماعه عايز الانسه خمس دقايق لوحدها
فقال وليد:بس ده مينفعشي يا دكتور
الطبيب:خلاص اتفضل معانا بس تقعد بره وانا هسيب الباب مفتوح برضو لان في حاجه عايز استفسر عنها
وليد:تمام مفيش مشكله
بالفعل توجه الطبيب ومعه كل من حياه و وليد دلف الطبيب وحياه الي الغرفه بينما انتظر وليد بالخارج ولكنه جلس علي مقعد بامكانه رويتهم به
في الداخل قال الطبيب: اتفضلي اقعدي
جلست حياه فسالها الطبيب:احب بس اعرف ايه علاقتك بعهد
حياه بحزن:بنت خالتها
فقال الطبيب:تعرفي ليه لما شافتك انتي بالذات انهارت كده مع العلم انها كانت كويسه جدا
حياه بحزن:ايوه اعرف وحقها تعمل كده
فقال الطبيب:طب ليه
حياه بحزن:لان واحنا صغيرين كنا صحاب اوي اوي وكنا مع بعض علي طول بس حصل حاجه خلتنا نبعد عن بعض نهائي وكرهتني بسببها
الطبيب بتساؤل:ايه هيا
حياه بتهيده:يفضل بلاش اقول لان هي كمان مش هتحب حد يعرف
الطبيب:تمام مفيش مشكله هو انتوا ماقابلتوش من مده مش كده
حياه:ايوه
الطبيب:تمام هي هتفوق كمان تلت ساعات بسبب المهدء فيفضل متخليهاش تشوفك علي الاقل لحد ما تشفي نهائي
حياه بحزن:حاضر يا دكتور عن اذنك
الطبيب:اتفضلي
خرجت حياه فقام وليد وقال:خلاص
حياه ولم تنظر له:ايوه
وليد:تمام اتفضلي نرجع ولا ايه
حياه:تمام يلا
ذهبت حياه ووليد الي غرفه عهد فدلف الي الداخل ولكن طلبت منه حياه ان يقول لحور انها تنتظرها بالخارج
خرجت لها حوروقالت باستغراب:مدخلتيش ليه يا حياه
حياه بحزن:عايزه اقعد هنا شويه بس اقعدي معايا
حور:ماشي بس انتي كويسه
حياه:اه يا حور مفيش حاجه متخفيش خرجت كل من غفران وشاهندا ومعهم تواب وعبد الله للخارج وبقي بالداخل ورده وسليمان وسميحه وانتظر البقيه بالخارج
فقال وليد:انا هروح اجيب اكل للكل تعالي معايا يا غفران
غفران:تمام يلا
بالفعل ذهبوا لاحضار الطعام وفي الطريق قالت غفران:عايزه عهد تخف وترجع معانا
وليد:ان شاء الله ترجع يا نونو ادعي انتي بس
غفران بامل:باذن الله احنا كنا متخلفين اوي
وليد:يابنتي راعي اني اكبر منك او حتي ابوكي وامك
غفران:ياعم اسكت ما احنا كنا غلطانين في حقها فعلا
وليد:عندك حق برضو بس طلعت احسن مننا كلنا ربنا يديمها لينا يارب
غفران:تفتكر ايه اللي خلاها تعيط يا وليد
وليد:مش عارف يا غفران بس لاول مره احس اني اكون زعلان علي حد.او خايف اوي كده
غفران:فعلا عارف يا وليد
وليد.:ايه
غفران:انا بحبك اوي انت اه مكنتش بتهتم بيا او تقعد معايا بس طول عمري بحبك وبفتخر انك اخويا حتي عهد متاكده انها بتحبك انت احسن اخ لينا ربنا يديمك لينا
نظر وليد لها باستغراب فكيف تقول له انها تفتخر به بعد ان كان لا يهتم بهم نهائيا نظر لها قليلا ثم قام بتقبيل راسها بحب وقال:ربنا يديمكم ليا انتي وعهد وشاهندا وبابا وماما
غفران:يارب يلا بقي عشان هنتاخر عليهم
وليد:يلا
بعد ان عادوا اليهم بالطعام وتناول الجميع انتظروا حتي تفيق عهد ويطمئنوا عليها
وبالفعل بعد مرور ثلاث ساعات افاقت وقام الطبيب بالكشف عليها واطمئن الجميع ايضا فقال الطبيب:اتمني بقي ترتاحي شويه غلط عليكي الزعل والارهاق النفسي ده ولو مشيتي علي كده في خلال يومين ممكن ترجعي لبيتكم
قالت عهد بوهن:ان شاء الله يا دكتور بس ممكن اطلب طلب
فقال الطبيب:اتفضلي طبعا
عهد:عايزه حياه تيجي هنا ويريت انا وهي بس
الطبيب:لا بلاش انتي مش حمل اي حاجه استني لما ترجعوا بيتكم تكوني هديتي واتعافيتي نهائي واتكلموا براحتكم
عهد برجاء:من فضلك يا دكتور انا الحمد لله تمام انا بس اتصدمت لما شوفتها لكن دلوقتي عايزه بجد اقعد معاها
نظر لها الطبيب بتفكير قليلا ثم قال:ماشي بس اي ضغط نفسي تطلع علي طول
عهد:باذن الله مش هيحصل حاجه
الطبيب:تمام...خرج الطبيب لهم وقال:هي الحمد لله احسن بس عايزه الانسه حياه تدخلها لوحدها
نظرت له حياه بفزع وخوف فقال:اتفضلي هي اللي طلبت ومتاكده من طلبها
نظرت له بخوف قليلا ثم دخلت
بينما كانت الاء تنظر لها وهي تدلف ثم قالت في نفسها:يريت يا عهد تصفي كل حاجه عشان تعرفي تكملي وتعيشي حياتك صح بقي
بعد ان دلفت حياه للداخل واغلقت الباب ظلت واقفه بجواره تفرك يدها بخوف وغير قادره ان تنظر لعهد
فقالت عهد:تعالي يا حياه اقعدي متفضليش وقفه كده
تنهدت حياه ثم اقتربت وجلست علي مقعد بجوار السرير فقالت عهد:مش بتبصيلي ليه يا حياه
انخرطت حياه في بكاء مرير مما فاجأ عهد ثم قالت:لان مليش عين ابصلك يا عهد انتي من حقك تولعي فيا لاني السبب في خوفك دلوقتي انا بجد اسفه
عهد باستغراب:يعني انتي عارفه انا خايفه ليه ومن ايه
حياه ببكاء:ايوه يا عهد انتي خايفه من ربنا خايفه يكون غضبان عليكي وانا السبب في كل ده
نظرت لها عهد بصدمه ولم تنطق فعندما طال صمتها رفعت حياه راسها وقالت:انا اه بعدت عنك بقالي مده بس متنسيش ان احنا كنا علي طول مع بعض من صغرنا لمده13سنه بس حصل اللي حصل انا بجد اسفه يا عهد اوي
نظرت لها عهد قليلا ثم قالت:بس انا مسمحاكي يا حياه
نظرت لها حياه بصدمه:بتقولي ايه
اردفت عهد فقد قررت مسامحه الجميع مثلما طلب منها تواب في حلمها ولكنها لم تعلم انه بالفعل طلب منها ذلك في الواقع:ايوه يا حياه مسمحاكي انا اه لما شوفتك اتصدمت وفضلت اعيط بس لاني افتكرت الذنب انا مش محملاكي كل الغلط لا انا كمان غلطانه وبدعي ان ربنا يغفرلي ويغفرلك انما انا بجد مسمحاكي من قلبي
نظرت لها حياه ثم انخرطت في بكاء وقالت:انا انا بجد مش مصدقه انك فعلا مسمحاني انتي طيبه اوي يا عهد انا بحبك اوي
نظرت لها عهد بحب وقالت:عارفه يا حياه برغم ان احنا بقالنا مده متكلمناش وكانت جات فتره كرهتك وانا صغيره بس بعد ما سامحتك كنت بفتكر ايام ما كنا سوا وبشتاقلها اوي انا اه كنت بقول ل الاء مش عايزه اجي عند تيته عشان مشوفكيش لاني مكنتش مستعده لسه اواجهك بس لقيت ان كل ما اخر المواجهه هتحصل فواصل بينا اكتر بس بجد انا كنت مشتاقه لايمنا اوي
حياه ببكاء:ينفع احضنك
عهد بحب ومزاح: خش في حضن اخوك يا فواااز
اندفعت حياه لحضن عهد فقالت عهد:من يومك غشيمه يخربيت كده
حياه بضحك:اه فاكره كنت دايما اعمل كده وانا صغيره معاكي انا بحبك اوي يا عهد ومحتجاكي اوي
عهد:مالك يا قلبي احكي ليا زي ما كنتي متعوده
حياه:مش دلوقتي بقي لما تخرجي
عهد:زي ما تحبي
حياه:انتي مسمحاني صح
عهد:هكدب يعني عليكي بصي يا حياه انا لما كنت في الغيبوبه جالي حلم غريب اوي ومن الحلم ده قررت اسامح كله وارجع لحياتي خصوصا اني مكنتش عايزه اكمل بس كملت وسامحت عشان اعرف اعيش وكمان عشان ربنا ميرضاش بياسي
حياه:حلم ايه
عهد:صدقيني لو عرفته هقولك
عندما همت حياه بالتحدث وجدوا من يطرق الباب ثم دلف فكانت تلك الاء فدلفت ثم قالت:علي فكره بقي عهد بتاعتشيي لواحدشييي
حياه:لا بتاعتي انا وكمان بنت خالي
الاء موجه كلامها لعهد:انتي بتاعه مين يا بت انتي
حياه وهي تمثل الحزن:قوليلها انك بتاعتي
الاء:انتي بتاعتي انا احسن لك
نظرت لهم عهد ثم قالت:انا بتاعه نفسي
ضحك ثلاثتهم ثم قالت الاء موجه كلامها لحياه:طيب نتعرف ولا ايه
حياه: نتعرف طبعا
الاء:انا اسمي الاء صحبه الكحيانه دي والبيست بتاعتها
حياه بضحك: انا اسمي حياه بنت خاله وصاحبه الكحيانه دي
نظرت لهم عهد ثم قالت:وانا عهد الكحيانه اللي بتتكلموا عليها دي
انفجر ثلاثتهم في الضحك ثم قالت عهد: هنبقي احلي صحاب كلنا انا واثقه في كده
حياه:فعلا وكمان عايزه اعرفكم بالبيست بتاعتي هتحبوها اوي
الاء:وماله المجانين يزيدوا واحد
عهد بضحك: ايوه فعلا
حياه:طب اطلع بقي عشان اشوفهم لانهم هيموتوا ويعرفوا فيه ايه
عهد:تمام بس محدش يعرف اللي بينا يا حياه
الاء:حياه متخليش حد يدخل شويه بس
حياه:حاضر عن اذنكم
عهد والاء:اتفضلي
خرجت حياه بالفعل وانهالت عليها الاسئله عن حاله عهد وعن ماذا يحدث بينها وبين عهد ولكن حياه لم تجاوبهم بما يهدئ فضولهم واخبرتهم بالا يدخل عليهم احد بناء علي رغبتهم بينما في الداخل بعد ان خرجت حياه ابتعدت عهد قليلا في سريرها واشارت ل الاء بان تنام بجانبها فتوجهت الاء بالفعل وقامت بالنوم في حضنها ثم قالت:متعمليش كده تاني يا عهد انا كنت هموت من غيرك كنت حاسه بوحده
كانت عهد تحتضنها بحب ثم قالت:عارفه يا الاء انا بجد ربنا بيحبني بوجودك انتي سندي في الدنيا دي انتي فعلا اختي وحاضر يا ستي مش هعمل كده تاني
الاء:كنت عايزه اقولهم اول ما جيت اطلعوا كلكم بره انتم السبب في ان صحبتي يحصلها كده انا بس اللي من حقي اواسيها واكون معاها بس برضو فرحت انك سمحتيهم وسامحتي حياه
عهد:انا مكنتش هكمل حياتي يا الاء كنت ياست اصلا وكمان لو كنت فوقت مكنتش سامحتهم بس حصلي حاجه رجعتني لوعي وخلتني اسامحهم
الاء باستغراب: حاجه ايه
عهد بتنهيده: معرفش بس انا كنت بسمع كل حاجه بتقولهالي يعني سمعتك وسمعت حياه لما دخلتلي وقالتلي محتجالك عشان كده برضو سمحتها وكمان حاجه بقي حصلت معرفش ده حلم ولا فعلا حصل
الاء: طب احكي يمكن نعرف سوا
عهد: تواب جالي في الحلم وقالي في الاول اذيك يا عهد طبعا انا متاسف اني دخلت فجاه كده بس كنت عايز اتكلم معاكي وحكت عهد كل ما حدث ثم قالت بس اللي محسسني انه واقع مش مجرد حلم انه اعتذر في اول الكلام عن دخوله عليا وهو عارف انه حرام وكمان كنت حاسه بوجوده فده اللي خلاني اتمسك بالحياه واسامحهم انه طلب مني معرفش ليه هو بالذات بس حسيت اني هخزله لو معملتش كده حتي لما وليد قالي سمحيني معرفش ليه بصتله هو بالذات اكاني بطلب منه اعمل ايه ولقيته بيشجعني بعينه اني اسامحه فطلقائي سمحته تعرفي ده كله ليه
كانت الاء تنظر بصدمه لعهد ثم قالت:هي غريبه اوي فعلا بت يا عهد انتي بتحبي تواب
نظرت لها عهد بصدمه ثم قالت:احب ايه اسكتي هو انا بتعامل معاه اصلا عشان احبه بس في الحلم والنهارده كنت حاسه بالامان بوجوده ولما بصتله برضو حسيت ان هو الوحيد اللي هيفهمني
الاء:هي غريبه فعلا اوي بس عارفه هتبقي حاجه عظيمه لو حبتيه الصراحه عايزه اشوفك وانتي عروسه كده واكون معاكي اليوم من اوله واجهز معاكي كل حاجه وتيجي تقوليلي هو ده يا الاء الزوج الصالح اللي بتمناه هو ده اللي كنت بدور عليه هبقي فرحانه اوي ليكي وبعد ما تتجوزي بقي تسمي بنتك علي اسمي انا وتقولي لعيالك اما بكبروا دي صحبتي ورفيقتي انا بس مش حياه لاني انا بس اللي من حقك تقولي عليها صحبتك مليش دعوه واربي بقي عيالك ونفضل مع بعض طول العمر شوفتي عملتلك قصه بسبب حلم عشان تحرمي تقوليلي علي احلامك عندما لم تجد من عهد رد نظرت لها فوجدت ان عهد قد ذهبت في سبات عميق فابتسمت الاء عليها ثم قالت:ده انا لو بحكي قصه قبل النوم لبنت اختي مكنتش هتنام كده
ابتسمت الاء عليها ثم قالت ربنا يديمك ليا ويطول من عمرك ويريح بالك يارب انتي تستاهلي كل خير يا عهد ربنا يارب يجعل حياتك كلها خير وسعاده ثم قامت بتقبيل راسها وخرجت لهم
فقالت:نامت وانا بكلمها
وليد:هي محتاجه راحه اليومين دول فعلا
محمود:الحمد لله انها رجعت بخير وسلامه احمدك واشكر فضلك يارب
شروق:كانت مخوفانا كلنا بس ربنا مرادش يتعبنا ورجعهلنا
سليمان:الحمد لله علي كل حال
سميحه النهارده هقعد مع انا مع ورده وسليمان
محمود:تقعدي ازاي يا سميحه بس عايزين راجل يقعد مش ست هتتعبي المفروض اصلا مراتك تروح يا سليمان كده هتتعب
سليمان: قولتلها كتير بس هي مش راضيه
ورده:ومش هرضي برضو مش هخرج من هنا الا لو عهد معايا وده اخر كلام عشان متحولوش كتير
وليد:خلاص يا بابا سيب ماما علي راحتها وانتي يا عمتو تروحي عشان متتعبيش وانا هفضل معاهم هنا
غفران:يا سلام وانا افصل في الشقه لوحدي
نظر لها وليد وكانه كان نسيها فقال:صحيح يابنتي ده انا نسيتك خالص مكنتيش تتولدي عشان نعرف نحل المشكله دي افضل
غفران: خفه اوي يخربيت كده
تواب:طب ليه التعب ده يا جماعه:ما ابات انا زي امبارح
سليمان:لا يا تواب يابني انت تروح ترتاح بقي كفايه عليك
تواب وهو يحاول اقناعه فهو لا يريد ان يذهب لكنه لا يعلم السبب:يا عمي والله ما فيها حاجه خليني انا ابات و وليد يروح عشان غفران
سميحه:طب انا عندي حل تواب يروح و وليد يفضل وانا اخد غفران تنام معايا النهارده
غفران بخجل بسبب ان ان تزعج عبد الله:لا لا بلاش هو تواب اللي يبات و وليد يجي معايا
سميحه وهي تنظر بخبث لتواب:لا تواب لازم يرتاح يا غفران خلي وليد النهارده وانتي تنامي معايا
كان تواب ينظر لسميحه بحزن انه لن يبات وايضا بخوف من ان تكشف ما يحاول مدارته حتي عن نفسه
ورده:مش عيزين نعمل ازعاج ليكم يا جماعه ولا حتي لعبد الله مش هيبقي مرتاح
عبد الله:بتقولي ايه يا مرات عمي دي غفران لو مشلتهاش الارض نشلها احنا هضايق ازاي دي اختي متقوليش كده تاني
سميحه:اهو قالك اهو
شاهندا: وكمان تقعد غفران معايا
وليد:خلاص اتفقنا
كوثر بعد النقاش ده كله بقي هنروح احنا عشان منتاخرش وباذن الله نفوت عليكم بكره
الاء:اه وانا كمان جايه معاكم عشان بابا كلمني يلا ما تؤمروش بحاجه
شكرها الجميع وبالفعل ذهب جميعهم وقامت كل من كوثر وبناتها بتوصيل الاء....
بينما في المشفي دلف وليد الي الغرفه ليري عهد فوجدها نائمه فقام بالاقتراب قليلا وظل ينظر لها باسف علي ما اقترفه بها ثم قام بتقبيل راسها وقال بخفوت: متاسف علي كل حاجه عملتها يا عهد يريت بجد تكوني سمحتيني
ثم توجه للخارج وبعد ان غادر فتحت عهد عينها ثم ابتسمت بحب وقالت مسمحاك يا وليد انت وكلكم مسمحاكم من قلبي بجد ثم عادت للنوم مره اخري...
بينما في منزل محمود كان الجميع يجلس قليلا فقالت شروق: الحمد لله ان عهد فاقت  هي بنت طيبه ومتستهلش كل اللي يحصلها ده
محمود:فعلا ربنا رحيم بينا انه نجدها
بينما كان تواب شارد في امر ما فقالت شروق:مالك يا تواب يا حبيبي سرحان في ايه
تواب:لا ابدا يا ماما مفيش انا هدخل انام شويه عشان هلكان
محمود:اتفضل يابني
تواب:يلا تصبحوا علي خير
فردوا عليه:وانت من اهل الخير يارب
دلف تواب لغرفته ثم قام بالاستحمام وصلي فرضه وتوجه للفراش ولكن لم يجافيه النوم فظل شارد بعهد وما حدث معها ثم قال في نفسه:انا تقريبا عرفت ليه بفكر فيها كتير انا كنت بحسب انها بس صعبانه عليا بس اتاريني بفكر فيها من يوم ما انهارت وهي صغيره انا اكتشفت اني بحبها بقيت بخاف عليها وكمان بزعل لزعلها يارب اعمل ايه يارب انا اه بحبها بس حب حلال يارب مش قصدي اي شر يارب لو خير ليا اكتبها من نصيبي يارب انا حبيتها بسرعه يارب ثم قال بمزاح:لتكون اتهبلت يا واد يا تواب اصل مفيش حد يحب بسرعه كده
بس هي تتحب برائتها وطيبتها تتحب يارب اللي تشوفه خير اعمله ليا ثم ذهب في نوم عميق بامل وابتسامه ان يكون خير في الغد......
وها قد اعترف بحبه يا ساده كل ما كنا نتمناه بدا في الحدوث
.....................................
بينما في شقه سميحه كان كل من شاهندا وعبد الله نائمين بينما في غرفه سميحه كانت تجلس هي وغفران يتحاوران قليلا حتي قالت غفران:عمتو هي عهد هتكون كويسه وهي مسامحاني صح
سميحه:ان شاء الله تكون كويسه وكمان عهد قلبها ابيض واكيد هنكون مسمحاكم يا حبيبتي
غفران:يارب يا عمتو انا هنام بقي عشان اروحلها بكره بعد المدرسه
سميحه:ماشي يا حبيبتي تصبحي علي خير
غفران وانتي من اهله يارب
بالفعل نامت غفران بينما ظلت سميحه مستيقظه فقالت في نفسها بابتسامه خبث:شكلك وقعت يا ابن شروق ولا حدش سمي عليك لا بس نشلت صح يا واد يلا نشوف بقي شطارتك
خلدت سميحه هي الاخري الي النوم حتي تستيقظ وتذهب لعهد.......
......................................
في الصباح استيقظت غفران وجدت ان الجميع استيقظ بالفعل فتناولت الافطار معهم ثم قالت:عمتو انا هروح المدرسه عشان غبت كتير واجي علي طول ابقي قولي لماما معلش
سميحه: حاضر يا قلبي متخفيش
غفران: يلا السلام عليكم
الجميع وعليكم السلام وعندما همت بالخروج ناداها عبد الله: غفران استني
نظرت له غفران ثم قالت: نعم يا ابيه
عبد الله وهو يمد يده ببعض المال لها: خدي يا غفران ده للمواصلات ولو احتجتي حاجه
غفران بخجل شديد: لا لا يا ابيه تسلم يارب انا معايا والله
سميحه:خدي يا غفران متتكسفيش يا حبيبتي ده اخوكي الكبير
غفران: يا عمتو والله معايا متخفيش ثم اكملت بمزاح مستوره والحمد لله زي ما بيقولوا
عبد الله:مستوره ايه يا مفعوصه انتي خدي ياغفران بجد لو محتاجه حاجه
غفران:صدقني يا ابيه لو محتاجه هاخد بس فعلا معايا
عبد الله:اكيد
غفران:اكيد والله تسلم يا ابيه يلا عن اذنكم
عبد الله:اتفضلي
ذهبت غفران بالفعل متوجه لمدرستها بينما في الطريق كادت ان تصدم بسياره ما فقالت:يادي النيله علي العربيات علي اللي ركبنها مش تفتح يا استاذ ولا هو الطريق بقي ملكك
فقال ذلك الشخص يعد ان ترجل من سيارته:هو مين اللي يفتح يا بنيي.....ايه ده انتي نفس البنت بتاعه المره اللي فاتت
نظرت له غفران بصدمه:هو انت مصتأصدني انا بس يعني
نظر لها ثم قال:اصتأصد مين يا شاطره روحي العبي بعيد يابنتي ده انتي قد ركبتي وبعدين تكوني مين عشان اصتأدك انتي عارفه انا مين
نظرت له ثم قالت:ليه يعني هتكون مين توم كروز
نظر لها باشمئزاز ثم قال:انا رامي الغنيمي يعني احلي بنت فيكي يابلد تتمني تتعرف عليا
نظرت له غفران قليلا ثم انفجرت في الضحك مما ادي الي استغراب رامي:احلي بنت قال ياعم اتنيل وانت شبه العلبه المصديه
نظر لها رامي بغضب وعندما هم بتهزيقها اردفت بسرعه:ينهااار ابييض اتاخرت علي المدرسه منك لله انت السبب قعدت تنفخ في نفسك اوعي يا عم المديره هتنفخني ثم جرت بعيدا عنه حتي تلحق مدرستها
كان رامي ينظر لها من بعيد بصدمه ثم قال:يابنت المجانين ايه الهبل ده ياربي دي خلق الواحد يصطبح عليها
ركب سيارته مره اخري ثم ذهب دون ان يعير تلك الفتاه اهتمام
...............................
بينما في جامعه تواب كان يجلس هو ويزن فقال الاخر:يعني فاقت الحمد لله
تواب:اه الحمد لله واظن بقت احسن
يزن:الحمد لله حمدا كثيرا
كان تواب شارد للغايه فساله يزن:مالك يابني سرحان كده حتي وانت بتحكيلي زي ما يكون مش فايق
تواب:فيك من يكتم السر
يزن باستغراب:احكي
تواب بتنهيده:انا اكتشفت اني بحب عهد
يزن:اااه قو......بتقووول ايييه سمعنيييي كده تاني
تواب:الله يحرقك هتفضحني يا زفت وطي صوتك
يزن:يا عم اوطي ايه اما نشوف اللي انت فيه ده
تواب:مش عارف يا يزن حبتها ازاي وامتي بس لما شوفتها وهي وقعه حسيت بخوف رهيب وكمان الصراحه دخلتلها الاوضه وهي في الغيبوبه وفضلت اتكلم معها وبعد ما فاقت حسيت بفرحه كبيره اوي
يزن:وقعت ياض ولا حدش سمي عليك
تواب:انت بتقول فيها وقعت فعلا طلعت هي دي الزوجه اللي بتمناها يا يزن احترام ادب اخلاق تدين ورقه
يزن:بس برضو مقولتش كمان انها حلوه
انتفض تواب من مكانه ثم قال بغضب:ما تحترم نفسك يابني راعي انها بنت عمي ايه اللي بتقوله ده
يزن:يا عم اسف مقصدش والله انا بجد التعبير خاني اقعد بقي والله متاسف مكنش قصدي
تواب:جتك القرف علي اللي يقولك حاجه اصلا
يزن:ما قولنا اسفين بقي انا كان قصدي بس انها اللي انت اتمنتها فعلا
تواب:بص اسكت خالص وقوم هات اكل متتكلمش عنها بقي يلا غور
يزن:هو بقي كده
تواب:اه يلا اتزفت غور
يزن:ماشي بكره تحتاجني
تواب بسخريه:بكره الساعه كام
يزن:ابو برودك رايح اجيب طفح احسن
بالفعل ذهب يزن لاحضار الطعام وكان تواب شارد بها فوجد كل من حسام ورامي يأتون نحوه فقال:استغفر الله العظيم اصله كان تقصكم
قال رامي بسماجه:ايه يا شيخ تواب مختفي فين الايام دي
قال حسام باستفزاز:هتلقيه بيفك عن نفسه يا رامي ايه مستشيخ طول عمره فقال نغير شويه
كان تواب يحاول بقدر الامكان الا ينهال عليهم بالضرب فقال بهدوء حاول اكتسابه:بص يا رامي انت وحسام قسما عظما ان ما غورتوا من قدامي دلوقتي لهخليكم عبره في الكليه وتبقي فصل بفصل بقي عشان جبت اخري
رامي باستهزاء:ايه سمعني كده تاني بقي انت يا شيخ تواب تضربنا وسعت منك دي
تواب بغضب وصوت عالي:راميييي يا غنييميييي اتقيي شريي احسنلك انا فيا اللي مكفينيي فحل عني انت وصاحبك ويلا اتكل علي الله وريني جماال خطوتك
رامي:ماشي يا تواب همشي بس صدقني هيجي يوم تندم فيه وساعتها تيجي تبوس ايدي اني ارحمك
تواب:اتكل علي الله وخد صاحبك معاك
بالفعل ذهب كل من رامي وحسام وهما في اشد الغضب من تواب فهما لا يريدان افتعال الشجار في الجامعه
بينما كان تواب يجلس بغضب فاقترب يزن وراه علي حالته تلك ثم قال:مالك يابني ايه اللي حصل
تواب:الزفت اللي اسمه رامي والتاني حسام
يزن:يادي النيله مش عارف مش سيبنا في حالنا ليه
تواب:اهم بيجروا شكل للبيع وخلاص ثم قال جبت اكل
يزن:اه يلا اطفح بتاكل علي الجاهز انت
تواب:اعوذ بالله عيل غتت اتنيل اترزع
بالفعل جلسوا يتناولوا طعامهم وبعدها ذهبوا للمحاضره فقد بدات
..................................
بينما في مدرسه غفران قالت صديقتها شهد:يعني هي فاقت الحمد لله
غفران:اه الحمد لله يا شهود ربنا ما سبناش
شهد:الحمد لله حمدا كثيرا يليق بذاته وجلاله
غفران: لا مبسوطه اوي انها سامحتنا
شهد: اختك قلبها طيب يا غفران واكيد هتسامحك اصلا انا مستغربه اللي عملتوه فيها ده
غفران بحزن: خلاص بقي يا شهد متفكرنيش بغبائي
شهد:خلاص ياستي متزعليش مش قصدي ازعلك المهم هبقي اجلها بكره ازورها
غفران:تنوري يا قلبي
شهد:حبيبتي يلا عشان الجرس ضرب
غفران:يلا
.....................................
ها قد مر اليومان علي خير بالنسبه لعهد وقد زارها كل من والدي الاء فهم يحبونها بشده لطيبتها واخلاقها وايضا شهد فهي تعد صديقه لعهد ايضا كونها تحب مصادقه الجميع وبالفعل خرجت عهد من المشفي وقد اطمئن عليها الجميع ورجح الطبيب ذهاب عهد لطبيب نفسي لكن عهد رفضت وقالت انها اصبحت بخير ولا تحتاج له بل اذا ارادت ان تشتكي لاحد فالله موجود تشتكي له وحده اعجب الطبيب بايمانها فوافق علي ذلك ولكن مع تحذير اهلها ايضا من تركها كما في السابق
كانت عهد تجلس بغرفتها بعد ذهاب الاء وقد اتت لها حياه حتي تحكي لها ما حدث وتنصحها عهد
وبعد ان حكت قالت عهد:اولا انا مبسوطه اوي انك سبتي كل حاجه كنتي بتعمليها وبرضو انك بتصلي والكبير بقي انك حاسه بغلطك بصي يا حياه كونك تغلطي فده عادي الانسان خطاء ومحدش معصوم من الغلط بس كل اللي عليكي انك تستغفري ربنا كتير وترجعيله بنيه صادقه انتي اه غلطتي انك كلمتيه في الاول وانتي عارفه انه حرام خصوصا بعد ما صاحبتك نصحتك بس زي ما قلتلك مفيش حد معصوم من الغلط المهم انك ندمانه ورجعتي لربنا وطبعا لازم ندمانه من قلبك بجد وتكون توبتك صادقه
حياه:والله توبتي صادقه وفعلا نادمانه بس انا خايفه ربنا ميغفرليش
عهد:ان الله غفور رحيم
حياه:بس الله شديد العقاب
عهد:قل يا عبادي لاتقنطوا من رحمه الله
حياه:هيغفرلي مع ان ذنبي كبير صح
عهد:ورحمتي وسعت كل شئ ده اولا ثانيا ان الله لا يغفر ان يشرك به ويغفر ما دون ذلك لمن يشاء ربنا قال كده في قرآنه العظيم
حياه:صدق الله العظيم ونعم بالله يارب اغفرلي يارب
انا ممنونه ليكي اوي يا عهد انك سمحتيني ومتخلتيش عني
عهد:بس بقي خلاص مش كل شويه كده زهقتلك والله
حياه:الحق عليا يا جزمه فعلا مش بتحبي الاحترام
عهد بضحك: الصراحه لا
حياه:انا عارفه بقولك صحيح عايزه اعرفك انتي والاء علي صحبتي حبيبه
عهد:ماشي طبعا مفيش مشكله في اي وقت
حياه:انا قولتلها عليكي ومتشوقه تعرفك فبتستأذن انها تجيلك بكره منها زياره مريض ومنها تشوفك
عهد:جزاها الله كل خير تمام قوليلها تنور في اي وقت اتصلي بيها علي ما اتصل ب الاء اقولها
حياه:اشطات ثانيه
بالفعل اتصلت عهد ب الاء فاخبرتها ان تاتي حتي تتعرف صديقه حياه عليها وكذلك فعلت حياه المثل اخبرت حبيبه ان تاتي معها في الغد فوافقت الاثنتين
وبعدها جلست كل من حياه وعهد قليلا ثم ذهبت لمنزلها حتي لا تتاخر
وفي الصباح استيقظ الجميع بالفعل وفطر كل منهم وكان جو ملئ بالمرح في منزل سليمان وخصوصا بسبب انضمام كل من شاهندا وعبد الله وسميحه لهم
وبعد اذان العصر بقليل جائت الاء فرحبت بها عهد ومن بعدها قليلا جائت حياه ومعها صديقتها حبيبه
فقالت حياه:اعرفكم بقي..عهد الاء دي حبيبه
حبيبه:دي عهد ودي الاء
نظرت كل من حبيبه وعهد لبعضهم بصدمه ثم قالوا في وقت واحد:مش معقوووول........
.............................
هوبا رجعنا ليكم 💃💃💃💃
ايه رايكم في البارت يا بنوتات
ايه رايكم في الطابع الديني اللي فيه
ايه بقي رايكم في التشويق اللي في النهايه 😉😉😉
علي فكره الشتيمه حرام يا باشا 🥱🥱
عايزه بقي رايكم عن البارت وعن الروايه كلها
ويريت الفاعل ياخونا هااا ده احنا غلابا فعيزين تفاعل
استنوني الاسبوع الجاي مع احداث احلي واجمل ان شاء الله تعجبكم
Love you❤❤❤❤❤❤