الرجوع (مستوحاه من قصه حقيقيه)

الرابع والعشرون

Hello
اخباركم يا جميلاتي عاملين ايه
احم احم حابه اشكر جدا اللي بيتفاعلوا معايا اينعم صغننين بس كله رضا برضو يا باشا 🙂وعايزه اقول للي متفاعلوش معندكوش عيال يا ظلمي تفاعلي يا سكر انتي وهي 🔪😈
بحبكم اوي 😉😂🥰
......................................
وقفنا المره اللي فاتت علي اللي سمع كلام عهد عن رامي وان حد سمعها..يلا نشوف مين وايه اللي هيحصل......
شهد بصدمه:لااا لاااا مستحييل يكون حقيقي
عهد بصدمه وكلام بداخلها:المصائب لا تأتي فرادي
شهد وهي تمسك ذراع عهد برجاء:ارجوكي ارجوكي قولي ان اخويا معملش كده عشان خاطري اكيد قصدك علي رامي تاني صح
نظرت لها عهد بحزن و وضعت يدها علي خدها قائله:شهد اسمعيني اهدي وهفهمك
شهد ببكاء هيستيري:تفهميني ايييه تفهميينييي ان اخويااا كان عااايز يقتتتل ويقتتتلك انتي يقتل اختييي اللي مقدرش اعييش من غيييرها وانه كماان بيعااكس تفهمييينييي ايه ولا اييييه يا عهددد
الاء وهي تحتضنها بقوه لعدم مقدره عهد علي مواساتها:اششش اهدي احنا في الشارع يا شهد تعالي نقعد وهنفهمك
شهد ببكاء:اخويا اخويا يا الاء كان عاايز يقتل
حياه وهي تبكي:بالله عليكي يا حبيبتي اهدي
حبيبه:علي فكره مينفعش الوقفه دي يا جماعه تعالوا في اي حته
الاء وهي ما زال تحتضن شهد التي تبكي بقوه:احنا قريبين من بيت شهد تعالوا نرجع
عهد وشهد بقوه:لااا
حبيبه:طب تعالوا عندي في البيت اخويا زمانه في المأموريه تعالوا
عهد بتنهيده:طيب يلا شهد تعالي امسكي ايدي
نظرت لها شهد ببكاء وخجل ولم تتحرك من مكانها
عهد بابتسامه:علي فكره انا كان مغمي عليا ومش قادره امشي تعالي بقي امسكيني
حياه بعد ان اقتربت منها قالت بصوت خافت:يلا دلوقتي يا شوشو واما نوصل هنفهمك
اومأت لهم شهد بصمت وتوجهت لتمسك بيد عهد بخجل وحزن شديد...
وبعد ان وصلا الي منزل حبيبه توجها الي غرفتها ولكن رآهما والدي حبيبه
والده حبيبه بفزع:خير يا بنات مالها شهد مالك يا حبيبتي
شهد بابتسامه حزينه:مفيش يا طنط بخير
والد حبيبه:انتي متاكده يا بنتي
حبيبه:معلشي عن اذنكم بس يا بابا
والده حبيبه:اتفضلوا يا حبايبي
وبعد ان دلفوا الي غرفه حبيبه جلست الفتيات ما عدا شهد ظلت تنظر لهم بحزن وبكاء وتنظر لعهد بخجل شديد قائله:انااا اسفه بالله عليكي ما تبعدي عني انا اسفه
قامت لها عهد بسرعه وقالت:انتي عبيطه يابت انتي ابعد عنك ايه انتوا اخواتي حد يبعد عن اخواته ثم تنهدت قائله:وبعدين انتي ذنبك ايه
شهد ببكاء:هو اخويا يا عهد اناا اسفه
عهد:بس بقي يا شهد انتي ملكيش ذنب والله ولا زعلانه منك وبعدين الموضوع ده من زمان كان زماني قطعتك ولا ايه
شهد ببكاء:طب..طب ممكن تحكيلي بالتفصيل
الاء:بلاش يا شهد حاجه عدت وخلاص
حبيبه:ده رائي انا كمان يا شهد
شهد برجاء:لاااا بالله عليكي يا عهد قوليلي عشان خاطري
عهد:طب خلاص اهدي اهدي هحكيلك تعالي اقعدي
جلست شهد بجوارها واعادت لها عهد كل ما حدث معها وما فعله رامي مختتمه عندما رأته بمنزلها
انفجرت شهد في بكاء هيتسيري وقالت بصدمه:عشان كده اتصدم لما شافك مع غفران..طب طب مين لحقك منه لما حاول يعاكسك
حياه:اللي انقذها من عربيته تواب
الاء:واللي لحقها لما عاكسها تواب برضو
شهد بصدمه:يعني... يعني لما كانت ايدك وجعاكي وعملتيلها رباط كان هو السبب
عهد بحزن عليها:ايوه
هنا ولم تعد تحتمل شهد اكثر من ذلك فظلت تبكي بقوه مما ادي الي قلق الفتيات عليها
حبيبه:عشان خاطري اهدي والله خلاص هي عهد عدت الموضوع صح يا عهد
عهد بسرعه:اه اه والله
جلست شهد علي ركبتيها امام مقعد عهد وقالت برجاء:عشان خاطري عشان خاطري متزعلييش اناا اسفه والله العظيييم اسفه بالله عليكي متبعدييش عني ولا تبعدييي غفران او تبعديي انتي مش هقدررر والله ابعد عنكم انتوا اللي خلتوني ابقي كده دلوقتي
هنا ودلفت والده عهد بفزع بسبب صوت البكاء وعندما وجدت شهد تبكي بهذه الحاله وبدات عهد وحياه في البكاء بينما حاولت الاء وحبيبه تهدأتهم توجهت والده حبيبه وقامت باحتضان شهد بقوه وقالت بفزع:ايه في ايه يا بنات بتعيطي ليه يا شهد مالك يا عهد انتي وحياه مالها شهد منهاره كده ليه
الاء بحزن وبدات تبكي ايضا:شهد اهدي عشان خاطري
شهد ببكاء هيستيري:طنط..طنط بالله عليكي متخلهمش يزعلوا مني ولا يبعدوا عني بالله عليكي
عهد:والله يا شهد ما هنبعد يا حبيبتي ولا زعلانه منك
والده حبيبه:هيبعدوا عنك ليه يا حبيبتي بزمتك الشله الهبله دي تبعد عن بعض اهدي بس واستهدي بالله
شهد ببكاء:بس هو..هو اخوياا انااا وعملل فيهاا كده
والده حبيبه باستغراب:عمل ايه بس اهدي
عهد بمحاوله تغير الموضوع:هي بس خايفه تبعد عننا في يوم والموضوع زاد عندها
هنا ودلف باسل بسرعه عندما عاد من عمله ظنا ان من تبكي تلك اخته حيث ان والده كان بغرفته تاركا للفتيات حريتهم
باسل بسرعه وخوف:حبيبه مالك يا حبيبتي بتعيطي ليه ولكن عندما وجد الفتيات قال بسرعه:اسف اسف والله مكنتش اعرف عن اذنكم بس حبيبه انتي كويسه
حبيبه:اه يا باسل متخفش دي شهد اللي بتعيط مش انا
نظر باسل وقتها الي شهد بخوف عليها وحزن كذلك ولكنه كان مضطر للخروج ثم جلس بغرفته قلقاً ويريد معرفه سبب بكائها
بينما في غرفه حبيبه ما زالوا يحاولن تهدئه شهد
حبيبه:يا شهد عشان خاطري اهدي والله ما هنبعد عنك
الاء محاوله التماس القوه من اجل تهدئتها:اهدي يا شهد بقي قولنا مش هنبعد هو احنا اغبيه اما نسيب اي حد والله ما هنبعد ولا عهد زعلانه
نظرت شهد لعهد بخجل ورجاء وحزن ايضا
فتوجهت عهد لتحتضنها بقوه وابتعدت والده حبيبه عنهم
قالت شهد بخفوت:عشان خاطري متزعليش
عهد:خلاص بقي يابنتي انتي اختي كفايه عياط ده انتي خليتي الاء تعيط كمان
الاء:ايه بعيط ايه ده قطره كانت معايا في الشنطه قلت عشان ما ابقاش قاعده من غير دم كده
ضحكوا عليها ولكن ما زالت شهد في حزنها
حياه:بجد يا شهد صدقيني احنا عمرنا ما نبعد عنك
شهد:ربنا يديمكم ليا عن اذنكم همشي عشان اتأخرت اوي
عهد:طب استني نيجي نوصلك
لم تنظر لها شهد وقالت:لا معلشي عايزه اروح لوحدي
حبيبه:طب نيجي نتمشي شويه معاكي
والده حبيبه:سبيها يا حبيبه تهدي لوحدها افضل
شهد:عن اذنكم..وبالفعل ذهبت متوجه الي منزلها
بينما في منزل حبيبه قالت عهد:طب نستأذن احنا بقي يا طنط عشان اتأخرنا جدا
والده حبيبه:ماشي يا حبايبي وصليهم للباب يا حبيبه
وبالفعل كل منهم ذهب الي منزله مع حزنهم الي بكاء شهد...
في منزل حبيبه دلف باسل بسرعه الي غرفتها قائلا:حبيبه هي شهد كانت بتعيط ليه حصل ايه
حبيبه بتنيهده:مفيش يا باسل حصل موقف كده وهي زعلت
باسل:ايوه موقف ايه فهميني
حبيبه:انا اسفه يا باسل مش هقدر اقوله لانه ميخصنيش كل الحكايه انها زعلانه وشويه وهتروق
باسل:طب بالله عليكي ابقي هديها انا اتخضيت اول ما دخلت البيت وبحسبك انتي بس لما لقيتها استغربت خالص وقلقت جامد برضو
حبيبه:انتي هتحكيلي قصه حياتك يا باسل ما اكيد لازم اهديها وبعدين متبقاش مدلوق كده
باسل:الله مش هتبقي خطيبتي
حبيبه:صدق فكرتني ازاي نسيت احنا رحنا لباباها النهارده و وافق اننا نروح يوم الاربع
باسل:احلفي
حبيبه:والله العظيم
قام باسل باحتضانها بفرحه قائلا:حبيبتي يا بيبو ربنا يديمك انتي اجدع اخت والله
ضحكت حبيبه عليه وجلسا يتفقا علي ما سيحدث يوم الاربعاء بعدما اخبرا والديها بالخبر.....
......................................
بينما في منزل شهد دلفت الي غرفه الجلوس حيث والديها وبالصدفه كان رامي يجلس معهم
شهد:السلام عليكم
ردوا عليها السلام وقالت والده شهد بغضب:اتأخرتي ليه شهد
شهد:انا اسفه يا ماما غصب عني والله حصل حاجه كده وانا جايه
قام اليها رامي وقال بمزاح:يابت قري وقولي كنتي فين
شهد بجمود:ابعد عني
رامي:ايه يابنتي مالك داخله مبوزه ليه
انفجرت فيه شهد قائله:ابعد عنيييييي قووولت من النهارده انت لا اخويا ولا اعرفك ولساني ميخاطبش لسانك نهااائي انت سااامع
علم رامي سبب غضبها ذلك وكلامها فنظر لها بحزن وعندما هم والدها بضربها لما تقوله منعه رامي قائلا:لا يا بابا متضربهاش
والد شهد بغضب:انت مش سامع اختك بتقول ايه يا رامييي فهميينييي يا شهد ازاي تقولي كلامك ده لاخوكي الكبير وكمان قدامي انا وامك عايز اعرف السبب
شهد ببكاء:خلييه هو يقوولك ليه بقول الكلام ده اظن هتبقي منه احلي ولا ايه يا اخويا يا كبير
رامي:شهد اسمعيني انا
شهد ببكاء:انت ايه انت حطمتني يا رامي هديت صوره الاخ القدوه جوايا انا بجد مصدوومه فيك فهمني ليه عملت كده هاا حرام عليييك والله حرااام علييييييك
والده شهد:في ايه يا شهد ازاي تكلمي اخوكي كده اهدي وفهمينا في ايه
شهد:معلشي يا ماما مش قادره خلي اخويا هو اللي يحكيلك هتبقي مميزه منه هو انا طالعه اوضتي عشان مش قادره عن اذنكم
وبالفعل توجهت الي غرفتها وتركت خلفها المكان مشحون
والد شهد:عايز اعرف بقي ايه حصل بينك وبين اختك وايه اللي وصلها للحاله دي
رامي:مفيش يا بابا ابدا
والده شهد:انت عايز تفهمنا ان عياطها ده وكلامها ان مفيش حاجه
رامي بكذب:يا ماما مفيش كل الحكايه اني زعقتلها في الجامعه النهارده وصوتي كان عالي
والده بعدم تصديق:يا سلام كل ده عشان زعقتلها
رامي:ايوه يا بابا انت عارف ان شهد رقيقه ومش بتحب حد يزعقلها فزعلت مني جامد
والد شهد:طب اخر مره تعمل كده وانا ليا تصرف تاني معاها عشان صوتها العالي ده
رامي:لا لا يا بابا بلاش تزعلها اكتر كفايه زعلها دلوقتي هي بس من عصبيتها
والده شهد:طب اطلع صالحها عشان متفضلش زعلانه
رامي:لا هسيبها تهدي شويه دلوقتي مش هتسمعني انا خارج شويه وراجع
غادر رامي بالفعل وكان يريد لشخص يتحدث له فاتصل بحسام فقال الاخر:ايه رامي انت فين يابني
رامي:انا قاعد في الكافتيريا اللي قدام الشغل ما تيجيلي
حسام:لا ياعم تعالي انت في البيت القاعده مع الشله هنا جامده
رامي:لا لا انا مخنوق اوي وعايز اقعد لوحدي او اتكلم مع حد
حسام بسخريه:ليه ياضنايا ابوك منع المصروف
رامي:انت هتستعبط يالا
حسام:خلاص تعالي يلا القاعده هنا وهتفك هنا متخفش
اغلق رامي في وجهه وقال بغضب:ابو برود اهلك يا اخي انت كل يوم بتثبتلي اني كنت غبي لما عرفتك
ثم شرد قليلا وقال: هو للدرجده دي معنديش صاحب اعتمد عليه او اشكيله وقت ضيقي للدرجه دي كنت فاشل واهو النتيجه اني حاولت اقتل وكمان كنت بعاكس ولا يهمني واختي اللي كنت قدوه ليها بقيت ازبل شخص في نظرها يارب اعمل ايه انا عارف اني غلطان ربنا ياخدك يا حسام من ساعه ما عرفتك وانا بوظت خالص لازم اغير حياتي لازم اتظبط عشان اختي وعشان اللي هتجوزها واللي متأكد مش هتوافق طول ما انا كده بس يارب اعمل اي في اختها دي يارب حلها من عندك يارب
(وها قد بدا رامي في الرجوع عن الخطأ ولحسن حظه انه عاد قبل فوات الاوان فمن الناس من يكون الحظ حليفه ويرجع عن خطأه بسرعه وهذا ما قاله تعالي في قرآنه الكريم (قل يا عبادي الذين اسرفوا علي انفسهم لا تقنطوا من رحمه الله)ومن الناس من يتمادي في الخطأ وهذا من يدعه الله لعله يرجع فلو لم يرجع (اخذناه اخذ عزيز مقتدر)صدق الله العظيم..
................................
عاد رامي الي المنزل فتوجه الي غرفه شهد حتي يطلب منها ان تسامحه قام بالدق علي غرفتها فقالت شهد ظانه بأنها والدتها:ادخلي يا ماما
دلف رامي الي الداخل ولم ينطق بشئ فوجد شهد تقف امام الشرفه بهدوء فاقترب منها قائلا:شهد
نظرت له شهد بغضب وقالت:اطلع بره
رامي برجاء:عشان خاطري سبيني افهمك
شهد بدموع بدات في الهطول:تفهمني ايه تفهمني انك كنت عايز تحرمني من اختي وانك بتعاكس يا رامي مخفتش يتردلك فيا
رامي بحزن:والله كان غصب عني الغضب تملك مني
وقتها
نظرت له شهد بحزن وقالت:عذر اقبح من ذنبه الغضب تملك منك فالبسهوله تحاول تخبطها بالعربيه
رامي:والله ما كنت اعرف انها صحبتك او اخت غفران
شهد:علي اساس ان عادي تعمل نفس العمله مع غيرها
رامي:لا والله ابدا بس والله كنت غبي عشان خاطري سامحيني ومتزعليش مني
شهد:اسامحك علي ايه علي انك صدمتني في اخويا اللي كان قدوتي ولا اسامحك علي تجبرك علي اختي التانيه لا لا استني يمكن اسامحك علي اني كنت واقفه قدامهم النهارده مش قادره ابص في وش واحده بسبب اللي عملته ها قولي بقي يا خويا اسامح علي ايه
رامي:هما اللي قالولك
شهد:ده اللي همك برضو بس مش هما انا سمعتها بالصدفه وبعد اذنك اطلع بره لاني مش عايزه اتكلم
رامي:طب عشان خاطري سامحيني مقدرش علي زعلك
شهد:مش مسامحاك يا رامي انت ادعي ربنا يسامحك علي اللي عملته ثم ادارت ظهرها له ناظره للشرفه مره اخري وقد تسابقت دموعها في الهطول
رامي:شهد
شهد:بالله عليك اطلع بره لأخر مره بطلبها
نظر رامي لظهرها بحزن ثم توجه خارج الغرفه
بينما في غرفتها نظرت للسماء قائله:يارب اغفر ليه وسامحه يارب انت الغفور الرحيم يارب.....
..............................
ها قد مر اليوم باحزانه وبافراحه علي الجميع متأملين يوم مشرق مزيل أسي الامس من عقولهم
وها قد أتي الصباح وبدا الجميع في التجهز للتوجه لعمله وجامعتهم
في منزل عهد كانوا يجلسون علي الطاوله يتناولون الافطار فقالت عهد موجه حديثها لغفران:رورو
غفران:نعم يا عهد
عهد:ابقي خلي بالك من شهد النهارده ومتسبيهاش لوحدها
غفران بقلق:ليه مالها شهد
عهد:لا ابدا مفيش هي بس كانت زعلانه شويه امبارح
غفران:ليه حصل ايه
شهد:لا خليها هي تحكيلك لو حابه ومتضغطيش عليها لو مردتش تتكلم يبقي تسكتي
غفران:هو الموضوع كبير للدرجه دي
عهد:لا مش كبير ولا حاجه بس انتي عارفه شهد لما بتزعل يعني
ورده:ابقي هاتيها تفك عن نفسها هنا بعد الجامعه كده كده اخوكي هيتأخر في الشغل النهارده
عهد:فعلا يا دوده
وليد:يادي دوده دي اه ياستي فعلا
غفران:خلاص حلو هجبها
وليد:صحيح يا بابا هتتصل بالناس النهارده
سليمان:بأذن الله يابني
عهد:ناس مين
ورده:اصل اخوكي اخيرا عايز يخطب
غفران:بصدمه:بجد يا دوده
وليد:اه بجد
قامت عهد باحتضانه بفرحه شديده قائله:الف الف مبرووك يا حبيبي اخيرا لقد هرمنا من اجل هذه اللحظه يا باشا مبسوطالك اوي والله
غفران:اوعي بقي عايزه احضن
ابتعدت عهد وقامت غفران باحتضان وليد ايضا وهنأته بسعاده فقال وليد بحب:الله يبارك فيكم يا حبايبي ربنا يديمكم ليا يارب
عهد بعد ان جلست هي وغفران:ها قلنا بقي مين هي
وليد:حبيبه صحبتك
كانت كل من غفران وعهد يأكلون فجاه شرقا بقوه فاعطي لهم وليد ماء سريعا
سليمان:اشهد ان لا اله الا الله
ورده:ايه هو قال حاجه غريبه
عهد بكحه:كح كح لا اصل حبيبه مين حبيبه صحبتي بجد
غفران:انا كبهير انبهرت
وليد:اه فيها ايه يا بنتي
عهد:طب انت بتتقدم صالونات يعني
وليد:لا طبعا انا الصراحه بحيها
سليمان:ما شاء الله ولا كأننا موجودين
ورده:اللي اختشوا ماتوا
عهد:طب ليه مقولتليش يا وليد مع انها صاحبتي
وليد:لاني كنت محتفظ بحبها في قلبي ومحدش عرف غير سامر بس حصل حاجه كده و باسل عرف صدفه وقلب الدنيا
ورده:حقه
غفران:ده امتي ده
وليد:يوم خطوبه سامر
عهد:اااه عشان كده مشوا
وليد:لا معرفش هو زعل الاول بس فهمته وقولتله اني كنت ناوي اتقدم اساسا وبعدها قالي انه هيمشي عشان وراه ماموريه بس الصراحه حسيت زيك كده
غفران بفرحه:الله مش مصدقه بجد اني هبقي عمه البت بيبو
وليد:عمه مهزقه
عهد:لا بس بجد انت اخترت صح يا وليد ربنا يارب يبارلكلك وان شاء الله يسعدك بموافقتها
وليد:يارب يا عهود
سليمان:كيس جوافه قاعد يا كلب منك ليها
عهد:حبيبي يا بابا انت الخير والبركه وبعدين فيها ايه لما يظهر حبه ده مش عيب ابدا ده سيدنا محمد عليه افضل الصلاة والسلام كان بيظهر حبه للسيده خديجه قدام الناس وبيقول "اني رزقت حبها"
ورده:عليه افضل الصلاه واتم التسليم..ده حقيقي وكذلك بجميع زوجاته رضي الله عنهم اجمعين
سليمان:لا غلبتيني يا عهد المره دي ربنا يحميكي يابنتي فعلا مغلتطيش لما قلتي تعملي دراسات عليا في المواد التشريعيه والسيره النبويه
عهد:بس الفضل فضلك من بعد ربنا يا بابا لانك وافقت
عندما هم سليمان بالكلام قاطعهم دق علي الباب
غفران بمزاح:التؤام الاهبل جم
عهد بضحك: بس يا جزمه متقوليش كده دول عساسيل كفايه اني خالتهم
وليد:متواضعه اوي انتي يا عهد
عهد بضحك: لاحظت كده برضو
فتحت لهم عهد وقالت:اهلا اهلا بأنسه ترتيل واستاذ تيام
ترتيل:ثباح الخير يا خالتو
عهد:يا صباح القشطه علي احلي روتي
تيام:طب وانا يا خالتو
عهد:ده انت القشطه كلها يا نن عين خالتو تعالوا ادخلوا يلا
دلفا للداخل فجرا علي سليمان
سليمان وهو يحملهم علي قدمه:اهلا اهلا باحفادي حبايبي
ترتيل:وحثتني كتيييير من لما ثبتك بليل
سليمان:يا قلبييي انتي والله انتي وحشاني كتير كتير
تيام:جدو انت وحشتني اكتر
ترتيل:لا انا
تيام:انا
ترتيل:انا جدو وحثني قد البحر وثمكاته
تيام:هو وحشني قد البحر والسما
ترتيل بهمس:جدو هو البحر والسما اكبر صح
سليمان:صح
ترتيل:طب قلي حاجه بثرعه اكبر
سليمان بضحك:قد الكون كله
ترتيل بفخر وكأنها هي من وجدت الحل:انا وحشني قد الكون كله
ضحكوا عليها بشده وقال وليد:طب بالنسبه ليا وللغلبانه غفران موحشنكمش
تيام:لا وحشتونا كتير كمان
غفران:انا لو كان حد قالي ان شاهندا هتخلف عيال قمر كده كنت قولتله انت عبيط؟!هل انت عبيط؟!
وليد:بابا عامل ايه وماما وتيته
ترتيل:ماما متعثبه مننا من امبارح وكان تيته وبابا بيضحكوا عليها
تيام:اه وهي كانت تقول لروتي وقام بتقليد شاهندا"انا هعرفك يا جزمه يابنت الجزمه علي اللي عملتيه ده "
عهد بضحك علي تقليد تيام : ليه عملتي ايه يا روتي
ترتيل ببراءه طفوليه:مش عملت يا خالتو
غفران:اهو انا بخاف من البراءه دي
وليد:مسيرنا نعرف يا روتي المهم همشي انا بقي عشان متأخرش ومتنساش يا بابا بالله عليك
سليمان:خلاص يا زنان بقي
غفران:كان بودي اقعد معاكوا بس ورايا محاضره يلا همشي بقي
عهد:غفران شهد تحت عنيكي
غفران:اكيد متخافيش
وليد:يلا السلام عليكم...ثم ذهب هو وغفران الي الجامعه بينما في منزل عهد قالت:روتي تيمو تعالوا ندخل نعمل اي حاجه سوا
ترتيل وتيام بفرحه:اه اه يلا
ورده:موركيش مستشفي النهارده
عهد:لا واخده اجازه النهارده عشان الصراحه مش قادره اروح خالص وكمان هعمل جرد في الصيدليه النهارده
ورده:تمام يا حبيبتي هدخل اعملكم عصير فراوله اللي بتحبوه
ترتيل:تيته
ورده:نعم يا قلب تيته
توجهت ترتيل الي ورده وقامت بتقبيلها قائله:عثان انا بحبك اوي لانك بتعملي العثير اللي بحبه
قام تيام بفعل المثل معها
فقالت ورده بحب وهي تحتضنهم:وتيته بتحبكم اوي
عهد:فعلا تؤام في الشكل وفي الفعل سبحان الخالق الحكيم...ها يلا يا ولاد تعالوا لحد ما تيته تعمل العصير
وبالفعل دلفا الي غرفه عهد فقالت لهم ها حابين نعمل ايه
تيام:اممم نحفظ من القرآن
عهد:حلو اوي وانتي يا روتي
ترتيل:انا كمان احنا حفظنا ثوره الاخلاث عايزه احفظ ثوره كمان
عهد:تمام هجبلكوا سوره سهله برضو
احضرت المصحف ليروا بأعينهم الآيات وبدات في قرائه سوره الكوثر
عهد:بسم الله الرحمن الرحيم
ترتيل وتيام:بثم /بسم الله الرحمن الرحيم
عهد:إنا اعطيناك
فقالوا ورائها:إنا اعطيناك
عهد:الكوثر
فرددوا قائلين:الكوثر
عهد:فصل
هما:فصل /فثل
عهد:لربك
هما:لربك
عهد:وانحر
هما:وانحر
عهد:إن شانئك
هما:إن شانئك
عهد:هو الأبتر
هما:هو الأبتر
عهد:يلا تاني
فظلت ترددها مرارا وتكرارا حتي استطاعوا حفظها فقالت لهم:شطورين خالص انتوا اشطر مني لما كنت صغيره
ترتيل:حقيقي
تيام:قولي والله
عهد بضحك:حقيقي والله
ترتيل بفرحه:انا شطووره اثلا ماما قالت انك يا خالتو مش كنتي بتحبي تذاكري
عهد:للدرجه دي سمعتي سبقاني لا يختي كنت بحبها بس هي اللي مكنتش بتحبني
تيام:خالتو
عهد:نعم يا حبيبي
تيام:بليل لما نمت شوفت وانا نايم جدو وتيته وعمو تواب و رورو وكله قاعد زعلان وبيعيط وكان عمو تواب زعلان خالص
عهد باستغراب لذلك:وانت نايم حلم يعني
تيام:اه
عهد:كله مين بقي
تيام:كل اللي بنحبهم وتيته شروق وجدو محمود ولولو وكلهم
عهد بمحاوله تطمينه مع القلق الذي راودها:عادي يا تيمو ممكن بتحصل معايا برضو قول بس اعوذ بالله ومتخفش
تيام:اصلا مكنتش خايف عشان انا شجاع
عهد:يا واد يا شجاع انت
دلفت لهم ورده قائله:عهد تعالي اقعدوا معانا بره اختك وعمتك ومرات عمك نزلوا هنا اهم
عهد:اشطات
ترتيل:العثير يا تيته فين
ورده:بره يا قلب تيته عملت لينا كلنا
تيام:بسرعه يا روتي هيخلصوه بيشربوا كتير
ترتيل وهي تجري:العثيييير
نظر لهم كل من عهد و ورده بصدمه ثم انفجرا في الضحك
عهد: مش قادرره الجزم باعوا الدنيا عشان عصير
ورده: ده بيحبوه اكتر مننا تقريبا يلا تعالي
وبالفعل خرجا اليهم
فوجدا ترتيل وتيام ينظران لهم بمرح بينما الباقي ينظرون بغضب
عهد:ايه يا جماعه هتكلوا العيال كده ليه
سميحه:الجزم خدوا العصير ومش راضيين يدوا لحد اي حاجه
ترتيل:اه عشان احنا بنحبه اكتر منكم
تيام:انتوا كبار اعملوا تاني احنا لسه صغيرين
شروق بضحك: لا اقنعوني الصراحه
ورده:خلاص يا جماعه انا اصلا عامله كميه كمان جوا لما عرفت انكم هتيجوا
شاهندا:طب بسرعه بقي يا ماما قبل ما يخلصوا عليه
عهد:هروح اجيبه اهو
وبالفعل دلفت عهد للمطبخ لأحضار العصير ثم خرجت لهم قائله:صحيح يا شوشو انتي مضايقه من البت روتي ليه ومتعصبه
ترتيل:مث عملت حاجه يا خالتو علي فكره
شاهندا:اه يا جزمه يا سوسه ده انا مفروسه منك من امبارح
سميحه بضحك: خلاص بقي قلبك ابيض
شروق:احكي حصل ايه
شاهندا:بصوا احنا امبارح انا وعبد الله كنا عايزين نشتري ليهم لبس عشان مش عندهم كتير فحصل ايه بقي...
Flash Back
في محل ملابس الاطفال كان يقف عبد الله وشاهندا وكلا التؤامين
عبد الله:ها يا شوشو في حاجه تانيه هتجبيها ليهم
شاهندا:لا يا حبيبي تسلم يارب تعيش وتجبلهم كده يا عبده يلا بقي يا باشا دورك
عبد الله:هو اليوم العالمي للشري ولا ايه
شاهندا:لا يا فالح لسه عمتو بس هاخدها بعدين انا وانت من غير ترتيل وتيام نسيبهم مع اي حد
عبده:طيب انا مش عايزه عندي اصلا
شاهندا:لا طبعا لازم تجيب زينا صح يا ولاد
ترتيل وتيام:صح يا ماما
عبد الله:طب يلا بينا
وعندما هما بالخروج من المحل وجدت ترتيل فستان قد اعجبها فقالت:بابا بابا
عبد الله:نعم يا روتي
اشارت ترتيل علي الفستان قائله:عايزه الفثتان ده
شاهندا:روتي جبنا كتير مره تانيه يا حبيبتي
ترتيل:عثان خاطري يا ماما ثكله حلو
عبد الله:عجبك اوي يعني
ترتيل:اوي اوي
عبد الله:خلاص يا شاهندا تعالي نجيبهولها
فرحت ترتيل بشده وتوجهت لاخذ الفستان فامسكته بقوه
شاهندا:يا عبد الله مش لازم جبتلها كتير خليها لمره جايه
عبد الله:ياستي مش مشكله مجتش علي فستان
ترتيل:يا ماما عشان خاطري
شاهندا:طب بصي يا روتي انتي جبتي كتير اهو ده بقي سبيه
عبد الله:خلاص يا شاهندا منكسرش بفرحتها نجبهولها و...
تيام:بابا بابا الحق ترتيل طلعت تجري
نظر عبد الله بصدمه ورائه فوجد ترتيل تمسك الفستان وخرجت به خارج المحل فقال:علي رأي المثل عشان تبقي تقولي لا
ثم جري خلفها لئلا تهرب وحتي لا تصدمها السيارات
جري صاحب المحل خلفها ايضا ليلحق الفستان
عبد الله:ترتيل تعالي هنا غلط
ترتيل:لا انتوا مش هتجبهولي
صاحب المحل:تعالي هنا يا عسل وهخلي بابا يشتريه
ترتيل:لا بتضحكوا عليا
عبد الله وهو يجري خلفها:الله يسامحك يا شاهندا كنا جبناه وخلاص
جري خلفها عبد الله بسرعه وقام بامساكها اخيرا
ترتيل:لاا عايزه الفثتاان مش هثيييبه ده بتاعيييي
بينما في المحل كانت شاهندا تقف بصدمه و بخجل قائله:احم لا دي مش بنتي يا جماعه معرفهاش ولا اعرف الراجل ده اصلا ده بس اللي ابني
تيام:لا يا ماما ترتيل اختي
شاهندا:اسكت يا فاضحني
نظرت شاهندا للناس بابتسامه بلهاء وخجل من ما فعلته ابنتها وبعد ان عاد عبد الله وصاحب المحل وكان عبد الله يحمل ترتيل
فقالت:ده انا هعمل منك فراخ بانيه يا ترتيل
عبد الله:حسبي الله ونعم الوكيل
ترتيل:عايزه الفثتاان
عبد الله:خلاص هجبهولك والله
ترتيل:انت حلفت
عبد الله:خلاص يختي فضحتيني احم بكام الفستان ده لو سمحت
صاحب المحل:ده ب $$$يا فندم وعشان خاطري خده انا هبطت والله
عبد الله: احم لا مهو خلاص هنشتريه
صاحب المحل:عملت فيا جميله يا فندم وربنا يحميهالك يارب
عبد الله:الله يحفظك
شاهندا:اما نروح يا ترتيل
ترتيل بسعاده غير مهتمه بما فعلته:هييييي الفثتان بقي بتاعيييي......
Back
شاهندا:وبس ومن ساعتها وانا نفسي اكلها بس خساره اللي صرفته عليها
انفجر الجميع في ضحك هيستيري عليهم
شروق بضحك: مش قادره بجد يخربيت شيطانك يا روتي بس جدعه والله هتطلع مبتثقش بسهوله
سميحه:من امبارح عماله اهدي فيها انا وعبده وهي متعفرته لسه
ورده بضحك: كل ده وتقولك مش عملت حاجه يا خالتو
شاهندا:ولا عبد الله نازلي ضحك لما كنت هتشل متهم امبارح
عهد: تعيشي وتاخدي غيرها
شاهندا:سكر يابت
ترتيل:الفثتان حلو يا خالتو
عهد: حقك يا قلب خالتو....
..................................
عند تواب كان يجلس بالعمل ولكنه شارد فأتي اليه يزن قائلا:تواب يلا عشان استراحه الغدا..وعندما وجده شارد قال:تواب تواب انت يابنيي
تواب:ايه في ايه يا يزن
يزن:اللي واخد عقلك
تواب:يعني انت جاي عشان بس تقولي اللي واخد عقلك انت يابني فيك حاجه في دماغك
يزن:لا يا خفيف كنت جاي اقولك استراحه الغدا
تواب:لا روح انت مليش نفس
جلس يزن بجواره وقال:مالك يا تواب ايه اللي شاغلك
اسند تواب رأسه علي ظهر المقعد وقال:زهقت يا يزن
يزن:من ايه
تواب:الوقت زهقت من الوقت اللي مش بيعدي ده
يزن:عشان تتقدم يعني
تواب:اممم
يزن:طب ليه متتقدم وخلاص دلوقتي يابني وريح نفسك
تواب:تؤ اخلص الشقه الاول هي كده كده قربت بس عايزه تظبيط لانها بتاعتي اساسي وكده كده فتحت ابويا ولما حد يسالني بتظبتها ليه بقوله اي هبد زي مثلا عشان ارتاح منها وكلام منه يعني
يزن:طب هما بيسالوا ليه اصلا
تواب:عادي بيطمنوا يعني مثلا نساعدك في حاجه طب ليه اساسا ما انت عايش مع والدك مش تطفل يعني
يزن:اه فهمتك
تواب:انا قررت حاجه
يزن:ايه هي
تواب:هعمل كتب كتاب علي طول مش خطوبه
يزن:نعم يا خويا
تواب:ايه مستغرب ليه
يزن:يعني اصل مين قالك انهم هايوافقوا او حتي محتاجين فتره تعرفوا بعض
تواب:لا كل دي كماليات هعرفها وهي بتاعتي وبعدين تصدقني لو قلتلك اني مكتفي بيها وهي كده حاسس اني اعرف كل حاجه عنها
يزن:ده انت واقع واقع يعني
تواب:اهم حاجه متخطاش حدودي
يزن:طبعا يابني..اصبر يا تواب ربنا بيقول (وبشر الصابرين)اصبر هتلاقي اجرك كبير
تواب:ونعم بالله شكرا يا يزن انك سمعتني
يزن:انت يالا الكلام ده بيجبلي حموضه فتسكت خالص مفيش شكر بينا يامعلم
تواب:واد يا يزن انا عارفك بقالي زمان صح
يزن:صح
تواب:انا بقول كفايه عليك كده اوي ايه رائيك
يزن:واهون عليك يا توبتي
تواب:يلا يا معفن من هنا ابو منظرك يا اخي
يزن:خلاص متزعلش انت مقدرش تستغني عني اصلا
تواب:مهو مش بمزاجي والله يابني
يزن:حبيبي يا ابو الصحاب
تواب:طب ما تروح بقي نجبلنا اكل بسرعه كده قبل ما الساعه تخلص
يزن:مش كنت حالا عاملي فيها روميو ومش هتاكل
تواب:لا ده ملوش علاقه خالص بده بس الفكره اني جعت
يزن:طيب يخويا هروح اجبلك خدامك انا
تواب:متنساش الحاجه السقعه يا زينو
نظر له يزن بقرف ثم توجه لاحضار الطعام فضحك عليه تواب بشده وقال:ربنا يحفظك ليا يا صاحبي وتفضل في ضهري دايما.....
...................................
كان سليمان في عمله فاستغل وقت الاستراحه وقام بالرن علي والد حبيبه
سليمان:السلام عليكم
والد حبيبه:وعليكم السلام ورحمة الله وبركاته ازيك يا استاذ سليمان اخبارك
سليمان:الحمد لله دائما وابدا انت اخبارك ايه واخبار حضره الظابط باسل
والد حبيبه:تمام الحمد لله
سليمان:دايما يارب..انا كنت بتصل بيك حابب اخد منك معاد كده نجي نشرب شاي سوا
والد حبيبه وقد تفهم سبب الزياره :بس كده ده انتوا تنوروا علي عينا وعلي راسنا
سليمان:ربنا يحفظك يارب تكون فاضي امتي
والد حبيبه:انا يوم الاربع رايح انا وابني يخطب عقبال عندك يارب فلو مناسبك الخميس
سليمان:الف الف مبروك ليه يارب وربنا يتمم علي خير يارب وتمام حلو الخميس اوي بعد صلاه العشاء باذن الله
والد حبيبه:مفيش مشكله عندي
سليمان:تسلم يارب واسفين علي الازعاج
والد حبيبه:عيب يا استاذ سليمان متقولش كده لا ازعاج ولا حاجه
سليمان:الله يحفظك يارب تؤمر بأي حاجه
والد حبيبه:سلامتك
سليمان:مع السلامه.....
..................................
عند الاء كانت تجلس بغرفتها تكتب بعض الاشياء التي تحتاجها في عملها فوجدت هاتفها يرن فردت دون ان تري المتصل قائله:السلام عليكم
سامر:وعليكم السلام ورحمه الله وبركاته
الاء:ايوه مين
سامر بمزاح:واحد معجب وبيعاكس
اغلقت الاء الخط قائله:استغفر الله العظيم يارب الواحد بيبقي هاين عليه يشتمكوا شتايم ما يعلم بيها الا ربنا
عند سامر كان ينظر للهاتف بصدمه قائلا:هي بجد معرفتنيش ولا بيتهيئلي لا وكمان قفلت في وشي
قام بالرن عليها مره اخري فردت قائله:الو مين
سامر باستغراب :انتي بجد معرفتيش انه انا سامر
الاء:هو حضرتك اللي كنت متصل
سامر:ايوه
الاء:ااه معلشي والله اصلي رديت علي طول مشوفتش مين وبعدين لما قلت كده اخضيت يعني وقفلت
سامر:تمام مفيش مشكله اامهم اخبارك عامله ايه
الاء:احم تمام الحمد لله وحضرتك
سامر:حضرتي كويس بس ممكن بلاش حضرتك دي بلاش تكلفه بينا يعني
الاء:زي ما تحب
سامر:احب ان ميكونش في تكلفه بس برضو في حدود الدين متخافيش
الاء:متأكده طبعا من دي
سامر:طب الحمد لله بتعملي ايه حاليا
الاء:ابدا كنت بظبط شويه حاجات عشان اخدها المستشفي بكره
سامر بمزاح:طب ايه اللي منعك تكملي
الاء بتكمله المزاح:اصل في واحد اتصل بيا وكان عايز يعاكس وقفلت راح رانن تاني
سامر:لا ملوش حق الصراحه يشغل دكتورتنا
الاء:انت بتتريق
سامر:لا والله ابدا بس انا احلي علي فكره ولا ايه
صمتت الاء بخجل فابتسم هو الاخر ثم قال:صحيح كنت عايز اسالك حاجه
الاء:اتفضل
سامر:الفضل لله وحده امبارح فضلت ارن كتير مردتيش
الاء:كان امتي ده
سامر:اظن والله اعلم قرب العصر كده
الاء:اه اه وقتها كان في مشكله كده بيني وبين صحباتي ومعرفتش ارد
سامر: لعلها تكون خير ان شاء الله
الاء:اه كله خير والمشكله اتحلت الحمد لله
سامر:طب كويس
الاء: ممكن اسال سؤال فضولي شويه
قال بابتسامه:اتفضلي طبعا
الاء:هو انت مرحتش الشغل تقريبا صح
ضحك سامر بشده قائلا: ليه بتقولي كده عشان يعني بكلمك في الوقت ده والمفروض اكون بشتغل
الاء بخجل وابتسامه : الصراحه اه
سامر: لا ياستي انا في الشغل بس الوقت ده ساعه استراحه للغدا
الاء:يابختكوا عندكوا ساعه استراحه
سامر:ليه انتوا مش عندكوا ساعه برضو
الاء:هو الطبيعي لا عشان مثلا.....
قاطع كلامها دلوف والدتها الي غرفتها فعندما وجدتها تتحدث في الهاتف قالت:بتكلمي مين يا لولو
الاء:بكلم سامر يا ماما
والدتها:بجد سلميلي عليه جامد وخليه يجي يقعد معانا شويه
الاء:حاضر صحيح كنتي عايزه حاجه
والدتها:لا كنت بس جايه اقولك هروح عند جدتك عشان عايزاني وهرجع علي طول
الاء:تمام يا ماما سلميلي عليها كتير
والدتها:يوصل بأذن الله
الاء:الو سامر لسه علي الخط
سامر:ايوه يا الاء معاكي
الاء:ماما بتسلم عليك وبتقولك ابقي تعالي اقعد معانا شويه
سامر:حاضر بأذن الله
الاء:كنت بقول ايه الاول
سامر:طبيعي ما يبقاش فيه استراحه
الاء:ما شاء الله لسه فاكر
سامر في سره:عمري ما انسي حاجه تخصك
الاء:سامر سامر
سامر:معاكي معاكي
الاء:كنت بقولك يعني اني طبيعي ما يبقاش في استراحه عشان لو حد عيان محتاج حاجه من الصيدله نكون موجودين دايما وطبعا يعني المستشفي اربعه وعشرين ساعه فلازم نبقي موجوين وقت الشفت كله بس بالنسبالي ك الاء بهرب وادبس عهد عشان اشتري اكل
ضحك سامر عليها بشده وقال:لا شاطره والله اهم حاجه محدش يحس
الاء:لا محدش بيحس خالص
سامر:لا برافو والله بتعمليها ازاي دي
الاء بتفاخر مصطنع:سر المهنه بقي
سامر:متواضعه انتي اوي
الاء:كتشير قالولي كده
سامر: ماشي يا ستي عن اذنك بقي اسيبك عشان الاستراحه خلصت وهتطرد.كده
الاء:تمام
سامر:هتعوزي اي حاجه
الاء بابتسامه:لا سلامتك يارب
سامر:مع السلامه
الاء بعد.ان اغلقت:سلام يا سكر...
...............................
في جامعه غفران بعد ان خرجت من المحاضره بمفردها رنت علي شهد فردت الاخري قائله:السلام عليكم
غفران:عليكم السلام ورحمه الله وبركاته ايه يا شوشو مجتيش ليه لما لقيتك مجتيش المحاضره الاولي قلت هتتاخري وتيجي بعدها علي طول لكن مستنيه من ساعتها ومجتيش انتي كويسه
شهد وما زال الحزن مأثر عليها:كويسه يا غفران متخفيش
غفران:لا مش كويسه صوتك فيه حاجه بالله عليكي طمنيني
شهد:والله كويسه هو بس مش هقدر اجي النهارده عشان مكسله خالص ابقي جمعيلي المحاضرات وهنقلها منك
غفران:تحبي اجيلك
شهد:لا لا متتعبيش نفسك انا والله زي ما قلتلك كويسه
غفران:خلاص تمام يا شوشو انا مكنتش عايزه احضر لوحدي بس هحضر بقي عشانك والله اجيبلك المحاضرات
شهد:تسلميلي يارب يا رورو يلا مش عايزه حاجه
غفران:سلامتك يا جميلتي
شهد:وخداها من عهد
غفران:ههه حصل
شهد:قلوده يلا سلام
غفران:سلام
اغلقت معها وقامت بالاتصال علي عهد فقالت الاخري:ايه يا رورو خير حصل حاجه
غفران:لا الحمد لله مفيش بس الحكايه ان شهد مجتش النهارده وقالت مكسله وكان صوتها باين عليه الزعل اوي بالله عليكي قولي حصل ايه
عهد:صدقيني مفيش هي لو عايزه هتحكي وسبيها النهارده يمكن فعلا مكسله ولا حاجه
غفران:مش عارفه حاسه انكوا مخبين حاجه كبيره
عهد:مش كبيره ولا حاجه هي بس رقيقه زي ما قلت المهم هتحضري ولا تيجي عارفاكي زيي مش بتحضري طالما صحبتك مش موجوده
غفران:لا هحضر عشان اجبلها المحاضرات
عهد:تمام يا رورو وخدي بالك من نفسك يلا مع السلامه
غفران:سلام.....
.................................
كان وليد يتحدث مع والده في الهاتف فقال:خلاص حلو اوي يا بابا بس مش شايف الخميس بعيده شويه
سليمان:يعني اروح اقوله لا بعيد خليها بدري عشان ابني مستعجل يابني انت عبيط انا مخلفتش واحد عاقل حتي عهد اللي اللي عدله شويه بس لما بتفرح بتبقي اعبط منكم...
(كانت عهد في ذلك الوقت جالسه ولكنها شرقت بقوه فقالت سميحه:حد بيجيب في سيرتك
عهد:ده هيموتني...)
وليد:تسلم يا حاج مهزقني كده دايما
سليمان:اي خدمه يا حبيبي يلا غور بقي مش فاضيلك
وليد:طب بابا معلشي اخر حاجه والله هو لو اتجوزت هتجوز فين في شقتي اللي فوق شقه تواب ولا معاكوا واخد اوض عهد وغفران
سليمان:لا في شقتتك انت اوضهم هتفضل زي ما هي واحده في مره حبت تبات معانا تلاقي اوضتها وكمان اختك غفران وعهد متجوزوش لسه يعني منعرفش هيتجوزوا امتي بلاش غباء
وليد:كلامك صح يا بايا خلاص تمام والشقه بتاعتي محتاجه برضو تظبيط وده هعمله ان شاء الله لما اخطبها بحيث تعمل اللي هي بتحبه
سليمان:تمام يابني وتبقي عملت الصح كده يلا مع السلامه بقي ورايا شغل
وليد:سلام يا بابا....
...............................
في مدرسه لم نذهب لها من قبل وهي مدرسه حور اخت حياه كانت تقف مع صديقتها منتظره قدوم اختها لتأخذها فقد وعدتها صباحا بذلك
حور:اهي جت اهي يلا سلام
حياه:اتاخرت عليكي
حور:لا خالص انتي عمرك تتاخري
حياه:طب طمنتيني
حور:رخمه
حياه:"مرحبا بحسنات لم اتعب بها "
حور:احم انتي بتحرجيني يعني
حياه:لا والله ابدا بس فعلا لما حد يزعلك مترديش بل قولي مرحبا بحسنات لم اتعب بها هتاخدي حسنات وتلاقي اللي اذاكي خد سيئات عهد اللي معلمهالي
حور:استغفر الله واتوب اليه خلاص هعمل كده علي طول اصلا عهد دي ساعات بحسها ملاك والله رقيقه وتتحب وطيبه كده وبتخاف ربنا اوي بجد ربنا يحميها لو مكنش ليه هدف اني اسافر بره كنت عملت زيها بالظبط ودرست موادها
حياه:السفر قولتيلي
حور:اه صدقيني هيجي اليوم اللي هقولك شوفتي حققت حلمي وبقيت مصممه ازياء في اكبر دول العالم
حياه:يارب ياستي اتمنالك الخير دايما
حور:تعالي ما نشتري حاجه من السوبر ماركت
حياه:كنت لسه هقولك عايزه اشتري بيبسي اصلا
وبالفعل توجهتا الي السوبر ماركت واشترا ما ارادا وعندما هما بالخروج صادفهم يزن الذي كان يود شراء مشروب ايضا عندما لمحته حياه وحور نظروا للارض سريعا وكذلك فعل المثل وقام بالسماح لهم بالمرور وبعد ان غادرا قال في سره:يارب ارزقني اياها في الحلال يارب الواد تواب ده برضو بتيجي رخمته بفايده ......
..............................
ها قد حل المساء وتوجه سامر الي منزل الاء كما وعدها وعندما دق الباب وجد الاء تفتح فعندما راي من معها قال:انتوا ايه اللي جابكم هنا.........
.................................
هووب لحد هنا 😂علي فكره الشتيمه حرام يعني 🙂🙂اصل روحي التشويقيه لا تسمح اني اعدي بارت بدوت تشويق فين المتعه بقي هاا 😉😉
المهم اني عايزه اعرف رائيكوا في الروايه والفي البارت كمان واتمني التفاعل بليييز يا جماعه 🤗🤗

Ich liebe euch💕💛🕊