الرجوع (مستوحاه من قصه حقيقيه)

الفصل الخامس عشر

وقفنا البارت اللي فات علي صدمه الاء تعالو نشوف ايه حصل.....بسس . الاء بصدمه:في المواقف اللي ذي دي ممكن نقول كلمه واحده بس..سحقا
قال احد الشباب بوقاحه:علي فين يا مزه
الاء وهي تبتعد للخلف:ابعدوا عني لو سمحتوا عشان مصوتش والم عليكم الناس
فقال اخر بسماجه:طب صوتي كده وقام باخراج مطوه ثم قال:عشان ابوظلك وشك ده
الاء بخوف شديد:انتوا عيزين ايه لو سمحتوا سبوني امشي
قال احدهم:لا يا مزه مش هنسيبك تعالي معانا كده بهدوء ده احنا هندلعك والله ثم قام غمزها بوقاحه
همت الاء بان تجري بعيدا عنهم ولكن لحقها واحد منهم وامسك ذراعها وقال هو انتي مفيش حد قالك ان دخول الحمام مش زي خروجه
نظرت الاء له بخوف شديد ثم صرخت بصوت عالي:الحقونيييييييي حد يلحقنيييييييي
وفي مكان اخر كان سامر يسير متوجها الي منزله ولكن اثناء ما كان يسير سمع صوت صريخ  فذهب باتجاه الصوت وجد بعض الشباب يمسكون بفتاه ما فجري اليهم سريعا وعندما رأته الاء قالت بخوف:الحقني بالله عليك
صدم سامر بانها تلك نفسها الفتاه التي رآها وتمني ان يعرف اسمها
قال احد الشباب: في حاجه يا شبح
افاق سامر من شروده ثم قال : اه في سيبها بالذوق
فرد عليه الشاب: ليه تلزمك في حاجه غور ياض من هنا بدل ما اعورك
نظر سامر الي الاء فهزت راسها سريعا بان لا يذهب
قال سامر: طب بص انا دلوقتي جعان وعايز اروح اكل فتسيبها واخدها وامشي بالذوق ولا اوريك سامر وهو متعصب وجعان
نظرت له الاء بصدمه وقالت في سرها: روح الله يسامحك
قال احد الشباب: لا يا حلو انت تغور من هنا وتروح لامك تاكلك بقي
غضب سامر بشده لما قاله ذلك الفتي فقال بهدوء ما قبل العاصفه: تمام حلو اوي وانت اللي جبته لنفسك
وفي لحظه جري سامر الي ذلك الشاب الذي يمسك بالاء وقام بامساك ذراعه وبعده عنها وقال لها ابعدي بسرعه اجري من هنا وبالفعل ابتعدت الاء عن نظرهم ولكن ما زالت تراهم وبدا سامر بالشجار مع هؤلاء الفتيه وضرب ذلك الذي سبه وقال:عشان تبقي تطول لسانك كويس يا حيوان
وكاد احد الفتيه ان يضرب سامر ولكن صرخت الاء بسرعه وقالت:خد بااالك
نظر سامر خلفه وجد ان ذلك الشاب كاد يضربه باحدي العصيان فامسكه سامر بسرعه وقال:طب خليك دكر وتعالي اضربني في وشي مش تبقي عامل زي النسوان يا رووح اممك
الاء بصوت عالي:مالهم النسوان يا عنياا مش عجبينك في اييه
سامر بخفوت :الله يخربييتك ده وقتك الحق عليا اني انقذتك اصلا ثم قال بصوت عالي:لا ابدا ملهمش روحيي انتيي لسه واقفه ليه اصلا وبينما كان يتحدث ضربه احدهم بالبوكس في وجهه فتالم سامر:اااه يخربيتك ايدك دي و لا ايد جحش طيب يا معلم انت اللي ابتديت
بدا سامر في القضاء عليهم واحدا تلو الاخر وبعدها نظر لهم وهم مرمون علي الارض بانتصار ثم قال:حذرتكم من انكم تعصبوني واهو قد اعذر من انذر
ثم توجه ل الاء حيث انها كانت ما زالت تقف وقال:انا عايز افهم لسه واقفه ليه افرضي مقدرتش عليهم
الاء:احم انا اسفه بس كنت خايفه ثم قالت بابتسامه:متشكره ليك جدا انك انقذتني
شرد سامر في ابتسامتها ثم قال في نفسه:ده انا اللي متشكر للعيال دي انهم مسكوكي وشوفتك تاني
الاء:يا استاذ انت سرحت في ايه
سامر:هاا لا ابدا بس انتي ايه جابك من الطريق المقطوع ده احنا اه بالنهار بس ده اوحش طريق هنا
الاء وهي تنظر للارض فقط تذكرت كلام عهد بغض البصر:لا مهو انا كنت مستعجله وده طريق قريب من بيتي
سامر:خلاص تمام اتفضلي معايا اوصلك
الاء:لا شكرا ملوش لزوم انا هعرف اروح لوحدي
سامر بمزاح:يابنتي اسمعي الكلام بدل ما يطلع عليكي حد تاني
الاء بحزم:لا شكرا انا هروح من طريق عمومي شكرا ليك مره تانيه
سامر:احم العفو ده واجبي وبالمناسبه اسمي سامر
الاء:تشرفت عن اذنك
سامر:طب اسمك ايه
الاء:لو فيه نصيب تعرف هتعرف عن اذنك متشكره ليك جدا
وبالفعل غادرت الاء متوجه لمنزلها وظل سامر ينظر الي المكان الذي اختفت منه وقال في سره:ايه قطعه السكر دي يلهوي ياما علي بنات.مصر ده اللي قال بنات مصر جعفر يبقي اعمي ثم قال اما اروح اكل بقي اخروني ولاد الجزمه
بالفعل توجه سامر الي منزله وعندما وصلت الاء الي منزلها حكت لوالدتها ما حدث فقالت لها:تمام يا الاء بعد كده متمشيش من الطريق ده تاني والراجل يشكر انه انقذك بس برضو حلو انك مخدتيش واديتي معاه
الاء:لا طبعا يا ماما حرام وبعدين كانت عهد موتتني
والدتها بضحك:هههه اه صح نسيت انك هتحكي لصحبتك كل حاجه بس تشكري انك قولتيلي يا حبيبتي
الاء:عدي الجمايل بقي ياست ماما
والدتها:قومي يا جزمه من هنا
الاء بضحك: ماشي هدخل اوضتي بقي
وبالفعل دلفت الي غرفتها ثم قامت بالرن علي كل من عهد وحياه وحبيبه بحيث تكون مكامله جماعيه فرد ثلاثتهم قائلين: السلام عليكم
الاء:وعليكم السلام ازيكم يا بنانيت
حبيبه:احسن منك
الاء:يا رخمه
حياه:بت يا الاء متشتميش صحبتي
الاء:لا يا مامااا دي صحبتي قبل ما تكوون صحبتك يا حبيبتيي يعني تخصني انا
عهد:حبيبه تعالي نقفل علي ما المجانين دول يخلصوا خناق
حبيبه بضحك: تعالي والله
الاء:خلاص اترزعوا مش هنتخانق بس برضو صحبتي انا يا حياه الكلب
عهد:انتي صحيح لسه ماشيه من عندي بتتصلي ليه
الاء:احم ايه الاحراج ده في حاجه اسمها بتتصلي ليه
عهد بضحك: يا عبيطه لا انتي ترني في اي وقت يا لولو ده انتي قلبي
حياه وحبيبه:تيرارارارا
الاء بضحك: عيال حقوده المهم انا اتصلت بيكم عشان حصل معايا موقف وانا مروحه كده وعايزه احكيلكم عنه
عهد بمزاح:كلي انف صاغيه
حياه:يا بت اتكتمي شويه بقي
الاء:بصوا بقي...... وحكت لهم الاء ما حدث بالظبط
فقالت عهد:انتي عملتي الصح يا الاء بس مكنش لازم جمله لو نصيب دي مش جي يتقدم هو
الاء بضحك:  اصلي واخداها من روايه الصراحه وعجبتني
عهد:اه جيتي عالجرح روايات وما احلاها روايات
حبيبه:العشق
حياه:هي الروايات دي حلوه
قال ثلاثتهم في صوت واحد:نععم يختييي
حياه:بسم الله الرحمن الرحسم في ايه ده سؤال برئ
ضحك جميعهم فقالت عهد:الروايات دي عالم مختلف خالص يا حياه عالم كده جميل
الاء:انتي بس مسيرك معانا كمان يومين وتكوني صامه الروايات باذن واحد احد
حبيبه:بس يابت يا الاء يعني الراجل بيتخانق عشانك وعرض نفسه للخطر وهو شايفهم مسكين مطوه وعصيان تروحي تزعقي وتقولي مالهم النسوان يعنيا مش عجبينك قي ايه
انفجر كل من حياه وعهد في الضحك فقالت الاء:مهو اللي عصبني مالهم الستات عملناله ايه يعني
عهد:ده انتي يابنتي مصيبه لا بس بجد تصرف حلو منك انك مسمحتيش ليه يوصلك او ياخد ويدي معاكي
حبيبه:اه وكمان مقولتيش اسمك لان لو كنتي قولتي اسمك كان هيفكر انك موافقه علي النقاش ده
الاء:والست حياه معندهاش راي
حياه بحزن:انا مليش حق اتكلم يا الاء
عهد باستغراب:ليه يا حياه
الاء بحزن:لاني انا الوحيده المختلفه عنكم كنت بكلم صبيان عادي ومش من حقي اقولك راي في حاجه انا كنت بعملها وخايفه اقول راي تقولوا شوف مين بيتكلم
الاء:اخص عليكي يا حياه ابدا والله بالعكس انا بحب ارائك جدا
حبيبه:وكمان يا قلبي محدش معصوم من الغلط كلنا بنغلط
عهد:واهم حاجه نتعلم من غلطنا انتي ندمتي وتوبتي يبقي خلاص وبعدين احنا كلنا نسينا اصلا صح يا بنات
حبيبه والاء:اه والله نسينا
حياه:ربنا يديمكم ليا انا بحبكم اوي
الاء:والله واحنا اكتر المهم مقولتيش رايك في تصرفي
حياه:قوليلي الاول عرفتي اسمه
عهد والاء وحبيبه:تانييييي يا حياااه
حياه بضحك هيستيري: لا والله خلاص بهزر يا بنات توبنا الي الله المهم انتي ما شاء الله تصرفتي تصرف صح بس برضو ميخلاش من جنانك
الاء:ربنا يديمني وابقي مجنونه مش بحب العقل انا
عهد:طب يا بنات استنوا كده حبيبه
حبيبه:ايوه يا عهود
عهد:بصي يا قمر احنا كلنا عملين تجمع العيله واصحاب العيله يوم الجمعه فعيزينك تقنعي باباكي ومامتك انك تيجي انتي واختك واخوكي بالمره يتعرف علي الشباب هنا
حبيبه:هي والله فكره حلوه مش بطاله بس مش عارفه هيوافقوا ولا لا
الاء:شوفيهم وكمان قوليلهم الرجاله في مكان والستات في مكان
حبيبه:خلاص تمام
عهد:وانتي يا حياه تقولي لخالتوا وتيجوا كلكم
حياه:اشطا
عهد:استاذ علاء قال لاهله
الاء:والله يا عهد الجزمه انتي لو مبطلتيش تقولي علاء هضربك
حبيبه:بت يا حبيبه متزعليش علاء قصدي الاء
الاء:خفه يابت طب مش جايه
عهد:لا خلاص احنا اسفين يا صلاح قولتلهم
الاء:لسه هقولهم
عهد:يبقي خلاص كله يقول لاهله علي ما اقنع اللي عندي كمان ونشوف هنرد بايه بكره
فقال ثلاثتهم:تمام
الاء:طب يلا هقفل بقي عشان اروح اذاكر شويه وعلي فكره يا حياه اسمه سامر ثم اغلقت الخط سريعا فضحك عليها الفتيات ثم اغلقن جميعهن لتبدأ كل واحده منهم في اقناع اهلها
بعد ان اغلقت عهد توجهت لغرفه غفران دلفت الي الداخل وجدت اختها تجلس علي الفراش شارده فقالت عهد بمزاح:اللي واكل عقلك يتهني بيه..لكن لم تستمع اليها غفران فتوجهت عهد اليها ببطي ثم قالت بصوت عالي بجانب اذنها:رورووووووو
انتفضت غفران من مكانها بخضه ثم قالت لعهد:يا شيخه حرام عليكي قطعتيلي الخلف منك لله يا عهد اعقلييي بقي
عهد بضحك: لا انا عاجبه نفسي كده بس قوليلي كنتي سرحانه في مين يا قمر ثم قامت بغمزها
فقالت غفران بتوتر:هاا لا ابدا ثم سكتت قليلا وبعدها قالت:عهد بصي في حاجه عايزه اقولهالك بس تفهميني تمام
عهد بمرح:عملتي اييه من ورايااا يا سعديييه انطقي يايت عملتي ايه التاار ولا العاار يا ولد
غفران:روحي يا تافهه من هنا انا غلطانه اني بعتمد عليكي اصلا
ضحكت عهد قليلا ثم نامت بجوار غفران علي سريرها واخذتها في حضنها وقالت:ها ياستي احكي بقي سمعاكي
غفران:انا كده هنام مش حكي
عهد:ماشي تنامي في حضني زي ما كنتي بتعملي وانتي صغيره احكي بقي
غفران:بس هتفهميني كويس
عهد:صدقيني يا غفران اني اكتر واحده هتفهمك احكي يلا
غفران:طب بصي الصراحه اللي خلاني يغمي عليا في المدرسه مكنش ضغط ولا حاجه
عهد:طب ما انا عارفه
غفران بذهول:وعارفه ازاي
عهد:اصل حكايه الضغط دي يا رورو اول مره تحصلك وكمان لما سالتك محطتيش عينك في عيني فعرفت ان في سبب تاني
غفران:طب بصي يا فصيحه السبب الحقيقي ظلت تستمع اليها عهد وعندما قالت غفران ان رامي اقترب منها انتفضت عهد من مكانها وقالت:قرب منك يعني ايه عمل حاجه لمسك
غفران:اهدي بس اهدي معملش حاجه والله هو يدوب قرب مني جامد وبصراحه انا عيطت هي معجزه اني اعيط بس السبب اني كنت بعيط كوني عارفه ان اللي بيعمله حرام والصراحه خوفت منه اوي خصوصا اني كنت بشتمه وهو سمعني
عهد:كملي
غفران:بعدها هو بعد والصراحه احم يعني هو
عهد:هببتي ايه
غفران:انا ضربته بالقلم
نظرت لها عهد بصدمه وسكوت فقالت غفران:انتي تنحتي ولا ايه يا بت
عهد:ضربتيه الراجل بالقلم اللي اطول منك يا اوزعه بعد ما كنتي بتعيطي ده انا لو عملتها ممكن اروح فيها
غفران بضحك: لا انا عملت نفسي بقي استرونج انبدندت ومان ولطشته قلم طرقع الصراحه وقعدت اقوله انت قليل الادب وشهد جات لحقتنا لانه كان فاضل ثانيه ويفعصني
عهد:ايه علاقه شهد بالموضوع
غفران:الا هو انا مقولتلكيش
عهد:لا يختي مقولتيش
غفران:مش طلع الواد ده اللي فضلت اشتم فيه قدامها كتير يبقي اخوها
انفجرت عهد في الضحك ثم قالت:يخرب عقلك يا غفران يبقي عشان كده اغمي عليكي
غفران:اه والله لقياه بيقولي اخوها وانا بقي افتكرت اني كام مره شتمته قدامها وكمان لما جت تحوشنا قولتلها البني ادم المستفز ده فالصدمه شلتني وقعت من طولي لا ولا البارد بعد ما فقت فضل يستفزني ابو شكله لا بس تصدقي يا عهد
عهد:ايه يختي
غفران:الواد مز وقمر كده
عهد بحده:غفران حرام كده وعيب وبعدين انتي غلطتي انك فضلتي تتخانقي معاه كان المفروض اول ما يبعد تخرجي علي طول وكذه مره اللي يقابلك مش تقعدوا تتخانقوا لا كنتي تمشيه ولا كانك سيباه
غفران:مهو يا عهد اللي بارد وبيعصبني
عندما همت عهد بالرد وجدوا من يدلف الي الغرفه ويغلق الباب بشده وكان ذلك الشخص وليد
وليد بعصبيه:انتي كمان بتتناقشيي يا غفران انتي بتستهبلييي وكمان خبيتي اللي حصل وكدبتي والله لاربيكي من اول وجدييد
وقفت كل من عهد وغفران واختبات غفران خلف عهد
فقال وليد:تعالي هنا انتي بتكدبي يا غفران وسايبه الكلب ده يقرب منك لا وشاطره رحتي ضربتيه بالقلم وفضلتي تتخانقي معااه والله عال
غفران بخوف:والله يا وليد هو اللي فضل يقرب ومعرفتش ابعده وكمان هو عصبني وضربته
وليد وعندما حاول سحبها منعته عهد:ومتزفتييش قولتيي هنااك لييه وهو وااقف وسيبانيي علي عماياا هاا انطقييي
عهد:اهدي يا ولييد الله يديمك محصلش حاجه
ولييد:اوعي يا عهدد غفران لازم تتربي عشان سيبنهاا هتسوق فيها
غفران وقد بدات في البكاء:والله يا ولييد ابدا ما كان قصدي
وليد:اومال ايه هااا مش قصصدك ازاييي وحتي لو مكنش قصدك بقي كذه مره تشوفيه وتقفيي معااه تتكلمييي
غفران:يا ولييد والله مش بتكلم بس بتخانق وهو مستفزز
وليد وقد اقترب منها وامسكها من يدها وتناها خلف ظهرها:وده كلام ولا مش كلاام هاا انطقييي اما واحده محترمه تقف مع شااب في الشاارع حتي لو بتتخانق يبقي اسمه اييه اقولك انا تبقي قله ادب يا استااذه
هنا ولم تعد تحتمل عهد فصرخت قائله:وليييييد اهدييي بقييي وسيبهااا هييي مغلطتشش
وليد بعصبيه:لا غلطت طبعا
عهد بعصبيه وقد رفعت اصبعها في وجهه:انا قلت مغلطتش وشيل ايدك من عليهااا انت سمعتنيي وبعديين غفراان دي تربييتيي كونها تحكيليي يبقي هي كده معليهااش عييب
واثناء شجاارهم دلف كل من سليمان و ورده وقال سليمان بعصبييه:والله عال بتتخانقوا زي العياال اقدر اعرف ايه سبب المهزله دي وانت يا استاذ وليد ماسك اختك كده ليه
جرت غفران الي عهد وقالت بصوت منخفض:عهد بالله عليكي متخليهمش يعرفوا بابا هيموتني
ولييد:الانسه راحت
عهد بصوت عالي:وليييد اسكتت خالص
ورده:يسكت ازاي يا عهد لازم نعرف ايه اللي حصل وبتتخانقوا ليه انتي واخوكي
عهد: مفيش يا ماما
وليد:لا فيه
عهد بعصبيه:يووووه اسكتت بقيي ملكشش دعووه هي جاات قالتليي اناا
سليمان:قسما عظما لو ما عرفت ايه اللي حصل حالا يومكم ما هيعدي
امسكت غفران بملابس عهد بخوف فنظرت لها عهد وقالت متخفيش يا قلبي ثم نظرت لوالدها وقالت:هتتفهمنا ولا هتعمل زي ما استااذ ولييد عمل
وليد:عملت اييه ديي لازم تتربيي انتي فاهمه يا عهد غفران غلطت وقلت قدبها
عهد بصوت عالي:قولتلكك مغلطتششش هي مقلتش لحد لانها عارفه ان رايكوا هيبقي بالشكل ده فجت قالتلي انا لانها عارفه اني هفهمهاا
ورده:نقدر نعرف ايه اللي حصل بالظبط يا عهد
سليمان:وهنتفهم يا عهد متخافيش تعالوا بره
بالفعل خرج جميعهم الي الخارج وحكت عهد لوالدها ما حدث مع غفران وسبب انها لم تحكي الا لها وبعد ان انتهت ظل والدها صامتا مما ادي الي خوف غفران بشده وبعد لحظات نهض سليمان مما افزع غفران وقامت عهد بسرعه و وقفت امام والدها وقالت بسرعه:بابا بالله عليك متعمل حاجه هي بس كانت خايفه هي اه غلطت بس جت وحكتلي عشان خاطري سيبها
نظر سليمان لها وقال بهدوء:اوعي يا عهد
عهد برجاء:بابا بالله عليك
قام سليمان بابعاد عهد من امامه واقترب من غفران وانفجرت في البكاء من خوفها امسك سليمان يد غفران فقال وليد بقلق:بابا خلاص هي عرفت غلطها
نظر له سليمان وقال:ما انت كنت هتضربها حالا يا استاذ وليد
وليد بعد ان نظر لغفران وهي تبكي وقال:طب بس خلاص هي عرفت غلطها
نظر له سليمان قليلا ثم نظر لغفران فقالت غفران بخوف:والله يابابا ما كان قصدي هو اللي قرب ومقدرتش ابعده انا اسفه والله انا حكيت لعهد بس لاني كنت خايفه منك
قام سليمان باحتضانها مما ادي الي صدمه الجميع
قالت عهد في سرها:هو اللي انا شيفاه حقيقي
نظر سليمان لغفران ثم قال بضحك:مقولتليش القلم كان جامد ولا ايدك خفيفه
نظرت له غفران بفرحه ثم قالت:لا متخفش القلم طرقع في الفصل كله و وشه علم
ورده:انت بتعمل ايه يا سليمان
سليمان:استني يا ورده بصي يا غفران
غفران:نعم يا بابا
سليمان:انتي غلطانه اه بس بحكم انك لسه صغيره تصرفتي تصرف غلط لو كانت عهد مكانك كنت عاقبتها لكن انتي لسه صغيره بس برضو انا اه كنت شديد معاكم في الاول جامد بس من بعد حاله عهد وانا فكرت لقيت نفسي غلط في اني مش قريب منكم مخلتكمش تثقوا فيا وتيجوا تحكولي انا او امكم عشان كده هفهم منكم الاول ولو لقيتكم غلطانين هعاقبكم بس المره دي لانك مش فاهمه تتصرفي ازاي او اول مره تتعرضي لموقف زي ده
عهد بفرحه:يريتني كنت تعبت من زمان
وليد:بعد الشر يا قلبي
نظرت له عهد بحزن ولم ترد عليه فحزن وليد لمعرفته بانه قد عاد كما كان غير متفهم
قالت غفران:يعني انت يابابا مش هتضربني ولا انتي يا ماما
سليمان:هو احنا كنا قاسين اوي كده يا غفران
عهد بسرعه:لا ابدا والله يا بابا بس هي عارفه انها غلطانه مش كده يا رورو
غفران بسرعه:اه والله يا بابا
سليمان:تمام وانا مش هروح للواد ده حفاظا علي صحبتك بس انما لو اتعرضلك تاني تعالي قوليلي يا غفران اتفقنا
غفران:حاضر والله يا بابا وعد
ورده:ربنا يحفظكم يارب ويديمك لينا يا سليمان
سليمان:ويديمك لينا يا قلب سليمان
وليد:ايوه يا بابا يا جامد
سليمان:بس يا حيوان وعلي الله يا وليد ايدك تتمد علي اخواتك تاني انا لسه ممتش
وليد:بعد الشر عنك يا بابا انا اسف ثم توجه لغفران وقام بتقبيل راسها وقال:انا اسف يا ستي متزعليش مني
غفران:اوعي وانت ايدك تقيله كده
وليد:والله كان من خوفي بس عليكي خلاص بقي متزعليش
غفران:تجيبلي شوكولاته وبيبسي وعصير وشيبسي
وليد:ده طمع بقي بس يلا عشان خاطرك يا ستي
غفران:حبيبي يا دوده
وليد:يا ايه يختي
غفران:دوده
وليد:غوري يابت ثم نظر لعهد فنظرت له بحزن وقال لورده:ماما هطلع عند عمتو
ورده:تمام يا قلبي
بينما في شقه تواب كان يجلس مع والديه ولكن عقله بمكان اخر فنظر له محمود وقال:مالك يا تواب
تواب:ها لا ابدا يا بابا
شروق:سرحان في ايه يا حبيبي
تواب:مش عارف والله
محمود:انت اهبل يلا يعني ايه مش عارفه
تواب: الله يسامحك..بابا
محمود:نعم
تواب:هو الحب حلو
شروق:انت حبيت يا تواب من ورايا من وري امك دي اخره تربيتي ليك متقوليش
تواب:انا ملحتقش اكمل والله يا حاجه اهدي يس ده سؤال بري
محمود:بص يا تواب الحب ده اجمل شي في الوجود بس اهم حاجه لازم يكون في الحلال
تواب:طبعا يا بابا
محمود:كل طرف من اللي بيحب شايف ان حياته عباره عن الطرف التاني ومش شايف حاجه غيره حتي لو اللي بيحبه ده في عيوب بس هو شايف العيوب مميزات
تواب:طب افرض انه حب من طرف واحد
محمود:ده يبقي هلك لمشاعر الشخص اللي بيحب لان الحب بيقدم حب وبياخد قدامه حب برضو الطرفين متساويين لازم
تواب:امم كلام مظبوط والله
محمود:انت حبيت يا واد
تواب بارتباك:هاا لا ابدا انا احب مستحيل طبعا احب ليه احم عن اذنكم اخش انام
شروق بضحكه خبيثه:اتفضل يا حبيبي
محمود وهو ينظر لمحمود:تفتكري ايه
شروق بضحك:ايه يا حبيبي
محمود:ابنك حب يا شروق
شروق:المهم ان اللي بيحبها تكون بنت ناس
محمود:انا واثق في ابنك يا شروق احنا مربينه صح
شروق:الحمد لله
محمود:بقولك ايه تيجي نخش ننام احنا كمان
شروق:اه يلا انا كمان عايزه انام فعلا
محمود:لا نوم ايه انتي صدقتي ده انتي وحشاني
شروق:محمود عيب كده كبرنا والله
محمود:تعالي بس وانا هثبتلك العكس
شروق:انت غلباوي يا محمود والله ابنك طالعلك
محمود:طب حلو اهو اطمنت علي مستقبله
شروق:بضحك:ربنا يديمكم ليا يارب
محمود:ويديمك لينا يارب...
...............................
بينما عند عهد توجهت لاعلي لشقه سميحه وقامت بالدق ففتح لها عبد الله وقال:ازيك يا عهد عامله ايه اتفضلي
عهد:الحمد لله يا ابيه معلشي بقي هزعجكم شويه
عبد الله:يا ستي ازعجينا براحتك
عهد بخجل:تسلم يارب عمتو جوا صح
عبد الله:اه اتفضلي
توجهت عهد للداخل فقال عبد الله في سره:الحمد لله يارب عهد رجعت تضحك وتهزر
في الداخل قالت عهد بمزاح:السلام عليكم يا اهل الدار
سميحه وشاهندا:وعليكم السلام تعالي يا عهود
عهد:عامله ايه يا عمتو
سميحه:بخير يا قلب عمتو
عهد:دايما يارب ومامي عامله ايه هي والعيال
قاطع شاهندا عبد الله بمزاح:تعبني والله يا عهد الواحد كان سنجل اريح
شاهندا:نعم يا استاذ عبد الله
عبد الله:بقول كان وهو سنجل مش مرتاح يا قلبي مش مرتاح
ضحكت عهد ثم قالت: ربنا معاك يا ابيه شوشو دي لوحدها مصيبه
شاهندا:بت انزلي متجيش هنا تاني
عهد بضحك: انا مش باجي ليكي يختي باجي لعمتو وهي بتحبني اجي صح يا عمتو
سميحه:صح طبعا
عبد الله:الا قوليلي يا عهد اشمعنا اسم ترتيل وفارس اللي اخترتيهم للبيبي
عهد:ترتيل عشان ترتيل القران الكريم واسم مميز مش اي حد بيسميه انما فارس عشان فيما معنا الشجاع والقوه كده وانا بحب الاسم ده اصلا بس طبعا لو عيزين غيرهم عادي والله
عبد الله:لا ابدا دول جمال جدا بس كنت بعرف السبب عشان لما حد يسالني يعني
عهد بضحك: اه فهمت
سميحه:طيب احكي
عهد:احكي ايه يا عمتو
سميحه: يابت متصعيش عليا ده انا اللي مربياكي
عهد:قفشاني دايما كده يا عمتو
سميحه:مالك بقي
عهد بتنهيده:وليد هيفضل طول عمره وليد ومش هيتغير
سميحه:ليه بس
عهد:برضو مش بيحاول يفهمنا سواء انا او غفران يعني غفران حكتلي حاجه حصلت معاها ومرضتش تقوله راح مهيج الدنيا وخلي بابا وماما يسمعوا ويجوا انا اه برضو زعقت قصاده بس لما لقيته كان هيضربها
عبد الله:وليد ده هجيب اجله في يوم
شاهندا:بصي يا عهد هو اتغير بس يمكن كان خايف عليها
عهد:يا شوشو ده محاولش يفهم هي غفران كانت بتحكيلي وهو سامع راح داخل علينا كده زي شرطه المخدرات وهابب فينا
سميحه بضحك: يابنتي انتي زعلانه ولا بتهزري
عهد:لا هو انا زعلانه منه وبهزر لاني بحب الهزار
عبد الله:البنات مخها ضرب
عهد:ربنا يسامحك يا ابيه بس بجد.نفسي يتغير يعني ليه ميكونش هو اول واحد غفران تروحله وتحكيله ده اللي عايزه افهمه
سميحه :والله لاربيهولك يا عهد ولا تزعلي
عهد:انتي حبيبتي يا عمتو والله
وهنا رن جرس الباب فقامت شاهندا لتفتح وجدت انه وليد وقالت بغضب:نعم عايز ايه
وليد: يا ساتر يارب حد يقابل حد كده
شاهندا:اه لما تكون مزعل عهد
عبد الله:دخليه يا شاهندا هي ماما هتعمل معاه الواجب
وليد:احم طب استاذن انا
سميحه:ادخل يا وليد
عبد الله:اوبا الحق اتشهد يا برنس
وليد:نبرت فيها يا عم
دلف وليد الي الداخل وجد عهد تجلس بجوار سميحه نظرت له عهد بحزن ثم نظرت للارض
قال وليد:يا عهد متزعليش والله كنت خايف عليها
سميحه:تعالي يا وليد اقعد جنبي
جلس وليد وقال:ايوه يا عمتو
امسكت سميحه وليد من اذنه فقال وليد:اه يا عمتو يا عمتو ودني بتوجعيني
سميحه:ده انا هقطعهااك خالص بقي يا جزمه توعدنا انك تتغير وتروح تبهدل الدنيا وتشخط في غفران وعهد كمان ومتفهمش منهم
وليد:يا عمتو بقي والله ما كان قصدي انا بس اتعصبت ان غفران خبت عليا
عهد:مهو لانها كانت عارفه ان رده فعلك هتبقي بالغباء ده
وليد بصدمه:انا غبي
عبد الله:الصراحه اه
سميحه:عايزه اعرف هتتعدل امتي
وليد:يا عمتو ودني ورمت والله سبيها وانا هتعدل حاضر
تركت سميحه اذنه وقالت انزل يلا بقي انا مش قابلاك
وليد:لا طبعا كله الا عمتي حبيبتي متزعليش مني والله
سميحه:انت يتراضي مين يا اهطل انت البت اللي زعلانه هناك اهي
وليد:اه صح لا مؤخذه
شاهندا:غبي والله اخويا غبي
وليد:بس يا زفته
عبد الله:انت ياض متقولش لمراتي زفته
شاهندا:تسلملي يا حبيبي
وليد:مفيش شوكولاته والله
عبد الله:هجبلها انا عادي
سميحه:افضلوا اتخانقوا وسيبوا البت زعلانه
نهضت عهد وقالت انا زعلانه منه يا عمتو ومش عايزاه يصالحني عن اذنكم نازله
لحقها وليد وقال:يا عهود اسف والله مكنش قصدي اتعصب ده انا طالع ليكي مخصوص
عهد:انت وعدتني انك هتتفهمنا يس خلفت وعدك
وليد:اول واخر مره والله معدتش هتتكرر
عهد:وعد
وليد:وعد
عهد:هات حضن بقي
ضحك عليها الجميع وقام وليد.باحتضانها بشده وقال:ميهونش عليا زعلك يا قلبي
قامت شاهندا بالتوجه لوليد وخبطتت علي ذراعه فنظر لها ففتحت ايديها وقالت: عايزه واحد
قام وليد بضمها هي ايضا وقال يديمكم ليا يارب
عبد الله موجها كلامه لوالدته:ولو قمت دلوقتي ولعت فيه متبقوش تزعلوا سمعتي يا امي
سميحه بضحك:ده اخوها يا عبده يخيبك
عبد الله:مليش فيه لا ولا التاينه راحه هي اللي تقوله عايزه واحد جتك القرف في حلاوتك
ضحكت سميحه عليه بشده
قالت عهد:احم ابيه
عبد الله:ايوه يا عهد
عهد:عايزه اقولك حاجه
عبد الله:اتفضلي
قالت له عهد علي اتفاق يوم الجمعه
فقال عبد الله:مينفعش يا عهد هيبقي الشباب كتير وانتوا موجودين غلط
عهد:طب بس ثانيه يا ابيه اولا احنا هنخرج بره والشباب هيكونا في مكان واحنا بعيد شويه عنهم بحيث تكون لمه كلنا وتبقي ذكري
عبد الله:هي اه فكره حلوه بس انتي عارفه اننا متحفظين يا عهد
عهد:يا ابيه والله مش هيحصل حاجه ومين يعني اللي هيجي هو صاحب تواب وصاحب وليد ولو حضرتك ليك صحاب واخو حبيبه بس وحضرتك وتواب قرايبنا
عبد.الله:امممم مش عارف الصراحه
شاهندا:وافق بقي يا عبده عشان خاطري
عبد الله:انتي ايه رايك يا امي
سميحه:هي فكره مش بطاله والله عجبتنا كلنا كستات
عبد الله:خلاص موافق
وليد:انا مش موافق
عهد:بتقول حاجه يا وليد
وليد:بقول اخترتوا مكان ولا اختار انا يا عهود
شاهندا:عالم جبانات
عهد: حبيبي يا دوده علي راي غفران
انفجر الجميع في الضحك علي هذا اللقب
ثم قالت عهد:حلو اوي كده يبقي وليد وابيه وافقوا فاضل بابا وعمو محمود وتواب ونشوف اهل صحابي
شاهندا:اشطا
عبد.الله:انتي ربنا معاكي قدامك مشوار
عهد بغرور:لا ابدا دي حاجه بسيطه خالص
سميحه:يا واد يا واثق
عهد:ميرسي ميرسي
جلسوا جميعهم قليلا ثم نزل عهد و وليد الي اسفل
فتوجهت عهد الي غرفه غفران وقالت:عايزه حاجه قبل ما انام يا رورو
غفران:تسلميلي يا قمر
عهد:صحيح يا غفران يوم الجمعه هيبقي فيه تجمع لينا كلنا
نظرت لها غفران بقلق وقالت:وانتي عندك استعداد ليه يا عهد
عهد:اه يا قلبي متخفيش صدقيني كله تمام بس ابقي قولي بقي لشهد
غفران:خلاص اشطا هقولها بكره في المدرسه
عهد:تمام:تصبحي علي خير يا قلبي
غفران:وانتي من اهل الجنه
توجهت عهد الي غرفتها وصلت القيام وادت فرضها وعندما همت بالتوجه للفراش غيرت مسارها متوجه لغرفه وليد وقامت بالدق علي الباب ودلفت للداخل
وليد:تعالي يا عهود في حاجه
عهد:ينغع انام جنبك النهارده
وليد:يغلاثي يا ولاد النونو بتاعنا خايف ينام لوحده
عهد:يا غلس خلاص مش عايزه
وليد:تعالي خلاص بهزر ده انت تؤمر يا قمر
عهد:حبيبي يا دوده
وليد:غوري يابت بره
عهد بضحك: عديها بقي وسيبني انام ورايا يوم طويل بكره
وليد:هسميه يوم لا تراجع ولا استسلام
عهد:معاك حق والله واخرس بقي سيبني انام
وليد:يعني انتي جايه اوضتي وتقوليلي اخرس
عهد:اه وان كان عاجب
وليد:طب نامي يختي
عهد:تصبح علي خير يا دوده
وليد:وانتي من اهل الخير يا قلب دوده
.................................
في غرفه غفران كانت تجلس شارده قليلا ثم تنهدت وقالت بغضب:استغفر الله العظيم يارب بني ادم سمج والله حتي مش راضي يحل عن نفوخي بتفكري فيه ليه انتي كمان يكونش عجبك يختي اخيه ليكون عجبني بجد لا لا لا عجببك ايه يا غفران اهدي كده الله يخربيتك عيب يا ماما عيب يلا اتخمدي وراكي مدرسه الصبح مش عارفه ايه لازمتها والله ودوني علي بيت قره عيني علي طول  والله انا عسل اتخمدي يا عبيطه بقي وبالفعل خلدت غفران للنوم بعد ما قضته في التحدث مع نفسها
...............................
في منزل سامر كان شارد بصاحبه تلك الابتسامه الجذابه فقال بشرود:يا تري هنتاقبل تاني يا قمر ولا لا واسمك ايه يا تري كان هيجري حاجه لو قلتي اسمك بدل الغلب ده يعني يسلام لو نتقابل تاني كده هيييح هيكون يوم المني وبعدين ايه ده مشوفتهاش غير مرتين بس لفتت نظري باخلاقها دي مقبلتش تمشي معايا تاني مع ان كان ممكن تتعرض لللخطر تاني يااه يسلم اللي رباكي والله انا هنام علي امل اني اشوفك تاني.......
وها قد نام الجميع منهم من نام علي امل باللقاء بمن خطفت عقله ومنهم من نام علي انتظار الحب من محبوبته ومنهم من نام علي شعور لا يزال لم يعرف معناه فلكل شخص حلم محدد او شعور مختلف ولا نعلم متي سيظهر ذلك الشعور وهل سيستمر ذلك الحب والخير ام سيحدث ما سيقلب الموازين لا نعلم كل ذلك سنعلمه ايها الساده الكرام فقط انتظروا الفصول القادمه لمعرفه كل ما هو جديد.......
...............................
ايه رايكم في بارت النهارده واتمني تكون الروايه عجباكم وبلييز تفاعل يا قمامير
Loveyou🤍🤍❤❤