الرجوع (مستوحاه من قصه حقيقيه)

الثامن والعشرون

يا مساء العسل علي الناس العسل 🥰😍قبل ما نبدأ بس عايزه اقول حاجه بليز يا جماعه عايزه تفاعل احس ان حد بيقدر مجهودي 🥺🥺ويلا بينا يا مزز نشوف هيحصل ايه........
...................................
صدم يزن بشده ولم ينطق بشئ اثر ما سمعه من صديقه
تواب بقلق عليه:يزن اهدي وهفهمك
لم يستمع اليه يزن واستسلم للسواد الذي لف رأسه وفقد وعيه
تواب بخوف عليه:يززززززن قووم يزن متقلقنيش عليك
هنا وتجمع اصدقائهم بالشركه وقال تواب لهم:حد يطلب الاسعاف بسرعه بسررعه
قام احد الواقفين بالاتصال بالاسعاف بالفعل وبعد عده محاولات من تواب لايقاظ يزن قال:ده مش راضي يفوق خالص يزن قوم بالله عليك..ثم اكمل قائلا:لا مش هقدر استني حد يساعدني انزله العربيه انا هوديه مش هستني لما يجوا
قال احد اصدقائه:تعالي هساعدك
وبالفعل قاما بحمله وانزلوه و وضعه تواب بالعربيه وتوجه سريعا هو ومن قام بمساعدته للمشفي
الشخص ويدعي مصطفي:براحه يا تواب هتموتنا ومش هنوصل كده
تواب ولم يستمع له وقاد بسرعه شديده وظل ينظر بقلق لصديقه بالخلف
مصطفي بخوف من تلك السرعه:يحرق اليوم اللي فكرت اركب معاك فيه
وبعد عده دقائق وصل تواب للمشفي ثم قاموا بحمل يزن وقال تواب بخوف:حد يلحقني بسرعه صاحبي بيضيع مني
توجه لهم الاطباء سريعا ثم ادخلوه غرفه الطوارئ وظل تواب ومصطفي بالخارج
مصطفي:تواب اهدي ان شاء الله هيبقي كويس يابني ده انت دايما اللي بتدينا ثقه وحسن ظن بربنا
تواب بقلق:ونعم بالله بس قلقان عليه يريتني ما قولتله انا غبي برضو غبي
مصطفي:اهدي بقي وقولتله ايه اصلا
تواب:مفيش مفيش هبقي اقولك بعدين
مصطفي:طيب اهدي بس كده عشان لو هتتصل بوالده و والدته
تواب بسرعه:لا بلاش لما نطمن عليه الاول عشان ميقلقوش
وهنا خرج الطبيب فتوجه له تواب سريعا ثم قال:طمني يا دكتور هو عامل ايه
الطبيب:اطمن هو كويس الحمد لله هو بس ضغطه زاد مره واحده وده ادي لاغمائه
تواب:يعني هو كويس اكيد مش هيحتاج يقعد هنا ولا حاجه
الطبيب:صدقني والله هو كويس كمان ربع ساعه كده وهيفوق
تواب:طب ممكن ادخله
الطبيب:مفيش مشكله اتفضل
مصطفي:طب هنزل انا ادفع الحسابات يا تواب وجاي
تواب:ماشي شكرا يا مصطفي علي وقفتك دي
مصطفي:بس يا اهبل انت احنا اخوات يلا انا نازل
وبعدها دلف تواب الي الغرفه وتوجه للفراش الذي عليه يزن ثم قال بخفوت:حاسس بيك يا صاحبي ومقدر صدمتك بس مش عايزك تتعب اكيد هي مش نصيبك وهنا دلف مصطفي ثم قال:هو عامل ايه دلوقتي
تواب:ان شاء الله هيبقي كويس
هنا قاطعهم رنين هاتف مصطفي فرد سريعا ثم قال:ايوه يابني خير اييه بتقول ايه حصل ازاي ده طب انا جاي حالا ثم اغلق الهاتف فقال تواب باستغراب:ايه يابني في ايه
مصطفي:في عامل وقع من الدور التالت من العماره اللي بنبنيها بس الحمد لله ربنا ستر ومامتش
تواب:بتقول ايه طب هنعمل ايه
مصطفي:انا رايح اهو اشوف الموضوع خليك انت مع يزن وانا هشوف لو حاجه عايزه تتعمل مكانك بس ابقي طمني عليه
تواب:ماشي شكرا ليك يا مصطفي
مصطفي:انا ماشي يا عم وبطل شكر كتير
وبالفعل ذهب مصطفي وبعد قليل افاق يزن فتوجه له تواب سريعا ثم قال:يزن حمد الله علي سلامتك يا صاحبي
نظر له يزن ولم يتحدث فقال تواب بقلق:يزن انت كويس تحب اندهلك الدكتور
قام يزن من علي الفراش ثم قال بهدوء:عايز اخرج من هنا
تواب:طب استني لما ترتاح
يزن:هتيجي معايا ولا تقعد انت هنا
تواب:طب خلاص خلاص هروح اقول للدكتور
نظر له يزن ولم يتكلم وبعد قليل عاد تواب قائلا:الدكتور وافق علي خروجك بس مع التحذير طبعا
قام يزن ولم يتحدث وعندما هم تواب بأسناده اشار له يزن بأن يبتعد ثم سار فتوجه تواب معه وركب كلاهما السياره فقال تواب:تحب اروحك
يزن:لا وديني مكان هادي ولم يتحدث بعدها مما اثار قلق تواب  وكان يزن شارد طول الطريق وبالفعل ذهب به الي مكان هادي وخالي من البشر الا قليلا خرج يزن من السياره ثم جلس عليها من الامام فذهب له تواب وجلس بجواره ولم يتحدث
بعد بعض الوقت سأل يزن:من امتي
نظر له تواب وعلم عما يتحدث فقال بخوف عليه:يزن مش مهم تعرف
يزن وقد بدأت دموعه تهبط:لا  مهم يا تواب مهم اعرف ان اللي فضلت احلم بيها واحلم باليوم اللي هتكون ليا فيه وانها هتكون علي اسمي واني اعيش معاها حياتي واللي فضلت مستني وصابر عشان استحقها فعلا اتخطبت لغيري امتي مهم اعرف اللي خلاص بقت محرمه عليا واللي خلاص معتش ينفع افكر فيها اتخطبت امتي
تواب:يزن اهدي هي مش نصيبك ممكن متكونش خير ليك
يزن وقد بدأت تعلو وتيره بكائه:بس ليييه انا احق بيها يا تواب انا اللي بحبها وفضلت احلم باليوم اللي هتكون فيه ليا ولوحدي انا اللي  من حقه تضحكلي مش هو بس هي مبقتش حقي يا تواب مبقتش حقي ثم انفجر في البكاء فقام تواب باحتضانه بقوه قائلا:انا حاسس بيك يا يزن بس بالله عليك اهدي اتاكد ان ده خير ليك مش شر
يزن بحزن وقهر:خير اني بقي حرام افكر فيها انا هموت يا تواب ازاي ده حصل وليه متقوليش
تواب بحزن علي صديقه:غصب عني والله يا يزن خفت عليك انا اسف
يزن ببكاء وهو ما زال يبكي:يريتني مت قبل ما يجي اليوم اللي متكونش فيه ليا وتكون لغيري يريتني مت
تواب:حرام عليك يا يزن تقول كده اهدي والله اكيد خير خليك واثق  في حكمه ربنا
يزن وكأنه لم يستمع له قال:مبقتش حقي يا تواب مبقتش حقي ثم قال بوجع هييي مبقتششش حقيييي ااااه ياااارب هموووت قلبي بيوجعنييي هي مبقتش حقييي يا توااااب
قام تواب باحتضانه بقوه وقال:اهدي بالله عليك كده خطر عليك اهدي يا يزن كله هيبقي تمام
ظل يزن علي هذه الحاله قليلا وبعد ان هدأ سال بيأس:امتي واسمه ايه وعرفها منين
تواب:يزن هتتعب كده
يزن بحزن:انا كويس بس قولي عشان خاطري
تواب بيأس:من يومين كده واسمه شفيق
ضحك يزن بسخريه ثم قال:واستاذ شفيق عرفها منين
تواب:لا معرفش بس اظن كان زميل ليها في الجامعه
يزن بقهر:كمان
تواب:يزن اهدي بالله عليك صدقني ممكن متكونش خير ليك انا والله حاسس بيك بس كده انت بتأذي نفسك
يزن بهدوء وكانه لم يكن يبكي منذ قليلا:يلا عشان نمشي
ثم توجه للسياره وصعد بها واغلق الباب بهدوء
تواب وهو يتوجه له ايضا:ربنا يستر عليك يا يزن
ثم قام تواب بالتحرك وقال:هتروح فين
يزن:وديني البيت
تواب:هتعرف اهلك
يزن:لا متقولش حاجه انا هبقي كويس
تواب:يريت فعلا.....
                  ...................................
بعد ان اوصل تواب يزن الي منزله توجه الي البيت هو ايضا وسلم علي والديه
فقالت شروق:مالك يا تواب شكلك في حاجه
تواب بابتسامه يحاول ان يطمنها:ابدا مفيش يا ست الكل
محمود:انت متأكد يا تواب وكمان جاي بدري النهارده
تواب:مفيش والله يا بابا وجيت عشان مش قادر اكمل يعني
شروق بقلق:ليه فيك حاجه طمني
قام بتقبيل رأسها ثم قال:والله انا كويس بس مكنش ليا نفس اكمل يعني خليت واحد صاحبي يكمل هو
محمود ولم يرد الضغط عليه:ماشي يا تواب مش هنضغط عليك
تواب:تسلم يا بابا انا طالع السطح شويه
محمود:ماشي يا تواب
وبالفعل صعد للسطح وجلس ثم احضر مذكراته التي يكتب بها كل ما يشعر به فكتب "من الأخطاء التي نرتكبها في حق أنفسنا هي التأجيلات، وكأننا نضمن العيش طويلاً."وبعدها قال:ربنا يكون في عونك يا يزن وظل يكتب ويكتب حتي يهدأ فهو يتألم لصديقه فكتب ايضا"وإن هزّت رياحُ اليأسِ مركبَنا فحُسنُ الظنِ باللهِ يُنجينا"
ومما كتبه ايضا وهو يتذكر حاله يزن  "‏سامح حنيني إن اتاكَ وأزعجك
أو مرّ في أذُنيك صوتي المرتبك