الرجوع (مستوحاه من قصه حقيقيه)

وفي النهايه

نظرت عهد بصدمه لتواب المصدوم ايضا ثم نظرت لغفران قائله:بتقولي ايه
غفران:ايه في ايه مصدومين كده ليه ثم اكملت بخجل وبعدين انتي عارفه مشاعري يا عهد
عهد:ده مستحيل
فقالت بحزن :ليه يا عهد ما هو اعترفلي وقالي ان هو هيتقدم
تواب باسف عليها:للاسف اللي انتي بتحبيه ده هو السبب في حاجات كتير متعرفيهاش
نظرت له بشك ثم قالت:حاجات ايه
نظر لها تواب قليلا ثم نقل بصره لعهد فتنهدت وبدأت في سرد كل ما حدث لهم بسببه وبعد ان انتهت قالت غفران بصدمه وعدم تصديق :لا لا مش حقيقي اكيد في حاجه غلط انتوا بس بتهزروا صح
عهد باسف:سامحيني يا حبيبتي بس هي دي الحقيقه لو مكنتش خايفه عليكي مكنتش قولتلك
فاردفت ببكاء:بس بس كده ظلم انا مش عايزه كده يا عهد عشان خاطري قولوا ان انتوا بتهزروا
تواب بحزن:يريت كنا نهزر فعلا بس دي الحقيقه
نظرت لهم بصمت ثم انخرطت في بكاء مرير فاحتضنتها عهد باحتواء ثم قالت:اهدي يا غفران والله مكنتش عايزه اقولك بس كنت خايفه تتجرحي
فاردفت:بس هو قالي انه بيحبني ازاي ضحك عليا
تواب بحزن وغضب ايضا:باين انه انسان زباله بس يا ويله لو جه نحيتكم
نظرت لهم ثم قالت:طب عن اذنكم عايزه اقعد لوحدي شويه
حاولت عهد الرفض فامسكها تواب مشيرا لها بان تدعها علي راحتها
فنظرت لها عهد ولم تتحدث بينما غادرت غفران بحزن ثم توجهت لتجلس بمفردها في المكان المفضل لها....
عند عهد نظرت لتواب بحزن واردفت:تفتكر هتقدر تعدي الموضوع بسهوله
تواب بامل:ان شاء الله يا عهد هتكون كويسه هي برضو قويه ادعي انتي بس
عهد برجاء:يارب ريح قلبها
تواب:امين يارب
عهد بحب:مكنتش عارفه من غيرك هعمل ايه دلوقتي يا تواب شكرا انك في حياتي
تواب بحب:انتي كل حياتي يا عهد انتي الشمس اللي بتنورلي حياتي ربنا يديمك عليا نعمه يارب ثم اكمل بمزاحه المعتاد ويعدي الاسبوع ونص ده بقي بسرعه عشان جبت اخري
نظرت له عهد بضحك مصحوب بالخجل ثم قالت بعد ان لاحظت محل للايس كريم فاشارت له قائله:تواب عايزه آيس كريم
نظر لما تشير اليه ثم قال لها:حاضر يا قمر استني هاجي علي طول
وبالفعل توجه للشراء بينما ظلت عهد تنتظره حتي يأتي....في مكان اخر كان يستمع لشخص علي الهاتف 
فقال:جاهز يا باشا مستنيين اوامرك
فقال: بشر طب حلو اوي استني مني اشاره
فقال الاخر:تحت امرك يا باشا
اغلق معه الهاتف ثم خرج متوجها لمكان ما وبعد قليل وصل الي وجهته ظل ينظر للهدف الخاص به وبعد مرور القليل وجد ان الفرصه ها قد اتت فاتصل بالشخص الذي كلفه بالمهمه:نفذ
فقال الاخر:اعتبره حصل يا باشا
اغلق معه دون ان ينطق بكلمه ثم قال بشر:عشان تبقوا تتحدوني كويس وتعرف ان مش حسام اللي تضربه يا تواب الكلب.........
كانت عهد تنتظر ثم وجدت تواب يتقدم منها فابتسمت بحب لكن لم تكتمل ابتسامتها حيث وجدت من يحملها سريعا ويدخلها السياره ثم يهرب سريعا
عهد بصراخ:تواااااااب
كان تواب يقف بمكانه مصدوم لا يقدر علي التحرك وعندما هم بملاحقتهم وجد من يخبطه علي رأسه بقوه بأحدي العصيان ثم فر سريعا و وقع تواب فاقدا وعيه فتجمع الناس سريعا حوله وحاولوا افاقنه وبعد عده دقائق فاق وهو يأن بالم فقال احد الاشخاص:انت كويس يا استاذ قوم نوديك المستشفي
نظر لهم تواب بفزع وهو يتذكر عهد فانتفض بقوه وتوجه لسيارته سريعا وهو لا يبالي بالناس وانطلق بالسياره بأقصي سرعه......
.........................................
كانت غفران تجلس حزينه علي ما عرفته عن الوحيد الذي احبته فهل يمكن ان يكون قد خدعها بالفعل جلست تبكي ثم قامت بالاتصال بشهد واخذت منها رقم هاتف رامي تحت استغراب شهد ولكن لم تدع لها الفرصه لتكمل حديثها ثم رنت عليه بتهور وعدم وعي وقالت بحزن:السلام عليكم انا غفران يا استاذ رامي
فرد باستغراب بأنها قامت بالرن :وعليكم السلام ازيك يا غفران خير في حاجه
فاردفت ببكاء:ممكن تيجي ليا ضروري
فرد بخوف عليها :حاضر اهدي بس وقوليلي انتي فين
اخبرته العنوان فقد قررت ان تواجهه بحقيقته وبالفعل بعد ان اغلق معها مر بعض الوقت ثم جاء فهرول اليها سريعا ثم اردف:مالك يا حبيبتي بتعيطي ليه
نظرت له بقسوه بعد ان هدات نفسها من البكاء: متقوليش حبيبتي ثم اكملت بحزن: ليه عملت كده وليه مقولتليش
رامي باستغراب:عملت ايه وايه اللي هخبيه عليكي
فردت عليه بهدوء رغم رغبتها في الصراخ عليه:عهد وتواب قلولي كل حاجه عملتها فيهم مفيش داعي انك تخبيه انا عرفت ان انت اللي كنت ورا كل اللي حصل ثم اكملت بنبره غلب عليها الحزن:مكنتش اتوقع ان هتجرحني انت كنت بتضحك عليا مش بتحبني
رامي بخوف من ان لا تسامحه:بالله عليكي ما تفهميني غلط انا هفهمك بس اهدي واسمعيني
فنظرت له بقسوه ثم اردفت:مش هسمع حاجه انا سمعت خلاص بما فيه الكفايه مفيش حاجه تانيه اسمعها عن اذنك
وعندما همت بالرحيل امسك يدها بسرعه فنفضت يده عنها بقوه وقالت:لو سمحت حرام اللي انت بتعمله ده سيب ايدي
رامي بحزن:طب بس اديني فرصه عشان خاطري
غفران باستهزاء:اسمع ايه ما خلاص انا اكتشفت انك اكبر كداب عرفته لو سمحت امحيني من دماغك
وبعد ان مشت خطوتين سمعته يقول:بس انا بحبك ومحتاجلك اوي
نظرت له قليلا ثم اردفت:وانا بكرهك
وعندما همت بالرحيل اوقفها رنين هاتفها فنظرت وجدت انها حياه فردت قائله:ايوه يا حياه خلاص جايه اسبقوني انتم
فاردفت حياه بصريخ:تعالي بسرعه في مصيبه عهد اتخطفت
عندما استمعت لحياه وقع الهاتف من يدها وظلت تنظر لامامها بصدمه فهرول لها رامي ثم اردف بخوف:ايه اللي حصل في ايه مالك يا حبيبتي
نظرت له بصدمه وقالت:عهد اتخطفت
فقال بصدمه شديده وقد علم ان حسام فعل ما كان ينوي عليه :بتقولي ايييه!!!!.......
.............................
بينما عند تواب وصل لبيته ثم صعد للسلم بسرعه وتوجه لشقته وفتحها بسرعه فوجد والديه فتوجه لهم قائلا بذعر:بابا الحقني يا بابا عهد
محمود وقد انتقل ذعر تواب له قال:اهدي وقولي مالها عهد
تواب وهو يوشك علي فقدان الوعي:عهد عهد اتخطفت يا بابا
شهقت والدته بقوه وبدأت دموعها في الهطول فقال محمود بصدمه:قولت ايه
تركه تواب ثم نزل سريعا لشقه سليمان وتبعه كلا من محمود وشروق ومحمود يصرخ عليه قائلا:تعالي هنا فهمني يا تواااب
خرج عبد الله وسميحه وشاهندا بخضه علي صوت محمود بينما تواب صار يدق علي باب عمه بقوه ففتح وليد بخضه قائلا:ايه يا تواب في ايه
ابعده تواب بقوه ثم توجه لعمه وامسكه من ذراعه قائلا:عمي عمي حد اتصل بيك
سليمان بقلق:حد مين يابني اللي هيتصل في ايه
عبد الله: بعد ان تجمع الجميع بالشقه:في ايه يا تواب انطق تحت بكاء شروق الذي لم يفهموا لما تواب ولم يرد عليه :يا عمي قولي حد اتصل بيك مش وقت اسئله
سليمان:لا يا تواب محدش اتصل
لف تواب حول نفسه بذعر وقال:اعمل ايه هيكون مين يارب
امسكه وليد قائلا:اقف وقولنا في ايه
تواب بخوف:عهد عهد يا وليد اتخطفت مني
شهق الجميع بخوف فامسكه سليمان بغضب:بتقول ايه حصل ازاي ده
نظر له تواب بتوهان ولم يرد عليه
وبدأت السيدات في البكاء وقالت ورده:بنتي يا سليمان انا عايزه بنتي
نظر لها سليمان وهو يشعر بالعجز وبدأت السيدات في البكاء
حبيبه وهي تنظر للجميع ببكاء بخفوت:يارب احفظها يارب انت القادر علي كل شئ
توجهت شاهندا الي غرفه عهد علها تجد عهد بها وانها ليست مخطوفه ولكن ظلت تبكي وقاطعها رنين هاتفها اتصال من الاء فردت سريعا وهي تبكي
الاء:شوشو ازيييي...بتعيطي ليه يا شاهندا
شاهندا:الحقيني يا الاء عهد اتخطفت
انتفضت الاء من مكانها مما ادي الي قلق سامر:انتي بتقولي ايه انتي اتجننتي
ظلت شاهندا تبكي ولم ترد فصدمت ان الامر حقيقي فاغلقت سريعا ورنت علي الفتيات وهي تبكي ايضا:حياه شهد بسرعه البسوا وتعالوا عند عهد متتاخروش
شهد:في ايه يا الاء بتعيطي ليه
حياه:اهدي بس وفهمينا في ايه
الاء ببكاء:عهد اتخطفت يا حياه انا هموت من غيرها
صدمت كل من حياه وشهد و وقع الهاتف من يد حياه وبدأت في البكاء بقوه فتوجه لها يزن بقلق قائلا:حياه حبيبتي في ايه بتعيطي ليه
نظرت له حياه ببكاء وقالت:عهد يا يزن عهد هتضيع مني
يزن بقلق:بتقولي ايه فهميني
حياه:عهد اتخطفت يا يزن انا عايزاها بالله عليك
احتضنها بقوه وقلق علي عهد ويفكر بحاله تواب الان ثم قال:طب اهدي قومي البسي واحنا هنروح ليهم بس اهدي بالله عليكي
نهضت سريعا ثم توجهت لتغيير ملابسها وكذلك يزن..
عند شهد توجهت سريعا لباسل ببكاء قائله:باسل الحقني عهد اتخطفت
انتفض باسل من مكانه قائلا بذعر:امتي ده حصل
شهد ببكاء:مش مش عارفه الاء اتصلت وقالت لينا حالا عهد يا باسل بالله عليك ثم انفجرت في البكاء فقام باحتضانها حتي يطمنها فقال:بس اهدي يا قلبي هتكون كويسه ان شاء الله ادخلي البسي وهنروحلهم نكون معاهم
اومأت ثم دلفوا لتغيير الملابس حتي يكونوا معهم .....
................................
عند تواب كان يجلس وعبد الله يقوم بلف رأسه التي نزفت بسبب الخبطه تحت بكاء السيدات وقلق الرجال
سميحه ببكاء :طب مشوفتش مين اللي خطفها يا تواب
تواب بقلق:لا لا مشوفتش حد كانوا مغطيين وشهم ولما جيت الحقهم حسيت بحد خبطني ومحستش بحاجه بعدها الا لما فوقت...نظروا له بقلق وتوتر وبعد قليل وجدوا الجميع يأتي لهم فتوجه الشباب لتواب سريعا وقال يزن:تواب انت لازم تهدي عشان تعرف تلاقيها
وضع تواب رأسه علي يده وقال:هتضيع مني يا يزن هتضيع مني
باسل وهو يحاول بثه القوه:تواب انت لازم تفوق متبقاش ضعيف عهد اكيد مستنياك دلوقتي....
عند الفتيات جلسوا بجوار بعضهم وظلوا يبكوا وقالت حياه:فين غفران
شاهندا بشهقه:غفران صح لسه في الشغل
حياه:طب انا هرن عليها..وبالفعل رنت عليها وحكت لها ما حدث ببكاء وبعدها اغلقت و ظلت تبكي ايضا فقالت سميحه بغضب بعد ان انفلتت اعصابها:اخرسي انتي وهي مش عايزه نفس بتعيطوا ليه عهد هترجع اتكتموا بقي والا والله هروحكم وانتوا يا رجاله كل واحد يهدي مراته يلا
توجه الشباب لتهدئه زوجاتهم وعندما هم تواب بالخروج قائلا بقلق:انا مش هفضل حاطط ايدي علي خدي مستني اللي هيحصل انا نازل ادور عليها
قاطعه صوت رنين هاتفه فوجد رقم مجهول فرد سريعا:الو مين
حسام بسخريه:قلبي عندك يا صاحبي اول ما عرفت ان زوجتك المصونه اتخطفت قولت لازم اعذيك بنفسي قصدي اواسيك
تواب وقد علم انه وراء خطف عهد:اقسم بالله يا كلب لو مسيت شعره منها لهروح بيك في داهيه انطق عهد فيييين
ضحك حسام بسخريه وهو ينظر لعهد المنكمشه علي نفسها بخوف:متقلقش في امان معايا اوعي تخاف عليها ازعل منك
تواب:وربي وما اعبد لو ما نطقت وقولت وديت عهد فين لهخليك تعد ايامك الباقيه علي صوابع ايدك الواحده
حسام بغل :فوق لنفسك يا تواب واعرف ان صابعك تحت ضرسي اي قله ادب منك هخلص علي حبيبه قلبك
تواب:طب انت عايز ايه
حسام:انا وانا هعوز ايه مش عايز حاجه هي قاعده قدامي اهي
تواب:طب انا عايز اكلمها اطمن عليها
حسام:مش بمزاجك لما اعوز انك تكلمها هتكلمها..ثم اغلق الهاتف فجأه وبدأت الفتيات في البكاء مجددا وتلك المره معهم سميحه
تواب بغضب :هقتلك يا حسااام.....
....................................
عند غفران نظر لها رامي بصدمه وهي تبكي فقال:اهدي اهدي بالله عليكي هتكون كويسه
ظلت غفران تبكي وهي تلتف حول نفسها بتوهان وهي تقول ببكاء:عهد هي اختي اتخطفت اعمل ايه اروح فين
وقف رامي امامها ثم قال:اهدي تعالي وانا اوصلك وهي هتكون بخير صدقيني
تابعته غفران في سيارته ثم اوصلها الي منزلها ولكنه صعد معها ودلف للجميع بتوتر ثم قال:السلام عليكم
نظر له تواب ثم هرول له سريعا وامسكه من تلابيبه وقال بغصب:فين عهد انطق والا والله العظيم مش هخلي شمس تطلع عليك انطق قولي فيييين عهد
ابعده كل من سامر وعبد الله فقال تواب بغضب:اوعوا محدش يمسكني هو مشارك مع الكلب التاني في خطفها....كل ذلك تحت بكاء الفتيات
فقال رامي بسرعه:تواب اسمعني انا عارف هو خاطف عهد فين صدقني انا جاي عشان ننقذها انتبه له الجميع فتوجه له تواب سريعا قائلا: فين قولي هي فين
حكي لهم رامي ما سمعه من حسام منذ عده ايام
Flash Back
كان حسام يقف بعيدا قليلا وهو يقول: ايوه يابني لقيت المخزن
الشخص: ايوه يا باشا هو اه جبته بصعوبه بس لقيتلك آمن مكان
حسام:عفارم عليك ابعتلي اللوكيشن دلوقتي وابقي تعالي وانت تاخد حلاوتك
الشخص:خدامك يا باشا هبعتهم حالا
حسام:طيب...اغلق معه وكان كل ذلك تحت سمع رامي الذي شك به
عاد له حسام فنظر رامي بعيدا وقال حسام:ها كنا بنقول ايه
رامي:ها كنا بنقوو
قاطعه صوت رساله لحسام ففتح الهاتف ولغبائه لم يلاحظ ان رامي قد نظر للرساله وعلم المكان فاغلقه بابتسامه شر ونظر له رامي وهو يقول في سره :مش مطمن....
Back
باسل: طب حلو يلا نروح دلوقتي
سليمان:طيب يلا عشان منتأخرش
عبد الله:لا يا عمي خليك انت وعمي محمود احنا هنروح نجيبها علي طول عشان محدش يكون في خطر
محمود:لا استني هنيجي معاك
باسل:عمي مينفعش احنا هنروح عشان نعرف نجيب مدام عهد من غير ما تكون تحت خطر
استسلم لهم كل من سليمان ومحمود وذهب الشباب سريعا لأحضار عهد ورامي معهم ايضا....
...............................
عند عهد كانت تنظر لحسام بخوف فنظر لها بابتسامه خبيثه ثم جلس امامها:اهدي كده يا مزه متخافيش حبيبك جاي حالا
نظرت له بخوف وشك فضحك بسخريه ثم قال بشر:بس يا حرام مش هيلاقيكي هو انا مقولتلكيش استني احكيلك انا لما كنت بظبط مكان المخزن الغبي رامي كان واقف ولاحظت انه بيتنصت فانا حبيت العب لعبه وريت رامي مكان المخزن وهو مش عارف اني اقصد وركبت في تليفونه فلاشه شبه جهاز التصنت من غير ما ياخد باله لأني عارف ان ضميره صحي ثم ضحك بسخريه:اصله بيحب اختك يا حرام وزي ما توقعت راح لتواب وقاله علي المكان وهما جايين حالا ثم نظر لها بابتسامه مقززه وهو يلمس وجهها قائلا:بس يا تري هيلقيكي ولا لا ولو لاقاكي هتكوني سليمه ولااااا
ابتعدت عهد بخوف وقالت:ابعد ايدك يا حيوان موتك هيكون قبل اللي بتفكر تعمله ده
ابتسم بشر ثم قام بضربها علي وجهها بخفه قائلا:هنشوف....
خرج حسام تحت ذعر عهد مما سيحدث لها وبعد قليل وجدت حسام يدلف سريعا ثم اوقفها بقوه فبدأت بالصراخ ولكن خبطها بقوه في رأسها مما ادي الي اغمائها ثم قام بحملها وخرج سريعا وقد ترك رساله لتواب ليراها بعد قدومه......
وبعد قليل وصل تواب والباقي للمخزن ثم دلفا سريعا وظل تواب يصرخ باسم عهد
تواب:حساااام اطلعلي عهد انتي فين يا حبيبتييي عهددد
نظر الشباب حولهم لاحظ وليد وجود ورقه موضوعه علي المنضده الوحيده بالمخزن فتوجه لها ثم امسكها وفتحها وقرأ ما بها ثم سب حسام بغضب توجه له تواب سريعا واخذ الورقه منه فوجد مكتوب بها"خيرها في غيرها "
نظر تواب حوله بغضب وفجأه صدع صوت هاتفه فوجد انه ذات الرقم المجهول فرد سريعا وقال بغضب:صدقني هتندم علي اللي بتعمله ده
ضحك حسام بقوه ثم قال:ايه رائيك بقي ابقي سلملي علي الغبي رامي وقوله مش انا اللي يتاخد علي قفاه..ثم اغلق الهاتف نهائيا فحدف تواب الهاتف بقوه وغضب:همووووتك يا كلببب راااح فييين ددده
رامي:بصوا انا شكيت فيه في الاول قولت انه ممكن يعمل حاجه فخدت حذري وخليت واحد صاحبي يراقب تليفون حسام
وليد:طب اتصل بيه بسرعه
قام رامي بالاتصال بصديقه بالفعل وقال:الو بقولك مش وقت سلامات فاكر الرقم اللي قولتلك تراقبه وتعرف تحركاته
صديقه:ايوه ماله
رامي:عايزك تعرفلي حالا تحركاته
صديقه:اديني خمس دقايق
رامي: طيب معاك علي الخط
ظلوا ينتظروا عده دقائق ثم قال صديق رامي فجأه:للاسف يا رامي الرقم ده مقفول نهائي يعني مش هعرف اقولك مكانه بالظبط الا لما يفتح التليفون
قال رامي بيأس:طب بالله عليك خليك وراه واول ما يفتح وتعرف مكانه بلغني
صديقه:تمام....
اغلق رامي ثم اخبرهم بما قاله صديقه
تواب بتألم:اااه اعمل ايه هتكوون فيين يعني اااااه.. وهنا استسلم تواب للسواد الذي لف رأسه
لحقه يزن ورامي بسرعه قبل ان يصتدم بالأرض
توجه له عبد الله سريعا وحاول افاقته: توااب توااب فوق يا توااب
حاولوا عده مرات افاقته لكنه لم يستجب فقال سامر: لازم نخده للمستشفي ضروري
حمله عبد الله و وليد و وضعوه بالسياره ثم توجهوا سريعا للمشفي وتم وضعه باحدي الغرف فقال الطبيب: هو كان فيه ضغط جامد علي اعصابه وده ادي لحالته دي انا اديته مهدء وشويه وهيفوق
وليد: شكرا يا دكتور
الطبيب: العفو لو احتجتوني هتلقوني في مكتبي...
نظروا لتواب بعد ان غادر الطبيب فقال سامر: هندي للعيله خبر
عبد الله: لا هما مش مستحملين استني لما يفوق
وفي وسط جلوسهم وجدوا تواب ينتففض بخضه قائلا: عهدددد
توجه له الشباب سريعا فقال باسل:تواب اهدي
نظر لهم تواب بفذع ثم ابعدهم بقوه وتوجه خارجا فامسكه يزن قائلا:استني يا تواب لما ترتاح
تواب بغضب :ابعد عني بدل ما اخليك تنام مكاني
ابتعد يزن بيأس منه ثم نظر لرامي قائلا:صاحبك قالك حاجه جديده
رامي:للاسف لا
سار تواب بقلق خارج المشفي وخلفه الشباب وهم يدعون ان تعود عهد سريعا.....
................................
عند عهد كانت تنظر للغرفه التي بها بخوف وبكاء وتقول:يا بابااا يا توااااب
دلف حسام وظل ينظر لها ثم قال:محدش هينجدك مني
عهد بخوف:انت عايز مني ايه حلفتك بالله تسيبني امشي
حسام وهو يضحك بسخريه:لا يا حلوه انتي هتشرفيني هنا شويه عشان الكلب بتاعك يعرف اني مش اللي يمد ايده عليا ثم اقترب منها بخبث وقال:وبعدها صدقيني هخليه يجيلك ثم نظر لها من اعلاها لاسفلها مما ادي الي انكماشها اكثر فاكمل:بس يا خساره هيجي ياخدك وهتروحوا انتوا الاتنين علي الترب عشان تكونوا مع بعض برضو بس في اخرتكم شوفتي انا بعزه ازاي
عهد:مش هتقدر تمس منه او مني شعره واحده ربنا قادر انه ينجدني منك ومن كلب زيك
نظر لها بغضب ثم امسكها من حجابها بقوه فصرخت ثم قال بغل:انا عايز سبب واحد يخليكي تبقي بالجرأه دي انا لو عايز انهيكي حالا هنهيكي ومحدش هيقدر يمنعني فاتظبتي كده واقعدي باحترامك بدل ما اعمل حاجه تحسرك علي نفسك وانتي طبعا فهماني ثم ابتسم بخبث فظلت تبكي بقوه وخوف فالقاها من يده ثم خرج وظلت هي تبكي وتستنجد ربها ان ينقذها منه.....
.................................
مر يومين وظل تواب والباقي يبحث عنها ولم يستطع احد ان يغفل حتي بسبب خوفهم وكانت من اصعب الايام التي مرت عليهم فكانت الفتيات مستمرات في البكاء والشباب يبحثون دون نتيجه وكان رامي علي امل ان يحادثه صديقه يخبره بمكان حسام.....
وها قد.تحقق امله كانوا يجلسون بالمنزل يفكرون اين سيكون ايضا وجد صديقه يرن عليه فانتفض الجميع وقال رامي بسرعه:ايوه معاك ها فتحه
صديقه:اه فتحه قدامي اهو والمكان مش بعيد اوي هو في *****
رامي براحه:ماشي شكرا ليك يا صاحبي مش عارف من غيرك اعمل ايه
صديقه:علي ايه يابني
رامي:سلام سلام..اغلق معه رامي ثم اخبرهم بالمكان فقال تواب بسرعه وهو يجري خارجا:طب بسرعه قبل ما ينقلها
تبعه الشباب خلفه سريعا وقام وليد بالاتصال بالشرطه واخبرهم بما حدث فتوجهت الشرطه ايضا لنفس المكان...
................................
عند حسام فتح هاتفه لاجراء بعض المكالمات ثم استمع لما دار بين رامي والشباب فابتسم بشر ثم قال:وجه معادك يا تواب
ثم توجه سريعا لغرفه عهد ثم نظر لها بشر فابتعدت قليلا بخوف وقال:استعدي يا حلوه حبيبك جاي يخدك عشان تودعوا الدنيا انتوا الاتنين ثم توجه لها ليمسكها فابعدته بقوه وقامت بالبسق علي وجهه وقالت:ايدك متلمسنيش
نظر لها بغضب ثم فجاه صفعها بقوه مما ادي الي وقوعها وظل يضربها عده مرات تحت بكائها وبعد ان وجدها قد فقدت الوعي احضر ماء ثم سكبه علي وجهها فانتفضت بفزع فامسكها من حجابها وقال:انا ممكن اخلص عليكي دلوقتي ومتخديش في ايدي غلوه بس انا هستني و كلها دقايق وتستلقي وعدك انتي والزفت التاني
نظرت له بخوف ثم قام بجرها خلفه وانتظر تواب حتي يأتي.....
وصل تواب للمكان ومعه الشباب فوجدوا عده حراس يقفون فقال لهم:انا هتسحب عشان الحق عهد وانتوا اتصرفوا مع التيران دول
وليد:لا استني هاجي معاك
تواب:قولت خليكم هنا انا هخش بسرعه متخفش خلصوا بس مع دول وتعالوا جوا علي ما اصفي حسابي مع الكلب التاني...ثم تسحب للداخل وبدأ الشباب في التشابك مع الحراس
عند تواب وصل لغرفه فوجدها مفتوحه فدلف لها سريعا ولكنه صدم ان حسام يمسك عهد ويوجه لها السلاح  ولكن ما جعله يغضب بشده هو مظهرها واثار الضرب عليه ثم قال  الاخر بشر:اتأخرت يا تواب كده ليه قلقتنا عليك يا راجل
نقل تواب نظره ما بين عهد والسلاح الذي بيد حسام
حسام:ها يا سيدي تحب اخلص علي مين الاول انا نادر ندر ان اسيبكم انتوا اللي تختاروا
تواب:سيبها هي بره اللعبه دي كلها مشكلتك معايا انا
حسام:رد حلو بس للاسف مدخلش دماغي ناخد رأي المزه ايه رأيك اقتل مين فيكم الاول يا حلوه بصوا انا شايف انكم محتارين فانا هوفر عليكم انا هبدأ بيك يا تواب لانك عزيز عليا ثم هخلص علي الحلوه دي
عهد ببكاء وهي تصرخ وتحاول الهروب من قبضته:امشي يا توااب عشان خاطري امشيييي
حسام بغضب:اخرسي بقي
ظلت عهد تحاول الهروب فقام بضربها بقوه علي وجهها مما ادي الي اغمائها جري تواب له بغضب ثم لكمه علي حين غره فوقع السلاح من يد حسام وظل يلكمه بقوه وهو يسبه ويشعر بالتألم من منظر عهد تحت تألم حسام ثم ابتعد عنه بعد ان وجده فقد وعيه ثم توجه لعهد سريعا فوضعها علي رجله وقال بخوف:عهد عهد حبيبتي اصحي خلاص انا هنا انتي بخير اصحي يلا يا عهدي
فتحت عهد عينيها بذعر ثم بدأت في البكاء وقالت بتقطع:تواا توااب..هو كاا..كاان عاايز
تواب وهو يحتضنها بقوه وهي تتمسك بملابسه وكأنه طوق نجادها:اهدي خلاص انتي بخير والله خلااص
ولكن فجأه وجد يدها وقعت علي قدمه ثم لم يسمع صوتها فنظر لها بذعر وقال:عهد فوقي عشان خاطري فوقي...ثم صرخ بقوه:ااااااااه يااااااااااررررب
هنا دلف وليد سريعا ثم توجه لهما سريعا وظل يحاول افاقه عهد ولكنها لم تفق فقال:عهد فوقي يا قلبي انا هنا هي مش بتفوق ليه يا تواب
تواب بخوف:مش عارف مش عااارف ثم فجأه قام بحملها وقال:تعالي نمشي من هنا وخرج سريعا وعندما هم وليد باتباعه وجد حسام بدأ بالاستيقاظ فحاول الوصول له سريعا وهو يقول بغضب:يا خسيييس يا كلبببب والله هقتللللك عملتتت فيهااا اييييه
لكن منعه كل من سامر وعبد الله فقال بغضب:اوعواااا والله هشرب من دمممممه
نظر له حسام بخوف فأخرجه عبد الله وسامر بالقوه وقال:خلاص يا وليد سيبه والبوليس هيتصرف معاه
وليد:اوعااا لازم اقتله الكلب ده علي اللي عمللله
باسل:اهدي يا وليد سيبه واحنا هنتصرف معاه  وصدقني هيندم واشد ندم
ثم حاولوا تهدئته
بينما عند تواب كان يحمل عهد فقال بسرعه:يزن بالله عليك تعالي سوق بسرعه ثم توجه للسياره وجلس بالخلف بينما يزن قاد السياره بسرعه ثم اتصل تواب علي والده قائلا:بابا بسرعه بالله عليك اتصل بدكتور معاذ صاحبك وقوله يجي انا جاي في السكه انا وهي
محمود:عهد كويسه صح
تواب بخوف وهو ينظر لها:ايوه يا بابا هتبقي كويسه
ثم اغلق معه وحاول ايقاظ عهد وبدأت دموعه في الانهمار وهو يري وجهها المجروح فقال:عهد بالله عليكي فوقي عشان خاطري طمنيني عليكي عهد ردي عليا
يزن:اهدي يا تواب هي هتكون بخير والله
قام تواب باحتضانها بقوه وظلت دموعه تتسابق فقال:كانت هتضيع مني يا يزن كانت هتضيع مني لتاني مره وكنت هموت بعديها علي طول
يزن:وحد الله يا تواب هي ان شاء الله هتكون كويسه
تواب:يااارب.......
........................................
بشقه تواب التي جهزها كان ينام وبحضنه عهد التي تم وضع بيدها المحاليل وكان يضمها بقوه بعد ان تركه الجميع بعد ان اطمئنوا عليها ثم تركوه حينما وجدوا حالته فقد كاد ينهار...
فتحت عهد عينيها ببطء فوجدت تواب امامها فظلت تنظر له بهدوء ثم حاولت الابتعاد لكن وجدت نفسها تعود لحضنه مره اخري ثم قال:رايحه فين
نظرت له ثم قالت بهدوء:مش عارفه انا خايفه يا تواب
قام تواب باحتضانها وقال:متخفيش يا قلبي طول ما انا عايش اوعي تخافي ثم اكمل بتألم:كنت هموت يا عهد كنت حاسس اني مش عارف اتنفس وانتي بعيد عني كنت زي الطفل التايه ومش لاقي امه كانوا اصعب يومين عدوا عليا من غيرك انا اسف اني ما انقذتكيش منه يا عهد سامحيني يا عهد انا بعشقك يا عهد يا اغلي ما املك
ظلت عهد بحضنه ولكنها فأجات تواب بحديثها:من يوم ما انهارت وانا حاساك اماني كنت بس لما اشوفك بطمن كنت دايما بتمني انك تكون ليا فضلت ادعي ربنا كتير حتي لما كنت في المستشفي حلمت بيك انت الوحيد اللي كنت عايزه افوق عشان ما اخذلوش حلمت انك بتقولي متيأسيش يا عهد ربنا ميرضاش بيأسك كنت بس عايزه اشوفك عشان اطمن
نظر لها بحب ثم قال:بس ده مش حلم يا عهد انا فعلا دخلتلك
نظرت له بصدمه ثم قالت:يعني كنت حقيقي
تواب:ايوه وقتها كنت حاسس بوجع في قلبي ومش عارف ليه كنت حقيقي هموت وادخلك واستغليت الفرصه بليل ودخلتلك ولما طلعت فضلت ادعي انك تكوني سمعتيني وانك متيأسيش
دفنت نفسها بحضنه اكثر وقالت بخفوت:انا بحبك اوي يا تواب خليك دايما اماني
احتضنها تواب بفرحه وقال:انا انتي يا عهدي خليكي دايما عارفه كده
ابتسمت عهد بحب ثم ذهبت في النوم مره اخري.....
...............................
مر يومين وكانت تجلس هي وتواب مع الجميع بعد ان شفيت تماما وقالت لوالديها:صدقوني والله الموضوع مش مستدعي تأجيل خالص انا كويسه وكمان وشي خف خالص
الاء:طب برضو استني شويه يا عهد الفرح احنا مش مستعجلين
تواب بخفوت: يووه بقي انا مستعجل
شروق:يا حبيبتي خليكي لحد ما ترتاحي خالص
سليمان:ايوه يا عهد حتي تريحي اعصابك كمان
نظرت عهد لتواب فقال لها بحب:اللي يريحك اعمليه وانا هكون معاكي
فابتسمت له بحب ثم نظرت للجميع قائله:لا هنعمله في ميعاده
سميحه:خلاص يا جماعه سيبوهم علي راحتهم يبقي الفرح اخر الاسبوع
قالت غفران:عيزين زغروده بقي..صدحت صوت الزغاريد بحب وقام تواب بتقبيل يد عهد ثم قال عهدي:هروح مشوار سريع وجاي عشان اخدك للاسطبل وبعدين نشتري فستان الفرح زي ما اتفقنا
عهد:ماشي .....
......................................
كان تواب بجلس امام رامي وهو يضم كلتا يديه ثم قال بجديه:سامعك
نظر له رامي ثم تنهد وبدأ الحديث:من وانا صغير وانا فاهم فكره اني انا الراجل وان محدش ليه حكم عليا واني اعيش حياتي بالطول والعرض عادي ومحطش في دماغي اي حد حتي لو اختي وفضلت كده لحد ما كبرت واللي نيل الدنيا لما اتصاحبت علي حسام هو زود الفكره دي عندي اكتر واكتر لحد ما قابلت غفران
قاطعه تواب بجديه:انسه غفران
رامي:متأسف انسه غفران لقيتها شدتني كده استغربت نفسي هي بالنسبالي كانت طفله وفجأه لقيت نفسي بروح مدرسه شهد عشان بس اشوفها واستغربت لما لقيتها مش بتفتح معايا كلام في حين كل البنات اللي قابلتهم مش كده وفي يوم اللي اغمي عليها وانت زعقتلي وقولتلي سيبها علي الارض ولا انك تلمسها قولت ازاي بيغير علي اهل بيته كده في حين انا مش كده نهائي ولما ضربتني لما عكست احم مدام عهد حسام فضل يزن عليا اني انتقم وبغبائي سمعت كلامه وعملت اللي عملته وحقيقي انا اسف وندمان بعدها بدأت اراجع حساباتي بس برضو متردد واللي خلاني ابعد نهائي لما اتاكدت اني بحبها وبدات اقرب من اختي كمان بس لما اتفاجأت من مدام عهد عندي وهي اول ما شافتني اغمي عليها انا اتكسفت من نفسي واختي قاطعتني بسبب كده لما عرفت كل حاجه انا وقتها كنت عايز حد.اتكلم معاه ملقتش حسيت قد ايه اني ضيعت عمري كله في لا شئ من غير ما يكون ليا صديق واحد حقيقي وبعدها اختي رجعت تكلمني واللي للصدفه بسبب ان مدام عهد قالتلها حرام عليها ولما لقيت حسام بيعاكس مدام عهد انا حقيقي كنت بحوشه مكنتش متفق معاه بس انت اللي فهمتني غلط وفضلت مراقب حسام لما لقيت نظره غضب في عينه وبيقول هيندمك والباقي انت عارفه الي الان
نظر له تواب:وانا ايه يضمنلي انك فعلا اتعدلت
رامي:انت عايز ضمان ايه
تواب:انا بس هسألك سؤال واحد
رامي:ايه هو
تواب:بتصلي
رامي باستغراب:ليه السؤال ده
تواب:لأنك لو بتحافظ علي حق ربنا وبتخاف منه فعلا هتخاف تعمل اي حاجه تانيه وممكن ابدأ اثق فيك
رامي باعجاب:انا مكنتش بصلي بس بقالي مده وانا بصلي ورجعت لربنا الحمد لله
تواب:يستاهل الحمد
رامي:ها مسامحني
تواب بابتسامه:مسامحك
رامي:انت حقيقي يا تواب محترم جدا هو ينفع تضموني في الشله بتاعتكم
تواب بمزاح:عليه العوض فيك وقتها
ضحك رامي قليلا ثم قال:طب وانسه غفران
تواب:انا مش عليا غير اني اقولها انك فعلا حسيت بالندم بس رفضها بقي او رفض اهلها مش عليا
رامي بلهفه:وده اللي عايزه منك وتحددلي معاد مع اهلها
تواب بابتسامه:ماشي يا رامي
قام رامي باحتضانه ثم قال:تسلم يا تواب
تواب:اوعي يا زفت بقي وانت رزل من يوم ما عرفتك
انفجر رامي في الضحك وقاطعهم رنين هاتف تواب فوجد انها عهد فرد سريعا وبحب بعد ان ابتعدت قليلا: ايوه يا حبيبتي
عهد برقه :انت هتتأخر ولا حاجه اصلي قلقت عليك
تواب بحب:ده انا هاجي حالا اهو افتحي انتي الباب هتلاقيني قدامك
ابتسمت بخجل ثم قالت: ماشي مستنياك ثم اغلقت الخط فتوجه تواب لرامي ولم حاجته وقال:اسيبك انا بقي
رامي بغمزه:هنيالو يا عم
تواب:الله اكبر هو انت منهم انا ماشي يا عم......
...............................
مرت الايام وجاء موعد زفاف عهد وتواب بشوق وسعاده
كانت عهد تجلس بالكوافير بعد ان تجهزت فدلف لها والدها ثم نظر لها بحب وقال:الف مبروك يا اغلي عهد ثم قام بتقبيل رأسها
عهد وهي تحتضنه:الله يبارك فيك يا احن واعظم بابا
سليمان:حافظي علي جوزك يا عهد واوعي تزعليه
عهد بخجل:حاضر يا بابا
قاطعهم دلوف صحباتها و وليد ايضا فقام باحتضانها بقوه وقال:تيجي تروحي معايا بعد الفرح
عهد بمزاح:مستعده جدا
حبيبه:ايه يا حبيبي انت عايز استاذ تواب يقتلك
ضحكوا قليلا ثم احتضنتها الفتيات بسعاده وفرحه
امسك سليمان يد عهد ثم نزلا للقاعه وقام بتسليمها لتواب الذي كان ينظر لها بهيام فقال سليمان:حافظ عليها يا تواب انا مسلمك جوهره خليها دايما بتلمع زي ما سلمتهالك
تواب:في قلبي يا عمي من جوا انت بتوصيني علي نفسي
ابتسمت عهد بخجل ثم ربت سليمان علي كتفه ورحل وقام تواب بتقبيل رأسها بحب ويدها وقال:الف مبروك يا عهدي ويا دنيتي كلها
عهد بحب:الله يبارك فيك يا احب ليا من نفسي.....
................................
مرت الشهور وكان الجميع يعيش بسعاده وحدث بها الكثير والكثير
فقد تم خطبه رامي وغفران بعد ان سامحته وتأكدت من مسامحه عهد وتواب له ايضا تحت سعاده رامي العارمه فكانت خطوبته اسعد ايام حياته وانضمامه للشباب كصديق لهم تحت ترحيب الاخرين به بعد مسامحتهم له
وزاد جنون ترتيل وتيام المرح
وتعلق كل زوج بزوجته اكثر فأكثر
وتم زج حسام بالسجن بتهمه الخطف والتحريض علي القتل.......
في احدي الايام كانت العائله تقف بالمطار يودعون حور التي ستسافر لتكميل مرحلتها الجامعيه بالخارج وقد.حققت حلمها اخيرا
حياه بدموع:هتوحشني اوي
يزن وهو يحتضنها:هي هتيجي اجازات يا حبيبتي وبعدين المفروض تكوني سعيده انها اخيرا هتحقق حلمها
حياه:بس هي عمرها ما بعدت عني
يزن:خلاص بقي يا قمر متزعليش وبعدين انا هنسيكي حور وكل حاجه وهنسيكي نفسك اصلا
حياه بخجل:علي فكره بقي انت قليل الادب وانا هسيبك مع نفسك وهروح للبنات بس
ثم تركته وهو يضحك عليها بقوه وظلت تتحدث مع الفتيات بمرح وهو ينظر لها وظل يحمد ربه علي تلك الملاك......
...................................
في احدي الايام كانت ترتيل تحادث والديها:بث يا بابا عايزه اجي معاكم
بابا:يا حبيبتي مينفعش كلنا كبار
تيام:لا احنا عيزين نيجي معاكوا ملناش دعوه
ترتيل:كل مره تخرجوا وتثيبونا هنا
قامت شاهندا باحتضانهم ثم قالت:خلاص والله يا حبايبي هنخرجكم انا و بابا في يوم لوحدك اتفقنا
تيام:وعد يا ماما
شاهندا:وعد يا حبيب ماما
ترتيل:وعد يا بابا
عبد الله:وعد يا حبيبتي
ابتسما بسعاده ثم غادرا الغرفه فقال عبد الله بمزاح:
الهبل صدقوا
شاهندا بضحك: مجانين اوي بس هنخرجهم برضوا وعدناهم مش هيسكتوا الا لما يخرجوا
عبد الله:امري لله...
..............................
في شقه تواب وعهد قالت عهد باستعجال:يلا يا تواب هنتأخر
تواب:حاضر يا عهدي جاي اهو خلاص خلصت
ثم خرج فقام باحتضانها ثم قال بحب:بس ايه القمر ده لا كده اغير
عهد بمزاح:حقك عارفه اصلا اني قمر
تواب:التواضع بيتعلم منك
عهد بمزاح:اه شوفت اني كمان مدرسه شاطره
تواب:يا غلسه تصدقي انك بارده
عهد:اصدق وما اصدقش ليه يا حبيبي
تواب:طب اوعي بقي انا غلطان انا برفع معنوياتك بكلمتين
ضحكت عليه عهد بشده ثم قامت باحتضانه بحب قائله:انت حبيبي يا تواب
تواب:وانتي اغلي ما املك يا عهدي.....
.................................
في احدي المطاعم الشهيره تجمع الشباب مع بعضهم
فكان يزن مع حياه..وتواب مع عهد...وباسل مع شهد..ووليد مع حبيبه..و الاء مع سامر..و غفران مع رامي..و شاهندا مع عبد الله يجلسان بالمكان المخصص للعائلات يتناولون الطعام في جو ملئ بالمرح
وبعد ان انتهوا قالت غفران:تعالوا نلعب لعبه حلوه
وليد بمزاح:بت يا غفران انتي لعبك فسكانه اسكتي بدل ما اخلص عليكي
رامي:بس يا بابا متقدرش تيجي جنبها اصلا
يزن وهو يريد اشعال الدنيا:اوبااااا ده بيقل منك يا وليد
تواب بمزاح:اخييييه منظرك وحش اوي
عبد الله بمزاح:والعه معاك يا رامي
خجلت غفران بينما قال وليد وهو ينظر لرامي بابتسامه شر:الدور الدور الدور الدور موعوده يلي عليكي الدور
باسل:الله يرحمك يا باسل كنت طيب
سامر وهو يشرب العصير ببرود:هنبقي ندعيلك يا رفيق
نظر رامي بخوف مصطنع لوليد وقال:اسف يا باشا عيل وغلط
وليد وهو ينظر لهم:ها يا شباب اسامح
عبد الله:يلا مش مشكله عشان غفران بس
وليد:معاك حق يا عبده من يومك وانت طيب
شاهندا:اويييي مقدرش اقولك
عبد الله:حب الجماهييير يا جمااعه
غفران:طب بصوا كل واحد يقول موقف رعب حصل معاه خلونا نستمتع يلا ابدأي يا شهود
حكي كل واحد ما حدث معه الي ان اتي دور عهد فقالت:اكتر موقف مرعب حصل معايا اللي جتيلي فيه يا الاء وقولتيلي بيتكم مسكون
شاهندا:ايه ده ليه
حكت لهم عهد ما حدث عندما غفت باحدي الايام بالشرفه وحدفها تواب بالمشابك
فانفجر تواب بالضحك فقال يزن:بتضحك علي ايه يا عم
تواب:احم يا جماعه انا حابب اعترف بحاجه
رامي:خير
نظر تواب لعهد وهو يحاول كتم ضحكته:عهد حبيبتي اليوم ده انا اللي كنت بحدف المشابك وكنت بستخبي بسرعه بصراحه لقيتك نمتي فقولت اتصرف
عهد بصدمه:يعني انت اللي خلتني اموت في جلدي وقتها
تواب بضحك: حصل واللي ضحكني بقي لما شغلتي قرآن بصوت عالي
انفجروا جميعهم في الضحك وقالت عهد:طب اوعي بقي وانت هزارك رخم كده
امسكها تواب بحب ثم اقترب منها قائلا بخفوت :قلبي انا كنت خايف تتعبي من نومتك وغيرت حد يطلع ويشوفك
وجد تواب الشباب يصفرون بسبب ذلك المشهد فخجلت عهد بشده
وظل تواب يقول:شكرا شكرا لا داعي للتسفيق دعوني اعمل في صمت
ضحكوا عليه ثم اكملوا حديثهم بمرح وحب و ود.....
.................................
في المساء كانت عهد تنام بحضن تواب فقالت:تواب
تواب:ايوه يا عهدي
عهد:ايه اكبر انجاز عملته في حياتك لحد دلوقتي
نظر لها تواب بحب ثم قال:اني خليتك علي اسمي خليتك ملكي انا لوحدي تعرفي يا عهد انا بدأت احبك لما كنت 16سنه بدأتي تلفتي نظري بس كنت فاكر اني عيل ومسير المشاعر دي تنتهي بس كنت كل ما اكبر حبك يكبر في قلبي لدرجه ان اول واحد اتقدملك انا اتجننت زعقت مع بابا وكنت هموت وليد في ايدي وانا بقوله الجوازه دي متمش والا هقلبها فوق دماغكم كلكم وبعدها رحت ليزن واشتكيتله قولتله خايف تضيع مني قالي افضل ادعي لو خير ليك مش هتكون لغيرك وفعلا انا كنت بدعي وكنت ببقي حاطط ايدي علي قلبي لما واحد يتقدملك واخاف توافقي
عهد:يااه كل ده
تواب:وده حاجه بسيطه من مشاعري يا عهدي المهم قوليلي بقي وانتي
عهد بشرود.:انا شايفه ان اكبر انجاز عملته حاجه بعدت عنها وكانت هتبقي عقبه في حياتي
تواب:حاجه اي دي
عهد:صدقني لو جت فرصه تعرف هتعرف المهم وتاني حاجه ان اصلا حبك اتزرع في قلبي ده انجاز لوحده وبشكر ربنا عليه لان لو مكنتش حبيتك مكنتش وافقت عليك بس ربنا عارف انك الخير ليا وفعلا بدأت احبك وكنت بحكي لاصحابي عليك واقولهم بحبه حتي مره الاء زهقت مني وقالتلي وحبيب القلب هيتقدم امتي زهقت
انفجر تواب في الضحك وقالت عهد بخجل:كنت وقتها خايفه تشوفني مجرد اختك وقولتلهم كلام عبيط اني هحاول اشيل حبك من قلبي بس كنت بفشل فشل ذريع واتفاجئت لما اتقدمتلي وقتها كنت واثقه اني مش هعرف ارفض اساسا لاني كنت حقيقي بتمناك
نظر لها تواب بعشق ثم قام بتقبيلها وبعدها قال:هتفضلي دايما عهدي وحياتي
عهد:هتفضل دايما سندي واغلي ما املك
احتضنها تواب بحب ثم ذهبا في النوم وهما يشعران بالامان في احضان بعضهم...
كانت عهد تحلم بنفس المكان الذي رأته في حلمها سابقا انها تقف امام باب اسود ضخم وباب ابيض رائع الجمال
نظرت لهم عهد بخوف وفجأه ظهرت امامها تلك المرأه فتوجهت لها عهد سريعا وقالت:قوليلي بالله عليكي ربنا راضي عني صح انا لسه في النار ولا لا
المرأه بابتسامه:انتي بعدتي يا عهد عن كل ما يغضب ربنا وده هيبقي ليكي جزاء عظيم قصاده
ابتسمت عهد بفرحه ثم قالت:يعني خلاص ربنا راضي عني
قالت المرأه بابتسامه لم تري عهد.اجمل منها:اثبتي يا عهد فأنتي علي حق...ثم اختفت مره اخري
ظلت عهد في الحلم سعيده وتبتسم بفرحه عارمه
عهد وهي نائمه قالت بابتسامه ونوم:الحمد لله.........
.....................................

🤍سنلتقي🤍.......