الرجوع (مستوحاه من قصه حقيقيه)

الفصل العشرون

وقفنا البارت اللي فات علي لحظه شاهندا ما صرخت يلا نكمل الاحداث يا حلوين 😉
............................
شاهندا بصراخ: ااااااه الحقنيييي يا عبد الله بوووووولد
عبد الله بفزع: ايه في ايه يا شاهندا
شاهندا بتألم: ااااه مش قااادرره يا عبد الله هموووت بوووولد
عبد الله: طب استني استني هجيبلك حاجه تلبسيها بسرعه
شاهندا: بسررررعه
جائت سميحه بسبب صوت الصراخ وقالت بخضه: في ايه مالها شاهندا
عبد الله: ها شكلها بتولد يا امي هاخدها واطلع علي المستشفي بسرعه
سميحه: طب استني هاروح البس عبايتي بسرعه
شاهندا: يا عبد الله خللللص
عبد الله: جيت خلاص والله جيت يلا قومي يلا يا امييي
سميحه: يلا يا حبايبي شاهندا اتنفسي يا حبيبتي خدي نفس
قامت شاهندا بتنفيذ ما قالتله لها سميحه ولكن ازداد الالم فصرخت بقوه ونزل بها عبد الله سريعا لأسفل وعلي السلم وجد الجميع يقف امام باب شقته
سليمان بقلق: مالها شاهندا
سميحه: هيكون مالها يا سليمان بتلعب يعني بنتك بتولد البسوا وحصلونا بسرعه
ورده: طيب طيب وليد خليك مع اخواتك وهنروح انا وابوك ونبقي نطمنكم
غفران: لا نيجي معاكم
سليمان: غفران ادخلي مش رايحين ملاهي احنا يلا عشان مستعجلين
بينما في الطابق الاعلي محمود وهو يرتدي ملابسه سريعا يلا يا شروق هنتأخر عليهم
شروق: خلاص والله خلصت جهزت اهو
محمود: طب يلا تواب تعالي سوق بينا يلا
تواب: حاضر اتفضلوا يلا..
وبالفعل توجها لأسفل قالت عهد بحزن: عايزه اكون مع شاهندا يا وليد عايزه اشيل النونو انا
وليد: هنروح دلوقتي ازاي عايز افهم هنلاقي مواصلات فين وابوكي خد العربيه
عهد: مليش دعوه المفروض كنا نروح معاهم اصلا
وليد: هما كانوا مستعجلين واحنا هنأخرهم
غفران: طب بالله عليك تعالي نروح
قاطعهم صوت تواب قائلا: وليد ممكن اوصل بابا وماما وارجع اخدكم
غفران: اه اه يريت بالله عليك
وليد: هيبقي فيها تعب ليك
تواب: يا عم تعب ايه اجهزوا انتوا بس هوديهم وارجعلكم
محمود: تواب انت يابني بتعمل ايه
تواب: حاضر يا بابا جاي اهو زي ما اتفقنا يا وليد عشان متاخرش انا
وليد: ارتاحتوا يلا ادخلوا اجهزوا بقي
غفران: ياهو ايوه بقي هشوف النونو
عهد:خلصوا بقي بسرعه ..
في سياره عبد.الله كانت شاهندا تجلس بالخلف وبجانبها سميحه تمسك بيدها قائله:اتنفسي يا شاهندا اتنفسي يا حبيبتي
شاهندا:مش قادره يا عمتوو هموووت يااااررررب
عبد الله:قربنا والله استحملي يا حبيبتي خلاص هنوصل اهو
وبالفعل بعد عده دقائق قد وصلا الي المستشفي قام عبد الله بحملها وتوجه للداخل سريعا فساعدته احدي الممرضات وقامت بادخالها احدي الغرف ثم خرجت الطبيبه قائله:المدام مش هتولد دلوقتي قدامها ساعتين عشان متتعبش بعد الولاده
عبد الله بعصبيه:ازاي ساعتين عايز افهم يعني دي بتتوجع جوا
سميحه:يا عبد الله اهدي ده كويس ليها
وهنا قد وصل كل من سليمان وزوجته وكذلك محمود وزوجته فقال تواب:بابا هروح بس اجيب وليد واخواته عشان قولتلهم
محمود:تمام روح يابني
شروق:خد بالك وانت سايق يا تواب ثم دلفا للداخل فتوجهوا سريعا لعبد.الله وسميحه
سليمان بقلق:ها يا جماعه طمنوني
سميحه:لسه يا سليمان هتفضل بس ساعتين
محمود:ازاي يا جماعه دي تعبانه
عبد الله:قولهم يا عمي
شروق:محمود هو ده الافضل ليها عشان تكون ولادتها سهله
شروق:ربنا يقومك بالسلامه يا بنتي يارب
عند وليد كان يقف وبجواره كل من عهد وغفران
وليد بعصبيه:يعني كان لازم نقف هنا فيها ايه لو كنا استنينا فوق
عهد:علي ما ننزل هنكون ضيعنا وقت لكن هنا اول ما تواب يوصل هنركب ونمشي علي طول
وليد:يا سلام فرقت اوي هي
غفران:انتوا عمالين تتخانقوا وناسيين اختكم اللي زمانها بتولد دي
عهد:اه انا خايفه عليها اوي يارب تولد علي خير هي والنونو يارب
وليد:متشوق اشوف ابن اختي والله
عهد:اه وانا كمان والله
وليد:ربنا يقومك بالسلامه يا شوشو يارب
غفران وعهد:امين يارب
وهنا كان قد وصل تواب فركب وليد.بجواره بينما عهد وغفران بالخلف
وليد:ها طمني يا تواب حصل ايه
تواب:معرفش والله يا وليد.انا يدوب وصلت بابا وماما وجتلكم حتي مدخلتش عشان متأخرش عليكم
عهد باستعجال:طب سوق بسرعه شويه
وليد:عهد اهدي هيطير بالعربيه يعني
غفران:قلقانين يا وليد
تواب:ان شاء الله تقوم بالسلامه
عهد:يارب
وبعد بعض الوقت وصلا بالفعل للمشفي فهرولت كل من عهد وغفران للداخل
وليد:علي اساس لما يجروا هيرتاحوا
تواب:معلشي خايفين علي اختهم بقي
وليد:طب ما انا والله خايف بس مش كده يعني
تواب:طب تعالي بس ندخل
اما بالداخل هرولت عهد وغفران لهم
عهد وهي تنهج:ها طمنوني يا جماعه
سليمان:جيتوا ازاي يا عهد
محمود:تواب كان قال انه هيروح يجيبهم يا سليمان بس نسيت اقولك
غفران:ها يا بابا شاهندا فين دلوقتي
ورده:قاعده جوا مستنين ساعتين عشان يولدوها وعبد الله معاها
عهد:طب هما يستنوا ليه
شروق:عشان تكون الولاده سهله يا عهد ادعيلها انتي بس
عهد:ربنا يقومها بالسلامه يارب
وها قد مرت الساعتان وادخلوا شاهندا حتي تلد وكان الجميع بالخارج في حاله قلق
عبد الله:يارب قومها بالسلامه يارب
محمود:اهدي يا عبد الله انت موترنا معاك يابني
عهد:ياربي هما اتأخروا كده ليه
ورده:عهد اهدي انتي كمان يا اما تستني تحت احنا مش نقصين توتر
عهد:لا لا خلاص هسكت
وبعد مرور الوقت خرجت احدي الممرضات تحمل فتاه فقالت بابتسامه:مبروك ربنا رزقك بنوته زي القمر
عهد:الله هتكون ترتيل ما شاء الله
حملها عبد الله بفرحه شديده قائلا:بسم الله تبارك الخلاق اهلا بحبيبه بابا ثم بدا بترديد الاذان في اذنها وكانوا ينظرون له بتأثر
عهد:ابيه ابيه الله يديمك اديني اشيلها
عبد الله:اتفضلي ياستي
حملتها عهد ثم ادمعت بفرحه وقالت:يخلاثي اهلا يا ترتيل انتي هتبقي حبيبه خالتو انتي هتبقي غاليه عليا اوي
قالت ممرضه قد خرجت من الغرفه:مبروك يا جماعه طلعوا توأم ولد ربنا يحفظهلكم يارب
عبد الله بصدمه:توأم
ورده:تبارك الله ربنا يحفظهم يارب
سليمان:سبوني انا اللي اردد الاذان بقي
عبد الله:اتفضل يا عمي
قام سليمان بترديد الاذان في اذنه ايضا
شروق:مشاء الله قمامير اوي
عبد الله بلهفه:شاهندا هي عامله ايه
الممرضه بابتسامه:المدام كويسه الحمد لله هننقلها اوضه عاديه حالا
وليد:يعني كده بقيت خالو لاتنين
غفران:وانا خالتو
محمود:يتربي في عزك يا عبده
عبد الله:حبيبي يا عمي والله
سليمان:بعد اذنك يا عهد ممكن اشيلها
ورده:اشمعني البنوته
سليمان:مش عارف عايز اشيلها هي بالذات ليه
عهد:تمام اتفضل
قام سليمان بحملها وابتسم بشده وقام بأخذها وجلس بعيدا عنهم قليلا ثم ظل يتأمل في ملامحها قليلا وظل يردد:تبارك الله في ما خلق..تبارك الله في خلقه
عبد الله:سبولي ده بقي يا جماعه اشيله حبيب بابا شرف
تواب:بس كرم من ربنا انه عطاك توأم يا عبده ربيهم كويس بقي خليهم ذريه صالحه
عبد الله:اكيد يا تواب هخليهم يعيشوا علي نهج الرسول صلي الله عليه وسلم
قاطعتهم الممرضه قائله:المدام انتقلت للاوضه يا جماعه تقدروا تشوفوها
قام عبد الله باعطاء الصبي لوليد وقال:خد هشوف مراتي واطمن عليها
ثم توجه لشاهندا سريعا فضحك الجميع عليه علي قلقه علي زوجته
وليد:ما شاء الله تبارك الله
بينما سليمان كان مازال يتأمل في ملامح الفتاه ثم ادمعت عينه بحب فرأته سميحه فاقتربت منه قائله:ايه يا سليمان ياخويا
سليمان بابتسامه:شوفتي جمالها يا سميحه مش مصدق اني بقيت جد
سميحه:ربنا يحفظهم لينا يارب قوم يلا امسح دموعك دي وتعالي عشان هندخل لشاهندا
سليمان:دموع ايه انا معيطتش
سميحه بمزاح:طب قوم طيب هات النونو السكر دي اشيلها
سليمان:لا سبيها شويه
سميحه:طب قوم انت شبطت فيها كده
قام الجميع بالتوجه لغرفه شاهندا بعد ان ساعدها عبد الله في ارتداء ملابسها وبعد ان اطمئن علي صحتها
شاهندا بأنهاك:بنت ولا ولد يا عبده
عبد الله بحب:ربنا رزقنا باتنين يا قلب عبده
شاهندا بفرحه:بجد يعني جبت توأم
عبد الله:اه شوفتي قولنا نسيبها ليوم الولاده والفرحه بقت اتنين ربنا كرمنا بيهم يا حبيبتي ولد وبنت
شاهندا:طب هما فين
في ذلك الوقت دق الجميع الباب ثم دلفا
فقال عبد الله بمزاح:اهم جم اهو يا ستي
شاهندا:عايزه اشيلهم يا بابا لو سمحت
شروق:طب استني شويه عشان متتعبيش يا حبيبتي
شاهندا:لا هاتوهم بس
قام سليمان بأعطائها الفتاه وكذلك فعل وليد المثل وقام عبد الله بمساعدتها في حملهم
شاهندا بفرحه كبيره ودموع:الله شوفت يا عبد الله قمامير ازاي
وليد:طبعا مش شبهي
شاهندا بمزاح:خد ارميهم يا عبد.الله عوضنا علي الله نخلف غيرهم
ضحكوا عليها بشده
ثم قالت سميحه:دلوقتي بقت ترتيل وفارس ولا ايه
عبد الله وعهد في نفس الوقت:لا
تواب باستغراب:لا ايه
عهد:بلاش فارس
عبد الله:وده رائي برضو
محمود:اومال ايه
عبد الله:بما ان هما توأم والبنوته اسمها ترتيل عيزين اسم الولد مشابه شويه
ورده:طب مهو فارس حلو
عهد:لا يا ماما هتبقي احلي لو الاسامي مشابهه
وليد:طب هتسموه ايه
شاهندا: ايه رأيكم في تيام
غفران:معناه ايه تيام
شاهندا: مش فاكره كنت شوفته قبل كده بس نسيت
عهد:طب استني ابحث ثم قامت بالبحث علي جوجل فوجدت المطلوب وقالت:مكتوب ان تيام
اسم عربي مأخوذ من التيم، أي الحب الشديد وذهاب العقل من شدة الهوى، وهو من الأسماء الجميلة التي يمكن إطلاقها على الذكور. وصاحب اسم تيام يتمتع بشخصية رومانسية وهادئة الطباع، طيب القلب ويحب مساعدة الناس وإسعاد من حوله، ويميل للأعمال الروتينية.
تواب:اسم حلو
عبد الله:يبقي ترتيل وتيام
غفران:جمال اوي ربنا يحفظهم يارب
عهد:شاهندا هاتيلي تيام بقي اشيله مشلتوش
شاهندا:خدي انتي اللي هتربيهم اصلا مليش دعوه
عهد بمزاح:لا دي مسئوليه كبيره اوي مقدرش عليها
غفران:شكلها هتبقي تربيه موفقه موفقه يعني
عهد:حب الناس يا جماعه
ضحكوا عليهما قليلا ثم تركوها حتي ترتاح
في الخارج كانا يتشجران علي من يفضل مع عبد الله
ورده:مليش فيه انا هفضل يعني هفضل
سميحه:والله انا اللي هقعد
شروق:لا سيبولي الطلعه دي خلوني انا قاعده وروحوا ارتاحوا انتوا
عهد وغفران:طب ما احنا عيزين نبات احنا كمان
بينما الرجال كانوا ينظرون لهم بملل
محمود بيأس:هيباتوا في الجنه
تواب:انا كرهت المستشفيات والله
سليمان:تيجي نمشي ونسيبهم
وليد:انا مستعد
بينما قال عبد الله قاطعا مشاجرتهم:يا جماعه ملوش لزوم والله انا موجود اهو متتعبوش نفسكم
ورده:بص يا عبد الله مهما اتكلمت انا هبات مليش دعوه بقي
تواب:طب صلوا علي النبي بس يا جماعه
فقالوا جميعهم:اللهم صلي علي سيدنا محمد
تواب:بابا وماما تروحوا وكمان عمي وعهد وانت يا وليد وغفران وخدوا معاكم عمتو وسيبوا مرات عمي ورده تبات هنا مع عبد الله عشان تاخد بالها من ابنها
سميحه وشروق:يعني احنا هنقصر معاها يا تواب
تواب:يا جماعه مش قصدي بس الام اولي ببنتها
ورده:طب والله بتفهم يا تواب يابني
تواب بمزاح:اي خدمه يا مرات عمي
غفران:طب مهي كده عمتو هتبات لوحدها
عبد الله:كنت لسه هقول كده
عهد:هبات معاها انا وغفران عادي
تواب:يبقي كده المشكله اتحلت مرات عمي تبات مع عبد الله تاخد بالها من شاهندا وبابا تروح انت وناخد عمتو معانا وكده كده اصلا هنيجي بكره وكمان عشان حد يفضي يعرف بقيت العيله يعني يا عمتو تتصلي بأخت طنط ورده وتقوليلها
سميحه:خلاص ماشي اتفقنا اقنعتني يا واد يا تواب
تواب:طب يلا ولا ايه
سليمان:اه يلا
ثم توجها للمنزل ليرتاحا قليلا ويعودا للمشفي في الصباح
في شقه سميحه كانت تجلس ومعها عهد وغفران
عهد:هتتصلي بحد يا عمتو
سميحه:لا نتصل ايه دلوقتي خليها الصبح زمان كله نايم
غفران:ايوه سؤال غبي فعلا
عهد:عمتو انتي كنتي قولتي اننا لقينا البت غفران دي علي بابا جامع
سميحه بمزاح:حصل
عهد:طب نقتلها ولا ايه
سميحه:في سكينه حاميه جوا
غفران:احنا اسفين يا صلااح
ضحكوا عليها قليلا ثم قالت سميحه:طب انا هدخل انام بقي يا بنات عشان مش قادره افتح عيني وانتوا الاوضه جوا روقتها ليكم
عهد:تمام يا عمتو تسلمي يارب
سميحه:يلا تصبحوا علي خير
عهد وغفران:وانتي من اهل الخير يارب....
.......................
في الصباح توجه الجميع للمشفي بعد ان اخبرت سميحه الجميع بينما غفران قامت شهد بالاتصال بها قائله:ايه يا كلب البحر مجتيش ليه المدرسه
غفران:حبيبتي تسلمي يارب
شهد:ردي يا زفته
غفران:شكرا علي قله القيمه دي المهم ان شوشو ولدت اخيرا
شهد بفرحه:بجد الف مبروك ربنا جابت ايه
غفران:ترتيل وتيام
شهد:يخلاثي ربنا يبارك يارب بس مش كانوا اتفقوا ولد يبقي اسمه فارس
غفران:لا مهو ابيه قال طالما توأم يبقي اسماء شبه بعض احلي
شهد:ربنا يحميهم يارب طيب انا هخلص مدرسه واجي يكون الناس بدأت تخف من عندك حتي
غفران:تنوري يا قمر
وفعلت عهد المثل مع حبيبه والاء كانت تحادثهم في محادثه واحده فقالت الاء:يعني خلاص بقيتي خالتو
عهد بفرحه:اه يا لولو بس تشوفيهم تبارك الله قمامير اوي
حبيبه:يخلاثي انا عايزه اشوفهم
عهد:طب لموا بعضكم وتعالوا هو اللي جه حياه بس هي واختها
الاء:الندله من غيرنا
حياه وقد تدخلت في المكالمه:يا منغاظيين يا منكادين
الاء:يا رخمه طب والله لاجي بس بقي
حبيبه:ايوه يابت
عهد:وحدوووه البت جت مع مامتها والله ظالمينها انتم
الاء:احم اااه مامتها لا مؤخذه يا اخت
حبيبه:اسفين يا اخت حياه هانم
حياه بغرور مصطنع:قبلت اعتتذاركم
الاء:طب اقفلوا بقي عشان اظبط كده وابقي اجي لحد ما قرايبكم يخفوا شويه
حبيبه:اه ونيجي سوا
عهد:تمام يا قمامير يلا باي
بعد ان اغلقت الاء معهم وجدت شهد ترن عليها فردت قائله:صباح القشطا علي كنتلوب قلبي
شهد باشمئزاز:الاء انا مقدره انك الكبيره بس كرامتي بقت بالارض والله وبعدين ده خلاص كلها حبه صغننين وابقي في جامعه زيكم
الاء:عايزه ايه يا زفته
شهد:انتي هتروحي لشاهندا
الاء:اكيد يعني بس مش دلوقتي يعني ممكن علي العصر لحد ما القرايب يخفوا من عندهم كدا
شهد:طب ينفع تخديني معاكي
الاء:تدفعي كام
شهد:هدفعلك شوكولاته بابلي ايه رأيك
الاء:اعتبريني خدتك فوق راسي يا ستي
شهد بضحك:عالم مصلحجيه خلاص هاجي اخدك ونروح لحبيبه ناخدها في طريقنا
شهد:مفيش مشكله اكون برضو قلت لماما
الاء:اشطات يلا اقفلي بقي عشان شكلهم بياكلوا مني غيري
شهد:لا الحقي نصيبك يابت اوعي تفرطي فيه وانا هخش بقي عشان فلسعت من حصه بسببكم يلا باي
الاء:سلام
................................
وبالفعل مر الوقت وذهبت الاء لاحضار شهد
عند منزل شهد كانت الاء تنتظر بالاسفل فنزلت اليها شهد قائله:انا جيت يلا بينا
الاء:يلا والله هتشبهيني وانا ماشيه مع عيله صغيره كده
شهد:حبيبتي الامتحانات قربت وهبقي في كليه بعدها يا امي فبيس يا مان
الاء:انا حاسه اني خليت الشله كلها تبقي سرسجيه
شهد:حاسه مش متأكده
الاء بضحك: سمعتي سبقاني استني البت حبيبه بتتصل..ايوه يا حبيبه
حبيبه:ها انتوا فين
الاء:خلاص قربنا اهو اجهزي بحيث نوصل تنزلي علي طول
حبيبه:اشطا
شهد:متشوقه اني اشوف البيبيهات
الاء:اه زمانهم كيوت اوي بس هتلاقي الجزمه حياه شافتهم ولعبت معاهم لما شبعت
شهد:يا ستي الحياه قدامنا طويله ده احنا اللي هنربيهم اصلا
الاء:هتبقي تربيه مشرفه اوي
شهد:بالظبط كده
وصلا اخيرا لمنزل حبيبه فقامت الاء بالرن علي حبيبه قائله:بت احنا تحت انزلي يلا
حبيبه:تمام ثم اغلقت معها ونزلت بالفعل وعندما هما بالذهاب وجدوا اخو حبيبه ينادي عليها
باسل:حبيبه حبيبه
حبيبه:استنوا معلشي...ثم توجهت له قائله:خير يا باسل لسه راجع من الشغل ولا ايه
باسل:اه انتي رايحه فين كده
حبيبه:رايحه ازور اخت عهد عشان ولدت
باسل:لوحدك
حبيبه:لا معايا شهد والاء اهم
نظر باسل خلفها فوجد كلتا الفتاتان في انتظارها ولكن حينما رأي شهد ابتسم باتساع وقال:تحبوا اوصلكم
حبيبه:لا تسلم يا حبيبي احنا هنروح وكمان زمانك جاي من الشغل تعبان متقلقش هنركب تاكسي احنا
لم يصر باسل علي ان يوصلهم حتي لا تلحظ حبيبه فقال بيأس:خلاص تمام مفيش مشكله بس متتأخريش
حبيبه:تمام يلا سلام بقي هتأخر
باسل:سلام يا مسطوله ثم توجه للأعلي فاردف في نفسه كان لازم تكوني صغيره يعني مكنش ينفع تبقي اكبر من كده بس مش مهم انتي برضو مش صغيره اوي جننتيني من اول ما شوفتك يخربيتك...
....................................
عند الفتيات توجهن للمشفي وصعدا لأعلي كان قد ذهب الجميع بالفعل لم يبقي الا الاقربون
الاء:السلام عليكم
فرد الجميع السلام
حبيبه:هما فين يا جماعه
حياه:انتي جايه تقبضي عليهم يا بنتي
شهد:يابنتي اسكتي دول متغاظين منك خالص وممكن يقتلوكي في اي لحظه
حياه:احم اتكتم
الاء:هاتوهم بقي نلعب بيهم شويه
شاهندا:والله و ولادي بقوا لعبه
حبيبه:انا ليه حاسه اني ناسيه حاجه
الاء:وانا
غفران:يمكن نسيتوا تسلموا علي الام اصلا
الاء:تصدقي يابت معاكي حق لا مؤخذه يا شوشو الحماس بقي الف مبروك يا قلبي يتربوا في عيزك يارب
شاهندا:حبيبتي وربنا
حبيبه:الف حمد الله علي سلامتك يا احلي ام انتي ربنا يباركلك فيهم يارب
شاهندا:تسلميلي يا بوبه يارب
شهد:الف حمد الله علي سلامتك يارب فرحت جدا والله لما غفران قالتلي
شاهندا:يا قمر انتي تسلميلي
الاء:طيب هاتوهم بقي
قامت عهد بأعطاء ترتيل ل الاء وتيام لحبيبه
شهد:طب وانا
سميحه بمزاح:المره الجايه بأذن الله
الاء بحب:يخلاثي عليها وعلي بوقها يا ولاد بسم الله تبارك الله ربنا يحميها يارب ترتيل عبد الله دي هتكون خليفتي دي
شاهندا بخوف مصطنع:لا كله الا البت خدي الواد
الاء:تشكري يا شاهندا مكنتش هربيها وحش
شاهندا:علي يدي
الاء:للدرجه دي سمعتي سبقاني
حبيبه:اهلا استاذ فارس
عهد:تيام
حبيبه:ايه
عهد:تيام مش فارس
حبيبه:مش كنتوا اتفقتوا علي فارس
غفران:ابيه فضل ان تكون الاسماء متشابهه
شهد:صحيح فين الرجاله
شروق:قولنالهم يسبونا شويه عشان ناخد راحتنا
الاء:احلي حاجه نعرف ناخد وندي كده
حبيبه:لا بس بجد قمامير اوي ربنا يحميهم يارب
شهد:طب عايزه اشيل شويه
الاء:خدي طفله بتشيل طفله
شهد:يا لهوييي علي قطعه السكر يا ولاد ايه القمر ده هيبقي جوزي خلاص حجزته ليا
ورده:طب والله هتبقوا لايقين علي بعض
شهد بضحك: اهو حتي طنط موافقه
شهد:ربنا يحفظهم لك يا شوشو يارب ويجعلهم ذريه صالحه ليكي
شاهندا:امين يارب
شروق:عايزين بقي نبدا نجهز للسبوع
عهد:اه صح هيكون احلي سبوع لاحلي توأم
غفران:اكيد....
..............................
وبالفعل خرجت شاهندا من المشفي بعد ان تعافت تماما وقاما بإقامه سبوع جميل للغايه قام كل من عبد الله وسليمان بذبع دابتين وقاما بتوزيعهما علي الناس وكان يوم ملئ بالسعاده للغايه حيث سعد الجميع وقد اهدي الكثير الهدايا لشاهندا مباركه لمولوديها....
............................
قد مرت الايام وعادت غفران لمدرستها ولكن مع بعض التغير حيث ان كان رامي يأتي كل يوم بحجه انه يقوم بتوصيل شهد ويقوم بأعطائها بعض الحلوي ويقوم بتوصيتها ان تعطي لغفران دون ان تخبرها وفي احدي الايام كانت غفران تقف مع شهد في وقت الفسحه وجدت شهد رامي يتوجه ناحيتها
فقالت باستغراب:رامي خير جاي ليه ما انا كنت لسه معاك الصبح
رامي:هاا كنت جاي بس اقولك روحي انتي النهارده مش هعرف اجي اخدك
شهد:خلاص تمام
رامي: ازيك يا غفران
غفران:الحمد لله عن اذنكم
رامي:استني خليكي انا همشي اصلا مفيش داعي تقومي
غفران:عشان لو حضرتك عايز شهد في حاجه
رامي:لا ابدا انا ماشي اتجدعنوا بقي امتحانتكم قربت
شهد:ان شاء الله
رامي:عن اذنكم وبعد ان رحل قالت غفران:شهد هو انا ليه ملاحظه ان اخوكي بقي يجي كتير اوي وكمان ازاي المدرسه سامحه بكده
شهد بارتباك:هاا عادي يا رورو بيطمن عليا
غفران:تمام يلا عشان الجرس ضرب
شهد:يلا...
....................................
وفي الليل كان كل من سليمان و ورده يجلسان بغرفتهم فقالت ورده:بقولك يا سليمان
سليمان:خير يا ورده
ورده:في عريس متقدم للبت عهد
سليمان باستغراب:عريس بنتك لسه صغيره يا ورده
ورده:ولا صغيره ولا حاجه هو الواد محترم وبيشتغل دكتور هو عنده استعداد يستني لما تخلص
سليمان:وده عرفها ازاي
ورده:واحده صاحبتي كانت اختها عايزه عروسه لابنها فهي قالتلها علي عهد يعني لا شافها ولا حاجه
سليمان:والاستاذ هيتجوز من غير ما يعرف عروسته
ورده:انا ليه حاساك مش موافق
سليمان:لأن دي الحقيقه
ورده:يا سليمان اسمعني بس هو والله الواد محترم جدا وبعدين ده يكفي انه دكتور
سليمان بسخريه:يا سلام دكتور لا كده اوافق بقي
ورده:طب تقابله وتقرر عهد كده كده بيجيلها كتير بس انا برفض من بره بره بس ده ميترفضش الصراحه
سليمان بسخريه:اه اصله دكتور بقي
ورده:اسمعني بس ولو معجبكش خلاص
سليمان:طب ورأي عهد ايه
ورده:لسه مقولتلهاش كنت بشوف ردك انت
سليمان:طب انا هقابله اشوف مايته ايه بس اصلا مش هوافق البت لسه صغيره
ورده:ان شاء الله تغير رأيك اول ما تشوفه
سليمان:ربنا يسهل بقي هو هيجي امتي
ورده:هحدد معاد يوم الجمعه اما اروح اقول للبت عهد بقي
توجهت ورده لغرفه عهد ثم قامت بطرق الباب ودلفت فقالت عهد:تعالي يا ماما
ورده:عايزاكي في موضوع
عهد:اؤمري
ورده:بصي يا بنتي انتي اظن كبرتي واللي في سنك كلهم بيتخطبوا ويتجوزوا
عهد:مش فاهمه
ورده:عهد يا حبيبتي انتي في عريس متقدملك
عهد بخجل:عريس ايه يا ماما صلي علي النبي
ورده:اللهم صلي عليك يا نبي وبطلي هزار انا بتكلم جد
عهد بجديه:بس انا مش موافقه يا ماما
ورده:انتي لسه شوفتيه
عهد:من غير ما اشوفه يا ماما اولا لسه صغيره ثانيا انا مش مستعده انه يقولي مش عايزك تكملي تعليمك اكملت وهي تتذكر تواب:ثالثا انا مش عايزه اتجوز اصلا مش دلوقتي خالص
ورده:هتقولي زي ابوها لسه صغيره انتي لا صغيره ولا حاجه ثانيا هو عنده استعداد يستناكي ثالثا مش يمكن لما تشوفيه تغيري رأيك
عهد:هو فستان يا ماما هشتريه
ورده:بت متغلبنيش بقي
دلف وليد الغرفه ثم قال:خير يا جماعه بتتناقشوا في ايه
عهد:تعالي شوف ماما يا سيدي جيبالي عريس بقولها مش موافقه تقولي لا قابليه الاول
ورده:هي رافضه من باب للطق يابني طب تشوفه
وليد:طب انتي رافضه ليه يا عهد
عهد:مش عايزه اتجوز دلوقتي ولا عايزه حاجه ليها علاقه بالارتباط عايزه اخلي تفكيري في الدراسه وبس
وليد:طب بصي قابليه عشان ما يبقاش عيب وبعد كده ارفضيه مش ممكن يعجبك ياستي
عهد:يا حول الله
وليد:طب بصي ليكي عليا وعد لو موافقتيش لما يجي انا اللي هقف معاكي ساعتها
ورده:ابوكي اصلا هو كمان قايل لو مش موافقه خلاص
عهد:توعدني
وليد:اوعدك ياستي
عهد:خلاص خليه يجي بس اعرفي من الاول انه هيترفض
ورده:ربنا يسهل وقتها طيب
غفران:مين هيتجوز
عهد:بسم الله الرحمن الرحيم بيطلعوا امتي دول
غفران:سكر يابت مقلتوش برضو مين
وليد:اختك جايلها عريس
غفران:نعم عريس ايه ان شاء الله
عهد:هيخدوني منك يا رورو
غفران بعصبيه:طب يبقي يجرب كده وانا اخليه الست الوالده تترحم عليه قال يخدك مني قال اضرب انا واناكش في مين
عهد:يا مان واطي انت
غفران:بتكلم جد انا مش موافقه
ورده بعصبيه:انا همشي من هنا بدل ما اولع فيكم
غفران:مالها امكم يا عيال
وليد:لا ولا يهمك
اقتربت غفران من عهد وقالت:عهد هو انتي موافقه
عهد:اممم انتي ايه رأيك
غفران:لا متسبيناش يا عهد عشان خاطري
عهد:يا قلبي انتي متخفيش انا اصلا مش موافقه هو يدوبك زياره منه وخلاص
غفران:والله لأندمه علي الزياره دي
وليد بمزاح:ربنا يكون في عونه
..............................
علم الجميع بالأمر وسعدوا بشده لذلك الخبر بينما كان كل من سميحه وشروق كارهين الامر لانهم لا يريدون رجل اخر لعهد ولم يعلم تواب بذلك الامر الي الان....
..............................
في اليوم التالي في منزل شروق كانت تجلس مع محمود
فقال محمود:ياستي مضايقه لسه بدل ما تفرحي ليها
شروق:لا هو عريس رخم
محمود:سبحان الله هو انتي عرفتيه
شروق:اهو كده بقي مش طايقاه
محمود:طب استهدي بس بالله هو جاي امتي صحيح
شروق بغضب:طبعا انت فرحان
محمود:مش بنت اخويا يا ست انتي جاي امتي خلصي
في ذلك الوقت عاد تواب من جامعته فسمع اخر ما قاله ابيه
تواب باستغراب:هو مين ده اللي جاي يا بابا
محمود بخبث :دي ناس جايه لعمك يا تواب
تواب:ليه في حاجه ولا ايه
محمود:اه عشان عهد
تواب:مش فاهم
شروق بخفوت:هيولع حالا اهدي
محمود:في عريس متقدم لعهد
تواب بصدمه:ايه
محمود:عريس جاي لعهد بقولك
تواب علي نفس صدمته:جاي لمين
شروق:لعهد يابني مالك
تواب بغباء :مالها عهد
محمود:اه ده شكله اتجنن بقوولك عريس متقدم لعهد ايه اللي مش مفهوم في كده
تواب:انت بتتكلم جد
محمود:دي حاجه فيها هزار
تواب بعصبيه:اه عادي علي فكره ممكن تهزروا فيهاا عرييس ايه اللي جاااي عرييس غفلله جاايي يعمل اييه وعاااييز اييه ان شااء الله
محمود:توااب
تواب:ايه يا بابا مش من حقي اتعصب ولا ايه هو ايه اللي عرييس ده بيستهبل
محمود:مش عشان بتحبها يبقي من حقك تسأل لو حد جه متقدم ليها جاي ليه
تواب بصدمه:بب بحبها
محمود:هو انت فاكر اني مش عارف يابني انت واضح عليك اوي انت تشكر انك حفظت علي حبك لنفسك وما اتصرفتش غلط بس طالما هي جالها حد متتكلمش لانه مش من حقك
تواب بعصبيه:يعني ايه مش من حقي عايز اعرف عهد انا اللي بحبها وانا اللي عارفها من زماان انا اللي احق بيها يا بابا مش الافندي اللي جاي ده
محمود:تواااب مش عايز كلام في الموضوع ده تاني سامعني
تواب:يا بابا بس
شروق:تواب خلاص دلوقتي اصل فعلا هتعمل ايه
نظر لهم تواب بعصبيه ثم غادر الشقه بسرعه وغضب
محمود:ربنا يهديك يابني
في الاسفل حينما نزل تواب وهم بالخروج وجد وليد يدلف فقال الاخر بمزاح:تواب ازيك رايح فين كده ولكنه تفاجأه من سحب تواب له من ملابسه قائلا بغضب:قسما بالله يا وليد الزفت انت الجوازه دي لو تمت لهطربقها فوق دماغكم فاهمني الجوازه دي عايزك كده يا شاطر تبوظها بأي طريقه
وليد:ايه ياعم في ايه
تواب:الجوازه متتمش اظن انت فهمتني كويس
وليد:ياعم اهدي هي اصلا مش موافقه عليها ولا ابويا بس هيقابلوه وخلاص
تواب:طب حلو اوي بس اقسم بالله يا وليد لو عرفت انها وافقت او قرأتوا حتي فاتحه هخليهم يقرأوها علي روحك وروحي بعدها
وليد:طب وانت مالك زعلان ليه ياعم
تواب:ملكش دعوه انت سامعني
وليد:انت بتحبها يا تواب
تواب:اه بحبها ومش هتكون لغيري واقسملك بالله لأخر مره لو حصل حاجه هولعها وعايزك بقي زي الشاطر كده اي طور يجي يتقدم يترفض باسباب ودون اسباب
وليد:انت مش ملاحظ اني اخوها
تواب:وعشان اخوها بحذرك ثم تركه وغادر بسرعه
قال وليد بسخريه:واحد غيري كان شلفط وشه بس المشكله ان تواب عارف اصله يعني عمره ما يبص لأختي هضربه ازاي كاخ بيغير علي اخته دلوقتي
توجه تواب لمنزل يزن ثم قام بطرق الباب وحينما فتح الباب استغرب يزن ثم قال:تواب خير يابني مش كنت لسه معايا
تواب:عايز اتكلم معاك شويه فاضي ولا امشي
يزن:ادخل ياعم انت بتستأذن
تواب بعد ان دلف:السلام عليكم
فرد والدي يزن السلام وقال والده:ازيك يا تواب يابني
تواب:الحمد لله يا عمي حضرتك عامل ايه
والد يزن:بخير يابني
يزن:طب عن اذنكم احنا يا جماعه
فأذنوا لهم بالدلوف فدلفا لغرفه يزن وقال:اقعد بقي وايه حصل في الساعه اللي سبتك فيها دي
جلس تواب علي الفراش ثم تنهد وقال بينما وضع وجهه بين كفيه:هتضيع مني يا يزن
يزن باستغراب:هي ايه دي
تواب:عهد متقدملها عريس انا مش عارف اعمل ايه قولي اعمل ايه يا يزن
يزن:استهدي بالله بس كده عريس ايه ده
تواب:اهو حمار من بقيت الحمير عايز يخدها مني
ضحك عليه يزن قليلا ثم قال بجديه:طب هي رأيها ايه واهلها
تواب:وليد قالي انهم مش موافقين اصلا بس هيقابلوه وخلاص
يزن:طب وليد قالك امتي
تواب:قبل ما اجيلك مسكت فيه وقولتله لو الجوازه تمت هخربها وقعدت اخبطت في الكلام
يزن:فالح والله اولا انت غلطان انك اتكلمت عنها قدام اخوها لان اظن سألك انت بتحبها لانه هيشك
تواب:مهو سألني فعلا ورديت قولت اه
يزن:طب مهو غلط يا تواب مهما كان ده اخوها ومش هيحب حد يتكلم عليها كده قدامه حتي لو واثق فيه ميه في الميه
تواب:اعمل ايه يعني خايف تضيع مني
يزن بجديه:تواب لو فعلا الجوازه تمت اوعي تتكلم لانه مش من حقك  هيبقي وقتها مش  خير ليك ولا حتي من نصيبك
تواب بحزن وقد ادمعت عينه:مش هقدر يا يزن مش هقدر تكون لغيري انا بحبها اوي معرفش امتي بس مش هستحمل تكون لغيري
قام يزن بأحتضانه كأخ ثم قال:انا حاسس بيك يا تواب والله صلي علي النبي بس وبعدين مش قلت انها هي مش موافقه اصلا
تواب:افرض غيرت رأيها هعمل ايه وقتها
يزن:يا تواب البنت اصلا مش موافقه من غير ما تشوفه اصلا هتغير رأيها ازاي ايه هيسحرها مثلا ولا توم كروز هو هيسحرها بجماله ادعي ربنا انها فعلا لو من نصيبك متكونش لحد غيرك
تواب:يارب يارب الجوازه تبوظ يارب انا مش هستحمل تكون لغيري والله يارب انت عامل ان حبي ليها كله حلال وغرضي انها تكون شريكه حياتي يارب
يزن:بأذن الله خير استهدي بالله بس
تواب:ان شاء الله تشكر يا يزن مكنتش عارف اعمل ايه من غيرك
يزن:بطل هبل ياض انت هقوم اعمل لينا حاجه نشربها
تواب:تمام...
..............................
في شقه سميحه كانت تجلس بعصبيه شديده فقال عبد الله:يا امي اهدي مالك
سميحه:جاي ليه ها يجي ليه هو بنات الناس لعبه دي بنتنا تعبنا فيها يتجوزها ليه
شاهندا وهي تحمل ترتيل:ايه يا عمتو هو اتجوزها غصب
سميحه:بت اسكتي خالص انا مش طايقه نفسي
عبد الله:ده انتي المفروض تكوني اول الواحده مبسوطه عشانها
سميحه:اه اوافق بس في حاجه تانيه مش راجل شبشب جاي يطلب ايدها يا بجاحته يا اخي
ضحك عليها كل من عبد الله وشاهندا بقوه وهنا رن جرس الباب فقام عبد الله بفتح الباب وجد انها عهد قال بمزاح:جيتي لقضاكي ادخلي
عهد:ليه في ايه
سميحه:بت يا عهدددد تعاليي هنااا
عهد بخوف:اشهد ان لا اله الا الله واشهد ان محمد رسول الله
سميحه:انت موافقه علي راس النمله اللي جاياك ده
ضحكت عهد عليها بشده ثم قالت:ايه يا عمتو عندك عريس احلي
سميحه:بت متعصبنيش بقي موافقه ولا ايه
عهد بجديه:لا يا عمتو انا مش موافقه بس قولت اقابله عشان اريح ماما وخلاص انما انا مش بحب فكره جواز الصدفه ده يعني اشوفك اعجب بيكي اتجوزك طب فين التفاهم فين الصله اللي هتبني عليها حياتنا
سميحه:تربيتي يابت وطبعا الجواز يكون عن حب صح ثم قامت غمزها بخبث
عهد وهي تدعي عدم الفهم:اه اومال طبعا فين تيام يا شوشو
عبد الله:نايم الهانم دي اللي مغلبانا
عهد:حبيبه خالتوا السهوره دي هتنفع دي الواد المحترم اللي جوا دي ابعدوه عنها ليبوظ اخلاقها
شاهندا:اه هتبوظ انها تنام معاكي حق
عهد:ايوه اومال
سميحه:ما حد يجبلنا حاجه نروق بيها دمنا
عبد الله:بعد ما ارتاحتي انها مش هتوافق
سميحه:طبعا البت عهد بتفهم والله هو اي عريس يجي يتقدم
عهد:انا عارف يا عمتو ثم ضحكوا قليلا واكملا جلستهم قليلا....
..........................
ها قد مرت الايام علي اعصاب الجميع كل لاسبابه الخاصه
تجهز الجميع لاستقبال العريس وانضمت لهم السيدات والفتيات ايضا بسبب حبهم لمعرفه ما سيحدث
عهد:يا جماعه يا جماعه والله مش كتب كتاب دي يدوب جاي لسه يتقدم وفي الاخر هيترفض
الاء:لازم اكون قاعده مليش دعوه
غفران:انا بقي اللي هطفشه النهارده
حبيبه:البت دي البت دي البت دي معلمه
سميحه:يلا هيجي بكرامه هيطلع من غيرها
شاهندا بضحك: يا عمتو انتي راس العصابه شكلك
حبيبه:سبوني انا هنا مع الكتاكيت دول
الاء:نخلص المهمه دي وافضلهم والله متقلقيش
ورده:يلا يا عهد العريس جه
غفران:استعنا علي الشقه بالله
عهد:غفران اهدي كده هاا
غفران:انا طيوبه يا عهود خايفه من ايه
عهد:اه اوي
الاء:هنقف ورا الباب نشوف الفيديو لايف
سميحه:كلنا وراكي يا عهد
دلفت كل من عهد وغفران و وليد وامامهم سليمان و ورده قال سليمان بترحيب:اهلا اهلا شرفتونا يا جماعه
العريس ويدعي توفيق:الله يخليك يا عمي يارب
غفران بخفوت:الغبي بيدعي عليه
عهد:اسكتي هو يعرف منين يعني انها غلط
غفران:يبقي واجب عليا اعرفه
والد توفيق:استاذ سليمان احنا يشرفنا نطلب ايد الانسه عهد لأبننا توفيق
سليمان:والله هو يشرفنا دكتور توفيق غني عن التعريف بس طبعا لازم برضو نسأل عن حضرتك وتدونا فرصه نفكر
توفيق:تسلم يا عمي يارب وطبعا ده حقكم
ورده:طب نسبهم مع بعض شويه
سليمان:نعم
ورده:عشان يعرفوا رأيهم
عهد:لا معلشي يا ماما وليد يبقي معايا مينفعش نكون لوحدنا
سليمان:ده اللي كنت هقوله اصلا
غفران:بابا هقعد معاهم
سليمان:لا سبيهم لوحدهم
وليد:بابا هتقعد معايا سيبها
ورده:تمام اتفضلوا معانا يا جماعه
غفران:حبيبي يا دوده
وليد:اسكتي بقي اما نشوف التعرف يختي
توفيق:احم ازيك يا عهد
عهد:انسه عهد والحمد لله
توفيق:اسف انسه عهد بتدرسي في كليه ايه
عهد:صيدله
توفيق:ربنا معاكي يارب
عهد:شكرا لحضرتك
توفيق:بلاش تكليف احنا يعتبر في حدود المخطوبين
عهد:لا مش مخطوبين طبعا حضرتك بس جيت تتقدم
الاء بالخارج:اديله يابت متسكتيش
سميحه:البت دي ليها مني جايزه
اما بالداخل قالت غفران هروح اقعد جنبها
وليد:بت با تعالي يا زفته الله يخربيت شكلك
غفران:احم ازيك يا استاذ توفيق
توفيق:الحمد لله انتي غفران صح
غفران:بيقولوا
توفيق:في سنه كام بقي
غفران:تالته سنوي
توفيق:ربنا يوفقك يارب
حينما هم بسؤال عهد شئ قاطعته غفران قائله:معلشي في حاجه بس عايزه اقولها
توفيق:اتفضلي
غفران:اسمها الله يديمك الله يخليك جايه من التخلي بمعني ربنا ياخدك يارب
توفيق:لا طبعا كلام غلط هي ربنا يخليك زي ربنا يحفظك كده
غفران:اظن حضرتك غلطان في دي لاني انا عارفه الصح والغلط
توفيق:ماشي شكرا لنصيحتك هبقي اعلم بيها
غفران باستفزاز:ربنا يخليك يارب قصدي ربنا يديمك اسفه
اما بالخارج كانوا يكتمون ضحكتهم بالقوه
شاهندا:يخربيت شيطانك يا غفران
اما بالداخل كلما حاول توفيق سؤال عهد عن شئ ترد غفران مكانها
فقال:علي فكره انا عايز اتعرف عليها هي والله هي عندها لسان
غفران:معلشي بقي بنتنا بتتكثف
اقترب وليد منهم ثم قال:معلشي يا دكتور توفيق لمضه شويه
توفيق:لا عادي كلهم كدا في سنهم
غفران:اه ربنا يعينكم بقي
وليد:قومي معايا يا غفران
غفران:لا مرتاحه هنا
وليد:قومي يا بنتي
غفران:عن اذنك يا استاذ توفيق
توفيق:اتفضلي
بعد ان ابتعدت غفران قال توفيق:لطيفه اختك اوي
عهد:حرام تتكلم عن بنت كده وعلي العموم شكرا ليك
توفيق:وانتي عندك كام سنه
عهد:اظن انه سؤال مش لطيف
توفيق:تمام متأسف
عهد:ولا يهمك.....
وها قد انتهت المقابله وجلست السيدات يضحكن بشده علي ما فعلته غفران وبعدها سالوا عهد عن رايها فقالت:لا مش موافقه مش متقبلاه لو سمحت يا بابا بلغهم رفضي
فقال سليمان:تمام يابنتي
فرحت الفتيات وكذلك كل من شروق وسميحه وجلسن يلعبوا مع الاطفال قليلا وبعدها توجه كل منهم لمنزله...
في الاعلي كان تواب ياخذ الصاله ذهابا وايابا من التوتر وبعد ان صعدت شروق توجه لها سريعا ثم قال:ها يا ماما وافقوا عهد موافقه
شروق:لا رفضت يا قلب امك مش متقبلاه هي اصلا كانت رافضه من الاول
تواب:ااااااه الحمد لله يااارب.....
.............................
وها قد تم رفض ذلك العريس وكذلك مع اي رجل اخر كانت ترفض باسباب مختلفه وكان تواب دائم الدعاء في صلاته بألا تكون لغيره وقد مرت سنين يا ساده حدث بها الكثير وتغير بها الكثير والكثير فكل اصبح له حياه خاصه وهناك من انقلبت موازينه راسها علي عقب فماذا سيكون قد تغير يا تري؟كل ذلك سنعرفه بالفصول القادمه انتظروا....
....................
ازيكم يا قمامير عاملين ايه ايه رأيكم في البارت عايزه تفعل بقي
يا تري ايه توقاعتكم للي هيحصل بعد كده
الي اللقاء في بارت جديد
بحبكم جدا ❤