الرجوع (مستوحاه من قصه حقيقيه)

الثالث والعشرون

هاي يا قمامير وحشنيي كتييير انا طبعا عارفه اني اتاخرت المره دي اوي وكمان كنت وعدتكم اني مش هتأخر تاني بس فعلا حصل ظروف كانت مش بإيدي واتمني تعذروني...
..........................
ها قد مرت عده ايام وجاء موعد الخطبه فاستعد الجميع لذلك وكان يوم ملئ بالسعاده.. في منزل الاء كانت تقف امام المرآه وكانت الفتيات يلتفتن حولها بسعاده
شهد بسعاده:الف مبروك يا لولو اخيرا يا ولاد في واحده اتخطبت من شلتنا الموكوسه دي
شاهندا:لا يختي انا متجوزه خلاص ومخلفه كمان
ترتيل:رورو عايزه ابقي حلو زي لولو كده
حبيبه:يا خلاثييي ده انتي احلي منها يا توتو
ترتيل بفرحه طفوليه:بجد
الاء:طبعا يا توتو ثم اكملت المهم ايه رائيكوا
حياه:ما شاء الله عليكي والله بجد قمر
شهد:عهد انتي بتعيطي
نظروا لها جميعا
فقالت من بين دموعها
عهد بابتسامه:لا ابدا يا بنات مفيش
الاء:بتعيطي ليه بس يا دودو
عهد:فرحنالك اوي يا قلب دودو
نظرت لها الاء بحب ثم قامت باحتضانها بشده وقالت بخفوت:،بنا يديمك ليا يا عهد انتي بجد.اكتر من اختي
عهد بخفوت ايضا:ويديمك ليا يا الاء انتي بالنسبالي انا والف مبروك يا جميلتي
حبيبه:احم احم كده هناخد فكره غلط عنكم
قامت الاء بابعاد عهد بمزاح وقالت:اعوذ بالله ابعدي عني يابت ولا اعرفك
ضحكوا جميعهم عليها وهنا دلفت والده الاء قائله يلا يا بنات العريس جه
شاهندا:تمام يا طنط يلا يا لولو
الاء بغباء:يلا ايه
عهد:يلا عشان تخرجي النهارده خطوبتك
الاء بتوتر:لا مهو خلاص غيرت رائي اطلعوا انتوا قوليله تعبانه او ميته
حبيبه بضحك: انتي عبيطه يابت انتي يلا مينفعش
الاء:مش عايزه اطلع يا بنات مكسوفه اوي
وقفت امامها عهد وابتسمت لها بحب وقالت:الاء
الاء بتوتر: نعم
عهد :اهدي يا حبيبتي كله هيبقي تمام مش عايزاكي تتوتري خالص احنا هنكون حواليكي يعني
الاء بابتسامه:صح فعلا طب يلا عشان ام الفستان ده خانقني
ضحكوا عليها بشده وقالت والدتها: يلا يا مجنونه
وبالفعل توجهت الفتيات الي الخارج فكان المنزل ممتلئ باقارب الاء وكذلك عائله عهد.واصدقائهم
ترتيل بصدمه:يا نهااار كل دول نااث
غفران بضحك: اه شوفتي ياستي ناس كتير ازاي
تيام بعد ان اقترب منهم قائلا:ماما هو ابيه سامر فرحان زي العبيط كده ليه
شاهندا:تيام عيب كده
الاء بضحك شديد: مش قادررره همووت
عهد بضحك ونزلت لمستوي تيام ثم قالت بحب:بص يا تيمو يا حبيبي ابيه سامر فرحان عشان هيتجوز لولو وثانيا بقي يا بطل عيب نقول علي حد كبير كده
تيام:مش قصدي والله
عهد:انا عارفه يا حبيبي بس حرام نغتاب حد وانا علمتك ده صح
تيام:صح
عهد:شطور يا قلبي
حبيبه :عهد تعالي عايزاكي معلشي ثانيه
ابتعدت عهد وشاهندا عن مرئي الجميع فقالت
حبيبه:هو احنا هنروح ندي خبر لأهل شهد امتي اصل باسل مش عاتقني
عهد: ليه حق شهد قمر ويتخاف عليها انها تطير علي العموم ياستي نروح بكره بعد الجامعه ايه رائيك نكلم البنات ونروح من غير ما هي تعرف زي ما عملت انا مع الاء وشوفي برضو انتي تحبي ايه انا بس بقترح انما انا مليش علاقه
حبيبه: عهد والله عيب اللي بتقوليه ده انتي بدالي يابنتي ده انتي اختي يا دودو ولا عشان بعدت عنكم شويه بقت الاء بس اللي في القلب
عهد: لا طبعا ده انتي اختي وحته مني ياجميلتي
حبيبه: بحب منك اوي لما تقولي يا جميلتي
حياه بعد ان اقتربت منهم: علي فكره انا بدات اشيط منكم كل واحده تاخد عهد شويه عيب كده
حبيبه: عيال حقوده
عهد: طب يلا يا هبله انتي وهي بقي نروح نقف مع الاء
وبالفعل توجهوا لمكان تجمع الجميع وكان كل من سامر والاء يقفون بجوار بعضهم
تواب ليزن:الواد واقف تحسه خد كاس العالم وعمال يضحك شبه العبيط
يزن بضحك: طبعا هو حد قده
باسل:كفايه قر يابني الواد هيروح مننا
عبد الله:اما اروح اسأل حد بيعرف يرقي يجي يرقي الواد قبل ما يضيع
يزن:يا يلهوي علي السكر ياض انت وهو
وليد: اصلك من ساعه معرفت انه هيخطب وانت نازل قر وحسد
يزن بمزاح:انا يابني شكرا علي ثقتك الغاليه
تواب:ااااه عقبالنا يارب
عبد الله:الا صحيح يا واد يا وليد دلوقتي هما مستنين الوقت عشان يتقدموا وعارفين لمين انما انت ساكت كده ومحدش يعرف بتحب مين
تيام وهو يجري عليه:بابا بابا انا عارف اقول
وليد:يا فضيحتي يا فضيحتي اسكت يا زفت
تواب وهو يحمله: حبيب عمو انت قول يا ضنايا
وليد:تيام حبيبي مش انا خالو قول انك متعرفش
تيام:لا يا خالو اللي بيكدب بيروح النار
وليد بخفوت:اه يابن شاهندا يا فتان زي امك
يزن:قول يا تيمو يا عسل
تيام:لما كنت نايم مره جنب خالو لقيته بيقول بحب ح....
وهنا وقام وليد بوضع يده علي فم تيام
باسل بضحك: سيبه يا زفت عايزين نعرف
وليد في نفسه:ده انت الوحيد اللي مينفعش تعرف
تواب:اوعي يا غبي الواد هيتخنق
ازال وليد يده سريعا ثم قال: معلشي معلشي
عبد الله:ها قول يا قلب ابوك
تيام:اووف اقول ولا لا
فقال معظم الشباب في نفس الوقت معادا وليد:اه /لا
تيام:خلاص هقول كان بيقول بحب حبيبه مين بقي حبيبه
وليد بصدمه وخوف من رده فعل باسل لعدم اخباره:حب حبيبه مين يا تيام يا حبيبي
باسل بغضب:انا اللي عايز اعرف دلوقتي يا وليد.اللي في بالي صح ولا ايه
تواب:اهدي يا باسل
لم يعره باسل انتباه ثم امسك وليد من ملابسه بغضب وقال:قولي ان اللي في بالي غلط يا وليد احسن ليك
تيام بخوف:عم عمو تواب في ايه هو انا غلطان
تواب:اهدي يا حبيبي لا مش غلطان عمو باسل بيهزر بس مع خالو
يزن وهو يحاول فك وليد من باسل:استهدي بالله يا باسل احنا مش لوحدنا يا اخي
باسل:عايزني اعرف انه بيحب اختي ووالله اعلم كان بيبصلها ولا لا ويمكن حاول يكلمها كمان وتقولي اهدي
عبد الله:اهدي يا باسل قلت
وليد:اهدي بالله عليك وهفهمك
باسل بغضب:انت هتستهبل يا ولييد هي اختي اللي تيام قال عليها ولا لا
وليد بقوه:ايوه هي يا باسل
عندما هم باسل بلكمه منعه عبد الله سريعا وقال:يابني اهدي في ناس وخطوبه الواد هتبوظ تعالي معايا تعالي يا باسل متعندش ثم جره بقوه خارج المنزل حتي لا يلفتوا الانظار
وليد:يارب اعمل ايه
تواب:روحله وقله يا وليد وانك عايز تتقدم وكانت نيتك خير
وليد:مش هيصدق يا تواب انت مش شايف بيقول اني كنت ببصلها و والله عمره ما حصل كنت بغض بصري
يزن:احنا عارفين يا وليد واكيد هو كمان عارف بس عشان متعصب بس
وليد:طب تعالو هدوه
ذهبوا الي خارج فوجدوا عبد الله يحاول تهدئه باسل وحينما وجد باسل وليد يقترب منه نظر له بغضب فاقترب وليد وقال:يا باسل والله ما بصلتها ولا حاولت اكلمها حتي انت عارفني يا اخي يمكن اه غلطت لما داريت بس والله كنت ناوي اجي اتقدم قريب
باسل بغضب:اه بعد ما الفاس وقعت في الراس وتقولي اتقدم
يزن:وليد صاحبنا مش من شهر لا من سنين وانت عارفه اهدي واعرف بتقول ايه
تواب:استغفر ربك يا باسل واستهدي بالله كده
باسل:استغفر الله العظيم يارب ولا حول ولا قوه الا بالله
وليد:الله ينور عليك كده نتفاهم
عبد الله:لا مش وقته زمان سامر بيدور علينا نخلص ام الخطوبه دي وتقعد انت و وليد يا باسل وتتفهموا
وليد:بس اللي عايزك تعرفوا يا باسل اني عمري ما قربت من اختك انا واحد يعرف ربنا كويس وطول ما هي مش علي زمتي فهي اختي التانيه يا استاذ باسل عن اذنكم اروح اشوف سامر
يزن بعد ان رحل:ملكش حق تقول كده برضو يا باسل احنا عارفين وليد علي ايه ويمكن انت اكتر واحد
باسل بعصبيه:مهو غلطان ازاي ميقلش حاجه زي دي الا لو كان ناوي يلعب بقي
عبد الله:بااسل اهدي واعرف انت بتقول ايه متبقاش متهور
تواب:استهدي باله يا باسل وليد انا واثق فيه جدا
سامر بعد ان اقترب منهم:علي فكره يا باسل وليد كان قايلي من زمان وقال انه عايز يتقدم للانسه حبيبه بس كان مستني يفاتح اهله ويجي الوقت المناسب
باسل بتفاجؤ:قالك امتي ده
سامر:من مده يعني وقال انه في الاول كان بيحتفظ بحبه جوا قلبه وانه بس خايف كمان انك تفكر في غلط واظن من شكلك ده حصل
تواب: لا حول ولا قوه الا بالله العلي العظيم بس صحيح انت جيت ليه وسبت عروستك
سامر:لقيتكم اختفيتم مره واحده فقولت اشوفكم
يزن باستغراب:ليه هو وليد مجالكش
سامر:لا
عبد الله:غريبه ده قال انه جايلك
سامر:معرفش بقي
باسل:استغفر الله العظيم يارب انا غلطت فعلا بس كان غصب عني يا شباب رد فعل طبيعيه
تواب:عذرينك يا باسل بس ممكن نقول برضو هبدت الموضوع شويه فلازم تروح تصالحه
باسل:تمام هشوفه اهو وانت يا سامر روح لعروستك وروحوا معاه يا شباب بس بستأذن يا باسل هخلص مع وليد وامشي
يزن:ليه يا نكدي
باسل:معلشي يا جماعه بس مش هعرف اقعد اكتر من كده
عبد الله:سيبوه علي راحته يا شباب يلا يا سامر اتأخرت اوي..
ذهب باسل ليبحث عن وليد فوجده يقف بجوار اخته فذهب وقال وهو ينظر للارض:وليد عازيك ثواني
وليد:تمام معلشي يا عهد خمسه
عهد:اتفضل يا حبيبي
ابتعد وليد وباسل عن مرئي العيون فقال باسل بتوتر:احم وليد انا آسف يا صاحبي علي اللي قولنه عارفه اني غلطت بس والله غصب عني اتعصبت لما عرفت بالموضوع بس انت لو مكاني هتعمل كده ويمكن اكتر وعايزك متزعلش انت عارفني دبش بقي
وليد:ولا يهمك يا باسل انا مقدر وانا فعلا غلطان اني مجتش قولت ليك علي طول بس كان من خوفي من رده فعلك واتمني توافق اني اجي اتقدم فعلا ورسمي بقي يمكن تثق فيا تاني
باسل:بس ياض انت انا دايما واثق فيك هو التعبير خاني بس وعلي العموم هشوف والدي و والدتي وطبعا رأي اختي واديك خبر
قام وليد باحتضانه وقال:حبيبي يا ابو الصحاب
باسل:ههه هنتفهم غلط يا جحش
وليد بمزاح:لا ياعم ملناش في الشمال استغفر الله
باسل: ماشي يخويا يلا استأذن انا بقي
وليد:بدري كده
باسل بكذب:اه اصل ورايا مأموريه بكره بدري وعايز اظبط نفسي بقي
وليد:خلاص تمام ربنا يوفقك يارب
باسل:حبيبي واياك بالمثل يلا عن اذنك
توجه باسل الي اخته ثم قال:حبيبه مش يلا بقي
حبيبه بصدمه:لاا يلا اييه لسه بدري دي انتيمتي يا باسل بالله عليك شويه عشان خاطري
باسل:معلشي والله بس مينفعش يا حبيبه وهبقي اعرفك ليه بعدين فبالله عليكي من غير جدال تروحي تسلمي علي اصحابك ويلا عشان نمشي
حبيبه بزعل:يووه بقي يا بااسل
قام باسل بتقبيل رأسها وقال:انا اسف ليكي بس صدقيني مش هينفع
حبيبه:تعوضني بدلها
باسل:من عيوني يلا روحي بقي سلمي عليهم
حبيبه:تمام ثم بالفعل توجهت الي الفتيات وقالت لهم بأنها ذاهبه
الاء بزعل:ليه يا بيبو بالله عليكي قوليله يستني شويه دي خطوبتي يعني ولازم تكوني معايا للاخر
عهد:اه يا حبيبه بالله عليكي مينفعش تمشي بدري كده
شهد بخفوت: هو طلع من النوع اللي بينكد في نص القاعده يا فرحه ما تمت
غفران وهي تحاول كتم ضحكتها:اخرسي يا فضيحه
والده الاء:طب تحبي اقنعه انا يا حبيبتي
حبيبه:لا معلشي يا طنط انا عارفه اخويا مش هيعمل كده الا لو لظرف طارق وبجد اسفه يا بنات وانتي بذات يا لولو بس والله هعوضك
شاهندا:كان نفسنا تكملي معانا السهره
حبيبه:خلاص بقي هتخلوني اعيط انا علي تكه والله
حياه:عارفه يا بيبو لو شتمت اخوكي هيبقي ليا حق
عهد:حياااه
حياه:احم مش هيبقي يا بيبو
حبيبه بضحك: جبانه يلا سلام بقي عشان متأخرش عليه
الاء بحزن:مش مسمحاه بس سلام يا قلبي رني عليا بليل
حبيبه:هرن ليكم كلكم حاضر يلا مع السلامه
ثم توجهت الي اخيها ونظرت له بحزن مصحوب بغضب وقالت:يلا يا استاذ ارتحت كده صح
باسل:اه يلا بقي
حبيبه:رخم طب قلي ايه السبب علي الاقل
باسل:لا ومتزنيش كتير يلا
وبالفعل توجها لمنزلهم ولم يخبر حبيبه بالسبب وقرر باخبار والديه بالامر في اليوم التالي بينما عند حفله الخطبه كان يقف الشباب فقال تواب:اهو كله بسبب ابنك يا عبد الله الكلب انت وهو
عبد الله:معاكوا حق انا مربتش الواد اللي هناك ده بس اما يجي تحت ايدي
وليد:علي اساس انكم عيال بريئه مش انتوا اللي فضلتوا تقولوا وصار يقلدهم"قول يا حبيب عمو..قول يا قلب ابوك "اهو زنيتوا علي خراب عشكم زي ما بيقولوا
يزن:احم ايه يا وليد يا حبيبي الفضول هيموتنا مش صح يا شباب
عبد الله وتواب في نفس الوقت:حصل
وليد:عن ابو معرفتك يا شيخ انت وهو
ضحك تواب عليه ثم قال:لا بس طلعت معاك حلاوه خطبت انت كمان قبلنا زي ما تكون مخطط يا نمس
وليد بغرور مصطنع:اقل ما عندي حضرتك
يزن:خد بااك من النفخه لتفرقع يا اخ
وليد:عيل سئيل
عبد الله: طب تعالوا احنا سايبين الواد لوحده مينفعش كده
يزن:يلا ياعم بيضاله في القفص هو كمان اوعدنا ياارب....
بينما عند الفتيات كانوا يقفن بحزن فقالت عهد:بنات اه زعلنا انها مشيت بس مش هنخرب علي الاء يومها انا مش هسمح بكده عادي حصلها ظرف ومش هتعرف تستني يلا فكوا مناظركم دي وتعالوا نقف معاها عن ابو معرفتكم المنيله
والدتها بضحك: يخيبك يا عهد انتي يتخاف منك يابت
عهد:يا ماما عيال كئيبه اوي بصوا انا ماشيه وسيباكم يكش ترتاحوا تعالي يابت يا ترتيل حبيبتي انتي وسيبك من الكلاب دول
ضحكت ترتيل وقالت بطفوليه:اه يا خالتو تعالي انتي احلي
عهد وقد قبلتها من خدها بقوه:يخلاثي علي اللي بيحبني يا ولاد تعالي يلا نقف مع لولو
بينما عند الفتيات كانوا يقفن بصدمه فقالت حياه:هو انا ليه حاسه بقله كرامه
شهد بسخريه:يا ضنايا ده انتي متأخره اوي اصل بعيد عنك احنا وصلنا لليڤل التأكد
شاهندا:احم ايه يا بنات ولا كأن حاجه حصلت خدوا الامور بثلاثه
غفران:اه يختي اصل اللي حصل اننا اتهزقنا بس عندك حق
والده الاء بضحك: اهي عهد دي والله هي اللي هتلمكم دي البت الاء كانت تقولي يا لهوي يا ماما علي عهد وهي متعصبه بتبقي طفله بس بتخافي منها برضو تستاهلوا ملكوش غيرها صحيح يا جزم عيزين تبوظوا خطوبه بنتي يا صحاب عرر
شاهندا:طب يا بنات هروح اشوف جوزي قره عيني اصل اتهزقت كتشيير اوي
سميحه:عيال معفنه مفيهمش غير عهد والله
غفران بهبل :الا يا شهد في هناك مكان حلو اوي نتصور فيه
شهد بهبل ايضا:اه تصدقي حلو اوي تعالي ثم ذهبن جميعهم معادا حياه فنظرت السيدات لها برفعه حاجب وقالت سميحه:خير يا حياه متنحه كده ليه ولا عايزه جرعه زياده
حياه ببلاهه:ها لا ابدا يا طنط تسلمي ايه ده ده تقريبا تيام بينده عليا اروح اشوف عايز ايه حبيبي ده عن اذنكم ثم فرت من امامهم سريعا
بينما ضحكت السيدات بشده وقالت والده شهد: العيال كان منظرهم يهبل والله الواحد فرحان انه اتعرف عليكم يا جماعه
سميحه:فعلا البنات عرفونا ببعض زمان والحمد لله تكونت صداقه بنات وصداقتنا احنا كستات
شروق:فعلا الحياه بيبقي فيها الحلو والوحش بس الاهم انك تتخطي كل ده وانت معاك رفيق يساعدك ويشجعك
والده الاء:ده حقيقي....
............................
ها الان دعونا نري ما يحدث بين الاء وسامر منذ اول الخطبه
سامر وهو يجلس بجوارها قليلا:احم مبروك يا الاء
الاء:الله يبارك فيك بس هو حضرتك شلت اللقب بصفتك ايه اذا تكرمت
سامر بصدمه:نعم يختي هو الجو ده مش واكل معاكي ولا يكونش الدبله فالصو ومش مصدقه او ممكن تكون دي الكاميرا الخفيه برضو تصدقي
الاء وهي تحاول كتمان ضحكتها:هو احم لا يعني مش قصدي بس في برضو القاب انا ايش ضمني اننا هنكمل
سامر:ياستي انتي بتفولي ليه لا حول ولا قوه الا بالله انا مشوفتش بنت بتفول ان خطوبتها تتفسخ وهي لسه علي الكوشه يا حاج تعالي شكلي اتسرعت يا حاج
الاء:علي فكره انا كنت بناقشك بس بصوت عالي انت متسرع ليه يعني متوضح بهدوء
سامر:يااه عليا وحش قد ايه الاء الله يكرمك اهدي خالص واسكتي ماشي او اقولك قومي من جنبي
الاء باستفزاز:اهدي يا استاذ سامر ليجيلك شوجر ولا حاجه
سامر:يارب هتشل انا عايز افسخ الخطوبه دي لو سمحتوا وبعدين برضو بتقول استاذ يا جدعااان
اقترب كل من حياه ويزن منهم فقال يزن باستغراب:مالك يا سامر يا حبيبي انت اتهبلت ولا ايه
سامر:هاتلي حد كبير اكلمه يالا
نظر له بصدمه ثم نظر الي حياه وجدها تنظر للارض تحاول كتم ضحكتها فنظر يزن الي سامر بشر فقال سامر بخوف:آسف والله اسف بهزر مش قصدي حد يلحقني
ضحكت عليه الاء قليلا ثم قالت حياه لها:خير يا الاء تؤمروا بحاجه اساعدكم
الاء:يابنتي هو بقي خطيبي صح
حياه:فعلا
الاء:ليه بقي يشيل الالقاب ويقول يا الاء بس وانا اضمن منين اننا هنكمل
نظرت لها حياه بصدمه ولم تحتمل فاسندت رأسها علي كتف الاء وظلت تضحك بشده ولكن لم يظهر صوتها فقالت الاء باستغراب:بتضحكي علي ايه انتي كمان
ظلت حياه تضحك ولم ترد وكانت تخفي وجهها في كتف الاء وكان يزن شارد بها فحبه وصل الي اعماق قلبه
قالت الاء موجهه كلامها الي سامر:معلشي اصل بنتنا بتتكثف حبتين
ضربتها حياه بخفه بعد ان تمالكت نفسها وقالت بهدوء وجديه:الاء استاذ سامر بقي خطيبك يعني اساسي تشيلوا الالقاب منعا للحرج وعشان يكون في راحه في الكلام شويه فهمتي انما لو محصلش نصيب لا قدر الله مش هتكوني تخطيتي حدود ربنا طبعا اصلا محسساني انك جاهله
الاء:يووه يعني هو انا كنت اتخطبت قبل كده
سامر:صحبتك بتفهم عنك الله ينور عليكي يا انسه
لم تعقب عليه حياه ولكم يزن سامر في جنبه واستأنت حياه منهم ثم توجهت الي الفتيات
بينما عند سامر قال بخفوت:ااه جنبي يا غبي
يزن:ده انا هعمل منك شاورما بس اصبر عليا
سامر:ياعم غور بقي يلا طير انت
يزن:فكرني ايه خلاني مستحمل برودك ده
سامر بلا مبالاه:بسبب نفس البرود يا شق
يزن:لا اقنعتني والله اسيبك بقي
ضحك عليه سامر ثم نظر الي الاء بغيظ فابتسمت ببلاهه وشاورت علي الحلوي وقالت:احم تحب تاكل جاتوه
سامر:لا تسلمي اصلي عندي شوجر بعيد عنك
ضحكت الاء بخفه ثم قالت: لا الف سلامه عليك
سامر بابتسامه:الله يسلمك يارب...وبعدها جلسا يتحدثا قليلا وحكت حياه للفتيات ما فعلته الاء فقالت والده الاء:انا عارفه بنتي هتخلص الجوازه دي علي انها تكون مقتوله اوي هو مشلول
ضحكوا عليها كثيرا وقضي الجميع وقتا في فرح بخطبه صديقتهم وكذلك صديقهم......
.........................
وها قد انقضي الوقت وانتهت الحفله وذهب الجميع الي بيته وبالفعل حدثت حبيبه الفتيات فقالت عهد:يا بنات بكره بقي زي ما اتفقنا كلنا
شهد وغفران:بكره ايه يا بنات
عهد بتشتيت لهم:هتعرفوا بعدين بأذن الله المهم عاملين ايه في الجامعه حاجه صعبه عليكم
شهد:حاسه انها بتغير الموضوع
غفران: That is exactly how i feel
حياه:الترجمه يا اخت
حبيبه:ولا كأنكم كنتوا في جامعه او متعلمين اساسا
الاء:طب ترجمي يا فلحوسه
حبيبه:احم انتي قولتي الترجمه ايه يا رورو يا حبيبتي
ضحكوا عليها كثيرا
شاهندا:يا جهله منك ليها معناها ان ده نفس شعوري
غفران:انت اللي فيهم يا كبيرنا
شاهندا بغرور مصطنع :كلم حد يكلم حد يكلمني
عهد:طب علي فكره بقي كنت عارفاها وهقوله انتي اصلا خدتيها من علي لساني
فقالوا جميعهم في نفس الوقت:يا عهددد
عهد:احم مش لساني اوي يعني
الاء:بس برضو عايزه اعرف ليه مشيتي بدري يا حبيبه
حبيبه:والله يا بنتي انا ذات نفسي معرفش بس هو باسل قالي هبقي اقولك بعدين
شهد:بس غريبه من استاذ باسل اوي
عهد:فعلا
حياه:اهو يا خبر النهارده بفلوس بكره يبقي ببلاش
شاهندا:صحيح يا بت يا الاء عملتي ايه في خطيبك النهارده
ضحكت حياه بشده وقالت: ماتفكرنيييش كنت هموت متشوفيش منظر استاذ سامر بقي لما قالت كده مش قاادره
عهد:ده انتي قادره والله
الاء:ياخونا انا اعرف منين اعذروني عيله جاهله واعترف بده
حبيبه:خلاص يا بنات بعد كده نكتبلها مذكره تذاكرها ازاي ترد عليه وتحفظها كويس او تقعد معاهم اسهل
شهد:شكلها كده فعلا
غفران:بت يا لولو خليكي كده احبك ياسطوطه
الاء:بجد بجد حياتشيي ليكو قلبي يابت انتي خليفتي بدل الكلاب دول
غفران:تربيتك يا ابو الصحاب
فقالت الفتيات في نفس الوقت:تربيه مهببه
الاء:للدرجه دي سمعتي سبقاني
ضحكوا عليها ثم استمرا في التحدث وبعدها اغلقا فتوجهت عهد لتؤدي القيام وتقرأ وردها وبعدها لم تشعر بالنعاس فتوجهت للجلوس في الشرفه قليلا قامت بتشغيل القرآن الكريم بصوت شيخها الاقرب لقلبها وهو عبد الباسط عبد الصمت وجلست تكتب في مذكراتها ما يأتي في بالها فكتبت
"المَرأة المُسلِمَة لَيْست كأيّ نسَاء العَالَم، إنَّها متَميّزة في خصَائصها الَّتي تتَميَّز بِها من خلَال دِينها، فَهِي امرَأة تَلد ُأمَّة، وَتربّي أُمَّة، وَتبني أُمَّة، وَتَصْنَع أُمَّة..