Rules of Love (UNDER EDITING)

Chapter 5

Disclaimer: Hindi po ako naging isang CAT Officer and yung mga terms na ginamit ko po dito is pinagtanong ko lang so kung may mga mali sorry na agad.

_____________________________________________________________________________________________________________

Chapter 5

Isang linggo. Isang linggo na akong palaging hawak ni Thyme at isang linggo nadin ang nakakalipas simula nang huli kaming nagkausap ni Clyde.

Nakabalik na si Eli. Nakapasok kaming lahat sa CAT pero naninibago ako sa mga nangyayari, palagi kong iniisip na wala lang siguro na baka nasanay lang ako at dapat nga maging masaya pa ako kasi diba sa wakas tinantanan na ako ni Clyde sa mga pagpapahirap niya sa akin at sa mga walang katapusan na demerits na ibinibigay niya sa akin.

Pero hindi ganon ang nararamdaman ko. Hindi ako nakakaramdaman na dapat akong mag pasalamat na sa wakas wala nang Clyde na nag bwibwiset sa akin bagkus nakakaramdam ako nang inggit sa kong sino man ang hinahawakan niya sa training.

Nong mga paunang araw na hindi niya ako kinukuha ay alin man kay Ceshiah o Aaron ang hinahawakan niya pero ni tong mga nakakaraan ay hindi nadin niya hinahawakan yong dalawa bagkus si Farrah na ang hinahawakan niya.

Si Farrah na lagi ang hawak niya, usap usapan nga nang mga aspirants ay si Farrah na daw ang pumalit sa akin. Si Farrah na daw ngayon ang paborito nang commander.

Pero hindi katulad noon ay mas maluwag si Clyde kay Farrah kasi kahit palagi niya itong hawak kagaya ko dati hindi naman naging aspirant of the week si Farrah bilang mo nga lang sa daliri ang demerits na nakuha niya kay Clyde.

"Bakla..." Nawala ako sa pag iisip nang mga nangyari nong isang linggo nang bigla na lang lumapit sa akin si Julliana. Nakayuko ito nang kaunti dahil ang tangkad niya tapos ako ay nakaupo sa may upuan.

"Ha? Ano yon?" Ngumiti ito sa akin tapos ay hinigit niya yong katabing upuan para makatabi siya sa pwesto ko.

"Ahm... Pwede favor?" Medyo mahinang boses na pagkakasabi niya. Mahinhin naman kasi siya talaga nahawa lang talaga siya nina Maureen nong nagtagal na magkakaibigan kami.

"Sure, ano ba yon?" Ngumiti ito nang alanganin sa akin bago may inabot na makapal na folder sa akin.

"Pwede ikaw na lang pumunta mamaya sa meeting nang SSG? Well, nakiusap kasi sa akin si Savannah na baka pwede daw ako tumakbo na representative nang batch natin para sa election next year kaya lang nag text si Mom kailangan kong umuwi nang maaga" Kita ko na sa mukha niya na kinakabahan siya sa magiging sagot ko. Hindi ko naman kayang humindi sa kanya, siguro kong ibang kaibigan ko baka pa pero si Julliana? Never, ewan ko ba kong anong meron sa kanila ni Ceshiah na kapag sila yong nahingi nang favor wala talagang makatanggi ni isa sa amin magkakaibigan.

"Sige wala naman kaming training mamayang hapon, saan ba yong meeting?" Ipinaliwanag niya sa akin kong ano magiging agenda nang meeting at kong ano ano ang kailangan kong tandaan para masabi ko sa kanya. Sinabi niya din na sa room daw nang grade ten yong meeting umakyat na lang daw ako mamaya sa third-floor para malaman ko kong saan.

Nang maipaliwanag na niya sa akin ay agaran niya akong niyakap at agaran nang lumabas dahil hinahabol niya si Carol na hawak hawak na naman ang bag nito. Inaasar na naman siguro ni Carol si Julliana na rich kid. Totoo naman na mayaman talaga siya pero ayaw talaga niya na ipinagkakalat kasi hindi naman daw siya yong mayaman kong hindi yong parents niya.

Ipinagpatuloy ko na lang ang ginagawa ko para mamayang hapon ay ito na lang pakiusap ni Julliana ang gagawin ko. Nang oras na nang klase ay sinabi lang nang class president na may sakit daw yong teacher namin kaya pwede na daw kami umuwi.