Unicode
~~~~~~~~နှိုင်းမရအိမ်သို့ပြန်ရောက်တော့ ဧည့်ခန်းထဲမှာထိုင်နေတဲ့သူရက နှိုင်းမရ မျက်နှာကိုကြည့်ပြီး အံ့ဩသကြီးဖြင့်မေးလာသည် …
" ညီလေး … မျက်နှာက ဒါဏ်ရာတွေနဲ့ ဘာဖြစ်လာတာလဲ "
နှိုင်းမရက ပြန်မဖြေပေ … သူရကပို၍ပင် စိတ်ပူပန်လာပြီး နှိုင်းမရထံလျှောက်လာကာ ထပ်မံဆိုပြန်သည် …
" ဘယ်သူကိုရန်ရှာလိုက်လို့ ဒီလောက်ထိ ဖြစ်လာတာလဲ … ဦးလေးသိရင်အဆူခံရလိမ့်မယ် "
နှိုင်းမရက သူ့အားထိုသို့ပြုမူတာမျိုးမနှစ်သက်ပေ … သူရန်ဖြစ်လာတိုင်း သူကစပြီးရန်ရှာသည်ဟု ထင်မြင်နေကြတဲ့အပေါ် မုန်းတီးမိသည် …
" စကားများလိုက်တာ "
နှိုင်းမရက ဘာဖြေရှင်းချက်မှမပေးတော့ပဲ အပေါ်သို့တက်သွားလေသည် … ထိုအခါ အနောက်မှဝင်လာတဲ့နွေလယ်က သူရအမေးအား ဖြေလိုက်သည် …
" လူတစ်ချို့ကစပြီး ရန်ရှာတာ "
" အဲ့ဒိလူတွေနဲ့ ရန်ဖြစ်လာတာလား … နွေလယ်က မင်းအကိုနှိုင်းမရကို ဝင်မထိန်းဘူးလား "
" ကျွန်တော်ကစပြီး ပြန်ပြောခဲ့တာ "
သူရကြောင်သွားလေသည် … သူသိတဲ့နွေလယ်က ဒီလောက်အေးတာ သူ့ကိုကိုက်နေတဲ့ ခြင်ကိုတောင် ရိုက်ဖို့ လက်တွန့်တဲ့သူမျိုး …
" အာ … ဘယ်လိုဖြစ်နိုင်မှာလဲ "
" လူတစ်ချို့က ဦးလေးနဲ့စီနီယာကို စော်ကာမော်ကားပြောလို့ ကျွန်တော်ကသွားပြောမိတာ … အဲ့ဒါနဲ့ ရန်ဖြစ်တာ "
သူရမှာ ဘာပြောရမည်ပင်မသိတော့ပေ … နွေလယ်က အဝတ်အစားပြောင်းလဲယုံမက စိတ်နေစိတ်ထားနဲ့အပြုအမူတွေပါပြောင်းလဲလာကာ ပို၍သတ္တိရှိလာသည် … သူရစိတ်ပူမိပေမဲ့ စိတ်ချမ်းသာမိပြန်သည် …
" ခု နွေလယ်က တခြားလူတွေစော်ကားမော်ကားပြောလာရင် ငြိမ်မခံတော့ဘူးပေါ့ … ဒါလဲကောင်းတဲ့ပြောင်းလဲမှုပါပဲ … ဒါဆို မင်းအကိုနှိုင်းမရကို တစ်ခါထည်း ဂရုစိုက်ပေးဦး … ဆေးလေးဘာလေးထည့်ပေးလိုက် … အကိုစိတ်ချမယ်နော် "
YOU ARE READING
🦋🌟☁️ နွေလယ်ည ရဲ့ ကောင်းကင်ပြာ ☁️🌟🦋
Romanceအတိတ်ဆိုးတွေနဲ့ပြည့်နေတဲ့ ပူလောင်လှတဲ့ မင်းရဲ့ဘဝလေးကို ကို့ရဲ့အချစ်တွေနဲ့ ကောင်းကင်ပြာကြီးလို အုပ်မိုးထားပါရစေ နွေလယ် ...