Unicode
~~~~~~~~ထူးထူးခြားခြား နှိုင်းမရတစ်ယောက် မီးဖိုချောင်ထဲဝင်ကာ ဟင်းများကို ကိုယ်တိုင်ချက်ပြုတ်နေ၍ ဒေါ်မြအပါအဝင် အိမ်ဖော်တွေအားလုံးက အံ့အားသင့်နေကြသည် ။
အလုပ်ကပြန်လာတဲ့ နှိုင်းသူရက မီးဖိုချောင်ထဲဝင်နေတဲ့ နှိုင်းမရကိုလဲမြင်ရော အလန့်တကြားဖြင့် ပြေးလာပြီး …
" နှိုင်းမရ … မီးဖိုချောင်ထဲဝင်ပြီး အိမ်ကိုမီးရှို့ဖို့ကြိုးစားနေတာလား "
ညှော်နံ့တွေ ထောင်းကနဲထွက်လာခြင်းကြောင့် သူရပိုပြီး ထိတ်လန့်သွားလေတော့သည် ။
ထိုအခါ ဘေးမှာရပ်နေတဲ့ ဒေါ်မြက သူရထံရောက်လာပြီး …
" သခင်လေးသူရ … သခင်လေးနှိုင်းမရက ရုတ်တရပ်ကြီး ဟင်းချက်ဖို့ကြိုးစားနေတယ် … ဒေါ်ဒေါ်မြလဲ တားလို့မရဘူး "
" ဘာလို့ချက်ချင်ရတာလဲ … သူ့လိုလူကလေ "
" ဒေါ်မြလဲအဲ့ဒါကိုပဲ အံ့ဩနေတာ … နွေလယ်လေးရောက်လာမှ သခင်လေးအချိုးတွေပြောင်းနေတာ … တစ်ခြားတစ်ယောက်ပြောင်းသွားသလိုပဲ "
နွေလယ်ဆိုတဲ့စကားသံကြားတော့ နှိုင်းမရက ရုတ်တရပ် လှည့်ကြည့်လာပြီး …
" နွေလယ်ရောက်လာတာလား … သူ့ကိုအလာမခံသေးနဲ့ဦး … ကျွန်တော်အဆင်သင့်မဖြစ်သေးဘူး "
" ဒီကောင်လေးကတော့ "
ထိုအခါမှ သူရသဘောပေါက်သွားတော့သည် ။ ပြီးနောက် ဒေါ်မြနားကပ်ကာ တိုးတိုးလေးပြောလိုက်သည် ။
" အချစ်အတွက်သူကြိုးစားနေတာ … ဒေါ်မြကျွန်တော့ညီလေးကို ကူညီပေးလိုက်ပါဦး "
" ဟုတ်ကဲ့သခင်လေး "
ဒေါ်မြက ဘာပြောသွားလဲနားမလည်ပေမဲ့ မအောင်မြင်တာကို အခါခါကြိုးစားချက်ပြုတ်နေတဲ့သခင်လေးအားကြည့်ကာ သနားပြီး ဘေးကနေသင်ပြပေးနေ၏ ။
YOU ARE READING
🦋🌟☁️ နွေလယ်ည ရဲ့ ကောင်းကင်ပြာ ☁️🌟🦋
Romanceအတိတ်ဆိုးတွေနဲ့ပြည့်နေတဲ့ ပူလောင်လှတဲ့ မင်းရဲ့ဘဝလေးကို ကို့ရဲ့အချစ်တွေနဲ့ ကောင်းကင်ပြာကြီးလို အုပ်မိုးထားပါရစေ နွေလယ် ...