This Mafia Fall In You [ ဒီမာဖီးယားကတော့ မင်းဆီမှာ ကျဆုံးသွားပြီ ]

အပိုင်း ၁၃ ( Adult )

အပိုင်း ၁၃ [ Unicode Version ]

Baekhyun မာဖီးယားကြီးကို Scooter နောက်ကနေ တင်ခေါ်လို့ order တွေ ပို့ပြီး ပြန်အလာ အိမ်ရှေ့ယာခင်းထဲက ကတုံးတွေကို မတွေ့ရတော့ဘူး ။

ပြီးတော့ နှစ်ယောက်မရှိတဲ့ သူ့ချစ်သူကြီးဟာလည်း အရမ်းကို Skinship လုပ်ချင်နေလွန်းလို့ Baekhyun မှာ ပတ်ဝန်းကျင်ကို မျက်စိတောင်းမှောက်ကြည့်ရင်း ရင်ထိတ်နေရတယ် ။ စိတ်မထင်ရင် မထင်သလို ပါးကိုလာဆွဲဖျစ်လိုက် ၊ ခေါင်းထိပ်ကို ဖိကပ်နမ်းလိုက် ၊ လက်ကိုလာကိုင်လိုက် လုပ်နေတာမို့ Baekhyun မှာ ထိတ်လန့်စိတ်ရယ် ၊ ကြည်နူးစိတ်ရယ် ရောထွေးလို့ ရင်တုန်မှုက 2 ဆ တိုးရတယ် ။

" ခဏနော်.. ကျွန်တော် ဒေါ်လေးကို သွားရှာလိုက်ဦးမယ် "

Baekhyun စကားမရှိ စကားရှာပြောလို့ ရှက်ရဲရဲ ပါးပြင်လေးတွေနဲ့ပဲ အိမ်ထဲကိုဝင်လာခဲ့တယ် ။ ဒါပေမယ့် အိမ်ထဲမှာ သိသာစွာ ပြောင်းလဲလှုပ်ရှားနေတဲ့အရာတွေကြောင့် Baekhyun အာရုံတွေ ချက်ချင်း လမ်းကြောင်းလွဲသွားရလေရဲ့ ။

Baekhyun တို့အိမ်အောက်ထပ်က အိမ်ရှေ့မှာတင်မက ၊ အိမ်အနောက်ဘက်မှာပါ တံခါးပေါက် တစ်ခုရှိတယ် ။ ဒါပေမယ့် အမြဲလိုလို ပိတ်ထားတတ်တာမို့ ဖွင့်တဲ့အကြိမ်ရေက ရှားတယ် ။ ဒီနေ့တော့ အဲ့တံခါးပေါက်ကို ဖွင့်ထားပြီး ဝင်ပေါက်ဝနားမှာ ဒေါ်လေးက စောင်တွေထည့်ထားတဲ့ ခြင်းတွေကို ချထားပြီး အပြင်ဘက်ကို ကြည့်နေတာကို မြင်လိုက်ရတော့တာပဲ ။

Baekhyun စိတ်ဝင်တစားနဲ့ မျက်ခုံးလေးပင့်ပြီး ဒေါ်လေး အနားတိုးကပ်သွားလိုက်တယ် ။

" ဒေါ်လေး ဘာတွေလုပ်မလို့ ပြင်နေတာလဲ "

Baekhyun အမေးစကားနဲ့အတူ တံခါးဝနားရောက်ပြီမို့ တစ်ခါတည်း ဒေါ်လေးအကြည့်တွေရှ်ိရာဘက် အတူလိုက်ကြည့်လိုက်တော့ ။

ဘုရားရေ... ကတုံးတို့ အုပ်စု အဝတ်ထိုင်လျှော်နေကြပြန်ပြီ ။

Baekhyun ဟာ ချက်ချင်းမျက်လုံးတွေ ပိုလို့ ဝိုင်းစက်သွားရတော့တယ် ။ ဒေါ်လေးက အားနာမကင်း စိတ်လေးနဲ့ ဆက်ငေးနေရင်း Baekhyun ကို ခပ်ဖွဖွ ပြောပြလာတယ် ။