အပိုင်း ၂၀ [ Unicode Version ]
" အဖွား ၊ အသက်ကို ခပ်ပြင်းပြင်းလေးရှူပေးပါနော် "
ညင်သာလွန်းတဲ့ စကားသံလေးအဆုံးမှာ အိမ်ရှေ့ကွက်ပျစ်ပေါ်ထိုင်နေတဲ့ အဖွားက ကြိုးကြိုးစားစားနဲ့ အသက်ကို ပြင်းပြင်း ရှူသွင်းပေးလာတယ် ။ Baekhyun နားကြပ်လေးတပ်လို့ ဟိုဒီစမ်းပြီးတဲ့ အခါမှာတော့ ခပ်ဖွဖွလေး ပြုံးလိုက်မိပြီး နားကြပ်ကို ပြန်ချွတ်လို့ လည်ဂုတ်ပေါ်မှာ ပြန်ဆွဲထားလိုက်တယ် ။
" ဘာမှ အထွေအထူးမရှိပါဘူး ။
အဖွားက ကြံ့ခိုင်လိုက်တာ ဒီအသက်အရွယ် ရောက်နေတာတောင် "အရေပြားတွေ လျော့တွဲကျနေတဲ့ အဖွားက သွားဖုံးတွေပဲ ခပ်ထင်းထင်းပေါ်နေတော့တဲ့ ပါးစပ်လေးနဲ့ သူ့ကို ရယ်ပြလာတော့ Baekhyun အတူလိုက်မရယ်မိဘဲကို မနေနိုင်ဘူး ။ ဘေးနားက အဖွားရဲ့ သမီးဖြစ်သူကတော့ Baekhyun ရဲ့ ညင်သာတဲ့ လုပ်ပုံကိုင်ပုံလေးတွေကို ကြည့်ပြီး ပြုံးနေတော့တာပဲ ။
" ကျွန်တော် အဖွားအတွက် အားဆေးပေးခဲ့မယ်နော်
ညမအိပ်ခင် တစ်ရက်တစ်လုံးစီ သောက်ပေးရင် ရပါပြီ "" ဟုတ်ကဲ့ပါ ဒေါက်တာလေးရယ်
ကျေးဇူးတင်ပါတယ် "" အဟား ၊ ဒေါက်တာမဟုတ်သေးပါဘူးဗျာ
ဆေးကျောင်းသားအဆင့်ပဲ ရှိသေးတာပါ "ဘေးက အန်တီကတော့ သူ့ကိုပြုံးပြီး ကြည့်နေတုန်းပဲ ။
အရွှန်းဖောက်ပြီး ပြောတတ်တဲ့ ဒေါက်တာလေးက မျက်နှာလေးရော စကားလုံးလေးတွေကရော ချိုသာလွန်းနေတာမို့ သဘောမကျချင်စရာကို မရှိဘူး ။ သူမမှာ သမီးမိန်းကလေးရှိရင်တော့ တကယ် သမက်တော်လိုက်ချင်တယ် ။
" ဟေး Baekhyun ပြီးပြီလား "
ခြံဝကနေ လှမ်းအသံပေးလာတဲ့ Yixing ကြောင့် Baekhyun ခေါင်းငြိမ့်ပြပြီး ဆေးပစ္စည်းအိတ်လေးကို အမြန်ပဲ ယူသိမ်းလိုက်ရတယ် ။
" ဒါဆို ကျွန်တော့်ကို ခွင့်ပြုပါဦး "
" ဟုတ်ကဲ့ ဒေါက်တာလေး "
ဂျူတီကုတ်အဖြူလေးနဲ့ ဆေးအိတ်အနက်လေးကို ဘေးတစ်ဖက်မှာလွယ် နားကြပ်လေးကို ဂုတ်မှာဆွဲရင်း Baekhyun ခြံထဲက ထွက်လာတော့ အသင့်စောင့်နေတဲ့ Xing က ရေဘူးတစ်ပုလင်း ကမ်းပေးလာတယ် ။
YOU ARE READING
This Mafia Fall In You [ ဒီမာဖီးယားကတော့ မင်းဆီမှာ ကျဆုံးသွားပြီ ]
Romanceရုတ်ရင့်ကြမ်းတမ်းတဲ့ Mafia တစ်ယောက် အချစ်မှာ နစ်မြောသွားတဲ့အခါ ...( OC မဟုတ်ပါ OTP fiction ပါ ) Warning - Sexual contect alert ❗