رحمة سند

اعلان

رحمة سند..
بقلمي رسل..
واتباد rasolaa7
مشهد..

الذكريات هي من ابشع الكوابيس
ما بالك بذكريات قاسية
كـ نهش لحم مظلوم
كـ طعن ظهر صديق
كـ خيانه من هم اقرب اليك من نفسك
كـ انعدام روح بريئة
ونزف جرح ندوبه لا تشفى..

-دخل هو من شاف دموعي التفت على
زهراء.. خير؟!..

-هي تنهدت.. اكعد خوية سالفتنا طويلة..

-اني كلمة ما حجيت ما جانت عندي الجرأة
اباوع بوجهه خجلانه على خايفة على
قلق اريد بس كون اختفي ولا تنطق اختي
بالشيء الي ما اعرف شنو الي راح يصير
وره ما تحجي..

-من حسيت بوقت الحقيقة قرب شهكاتي
زادت هو باوع بقلق وصاح.. احجي خوفتيني
شكو شبيجن؟!..

-هي بدون مقدمات حجت.. شاكين بيها حامل..

-قاطعها وكانو ينفي الي سمعه ويباوع
بالوجوه..منو؟!..

-رحمة..

-كانو طلقة وصابته مو كلمة انتهيت من البجي
ابجي على مصيبتي وضياعي
لو على فضيحتي كدامه هو طفر على حيله
ايده على زنودي ويهز بيه..

-صدك تحجي اختج ضحك باستهزاء
انتي مستوعبة الي تحجينه رجع حجه
بكلب محروك وهو مستمر يهز بيه..

-ليش
وشلون
واني اكول ليش ترفضني طلعت لاعبه
لعب وما تريد احد يعرف..

-لج انتي شنو من بشر بس فهميني
ما خفتي من اهلج لوما صاروا كبال عينج
ربج ما خفتي منه شلون باجر توكفين كباله
بيا وجهه..

-ضرب التخم بيده بقوة ويستغفر ويفرك
بوجهه عيونه صارن حمر وهالشيء زاد
الرعب بيه بس دموعي تصب وهو احس
روحه فرفحت..

-رجع كعد كبالي.. لج زنا هذا يعني انتي
هسه زانيه استغفرك ربي ولج طايحة
الحظ ما خفتي من ربج
زنا هذا زنا تعرفين لو لا..

-خليت ايدي على حلكي امنع صوت شهكاتي
وجسمي يرحف من عصبيته باي لحظة
يذبحني على هذا غضبه كوه طلع الكلام.. مو هيج
والله مو هيج..

-هو صاح بصوت عالي وحركة كلب.. لج شنو
مو هيج لعد منين حامل من الحايط....

هي تقول..

الهي وجئتك اشكو الما
من عبادك عانيت ظلما
ولكنك جعلت لي مخرجا
و رحمتني من عبادك بسنداً..

النشر ان شاء الله بعدما اكتبها حتى اشبعكم
بارتات..

القصة حقيقية موضوعها حساس تختلف عن كل
قصصي القصة ينطبق عليها قضية اغتصاب
وراح تحبونها اكيد اريد تفاعلكم عليها
سووا تاك لاصدقاءكم
وتحفظونها
بالمكتبة وان شاء الله بس اكملها انشر..

التصميم من ابداع زهورة وكانو جسدت
القصة بيهم❤️ Zahraax1

اللهم صل على محمد وال محمد❤️