رحمة سند

البارت الثاني

رحمة سند..
بقلمي رسل..
البارت الثاني..
واتباد rasolaa7

إن في الحياة فترات إنتقالية
لا يمكن اجتيازها
دون أن يموت شيء ما بداخلك..

-لا والله مو هيج هو والله هو اريد اكمل ما اكدر
نظراته تخوف وعاقد حواجبه واصلا شكله ما
صدك الي حجيته جنت اجر بالكلام جر هو صاح..

-لج بريء منج الله لا تكولين والله..

-سكت شوي ورجع حجه.. اي بلا احجي فهميني
شنو السالفة اذا تكولين مو هيج لعد منين حامل من
الحايط..

-بجيت هو صاح.. لا تبجين الخاطر الله لا تبجين
فهميني عوفي البجي واحجي..

-زهراء راحت يمه.. خويه بس صلي على النبي
واهدا شلون تحجي وانت تصيح عليها..

-شنو اهدا انتي مو تفجرين القنبله وتالي تسكتيني
مو تكولين شاكين بيها يعني شنو
يعني لاعبه لعب لما كايله بس..

-احس تعبت من البجي باوعت على زهراء ج
باسى كلامه ثكيل كلش همست.. اغتصبني
هو والله هو..

-التفت عليه بغضب.. علي صوتج لا تنخرسين..

-اغتصبني حجيتها وانفجرت بالبجي هو ابتسم
باستهزاء.. اي بلا شلون..

-كعد واشرلي اكعد جنت مدنكه واحجي حجيت
كل السالفة من صديقتي لذاك العار وشلون اتفقوا
عليه وهو اسمعه بس يتنهد من كملت ما اسمع
غير بصوت ضحك جان يضحك واحس هالشيء
ملح على جروحي اصلا اني عرفت محد
راح يصدكني..

-رحمة تعرفين شجاي تحجين ولج هسه لو تجيبين
طفل وتكليله هيج هم ما راح يصدك احجي غيرها
الي كبالج مو زوج..

-والله هذا الي صار والله ما جذبت حجيتها والتفتت
على زهراء كله منها هي الي خلتني احجي وهاي وصار الي متوقع اكيد مراح يصدك هو كال..

-والحمل ترى ما يصير من مرة وحده لا تخبليني
رحمة اي ليش تخليني ادوس بالحجي..

-صار هدوء شوي ما ينسمع غير بس صوته يستغفر بصوت مسموع شوي وكام.. كومي وياي..

-اني تخبلت بجيت بقله حيله.. وين ما اروح وياك
الله عليك لاتفضحني احلفك بالله وباعز شيء عندك..

-هو جان صافن عليه تنهد.. كومي بابا كومي انتي عرضي ومو رجال المايصون عرضه..

-راح يم زهراء وما اعرف شنو حجه وياها وهي هزت راسها بالموافقة تنهدت وحركه بكلبي شكبرها الموقف الي انحطيت بي ما اتمناه لعدوي والله لسمرا نفسها ماتمناه شعور حقير كلش
موقف يهد جبال ويطفي الحياة بعيونا..

-طلعت ويا واباوع من الجام دخلنا بالحارثيه وعياداتها المزدحمة خليت عيني بعيونه هو كانو
عرف الي اريد اكوله لهذا كال..مو شاكين خلينا
نتاكد..